YES ᓄᓇᕕᒃ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓ ᐱᒋᐊᕐᑎᑕᐅᓂᖓ

ᑐᓴᕋᑦᓭᑦ
ᑐᓴᕐᑕᐅᑲᐱᒋᐊᓖᑦ

YES ᓄᓇᕕᒃ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓ ᐱᒋᐊᕐᑎᑕᐅᓂᖓ

ᑰᑦᔪᐊᖅ, ᔫᓂ 22, 2021 — ᐊᓕᐊᓕᕐᖁᒍᑦ ᐅᕕᒃᑫᑦ ᐱᓇᓱᒐᑦᓴᓯᐅᕐᓂᑎᒍᑦ ᐃᑲᔪᕐᑕᐅᕕᖓ YES ᓄᓇᕕᐅᑉ ᐱᓇᓱᐊᖃᑎᒌᑦᑎᖏᑦ ᑕᑯᑎᑦᓯᒪᑕ ᓄᑖᒥ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒻᒥᒃ! ᐃᓘᓐᓀᓂᒃ ᓄᓇᕕᒻᒥ ᑭᒡᒐᑐᕐᑕᐅᕕᓐᓂᒃ ᐊᒻᒪᓗ ᑐᑭᓯᐅᑎᑦᓴᓂᒃ ᐊᑐᐃᓐᓇᓯᐊᒍᑎᓪᓗᒋᑦ ᐊᓪᓚᓗᒍ ᐅᓇ ᓯᓚᑕᖓ: yesnunavik.com.

ᐱᓇᓱᒐᑦᓴᓂᒃ ᕿᓂᕈᑎᒃ

YES ᓄᓇᕕᒻᒥ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᒃ ᓴᓇᕐᕈᑎᑦᓯᐊᖅ ᐃᑲᔪᕐᓯᒍᓐᓇᓱᓂ ᐅᕕᒃᑲᓂᒃ ᖃᐅᔨᒋᐊᕐᑎᓗᒋᑦ ᐱᑦᓯᐊᕈᓐᓇᐅᑎᒥᓂᒃ, ᐃᑲᔪᕐᑎᓴᓂᒃ, ᐊᒻᒪᓗ ᖃᐅᔨᒪᓂᕆᒋᐊᓕᒥᓂᒃ ᐅᓪᓗᒥ ᐱᓇᓱᐊᕋᑦᓭᑦ ᐊᓯᑦᔨᑐᕐᐸᓕᐊᑎᓪᓗᒋᑦ. ᑕᑯᒍᓐᓇᒥᔪᑎᑦ ᐱᓇᓱᒐᑦᓴᓂᒃ ᓂᕕᖓᑎᑕᕐᑎᓂᒃ ᑎᒥᓂᑦ ᐱᓯᒪᑎᓪᓗᒋᑦ ᐱᓇᓱᑦᑎᓂᒃ ᕿᓂᕐᑐᓂᑦ ᐊᒻᒪᓗ ᑕᒐᑕᒐ ᐃᓄᓐᓂᒃ ᑭᖕᖒᒪᑦᓯᓱᑎᒃ.

ᐃᓕᓴᕋᑦᓴᓂᒃ ᐱᒋᐅᕐᓴᕋᑦᓴᓂᒃ ᕿᓂᕈᑎᒃ

ᑌᒪᑦᑕᐅᖅ, yesnunavik.com ᐱᐅᓂᕐᐸᐅᓗᓂ ᖃᐅᔨᕕᐅᒍᓐᓇᑐᖅ ᐃᓕᓴᕐᑕᐅᔪᑦᓴᓂᒃ, ᐃᓕᓴᕐᓂᓂᒃ ᐊᒻᒪᓗ ᓇᓗᓀᕐᓯᒪᕕᐅᑦᓱᓂ ᐊᑦᔨᒌᖕᖏᑐᓂᒃ YES ᑲᑎᒪᑎᑦᓯᓂᖏᓐᓂᒃ ᐅᕕᒃᑲᓄᑦ ᐃᓕᖓᑦᓯᐊᑎᓪᓗᒋᑦ ᓴᐳᑦᔨᐅᑎᑦᓴᓄᑦ ᐅᕕᒃᑲᓂᒃ ᐱᒋᐊᕐᑎᓯᒍᒪᔪᓂᒃ ᑮᓇᐅᑦᔭᕋᓱᐊᕐᕕᓴᒥᓂᒃ.

-30-
ᑐᑭᓯᐅᑎᑦᓭᑦ ᐅᕕᒃᑫᑦ ᐱᓇᓱᒐᑦᓴᑎᒍᑦ ᑭᒡᒐᑐᕐᑕᐅᒍᑎᖏᓐᓂᒃ (YES) ᓄᓇᕕᒻᒧᑦ:

ᐃᓕᒃᑰᓱᓂ ᐱᓇᓱᒐᖅ ᐃᖏᕐᕋᑎᑕᖓ ᑲᔪᓯᖏᓐᓇᓚᖓᔪᓂᒃ ᐱᓇᓱᒐᑦᓴᖃᕐᑎᓯᓂᕐᓄᑦ ᐱᓇᓱᕝᕕᖓᑕ ᑫᐋᔩᑉ, YES ᓄᓇᕕᒃ ᒪᓂᔨᓲᖅ ᐊᑦᔨᒌᖕᖏᑐᓂᒃ ᑭᒡᒐᑐᕈᑎᓂᒃ ᐅᕕᒃᑲᓂᒃ ᐅᑭᐅᓕᓐᓂᒃ 16-ᓂᑦ 35-ᓄᑦ ᐃᓚᐅᑎᓪᓗᒋᑦ ᐱᓇᓱᐊᕈᒪᔪᑦ ᐊᒻᒪᓗ ᐃᓕᓐᓂᐊᕈᒪᔪᑦ ᑭᖕᖒᒪᔭᖏᓐᓂᒃ ᖃᐅᔨᓴᕐᓃᑦ, ᐊᑕᐅᓯᐅᑦᑎᑐᑦ ᐊᐅᓚᑦᔭᕆᐊᓚᖓᔭᖏᑦᑕ ᐸᕐᓀᒍᑎᖏᓐᓄᒃ ᓄᐃᑦᓯᓂᕐᓄᑦ ᐊᒻᒪᓗ ᐱᓇᓱᒐᑦᓴᓯᐅᕐᑎᓗᒋᑦ ᓴᐳᑦᔨᓱᒋᑦ. ᐊᕐᖁᑎᒋᑦᓱᒋᑦ ᐊᑦᔨᒌᖕᖏᑐᑦ ᐱᓇᓱᒉᑦ ᐊᒻᒪᓗ ᐱᓇᓱᐊᖃᑎᒌᒍᑏᑦ, YES ᓄᓇᕕᒃ ᑐᕌᒐᓕᒃ ᐃᑲᔪᕐᓯᓂᕐᒥᒃ ᐅᕕᒃᑲᓂᒃ ᐃᓕᐅᕐᖃᑎᓗᒋᑦ ᐱᓇᓱᒐᕐᓄᑦ, ᑫᓪᓗᑐᕐᓱᒋᓪᓗ ᐃᓕᓴᕐᓂᒥᒃ ᑲᔪᓯᒍᓐᓇᓯᖁᒧᑦ ᐃᓕᓴᕐᓂᒥᓂᒃ ᐱᕙᓪᓖᒋᐊᓕᕐᕿᓗᑎᒃ. ᐱᒐᓱᐊᕐᑕᕗᑦ ᐃᓚᓖᑦ ᒪᓂᔨᓯᒪᓂᕐᒥᒃ ᓈᒻᒪᑐᓂᒃ ᑐᑭᓯᐅᑎᑦᓴᓂᒃ ᐊᒻᒪᓗ ᓴᐳᑦᔨᐅᑎᓂᒃ ᐅᕕᒃᑫᑦ ᑐᓴᐅᒪᑦᓯᐊᓗᑎᒃ ᓇᓪᓕᑳᑦᓯᐊᖃᑦᑕᖁᒧᑦ ᐃᓕᓴᕐᓂᒥᓄᐊᖓᔪᓂᒃ, ᐱᒋᐅᕐᓴᓂᕐᒥᓄᐊᖓᔪᓂᒃ ᐊᒻᒪᓗ ᐱᓇᓱᒐᑦᓴᒥᓄᑦ ᐱᕈᕐᐸᓕᐊᑦᓯᐊᓗᑎᒃ ᓄᓇᓕᒥᓄᑦ ᐃᓚᐅᓂᕐᒥᓄᑦ ᑐᓂᕐᕈᓯᒍᓐᓇᓯᓗᑎᒃ.

ᐅᕙᑦᑎᓄᑦ ᐊᓪᓚᒋᑦᓯ ᐅᕗᖓ: yesnunavik@krg.ca

ᐊᓪᓚᕕᑦᑕ ᐅᒃᑯᐃᖔᕐᕕᒋᓲᖓ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ 9-ᒥᑦ ᐅᓪᓛᑯᑦ 12-ᒧᑦ ᐅᓪᓗᑯᑦ ᐊᒻᒪᓗ 1-ᒥᑦ 5-ᒧᑦ.

ᐅᖓᕙᒥ:

851 ᑫᕕᕝᕕᒃ ᐊᕐᖁᑎᒃ,

P.O. Box 269. 

ᑰᑦᔪᐊᖅ, ᑯᐯᒃ J0M 1C0

ᐅᖄᒍᑎᖓ: 819-964-2961

ᑕᓯᐅᔭᕐᔪᐊᒥ:

ᐃᓪᓘᑉ ᑭᑎᑦᔪᑎᖓ 742, 

P.O. Box 448, 

ᐃᓄᑦᔪᐊᖅ, ᑯᐯᒃ, J0M 1M0

ᐅᖄᒍᑎᖓ: 819-254-0408