ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ - ᐱᓇᓱᑦᑎᓯᓂᕐᒧᑦ ᐊᖏᖃᑎᒌᒍᑏᑦ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐊᖓᔪᕐᖄᖃᕐᓱᓂ ᐱᓇᓱᑦᑎᓯᓂᕐᒧᑦ ᐊᖏᖃᑎᒌᒍᑏᑦ ᒪᓕᒐᖏᓐᓅᓕᖓᔪᓂᒃ ᑲᒪᔨᒥᒃ, ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ - ᐱᓇᓱᑦᑎᓯᓂᕐᒧᑦ ᐊᖏᖃᑎᒌᒍᑏᑦ ᑲᒪᒋᔭᐅᓂᖏᓐᓂᑦ ᐃᑲᔪᕐᓯᒪᓲᖅ ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᓂᒃᑯᑦ ᓄᐃᑕᐅᒋᐊᓕᓐᓂᑦ ᐊᑭᑭᑦᓱᓕᕋᐅᑎᒍᑎᓂᒃ ᐱᓇᓱᑦᑎᓯᓂᕐᒧᓗ ᐊᖏᖃᑎᒌᒍᑏᑦ ᑲᒪᒋᔭᐅᓂᖏᓐᓂᑦ.  ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ - ᐱᓇᓱᑦᑎᓯᓂᕐᒧᑦ ᐊᖏᖃᑎᒌᒍᑏᑦ ᑲᒪᒋᔭᐅᓂᖏᓐᓄᑦ ᐊᑐᐃᓐᓇᕈᕐᑎᕆᒋᐊᖃᕐᒥᔪᖅ ᐊᒡᓚᓯᒪᔪᖁᑎᐅᒋᐊᓕᓐᓂᒃ ᐱᓇᓱᑦᑕᐅᒋᐊᓕᓕᒫᓂᑦ ᐊᖏᖃᑎᒌᓐᓂᒧᑦ ᐱᓇᓱᑦᑎᓯᓂᕐᒧᑦ ᑎᑭᐅᑎᒍᑎᐅᒋᐊᓕᓕᒫᓂᒃ.

ᐃᓂᖓ ᐱᓇᓱᐊᕆᐊᓕᖏᓪᓗ:

·     ᐊᒡᓚᓯᒪᔪᖁᑎᐅᒋᐊᓖᑦ ᐊᑐᐃᓐᓇᕈᕐᑎᓗᒋᑦ ᐱᓇᓱᑦᑎᓯᓂᕐᒧᑦ ᐊᖏᖃᑎᒌᒍᑏᑦ ᑲᒪᒋᔭᐅᒍᓯᖏᓐᓂᑦ ᑌᒃᑯᐊᓗ ᐊᖏᖃᑎᒌᖃᑎᐅᓯᔪᑦ ᐊᒡᓚᓯᒪᔪᓕᐊᖏᑦᑕ ᓱᓪᓕᑕᐅᓂᖏᑦ ᓇᓗᓀᕐᓗᒋᑦ, ᒪᓕᓪᓗᒋᑦ ᐊᑐᕐᑎᑕᐅᔪᓕᒫᑦ ᐱᖁᔦᑦ, ᒪᓕᑦᑕᐅᒋᐊᓖᑦ, ᖃᓄᐃᓘᖁᔨᒍᑏᑦ ᐊᒻᒪᓗ ᒪᓕᒉᑦ;

·     ᐱᓇᓱᓐᓂᒧᑦ ᐊᖏᖃᑎᒌᒍᑎᓂᒃ ᑲᒪᔨᐅᓗᓂ, ᐃᓚᐅᑎᓪᓗᒋᑦ ᖃᓄᓪᓗᐊᑎᒋ ᓱᓕ ᐱᓇᓱᐊᕆᐊᖃᕐᒪᖔᑕ, ᐅᓪᓗᖏᑦ ᐱᔭᕇᕐᓯᒪᕕᐅᒋᐊᓖᑦ ᐊᒻᒪᓗ ᐱᓇᓱᓐᓂᒧᑦ ᐊᖏᖃᑎᒌᒍᑎᓂᒃ ᐃᓱᓕᑦᑎᓯᒍᑏᑦ;

·     ᐱᓇᓱᖃᑎᒋᓗᒋᑦ ᐊᐅᓚᑦᓯᓂᓕᕆᔨᖏᑦ ᑐᑦᓯᕋᐅᑎᓖᑦ, ᐊᑐᐃᓐᓇᕈᕐᑎᓗᒋᑦ ᐊᑭᑭᑦᓱᓕᕋᐅᑎᑎᑦᓯᒍᑎᑦᓭᑦ ᐊᒡᓚᓯᒪᔪᖁᑎᖏᑦ;

·     ᐱᓇᓱᖃᑎᐅᓗᓂ ᐊᑭᑭᑦᓱᓕᕋᐅᑎᑎᑦᓯᒍᑏᑦ ᑲᒪᒋᔭᐅᓂᖏᓐᓂᒃ, ᒪᓕᓪᓗᑎᒃ ᐅᓪᓗᖏᓐᓂᒃ ᑭᖑᓪᓕᐸᐅᑎᑕᐅᔪᓂᒃ ᒪᓂᔨᓂᕐᒧᑦ, ᐱᓪᓗᑯᒋᐊᓕᑦᑎᒍᑦ ᐊᑦᔨᒌᖕᖏᑐᓄᑦ ᐱᒍᑦᔨᐅᑎᓂᒃ ᐱᑕᖃᕐᑎᓯᓲᓄᑦ ᐊᐱᕐᓲᑎᐅᔪᓂᒃ ᑭᐅᖃᑦᑕᓗᓂ, ᐃᑉᐱᒋᖏᓐᓇᓗᒋᓪᓗ ᒪᓕᑦᑕᐅᒋᐊᓖᑦ ᐃᓕᓴᕐᓂᓕᕆᓂᕐᒧᑦ ᒪᓕᑦᑕᐅᓂᖏᑦ ᐊᒻᒪᓗ ᐱᓇᓱᑦᑎᓯᒍᓯᐅᓂᐊᕐᓱᓂ ᑐᑭᑖᕐᑕᐅᔪᕕᓂᖅ ᐃᑉᐱᒋᒻᒥᓗᒍ.  ᐃᓓᒋᐊᕈᑎᓂᒃ ᐊᒡᓚᓯᒪᔪᓕᐅᕆᐊᖕᖓᓗᓂ ᒪᓕᑦᑕᐅᒋᐊᓖᑦ ᐊᑐᕐᑎᑕᐅᔪᑦ ᒪᓕᓪᓗᒋᑦ;

·     ᐱᓇᓱᒋᐊᓪᓚᒍᑏᑦ ᐊᒡᓚᓯᒪᔪᖏᑦ ᐱᔭᕇᕐᓗᒋᑦ ᐊᒻᒪᓗ ᐊᑭᑭᓐᓂᐸᐅᒋᐊᕈᑎᕕᓃᑦ ᐃᓱᓕᑦᑎᓗᒋᑦ;

·     ᐊᕐᕌᒍᑕᒫᖅ ᐱᓇᓱᖃᑎᐅᖃᑦᑕᓗᓂ ᐱᓇᓱᑦᑎᓯᒍᑏᑦ, ᑐᑦᓯᕋᐅᑎᐅᓯᒪᔪᑦ ᐃᓕᓴᕐᓂᓕᕆᔨᒧᑦ ᑲᒪᒋᔭᐅᓂᖏᓐᓂᒃ ᑐᑭᓯᒪᐅᑎᑦᓭᑦ ᐊᑐᐃᓐᓇᕈᕐᑕᐅᓂᖏᓐᓂᑦ, ᐱᓇᓱᕝᕕᒥᑦ ᐱᑕᖃᕆᐊᓖᑦ, ᐊᕐᕌᒍᑕᒫᖅ ᑐᓴᕐᑎᓯᐅᑎᓂᑦ ᐊᓯᖏᓐᓂᓘᓐᓃᑦ;

·     ᐊᑭᓕᕐᓗᒋᑦ ᐊᑭᓕᕋᑦᓭᑦ Secrétariat du Conseil du trésor -ᑯᓐᓄᑦ.

·     ᖁᓛᓂ ᐊᓪᓚᓯᒪᔪᑦ ᐱᔭᑦᓭᑦ ᐱᓇᓱᑦᑕᐅᕆᐊᓖᓪᓗ ᓀᓪᓕᑎᕐᓯᒪᔪᑦ ᑐᑭᓯᓇᕐᑎᑕᐅᓯᒪᑦᓱᑎᓪᓗ. ᐃᓗᐃᑦᑑᖏᑦᑐᐃᑦ ᑐᑭᓯᓇᕐᑎᓯᒐᑎᓪᓗ ᐃᓘᓐᓇᖏᓐᓂᒃ ᐱᓇᓱᐊᕐᑕᐅᕆᐊᓕᓐᓂᒃ ᐱᔭᑦᓴᕆᔭᐅᕆᐊᓕᓐᓂᓗ ᐱᓇᓱᒐᕐᒥᒃ ᐱᓂᐊᕐᓂᕆᕆᐊᓕᖏᓐᓂᒃ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐱᔭᕇᒍᑎᑖᕐᓯᒪᓗᓂ ᐊᐅᓚᑦᓯᓂᓕᕆᓂᕐᒥ, ᑎᑭᓭᓂᓕᕆᓂᕐᒥ ᐅᕝᕙᓘᓐᓃᑦ ᐊᓯᐊᓂᒃ ᐱᓇᓱᒐᕐᒥᒃ ᓇᓪᓕᖁᐊᕆᔭᐅᒋᐊᖓ ᐃᓕᑕᕆᔭᐅᔪᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·     ᐊᕐᕌᒎᓐᓂᒃ ᒪᕐᕉᓂᒃ (2) ᐃᑭᓐᓂᓴᐅᖕᖏᑐᓂᒃ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ ᐊᐅᓚᑦᓯᓂᓕᕆᓂᕐᒥ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᓐᓂᒧᑦ ᐊᖏᖃᑎᒌᒍᑎᓂᒃ ᑲᒪᔨᐅᓂᕐᒥᒃ;

·     ᐊᑐᐊᕐᓯᒍᓐᓇᕆᐊᓕᒃ, ᐊᓪᓚᒍᓐᓇᓗᓂ ᑐᑭᓯᐊᓗᓂᓪᓗ ᐅᐃᒍᐃᑎᑐᑦ;

·     ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ ᐊᑭᑭᑦᓱᓕᕋᐅᑎᑎᑦᓯᒍᑎᓂᒃ ᐊᑭᑭᓐᓂᐸᐅᓕᔪᓕᕆᓂᕐᒥᓗ (ᐊᒡᓚᓯᒪᔪᓕᐅᕆᐊᖕᖓᓂᕐᓂᒃ, ᑐᑭᓯᒐᓱᐊᕐᓂᓂᒃ, ᑲᒪᒋᔭᖃᕐᓂᓂᒃ, ᐊᓯᖏᓐᓂᓗ.);

·     ᖃᐅᔨᒪᓗᓂ Microsoft Office System, ᐱᓗᐊᕐᑐᖅ Word ᐊᒻᒪᓗ Excel ᖃᕆᑕᐅᔭᒃᑯᑎ ᐱᓇᓱᒍᑎᓂᒃ;

ᐱᐅᔪᖁᑎᒋᔦᑦ :

·     ᖃᐅᔨᒪᓗᓂ ᐱᖁᔭᕐᒥᒃ ᐱᑦᔪᑎᓕᒻᒥᒃ ᐊᖏᖃᑎᒌᒍᑎᒃᑯᑦ ᐱᓇᓱᑦᑎᓯᓂᕐᓂᒃ ᓇᐅᓕᒫᓅᓕᖓᔪᓂᑦ ᐱᓇᓱᐊᕐᕕᓂᑦ ᒪᓕᒐᖏᓐᓂᓗ;

·     ᖃᐅᔨᒪᑦᓯᐊᓗᓂ GETS ᐱᓇᓱᒍᑎᒥᒃ ᐊᒻᒪᓗ Conseil du Trésor-ᑯᑦ ᓇᐅᓕᒫᓅᓕᖓᔪᓂᒃ ᓂᐅᕕᕈᑎᓂᒃ ᐱᓇᓱᒍᑎᖓᓂᒃ Extranet -ᒥᒃ.

ᑫᕙᓪᓚᒍᓯᕆᒐᔭᕐᑕᖏᑦ: 35-ᓂᑦ ᑫᕙᓪᓚᒍᓯᕐᓂᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4211-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $27.75-ᓂᑦ $37.04-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.