ᐃᑲᔪᕐᑎᒪᕆᒃ - KI

ᑲᑎᕕᒃ ᐃᓕᓴᕐᓂᓕᕆᓂᖅ (KI) ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᖏᓐᓂ ᐊᓪᓚᕕᒻᒪᕆᖓ.

ᑖᓐᓇ ᐱᓇᓱᒐᖅ ᑲᒪᒋᔭᖃᕆᐊᓕᒃ ᐱᓗᐊᕐᑐᒥ, ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓐᓂ ᐊᒻᒪᓗ ᐊᐅᓚᑕᐅᓂᓕᕆᓂᓕᒫᖏᓐᓂ ᐱᓇᓱᑦᑐᓕᕆᕕᒻᒥ.

ᐃᓂᖓ ᐱᓇᓱᐊᒋᐊᓕᖏᓪᓗ:

ᐊᖓᔪᕐᖃᖃᕐᓗᓂ ᑐᑭᒧᐊᑦᑎᓯᔨᖓᓂ ᐱᓇᓱᑦᑐᓕᕆᕕᒻᒥ ᑮᓇᐅᑦᔭᓵᓕᕆᕕᒻᒥᓗ, ᒪᑯᐊ ᐱᓇᓱᐊᕋᑦᓴᕆᒋᐊᓕᖏᑦ, ᐱᓗᐊᕐᑐᒥ:

·       ᐊᑕᐅᑦᓯᑰᑦᓯᔨᐅᓗᓂ ᐊᑐᐃᓐᓇᕈᕐᑎᕆᓂᕐᒥ ᐃᑲᔪᕐᑎᒪᕇᑦ ᑕᑯᓂᑦᓴᖏᓐᓂ, ᑲᑎᒪᓂᑦᓴᖏᓐᓂ, ᐱᒋᐅᕐᓭᓂᕐᓂᒃ, ᐊᐅᓪᓚᓂᑦᓴᖏᓐᓂᓗ, ᐊᒻᒪᓗ ᓱᕐᖁᐃᑐᕐᓗᓂ ᐊᑑᑎᔭᐅᒋᐊᓕᓕᒫᓂᒃ ᓈᒻᒪᓈᑦᓯᐊᑐᒃᑯ ᐱᕕᑦᓴᕆᒋᐊᓕᒥᑕ ᐊᐅᓚᑕᐅᓂᖏᓐᓂ:

·       ᐱᖃᕐᑎᓯᓗᓂ ᐊᐅᓚᑦᓯᓂᓕᕆᓂᕐᒥ ᓴᐳᑦᔭᐅᒋᐊᖃᕐᓂᖏᓐᓂ ᑮᓇᐅᔭᕐᑐᕈᑎᐅᔪᓕᒫᓂ, ᐃᓚᒋᔭᐅᑎᓪᓗᒋᑦ ᑮᓇᐅᔭᓕᕆᔭᐅᓂᖏᓐᓂ ᐊᓪᓚᖁᑎᖕᖑᑎᑕᐅᓂᖏ ᐊᓪᓚᖁᑎᖃᐅᑎᒨᔭᕐᑕᐅᓂᖏᓐᓂᓗ( ᓯᑯᑦᓴᔭᒨᔭᕐᑕᐅᓂᖏᑦ ᖃᕆᑕᐅᔭᒃᑯᓗ ᐊᓪᓚᖁᑎᖃᐅᑎᖏᓐᓄ) ᐊᒻᒪᓗ ᐱᓇᓱᐊᖃᑎᖃᕐᓗᓂᓗ ᑮᓇᐅᔭᓕᕆᔨᓂ;

·       ᐊᑐᐃᓐᓇᕈᕐᑎᕆᔨᐅᓗᓂ ᐆᑦᑑᑎᓂ ᐅᖄᖃᑎᒌᒍᑎᓂᒃ, ᐃᕐᙯᑎᑦᓯᒋᐊᕆᒍᑎᓂ, ᐊᓪᓚᑕᐅᒍᑎᕕᓂᕐᓂ, ᐅᖃᓕᔭᐅᒍᑎᑦᓴᓂᒃ, ᑲᑎᒪᐅᑎᕕᓂᕐᓂᒃ, ᑐᑭᑖᕈᑎᕕᓂᕐᓂᓗ ᐊᓯᖏᓐᓂᓗ;

·       ᑐᖕᖓᕕᒋᔭᐅᓗᓂ ᐊᓪᓚᕕᐅᕙᓪᓗᓂ ᐱᓇᓱᑦᑎᓄ ᐃᓕᓴᕐᓂᓕᕆᓂᕐᒥ ᓯᓚᑖᓂᓗ ᐱᓇᓱᑦᑎᓄ, ᐃᓚᒋᔭᐅᑎᓪᓗᒋ ᓂᐅᕕᕐᑎᓯᔨᓂ, ᐱᓇᓱᐊᑎᒥᓐᓂ, ᐱᓇᓱᒍᑦᔨᔭᒥᓂ, ᐊᓯᖏᓐᓂᓗ

·       ᐅᓪᓗᖁᑎᖏᓐᓂᓗ ᑲᔪᓯᒃᑫᓯᐊᕐᓗᓂ ᐊᐅᓚᑦᓯᓂᓕᕆᓂᐅᑉ ᐊᐅᓚᑦᓯᔨᐅᓪᓗ ᐊᒻᒪᓗ ᐃᕐᙯᑎᑦᓯᒋᐊᑎᐅᓗᓂ ᐱᓇᓱᑦᑎᒥᓂᒃ ᒋᐊᖃᓕᑉᐸᑕ;

·       ᑐᑭᒧᐊᑦᑎᓯᓂᖅ ᐱᓇᓱᒋᐊᖕᖓᒐᓱᐊᕐᑐᓄᑦ ᓱᖃᑦᓯᐅᑎᑦᓴᖏᓐᓂᒃ;

·       ᑲᒪᒋᖃᑦᑕᓗᒋᑦ ᑮᓇᐅᔭᕐᑐᕈᑎᕕᓃᑦ ᑐᓴᕐᑎᓯᐅᑎᖏᑦ ᐊᒻᒪᓗ ᐋᕐᕿᓱᖃᑦᑕᓗᒋᑦ ᓂᐅᕕᕈᑎᕕᓃᑦ ᑲᒻᐸᓂᐅᑉ ᓂᐅᕕᕈᑎᖏᑦᑕ ᐊᓪᓚᓯᒪᔪᖁᑎᖏᓐᓄᑦ;

·       ᓯᕗᓕᕐᓗᓂ ᖃᐅᔨᓴᕐᑕᐅᒋᐊᓕᓐᓂ ᐊᒻᒪᓗ ᓴᓇᔭᐅᓂᖏᓐᓂ ᐊᓪᓚᖁᑎᓕᐊᕕᓂᕐᓂ ᐊᑦᔨᒌᖕᖏᑐᓂ ᐅᖃᐅᓯᑦᓴᕆᔭᐅᔪᓂ ᑮᖕᖒᒪᒋᔭᖏᓐᓂ ᐊᖓᔪᕐᖄᒥᑕ;

·       ᑐᓴᐅᒪᔭᐅᑎᑦᓯᑌᓕᓗᓂ ᑐᓴᐅᒪᔭᐅᒋᐊᖃᖕᖏᑐᑦᓴᔭᓂ ᑭᓇᑐᐃᓐᓇᑯᓐᓄᑦ;

·       ᑲᒪᒋᔭᑦᓴᖃᕐᓗᓂ ᐊᑦᔨᒌᖕᖏᑐᓂ ᓱᒋᐊᕈᑎᖃᕆᐊᖃᓕᕈᓂ ᐊᐅᓚᑦᓯᓂᓕᕆᕐᒧᐊᓕᖓᔪᓂ ᐊᑑᑎᔭᐅᒋᐊᓕᓐᓂ( ᐊᓪᓚᖁᑎᓂᖏᓐᓂ ᐊᑕᐅᑦᓯᑰᕐᑎᓯᔨᐅᑉ, ᐱᒍᑦᔨᕕᐅᑉ ᐊᓯᖏᓐᓂᓗI.);

·       ᐃᓚᐅᖃᑦᑕᓗᓂ ᓇᓗᓀᔦᓃᑦ ᐱᕕᑦᓴᖃᕈᑎᖏᓐᓂᒃ ᐱᐅᓯᒋᐊᕆᓂᕐᒧᑦ ᐊᐅᓚᑦᓯᓂᓕᕆᓂᐅᑉ ᐊᐅᓚᓂᖏᓐᓄᑦ ᐃᓂᓪᓚᖓᓂᖏᓐᓄᓗ;

·       ᐃᑲᔪᖃᑦᑕᓗᓂ ᑐᑭᒧᐊᕐᑎᑕᐅᓂᖏᓐᓂᒃ ᐱᓇᓱᕝᕖᑦ ᐱᓇᓱᐊᒐᑦᓴᖏᓐᓂᒃ, ᒪᓕᖓᖏᓐᓂᒃ, ᐱᒋᐊᕐᑎᓯᒍᑎᖏᓐᓂᒃ ᐱᓂᐊᕐᓂᖃᕈᑎᖏᓐᓂᓗ;

·       ᑐᑭᒧᐊᑦᑎᓯᓗᓂ, ᐅᖃᐅᑦᔪᐃᖃᑦᑕᓗᓂ, ᐊᐅᓚᑦᓯᖃᑦᑕᓗᓂᓗ ᐱᓇᓱᑦᑎᓂᒃ ᑲᒪᒋᔭᕆᒋᐊᓕᒻᒥᓂᒃ;

·       ᐱᓇᓱᐊᖃᑦᑕᓗᓂ ᓇᓪᓕᑐᐃᓐᓇᖏᓐᓂᒃ ᐱᔭᑦᓴᓂᒃ ᐱᖁᔭᐅᓯᒪᔪᓂᒃ ᐊᖓᔪᕐᖄᕆᔭᕐᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

·       ᐱᔭᕇᕈᓯᕐᓯᒪᒋᐊᓕᒃ ᓯᓚᑦᑐᓴᕐᕕᒥ ᑖᑦᓱᒧᖓ ᐱᓇᓱᒐᑦᓴᒧᐊᓕᖓᔪᓂ ᐃᓕᓐᓂᐊᓯᒪᓂᕃᒍᑎᒥ;

·       ᐊᕐᕌᒍᕐᓂ ᑕᓪᓕᒪᓂ ᐱᓇᓱᐊᕐᓯᒪᒋᐊᓕ ᑖᑦᓱᒧᖓᐅᓕᖓᔪᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᔦᒻᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᓐᓂᖓᓄᑦ (ᐊᖏᖃᑎᒌᓐᓂᒧᑦ) ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐊᒻᒪᓗ ᐊᖏᕐᓯᒪᑐᐊᕐᐸᑦ ᑖᓐᓇ, ᐱᓇᓱᒐᖓᑕ ᖃᓄᐃᓕᖓᓂᖓᓄᑦ ᐃᓚᒋᔭᐅᑎᓪᓗᒍ, ᐃᓕᓐᓂᐊᑎᑕᐅᒍᑎᑦᓴᓂᐊᖑᓯᒪᔪᓂᒃ ᐃᓕᓐᓂᐊᓂᓕᕆᓂᕐᒧᑦ ᐃᓕᓐᓂᐊᖃᑎᐅᓂᐊᕐᓗᓂ.

ᐊᓯᖏᑦ ᐱᔪᓐᓇᐅᑎᒋᒋᐊᔨᖏᑦ:

·       ᐅᖃᐅᓯᖃᕈᓐᓇᓗᓂ ᒪᕐᕉᓂ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᕐᓂ ᐱᖓᓱᐃ ᐊᑐᓲᖏᑦᑕ ᓇᓪᓕᖏᓐᓂ(ᐃᓄᕐᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᑦ);

·       ᐸᕐᓇᓯᑎᐅᓗᓂ, ᐃᓂᓪᓚᑎᕆᓯᑎᐅᓗᓂ, ᐊᒻᒪᓗ ᐅᖄᖃᑎᖃᑦᓯᐊᕈᓐᓇᓗᓂ;

·       ᐊᕐᕕᑕᕈᒪᓂᖃᕐᓗᓂ;

·       ᐱᓇᓱᑦᓯᒪᓗᓂ ᐱᓇᓱᑦᑎᓕᕆᕕᒻᒥᒃ, ᐃᓄᓕᒫᓂᒃ ᐱᓇᓱᕝᕕᒥᑦ, ᑎᒥᕐᓚᒥᓪᓘᓃᑦ ᐱᐅᒋᔭᐅᒐᔭᕐᑐᖅ;

·       ᖃᐅᔨᒪᒍᓂ ᐃᓄᐃᑦ ᐃᓕᕐᖁᓯᖓᓂᒃ ᐱᐅᒋᔭᐅᒐᔭᕐᒥᔪᖅ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-05 ᒪᓕᑦᓱᒋᑦ ᐱᓇᓱᒐᖓᑕ ᖃᓄᐃᓕᖓᓂᖓ ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᔩᑦ:  ᐱᒋᐊᕐᑐᑦ $84,390-ᓂᑦ $112,515-ᓄᑦ ᑎᑭᐅᑎᒍᓐᓇᓱᑎᒃ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.