ᐊᓪᓚᕕᓕᕆᐅᑎᓂᒃ ᓴᖑᐊᑦᓯᔨ - ᐱᓇᓱᑦᑐᓕᕆᕕᒃ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᓄᓇᒥᒃ 55ᕝ ᑕᕐᕋᖓᓂ, ᕿᓂᓕᕆᕗᖅ ᐃᒻᒥᓂᒃ ᑲᑦᓱᙰᑦᑐᒥᒃ ᐊᒻᒪᓗ ᐱᓇᓱᑦᓯᑎᒥᒃ ᐃᓄᒻᒥᒃ ᐃᓚᐅᒍᒪᔪᒥᒃ KRG-ᑯᓂ ᐱᓇᓱᒐᖃᕐᓗᓂ ᐃᒣᑦᑐᒥᒃ

ᐊᓪᓚᕕᓕᕆᐅᑎᓂᒃ ᓴᖑᐊᑦᓯᔨ - ᐱᓇᓱᑦᑐᓕᕆᕕᒃ

ᐊᑌᓐᓇᑐᖅ, ᐃᓗᐃᑦᑐᖅ

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᒥᒃ ᐱᓇᓱᑦᑎᓕᕆᕕᒻᒥ ᐊᒻᒪᓗ ᐱᓇᓱᓐᓂᑯᑦ ᐃᑲᔪᕐᑐᓗᓂ ᐱᓇᓱᒐᓕᕆᓂᕐᒥᒃ ᖃᐅᔨᒪᔨᓂᒃ, ᐊᓪᓚᕕᓕᕆᐅᑎᓂᒃ ᓴᖑᐊᑦᓯᔨ ᑲᒪᔨᐅᕗᖅ ᒪᑭᑕᑦᓯᓂᕐᒥᒃ ᐊᒻᒪᓗ ᓄᑕᐅᓯᓕᑎᕆᖃᑦᑕᓂᕐᒥᒃ ᐱᓇᓱᑦᑎᓅᓕᖓᔪᓂᒃ ᐊᓪᓚᖁᑎᓂᒃ ᐊᒻᒪᓗ ᐃᑲᔪᕐᑎᐅᕗᖅ ᐱᓇᓱᑦᑎᓄᑦ ᐊᑦᑐᐊᔪᕐᑎᒍᑦ ᖃᓄᓕᒫᖅ ᐃᓄᒻᒪᕆᖕᖑᑐᖃᕈᓂ ᕿᑲᕐᓂᐅᑎᑦᓴᓄᑦ, ᐱᕙᓪᓕᖁᑎᓕᐊᓄᑦ, ᐊᒻᒪᓗ ᐊᓯᖏᓐᓄᑦ ᓇᐅᑐᐃᓐᓇᓄᑦ ᐱᓇᓱᑦᑎᓕᕆᓂᕐᒥᒃ-ᐊᑦᑐᐊᔪᓄᑦ ᑲᒪᒋᒋᐊᓕᓐᓄᑦ. ᐊᓪᓚᕕᓕᕆᐅᑎᓂᒃ ᓴᖑᐊᑦᓯᔨ ᑲᒪᔨᐅᓚᖓᔪᖅ, ᐃᓱᒋᓇᒋᑦ, ᒪᑯᓂᖓ:

ᐱᓇᓱᒋᐊᓕᖏᑦ:

• ᐱᖕᖑᐃᓂᖅ ᐱᓇᓱᑦᑎᓅᓕᖓᔪᓂᒃ ᐊᓪᓚᖃᐅᑎᓂᒃ.

• ᓱᕐᖁᐃᓂᖅ ᐱᓇᓱᑦᑎᓕᕆᕕᐅᑉ ᖃᐅᔨᒍᑎᖃᐅᑎᖓᑕ (HRIS) ᓄᐃᑕᑦᓯᓂᖓᓂᒃ ᐅᓪᓗᒥᓂᑕᕐᓂᒃ ᐊᒻᒪᓗ ᓱᓕᑦᓯᐊᑐᓂᒃ ᖃᐅᔨᒪᐅᑎᓂᒃ, ᖃᐅᔨᒋᐊᖃᑦᑕᓗᓂ ᐊᒻᒪᓗ ᓄᑕᐅᓯᓕᑎᕆᕙᓪᓗᓂ ᖃᐅᔨᒪᒍᑎᓂᒃ ᑌᒣᒋᐊᖃᓕᕐᐸᑕ.

• ᐊᓪᓚᓂᖅ ᐱᓇᓱᑦᑎᓅᓕᖓᔪᓂᒃ ᖃᐅᒪᔨᒪᔭᑦᓴᓂᒃ, ᐆᑦᑑᑎᒋᓗᒍ ᐱᓇᓱᑦᑎᑖᖑᔪᓂᒃ, ᓅᑕᐅᔪᓂᒃ, ᓄᕐᖃᕈᑎᓂᒃ, ᑌᒫᒐᓚᒃ.

• ᐱᔭᕇᕐᓂᖅ, ᖃᐅᔨᒋᐊᑦᓯᐊᓂᖅ, ᐊᒻᒪᓗ ᑲᔪᓯᑎᑦᓯᓂᖅ ᐊᓪᓚᕕᑦᓴᔭᓂᒃ ᐊᒻᒪᓗ ᐊᓪᓚᓯᒪᐅᑎᓂᒃ ᐊᑦᑐᐊᔪᓂᒃ ᐊᐅᓚᑦᓯᓂᕐᒧᑦ ᐱᕙᓪᓕᖁᑎᓂᒃ ᐆᑦᑑᑎᒋᓗᒍ ᐃᓄᒻᒪᕆᖕᖑᓂᑦᓴᒧᑦ ᐸᕐᓇᕈᑎᓂᒃ, ᐊᑕᖏᕐᑐᓄᑦ ᓴᑑᑎᑦᓴᓂᒃ, ᐱᓇᓱᑦᑏᑦ ᐊᑭᓕᕐᑐᑕᐅᒍᑎᖏᓐᓂᒃ, ᐱᓇᓱᒐᖃᖕᖏᑐᑦ ᓴᑑᑎᖏᓐᓂᒃ, ᑌᒫᒐᓚᒃ.

• ᐱᔭᕇᖃᑦᑕᓂᖅ ᐊᓪᓚᕕᑦᓴᔭᓂᒃ ᐊᑐᕆᐊᓕᓕᒫᓂᒃ ᐱᓇᓱᑦᑎᓄᑦ ᕿᑲᕈᑎᒥᒃ ᐊᑐᓯᔪᓄᑦ (ᐱᐊᕋᕐᑖᑐᑦ, ᐊᑖᑕᖕᖑᑐᑦ, ᐊᓯᖏᓪᓗ ᕿᑲᕈᑎᑦᓴᔦᑦ)

• ᓄᑕᐅᓯᓕᑎᕆᓂᖅ ᑎᒥᐅᑉ ᐃᓗᐊᓂ ᐊᖓᔪᕐᖄᕇᑦ ᐃᓂᓪᓚᖓᓂᖓᑕ ᐃᓯᕕᒍᑎᖏᓐᓂᒃ.

• ᐊᑐᐃᓐᓇᕈᑦᑎᕆᓂᖅ ᐊᒻᒪᓗ ᓄᐃᑦᓯᓂᖅ ᑭᓯᒍᑕᐅᓯᒪᔪᓂᒃ ᐊᒻᒪᓗ ᑐᓴᕐᑎᓯᒍᑎᓂᒃ.

• ᑐᓂᔨᓂᖅ ᓇᐅᑐᐃᓐᓇᓂᒃ ᖃᐅᔨᒪᒍᑎᓂᒃ ᐅᕝᕙᓘᓐᓃᑦ ᓈᓭᒪᒍᑎᓂᒃ ᐱᒋᐊᖃᕐᑎᑕᐅᓂᖓ ᒪᓕᓪᓗᒍ ᐊᑐᕐᑐᓄᑦ ᐊᑕᖏᕐᑐᑦ ᐊᖏᖃᑎᒌᓐᓂᖏᓐᓄᑦ.

• ᑲᒪᔨᐅᓂᖅ ᐊᐅᓪᓚᕈᑎᓂᒃ ᐊᐅᓚᑦᓯᒍᑎᓂᒃ (TMS).

• ᑲᔪᓯᑎᑦᓯᓂᖅ ᐱᒡᒐᓗᓕᕐᓂᒨᓕᖓᔪᓂᒃ ᐊᓪᓚᕕᑦᓴᔭᓂᒃ.

• ᐃᕐᐸᑎᕆᓂᖅ ᐱᓇᓱᒐᕐᑖᖑᒍᓐᓇᑐᑦ ᓄᐃᒍᑎᖏᓐᓂᒃ KRG-ᑯᓂ ᐊᒻᒪᓗ ᐊᑦᔨᒌᖕᖏᑐᓂ ᒪᓂᑎᕆᕕᓐᓂ ᐊᒻᒪᓗ ᑕᒪᑐᒧᖓᑐᐊᖅ ᐋᕐᕿᓯᒪᔪᓂ ᖃᕆᑕᐅᔭᓄᑦ ᐱᑐᕝᕕᓂ

• ᕿᒥᕐᕈᐊᓂᖅ, ᐃᓂᓪᓚᑎᕐᓂᖅ ᐊᒻᒪᓗ ᐊᐅᓚᑦᓯᓂᖅ ᐱᓇᓱᕝᕕᒥ ᖃᕆᑕᐅᔭᒃᑯᑦ ᐊᓪᓚᒍᑎᓂᒃ.

• ᓈᒻᒪᓯᕕᑦᓴᓕᐅᕐᓂᖅ ᐊᐱᕐᓱᓂᒍᑎᓂᒃ ᐱᓇᓱᑦᑎᑖᕐᓂᒥᒃ ᑲᒪᔨᒻᒪᕇᑦ ᐃᓚᐅᑎᓪᓗᒋᑦ.

• ᐃᑲᔪᕐᓂᖅ ᓴᖑᐊᑦᓯᓂᒃᑯᑦ ᐱᓇᓱᒉᑦ ᑕᑯᑎᑦᓯᒍᑕᐅᑎᖏᓐᓂᒃ

• ᐱᖕᖑᐃᓂᖅ ᓂᐅᕕᖁᔨᒍᑎᓂᒃ ᐊᒻᒪᓗ ᑲᔪᓯᑎᑦᓯᓂᖅ ᐊᑭᓕᕐᑕᐅᒍᑎᑦᓴᖏᓐᓂᒃ.

• ᐱᓇᓱᖃᑦᑕᓂᖅ ᐊᓯᖏᓐᓂᒃ ᖃᓄᑐᐃᓐᓇᖅ ᐱᓇᓱᒋᐊᓕᓐᓂᒃ.

ᐱᔪᓐᓇᕈᑎᖏᑦ:

• ᐃᑭᓐᓂᐹᖓᓄᑦ ᑕᓪᓕᒪᓂᒃ (5) ᐊᕐᕌᒍᓂᒃ ᐊᑦᑐᐊᔪᒥᒃ ᐊᓪᓚᕕᓕᕆᓂᒃᑯᑦ ᐱᓇᓱᑦᓯᒪᓂᖅ ᐅᕝᕙᓘᓐᓃᑦ ᐃᓕᑦᓯᒪᐅᑎ ᐱᓇᓱᒐᕐᒥᒃ ᐃᓂᒧᑦ ᐊᑦᑐᐊᔪᒥᒃ. ᐃᓕᓐᓂᐊᓯᒪᓂᖅ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᑦᑎᐅᓯᒪᓂᖅ ᐅᐊᕈᑎᒌᓪᓗᓂ ᐊᑭᑦᓯᒍᓂ ᐃᓱᒪᒋᔭᐅᓚᖓᔪᖅ.

• ᐃᓂᓪᓚᖓᑎᑦᓯᓯᑎᐅᓂᖅ ᐊᒻᒪᓗ ᐱᓀᓗᑕᕐᓂᒃ ᐋᕐᕿᓱᐃᓯᑎᐅᓂᖅ.

• ᓂᑲᓇᕋᓂ ᐊᒻᒪᓗ ᐊᑐᓪᓚᕆᑦᑐᓂᒃ ᖃᕆᑕᐅᔭᓄᑦ ᐱᒃᑲᑐᖕᖏᓂᖅ, Microsoft Suite ᐃᓚᐅᑎᓪᓗᒍ.

• ᐱᓇᓱᐊᓕᓂᐅᓂᖅ HRIS-ᓂᒃ ᐃᓱᐊᖁᑕᐅᔪᖅ.

• ᐅᖄᓗᓂ ᐊᓪᓚᓗᓂᓗ ᐅᖃᖃᑕᐅᒍᓐᓇᓯᐊᕐᓂᖅ ᐃᑭᓐᓂᐹᖓᓄᑦ (2) ᐅᒃᑯᐊ ᐅᖃᐅᓰᑦ ᐱᖓᓱᑦ ᐃᓚᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐅᐃᒍᐃᑎᑐᑦ.

ᐱᓇᓱᕝᕕᖓᑕ ᓄᓇᓕᖓ: ᑰᔾᔪᐊᖅ, ᑯᐯᒃ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $85,106.84 – ᐅᓄᕐᓂᐹᑦ $117,009.62

ᐱᕙᓪᓕᖁᑎᖏᑦ*: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᒍᑎᖓᑦ: $8,500.40/ᐊᕐᕌᒍᑕᒫᑦ

ᓂᕿᓄᑦ ᐃᑲᔫᑏᑦ: ᐃᑭᓐᓂᐹᖓᓄᑦ $4398.35/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᕿᑲᕈᑎᓂ ᖃᖓᑦᑕᐅᑏᑦ: ᐃᑭᓐᓂᐹᖓᓄᑦ 3 ᐊᑐᓂ ᐃᓄᒻᒧᑦ ᐊᕐᕌᒍᑕᒫᑦ

RRSP, ᐊᑕᖏᕐᑐᑦ ᓴᑑᑎᑦᓴᖏᑦ

ᕿᑲᕐᓀᑦ: 30 ᐅᓪᓗᐃᑦ

ᕿᑲᕈᑏᑦ: 20-ᓂᒃ ᐅᓪᓗᓂᒃ, ᐃᓚᖃᕐᑎᓗᒋᑦ 10_ᓂᒃ ᕿᑎᖕᖑᒥ ᕿᑲᕐᓇᓕᕐᒪᑦ.

Human Resources

Kativik Regional Government

P.O. Box 9,

Kuujjuaq, Quebec, JOM 1CO

Email: humanresources@krg.ca

Fax: (819) 964-2975

KRG-ᑯᑦ ᐱᓇᓱᑦᑎᓯᔨᐅᓲᖑᕗᑦ ᐊᑦᔨᒌᑎᓯᑦᓯᐊᕋᓱᐊᕐᓱᑎᒃ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒥᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᑐᐃᓐᓇᕆᐊᓖᑦ ᑫᓪᓗᓕᐊᕈᑕᐅᓗᑎᒃ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ.

ᐱᔪᑦᓴᐅᔮᕐᑐᐃᑦ ᐊᐱᕐᓱᕈᒪᑦᓱᒋᑦ ᓇᓪᓕᑳᕐᑕᐅᔪᐃᑦ ᑭᓯᐊᓂ ᐅᑎᕐᕕᐅᓂᐊᕐᑐᑦ.