ᐊᐅᓚᑦᓯᕕᒻᒥ ᐱᓪᓗᑯᒋᐊᓕᓕᕆᔨ - ᓄᓇᕐᖃᑎᒌᓂᒃ ᐊᑦᑕᓇᕐᑐᒨᕐᑎᓯᑦᑌᓕᔨ - KRG

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᓄᓇᓕᓐᓂᒃ ᐊᐅᓚᑦᓯᔨᐅᔪᖅ ᐊᐅᓚᑦᓯᒍᓐᓇᐅᑎᖃᕐᓱᓂ ᑯᐯᑉ ᑕᕐᕋᖓᓃᑦᑐᓂᒃ 55 ᐃᑳᖓᔫᑉ ᖁᓛᓂ. ᑲᑎᕕᒃ ᓇᓕᓕᒫᑦ ᑲᕙᒪᖓᑦ ᐱᓇᓱᑦᑎᓴᕐᓯᐅᑐᖅ ᓯᕗᓕᕈᓐᓇᓯᐊᕐᕋᔭᕐᑐᒥᒃ ᐅᕙᓂ ᐱᓇᓱᒐᕐᒥ:

ᐊᐅᓚᑦᓯᕕᒻᒥ ᐱᓪᓗᑯᒋᐊᓕᓕᕆᔨ - ᓄᓇᕐᖃᑎᒌᓂᒃ ᐊᑦᑕᓇᕐᑐᒨᕐᑎᓯᑦᑌᓕᔨ

(ᐱᓇᓱᒐᖅ-ᐊᑕᔪᒥᒃ)

ᑲᒪᔨᖃᕐᓱᓂ ᐊᑕᐅᑦᓯᑰᕐᑎᓯᔨᖓᓂᒃ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐊᓪᓚᕕᖓᓂ, ᐊᐅᓚᑦᓯᕕᓐᓂᒥ ᐱᓪᓗᑯᒋᐊᓕᓕᕆᔨ ᐃᑉᐱᒋᔭᖃᓲᖅ ᐊᖑᒪᑦᓯᑎᑕᐅᒋᐊᖃᕐᓂᖏᓐᓂᒃ ᐊᐅᓚᑦᓯᕕᒻᒥ ᐊᒻᒪᓗ ᐊᓪᓚᑯᕕᓕᕆᔭᐅᒋᐊᓕᓐᓂᒃ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐊᓪᓚᕕᖓᓂ. ᐱᓇᓱᐊᓪᓗᑯᒋᐊᓕᖏᑦ ᐃᒣᑦᑐᐃᑦ, ᐃᓛ ᑖᒃᑯᑑᓂᐊᕋᑎᓪᓗ:

• ᓴᕐᕿᑎᑦᓯᕙᓪᓕᐊᓗᓂ ᐊᓪᓚᖁᑏᑦ ᐃᓂᓪᓚᖓᐅᓯᑦᓴᖏᓐᓂᒃ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐊᓪᓚᕕᖓᓃᑦᑐᓂᒃ;

• ᐊᑐᐃᓐᓇᕈᕐᑎᕆᔨᐅᓗᓂ ᑭᐅᔭᐅᒋᐊᓕᓐᓂᒃ ᐊᓪᓚᓯᒪᔪᕐᑖᕕᓂᕐᓂᒃ ᐃᓂᓪᓚᑎᕆᔨᐅᓗᓂᓗ ᕿᓄᒍᑎᓕᐊᕕᓂᕐᓂᒃ;

• ᐃᓂᑦᓴᓕᐅᕆᔨᐅᓗᓂ ᐃᓂᓪᓚᑎᕐᐸᓗᒋᓪᓗ ᐊᕐᕕᑕᐅᑎᑦᓴᓕᐊᕕᓂᓕᒫᑦ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐊᓪᓚᕕᖓᓅᓕᖓᔪᓂ ᐱᓇᓱᑦᑎᓄᑦ;

• ᑎᑭᑦᑕᑕᐅᔨᐅᓗᓂ ᑐᓴᐅᒪᑎᑦᓯᔨᐅᓗᓂᓗ ᑐᓴᕋᑦᓴᑖᖑᓯᒪᔪᓕᒫᓂᒃ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐊᓪᓚᕕᖓᓅᓕᖓᔪᓂᒃ;

• ᐸᕐᓀᑎᐅᓗᓂ ᑲᑎᒪᓂᑦᓴᓂᒃ, ᐃᓕᓐᓂᐊᓂᑦᓴᓂᒃ ᐊᒻᒪᓗ ᐃᒫᙰᕐᑏᑦ ᑲᑎᒪᑎᑦᓯᓂᑦᓴᖏᓐᓂᒃ ᑭᖕᖒᒪᓇᕐᓂᖏᑦ ᒪᓕᓪᓗᒋᑦ: ᐃᓂᓪᓚᑎᕐᓗᒋᑦ ᙯᕐᖂᔨᒍᑏᑦ, ᐃᓐᓄᐃᒋᐊᖃᕐᓃᑦ, ᑲᑎᒪᐅᑎᑦᓭᑦ, ᐊᓪᓚᖁᑎᑦᓴᖏᑦ, ᑲᑎᒪᐅᑎᕕᓃᑦ ᓯᑯᑦᓴᔭᖕᖑᑎᑕᐅᓂᖏᑦ, ᑐᓴᕐᑕᐅᑎᑦᓯᓗᓂᓗ ᖃᓄᐃᓕᖓᒍᑕᐅᓕᕐᒪᖔᑕ ᐱᓇᓱᐊᕐᑕᐅᒋᐊᓕᕕᓂᓕᒫᑦ;

• ᐱᓇᓱᐊᖃᑕᐅᕙᓪᓗᓂ ᐱᕙᓪᓕᐊᑎᑕᐅᒐᓱᐊᕐᓂᖏᓐᓂ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐊᓪᓚᕕᖓᑕ ᐱᓇᓱᐊᕐᑕᖏᓐᓂ (ᐃᑯᐊᓪᓚᑌᓕᒪᓂᖅ, ᐅᒥᐊᒃᑯᑦ ᐊᑦᑕᓈᕿᑦᑌᓕᒪᓂᖅ, ᐅᐃᒪᓇᕐᓯᔪᓂᒃ ᑐᓴᕈᐊᕐᑑᓂᖅ, ᐊᓯᖏᓐᓂᓗ);

• ᐃᑲᔪᕐᓯᒪᐅᑎᖃᕐᓗᓂ ᖃᐅᔨᒪᔭᐅᒋᐊᖃᓕᕐᒥᔪᑦ ᓱᓇᐅᒻᒪᖔᑕ ᐃᓕᓐᓂᐊᑕᐅᒋᐊᓖᑦ, ᖃᑦᓰᓗ ᐃᓚᐅᕕᖃᕐᓂᒪᖔᑕ, ᑐᓴᕐᑎᓯᐅᑏᑦ ᐊᒻᒪᓗ ᐃᓕᓐᓂᐊᑕᐅᔪᕕᓃᑦ ᓱᓇᐅᓐᓂᒪᖔᑕ;

• ᖃᓄᐃᓕᒍᑕᐅᕙᓪᓕᐊᓯᒪᓕᕐᒪᖔᑕ ᖃᐅᔨᒪᒐᓱᐊᕐᑎᐅᓗᓂ ᓇᓪᓕᐅᑎᑦᑕᑎᑦᓯᐊᓗᒋᑦ ᓄᓇᓖᑦ ᑲᑎᒪᔨᒃᑯᖏᑦᑕ ᑭᒡᒐᑐᕐᑎᖏᓐᓄᑦ ᑐᓴᐅᒪᔭᐅᒋᐊᓖᑦ ᒪᑯᓄᖓ (ᐃᑯᐊᓪᓚᑐᕐᓂᐊᑏᑦ ᐊᖓᔪᕐᑳᖓᓄᑦ, ᓄᓇᓖᑦ ᑲᑎᒪᔨᒃᑯᖏᑦᑕ ᑲᒪᔨᖏᓐᓄᑦ, ᐊᓪᓚᑎᒻᒪᕆᓐᓄᑦ), ᐱᓪᓗᒋᑦ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐱᓇᓱᐊᕐᑕᖏᓐᓂ;

• ᖃᐅᔨᓴᕐᐸᓗᓂ ᐱᓪᓗᑯᒋᐊᓖᑦ ᐱᓇᓱᐊᕐᑕᐅᓕᕐᐸᑕ, ᐅᖃᐅᓯᐅᓪᓗ ᐁᑉᐹᓄᑦ ᓄᕐᑎᑎᕆᔨᐅᒍᓐᓇᓗᓂ ᑯᑯᔭᕐᓇᖏᑦᑐᓂᒃ, ᒋᐊᖃᓕᑐᐊᕈᓂ;

• ᐃᑲᔪᕐᓯᒪᐅᑎᖃᕐᓗᓂ ᐱᕙᓪᓕᐊᑕᐅᒐᓱᐊᕐᑐᑦ ᐊᒻᒪᓗ ᓯᖁᒥᓯᒪᔪᕐᓂᐊᑕᐅᒋᐊᓖᑦ ᐱᖁᑎᖏᑦ ᐊᑦᔨᒌᖕᖏᑐᑦᓴᔦᑦ ᐱᓇᓲᑏᑦ ᐊᑐᕐᐸᑕᖏᑦ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐱᓇᓱᐊᕐᐸᑕᖏᓐᓂ, ᐃᒣᑦᑐᓗᑳᑦ ᐃᑯᐊᓚᔪᕐᓂᐊᑏᑦ ᐊᓐᓄᕌᑦᓴᔭᖏᑦ;

• ᐃᑲᔪᕐᓯᒪᐅᑎᖃᕐᓗᓂ ᐁᑦᑐᑑᑕᐅᒋᐊᖃᓕᕐᐸᑕ ᖃᐅᔨᒪᔭᐅᑎᑕᐅᒋᐊᓖᑦ ᐱᓪᓗᒍ ᓄᓇᕐᖃᑎᒌᑦ ᐊᑦᑕᓇᕐᑐᒨᕐᑎᑕᐅᑦᑌᓕᓂᖏᑦᑕ ᐱᓇᓱᐊᕐᑕᖏᓐᓂ;

• ᐱᓇᓱᐊᕐᐸᒥᓗᓂ ᑌᒣᑦᑐᓅᓕᖓᔪᓂᒃ ᐱᔭᒃᓴᓂᒃ, ᖁᔭᐅᓕᑐᐊᕈᓂ, ᐊᖓᔪᕐᖄᒥᓄᑦ.

ᐱᔪᓐᓇᐅᑎᒋᒋᐊᓕᖏᑦ:

• ᐳᒃᑭᓂᕐᐹᖑᑎᓪᓗᒍ ᐃᓕᓐᓂᐊᓂᕕᓂᖓ ᐳᕐᑐᓂᕐᐹᖅ 5-ᒥᒃ ᐅᕝᕙᓘᓐᓃᑦ ᑌᒣᑦᑐᓅᓕᖓᔪᓂᒃ ᐱᓇᓱᐊᓚᐅᕐᓯᒪᔫᓗᓂ;

• ᐃᑭᓐᓂᐹᖃᕐᓗᓂ ᐊᕐᕌᒎᓐᓂᒃ ᒪᕐᕉᓂᒃ (2) ᐱᓇᓱᐊᓚᐅᕐᓯᒪᔫᓗᓂ ᐊᐅᓚᑦᓯᕕᒻᒥ ᐱᓪᓗᑯᒋᐊᓕᓕᕆᔨᐅᓂᒃᒥ;

• ᑭᐅᒪᑦᓯᐊᕆᐅᕐᓂᓚᕆᐅᓗᓂ ᐊᓪᓚᒋᕐᓂᐅᓗᓂᓗ ᑕᒪᒋᓐᓂ ᒪᕐᕈᐃᓂ ᐅᖃᐅᓯᑦᓴᔮᓐᓂ: ᖃᓪᓗᓈᑎᑐᑦ, ᐅᐃᒍᐃᑎᑐᑦ ᐊᒻᒪᓗ ᐃᓄᒃᑎᑐᑦ (ᐱᖓᓱᐃᓂᒃ ᐅᖃᐅᓯᑦᓴᔭᖃᕈᓂ ᐃᑲᔪᕐᓯᒪᕐᔪᐊᕋᔭᕐᑐᖅ);

• ᑐᑭᓯᒪᔭᖃᕐᓗᓂ Microsoft Office Suite-ᒃ ᖃᕆᑕᐅᔭᓕᕆᐅᓯᕐᒥᒃ;

• ᐱᓇᓱᐊᕆᐅᕐᓂᐅᓗᓂ ᐃᒻᒥᓂᕿᐅᑎᒋᓗᒍ ᐃᓂᓪᓚᓯᒪᑦᓯᐊᕆᐅᕐᓂᐅᓗᓂᓗ ᐱᓇᓱᒍᒥᕐᓂᒍᑦ.

ᐱᓇᓱᕝᕕᒋᓂᐊᕐᑕᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: $40 906 (ᐃᑭᓐᓂᐹᖃᕐᓗᑎᒃ) ‒ $66 291 (ᐅᓄᕐᓂᐹᑲᕐᓗᑎᒃ) ᐊᕐᕌᒍᑕᒫᑦ (ᐳᕐᑐᓂᖓ 5).

ᐃᓱᕐᕉᑎᑖᖏᑦ: ᐃᓅᒐᓱᐊᕐᓂᐅᑉ ᐊᑭᖏᑦᑕ ᐃᑲᔪᕐᓯᔭᐅᒍᑎᖏᑦ $8 500 ᐊᕐᕌᒍᑕᒫᑦ (ᐃᑭᓐᓂᐹᖃᕐᓗᑎᒃ);

ᓂᕿᑖᕈᑎᖏᑦ: $4 398ᐊᕐᕌᒍᑕᒫᑦ (ᐃᑭᓐᓂᐹᖃᕐᓗᑎᒃ);

ᐊᕐᕌᒍᑕᒫᑦ ᐊᕐᕕᑕᐅᑎᑖᕐᑐᖅ ᕿᑲᓕᕈᓂ: ᐅᓄᕐᓂᐹᖃᕐᓗᑎᒃ ᐃᓄᓐᓄᑦ ᐱᖓᓱᓄᑦ ᐊᕐᕌᒍᑕᒫᑦ;

ᐊᒥᓱᐃᓅᓕᖓᔪᓂᒃ ᐃᓱᕐᕉᑎᖏᑦ ᐃᓚᓖᑦ ᐃᓄᑐᖃᐅᓐᓂᐅᑎᑖᕈᑎᑦᓴᓂᒃ ᑲᑎᕐᓱᐃᒍᓐᓇᓱᓂ;

ᕿᑲᕈᑎᒋᒍᓐᓇᑕᖏᑦ: ᐃᓪᓗᐃᑦ 20 (ᐊᕙᑎᑦ):

ᐅᓪᓗᐃᑦ ᕿᑲᕐᕕᐅᓲᑦ: 19 ᐅᓪᓗᐃᑦ, ᐃᓚᖃᕐᒥᓱᑎᒃ 10-ᓂᒃ ᐅᓪᓗᓂᒃ ᖁᕕᐊᓱᕝᕕᒥ.

ᐱᓇᓱᒍᒪᐅᑎᑎᑦ ᐊᓪᓚᓯᒪᔪᑦ ᐊᐅᓪᓚᑎᓪᓗᒋᑦ ᐅᕗᖓ:

ᐱᓇᓱᑦᑐᓕᕆᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ

P.O. Box 9, Kuujjuaq Quebec J0M 1C0

ᓱᑲᑦᑐᑰᕐᑎᓯᒍᑎᖓ: (819) 964-2975

ᖃᕆᑕᐅᔭᒃᑯᑦ: humanresources@krg.ca

ᐊᑦᔨᒌᑦᓯᑦᓯᐊᓲᓂ ᐱᕕᖃᕐᑎᓯᓲᖅ ᐱᓇᓱᑦᑎᑕᒥᓂᒃ, ᒪᓕᑦᓱᓂ ᑖᑦᓱᒥᖓ ᐊᒻᒪᓗ ᔩᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᖓᑎᒍᑦ, ᒪᓕᒐᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᐱᕕᖃᕐᑎᓯᒐᓱᐊᒧᑦ ᐱᓇᓱᒐᕐᑖᕈᒪᔪᓂᒃ ᐃᓄᓐᓂᒃ ᐅᓇᒻᒥᓱᑦᑐᖃᕐᐸᑦ.

ᑖᒃᑯᑐᐊᑦ ᐅᓇᒻᒥᓱᑦᑐᕕᓃᑦ ᓇᓪᓕᑳᕐᑕᐅᔪᑦ ᐊᐱᕐᓱᑕᐅᒍᒪᓐᓂᕈᑎᒃ ᑭᓯᐊᓂ ᑐᓴᕐᑎᑕᓛᕐᑐᑦ.