ᐊᓪᓚᕕᓕᕆᐅᑎᓂᒃ ᐱᓇᓱᑦᑎ - ᐃᕐᖃᑐᐃᕕᒻᒧᑦ ᑭᒡᒐᑐᕐᑎ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᒻᒪᕆᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55° ᑕᕐᕋᖓᓂ. ᓄᓇᕕᒻᒥ ᐳᓖᓯᒃᑯᑦ ᐱᒍᑦᔨᔨᖏᑦ (NPS) ᓄᓇᓕᓕᒫᓂ ᐳᓖᓯᐅᕗᑦ ᓄᓇᕕᒻᒥ. NPS-ᑯᑦ ᐃᒣᑦᑐᒥᒃ ᕿᓂᕐᑐᑦ:

ᐊᓪᓚᕕᓕᕆᐅᑎᓂᒃ ᐱᓇᓱᑦᑎ - ᐃᕐᖃᑐᐃᕕᒻᒧᑦ ᑭᒡᒐᑐᕐᑎ

(ᐊᑌᓐᓇᑐᖅ, ᐃᓗᐃᑦᑐᖅ)

ᐊᖓᔪᕐᖄᖃᕐᓱᓂ NPS-ᑯᑦ ᑲᐱᑌᖓᓂᒃ, ᐊᓪᓚᕕᓕᕆᐅᑎᓂᒃ ᐱᓇᓱᑦᑎ - ᐃᕐᖃᑐᐃᕕᒻᒧᑦ ᑭᒡᒐᑐᕐᑎ ᒪᑯᓂᖓ ᐱᔭᑦᓴᓂᒃ ᑲᒪᔨᐅᕗᖅ:

• ᐃᑲᔪᕐᓂᖅ ᖃᐅᑕᒫᕐᓯᐅᑎᑎᒍᑦ ᐊᓪᓚᕕᐅᑉ ᐊᓪᓚᕕᓕᕆᐅᑎᓂᒃ ᐱᓇᓱᒍᑎᖏᓐᓂᒃ.

• ᑲᔪᓯᑎᑦᓯᖃᑦᑕᓂᖅ ᖃᓄᑐᐃᓐᓇᖅ ᐊᓪᓚᕕᒻᒥ ᐱᔭᑦᓴᓂᒃ ᐆᑦᑑᑎᒋᓗᒋᑦ ᐊᓪᓚᓯᒪᔪᓂᒃ ᐊᑐᐃᓐᓇᕈᑦᑎᕆᓗᓂ, ᐊᓪᓚᖃᐅᑎᓅᕐᙯᓗᓂ, ᐊᑦᔨᓕᐅᕐᓂᓗᓂ ᐊᒻᒪᓗ ᐊᓪᓚᓯᒪᔪᓂᒃ ᐊᒥᓱᓕᐅᕐᓗᓂ.

• ᓯᕗᓪᓕᐸᐅᓗᓂ ᐅᖃᕐᕕᐅᖃᑦᑕᓂᖅ.

• ᐱᓇᓱᓐᓂᖅ ᐊᒻᒪᓗ ᐁᑦᑐᑑᑎᖃᕐᓂᖅ ᑎᑭᑦᑐᓂᒃ ᐊᐅᓪᓚᑐᓂᓪᓗ ᐊᓪᓚᑖᓂᒃ, ᖃᕆᑕᐅᔭᒃᑯᑦ ᐊᓪᓚᒍᑎᓂᒃ, ᐊᒻᒪᓗ ᑎᒥᐅᑉ ᐃᓗᐊᒍᑦ ᐊᓪᓚᑲᑦᑕᐅᑎᒍᑎᓂᒃ.

• ᑐᕐᖁᐊᑎᕆᓂᖅ ᓄᑕᐅᓯᓕᑎᕆᓗᓂᓗ ᖃᐅᔨᒪᐅᑎᓂᒃ ᐳᓖᓯᒃᑯᑦ ᐊᓪᓚᖁᑎᖏᓐᓄᑦ, ᓱᕐᖁᐃᓗᓂ ᓱᓕᓂᖏᓐᓂᒃ ᐊᒻᒪᓗ ᐅᖃᔭᒪᐅᑎᒍᑕᐅᖕᖏᓂᖏᓐᓂᒃ.

• ᑲᔪᓯᑎᑦᓯᓂᖅ ᐃᓄᒃ ᐱᓂᕐᓗᕈᑎᕕᓂᕐᓄᑦ ᐊᓪᓚᖃᕈᑕᐅᒻᒪᖔᑦ ᖃᐅᔨᒋᐊᕈᑎᓂᒃ ᐊᑐᕐᓗᓂ ᐳᓖᓯᒃᑯᑦ ᖃᐅᔨᒪᒍᑎᑯᕕᖏᓐᓂᒃ.

• ᐱᓇᓱᖃᑎᖃᕐᓂᖅ ᐃᕐᖃᑐᐃᕕᒻᒧᑦ ᒥᓇᕋᕐᑎᒥᒃ ᐳᓖᓯᒥᒃ.

• ᒪᑭᑕᑦᓯᓭᓐᓇᓂᖅ ᐃᓂᓪᓚᖓᑦᓯᐊᑐᓂᒃ ᐊᒻᒪᓗ ᐅᓪᓗᒥᒥᒃ ᐊᖑᒪᑦᓯᔪᓂᒃ ᖃᕆᑕᐅᔭᓂ ᑕᖏᓕᓐᓂᓗ ᐊᓪᓚᖁᑎᑯᕕᓐᓂᒃ.

• ᑭᐅᓂᖅ ᐅᖃᓕᒪᔪᓂᒃ, ᑎᒍᓯᓂᖅ ᐅᖃᐅᓯᑦᓭᔭᕈᑎᓂᒃ, ᐊᒻᒪᓗ ᐅᖃᓕᒪᔪᓂᒃ ᑐᕌᕐᑎᓯᓂᖅ ᐃᓄᒻᒧᑦ ᑲᒪᔪᑦᓴᒧᑦ.

• ᓂᓪᓕᐅᔨᓂᖅ ᑕᓯᐅᕐᓯᓗᓂᓗ ᐳᓛᕐᑐᓂᒃ ᐅᐸᒋᐊᓕᖓᓄᑦ ᐱᓇᓱᑦᑎᒧᑦ ᐅᕝᕙᓘᓐᓃᑦ ᐱᓇᓱᕝᕕᒧᑦ.

• ᑎᒍᓚᓂᖅ ᐊᒻᒪᓗ ᓱᕐᖁᐃᕆᐊᐸᕐᓂᖅ ᑕᑕᓴᕆᐊᓕᓐᓂᒃ ᐊᓪᓚᕕᑦᓴᔭᓂᒃ ᐊᒻᒪᓗ ᐊᓪᓚᖁᑎᓂᒃ.

• ᑲᔪᓯᑎᑦᓯᓂᖅ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ ᑎᓕᔭᐅᒍᑎᒥᓂᒃ.

ᐱᔪᓐᓇᓯᒍᑏᑦ:

• ᐳᕐᑐᓂᕐᓴᓂᒃ ᐃᓕᓐᓂᐊᕕᒻᒥ ᐃᓕᓐᓂᐊᕇᕐᓯᒪᐅᑎ.

• ᐃᓕᑦᓯᒪᐅᑎ ᐊᓪᓚᑎᐅᓂᕐᒥᒃ ᐅᕝᕙᓘᓐᓃᑦ ᐊᓪᓚᕕᓕᕆᔨᐅᓂᕐᒥᒃ ᐃᓕᓐᓂᐊᕈᑎᓂᒃ ᐃᓱᐊᖁᑕᐅᒋᐊᖓ ᐃᓱᒪᒋᔭᐅᓚᖓᔪᖅ.

• ᐃᑭᓐᓂᐹᖓᓄᑦ ᐊᕐᕌᒎᓐᓂ ᒪᕐᕈᓂ (2) ᐱᓇᓱᓚᐅᕐᓯᒪᓂᖅ ᐊᓪᓚᕕᒻᒥ ᐃᑲᔪᕐᑎᐅᓗᓂ ᐊᓯᐊᓂᓘᓐᓃᑦ ᒥᑦᓯᖃᕐᒥᔪᒥ ᐱᓇᓱᓕᓂᐅᓗᓂ.

ᐱᔪᓐᓇᕆᐊᓕᖏᑦ:

• ᓂᑲᓇᕋᓂ ᐅᖃᐅᑦᔫᑎᓂᒃᑯᑦ ᐃᓄᓕᕆᓂᒃᑯᓗ ᐱᒃᑲᑐᖕᖏᓂᖅ.

• ᐊᓪᓚᓯᒪᔪᑎᒍᑦ ᐅᖄᓂᒃᑯᓗ ᐊᑐᕈᓐᓇᓗᒋᑦ ᖃᐅᔨᒪᓂᖅ ᐃᑭᓐᓂᐹᖓᓄᑦ ᒪᕉᓂᒃ (2) ᒪᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐅᐃᒍᐃᑎᑐᑦ.

• ᐊᑐᕈᓐᓇᓯᐊᕐᓗᓂ ᖃᐅᔨᒪᓂᖅ ᖃᕆᑕᐅᔭᐅᑉ ᓱᒍᑎᖏᓐᓂᒃ.

• ᐃᒻᒥᓂᕿᓗᓂ ᐱᓇᓱᒍᓐᓇᓂᖅ ᐃᓂᓪᓚᖓᓯᑎᒻᒪᕆᐅᓗᓂ.

ᐱᓇᓱᕝᕕᐅᑉ ᓄᓇᖓ: ᑰᑦᔪᐊᖅ

ᑮᓇᐅᑦᔭᓵᑦ ᐃᑭᓐᓂᐹᖓᓄᑦ: $40,906.32 ᐊᕐᕌᒍᑕᒫᑦ – ᐅᓄᕐᓂᐹᖓᓄᑦ: $66,291.68 ᐊᕐᕌᒍᑕᒫᑦ (ᐳᕐᑐᓂᖓ 5)

ᐅᓪᓗᖁᑎᖏᑦ: ᐊᓪᓕᕇᕐᑐᓂᒃ ᓂᕿᑦᓯᑐᓄᑦ, 9 a.m. ᑎᑭᓪᓗᒍ 5 p.m.

ᐱᕙᓪᓕᖁᑏᑌ ᐊᓯᖏᑦ: ᐃᓅᓂᐅᑉ ᐊᑭᑐᓂᖓᑕ ᑲᓱᖕᖏᒍᑎᖓ: ᐃᑭᓐᓂᐹᖓᓄᑦ $8 500 ᐊᕐᕌᒍᒥ

ᓂᕿᓂᒃ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $4 216 ᐊᕐᕌᒍᒥ

ᐊᕐᕌᒍᑕᒫᑦ ᕿᑲᓯᔪᑦ ᐊᐅᓪᓚᕈᑎᖏᑦ: ᐃᑭᓐᓂᐹᖓᓄᑦ 3 ᐊᕐᕌᒍᒥ

ᐱᔭᕆᐊᑭᓪᓕᑎᕐᓯᒪᔪᖅ ᐱᓇᓱᒍᓐᓀᕈᒫᕐᓂᒧᑦ ᐸᕐᓇᕈᑎ: 6,25% ᐱᓇᓱᕝᕕᒃ, 4% ᐱᓇᓱᑦᑎ;

ᐊᑕᖏᕐᑐᑦ ᓴᑑᑎᑦᓴᖏᑦ;

ᐃᓱᒣᓐᓇᕿᓐᓀᑦ: 20 ᐅᓪᓗᐃᑦ ᐊᕐᕌᒍᑕᒫᑦ;

ᐱᖁᔭᑎᒍᑦ ᕿᑲᕐᓀᑦ ᐅᓪᓗᖏᑦ: 20 ᐅᓪᓗᐃᑦ ᐊᕐᕌᒍᑕᒫᑦ, ᖃᓗᓯᔪᑦ 10-ᓂᒃ ᐅᓪᓗᓂᒃ ᕿᑎᖕᖑᒥ.

ᐱᓇᓱᒍᒪᐅᑎᑎᑦ ᑎᑭᑎᓗᒋᑦ ᐅᕗᖓ: HR@nunavikpolice.ca

KRG-ᑯᑦ ᐊᒻᒪᓗ NPS-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᒪᓕᓪᓗᒍ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᖅ ᑲᔪᓯᑎᑦᓯᑐᐃᓐᓇᕆᐊᖃᕐᑐᒍᑦ ᑖᒃᑯᐊ ᐱᑦᔪᑎᒋᓗᒋᑦ ᐋᕐᕿᒋᐊᕈᑎᓂᒃ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᔪᑦ ᐊᐱᕐᓱᕈᒪᓗᒋᑦ ᓂᕈᐊᕐᑕᐅᔪᑦ ᑭᓯᐊᓂ ᖃᓄᐃᓕᕕᐅᓚᖓᔪᑦ.