ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ - ᐃᓄᑦᔪᐊᖅ - ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ

ᐃᓄᑦᔪᐊᖅ ᐊᑌᓐᓇᑐᖅ, ᐅᓪᓗᑕᒪᕐᓯᐅᑎ ᐱᓇᓱᒐᖅ Deadline 24/10/2022

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (ᑮᐋᔩ), ᐊᒥᓱᐃᓂᒃ ᑭᒡᒐᑐᕈᑎᖃᕐᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂᓗ ᑯᐯᑉ ᓄᓇᖓᓂ ᑕᕐᕋᒦᑦᑐᒥ 55 ᓇᑉᐸᖓᑕ ᖁᓛᓂ, ᕿᓂᓕᕐᒥᔪᖅ ᐃᓄᒻᒥᒃ ᐱᕈᒪᓂᖃᑦᓯᐊᑐᒥᒃ ᐊᒻᒪᓗ ᐅᒃᑯᐃᖔᑦᓯᐊᑐᒥᒃ ᑫᐋᔩᒃᑯᓂ ᐱᒍᑦᔨᕈᒪᓂᖃᑦᓯᐊᓱᓂ ᐃᒣᑦᑐᒥᒃ ᐱᓇᓱᐊᓚᖓᔪᒥᒃ:

ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ (ᐊᑌᓐᓇᑐᖅ, ᐅᓪᓗᑕᒪᕐᓯᐅᑎ ᐱᓇᓱᒐᖅ)

ᐊᖓᔪᕐᖄᖃᕐᓗᓂ ᐊᐅᓚᑦᓯᓂᓕᕆᕕᐅᑉ ᑐᑭᒧᐊᕐᑎᓯᔨᖓᓂᒃ ᐱᓇᓱᐊᖃᑎᖃᕐᓗᓂᓗ ᐊᓯᖏᓐᓂᒃ ᐱᓇᓱᑦᑎᓂᒃ, ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ ᒪᑯᓂᖓᓗᐊᖕᖑᐊᖅ ᐱᔭᑦᓴᖃᕋᔭᕐᑐᖅ:

  •  ᐱᕙᓪᓕᐊᑎᑦᓯᖃᑦᑕᓗᓂ ᐊᐅᓚᑦᓯᖃᑦᑕᓗᓂᓪᓗ ᓱᖃᑦᓯᐅᑎᐅᔪᓂᒃ ᑭᐅᔨᐅᑉ ᐃᓂᖓᓂ ᐊᒻᒪᓗ ᐃᓕᒐᓱᐊᕈᑎᓂᒃ ᑲᒪᒋᔭᖃᖃᑦᑕᓗᓂ, ᐊᑭᓕᕋᑦᓴᓕᐊᖑᓯᒪᔪᓂᒃ ᐊᒻᒪᓗ ᐊᓯᖏᓐᓂᒃ ᐊᓪᓚᖁᑎᓂᒃ; ]
  •  ᑐᓴᐅᒪᔭᐅᒋᐊᓕᓐᓂᒃ ᑐᓴᐅᒪᑎᑦᓯᖃᑕᐅᖃᑦᑕᓗᓂ;
  •  ᐊᓪᓚᖁᑎᓂᒃ ᐊᑐᐃᓐᓇᕈᕐᑏᖃᑦᑕᓗᓂ, ᐊᓪᓚᖃᑦᑕᓗᓂ, ᐃᓂᓪᓚᑎᕆᖃᑦᑕᓗᓂ, ᑲᑎᑦᑎᓯᖃᑦᑕᓗᓂ ᐊᒻᒪᓗ ᐊᒥᓱᖕᖑᓕᕐᑎᕆᖃᑦᑕᓗᓂ;
  •  ᐊᑐᐃᓐᓇᕈᕐᑎᕆᖃᑦᑕᓗᓂ ᐊᐅᓪᓚᓂᕆᔭᐅᕋᔭᕐᑐᓂᒃ ᖃᐅᔨᓴᕐᑎᓄᑦ ᑭᖕᖒᒪᒋᔭᐅᓕᑐᐊᕐᐸᑦ; ᐱᓇᓱᕝᕕᒥᑕ ᐃᓂᖓᓂᒃ ᐊᓪᓚᖃᐅᑎᒋᔭᖏᓐᓂᒃ ᐱᓇᓱᐊᖃᑦᑕᓗᓂ ᐃᓂᓪᓚᖓᑎᑦᓯᐊᓗᒋᓪᓗ;
  •  ᐊᓪᓚᑖᕐᕕᑰᕆᐊᓕᓐᓂᒃ ᐊᓪᓚᑖᕆᔭᐅᔪᓂᓪᓗ ᑲᒪᒋᔭᖃᖃᑦᑕᓗᓂ ᐱᓇᓱᐊᕋᑦᓴᓅᓕᖓᔪᓂᒃ;
  •  ᑭᐅᖃᑦᑕᓗᓂ ᐅᖄᓚᐅᑎᒥᒃ, ᖃᕆᑕᐅᔭᒃᑯᑦ ᐊᓪᓚᑖᕈᑎᓕᕆᖃᑦᑕᓗᓂ, ᐊᒻᒪᓗ ᐊᐱᕐᓱᑕᐅᓕᕈᓂ ᐅᐸᑦᑕᐅᓱᓂ ᑭᐅᖃᑦᑕᓗᓂ;
  •  ᐊᓪᓚᖁᑎᓂᒃ ᐊᑐᐃᓐᓇᕈᕐᑎᕆᖃᑦᑕᓗᓂ ᐱᓇᓱᐊᕋᑦᓭᑦ ᑲᑎᒪᓂᑦᓴᖏᓐᓅᓕᖓᔪᓂᒃ ᑭᖕᖒᒪᒋᔭᐅᓕᕈᓂ; ᐃᑲᔪᖃᑦᑕᓗᓂ ᖃᐅᔨᒪᔭᐅᔪᐃᑦ ᐃᓗᓕᖏᓐᓂᑦ ᐱᓇᓱᕝᕕᒥᓂᒃ ᐊᑐᕐᑕᐅᓲᓂᒃ ᐆᑦᑑᑎᒋᓗᒍ FileMaker pro-ᓚᔭᐅᔪᖅ ᐊᒻᒪᓗ ᐊᓯᖏᑦ ᖃᕆᑕᐅᔭᕈᑏᑦ;
  •  ᐊᓯᖏᓐᓂᒃ ᐱᓇᓱᐊᖃᑦᑕᒥᓗᓂ ᐱᔭᑦᓴᒥᓂᒃ ᐊᖓᔪᕐᖄᒥᓄᑦ ᐃᓇᓱᐊᕐᑕᐅᖁᔭᐅᔪᓂᒃ.

ᐱᔪᓐᓇᐅᑎᕆᒋᐊᓕᖏᑦ

  •  ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕐᓯᒪᓗᓂ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᐊᕐᓯᒪᓗᓂ;
  •  ᐳᒃᑭᓂᕐᐹᖓᓂᒃ ᐊᕐᕌᒎᓐᓂᒃ ᒪᕐᕉᓂᒃ (2) ᐱᓇᓱᐊᕐᓯᒪᓗᓂ ᐊᐅᓚᑦᓯᓂᓕᕆᓂᕐᒥᒃ;
  •  ᐊᓪᓚᕈᓐᓇᓗᓂ ᐊᖄᕈᓐᓇᓗᓂᓗ ᒪᕐᕉᔪᐊᓂᒃ (2) ᐅᖃᐅᓰᓐᓂᒃ ᒪᑯᓂᖓ ᐅᖃᐅᓯᕐᓂᒃ: ᐃᓄᑦᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ;
  •  ᐱᓇᓱᐊᕈᓐᓇᓂᖃᑦᓯᐊᕆᐊᓕᒃ ᖃᕆᑕᐅᔭᓂᒃ ᖃᐅᔨᒪᑦᓯᐊᓗᓂ;
  •  ᐃᒻᒥᓂᕿᓪᓗᓂ ᐱᓇᓱᐊᕈᓐᓇᕆᐊᓕᒃ, ᐃᓂᓪᓚᑎᕐᓯᒪᑦᓯᐊᕈᓐᓇᓗᓂᓗ.

ᐱᓇᓱᒐᐅᑉ ᓇᓃᓐᓂᖓ: ᐃᓄᔪᐊᖅ

ᑮᓇᐅᑦᔭᓵᖏᑦ: ᐳᒃᑭᓂᕐᐹᖓ: $35 908/ᐊᕐᕌᒎᑉ ᐃᓗᐊᓂ; ᐳᕐᑐᓂᕐᐹᖓ $58 193/ᐊᕐᕌᒍᒥ (ᐳᕐᑐᓂᖓ 5) ᐱᕚᓪᓕᕈᑎᑦᓭᑦ: ᐃᓅᒐᓗᐊᕐᓱᖓᓄᑦ ᐊᑭᑐᓂᖓᓄᑦ ᐃᑲᔪᕐᑕᐅᒍᑏᑦ: ᐳᒃᑭᓂᕐᐹᖓ $8 500/ᐊᕐᕌᒍᒥ ᓂᕿᓯᓂᐅᑎᑦᓭᑦ: ᐳᒃᑭᓂᕐᐹᖓ $3 707/ᐊᕐᕌᒍᒥ ᐊᕐᕌᒍᑖᒫᒨᓕᖓᔪᐃᑦ ᐊᐅᓪᓚᒍᑎᑦᓭᑦ: ᐳᕐᑐᓂᕐᐹᖓ 3 ᐃᓄᒻᒧᑦ ᐊᑕᐅᓯᕐᒧᑦ/ᐊᕐᕌᒍᒥ; ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᐊᑭᓕᕐᑐᑕᐅᒍᑎᑦᓭᑦ: 6% ᐱᓇᓱᕝᕕᖓ, 4% ᐱᓇᓱᑦᑎ; ᐱᓇᓱᑦᑏᑦ ᐃᒻᒪᖃᐅᑎᖏᑦ; ᕿᑲᑫᓐᓇᓃᑦ: 20 ᐅᓪᓗᐃᑦ; ᐱᓇᓱᑦᑏᑦ ᕿᑲᕐᓇᖏᑦ: 19 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᒥ.

ᐃᓕᒐᓱᐊᕈᑏᑦ ᐊᐅᓪᓚᑎᓪᓗᒍ: Human Resources Kativik Regional Government P.O. Box 9 Kuujjuaq QC J0M 1C0

Fax: (819) 964-2975

Email: humanresources@krg.ca

ᑫᐋᔩ ᓈᒻᒪᖁᐊᕇᑦᑎᓯᔨᐅᕗᖅ ᐱᓇᓱᑦᑎᓭᑦ ᐱᕕᖃᕐᑎᓱᒋᑦ ᐊᑦᔨᒌᓂᒃ. ᑌᒣᒻᒪᑦ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓄᑦ ᐊᖏᖃᑎᒌᒍᑏᑦ ᒪᓕᓪᓗᒋᑦ, ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᖁᓛᓂ ᐱᔪᓐᓇᓃᑦ ᐃᓄᐃᑦ ᐱᓇᓱᒐᕐᑖᑎᑕᐅᖔᕋᓱᐊᕐᑎᓗᒋᑦ. ᐃᓕᒐᓱᐊᕐᑐᑦ ᓇᓪᓕᑳᕐᑌᑦ ᑭᓯᐊᓂ ᐊᐱᕐᓲᔭᕐᑕᐅᒍᒪᓗᑎᒃ ᐅᖄᕕᐅᓛᕐᑐᑦ.

Suggested Jobs

See All Jobs