ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᑦᑐᓕᕆᔨ - KI

ᐱᓇᓱᒐᖅ: ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᑦᑐᓕᕆᔨ

ᐊᓪᓚᕕᖓ: ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖏᑦ ᐱᓇᓱᒐᕐᓂᓗ ᐱᒋᐅᕐᓴᑎᑕᐅᓂᖏᑦ

ᑮᓇᐅᑦᔭᓵᑦ: ᐱᒋᐊᕐᓱᓂ $24.21-ᓂᑦ $32.32-ᓄᑦ ᑎᑭᐅᑎᒍᓐᓇᑐᑦ ᐃᑲᐅᕐᓂᑕᒫᑦ ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ: ADMINTECHAEVT2508-01

ᓇᓃᓐᓂᓴᖓ: ᒪᓐᑐᔨᐊᒥ

ᖃᓄᐃᑦᑑᓂᖓ: ᐱᓇᓱᒐᖅ ᐊᑕᔪᒥᒃ

ᐱᒋᐊᕐᕕᓴᖓᑕ ᐅᓪᓗᖓ: ᐊᐅᒡᒍᓯ 2025

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐃᓄᒻᒪᕇᑦ ᐃᓕᓐᓂᐊᕕᖓᑕ ᐱᓇᓱᒐᕐᓂᓗ ᐱᒋᐅᕐᓴᑎᑦᓯᓂᕐᒥ ᑐᑭᒧᐊᑦᑎᓯᔨᒥᒃ ᐊᖓᔪᕐᖄᖃᕐᓗᓂ, ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ ᑲᒪᒋᔭᑦᓴᓕᒃ ᐱᓇᓱᐊᕐᓂᒥᒃ ᐊᑦᔨᒌᖕᖏᑐᓂᒃ ᐊᐅᓚᑦᓯᓂᓕᕆᐅᑎᓂᒃ. ᐱᓇᓱᒐᖓᓄᑦ ᐃᓚᒋᔭᐅᑎᓪᓗᒋᑦ, ᐱᓇᓱᑦᑎ ᐱᒍᓐᓇᐅᑎᓕᓐᓂᒃ ᐱᓇᓱᑦᑎᓂᓪᓗ ᐳᕐᑐᓂᕐᓴᓂᒃ ᐃᑲᔪᖃᑦᑕᒥᓪᓗᓂ.

• ᓈᒻᒪᓈᕐᑎᓗᒋᑦ ᑮᓇᐅᔭᓕᕆᒍᑎᓂᒃ ᖃᕆᑕᐅᔭᒨᔦᓲᖅ.

• ᑮᓇᐅᔦᓕᕿᒍᑏᑦ ᐱᓇᓱᐊᕆᐊᓕᑦᑕᖏᓐᓂᒃ ᐱᓇᓱᐊᓲᖅ.

• ᐊᓯᖏᓐᓄᑦ ᐊᑭᓕᐅᑎᐅᔪᓂᒃ ᑲᒪᓲᖅ, ᑕᒻᒪᓯᒪᔪᖃᑐᐊᕐᒪᑕ ᖃᐅᔨᑦᓱᒋᑦ ᐋᕐᕿᒋᐊᕐᓱᒋᓗ.

• ᐃᑲᔪᓲᖅ ᐱᓇᓱᐊᕐᑌᑦ ᐱᕙᓪᓕᐊᔭᐅᒍᑎᖏᓐᓄᑦ ᐱᓇᓱᑦᑎᓂᒃ ᐱᓇᓱᐊᕐᑕᖏᓐᓂ ᐃᑲᔪᕐᓱᒋᑦ, ᐋᕐᕿᓱᐃᑦᓱᓂ - ᐱᓀᓗᑕᓕᓐᓂᒃ - ᐊᓪᓚᓯᒪᔪᖁᑎᒥᓂ/ᐊᑭᓕᕐᑕᐅᒍᒪᐅᑎᒥᓂᓘᓐᓃᑦ.

• ᐱᓇᓱᐊᕐᑕᐅᔪᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᐱᓇᓱᒋᐊᓪᓚᕆᐊᓕᓐᓂᒃ ᐱᓇᓱᓲᖅ.

• ᑲᑎᒪᐅᑎᑦᓴᓂᒃ ᐊᑐᐃᓐᓇᕈᐃᓲᖅ, ᑲᑎᖕᖓᓂᕐᓄᑦ ᐁᓲᖅ ᐊᒻᒪᓗ ᑲᑎᖕᖓᐅᑎᕕᓃᑦ ᐊᓪᓚᑕᐅᓯᒪᓂᖏᓐᓂᒃ ᐱᓇᓱᒋᐊᖃᑐᐊᕋᒥ ᐊᓪᓚᓯᒪᔪᓕᐅᓲᖅ.

• ᓄᑕᐅᓯᓕᕇᓲᖅ CLOUD-ᒥ (-SHAREPOINT) ᑐᑭᓯᓇᕐᑎᓯᒍᑎᓕᒫᖏᑦ ᐊᖑᒻᒪᑎᑎᑦᓯᐊᖏᓐᓇᓱᒋᑦ ᐊᑐᐃᓐᓇᕆᔭᐅᑎᑦᓯᐊᓱᒋᓗ.

• ᐊᖏᖃᑎᒌᒍᑎᓂᒃ/ᐱᓇᓱᓐᓂᒧᑦ ᐊᖏᕐᓯᒪᐅᑎᓂᒃ/ᑮᓇᐅᔦᑦ ᐊᐅᓚᑕᐅᒍᑎᖏᓐᓂᒃ/ᐊᑭᓕᕐᑕᐅᒍᒪᐅᑎᓂᒃ ᐊᓪᓚᓯᒪᔪᖁᑎᓂᒃ ᐱᐅᓕᐊᕆᔨᐅᓲᖅ.

• ᓄᑕᐅᓯᓖᓲᖅ - FMPRO-ᒥᒃ

• ᐱᓇᓱᑦᑌᑦ ᐊᓪᓚᓯᒪᔪᖁᑎᖏᑦ ᐱᑦᔪᑎᖓᓅᓕᖓᓯᒪᔪᓕᒫᓪᓗ ᐃᓚᐅᑎᓪᓗᒋᑦ ᐱᓇᓱᐊᕐᑕᐅᒌᑦᓯᐊᑎᓗᒋᑦ.

• ᑮᓇᐅᔭᓕᕆᕕᒻᒥᒃ ᐊᑭᓕᕆᐊᓕᓄᑦ ᐊᑭᓕᕐᑕᐅᒍᒪᐅᑎᓄᓪᓗ ᐱᓀᓗᑌᑦ ᐱᑦᔪᑎᒋᑦᓱᒋᑦ ᐱᓇᓱᖃᑎᖃᓲᖅ ᖃᐅᔨᒐᓱᒋᐊᓪᓚᓱᒋᓗ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒋᐊᓪᓚᒥ ᐱᔭᕇᕐᓯᒪᐅᑎᖃᕐᓗᓂ ᐊᐅᓚᑦᓯᓂᓕᕆᓂᕐᒨᓕᖓᔪᓂᒃ, ᓇᓪᓕᖁᐊᖏᓐᓂᓘᓐᓃᑦ

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ, ᐱᓇᓱᑦᑎᑖᕆᔭᐅᓂᖓᓄᑦ ᖃᓄᐃᓕᖓᐅᑎᐅᑎᓪᓗᒍ, ᐋᕐᕿᑕᐅᒪᔪᒥᒃ ᐃᓕᓴᕐᓂᓕᕆᓂᕐᒧᑦ.

ᐊᑐᕈᓐᓇᕆᐊᓕᖏᑦ:

• ᒪᕐᕉᓂᒃ ᐅᖃᐅᓯᖃᕈᓐᓇᓯᐊᕐᓗᓂ ᐃᓕᓐᓂᐊᓂᓕᕆᓂᐅᑉ ᐅᖃᐅᓯᖏᑦᑕ ᐱᖓᓱᓂ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ

• ᐃᓕᓐᓂᐊᓂᕐᒥᒃ ᑲᔪᓯᕕᒻᒥ ᐱᓇᓱᐊᕐᓯᒪᒍᓂ ᐱᐅᔫᒐᔭᕐᑐᖅ.

ᑫᕙᓪᓚᒍᓯᕆᒐᔭᕐᑕᖏᑦ: 35-ᓂᑦ ᑫᕙᓪᓚᒍᓯᕐᓂᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4211-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $24.21-ᓂᑦ $32.32-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᐊᐅᒡᒍᓯ 12, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ ADMINTECHAEVT2508-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.