ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐊᖓᔪᕐᖄᖃᕐᓗᓂ ᐃᓕᓐᓂᐊᕖᑦ ᐊᐅᓚᑕᐅᕕᖓᑕ ᑐᑭᒧᐊᑦᑎᓯᔨᖓᓂᒃ, ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ ᐱᓇᓱᐊᓲᖅ ᐊᑦᔨᒌᖕᖏᑐᓂᒃ ᐊᐅᓚᑦᓯᓂᓕᕆᔭᐅᓂᖏᓐᓅᓕᖓᔪᓂᒃ ᐃᓕᓐᓂᐊᑎᑦᓯᔩᑦ ᐊᐅᓚᑦᓯᔩᓪᓗ ᐊᓪᓚᖁᑎᖏᓐᓂ. ᒪᑯᓂᖓ ᐃᓚᓖᑦ: 

ᐃᓂᖓ ᐱᓇᓱᐊᕆᐊᓕᖏᓪᓗ:

·       ᐱᓇᓱᐊᕐᓗᓂ ᑕᒻᒪᓯᒪᔪᕐᓯᐅᕆᒍᑦᔨᓗᓂ ᐃᓕᓴᕐᓂᓕᕆᓂᕐᒥᒃ ᑯᐯᒃᑐᕐᖃᑕᕐᕕᖓᓂᓪᓗ;

·       ᐃᓕᓐᓂᐊᕕᓕᒫᓄᑦ ᐊᕐᕌᒍᖓᓄᑦ ᐅᓪᓗᖁᑎᓂᒃ ᐊᖑᒪᑎᖏᓐᓇᕈᑎᓂᒃ ᐱᓇᓱᐊᕐᓗᓂ;

·       ᖃᕆᑕᐅᔭᒃᑯᑦ ᐊᒡᓚᓯᒪᔪᖁᑎᖃᐅᑎᓕᒫᓂᒃ ᐃᓕᓐᓂᐊᕕᓐᓅᓕᖓᔪᓕᒫᓂᒃ ᐊᐅᓚᑕᐅᓂᖏᓐᓂᒃ ᐱᓇᓱᐊᕐᓗᓂ;

·       ᐃᓕᓐᓂᐊᑏᑦ ᖃᐅᔨᓴᕐᑕᐅᒍᑎᕕᓂᖏᓐᓂᒃ ᐊᒡᓚᓯᒪᔪᓂᒃ ᑲᒪᓗᓂ ᐱᓇᓱᐊᕐᓗᓂᓗ;

·       ᐊᐅᓚᑦᓯᖃᑦᑕᓗᓂ ᑭᐅᕕᒻᒥᒃ ᐊᑐᓕᕐᑎᓯᖃᑦᑕᓗᓂᓗ ᐱᓇᓱᑦᑎᑖᕈᑏᑦ ᐊᓪᓚᕕᑦᓴᖏᓐᓂᒃ ᐃᓕᓐᓂᐊᕕᓐᓄᑦ ᐊᑐᓂᑦ;

·       ᓇᐅᑦᓯᑐᖃᑦᑕᓗᓂ ᐃᓄᑑᑎᓪᓗᒍ ᐃᓕᓐᓂᐊᑎᑕᐅᒋᐊᓪᓛᓂᕐᒧᑦ ᕿᓄᒍᑎᓂᒃ ᓄᑕᐅᓯᓕᕐᑎᕆᖃᑦᑕᓗᓂᓗ ᐊᓪᓚᖁᑎᖃᐅᑎᖏᓐᓂᒃ ᐊᑭᓖᒍᑎᐅᒋᐊᓕᓐᓂᓗ;

·   ᑮᓇᐅᑦᔭᓵᓕᕆᕕᒻᒥᒃ ᑐᓴᕐᑎᓯᖃᑦᑕᓗᓂ ᐊᓯᑦᔨᑐᕈᑎᖏᓐᓂᒃ ᐱᓇᓱᑦᑏᑦ ᐊᓪᓚᖁᑎᖏᓐᓂ;

·   ᐊᑭᓕᕐᑕᐅᑎᑦᓯᖃᑦᑕᓗᓂ ᐃᓘᓐᓇᖏᓐᓂᒃ ᐊᑭᓕᕋᑦᓴᓕᒫᓂᒃ.

·   ᐱᓇᓱᑦᑏᑦ ᐊᑎᖏᑦᑕ ᐊᓪᓚᓯᒪᔭᐅᒍᑎᖏᓐᓂᒃ ᓇᔪᕐᑎᙯᓐᓇᖃᑦᑕᓗᓂ ᓄᑕᐅᓯᓕᖃᑦᑕᓗᒋᓗ ᐃᓕᓐᓂᐊᑎᑦᓯᔩᑦ ᐊᑎᖏᑦ ᐃᓚᐅᑎᓪᓗᒋᑦ ᐃᓕᓐᓂᐊᕕᑕᒫᑦ ᐱᓇᓱᑦᑎᓂᓗ ᓴᐳᑎᓯᒪᓗᓂ;

·   ᐊᐱᕐᓲᑎᓂᒃ ᑭᐅᖃᑦᑕᓗᓂ ᐃᓕᓐᓂᐊᕕᐅᑉ ᐃᓂᓪᓚᖓᐅᓯᖓᓅᓕᖓᔪᓂᒃ, ᐃᓄᑑᓗᓂ ᐃᓕᓐᓂᐊᑎᑕᐅᒋᐊᓪᓛᕈᑎᓄᑦ ᐃᓄᑐᙯᓪᓗ ᐊᑭᓕᕐᑕᐅᒍᑎᖏᓐᓄᑦ;

·   ᐊᓯᖏᓐᓂᒃ ᐱᓇᓱᖃᑦᑕᒥᓪᓗᓂ ᐊᖓᔪᕐᖄᒥᓄᑦ ᑎᓕᔭᐅᒍᑎᒥᓂᒃ.    

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᒋᐊᓪᓚᒥ ᐱᔭᕇᕐᓯᒪᐅᑎᖃᕐᓗᓂ (DEC) ᐊᐅᓚᑦᓯᓂᓕᕆᓂᕐᒥ ᐃᓕᑕᕆᔭᐅᒍᑎᒥᓐᓅᒦᑦ ᓱᓕᓂᕃᒍᑎᖃᕐᓗᓂᓘᓐᓃᑦ ᐃᓕᓐᓂᐊᓯᒪᓂᕃᒍᑎᓂᒃ ᐃᓕᑕᕆᔭᐅᔪᒥᒃ ᓈᒻᒪᒋᔭᐅᔪᒥᓪᓘᓃᑦ ᐃᓕᓐᓂᐊᓂᓕᕆᓂᕐᒧᑦ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

§ ᑐᑭᓯᒪᑦᓯᐊᓗᓂ ᐊᑐᕐᑕᐅᒍᓯᖏᓐᓂᒃ ᖃᕆᑕᐅᔭᒃᑯᑦ ᐱᓇᓱᒍᑎᓂᒃ GPI-ᒥᒃ GRICS-ᒥᓪᓗ;

§ ᑐᑭᓯᒪᓗᓂ ᖃᕆᑕᐅᔭᒃᑯᑦ ᐱᓇᓱᒍᑎᒥᒃ MS Access-ᒥᒃ;

§ ᐅᖃᐅᓯᖃᕈᓐᓇᓯᐊᕐᓗᓂ ᒪᕐᕉᓂᒃ ᐃᓕᓐᓂᐊᓂᓕᕆᓂᐅᑉ ᐱᖓᓱᓂᒃ ᐅᖃᐅᓯᖏᑦᑕ ᓇᓪᓕᖏᓐᓂᒃ (ᐃᓄᒃᑎᑐᑦ, ᐅᐃᒍᐃᑎᑐᑦ ᖃᓪᓗᓈᑎᑐᑦ);

§ ᖃᐅᔨᒪᔭᖃᑦᓯᐊᓗᓂ ᖃᕆᑕᐅᔭᓕᕆᒍᑎᓂᒃ MS Outlook, Word ᐊᒻᒪᓗ Excel ᖃᕆᑕᐅᔭᒃᑯᑦ ᐱᓇᓱᒍᑎᓂᒃ;

§ ᐃᒻᒥᓂᕿᒍᓐᓇᓯᐊᕐᓗᓂ, ᐃᓂᓪᓚᖓᕈᓐᓇᓯᐊᒻᒪᕆᓪᓗᓂ, ᐃᑉᐱᒋᔭᖃᑦᓯᐊᕈᓐᓇᓗᓂ ᑐᑭᓯᓐᓇᐅᑎᓕᒫᓂᒃ ᑭᓇᒃᑯᑐᐃᓐᓇᓄᓪᓗ ᖃᐅᔨᔭᐅᒋᐊᖃᖕᖏᑐᓂᒃ;

§ ᓄᓇᕕᒻᒥᒃ ᐃᓄᐃᑦ ᐃᓗᕐᕈᓯᖓᓂᓗ ᖃᐅᔨᒪᒍᓂ ᐱᐅᔪᖁᑎᒋᔭᐅᒐᔭᕐᑐᖅ.

ᐱᐅᔫᒐᔭᕐᑐᑦ:

ᖃᐅᔨᒪᔭᖃᕈᓂ ᐊᑐᕈᓐᓇᕕᖃᕐᓗᓂᓗ ᖃᕆᑕᐅᔭᓕᕆᐅᑎᓂᒃ GRICS-ᑯᓐᓂᒃ;

ᖃᐅᔨᒪᔭᖃᕈᓂ ᓄᓇᕕᒻᒥᒃ ᐃᓄᐃᓪᓗ ᐃᓗᕐᖁᓯᖓᓂᒃ.

ᐱᓇᓱᐊᕐᓂᖓ: 35 ᑫᕙᓪᓚᒍᓰᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᕕᒻᒧᑦ.                

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4211-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $24.21-ᓂᑦ $32.32-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.