ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ, ᐱᖑᐊᓗᐃᑦ ᒥᕐᖑᐃᓯᕐᕕᖓ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (ᑮᐋᔩ), ᐊᒥᓱᐃᓂᒃ ᑭᒡᒐᑐᕈᑎᖃᕐᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂᓗ ᑯᐯᑉ ᓄᓇᖓᓂ ᑕᕐᕋᒦᑦᑐᒥ 55 ᓇᑉᐸᖓᑕ ᖁᓛᓂ, ᕿᓂᓕᕐᒥᔪᖅ ᐃᓄᒻᒥᒃ ᐱᕈᒪᓂᖃᑦᓯᐊᑐᒥᒃ ᐊᒻᒪᓗ ᐅᒃᑯᐃᖔᑦᓯᐊᑐᒥᒃ ᑫᐋᔩᒃᑯᓂ ᐱᒍᑦᔨᕈᒪᓂᖃᑦᓯᐊᓱᓂ ᐃᒣᑦᑐᒥᒃ ᐱᓇᓱᐊᓚᖓᔪᒥᒃ:

ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ, ᐱᖑᐊᓗᐃᑦ ᒥᕐᖑᐃᓯᕐᕕᖓ

ᐱᓇᓱᒐᐅᓚᐅᕐᑐᑐᖅ, ᐱᓇᓱᒐᖅ

ᐊᖓᔪᕐᖄᖃᕐᓗᓂ ᐱᖑᐊᓗᐃᑦ ᒥᕐᖑᐃᓯᕐᕕᖓᑕ ᑐᑭᒧᐊᕐᑎᓯᔨᖓᓂᒃ, ᐊᐅᓚᑦᓯᓂᓕᕆᓂᕐᒥᒃ ᐱᓪᓗᑯᒋᐊᓕᓕᕆᔨ ᐱᓇᓱᐊᕐᓂᖃᓲᖅ ᐃᓄᓐᓅᓕᖓᔪᓂᒃ, ᐊᒻᒪᓗ ᒥᕐᖑᐃᓯᕐᕕᐅᑉ ᐊᐅᓚᑦᓯᓂᓕᕆᕕᖓᓂᒃ ᑲᒪᒋᔭᖃᖃᑦᑕᓂᐊᕐᓱᓂ ᐊᒻᒪᓗ ᐊᓪᓚᖃᐅᑎᖏᓐᓂᒃ ᐃᓂᓪᓚᑎᕆᖃᑦᑕᓗᓂ, ᐃᓗᐃᑦᑐᓯᐊᖑᕋᓗᐊᕐᒪᖔᑕ ᓄᑕᐅᓯᓕᕐᑐᑕᐅᒪᑦᓯᐊᕋᓗᐊᕐᒪᖔᑕ ᑲᒪᒋᔭᖃᖃᑦᑕᓗᓂ. ᐊᐅᓚᑦᓯᓂᓕᕆᕕᒻᒥ ᐱᓪᓗᑯᒋᐊᓕᓕᕆᔨ ᒪᑯᓂᖓᓗᐊᖕᖑᐊᖅ ᐱᓇᓱᐊᖃᑦᑕᓂᐊᕐᑐᖅ:

• ᐊᐅᓚᑦᓯᓂᓕᕆᓂᐅᑉ ᐱᔭᑦᓴᖏᓐᓂᒃ ᐊᐅᓚᑦᓯᓂᕐᒨᓕᖓᔪᓂᒃ ᒥᕐᖑᐃᓯᕐᕕᐅᓗ ᐊᐅᓚᑕᐅᓂᖓᓂᒃ ᑐᖕᖓᕕᓕᓐᓂᒃ ᐃᓚᐅᑎᓪᓗᒋᑦ ᐱᓇᓱᑦᑏᑦ ᐊᓪᓚᖃᐅᑎᖏᑦ, ᖃᖓᑦᑕᐅᑎᖏᑦ, ᑭᓯᑦᓯᓃᑦ, ᐊᒻᒪᓗ ᐊᓪᓚᕕᒻᒥ ᐃᓘᓐᓀᓂ ᐃᓂᓪᓚᑎᕆᖃᑦᑕᓗᓂ;

• ᐊᓪᓚᖃᐅᑏᑦ ᑲᒪᒋᖃᑦᑕᓗᒋᑦ ᒥᕐᖑᐃᓯᕐᕕᑯᓐᓂ;

• ᐃᓄᓐᓂᒃ ᑲᑎᓯᖃᑦᑕᓗᓂ ᑐᖕᖓᓱᑦᑎᓯᖃᑦᑕᓗᓂ, ᒥᕐᖑᐃᓯᕐᕕᑯᓐᓂ ᑭᒡᒐᑐᑦᓯᐊᓗᓂ;

• ᐳᓛᕆᐊᕐᑐᓂᒃ ᑲᒪᒋᔭᖃᖃᑦᑕᓗᓂ ᐱᒍᑦᔨᓗᒋᓪᓗ ᒥᕐᖑᐃᓯᕐᕕᓕᐊᕐᑐᑦ ᐊᒻᒪᓗ ᑐᑭᓯᓂᐊᕐᑎᓗᒋᑦ;

• ᐃᑲᔪᕐᓯᖃᑦᑕᓗᓂ, ᑭᖕᖒᒪᒋᔭᐅᑉᐸᑦ, ᑐᓴᐅᒪᔭᐅᒋᐊᓕᓐᓂᒃ ᑐᓴᐅᒪᑎᑦᓯᒐᓱᐊᕐᓂᑯᑦ ᐊᒻᒪᓗ ᑐᑭᓯᓇᕐᑎᕆᖃᑦᑕᓗᓂ ᐅᖃᐅᓯᑦᓴᕆᔭᐅᔪᓂᒃ, ᐱᓗᐊᕐᑐᒥᒃ ᒥᕐᖑᐃᓯᕐᕕᒥ ᐃᓗᕐᖁᓯᒻᒨᓕᖓᔪᐃᑦ ᐱᒻᒪᕆᐅᔪᖁᑏᑦ;

• ᑲᑎᒪᓂᑦᓴᓂᒃ ᐊᑐᐃᓐᓇᕈᕐᑏᖃᑦᑕᓗᓂ (ᐆᑦᑑᑎᒋᓗᒍ ᑎᒥᐅᔫᑉ ᑲᑎᒪᔨᖏᑦ) ᐊᒻᒪᓗ ᐅᖄᖃᑎᒌᓐᓂᐅᓚᖓᔪᐃᑦ, ᐊᑐᐃᓐᓇᕈᕐᑏᖃᑦᑕᓗᓂ, ᙯᖁᔨᖃᑦᑕᓗᓂ, ᑲᑎᒪᐅᑎᑦᓴᓂᒃ ᐋᕐᕿᓱᐃᖃᑦᑕᓗᓂ, ᐃᓂᓕᐅᕆᖃᑦᑕᓗᓂ, ᐊᓪᓚᖁᑎᓕᐅᖃᑦᑕᓗᓂ, ᑲᑎᒪᐅᑏᑦ ᐱᑦᔪᑎᖏᓐᓂᒃ ᐋᕐᕿᓱᐃᖃᑦᑕᓗᓂ ᐊᒻᒪᓗ ᑲᑎᒪᐅᑎᐅᔪᕕᓂᕐᓂᒃ ᐊᓪᓚᓯᒪᔪᓕᐅᖃᑦᑕᓗᓂ;

• ᑐᓴᐅᒪᖃᑎᒌᒍᑎᐅᔪᓂᒃ ᑲᒪᒋᔭᖃᖃᑦᑕᓗᓂ, ᑭᐅᖃᑦᑕᓗᓂ ᐊᐱᕐᓲᑎᓂᒃ, ᐃᓂᓕᐅᕆᖃᑦᑕᓗᓂᓗ;

• ᖃᐅᔨᑎᑦᓯᒍᑎᓂᒃ ᐃᓕᐅᕐᙯᖃᑦᑕᐅᖃᑦᑕᓗᓂ ᖃᐅᔨᓴᕐᑕᐅᒍᑎᓂᓪᓗ;

• ᖃᐅᔨᓴᖃᑦᑕᓗᓂ ᑐᑭᓯᓇᕐᑎᓯᖃᑦᑕᓗᓂᓗ ᐱᑦᔪᑎᐅᔪᓂᒃ, ᑭᖕᖒᒪᒋᔭᐅᑉᐸᑕ;

• ᐊᓯᖏᓐᓂᒃ ᐱᓇᓱᐊᖃᑦᑕᒥᓗᓂ ᐱᔭᑦᓴᒥᓂᒃ, ᐊᖓᔪᕐᖄᒥᓄᑦ ᐱᓇᓱᐊᕐᑕᐅᖁᔭᐅᔪᓄᑦ.

ᒪᑯᓂᖓ ᐱᑕᖃᕆᐊᓕᒃ:

• ᐳᕐᑐᓂᕐᓴᒥ ᐃᓕᓐᓂᐊᕕᒻᒥ ᐱᔭᕇᕐᓯᒪᓗᓂ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᐊᕐᓯᒪᓗᓂ;

• ᐳᒃᑭᓂᕐᐹᖓᓂᒃ ᐊᕐᕌᒎᓐᓂᒃ ᒪᕐᕉᓂᒃ (2) ᐱᓇᓱᐊᕐᓯᒪᓗᓂ ᐊᐅᓚᑦᓯᓂᓕᕆᓂᕐᒥᒃ;

• ᐊᓪᓚᕈᓐᓇᓗᓂ ᐅᖄᕈᓐᓇᓗᓂᓗ ᒪᕐᕉᔪᐊᓂᒃ (2) ᐅᖃᐅᓰᓐᓂᒃ ᒪᑯᓂᖓ ᐅᖃᐅᓯᕐᓂᒃ: ᐃᓄᑦᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ;

• ᐃᓄᓐᓂᒃ ᐱᒍᑦᔨᖃᑦᑕᓯᒪᔫᒍᓂ ᐱᐅᔫᒐᔭᕐᑐᖅ;

• ᐱᓇᓱᐊᖃᑎᖃᖃᑦᑕᓯᒪᒍᓂ ᐱᓇᓱᑦᑎᐅᖃᑎᒥᓂᒃ ᐱᐅᔫᒐᔭᕐᑐᖅ;

• ᐱᒋᐅᕐᓴᑎᑕᐅᓂᕐᒥᒃ ᐃᓚᐅᒍᒪᓂᖃᕆᐊᓕᒃ;

• ᐃᓄᓕᒻᒥ ᐅᖄᒍᓐᓇᕆᐊᓕᒃ ᑕᑯᓐᓇᐅᔮᕐᑎᓯᒍᓐᓇᕈᓂᓗ ᐱᐅᔫᒐᔭᕐᑐᖅ;

• ᖃᐅᔨᒪᑦᓯᐊᕆᐊᓕᒃ ᖃᕆᑕᐅᔭᕆᐊᒥᒃ;

• ᐃᒻᒥᓂᕐᓱᓗᓂ ᐱᓇᓱᐊᕈᓐᓇᕆᐊᓕᒃ, ᐃᓂᓪᓚᑎᕐᓯᒪᑦᓯᐊᕈᓐᓇᓗᓂᓗ.

ᐱᓇᓱᒐᐅᑉ ᓇᓃᓐᓂᖓ: ᑲᖏᕐᓱᔪᐊᖅ

ᑮᓇᐅᑦᔭᓵᖏᑦ: ᐳᒃᑭᓂᕐᐹᖓ. $40 906 ᐊᕐᕌᒍᑕᒫᑦ – ᐳᕐᑐᓂᕐᐹᖓ. $66 291 ᐊᕐᕌᒍᑕᒫᑦ (ᐳᕐᑐᓂᖓ 5)

ᐱᕚᓪᓕᕈᑎᑦᓭᑦ: ᐃᓅᒐᓱᐊᕐᓂᖓᓄᑦ ᐊᑭᑐᓂᖓᓄᑦ ᐃᑲᔪᕐᑕᐅᒍᑏᑦ: ᐳᒃᑭᓂᕐᐹᖓ $11 834 ᐊᕐᕌᒍᑕᒫᑦ;

ᓂᕿᓯᐅᑎᑦᓭᑦ: ᐳᒃᑭᓂᕐᐹᖓ $7 255 ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᐊᐅᓪᓚᕈᓐᓇᐅᑎᖏᑦ: ᐳᕐᑐᓂᕐᐹᖓ 3-ᕕᓪᓗᓂ ᐃᓄᒻᒧᑦ ᐊᑕᐅᓯᕐᒧᑦ ᐊᕐᕌᒍᑕᒫᑦ

ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᐊᑭᓕᕐᑐᑕᐅᒍᑎᑦᓭᑦ;

ᕿᑲᓀᓐᓇᓃᑦ: 20 ᐅᓪᓗᐃᑦ ᐊᕐᕌᒍᑕᒫᑦ;

ᐱᓇᓱᑦᑏᑦ ᕿᑲᕐᓇᖏᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᕿᑎᖕᖑᒥ ᕿᑲᕐᓀᑦ

ᐃᓕᒐᓱᐊᕈᒪᐅᑎᑦ ᐊᐅᓪᓚᑎᓗᒍ 5:00-ᖑᓚᐅᕐᑎᓇᒍ ᐅᓐᓄᓴᒃᑯᑦ, ᐊᐅᒡᒍᓯ 22, 2025 ᐅᕗᖓ:

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

ᑫᐋᔩ ᓈᒻᒪᖁᐊᕇᑦᑎᓯᔨᐅᕗᖅ ᐱᓇᓱᑦᑎᓭᑦ ᐱᕕᖃᕐᑎᓱᒋᑦ ᐊᑦᔨᒌᓂᒃ. ᑌᒣᒻᒪᑦ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓄᑦ ᐊᖏᖃᑎᒌᒍᑏᑦ ᒪᓕᓪᓗᒋᑦ, ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᖁᓛᓂ ᐱᔪᓐᓇᓃᑦ ᐃᓄᐃᑦ ᐱᓇᓱᒐᕐᑖᑎᑕᐅᖔᕋᓱᐊᕐᑎᓗᒋᑦ.

ᐃᓕᒐᓱᐊᕐᑐᑦ ᓇᓪᓕᑳᕐᑌᑦ ᑭᓯᐊᓂ ᐊᐱᕐᓲᔭᕐᑕᐅᒍᒪᓗᑎᒃ ᐅᖄᕕᐅᓛᕐᑐᑦ.