ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ, ᑐᕐᓱᔪᖅ ᒥᕐᖑᐃᓯᕐᕕᒃ - KRG

ᐱᓇᓱᒐᖅ ᐊᑐᐃᓐᓇᐅᑎᑕᐅᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᓇᓱᕝᕕᐅᔪᖅ ᓄᓇᓖᑦ ᐊᕕᑦᑐᓯᒪᓂᖏᑎᒍᑦ ᓄᓇᖁᑎᖃᕐᓱᓂ 55 ᑎᑦᑕᐅᑉ ᖁᓈᓃᑦᑐᓂᒃ, ᒫᓐᓇ ᕿᓂᓕᕆᕗᖅ ᐱᓇᓱᑦᑎᓴᒥᒃ ᐱᓇᓱᓐᓂᐊᓗᓂ ᑲᑎᕕᒃ ᓄᓇᓕᓕᒫᑦ ᑲᔭᒪᖓᓐᓂ ᒪᑦᓱᒥᖓ ᐱᓇᓱᒐᖃᕐᓗᓂ:

ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ, ᑐᕐᓱᔪᖅ ᒥᕐᖑᐃᓯᕐᕕᒃ

(ᑲᔪᓯᔪᒥᒃ ᐱᓇᓱᒐᖅ ᐅᓪᓗᑕᒫᕐᓯᐅᑎᐅᑦᓱᓂ)

ᑐᓴᕐᑎᓯᖃᑦᑕᓗᓂ ᒥᕐᖑᐃᓯᕐᕕᒥ ᑐᑭᒧᐊᑦᑎᓯᔨᒥᒃ, ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨ ᐃᓄᓐᓂᒃ ᑲᒪᖃᑦᑕᕆᐊᓕᒃ, ᑲᒪᓗᓂᓗ ᒥᕐᖑᐃᓯᕐᕕᒨᓕᖓᔪᓂᒃ ᐊᒃᓚᖁᑎᓂᒃ, ᐃᑉᐱᒋᓗᒋᑦ ᐱᔭᕇᕐᓯᒪᑦᓯᐊᕋᓗᐊᕐᒪᖔᑕ ᐊᖑᒪᑦᓯᓯᐊᕐᒪᖔᑕᓗ. ᐱᓗᐊᕐᑐᒥᒃ ᐊᐅᓚᑦᓯᓂᓕᕆᕕᒻᒥ ᐱᓪᓗᑯᒋᐊᓕᓕᕆᔨ ᐃᒣᓐᓂᐊᑐᖅ:

• ᑲᒪᒋᔭᖃᕐᓗᓂ ᐊᐅᓚᑦᓯᓂᓕᕆᓂᕐᒨᓕᖓᔪᓂᒃ ᐱᑐᑦᓯᒪᔪᓂᒃ ᐊᐅᓚᑕᐅᓂᖓᓄᑦ ᐃᖏᕐᕋᓂᖓᓄᓪᓗ ᒥᕐᖑᐃᓯᕐᕕᐅᑉ ᐃᓚᖃᕐᒥᑎᓪᓗᒋᑦ ᐱᓇᓱᑦᑏᑦ ᐊᒃᓚᖁᑎᖏᓐᓂᒃ, ᐊᐅᓚᒍᑎᓂᒃ, ᑐᑦᓯᕋᐅᑎᓂᒃ, ᐱᐅᒃᑯᑎᓂᒃ ᑭᓯᑦᓯᓯᒪᓂᕐᒥᒃ, ᐊᒻᒪᓗ ᐃᓘᓐᓈᒍᑦ ᐊᒃᓚᕕᐅᑉ ᐃᓂᓪᓚᓯᒪᐅᑎᒋᒋᐊᓕᖏᓐᓂᒃ;

• ᐊᑐᓕᕐᑎᓗᒍ ᑲᔪᓯᑎᓗᒍᓗ ᐊᒃᓚᖁᑎᓕᕆᓂᖅ ᐃᓕᖓᔪᓂᒃ ᒥᕐᖑᐃᓯᕐᕕᒧᑦ;

• ᐃᓄᓐᓂᒃ ᐅᐸᐅᑎᔪᓂᒃ ᑲᑎᓯᖃᑦᑕᓗᓂ ᑐᖕᖓᓱᑦᑎᓗᒋᓪᓗ, ᑭᒃᒐᑐᑦᓯᐊᓗᓂ ᒥᕐᖑᐃᓯᕐᕕᒥᒃ;

• ᒥᕐᖑᐃᓯᕐᕕᓕᐊᕐᑐᓂᒃ ᐊᒃᓚᖃᑦᑕᓗᓂ ᐊᒻᒪᓗ ᑐᑭᓯᓂᐊᕐᕕᓕᐊᕐᑐᓂᒃ;

• ᐃᑲᔪᕐᓯᒪᖃᑦᑕᓗᓂ ᕆᐊᖃᓕᕈᓂ, ᒥᕐᖑᐃᓯᕐᕕᓕᐊᕐᑐᓕᕆᔨ ᐊᓯᖏᓪᓗ ᐱᓇᓱᑦᑏᑦ ᒥᕐᖑᐃᓯᕐᕕᐅᑉ ᑐᕌᒐᖓᓂᒃ ᓴᐳᒻᒥᓂᕐᒧᑦ ᐊᒻᒪᓗ ᑕᑯᑦᓴᐅᑎᑦᓯᓂᕐᒥᒃ ᓄᓇᒥᒃ ᐊᒻᒪᓗ ᑕᑯᔪᒥᓇᕐᓂᖓᓂᒃ;

• ᐸᕐᓇᖃᑦᑕᓗᓂ ᑲᑎᖕᖓᓂᐅᒋᐊᓕᓐᓂᒃ (ᐅᑦᑑᑎᒋᓗᒍ ᐊᑕᐅᑦᓯᑰᕐᑎᓯᔩᑦ ᑲᑎᖕᖓᔨᖏᑦ) ᐊᒻᒪᓗ ᖃᐅᔨᑎᕆᓂᕐᒧᑦ ᑲᑎᖕᖓᓃᑦ, ᐃᓚᐅᑎᓪᓗᒍ ᐊᑐᐃᓐᓇᕈᕐᑎᕆᓂᖅ, ᙯᕐᖁᔨᓂᖅ, ᐃᓂᑦᓴᓕᐅᕐᓂᖅ, ᐊᐅᓚᒍᑎᑦᓴᓕᐅᕐᓂᖅ, ᑐᑭᒧᐊᒍᑎᑦᓴᓂᒃ, ᐊᒃᓚᖁᑎᐅᒋᐊᓖᑦ ᐊᒻᒪᓗ ᓄᐃᑕᐅᒋᐊᓖᑦ ᓄᐃᑕᐅᒍᑎᑦᓴᖏᓐᓂᒃ;

• ᐱᕙᓪᓕᐊᑎᓪᓗᒋᑦ ᐊᒃᓚᖁᑎᐅᒋᐊᓖᑦ, ᖃᐅᔨᔭᐅᒍᒪᔪᓂᒃ ᑭᐅᖃᑦᑕᓗᓂ;

• ᐃᑲᔪᖃᑦᑕᓗᓂ ᖃᕆᑕᐅᔭᒨᔦᔪᒥᒃ ᐃᓕᖓᔪᓂᒃ ᑐᓴᕐᑎᓯᐅᑎᓄᑦ ᖃᐅᔨᓴᕐᑕᐅᒍᑎᐅᓯᒪᔪᓄᓪᓗ;

• ᐃᑲᔪᖃᑦᑕᓗᓂ ᐴᙯᔪᒥᒃ, ᐃᒐᖃᑕᐅᖃᑦᑕᓗᓂᓗ ᐊᒻᒪᓗ ᐊᐅᓪᓚᑎᑦᓯᖃᑦᑕᓗᓂ ᐊᐅᓪᓚᕆᐊᓕᓐᓂᒃ;

• ᒪᓕᖃᑦᑕᓗᒋᑦ ᐃᓐᓂᐊᓯᒪᔪᑦ ᑭᖕᖒᒪᒋᔭᐅᒍᓂ ᐊᐅᓚᓕᕐᐸᑕ, ᐃᑲᔪᕈᑎᒋᓗᒋᒃ ᓴᓗᒻᒪᓴᐃᓂᖅ ᐃᒐᓂᕐᓗ;

• ᐱᓇᓱᖃᑎᖃᖃᑦᑕᓗᓂ ᐊᓯᒥᓂᒃ ᐊᐅᓚᑦᓯᓂᓕᕆᓂᕐᒥ ᐱᓪᓗᑯᒋᐊᓕᓕᕆᔨᐅᒻᒥᔪᓂᒃ, ᑕᒣᓐᓂ ᑰᒃᔪᐊᒥ ᐊᓯᖏᓐᓂᓗ ᒥᕐᖑᐃᓯᕐᕕᓂ;

• ᑎᓕᔭᐅᒍᑎᒥᓂᒃ ᐊᓯᖏᓐᓂᒃ,ᐊᖓᔪᕐᖄᒥᓄᑦ ᐱᓇᓱᖃᑦᑕᕆᐊᖃᕐᒥᔪᖅ.

ᐱᒍᓐᓇᐅᑎᐅᒋᐊᓖᑦ:

• ᐳᕐᑐᓂᕐᓴᒥᒃ ᑕᓪᓕᒪᒥᒃ ᐃᓕᓐᓂᐊᕇᕐᓯᒪᓗᓂ, ᐱᓇᓱᓚᐅᕐᓯᒪᓗᓂᓘᓐᓃᑦ ᑕᒪᑦᓱᒧᖕᖓᓕᖓᔪᒥᒃ;

• ᐃᑭᓐᓂᐸᐅᑎᓪᓗᒋᒃ ᐊᕐᕌᒎᒃ ᒪᕐᕉᒃ (2) ᐱᓇᓱᓚᐅᕐᓯᒪᓂᖏᑦ ᐊᐅᓚᑦᓯᓂᓕᕆᓂᕐᒥ;

• ᐊᒃᓚᓕᓂᐅᓗᓂ ᐅᖄᓕᓂᐅᓗᓂᓗ ᐊᕐᕌᒎᓐᓂ ᒪᕐᕉᓂ (2) ᐅᑯᓂᖓ ᐅᖃᐅᓯᕐᓂᒃ ᐊᑐᕐᓗᓂ, ᐃᓄᒃᑎᑐᑦ, ᖃᓪᓗᓈᑎᑐᒃ, ᐅᐃᒍᐃᑎᑐᓪᓘᓃᑦ;

• ᐱᑦᔪᔭᐅᒋᐊᓕᓐᓂᒃ ᐱᑦᔪᔨᓕᓂᐅᒍᓂ ᐃᖃᔪᕐᓯᒪᒐᔭᕐᒥᔪᖅ ᐱᓇᓱᒐᕐᑖᕋᓱᐊᕐᓂᖓᓂᒃ;

• ᐱᓇᓱᓕᓂᐅᓗᓂ ᐊᓯᒥᓂᒃ ᐱᓇᓱᖃᑎᖃᕐᓗᓂ;

• ᐃᓚᐅᒍᒪᓂᖃᑦᓯᐊᓗᓂ ᐱᓇᓱᒐᕐᒥᒃ ᐱᔭᕆᐅᕐᓴᑎᑕᐅᓂᖃᓕᕐᐸᑦ;

• ᐃᓄᐃᑦ ᑕᒃᑯᐊᓂ ᐅᖄᖒᓐᓇᓗᓂ ᐅᕝᕙᓗᓘᓐᓃᑦ ᑕᑯᑦᓴᐅᑎᑦᓯᒍᓐᓇᓗᓂ ᐊᒥᓱᐃᓄᑦ;

• ᐱᓴᓱᒍᑎᖃᓕᓂᐅᓗᓂ ᖃᕆᑕᐅᔭᒥᒃ;

• ᐱᓴᓱᓕᕈᓂ ᐃᒻᒥᓂᕿᒍᓐᓇᓯᐊᕐᓗᓂ, ᐃᓂᓪᓚᖓᒍᓐᓇᓯᐊᕐᓗᓂ, ᓴᖑᔭᕋᕈᓐᓇᓗᓂ ᐃᑲᔪᕐᑐᕈᓱᑦᓯᐊᓗᓂᓗ;

ᓇᓃᓐᓂᖓ ᐱᓇᓱᕝᕕᐅᒋᐊᓕᐅᑉ: ᐅᒥᐅᔭᖅ

ᑮᓇᐅᑦᔭᓴᐅᑎᖏᑦ: ᐃᑭᓐᓂᐸᐅᑎᓪᓗᒋᑦ $40,906 ᐊᕐᕌᒍᑕᒫᑦ-ᑎᑭᓪᓗᒋᑦ $66,29 (ᐳᕐᑐᓂᖓ 5)

ᐱᕙᓪᓕᖁᑏᑦ: ᐃᓅᖔᓱᐊᕐᓂᐅᑉ ᐊᑭᖏᑦᑕ ᐊᑦᔨᐅᖏᒍᑎᖏᑦ: ᐃᑭᓐᓂᐸᐅᑎᓪᓗᒋᑦ $10,033 ᐊᕐᕌᒍᑕᒫᑦ;

ᓂᕿᓅᓕᖓᔪᑦ:ᐃᑭᓐᓂᐸᐅᑎᓪᓗᒋᑦ $2,973 ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᐊᐅᓚᒍᓐᓇᐅᑎᖏᑦ: ᐅᓄᕐᓂᐸᐅᑎᓪᓗᒋᑦ 3 ᐊᑐᓂ ᐃᓄᓐᓄᑦ ᐊᕐᕌᒍᑕᒫᑦ

ᐊᒥᓱᐃᓅᓕᖓᔪᑦ ᐱᕙᓪᓕᖁᑏᑦ ᐃᓚᒋᔭᐅᑎᓪᓗᒍ ᐃᒻᒪᖃᐅᑎᖃᕐᓂᖅ; ᕿᑲᑫᓐᓇᓂᖅ ᐱᓇᓱᕝᕕᒥ: 20 ᐅᓪᓗᐃᑦ ᐊᕐᕌᒍᑕᒫᑦ;

ᑲᕙᒪᐅᑉ ᕿᑲᕐᓇᓕᐊᕆᓯᒪᔭᖏᑦ: 20 ᐅᓪᓗᐃᑦ ᐃᓚᖃᕐᓱᑎᒃ 10ᓂᒃ ᐅᓪᓗᓂᒃ ᑭᑎᖕᖑᓂᕐᒧᑦ ᕿᑲᕐᓇᓂᒃ

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᒪᑦᔨ 25, 2026-ᒥ ᐅᕗᖓ:

ᐱᓇᓱᑦᑎᓕᕆᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ

ᐊᒃᓚᑖᕐᕕᖓ

P.O. Box 9

Kuujjuaq QC J0M 1C0

ᓱᑲᑦᑐᑰᕈᑎ: 819-964-2975

ᖃᕆᑕᐅᔭᒃᑯᑦ: humanresources@krg.ca

The KRG is an equal opportunity employer. In accordance with this and with the James Bay and Northern Québec

Agreement, conditions may vary to promote the employment of Inuit candidates.

Only candidates selected for an interview will be contacted.