ᑭᒡᒐᑑᑎᖏᓐᓂᒃ ᓄᓇᕕᐅᑉ ᐱᓇᓱᑦᑎ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᐳᕐᑐᓂᕐᓴᒋᐊᓪᓚᐅᓱᓂ ᓄᓇᓕᓕᕆᓂᕐᒥ ᑎᒥᖁᑎᒋᔭᐅᕗᖅ ᐱᔪᓐᓇᐅᖃᕐᕕᖃᕐᓱᓂ ᓄᓇᕕᓕᒫᒥᒃ ᑕᕐᖃᖓᓃᑦᑐᓕᒫᓂᒃ 55 ᖁᓛᓂ, ᒫᓐᓇ ᕿᓂᕐᐳᖅ ᖁᓱᙰᑦᑑᓗᓂ ᑲᑦᓱᙰᑦᑐᒥᒃ ᐃᓄᒻᒥᒃ ᐱᓇᓱᐊᖃᑕᐅᒍᒪᒐᔭᕐᑐᒥᒃ (KRG)-ᑯᓂ ᐱᓇᓱᒐᖃᕐᓂᐊᓗᓂ ᒪᑯᓂᖓ:

ᑭᒡᒐᑑᑎᖏᓐᓂᒃ ᓄᓇᕕᐅᑉ ᐱᓇᓱᑦᑎ

(ᐊᑕᖏᓐᓇᓕᒫᕐᑐᖅ, ᐅᓪᓗᓕᒫᕐᓯᐅᑎᐅᑦᓱᓂ ᐱᓇᓱᒐᖅ)

ᐊᖓᔪᕐᖄᖃᕐᓗᓂ ᐃᑲᔪᕐᑎᖓᓂᒃ ᑲᒪᔨᖓᑕ ᑲᔪᓯᖏᓐᓇᕈᓐᓇᑐᓂᒃ ᐱᓇᓱᒐᖃᕐᓂᐅᑉ ᐊᓪᓚᕕᖓ, ᐱᓇᓱᐊᖃᑎᖃᕐᓂᐊᓗᓂᓗ ᐱᓇᓱᖃᑎᒌᑦᑐᑦ ᓯᕗᓕᕐᑎᖓᓂᒃ, ᑭᒡᒐᑑᑏᑦ ᓄᓇᕕᒻᒥ ᑲᒪᔨᖓᓄᑦ ᐃᓕᓴᕐᑕᓗᓂ ᐃᓘᓐᓈᓂᒃ ᐃᓕᓭᒍᑎᒋᒋᐊᓕᓕᒫᒥᓂᒃ ᐱᒋᐅᑦᓯᐊᖁᓪᓗᒍ, ᑐᑭᓯᒍᓐᓇᓯᑦᓯᐊᖁᓗᒍᓗ ᐃᓕᑦᓯᒋᐊᓕᓕᒫᒥᓂᒃ ᑕᑦᓱᒪ ᐱᓇᓱᒐᐅᑉ ᐃᓂᖓᓃᓐᓂᐊᕈᓂ ᐱᔭᒃᓴᖏᑦ ᑖᒃᑯᐊ ᑭᒡᒐᑑᑎᖏᑦᑕ ᓄᓇᕕᒻᒥ ᑲᒪᔨᐅᑉ ᐃᓚᖃᕐᒥᔪᑦ ᒪᑯᓂᖓ ᐃᓚᓗᑳᖃᑲᑦᑌᓇᕐᓂᐊᕋᓗᐊᕐᒥᓱᑎᒃ:

▪ ᖃᐅᔨᒪᑎᑦᓯᔨᐅᓗᓂ ᑭᒡᒐᑐᕐᑕᐅᒧᓂᒃ ᐊᑦᔨᒌᖕᖏᑐᓗᑳᓂᒃ ᐱᓇᓱᐊᕋᑦᓴᖃᕐᒪᑦ ᒪᓂᒪᑎᑕᐅᔪᓂᒃ ᑕᒪᒋᓐᓄ ᑭᒡᒐᑐᓃᑎᖃᕐᑐᓄᑦ ᑲᓇᑕᒥ ᐊᒻᒪᓗ ᑭᒐᑑᑎᖃᕐᑐᓄᑦ ᑯᐯᒻᒥ ᐃᒫᑦᑐᓂᒃ: ᐱᓇᓱᑦᑎᐅᓂᕐᒧᑦ ᐃᒻᒪᖃᐅᑏᑦ, ᐱᐊᕋᕐᓯᐅᑎᑖᕐᑕᓃᑦ, ᐱᓇᓱᒍᓐᓇᐅᑎᒻᒪᕆᐅᑉ ᑭᑎᑦᔪᑎᖏᑦ, ᑎᒍᐊᕐᓃᑦ, ᐃᓄᑐᖃᐅᓐᓂᐅᑎᑖᕈᑏᑦ (ᐃᑦᑑᓂᐅᑎᑖᕈᑏᑦ) ᐊᒻᒪᓗ ᐃᓄᑐᙯᑦ ᓂᕐᓯᑕᐅᑦᑕᐅᑎᖏᑦ;

▪ ᑐᑭᓯᒪᔭᕐᑖᓯᐊᕐᓗᓂ ᖃᐅᔨᒪᒋᐊᓕᒻᒥᓂᒃ ᑐᑭᓯᒪᒋᐊᓕᒻᒥᓂᓗ ᐱᖁᔭᒻᒪᕆᓐᓂᒃ ᐅᖄᔪᓂᒃ ᐃᓅᑉ ᐊᑕᐅᓯᐅᑉ ᒥᑦᓵᓅᓕᖓᔪᓂᒃ ᐊᒻᒪᓗ ᐃᓚᒌᑦ ᐃᑲᔪᕐᓯᔭᐅᒍᑎᖏᓐᓂᒃ, ᑕᒪᒃᑯᓄᖓᐅᓕᖓᔪᓂᒃ ᐱᐅᓯᕆᔭᐅᓲᑦᓴᔭᓂᒃ, ᖄᖏᓐᓈᑌᓕᔭᐅᒋᐊᓕᓐᓂᒃ ᐊᒻᒪᓗ ᒪᓕᒐᕐᓂᒃ, ᐊᒻᒪᓗ ᑭᒡᒐᑐᕐᑕᐅᔫᑉ ᐱᔪᓐᓇᐅᑎᖏᓐᓂᒃ, ᐊᑑᑎᓗᒋᑦ ᑭᓯᐊᓂᐅᒋᐊᓕᓐᓂᒃ ᐊᒻᒪᓗ ᐃᓕᑦᓯᒋᓪᐊᓚᕆᐊᓕᖏᓐᓂᒃ;

▪ ᓱᑯᐃᔦᕕᐅᓗᓂ ᕿᓄᒍᑎᓕᐊᖑᓯᒪᔪᓂᒃ ᒪᓂᔭᕕᓂᖏᓐᓂᒃ ᓄᓇᓕᒻᒥᐅᑦ ᓄᓇᕕᐅᑉ ᓄᓇᓕᓕᒫᖏᓐᓂᑦ ᐱᓯᒪᔪᓂᒃ ᑕᒪᖏᓐᓃᑐᓂᒃ ᑯᐯᒃᑯᑦ ᑲᕙᒪᑐᖃᒃᑯᓗ ᐱᓇᓱᐊᕐᑕᐅᒍᓐᓇᑐᓕᐊᕆᓯᒪᑦᓱᒋᑦ ᒪᓂᒪᑎᑕᐅᔪᓂᒃ ᐊᓪᓚᕕᐅᑉ ᑎᓕᔭᐅᒪᐅᑎᖓᓄᑦ ᐱᔭᒃᓴᐅᑎᓪᓗᖏᑦ:

▪ ᐊᑦᔨᒌᖕᖏᑐᓂᒃ ᐱᓇᓱᒐᕐᓂᒃ ᒪᓂᒪᑎᑦᓯᔨᐅᓗᓂ ᐃᓕᓐᓂᐊᓂᕐᒨᓕᖓᔪᐃᓪᓗ ᑭᒡᒐᑑᑎᖏᓐᓂᒃ ᐃᓄᓕᒫᓄᑦ: ᐃᑲᔪᕐᓯᒪᕙᓪᓗᓂ ᑭᒡᒐᑐᕐᑕᐅᔪᓂᒃ ᓇᓗᓀᕐᓯᓗᑯᒐᓱᐊᓕᕐᐸᑕ ᑲᖐᒋᔭᒥᓂᒃ, ᐱᕕᓴᐅᒐᔭᕐᑐᓂᒃ ᐱᒋᐅᕐᓴᕕᓐᓂ ᐱᓇᓱᐊᕐᑕᐅᔪᓂᒃ, ᐱᒋᐅᕐᓂᐅᓂᕐᓂᒃ, ᐱᓇᓱᒐᕐᒥᓂᒃ ᐃᓕᓐᓂᐊᑐᓂ ᐊᑐᐃᓐᓇᑖᕈᓐᓇᓯᖁᓪᓗᒋᑦ ᐱᓇᓱᒐᕐᑖᕆᔭᐅᒍᓐᓇᑐᑦ ᒪᓂᒪᑎᑦᓯᕕᖓᓂ ᐅᕝᕙᓘᓐᓃᑦ ᐃᕕᕐᑎᐸᓪᓕᐊᕆᐅᕐᓴᕈᑕᐅᒍᓐᓇᑐᑦ ᐃᓅᖃᑎᒌᓄᑦ;

▪ ᑲᑎᕐᓱᐃᔨᐅᓗᓂ ᖃᓄᐃᓕᒍᑕᐅᕙᓪᓕᐊᓯᒪᓕᕐᑐᓂᒃ ᐃᓘᓐᓈᒍᑦ ᐱᓇᓱᒐᑦᓭᑦ ᐱᐅᓯᕆᓕᕐᑕᖏᑦᑕ ᒥᑦᓵᓄᑦ ᓄᓇᕕᒻᒥ ᐊᒻᒪᓗ ᑭᒡᒐᑐᕐᐸᑕᒥᑕ ᖃᓄᐃᓕᖓᓕᕐᓂᖏᓐᓂᒃ ᓄᓇᓕᒻᒥᓂ ᐅᓂᒃᑳᓯᐅᕐᓗᓂ ᐊᓪᓚᖁᑎᓕᐊᕆᔭᐅᖃᑦᑕᓯᒪᔪᓂᒃ MESS ᖃᕆᑕᐅᔭᖓᓄᑦ ᑐᕐᖁᑐᕐᑕᐅᖃᑦᑕᓯᒪᔪᓂᒃ ᐊᒻᒪᓗ File Maker Pro-ᒧᑦ ᑐᕐᖁᑐᕐᑕᐅᓯᒪᔪᓄᑦ;

▪ ᐊᕐᕕᑕᕐᐸᓗᓂ ᓄᓇᓕᓐᓄᑦ ᖁᔭᐅᓕᑐᐊᕈᓂ ᐊᖓᔪᕐᖄᒥᓄᑦ ᐊᓪᓛᑦ ᓄᓇᕕᐅᑉ ᓯᓚᑖᓄᑦ ᐱᓇᓱᐊᕆᐊᓕᓕᒫᓄᑦ ᐱᑐᑦᓯᒪᑐᐊᕐᐸᑕ ᐊᓪᓚᕕᖓᑕ ᑎᓕᔭᐅᒪᐅᑎᖓᓄᑦ;

▪ ᐃᓄᐃᑦ ᐊᒥᓱᑦ ᓵᖏᓐᓂ ᐅᖄᒍᓐᓇᓗᓂ ᖃᐅᔨᑎᑦᓯᒋᐊᓕᕈᓂ ᐃᓄᓕᒫᓂᒃ ᑕᒪᒃᑯᐊ ᑭᒡᒐᑑᑏᑦ ᐱᐅᓯᖏᑦᑕ ᒥᑦᓵᓄᑦ ᐊᒻᒪᓗ ᐱᓇᓱᑦᑎᑕᐅᒍᓐᓇᓂᕐᓂᒃ ᓄᓇᕕᒻᒥ (ᑐᓴᐅᑎᒃᑯᑦ, ᐊᒥᓲᓈᕐᑎᑐᓂ, ᐃᓕᓵᑦ ᓵᖏᓐᓂ, ᐊᓯᖏᓐᓂᓗ);

▪ ᐱᓇᓱᐊᕐᐸᒥᓗᓂ ᐊᓯᖏᓐᓂᒃ ᑎᓕᔭᐅᒍᑎᒥᓂᒃ, ᕿᓄᒍᑎᖏᓐᓂᒃ, ᐃᑲᔪᕐᑎᖓᑕ ᑲᒪᔨᐅᑉ.

ᐱᔪᓐᓇᐅᑎᒋᒋᐊᓕᖏᑦ

▪ ᐱᔭᕇᕐᓂᐅᑎᖃᕆᐊᓕᒃ ᐳᕐᑐᓂᕐᐹᓂ 5-ᒥ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᐱᓇᓱᐊᓚᐅᕐᓯᒪᔪᕕᓂᐅᓂᕐᒥᓄᑦ ᑖᑦᓱᒥᖓ ᐊᑭᑦᓯᔪᓂᒃ:

▪ ᐊᓪᓚᒋᐅᕐᓂᐅᓗᓂ ᐅᖄᒋᐅᕐᓂᐅᓗᓂᓗ ᑐᑭᓯᒪᑦᓯᐊᓗᒋᑦ ᒪᕐᕉᓴᓚᐅᕐᐸᓃᒃ (2) ᐅᑭᐊ ᐅᖃᐅᓯᑦᓴᔭᒋᒃ ᓇᓪᓕᐊ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ:

▪ ᐊᓪᓚᕕᒻᒥ ᐱᓇᓱᐊᓚᐅᕐᓯᒪᔪᕕᓂᐅᒋᐊᓕᒃ (ᐊᓪᓚᑯᕖᑦ ᓯᑯᑦᓴᔭᖁᑎᖏᓐᓂᒃ, ᑐᓴᕐᑎᓯᐅᑎᓕᐅᕐᓂᒥᒃ, ᐊᑐᐊᕐᓯᒋᐅᕐᓂᐅᓗᓂ ᒪᓕᒐᕐᑎᒍᑦ, ᐊᓯᖏᓐᓂᓗ);

▪ ᓲᖑᔪᒥᒃ ᓱᑯᐃᔦᒍᓯᖃᕆᐊᓕᒃ ᐃᓂᓪᓓᓯᐊᑦᓴᐅᑎᒋᓲᒥᒃ ᑐᓵᔭᒥᓂᒃ ᐅᖄᒍᑎᖃᕈᓐᓇᓯᐊᕐᓗᓂᓗ ᐃᒻᒥᓂᕿᐅᒐᐅᑎᒋᒍᓐᓇᓗᒋᑦ, ᓇᓗᕐᖁᓇᕈᓐᓀᓗᓂᓗ;

▪ ᐊᖏᕐᓯᒪᐅᑎᖃᕐᓗᓂ ᐱᔭᕇᒋᐊᖃᓛᕐᓂᒥᓂᒃ ᐱᓇᓱᐊᕐᓗᒍᓗ ᐃᓕᓐᓂᐊᑎᕐᑕᐅᓂᕐᒥᒃ ᑕᕝᕙᓂ ᐱᓇᓱᒐᕐᒥ 6-ᒥᑦᓵᓃᑦᑐᓂᒃ ᑕᕐᕿᑐᕐᓗᓂ.

ᐱᓇᓱᕝᕕᒋᓛᕐᑕᖓ: ᑰᑦᔪᐊᕌᐱᒃ

ᑮᓇᐅᑦᔭᓵᖏᑦ: ᐃᑭᓐᓂᐹᓖᑦ $45 942 ᐊᕐᕌᒍᒥ ᐅᓄᕐᓂᐹᖃᕐᓱᑎᒃ. $ 77 377 ᐊᕐᕌᒍᒥ (7)

*ᐃᓱᕐᕉᑎᑖᕐᑕᐅᑎᖏᑦ: ᐃᓅᒐᓱᐊᕐᓂᐅᑉ ᐊᑭᖏᑦᑕ ᐃᑲᔪᕐᓯᔭᐅᒍᑎᖏᑦ: ᐃᑭᓐᓂᐹᓖᑦ $8 500 ᐊᕐᕌᒍᒥ;

ᓂᕿᓂᒃ ᐃᑲᔪᕐᓯᐅᑏᑦ: ᐃᑭᓐᓂᐹᓖᑦ $1 853 ᐊᕐᕌᒍᒥ;

ᐊᕐᕌᒍᑕᒫᑦ ᕿᑲᓯᒍᑎ ᐊᕐᕕᑕᐅᑎᑦᓴᖏᑦ: ᐅᓄᕐᓂᐹᓖᑦ 3 ᐱᖓᓲᓗᑎᒃ ᐊᕐᕌᒍᒥ;

ᑭᖑᕐᖑᓯᒍᑎᑦᓴᓕᐊᑦ: 6% ᐱᓇᓱᕝᕕᒥᓂᑦ, 4% ᐱᓇᓱᑦᑎ;

Group Insurance ᐃᒻᒪᖃᐅᑎᖓ;

ᕿᑲᕐᓀᑦ: 20 ᐅᓪᓗᐃᑦ/ᐊᕐᕌᒍᒥ;

ᐱᖁᔭᕐᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᖃᕐᒥᓱᑎᒃ 10-ᓂᒃ ᖁᕕᐊᓱᕝᕕᒥ ᕿᑲᕈᑎᓂᒃ.

ᐱᓇᓱᒍᒪᐅᑎᑎᑦ ᐊᐅᓪᓚᑎᓗᒋᑦ 5-ᖑᓚᐅᕐᑎᓇᒍ ., ᒣ 5, 2026 ᐅᕗᖓ:

Human Resources

Kativik Regional Government

P.O. Box 9, Kuujjuaq Quebec J0M 1C0

Fax: (819) 964-2975

Email : humanresources@krg.ca

* ᐱᓇᓱᑦᑎᒃ ᐱᕕᑦᓴᖃᕐᑎᑕᐅᔪᖅ ᐅᑭᐅᕐᑕᑐᕐᒥᐅᖑᒍᑏᑦ ᐃᑲᔪᕐᓯᔭᐅᒍᑎᖏᓐᓂᒃ ᑐᓂᔭᐅᓲᑦ ᐱᓇᓱᑦᑎᓄᑦ ᐱᐊᕋᖃᖕᖏᑐᓄᑦ. ᐱᓇᓱᑦᑎᒃ

ᐱᐊᕋᓕᒃ ᐱᕕᑦᓴᖃᕐᑎᑕᐅᔪᖅ ᐃᑲᔪᕐᓯᐅᑎᓂᒃ ᐁᑉᐸᒥᓄᑦ ᐊᒻᒪᓗ ᐱᕕᑦᓴᖃᕐᑎᑕᐅᔪᓄᑦ ᐱᐊᕋᖏᓐᓄᑦ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ ᐱᔭᑦᓴᖃᕐᑎᓯᓲᖑᕗᖅ ᐱᓇᓱᑦᑎᓯᔨᐅᓂᕐᒥᓂᒃ. ᑕᒪᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ

ᑕᕐᕌᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᓂᖏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᖁᕝᕙᒋᐊᕐᑎᓯᓂᖃᕈᒪᒧᑦ ᐃᓄᐃᑦ

ᐱᓇᓱᒐᕐᑖᑎᑕᐅᒐᓱᐊᕐᓂᖏᓐᓂᒃ.

ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᓯᒪᔪᑦ ᐊᐱᕐᓱᑕᐅᓂᕐᒧᑦ ᖃᐅᔨᑎᑕᐅᓂᖃᓛᕐᑐᑦ.