ᒥᕝᕕᒥ ᑲᒪᔨᒻᒪᕆᒃ, ᑰᒃᔪᐊᕌᐱᐅᑉ ᒥᕝᕕᖓᓂ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫ ᑲᕙᒪᖓ (KRG) ᑲᑎᖕᖓᔨᑦ ᐊᓪᓚᕕᖁᖏᑦᑕ ᑎᒥᐅᔪᖁᑎᖓ ᐱᒍᓐᓇᐅᑎᖃᕐᓱᓂ ᓄᓇᑐᕐᓕᖓᓂ ᑕᕐᕋᖓᓂ ᑯᐯᒥ 55th ᐅᖓᑖᓂ, ᐃᒣᓕᖓᓗᐊᖑᐊᑐ, ᐱᓪᓗᑯᒋᐊᓕᓐᓂ ᓴᐳᒻᒥᓲ ᓄᓇᓕᓕᒫᓂ ᑕᕐᕋᖓᓃᑦᑐᓂ ᓄᓇᕕᐅᑉ;

ᒥᕝᕕᒥ ᑲᒪᔨᒻᒪᕆᒃ, ᑰᒃᔪᐊᕌᐱᐅᑉ ᒥᕝᕕᖓᓂ

(ᐅᓪᓗᓕᒫᕐᓯᐅᑎᒃ ᐊᑯᓂ ᐊᑕᔪᒥ)

ᐃᖏᕐᕋᐅᑎᓕᕆᓂᕐᒥ ᐱᓇᓱᕝᕕᖓᑕ ᑐᑭᒧᐊᑦᑎᓯᔨᐅᑉ ᑐᖓᓕᖓᓂ ᐊᑕᓐᓂᐅᕕᖃᕐᓗᓂ, ᒥᕝᕕᒥ ᑲᒪᔨᒻᒪᕆ ᐊᑦᑕᓇᕐᑐᒦᑦᑎᑦᓭᑎᓕᔨ, ᐊᐅᓚᑦᓯᔨᐅᓗᓂ ᒥᕝᕕᐅᑉ ᑐᑭᒧᐊᑦᓯᐊᕆᐊᖃᕐᓂᖓᓂ. ᒪᑯᐊᖑᓗᐊᖑᑐ ᒥᕝᕕᒥ ᑲᒪᔨᒻᒪᕆᐅᑉ ᐱᓇᓱᐊᕆᐊᓕᖏᑦ:

• ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄ ᐃᖏᕐᕋᐅᑎᓕᕆᓂᕐᒥ ᐱᓇᓱᕝᕕᖓᓂ ᑭᒃᑲᑐᕐᑎᐅᓗᓂ ᐱᓇᓱᐊᕐᑕᐅᒋᐊᓕᓕᒫᓂ ᑲᔪᓯᒃᑫᔨᐅᓗᓂ ᐊᕐᖁᓯᐅᑦᓴᑕᐅᓂᖓᓂᒐᓴ,

• ᐊᐅᓚᑦᓯᖃᑦᑕᓗᓂ ᖃᐅᑕᒫᕐᓯᐅᑎᓂ ᑐᑭᒧᐊᑦᑎᑕᐅᒋᐊᓕᓐᓂ, ᐊᑦᑕᓇᖏᑐᒥ ᐱᒍᑦᔨᓯᐊᕐᓗᓂ ᒥᕝᕕᓕᒫᑦᓯᐊᒥ ᐃᒡᓗᔪᐊᖁᑎᖏᓐᓂ ᐃᑉᐱᒋᔭᖃᑦᓯᖓᓗᓂ ᖃᖓᑦᑕᔫᖃᐅᑎᒥ/ᑎᒻᒥᔫᖃᐅᑎᒥ, ᐊᐅᓚᔪᓂᓪᓗ ᐃᖏᕐᕋᔪᓂ ᖃᖓᑦᑕᔫᓂ/ᑎᒻᒥᔫᓂ ᐊᓯᖏᓐᓂᓗ ᐱᓇᓱᐊᕐᑐᓂ ᐃᓄᓕᒫᓂᓪᓗ;

• ᐊᐅᓚᑦᓯᓗᓂ ᐱᓪᓗᑯᒋᐊᓕᓐᓂ ᒥᕝᕕᒥ ᐱᓇᓱᐊᕐᑕᐅᔪᓂ ᑐᑭᒧᐊᑦᑎᓯᐊᕐᓗᒋ ᐊᑦᑕᓇᖏᑐᒥ ᐊᐅᓚᑕᐅᒍᓯᕐᒥ, ᐊᑐᐃᓐᓇᐅᕕᖃᑦᓯᐊᒥᓗᓂ ᓄᓇᓕᐊᕉᓂᕐᓴᒦᑦᑐᓂ ᐱᑐᒋᐊᓕᓐᓂ ᓄᓇᓕᓕᒪᑦ ᐃᖏᕐᕌᐅᑎᓕᕆᕕᖓᓗ ᐱᓇᓱᕝᕕᒥ ᐊᐅᓚᑕᐅᒻᒪᑕ;

• ᑐᓴᐅᒪᖃᑎᒌᑦᓯᐊᕆᐊᓕᓐᓂ ᑲᔪᓯᑎᑦᓯᔨᐅᓗᓂ, ᐱᓇᓱᐊᕐᑕᐅᒋᐊᓕᓐᓂᓗ ᐅᖄᖃᑎᖃᑦᓯᐊᖃᑦᑕᓗᓂ ᐊᓯᖏᑦ ᐃᑲᔪᕐᑕᐅᒋᐊᖃᑦᓴᓂᕐᐸᑕ ᑎᒥᐅᔪᑦ ᐊᕐᖁᓵᕐᑐᑦ;

• ᓯᕗᓕᕐᓗᓂ, ᑕᓯᐅᕐᓯᓯᐊᕐᓗᓂ ᓴᐳᒻᒥᓗᒋᓗ ᐱᓇᓱᑦᑏᑦ ᐱᔭᕆᐊᓕᖏᓐᓂ ᐅᑦᑑᑎᒋᓗᒍ ᒥᕝᕕᓕᕆᔨ, ᐃᑯᒪᐅᑎᓕᕆᔩᑦ ᐊᐅᓚᔫᓂᑦ ᓴᓇᔩᓪᓗ ᐃᖏᕐᕋᐅᑎᓂ ᐱᔭᑦᓴᖏᓐᓂ ᑐᑭᓯᒪᑦᓯᐊᓗᓂ ᐱᓪᓗᑯᒋᐊᓕᓐᓂ ᑭᖕᖒᒪᑦᓯᓴᕐᓂᐸᑕ ᑲᑎᕕᒃ ᓄᓇᓕᓕᒫ ᑲᕙᒪᖓᑕ ᐃᖏᕐᕋᐅᑎᓕᕆᔨᒃᑯᖏᓐᓄ ᐱᓇᓱᕝᕕᖓᓂ ᑐᓴᐅᒪᑎᑦᓯᔨᐅᓗᓂ;

• ᒪᓕᒉᑦ ᑲᔪᓯᑎᑕᐅᑦᓯᐊᕋᓗᐊᕐᒪᖔᑕ ᐃᑉᐱᒋᑦᓯᐊᓗᒋᑦ, ᐱᖁᔭᐃᑦ ᑲᔪᓯᑎᑕᐅᒋᐊᓖᑦ ᒥᕝᕕᒥ ᑐᑭᒧᐊᑦᑎᓯᔨᒧ ᐃᓂᓪᓚᖓᑦᓯᐊᕆᐊᖃᕐᓂᖓᓄ ᒥᕝᕕᓕᕆᓂ;

• ᒥᕝᕕᒥ ᐅᐃᒪᓇᕐᑐᖃᑦᓴᓂᕐᐸ ᑐᑭᒧᐊᑦᑎᓯᔨᐅᒍᓐᓇᓗᓂ ᖃᓄᕐᑑᕈᑎᑦᓴᓂ, ᐅᐃᒪᓇᕐᑐᓕᕆᔨᒃᑯ ᖃᐅᔨᒪᖃᑎᒋᑦᓯᐊᓗᒋᑦ;

• ᐊᑦᑕᓇᕐᑐᒦᑦᑌᓕᓂᕐᒧᓕᖓᔪᓂ ᐱᓇᓱᐊᖃᑎᖃᕐᓗᓂ ᐊᐅᓚᑕᐅᑦᓯᐊᕆᐊᖃᕐᒪᑦ ᒥᕝᕕᒃ, ᑐᕌᒐᖃᑦᓯᐊᓗᑎ ᐱᑦᔪᑎᖃᑦᓯᐊᑐᓂᑦ, ᖃᐅᔨᒐᓱᐊᖃᑦᑕᓗᓂ ᓱᔪᕐᑕᖃᑦᓴᓂᕐᒪᖔ, ᐋᕐᕿᒋᐊᕈᑎᑦᓴᓂ ᐊᑐᐃᓐᓇᕈᕐᑎᓯᒪᓗᓂ ᐅᑎᕐᕕᒋᖃᑦᑕᓗᒋᑦ ᐋᕐᕿᒋᐊᕈᑎᐅᓯᒪᔪ ᐱᕙᓪᓖᓯᐊᕐᒪᖔᑕ;

• ᓇᐅᑦᓯᑐᕐᑎᐅᖏᓐᓇᓯᐊᕐᓗᓂ ᐱᓇᓱᐊᕐᑕᐅᒋᐊᓖᑦ ᑲᔪᓯᑦᓯᐊᒪᖔᑕ ᐊᑦᑕᓇᕐᑐᑕᖃᖏᑲᓗᐊᕐᒪᖔ, ᑐᖕᖓᕕᒋᔭᐅᔪ ᑐᕌᒐᕆᔭᐅᔪᑦ ᒪᓕᒉᓪᓗ ᐃᖏᕐᕋᑎᑦᓯᐊᓗᒋᑦ;

• ᐊᑭᓕᕐᑐᕋᑦᓭ ᕿᒥᕐᕈᖃᑦᑕᓗᒋᑦ, ᐊᖏᕐᑕᐅᒋᐊᖃᕐᐸᑕ ᑲᔪᓯᑎᑦᓯᔨᐅᓗᓂ ᐱᐅᒃᑯᑎᓂᓪᓗ ᑭᖕᖔᒪᓇᕐᑐ ᐊᑕᖏᑦᓯᐊᒪᖔᑕ ᓂᐅᕕᕐᑕᐅᒋᐊᖃᓲᑦ;

• ᒥᕝᕕᒥ ᐊᑦᑕᓇᕐᑐᒦᑦᑎᓯᑦᑌᓕᔨᐅᓗᓂ ᑕᑎᒋᓐᓇᑑᓗᓂ ᑐᑭᒧᐊᑦᓯᔨᓪᓚᕆᑦᑎᑐ ᐱᐅᓯᖃᑦᓯᐊᓗᓂ.

• ᒥᕝᕕᐅᑉ ᐃᒡᓗᖁᑎᖓᓂ ᑐᑭᒧᐊᑦᑎᓯᔨᐅᓗᓂ ᓴᓗᒪᑦᓯᐊᕋᓗᐊᕐᒪᖔ ᖃᐅᔨᒋᐊᖃᑦᑕᓗᓂ ᓱᓀ ᑐᑦᓯᕋᐅᑎᓕᐅᕈᑕᐅᒋᐊᖃᕐᐸᑕ ᑕᑕᕐᓱᐃᒍᓐᓇᓗᓂ ᓂᐅᕕᐊᕆᔭᐅᔪ ᒥᕝᕕᐅᑉ ᐃᒡᓗᖓᓅᓕᖓᔪ ᑎᑭᑦᓯᐊᒪᖔᑕ ᖃᐅᔨᒋᐊᕐᑎᐅᓗᓂ;

• ᑐᑭᒧᐊᑦᑎᓯᔨᐅᒋᐅᕐᓴᓂᕐᒥ ᐃᓕᓭᔨ ᐱᓇᓱᐊᖃᑎᒋᓗᒍ, ᓱᓇᐅᒻᒪᖔᑕᓗ ᐱᒋᐅᕐᓴᑕᐅᒋᐊᓖᑦ ᓇᓗᓀᕐᓯᓯᒪᓗᓂ, ᐱᓇᓱᒐᕐᒥ ᐃᓕᓭᓂᐅᖑᓱᑦᑐᓂ ᐊᑐᐃᓐᓇᕈᕐᑎᕆᖃᑕᐅᓗᓂ ᐱᐅᓕᓂᐊᒐᕐᑕᓴᖏᓐᓂᓗ ᑎᑭᓭᓯᒪᒌᕐᓗᓂ;

• ᐊᐅᓪᓚᑲᑦᑕᓂᐅᑉ ᒥᑦᓵᓂ ᐊᐅᓚᑦᓯᔨᐅᓗᓂ ᖃᖓᑦᑕᐅᑎᓂ ᐊᑐᕈᒪᔪᕐᑕᖃᕐᐸ ᐱᓇᓱᒐᕐᒥᓅᓕᖓᔪᓂ ᑲᔪᓯᑎᑦᓯᔨᐅᓗᓂ;

• ᑫᕙᓪᓗᒍᓯᓕᐊᖑᓯᒪᔪᓂ ᑲᒪᔨᐅᓗᓂ ᑭᓪᓕᓯᓂᐊᕐᑎᐅᓗᓂ ᓇᓪᓕᖏᓪᓗ ᐊᑭᓕᕐᑕᐅᓴᐅᑎᒋᕆᐊᖃᕐᒪᖔᑕ ᑮᓇᐅᔭᓕᕆᔨᒃᑯᓄ ᐊᐅᓪᓚᑎᑦᓯᔨᐅᓗᓂ;

• ᑐᑭᒧᐊᑦᑎᓯᔪᑦ ᐱᓪᓗᑯᒋᐊᓕᓐᓂ ᐊᐅᓚᑦᓯᔪᑦ ᐃᑲᔪᕐᑐᓗᒋᑦ ᐃᖏᕐᕋᐅᑎᓕᕆᕕᒻᒥ ᐱᓇᓱᕝᕖᑦ;

• ᑎᓕᔭᐅᒍᑎᓕᒫᒥᓂ ᑐᑭᒧᐊᑦᑎᓯᔨᒧ ᐱᓇᓱᐊᖃᑦᑕᓗᓂ

ᐱᒍᓐᓇᕆᐊᓕᖏᑦ

• ᐃᓕᓐᓂᐊᕕᕐᔪᐊᒥ ᐱᔭᕇᕐᓯᒪᓗᓂ ᐳᕐᑐᓂᕐᓴᒥᓪᓗᓃ ᐃᓕᓴᕐᓯᒪᓗᓂ ᒥᕝᕕᓕᕆᓂᕐᒨᓕᖓᔪᒥ. ᐱᓇᓱᐊᕐᓯᒪᓂᖓ ᒥᕝᕕᒥ ᐃᑲᔪᕐᓯᒐᔭᐅᒥᔪ;

• ᐊᕐᕌᒍᕐᓂ ᑕᓪᓕᒪᓂ ᐱᓇᓱᐊᕐᓯᒪᓗᓂ ᒥᕝᕕᒥ (5) ;

• ᒪᕐᕉᓂ ᐊᕐᕌᒍᓂ ᐱᓇᓱᑦᑎᓂ ᑐᑭᒧᐊᑦᑎᓯᔨᐅᓯᒪᓗᓂ(2);

• ᐱᓇᓱᐊᕐᑕᐅᒋᐊᓕᓐᓂ ᐊᐅᓚᑦᓯᓕᓂᐅᓗᓂ ᐳᕐᓀᑕᐅᔪᓂ ᑐᓴᐅᒪᑎᑦᓯᔨᐅᓗᓂ, ᐃᖏᕐᕋᐅᑎᓕᕆᓂᕐᒧᓕᖓᓗᐊᖕᖑᐊᑐᓂ;

• ᖃᐅᔨᒪᓂᕐᑕᖃᕐᓗᓂ ᒥᕝᕕᒥ ᐊᑦᑕᓇᕐᑐᒥᑦᑎᓯᑦᑌᓕᓂᕐᒨᓕᖓᔪᓂ ᐊᐅᓚᑦᓯᒍᓯᕐᒥ;

• ᐊᑐᐃᓐᓇᕈᕐᑎᒍᓐᓇᓂᕐᒥ ᑭᓪᓕᖃᑦᓯᐊᓗᓂ, ᐊᐅᓚᑦᓯᓂᕐᒥ ᖃᓄᕐᑑᒍᓐᓇᓂᕐᒥ ᑐᑭᑖᕈᓐᓇᓯᐊᕐᓗᓂ ᓇᓗᕐᖁᑎᖏᓪᓗᓂ;

• ᐅᖃᕐᓯᑎᐅᓗᓂ ᐊᓪᓚᓯᑎᐅᓗᓂᓗ ᒪᕐᕈᔪᐊᓂᓗ ᐅᖃᐅᓯᖃᒍᓐᓇᓗᓂ; ᐃᓄᒃᑎᑐᑦ, ᖃᓪᓗᓈᑎᑐ ᐅᐃᒌᑎᑐᓪᓗᓃᑦ;

• ᖃᕆᑕᐅᔭᕐᑎᒍ ᐊᓪᓚᕈᑎᒥ ᐊᑐᒍᓐᓇᓯᐊᕐᓗᓂ Microsoft Office software;

• ᑕᑎᖃᓪᓗᑯᕆᐊᑐᖏᑑᓗᓂ ᐱᒃᑭᓂᐅᓗᓂ;

• ᐃᓗᕐᖁᓯᑦᓴᔭᖃᑎᒌᖕᖏᑐᓂ ᐱᓇᓱᐊᖃᑎᖃᓕᓂᐊᓗᓂ ᐊᕙᑎᒻᒥᓂ, ᓄᓇᖃᕐᖄᓯᒪᔪᑦᓴᔭᓂᓗᐊᖕᖑᐊ

ᓇᓃᓐᓂᖓ: ᑰᒃᔪᐊᕌᐱᒃ

ᑮᓇᐅᑦᔭᓵᖏᑦ: ᐱᒋᐊᕐᓱᑎ $92,718 ᐊᕐᕌᒍᑕᒫᑦ - ᐅᓄᕐᓂᐹᖓ $127,481 ᐊᕐᕌᒍᑕᒫᑦ

ᖃᕝᕙᕆᐊᒍᑏᑦ ᑮᓇᐅᑦᔭᓵᖏᑎᒍᑦ:

ᐊᑭᑐᔪᕐᒥᐅᓂᖓᓄ ᐊᓐᓇᐅᒪᒍᑎᑦᓭl: ᐱᒋᐊᕐᓱᓂ $8,500/ᐊᕐᕌᒍᓕᒫ;

ᓂᕿᓯᕈᑎᑦᓭᑦ: ᐱᒋᐊᕐᓱᓂ $1,840/ᐊᕐᕌᒍᓕᒫ;

ᐊᕐᕌᒍᑕᒪ ᖃᖓᑦᑕᐅᑎᑦᓴᖏᑦ: ᐱᖓᓱᕕᓪᓗᓂ ᐊᑐᓂ ᐃᓄᒃ, ᐊᕐᕌᒍᑕᒫᑦ;

ᐃᑦᑑᒍᑎᑕᕐᑕᐅᑎᑦᓴᖏᑦ: 6% ᐱᓇᓱᕝᕕᖓᓂ ᐱᓯᒪᒐᔭᕐᑐᑦ

ᐱᓇᓱᖃᑎᒌᓐᓂᑯᑦ ᓴᐳᒻᒥᔭᐅᓂᖏ ᓂᕆᐅᓇᖏᑐᖃᑦᓴᓂᕐᐸ

ᑳᓇᑕᓕᒫᒥ ᕿᑲᕐᓀ ᐅᓪᓗᐃᑦ: 20 ᐅᓪᓗᐃᑦ ᐅᐃᒍᖃᕐᓱᑎ ᖁᓕᓐᓂ ᐅᓪᓗᓂ ᕿᑎᖑᓇᕐᒥ

ᕿᑲᕐᓀ: 30 ᐅᓪᓗᐃᑦ /ᐊᕐᕌᒍᓕᒫᒥ

ᐱᓇᓱᒍᒪᐅᑎᑎᑦ ᐊᓪᓚᓯᒪᔪᑦ ᓯᓚᑎᖓᓅᕐᓗᒋ:

Human Resources Department

Kativik Regional Government

P.O.Box 9

Kuujjuaq QC J0M 1C0

FAX: (819) 964-2975

ᐱᔪᑦᓴᐅᔮᕐᑐ ᑭᓯᐊᓂ ᐅᖄᖃᑎᐅᕋᓱᐊᒐᔭᕐᑐᑦ ᐊᐱᕆᔭᐅᒋᐊᖃᓕᕈᑎ ᐱᓇᓱᒐᕐᒧ ᐃᓕᒐᓱᐊᕐᑐ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐱᕕᑦᓴᖃᕐᑎᓯᓲᑦ ᐊᑦᔨᒌᑦᑎᓯᓂᕐᒥ ᐱᓇᓱᒐᕐᑖᕋᓱᐊᕐᑐᓂᑦ. ᑐᖕᖓᕕᒋᑦᓱᒋᑦ ᒪᑯᐊ, ᔦᒻᔅ ᐯ ᑯᐯ ᑕᕐᕋᖓᓂ ᐊᖏᖃᑎᒌᓐᓂᐅᓯᒪᔪ, ᐃᓄᐃᑦ ᐱᒍᓐᓇᓂᖏ ᕿᒥᕐᕈᑕᐅᓚᕿᑐᐃᓐᓇᕆᐊᓖᑦ.

ᐱᔪᑦᓴᐅᔮᕐᑐ ᑭᓯᐊᓂ ᐅᖄᖃᑎᐅᓛᕐᑐ ᐊᐱᕆᔭᐅᒋᐊᖃᓕᑐᐊᕈᑎᑦ.