ᑲᔪᓯᑎᑦᓯᔨᐅᑉ ᐃᑲᔪᕐᑎᖓ, ᐃᖏᕐᕋᐅᑎᓕᕆᓂᕐᓂ ᒪᓕᒉᑦ ᑲᔪᓯᑎᑕᐅᑦᓯᐊᓂᖏᓐᓄᑦ - KRG

ᐱᓇᓱᐊᕋᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ) ᐊᒥᓱᐃᓂᒃ ᓄᓇᓕᓐᓂᒃ ᑲᒪᒋᔭᖃᕐᓱᓂ ᑎᒥᐅᕗᖅ ᐊᐅᓚᑦᓯᓂᖃᕐᓱᓂ ᓄᓇᒥᒃ ᑯᐯᑉ ᑕᕐᕋᖓᓂ 55 ᖁᓛᓂ. ᕿᓂᓕᕐᒥᔪᒍᑦ ᕿᒥᕐᕈᓯᑎᒻᒥᒃ ᐊᒻᒪᓗ ᐃᓂᓪᓚᖓᑎᑦᓯᓯᐊᕈᓐᓇᑐᒥᒃ ᐃᓕᓚᖓᓗᓂ ᐃᖏᕐᕋᐅᑎᓕᕆᕕᒻᒧᑦ ᐱᓇᓱᐊᕐᓗᓂ ᐃᒣᑦᑑᓗᓂ:

ᑲᔪᓯᑎᑦᓯᔨᐅᑉ ᐃᑲᔪᕐᑎᖓ, ᐃᖏᕐᕋᐅᑎᓕᕆᓂᕐᓂ ᒪᓕᒉᑦ ᑲᔪᓯᑎᑕᐅᑦᓯᐊᓂᖏᓐᓄᑦ

(ᐱᓇᓱᑦᑎᑕᐅᒍᑎ, ᐃᓗᐃᑦᑐᖅ, ᐅᐊᕈᑎᒌᖅ)

ᐊᖓᔪᕐᖄᖃᕐᓗᓂ ᐃᖏᕐᕋᐅᑎᓕᕆᓂᕐᓂ ᒪᓕᒉᑦ ᑲᔪᓯᑎᑕᐅᑦᓯᐊᓂᖏᓐᓄᑦ ᑲᔪᓯᑎᑦᓯᔨᒥᒃ ᑫᐋᔩᑉ ᐃᖏᕐᕋᐅᑎᓕᕆᓂᕐᓄᑦ ᐱᓇᓱᕝᕕᒥ, ᐃᖏᕐᕋᐅᑎᓄᐊᖓᔪᓂᒃ ᒪᓕᒐᕐᓂᒃ ᑲᔪᓯᑎᑦᓯᔨᐅᑉ ᐃᑲᔪᕐᑎᖓ ᐃᖏᕐᕋᓯᑎᑦᓯᓲᖅ ᐊᒻᒪᓗ ᐱᓇᓱᐊᖃᑕᐅᓲᒍᑦᓱᓂ ᐃᓕᖓᔪᓂᒃ ᐊᑦᑕᓀᑦᑑᒋᐊᖃᕐᓂᖏᓐᓄᑦ ᐃᖏᕐᕋᐅᑎᓂᒃ ᐊᖁᑦᑐᑦ ᓄᓇᕕᒻᒥ. ᐱᓗᐊᕐᑐᒥᒃ, ᑲᔪᓯᑎᑦᓯᔨᐅᑉ ᐃᑲᔪᕐᑎᖓ ᐅᑯᓂᖓ ᑲᒪᒋᔭᖃᕆᐊᖃᓚᖓᔪᖅ;

• ᐃᑲᔪᕐᓗᓂ ᐃᖏᕐᕋᓯᑎᑕᐅᓂᖏᓐᓂᒃ ᐊᒻᒪᓗ ᐃᑉᐱᒋᔭᐅᓂᖏᓐᓂᒃ ᑎᒻᒥᔫᕐᓂᐊᕕᒻᒥ ᐊᑦᑕᓀᑦᑐᒦᑦᑎᓯᐅᑏᑦ ᐊᐅᓚᑦᓯᐅᑎᖏᓐᓂᒃ (SMS) ᒪᓕᓪᓗᒋᑦ ᑳᓇᑕᒥ ᐃᖏᕐᕋᐅᑎᓕᕆᔩᑦ ᒪᓕᒐᖏᑦ;

• ᕿᒥᕐᕈᐸᓪᓗᓂ ᐅᓪᓗᑕᒫᑦ ᑎᑭᑦᑐᓂᒃ ᑐᓴᕐᑎᓯᐅᑎᓂᒃ SMS-ᒥ ᑐᑭᓯᐅᑎᑕᑦᓴᑕᕐᕕᒦᑦᑐᓂ, ᐊᓯᖏᓐᓂᒃ ᑐᑭᓯᐅᑎᑦᓴᓂᒃ ᖃᐅᔨᒪᒐᓱᐊᕐᓗᓂ ᐳᑯᓪᓗᒋᑦ, ᒪᓂᔨᕙᓪᓗᓂ ᕿᒥᕐᕈᓂᕐᓄᑦ ᐊᒻᒪᓗ ᐃᒣᓕᖓᒋᐊᓖᓚᒍᑎᒥᓂᒃ ᑐᖕᖓᕕᒋᓗᒋᑦ ᐱᖁᔭᓕᐅᕐᑕᐅᓯᒪᐅᑏᑦ, ᒪᓕᒉᑦ ᐊᒻᒪᓗ ᐱᐅᓂᕐᐹᑎᒍᑦ ᑲᔪᓯᑎᑕᐅᓲᑦ;

• ᐱᓇᓱᑦᑎᓂᒃ ᑐᓴᕐᑎᓯᔨᐅᓗᓂ ᐅᐸᓗᕈᓐᓀᑎᓪᓗᒋᑦ ᐃᓘᓐᓀᓂᒃ ᐁᑦᑐᑕᐅᒍᑎᒥᓂᒃ SMS-ᑎᒍᑦ ᑐᓴᕐᑎᓯᐅᑎᓂᒃ;

• ᑐᓴᐅᒪᑎᑦᓯᔨᐅᓗᓂ ᐊᑦᑕᓀᑦᑑᒋᐊᖃᕐᓂᓄᑦ ᑐᑭᓯᐅᑎᑦᓴᓂᒃ ᐊᒻᒪᓗ ᒪᓕᒐᕐᓂᒃ ᐱᓇᓱᑦᑎᓂᒃ ᐊᒻᒪᓗ ᐊᐅᓚᑦᓯᔨᓂᒃ, ᐊᒻᒪᓗ ᑐᓴᕐᑕᐅᑎᓗᒋᑦ ᐊᑦᑕᓀᑦᑑᒋᐊᖃᕐᓂᓄᑦ ᑐᑭᓯᐅᑎᑦᓴᓂᒃ ᐃᖏᕐᕋᐅᑎᓕᕆᕕᓕᒫᒥ ᐱᓇᓱᕝᕕᒥ;

• ᐃᓚᐅᕙᓪᓗᓂ ᐊᑦᑕᓀᑦᑑᑎᑦᓯᓂᕐᓄᑦ ᑲᑎᒪᓂᕐᓄᑦ, ᐊᑐᐃᓐᓇᕈᕐᑎᕆᕙᓪᓗᓂ ᐊᑐᐊᕋᑦᓴᓂᒃ, ᓇᓗᓀᕐᓯᐅᑎᓂᒃ ᐊᒻᒪᓗ ᑐᑭᒧᐊᒍᑎᓂᒃ;

• ᐃᑉᐱᒍᓱᑦᑎᐅᓗᓂ ᐊᒻᒪᓗ ᕿᒥᕐᕈᔨᐅᓗᓂ ᐊᓯᑦᔨᑕᕐᑐᓂᒃ, ᐃᓚᐅᑎᓪᓗᒋᑦ ᑐᑭᓯᐅᑎᑦᓭᑦ ᑐᕌᖓᔪᑦ ᓯᖁᒥᓯᒪᔪᕐᓂᐊᓃᑦ ᓱᒃᑯᑎᑦᓯᑌᓕᓃᑦ ᑲᔪᓯᑦᓯᐊᓂᕆᒋᐊᓕᖏᓐᓄᑦ ᐱᓇᓱᒐᕐᒥ, ᐊᒻᒪᓗ ᖃᓄᐃᓕᒍᑕᐅᑦᓯᐊᓂᖏᓐᓂᒃ ᐋᕐᖀᒋᐊᕈᑏᑦ ᐊᒻᒪᓗ ᐱᓂᕐᓗᐊᕿᑎᑦᓯᑌᓕᓂᕐᓄᑦ ᑲᒪᒋᔦᑦ;

• ᐱᑕᑦᓯᑐᐃᔨᐅᓗᓂ ᐊᒻᒪᓗ ᓄᑕᐅᓪᓕᑎᕆᔨᐅᓗᓂ ᓱᒃᑯᓚᖀᒍᓐᓇᑐᑦ ᓇᓗᓀᕐᑐᑕᐅᓂᖏᓐᓄᑦ ᑐᑭᓯᐅᑎᑦᓴᑕᕐᕕᒥᒃ;

• ᓇᓗᓀᕐᓯᕙᓪᓗᓂ ᓱᒃᑯᓇᕈᓇᕐᓂᒃ ᐊᒻᒪᓗ ᕿᒥᕐᕈᐸᓪᓗᓂ ᐱᖏᓐᓇᑎᑦᓯᐅᑎᐅᒍᓐᓇᑐᓂᒃ, ᐃᒣᓕᒋᐊᕆᐊᓖᓚᒍᑎᒋᓗᒋᑦ ᐊᒻᒪᓗ ᐃᖏᕐᕋᓯᑎᓗᒋᑦ ᑭᖑᓂᖓᒍᓪᓗ ᖃᐅᔨᒐᓱᐊᕐᐸᓗᒋᑦ ᑖᒃᑯᐊ ᐅᖃᐅᑦᔪᐃᒍᑎᕕᓂᖏᑦ ᐃᖏᕐᕋᐅᑎᓕᕆᕕᒻᒥ ᐱᓇᓱᕝᕕᒥ;

• ᓄᐃᑕᑎᑦᓯᖏᓐᓇᓗᓂ ᐊᒻᒪᓗ ᓄᑕᐅᓪᓕᑎᕐᐸᓗᒋᑦ ᒋᐊᖃᓕᕐᐸᑕ ᐃᓘᓐᓇᑎᒃ ᓯᑯᑦᓴᔦᑦ ᐆᑦᑑᑎᒋᓗᒋᑦ ᑎᒻᒥᔫᕐᓂᐊᕕᐅᑉ ᐃᖏᕐᕋᓂᖏᓐᓄᑦ ᓇᓗᓀᒃᑯᑌᑦ, ᐆᒪᔪᐃᑦ ᐊᐅᓚᑕᐅᓂᖏᓐᓄᑦ ᓇᓗᓀᒃᑯᑌᑦ, ᐊᓯᖏᓪᓗ;

• ᑫᐋᔩᒧᑦ ᑭᒡᒐᑐᕐᑎᒋᔭᐅᓗᓂ ᑎᒻᒥᔫᕐᓂᐊᕕᓐᓂ ᐊᑦᑕᓀᑦᑑᑎᑦᓯᓂᕐᓄᑦ ᐱᓇᓱᒐᕐᓄᑦ ᐱᓇᓱᐊᖃᑎᒋᓗᒍ ᑳᓇᑕᐅᑉ ᐃᖏᕐᕋᐅᑎᓕᕆᕕᖓ;

• ᐃᓘᓐᓃᓄᑦ ᓄᓇᓕᓐᓄ ᐊᕐᕕᑕᕆᐊᖃᓕᕈᓂ ᐊᕐᕕᑕᕐᐸᓗᓂ ᐱᕙᓪᓕᐊᓯᐊᕐᓯᒪᓂᖏᓐᓂᒃ ᐊᒻᒪᓗ ᒪᓕᒐᖏᑦ ᒪᓕᑦᑕᐅᓯᐊᕐᐸᒪᖔᑕ ᖃᐅᔨᒋᐊᕐᓗᓂ;

• ᑭᖑᓂᖓᒍᑦ ᖃᐅᔨᒐᓱᐊᕐᐸᓗᓂ ᐱᓇᓱᑦᑏᑦ ᐃᓕᓐᓂᐊᑎᑕᐅᓂᖏᓐᓂᒃ ᐊᒻᒪᓗ ᓱᕐᖁᐃᑕᐅᒍᑎᑖᕈᑕᐅᒍᓐᓇᑐᓄᑦ ᐱᓇᓱᒐᕐᓄᑦ;

• ᒪᓂᒪᑎᑦᓰᓇᕐᓗᓂ ᐱᔪᓐᓇᓯᐊᕈᑎᓂᒃ ᐊᑦᑕᓇᕐᑐᖃᖕᖏᓂᕐᓂᒃ ᓱᕐᖁᐃᓇᕐᑎᓯᒋᐊᖃᕐᓂᓄᑦ ᓯᓚᑖᓃᑦᑐᓄᑦ ᕿᒥᕐᕈᔭᐅᑎᑦᓯᕙᓪᓗᓂ ᐊᒻᒪᓗ ᐱᓇᓱᕝᕕᐅᑉ ᐃᓗᐊᓃᑦᑐᓄᑦ ᕿᒥᕐᕈᔭᐅᑎᑦᓯᕙᓪᓗᓂ;

• ᑎᓕᔭᐅᒍᑎᒥᓂᒃ ᐊᓯᖏᓐᓂᒃ ᐱᓇᓱᐊᕐᐸᓗᓂ.

ᐱᓇᓱᒍᒪᑦᓱᓂ ᓂᕈᐊᕐᑕᐅᔪᖅ ᐃᒣᒋᐊᓕᒃ:

• ᐃᓕᓴᕐᓯᒪᓗᓂ ᐳᕐᑐᓂᕐᓭᑦ ᐅᖓᑖᓃᑦᑐᓂᒃ ᐅᕝᕙᓘᓐᓃᑦ ᓈᒻᒪᖁᐊᖏᓐᓂᒃ ᐱᓇᓱᐊᕐᓯᒪᓗᓂ ᐊᐅᓚᑦᓯᓂᕐᒥ ᑎᒻᒥᔫᕐᓂᐊᕕᒻᒥᒃ ᑌᒣᒍᓂ ᓈᒻᒪᒋᔭᐅᒻᒪᕆᒐᔭᕐᑐᖅ;

• ᐃᑭᓐᓂᐸᐅᑎᓪᓗᒋᑦ ᐊᕐᕌᒍᓂ ᐱᖓᓱᓂ (3) ᐊᑦᔨᒐᓛᖏᓐᓂᒃ ᐱᓇᓱᐊᕐᓯᒪᓗᓂ;

• ᑭᖑᓂᕐᒥ ᐱᓇᓱᐊᕈᑎᖃᕐᓯᒪᓗᓂ ᐊᑦᑕᓀᑦᑐᒦᑦᑎᓯᐅᑏᑦ ᐊᐅᓚᑕᐅᒍᑎᖏᓐᓂᒃ;

• ᐅᑯᓂᖓ ᖃᐅᔨᒪᒋᐊᓕᒃ: ᑎᒻᒥᔫᕐᓂᐊᕕᓐᓂ ᐊᑦᑕᓀᑦᑐᒦᑦᑎᓯᓂᕐᓄᑦ ᐱᓇᓱᒉᑦ; ᐊᑦᑕᓀᑦᑐᒦᑦᑎᓯᓂᕐᓄᑦ ᒪᓕᒉᑦ ᐊᑐᕐᑎᑕᐅᓲᑦ ᑎᒻᒥᔫᕐᓂᐊᕖᑦ ᐃᖏᕐᕋᓂᖏᓐᓄ; ᓱᒃᑯᐊᕿᒍᑕᐅᔪᓂᒃ ᑐᑭᓯᓴᑦᓯᐊᐸᓪᓗᓂ ᐊᒻᒪᓗ ᑌᒫᑦᓭᓇᓚᖀᑎᑦᓯᑌᓕᒍᑎᓂᒃ; ᐊᑦᑕᓀᑦᑐᒦᑦᑎᓯᐅᑏᑦ ᑭᓪᓕᓕᐅᕐᑕᐅᓯᒪᐅᑎᖏᑦ; ᐱᖏᓐᓇᑐᖃᕐᑎᓯᑦᑌᓕᓂᕐᓄᑦ ᐊᐅᓚᑦᓯᒍᑏᑦ; ᐃᓄᐃᑦ ᑕᒻᒪᓂᖏᓐᓄᑦ ᓱᒃᑯᐊᕿᓚᕿᐅᑏᑦ; HFACS; ᑐᑭᓯᐅᑎᑦᓴᓂᒃ ᕿᒥᕐᕈᓂᖅ; ᐱᐅᓂᑉᐹᒍᑎᑦᓯᓂᕐᓂᒃ ᓱᕐᖁᐃᓯᑎᑦᓯᓯᒪᐅᑏᑦ;

• ᐅᖄᖃᑎᖃᑦᓯᐊᕈᓐᓇᓗᓂ ᐊᓪᓚᒍᓐᓇᓯᐊᕐᓗᓂᓗ ᒪᕐᕈᐃᖏᓐᓂᒃ ᐅᑯᐊ ᐅᖃᐅᓰᑦ: ᐃᓄᑦᑎᑐᑦ, ᖃᓪᓗᓈᕐᑎᑐᑦ ᐅᕝᕙᓘᓐᓃᑦ ᐅᐃᒍᐃᑎᑐᑦ;

• ᐊᑐᕈᓐᓇᓚᕆᓪᓗᓂ ᖃᐅᔨᒪᒋᐊᓕᒃ ᖃᕆᑕᐅᔭᓂᒃ ᐊᒻᒪᓗ ᖃᕆᑕᐅᔭᕈᑎᓂᒃ Microsoft Office ᐱᓗᐊᕐᑐᒥᒃ ᐅᑯᓂᖓ Word, ᐊᒻᒪᓗ Excel;

• ᐸᕐᓀᓯᑎᑦᓯᐊᒍᓗᓂ ᐊᒻᒪᓗ ᑐᑭᓯᒪᐅᑎᖃᕈᓐᓇᓯᐊᕐᓗᓂ ᐊᒻᒪᓗ ᐃᓂᓪᓚᖓᑎᑦᓯᓯᑎᐅᓗᓂ;

• ᐱᓯᑎᐅᒍᑎᖃᒻᒪᕆᓪᓗᓂ ᐱᓀᓗᑕᓂᒃ ᐋᕐᕿᓱᐃᒍᓐᓇᓂᕐᒥᒃ ᐊᒻᒪᓗ ᑐᑭᑖᕈᑎᖃᑦᓯᐊᕈᓐᓇᓂᕐᓂᒃ;

• ᐃᒻᒥᓂᒃ ᐱᒋᐊᕐᕕᓕᒍᓐᓇᓯᐊᕐᓗᓂ ᐊᒻᒪᓗ ᐃᑉᐱᒋᔭᐅᖏᓐᓇᖏᒃᑲᓗᐊᕈᓂ ᐱᓇᓱᐊᕆᐊᓕᒥᓂᒃ ᑲᔪᓯᑎᑦᓯᓯᐊᕐᓯᑎᐅᓗᓂ.

ᑖᓐᓇ ᐱᓇᓱᒐᑦᓴᖅ ᓄᓇᕕᒻᒥ ᐊᒻᒪᓗ ᓯᓚᑖᓂ ᐊᕐᕕᑕᓗᑭᒍᑕᐅᒋᐊᓕᒃ.

ᐱᓇᓱᕝᕕᖓᑕ ᓇᔪᕐᑕᖓ: ᐅᐊᕈᑎᒌᖅ, ᐊᐅᓪᓚᑲᓪᓛᔪᖅ ᓄᓇᕕᐅᑉ ᐃᓗᐊᒍᑦ ᓄᓇᕕᒻᒧᑦ ᓅᑦᑐᖃᕈᓐᓇᑐᖅ, ᓅᑦᑐᖃᕐᓂᓴᖓᓗ ᐱᐅᒋᔭᐅᓂᕐᓴᖅ.

ᑮᓇᐅᑦᔭᓵᖏᑦ: $79 112 ᐃᑭᓐᓂᐹᖃᕐᓗᑎᒃ $108 779 ᐅᓄᕐᓂᐹᖃᕐᓗᑎᒃ

ᐊᓯᐊᒍᑦ ᐱᕙᓪᓕᖁᑎᑦᓭᑦ:

RRSP

ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ

ᕿᑲᕈᓐᓇᕖᑦ: 30 ᐅᓪᓗᐃᑦ

ᐱᖁᔭᕐᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᖁᕕᐊᓱᕝᕕᒥ

ᐅᓇᒻᒥᓇᕐᓵᕈᑎᑎᑦ ᐊᐅᓪᓚᑎᒃᑭᑦ ᐅᕗᖓ:

Human Resources

Kativik Regional Government,

P.O. Box 9

Kuujjuaq, Québec JOM 1CO

Fax: (819) 964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓈᒻᒪᖁᐊᕇᑦᑎᓯᑦᓱᓂ ᐱᕕᑦᓴᖃᕐᑎᓯᓲᖅ ᐱᓇᓱᑦᑎᖃᕐᑎᐅᓱᓂ. ᒪᓕᓪᓗᒍ ᑕᒪᓐᓇ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ,

ᖃᓄᐃᓕᒍᑎᖃᕐᓂᖏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᐱᕙᓪᓕᑎᑦᓯᒍᒪᒧᑦ ᐃᓄᐃᑦ ᐃᓕᒐᓱᐊᕐᑐᑦ ᐱᓇᓱᒐᑦᓴᑖᖁᒧᑦ.

ᐃᓕᒐᓱᐊᕐᑐᑦ ᓇᓪᓕᑳᕐᑕᐅᔪᑦ ᑭᓯᐊᓂ ᐊᐱᕐᓲᔭᕐᑕᐅᒍᒪᓗᑎᒃ ᖃᐅᔨᑎᑕᐅᓛᕐᑐᑦ.