ᐃᑲᔪᕐᑎᒃ ᑯᐊᐳᕆᓴᐅᑉ ᐊᓪᓚᑎᖓᓂᒃ - KRG

ᐱᓇᓱᒐᖅ ᐅᒃᑯᐃᖔᓕᕐᒥᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᕿᓂᓕᕆᕗᖅ ᐃᒻᒥᓂᒃ ᐱᒍᓇᐅᑦᓯᖓᑦᓯᐊᑐᒥᒃ ᕿᑦᑌᖓᑦᓯᐊᑐᒥᓗ ᐃᓄᒻᒥᒃ ᐱᓇᓱᒍᒪᔪᒥᒃ ᐆᒥᖓ:

ᐃᑲᔪᕐᑎᒃ ᑯᐊᐳᕆᓴᐅᑉ ᐊᓪᓚᑎᖓᓂᒃ

(ᐊᑌᓐᓇᑐᖅ ᐅᓪᓗᓕᒫᕐᓯᐅᑎᒃ ᐱᓇᓱᖓᖅ)

ᐊᖓᒧᕐᖄᖃᕐᓗᓂ ᑲᑎᖕᖓᔩᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᑯᐊᐳᕆᓴᐅᑉ ᐊᓪᓚᑎᖓᓂᒃ, ᐃᑲᔪᕐᑎᒃ ᑯᐊᐳᕆᓴᐅᑉ ᐊᓪᓚᑎᖓᓂᒃ ᐱᓇᓱᖃᑎᖃᕐᓂᐊᑐᖅ ᐊᖓᔪᕐᖄᒥᒃ ᑯᐊᐳᕆᓴᐅᓗ ᐊᓪᓚᑎᖏᓐᓂᒃ. ᐃᑲᔪᕐᑎᒃ ᑯᐊᐳᕆᓴᐅᑉ ᐊᓪᓚᑎᖓ ᑲᒪᒋᔭᑦᓴᔭᖃᕐᓂᐊᑐᖅ ᐅᑯᓂᖓ, ᑖᒃᑯᑑᒐᑎᓗ, ᐅᑯᐊ:

• ᐃᓂᓕᐅᖃᑦᑕᓗᓂ ᓂᕈᐊᕐᑕᐅᒪᔪᓕᒫᑦ ᐊᐅᓪᓚᕈᑎᑦᓴᖏᓐᓂᒃ, ᐃᓚᐅᑎᓪᓗᒋᑦ ᐱᓪᓗᑯᒋᐊᓕᒍᕐᑐᓂᒃ ᐊᐅᓪᓚᕈᑎᓂᒃ, ᓯᓂᑦᑕᕕᓐᓂᒃ, ᑲᑎᖕᖓᓂᕐᒥ ᐊᑑᑎᔭᐅᒋᐊᓕᓐᓂᓗ;

• ᑲᒪᔨᐅᓗᓂ ᐊᓪᓚᖁᑎᓕᒫᓂᒃ, ᐱᐅᓕᐊᕐᑕᐅᔪᓂᒃ, ᐸᕐᓀᕈᑎᓂᒃ, ᐊᓯᖏᓐᓂᓗ ᐊᓪᓚᖁᑎᓂᒃ ᓇᒻᒥᓂᕆᔭᐅᔪᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐅᕝᕙᓗᓐᓃᑦ ᑐᓂᔭᕕᓂᕐᓂᒃ, ᐊᓪᓚᖁᑎᖃᐅᑎᒧᕐᑕᕕᓂᕐᓂᒃ, ᐱᐅᓕᐊᕐᑕᐅᔪᓂᓗ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᓪᓚᕕᖓᓂ;

• ᑲᒪᒋᔭᖃᕐᓗᓂ ᐱᓇᓱᑦᑕᐅᒋᐊᓕᓐᓂᒃ ᑲᑎᖕᖓᓂᖏᓐᓄᓕᖓᔪᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐳᕐᑐᓂᕐᓭᑦ ᑲᑎᖕᖓᔨᖏᑦᑕᓗ (ᐃᓚᐅᑎᓪᓗᒍ ᐊᑐᐃᓐᓇᕈᕐᑎᕆᓂᖅ ᑐᑭᒧᐊᒍᑎᓂᒃ, ᐊᐅᓪᓚᕈᑎᑦᓴᓂᒃ ᐃᓂᓕᐅᕐᓂᓂᒃ, ᐅᖄᓚᐅᑎᒃᑯᑦ ᑲᑎᖕᖓᓂᕐᓂᒃ, ᐊᑐᐃᓐᓇᕈᕐᑎᕆᓗᓂᓗ ᐁᑦᑐᑑᑎᖃᕐᓗᓂᓗ ᐊᓪᓚᖁᑎᓕᒫᓂᒃ ᐱᓯᒪᔭᐅᒋᐊᓕᓐᓂᒃ);

• ᐱᐅᓕᐊᕐᓗᓂ ᑐᑭᑖᕈᑎᓕᒫᓂᒃ ᑲᔪᓯᓕᕐᑎᑕᕕᓂᕐᓂᒃ ᑲᑎᖕᖓᔨᓄᑦ ᐳᕐᑐᓂᕐᓴᓄᓗ ᑲᑎᖕᖓᔨᖏᓐᓄᑦ;

• ᐊᑐᐃᓐᓇᕈᕐᑎᕆᓗᓂ ᐊᐅᓚᑦᓯᓗᓂᓗ ᐊᐅᓪᓚᕈᑎᐅᒋᐊᓕᓐᓂᒃ ᐃᓂᓕᐅᕈᑎᓂᒃ ᐃᑲᔪᕐᓯᓗᓂᓗ ᓂᕈᐊᕐᑕᐅᒪᔪᓂᒃ ᐊᐅᓪᓚᕈᑎᖏᓐᓄᑦ ᐊᑭᓕᕐᑕᐅᒍᑎᖏᓐᓂᒃ, ᐃᓚᐅᑎᓪᓗᒍ ᖃᐅᔨᒋᐊᕐᓂᖅ ᐃᓗᓕᖏᓐᓂᒃ;

• ᐊᓪᓚᓗᓂ, ᑐᓴᕐᑎᓯᒍᑎᓕᐅᕐᓗᓂ, ᐊᓯᖏᓐᓂᓗ ᐊᓪᓚᖁᑎᓂᒃ ᓄᓇᓕᓕᒫᑦ ᑲᑎᖕᖓᔨᖏᓐᓄᓕᖓᔪᓂᒃ ᐊᒻᒪᓗ ᐳᕐᑐᓂᕐᓭᑦ ᑲᑎᖕᖓᔨᖏᓐᓄᑦ;

• ᑲᒪᒋᔭᖃᕐᓗᓂ ᑭᐅᒍᑎᓕᒫᓂᒃ ᐊᒻᒪᓗ ᓄᑕᐅᓯᓕᕐᓯᒪᔪᓂᒃ ᐊᓪᓚᖁᑎᖃᕐᓗᓂ ᑯᐊᐳᕆᓴᑉ ᐊᓪᓚᑎᖓᑕ ᐱᒍᑦᔨᕕᖓᓂ ᐃᓚᐅᒻᒥᑎᓪᓗᒍ ᐊᖓᔪᕐᖄᖅ ᐊᓪᓚᖁᑎᖏᑦ;

• ᐱᓇᓱᓪᓗᓂ ᓇᓪᓕᑐᐃᓐᓇᖏᓐᓂᒃ ᐱᓇᓱᒐᖓᓄᓕᖓᔪᓂᒃ ᐱᓇᓱᖁᔭᐅᓕᕈᓂ ᓄᓇᓕᓕᒫᑦ ᑲᑎᖕᖓᔨᖏᓐᓄᑦ ᐅᕝᕙᓗᓐᓃᑦ ᐊᖓᔪᕐᖄᒧᑦ.

ᐱᒍᓐᓇᕆᐊᓕᖏᑦ

• ᐊᑦᔨᐸᓱᖓᓂᒃ ᐅᐊᕈᑎᒌᑦᑐᓂᒃ ᐃᓕᓐᓂᐊᓯᒪᓗᓂ, ᐃᓕᓐᓂᐊᕆᐊᓪᓚᑖᓯᒪᓗᓂ, ᐊᒻᒪᓗ ᐱᓇᓱᑦᑎᐅᓯᒪᓗᓂ ᐊᑦᔨᐸᓱᖓᓂᒃ ᐱᓇᓱᒐᐅᑉ ᐱᐅᔫᒐᔭᕐᑐᖅ;

• ᐱᖓᓱᓂᒃ ᐊᕐᕌᒍᕐᓂᒃ ᐊᑦᔨᐸᓱᖓᓂᒃ ᐱᓇᓱᑦᑎᐅᓯᒪᓗᓂ ᐱᐅᔫᒐᔭᕐᑐᖅ;

• ᐃᓂᓪᓚᑎᕆᒍᓐᓇᓯᐊᕐᓗᓂ ᓵᕝᕕᐅᒍᓐᓇᓗᓂᓗ;

• ᖃᐅᔨᒪᓗᓂ Microsoft Office 365;

• ᓄᐃᑕᑎᑦᓯᓗᓂ ᐃᓂᓪᓚᑎᕆᒍᓐᓇᓯᒪᑦᓯᐊᓂᕐᒥᒃ;

• ᖃᖓᐅᓂᑦᓴᓕᐊᕕᓂᕐᓂᒃ ᒪᓕᒍᓐᓇᓯᐊᕐᓗᓂ;

• ᐅᖃᔭᐅᑎᐅᒋᐊᖃᖕᖏᑐᓂᒃ ᐅᖃᔭᐅᑎᖃᖕᖏᑑᒍᓐᓴᓗᓂ ᐱᓇᓱᒐᕐᒥ;

• ᐃᓂᓪᓚᖓᑎᑦᓯᒍᓐᓇᓯᐊᕐᓗᓂ ᐊᓪᓚᖁᑎᖃᐅᑎᒥᒃ;

• ᐊᓪᓚᒍᓐᓇᓯᐊᕐᓗᓂ ᖃᕆᑕᐅᔭᑎᒍᑦ ᐊᓪᓚᓂᒃ, ᑕᑕᕐᓴᒐᕐᓂᒃ, ᑐᓴᕐᑎᓯᒍᑎᓂᓗ.

ᓇᓃᓐᓂᖓ ᐱᓇᓱᒐᖅ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖑᓗᑎᑦ $ 112,707.14/year; ᐅᓄᕐᓂᐹᖑᓗᑎᑦ $154,971.18 /ᐊᕐᕌᒍᓕᒫᒥ

ᐱᕙᓪᓕᖁᑏᑦ*:

ᐊᑭᖏᑦ ᐃᓄᒐᓱᐊᕐᓂᒧᑦ ᐊᑦᔨᐅᖏᑦᑐᒥᓐᓂᒧᑦ: ᐃᑭᓂᓐᐹᖑᓗᑎᑦ $8,500 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᒍᑏᑦ: ᐃᑭᓐᓂᐹᖑᓗᑎᑦ $ 4398.35 ᐊᕐᕌᒍᓕᒫᒥ;

ᐊᕐᕌᒍᑕᒫᑦ ᐊᐅᓪᓚᕈᑏᑦ: ᐅᓄᕐᓂᐹᖑᓗᑎᑦ 3 ᐊᐅᓪᓚᕈᑏᑦ ᐊᑕᐅᓯᕐᒧᑦ ᐃᓄᒻᒧᑦ ᐊᕐᕌᒍᑕᒫᑦ.

ᐃᓄᑐᖃᐅᓂᕐᒧᑦ ᕿᑲᕈᓐᓇᐅᑏᑦ

ᐊᒥᓱᐃᓄᑦ ᐃᒻᒪᖃᐅᑎᒃ;

ᐅᓪᓗᐃᑦ ᕿᑲᕐᓀᑦ: 30 ᐅᓪᓗᐃᑦ ᐊᕐᕌᒍᓕᒫᒥ;

ᕿᑲᕐᓀᑦ ᐅᓪᓗᐃᑦ ᐋᕐᕿᓯᒪᔪᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᐅᓪᓗᐃᑦ ᕿᑎᖕᖓᒥ.

ᐱᓇᓱᑦᑎᐅᒍᒪᐅᑎᓂᒃ ᐊᐅᓪᓚᑎᑦᓯᒋᑦ ᐅᕗᖓ:

ᐱᓇᓱᑦᑎᓕᕆᓂᕐᒥ ᐃᒫᙰᕐᑎᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

P.O. Box 9

ᑰᑦᔪᐊᖅ, ᑯᐯᒃ, JOM 1CO

ᓱᑲᑦᑐᑰᕈᑎᒃ : (819) 964-2619

ᖃᕆᑕᐅᔭᑎᒍᑦ ᓯᓚᑎᖓ: humanresources@krg.ca

ᐱᓇᓱᒐᕐᑖᕋᓱᑦᑐᐃᑦ ᐊᐱᕐᓱᑕᐅᒍᒪᔪᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.