ᑲᒪᔨᐅᔪᒧᑦ ᐃᑲᔪᕐᑎ ᒪᓕᒐᕐᑎᒎᓕᖓᑦᓯᐊᕆᐊᖃᕐᓂᒨᓕᖓᔪᑎᒍᑦ ᐊᐅᓚᑦᓯᓂᓕᕆᓂᕐᒥᓗ, ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᒃ - KRG

ᐱᓇᓱᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55ᕝ ᑕᕐᕋᖓᓂ, KRG ᐅᓪᓗᒥ ᐱᓇᓱᑦᑎᓯᐅᕐᐳᖅ ᐱᓇᓱᑦᑎᒪᕆᒻᒥᒃ ᓯᕗᓕᕐᓯᑎᒥᒃ ᐱᓇᓱᒐᔭᕐᑐᒥᒃ ᑰᑦᔪᐊᒥ, ᐱᓇᓱᒐᖃᕐᓗᓂ ᒪᑐᒥᖓ:

ᑲᒪᔨᐅᔪᒧᑦ ᐃᑲᔪᕐᑎ ᒪᓕᒐᕐᑎᒎᓕᖓᑦᓯᐊᕆᐊᖃᕐᓂᒨᓕᖓᔪᑎᒍᑦ ᐊᐅᓚᑦᓯᓂᓕᕆᓂᕐᒥᓗ, ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᒃ

(ᐊᑌᓐᓇᑐᖅ ᐱᓇᓱᒐᖅ)

ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᐅᑉ ᑲᒪᔨᖓᓂᒃ ᐊᖓᔪᕐᖄᖃᕐᓗᓂ, ᐃᑲᔪᕐᑎ ᒪᓕᒐᕐᑎᒎᓕᖓᑦᓯᐊᕆᐊᖃᕐᓂᒨᓕᖓᔪᓂᒃ ᐊᐅᓚᑦᓯᓂᓕᕆᓂᕐᒥᓗ ᐱᓇᓱᐊᒐᖃᓚᖓᔪᖅ ᐱᓇᓱᐊᕐᕕᐅᑉ ᐱᓇᓱᒐᑦᓴᔭᖏᓐᓂᒃ ᑲᓇᑕᐅᑉ ᐃᖏᕐᕋᐅᑎᓕᕆᔨᒃᑯᖏᑦᑕ ᖃᖓᑦᑕᔪᓕᕆᓂᕐᒧᑦ ᒪᓕᒐᖏᓐᓅᓕᖓᑦᓯᐊᖁᓪᓗᒋᑦ TP312, ᐊᕙᑎᐅᑉ ᐯᕆᔭᐅᑦᓯᐊᓂᖓᓅᓕᖓᔪᓂᒃ, ᓄᐃᑎᕆᓂᕐᒥᒃ ᓴᓇᓯᒪᑦᓯᐊᖏᓐᓇᑎᑦᓯᒍᑎᑦᓴᓂᒃ, ᐊᐅᓚᑕᐅᒍᑎᓕᒫᖏᓐᓂᓗ ᐃᖏᕐᕋᐅᑎᓕᕆᓂᐅᑉ ᐱᓇᓱᐊᕐᕕᖓᑕ. ᑲᒪᔨᒧᑦ ᐃᑲᔪᕐᑎ ᐃᑲᔪᖃᑦᑕᓚᖓᔪᖅ ᑲᒪᔨᒥᒃ ᐊᐅᓚᑦᓯᓂᓕᕆᓂᕐᒥ ᑲᒪᒋᔭᖃᕐᓂᒥᓪᓗ 14-ᓂᒃ ᒥᕝᕕᓂᒃ, ᐄᒐᕐᕕᓂᒃ, ᐅᓯᔩᓂᒃ, ᓇᐅᓕᒫᓂᓪᓗ ᐅᓯᔨᓂᒃ, ᐊᖁᑎᐅᖕᖏᑐᒃᑯᓗ ᐃᖏᕐᕋᐅᑏᑦ ᐊᑐᕐᑕᐅᒍᑎᖏᓐᓅᓕᖓᔪᓂᒃ ᓯᕗᕐᖐᓯᒪᒐᓱᐊᕈᑎᓕᐅᕈᑎᓂᒃ.

ᑲᒪᔨᒧᑦ ᐃᑲᔪᕐᑎ, ᒪᓕᒐᕐᑎᒎᓕᖓᑦᓯᐊᕆᐊᖃᕐᓂᒨᓕᖓᔪᓂᒃ ᐊᐅᓚᑦᓯᓂᓕᕆᓂᕐᒥᓗ ᑲᒪᒋᔭᖃᓚᖓᔪᖅ ᐅᑯᓂᖓ, ᐊᓯᖃᕈᓐᓇᒥᑎᓪᓗᒋᑦ:

• ᑲᒪᒋᔭᖃᕐᓗᓂ ᒪᓕᒉᑦ ᒪᓕᑦᑕᐅᓯᐊᕆᐊᖃᕐᓂᖓᓂᒃ, ᐸᕐᓀᓂᕐᒥᒃ, ᑖᕗᖓᐅᓕᒍᓐᓇᑐᓕᕆᓂᕐᒥᒃ (ᐊᕙᑎᓕᕆᓂᐅᑉ ᐆᒪᔪᓕᕆᓂᐅᓪᓗ ᑲᒪᒋᒪᔭᐅᓂᖏᑎᒍᑦ), ᐊᐅᓚᑦᓯᓂᕆᓂᕐᒥᓗ;

• ᑲᒪᒋᔭᖃᕐᓗᓂ ᐊᓪᓚᓯᒪᔪᓕᐊᖑᒋᐊᖓᓂᖓᓂᒃ ᒪᓕᒐᕐᑎᒍᓪᓗ ᓄᐃᑕᐅᒋᐊᖃᕐᓂᖓᓂᒃ ᐱᓇᓱᒐᕐᒨᓕᖓᔪᑦ ᐊᓪᓚᓯᒪᔪᐃᑦ - ᐃᓚᒋᔭᐅᑎᓪᓗᒋᑦ ᒥᕝᕕᓕᕆᓂᕐᒥ ᖃᓄᐃᓘᕆᐊᖃᕐᓂᒧᑦ ᑐᑭᓯᒪᑎᑦᓯᒍᑏᑦ (AOM), ᐅᐃᒪᓇᕐᓯᔪᖃᕐᐸᑦ ᓴᖓᓯᒋᐊᖃᕋᔭᕐᓂᒧᑦ ᐸᕐᓇᓯᒪᐅᑎᒃ, ᐅᒪᔪᐃᑦ ᑲᒪᒋᔭᐅᓂᖓᓄᑦ ᐸᕐᓇᓯᒪᐅᑎᒃ, ᐊᑦᑕᓇᖕᖏᑑᑎᑦᓯᒐᓱᐊᕐᓂᒥᒃ ᑲᒪᒋᔭᖃᕐᓂᒧᑦ ᑐᑭᓯᒪᑎᑦᓯᒍᑏᑦ, ᖃᖓᑦᑕᔫᓕᕆᓂᕐᒨᓕᖓᔪᑦ ᐊᑐᐊᒉᑦ, ᐃᓕᓐᓂᐊᑎᑦᓯᒍᑏᑦ ᐊᓪᓚᑕᐅᓯᒪᒍᑎᖏᑦ, ᐸᕐᓇᑕᐅᒍᑎᖏᓪᓗ ᐊᐅᓚᑕᐅᓂᕆᓚᖓᔭᖏᑦᑕ ᓴᓇᓃᑦ (PCO) - ᐃᓗᓐᓇᓕᒫᑦᓯᐊᑎᒃ ᐱᕙᓪᓕᐊᑎᑕᐅᖁᓪᓗᒋᑦ, ᓈᒻᒪᓈᕐᓯᒪᖁᓪᓗᒋᑦ, ᐊᖑᒻᒪᑎᓯᒪᖁᓪᓗᒋᑦ ᑐᓂᔭᐅᓯᒪᖁᓪᓗᒋᓪᓗ ᑲᓇᑕᐅᑉ ᐃᖏᕐᕋᐅᑎᓕᕆᔨᒃᑯᖏᓐᓄᑦ ᐊᖏᕐᑕᐅᔪᑦᓴᐅᓗᑎᒃ;

• ᑲᒪᒋᔭᖃᕐᓗᓂ ᒥᕝᕖᑦ ᒪᓕᒐᕐᑎᒎᕆᐊᑐᖕᖏᑑᒍᑎᓕᒫᖏᑦ ᐊᓪᓚᓯᒪᔭᐅᑦᓯᐊᑎᓗᒋᑦ ᐊᑑᑎᖏᓐᓇᓯᐊᕐᓗᑎᓪᓗ, ᓯᕗᓕᖃᑦᑕᓗᓂᓗ ᓄᑖᓂᒃ ᒪᓕᒐᕐᑎᒎᕆᐊᑐᖕᖏᑑᒍᑏᑦ ᑐᑦᓯᕋᕈᑕᐅᓕᕐᐸᑕ;

• ᐊᖏᖃᑎᒌᒍᑎᓕᒫᑦ ᑲᓇᑕᐅᑉ ᐃᖏᕐᕋᐅᑎᓕᕆᔨᒃᑯᖏᑎᒍᑦ ᑯᐯᓪᓗ ᐃᖏᕐᕋᐅᑎᓕᕆᔨᒃᑯᖏᑎᒍᑦ ᓇᐅᑦᓯᑐᕐᑕᐅᑎᑦᓯᐊᓗᒋᑦ, ᐊᓯᑦᔨᒋᐊᕐᑕᐅᑎᖃᑦᑕᓗᒋᑦ ᒪᓕᑦᑕᐅᑎᑦᓯᐊᓗᒋᓪᓗ ᐊᓪᓚᑕᐅᓯᒪᒍᑎᒋᔭᒥᒍᑦ;

• ᑲᒪᒋᔭᖃᕐᓗᓂ ᑐᑭᒧᐊᑦᑎᑕᐅᓂᖓᓐᓂᒃ ᒪᓕᒉᑦ ᐱᕙᓪᓕᐊᑎᑕᐅᔪᐃᑦ ᐊᖏᕐᑕᐅᓂᖏᓪᓗ ᐱᐅᒃᑯᑎᒻᒪᕇᑦ ᐱᓇᓱᐊᕐᑕᐅᒍᑎᖏᑦᑕ PCO-ᓗ ᑯᐯᒃᑯᑦ ᐃᖏᕐᕋᐅᑎᓕᕆᔨᒃᑯᖏᓐᓂ;

• ᑲᒪᒋᔭᖃᕐᓗᓂ ᐱᑐᑦᓯᒪᒋᐊᖃᕐᓂᒥᒃ ᑲᓇᑕᐅᑉ ᐃᖏᕐᕋᐅᑎᓕᕆᔨᒃᑯᖏᓐᓄᑦ ᐱᑦᔪᑎᒋᓗᒋᑦ SMS ᕿᒥᕐᕈᔭᐅᒍᑎᖏᑦ, ᐊᑦᑕᑐᕐᓂᒨᓕᖓᔪᑦ, ᐊᕗᖓᐅᓕᔪᑦ ᒫᓐᓇᓯᐅᑏᓪᓗ ᐱᐅᒃᑯᑎᒻᒪᕆᓐᓂᒃ ᑮᓇᐅᔭᕐᑕᓯᑦᑐᐃᒍᑎᐅᒐᔭᕐᑐᑦ ᐸᕐᓇᑕᐅᒍᑎᖏ;

• ᐊᖏᖃᑎᒋᒐᓱᐊᕈᑎᖃᕐᓗᓂ ᐃᑉᐱᒋᔭᖃᕐᓗᓂᓗ ᓄᑕᐅᓯᓕᑎᕐᑕᐅᒋᐊᖃᕐᓂᖓᓂᒃ ᐊᑦᑕᑐᕈᑏᑦ/ᐱᓇᓱᐊᕐᑎᓯᒍᑏᑦ ᐊᒻᒪᓗ ᓴᓇᓂᕐᒧᑦ ᐱᔪᓐᓇᐅᑎᖃᕆᐊᖃᕐᓂᐅᔪᑦ;

• ᑲᒪᒋᔭᖃᕐᓗᓂ ᐊᕐᖁᑎᐅᖕᖏᑐᒃᑰᕈᑏᑦ ᐃᖏᕐᕋᐅᑏᑦ ᐊᑐᕐᑕᐅᓯᐊᕈᑎᑦᓴᔭᖏᓐᓂᒃ ᓯᕗᕐᖐᓯᒪᐅᑎᐅᒍᓐᓇᑐᐃᓪᓗ

• ᐃᓚᐅᖃᑦᑕᓗᓂ ᐱᓇᓱᐊᕐᕕᐅᑉ ᒪᓕᒐᕐᑎᒍᑦ ᐊᐅᓚᑦᓯᓂᓕᕆᓂᕐᑎᒍᓪᓗ ᑲᒪᒋᔭᖏᓐᓄᑦ ᐄᒐᕐᕖᑦ ᐃᓄᓐᓂᓗ ᐅᓯᑲᑦᑕᐅᑏᑦ ᐱᓪᓗᒋᑦ;

• ᐃᑉᐱᒋᔭᖃᕐᓗᓂ ᑮᓇᐅᔭᑎᒍᑦ ᑐᕌᒐᐅᔪᑦ ᐊᑑᑎᔭᐅᑦᓯᐊᖁᓪᓗᒋᑦ ᑐᓴᕐᑎᓯᐅᑎᓕᐅᖃᑦᑕᓗᓂᓗ ᒪᓕᒐᕐᑎᒎᓕᖓᑦᓯᐊᕆᐊᖃᕐᓂᒨᓕᖓᔪᓂᒃ ᐊᐅᓚᑦᓯᓂᓕᕆᓂᕐᒨᓕᖓᔪᓂᓪᓗ.

ᐱᔪᓐᓇᓂᕆᒋᐊᓕᖏᑦ:

• ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐱᔭᕆᕐᓯᒪᐅᑎᖃᕐᓗᓂ ᐱᓇᓱᐊᕐᑕᐅᔪᓂᒃ ᐊᐅᓚᑦᓯᓂᓕᕆᓂᕐᒥ, ᓇᐅᓕᒫᓄᓕᖓᔪᓂᒃ ᐊᐅᓚᑦᓯᓂᓕᕆᓂᕐᒥ, ᐊᕙᑎᓕᕆᓂᕐᒥᒃ ᑲᒪᒋᔭᖃᕐᓂᒥᒃ, ᖃᖓᑦᑕᔫᓕᕆᓂᕐᒥᒃ ᑲᒪᒋᔭᖃᕐᓂᒥᒃ ᐅᕝᕙᓗᓐᓃ ᑕᒪᒃᑯᓄᖓ ᐃᓕᖓᔪᓂᒃ; ᐱᓇᓱᐊᕐᓯᒪᓪᓚᕆᓕᓂᐅᓂᖓ ᒥᕝᕕᓕᕆᓂᕐᒥ ᐃᓱᒪᒋᔭᐅᑦᓯᐊᕈᓐᓇᑐᖅ ᐱᔭᕆᕐᓯᒪᐅᑎᖃᖕᖏᑲᓗᐊᕈᓂ;

• ᑕᓪᓕᒪᓂᒃ (5) ᐊᕐᕋᒍᓂᒃ ᐱᓇᓱᐊᕐᓯᒪᓗᓂ ᒪᓕᒐᕐᑎᒎᓕᖓᑦᓯᐊᕆᐊᖃᕐᑐᓕᕆᓂᕐᒥ, ᐊᕙᑎᓕᕆᓂᕐᒥᒃ ᑲᒪᒋᔭᖃᕐᓂᒥᒃ, ᐊᐅᓚᑦᓯᓂᓕᕆᓂᕐᒥᓗᓐᓃᑦ, ᒥᕝᕕᓕᕆᓂᕐᒥᓗᐊᖕᖑᐊᖅ ᐃᖏᕐᕋᐅᑎᓕᕆᓂᕐᒥᓗᓐᓃᑦ

• ᐱᐅᔫᒐᔭᕐᒥᔪᖅ ᖃᐅᔨᒪᔭᖃᑦᓯᐊᓗᓂ ᑲᓇᑕᐅᑉ ᖃᖓᑦᑕᔫᓕᕆᓂᕐᒧᑦ ᒪᓕᒐᖏᓐᓂᒃ (CARs) ᑲᓇᑕᐅᓪᓗ ᐃᖏᕐᕋᐅᑎᓕᕆᔨᒃᑯᖏᑦᑕ ᖃᖓᑦᑕᔫᓕᕆᓂᕐᒧᑦ ᐃᓂᓪᓚᓯᒪᔭᖏᓐᓂᒃ (TP312);

• ᐱᐅᔫᒐᔭᕐᒥᔪᖅ ᐱᓇᓱᐊᕈᑎᖃᓕᓂᐅᒍᓂ ᐊᑦᑕᓇᖕᖏᑑᒋᐊᖃᕐᓂᒧᑦ ᑲᒪᒋᔭᖃᕐᓂᒥᒃ (SMS) ᐊᓯᖏᓐᓂᓗ ᐃᑉᐱᒋᔭᖃᕆᐊᖃᕐᓂᒥᒃ ᐱᓇᓱᒍᓯᐅᔪᓂᒃ;

• ᐱᐅᔫᒐᔭᕐᒥᔪᖅ ᐱᓇᓱᐊᓕᓂᐅᒍᓂ ᐊᕙᑎᑦᑎᓂᒃ ᐃᑉᐱᒋᔭᖃᕐᓯᐊᓂᕐᒥᒃ ᐅᕝᕙᓗᓐᓃᑦ ᐅᒪᔪᐃᑦ ᑲᒪᒋᔭᐅᑦᓯᐊᕈᑎᑦᓴᔭᖏᓐᓂᒃ

• ᐱᐅᔫᒐᔭᕐᒥᔪᖅ ᐊᖏᖃᑎᒌᒐᓱᐊᕈᑎᖃᓕᓂᐅᒍᓂ ᐊᐅᓚᑦᓯᓕᓂᐅᓗᓂᓗ ᐊᑦᑕᑐᕈᑎᓂᒃ, ᐊᑭᑭᓐᐹᕐᓯᐅᕈᓯᕐᓂᒃ, ᐱᓇᓱᐊᕐᑎᓯᒍᑎᓂᒃ ᐅᕝᕙᓗᓐᓃ ᓴᓇᓂᕐᒧᑦ ᐱᔪᓐᓇᐅᑎᑕᕋᓱᐊᕈᑎᓂᒃ;

• ᐱᐅᔫᒐᔭᕐᒥᔪᖅ (AAE) ᐃᓕᑕᕆᔭᐅᒍᑎᒃ ᒥᕝᕕᓕᕆᔨᐅᓂᕐᒧᑦ ᐅᕝᕙᓗᓐᓃᑦ (CM) ᐱᔪᓐᓇᐅᑎᖃᕐᓗᓂ ᐃᓚᐅᔫᓂᕐᒧᑦ IAAE-ᒥ (ᓄᓇᕐᔪᐊᒥ ᑲᑐᑦᔨᖃᑎᒌᓐᓂᖅ ᒥᕝᕕᓕᕆᓂᕐᒥᒃ ᐊᐅᓚᑦᓯᔨᐅᔪᓄᑦ )

• ᐱᐅᔫᒐᔭᕐᒥᔪᖅ ᐱᓇᓱᐊᓕᓂᐅᓗᓂ ᐅᖓᓯᑦᑐᒥᐅᓂ, ᖃᖓᑦᑕᔫᒃᑯᑭᓯᐊᓂ ᐅᐸᒐᐅᔪᓂ ᐅᕝᕙᓗᓐᓃᑦ ᓄᓇᖃᕐᖄᓯᒪᔪᑦ ᓄᓇᓕᖏᓐᓂ

• ᐃᓂᓪᓚᑎᕆᒍᓐᓇᓯᐊᕐᓗᓂ, ᐃᓱᒪᑦᓴᓯᐅᕈᓐᓇᓯᐊᕐᓗᓂ ᑐᑭᑖᕈᓐᓇᓯᐊᕐᓗᓂ;

• ᐊᓪᓚᒍᓐᓇᓯᐊᕐᓗᓂ ᐅᖄᓂᒃᑯᓗ ᑐᑭᓯᒪᑎᑦᓯᒍᓐᓇᓯᐊᕐᓗᓂ, ᐃᓚᒋᔭᐅᑎᓪᓗᒋᒃ ᑐᓴᕐᑎᓯᒍᑎᓕᐅᕐᓂᖅ ᒪᓕᒐᕐᓂᓗ ᐊᓪᓚᓯᒪᔪᓕᐅᕐᓂᖅ

• ᐊᖁᒍᓐᓇᐅᑎᖃᑦᓯᐊᓗᓂ

• ᒪᕐᕉᓂᒃ (2) ᐅᖃᐅᓰᓐᓂᒃ ᖃᐅᔨᒪᓗᓂ ᐊᓪᓚᒍᓐᓇᓗᒋᒃ ᐅᖃᕈᓐᓇᓗᒋᓪᓗ ᐱᓇᓱᐊᕈᓐᓇᐅᑎᒋᓗᒋᒃ:

ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓪᓗᓃᑦ;

• ᐱᓇᓱᐊᕈᑎᖃᕈᓐᓇᓯᐊᕐᓗᓂ ᖃᕆᑕᐅᔭᓕᕆᐅᑎᓂᒃ Microsoft Office Suite, ᐊᓯᖏᓐᓂᓗ ᖃᕆᑕᐅᔭᒃᑯᑦ ᐱᓇᓱᐊᕈᑕᐅᓲᓂᒃ;

• ᐊᕐᕕᑕᕈᓐᓇᓯᐊᕐᓗᓂ ᓄᓇᕕᒻᒥ ᓯᓚᑖᓂᓗᓐᓃᑦ;

ᐱᓇᓱᐊᕐᕕᖓ: ᑯᑦᔪᐊᖅ ᐊᓯᐊᓗᓐᓃᑦ ᓄᓇᓕᒃ ᓄᓇᕕᒻᒥ

ᑮᓇᐅᑦᔭᓵᑦ: ᐃᑭᓐᓂᐹᖓ: $120,648 ᐅᓄᕐᓂᐹᖓᓗ: $165,878

ᐱᕙᓪᓕᖁᑏᑦ: ᐊᑭᑐᔪᒥᐅᖑᓂᕐᒧᑦ ᑮᓇᐅᔭᒋᐊᓪᓓᑦ $8,500 ᐊᕐᕌᒍᑕᒫᑦ

ᓂᕿᓯᒍᑏᑦ: ᐃᑭᓐᓂᐹᖓ $3,707 ᐊᕐᕌᒍᑕᒫᑦ

ᐊᕐᕋᒍᑕᒫᑦ ᐊᐅᓪᓚᑲᑦᑕᕈᓐᓇᐅᑏᑦ: ᐃᑭᓐᓂᐹᖓᑦ 3-ᕕᓪᓗᓂ

ᐊᒥᓱᐃᓅᓕᖓᔪᓂᒃ ᐱᕙᓪᓕᖁᑎᖃᕐᓂᖅ ᑐᓄᕚᔦᓂᒃᑯᑦ ᐅᑭᐅᖏᑦ ᓈᒻᒪᓯᑉᐸᑕ ᐱᓇᓱᒍᓐᓀᕋᔭᕐᓂᒥᓅᓕᖓᔪᓂᒃ RRSP

ᕿᑲᕈᓐᓇᑐᖅ: 30 ᐅᓪᓗᐃᑦ ᐊᕐᕌᒍᑕᒫᑦ

ᐊᕐᕌᒎᑉ ᐃᓗᐊᓂ ᓇᓪᓕᐅᓂᕐᓯᐅᓀᑦ: 20 ᐅᓪᓗᐃᑦ ᐃᓚᖃᕐᓗᑎᒃ 10-ᓂᒃ ᖁᕕᐊᓱᕝᕕᓯᐅᕐᓇᐅᓕᕐᐹᑦ.

ᐱᓇᓱᒍᒪᐅᑎᑎᑦ ᐊᐅᓪᓚᑎᓪᓗᒋᑦ ᐅᕗᖓ

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᔨᐅᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᑎᑕᐅᓂᖓᓂᒃ.

ᐱᓇᓱᒍᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑭᓯᐊᓂ ᖃᐅᔨᑎᑕᐅᓛᕐᑐᑦ.