ᑐᑭᒧᐊᖅᑎᓯᔨᐅᑉ ᐃᑲᔪᕐᑎᖓ - ᐃᓄᒃᑎᑐᑦ ᐃᓕᓐᓂᐊᕈᑎᓕᕆᓂᕐᒥ - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐃᓕᓐᓂᐊᕈᑎᓕᕆᕕᐅᑉ ᑐᑭᒧᐊᑦᑎᓯᔨᖓᓂᒃ ᐱᓇᓱᖃᑎᖃᖃᑦᑕᓗᓂᓗ ᐊᓯᖏᓐᓂᒃ ᐊᐅᓚᑦᓯᔨᓂᒃ ᐃᓕᓐᓂᐊᕈᑎᓕᕆᕕᒻᒥ, ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓ ᐃᓕᓐᓂᐊᕈᑎᑦᓴᓂᒃ ᑐᕌᒐᓕᐅᖃᑦᑕᕆᐊᓕᒃ, ᑲᔪᓯᑎᑦᓯᔨᐅᓗᓂᓗ ᖃᐅᔨᓴᖃᑦᑕᓗᒋᓪᓗ ᐅᑯᓂᖓ ᐃᓕᓐᓂᐊᕈᑎᑦᓴᓂᒃ ᐃᓄᑦᑎᑑᕐᓂᖅ.

·       ᐋᕐᕿᓱᐃᖃᑦᑕᓗᓂ ᐊᒻᒪᓗ ᐃᓕᓐᓂᐊᑎᑦᓯᒍᑎᓕᐅᖃᑦᑕᓗᓂᓗ ᐊᑐᕐᑕᐅᒍᓐᓇᕕᓕᒫᖏᓐᓄᑦ ᐊᑐᕐᑕᐅᑎᑦᓯᖃᑦᑕᓗᓂ ᐊᑐᐃᓐᓇᐅᑎᑕᐅᔪᓂᒃ ᑮᓇᐅᔭᓂ ᐊᑐᕋᑦᓴᐅᔪᓂᒃ;

·       ᐸᕐᓇᖃᑦᑕᓗᒋᑦ ᑐᑭᒧᐊᑦᑎᓗᒋᓗ ᐋᕐᕿᓱᕐᑕᐅᓂᖏᑦ ᐃᓄᑦᑎᑐᑦ ᐃᓕᓐᓂᐊᑎᑦᓯᒍᑎᑦᓭᑦ ᐱᑦᓴᑕᖃᕈᑎᖏᓪᓗ;

·       ᑐᑭᒧᐊᑦᑎᖃᑦᑕᓗᒋᑦ ᐋᕐᕿᓱᕐᑕᐅᓂᖏᑦ, ᐊᑐᓕᕐᑎᑕᐅᒍᑎᖏᑦ, ᐊᒻᒪᓗ ᐱᐅᓯᒋᐊᕐᑕᐅᒍᑎᖏᑦᑕ ᓴᓇᕐᕈᑎᖏᑦ ᐃᓕᓐᓂᐊᓂᓕᕆᓂᐅᑉ ᐱᓇᓱᕝᕕᖏᓐᓄᑦ;

·       ᐃᑲᔪᖃᑦᑕᓗᒋᑦ ᐃᓕᓐᓂᐊᕕᐅᑉ ᐊᐅᓚᑦᓯᔨᖏᑦ ᐃᓕᓐᓂᐊᓂᓕᕆᓂᕐᒥᒃ ᖃᓄᐃᓘᕐᑎᐅᓂᕆᔭᖏᓐᓄᑦ;

·       ᐃᑲᔪᖃᑦᑕᓗᒋᑦ ᑲᒪᒋᖃᑦᑕᓗᒋᓗ ᑲᒪᒋᔭᑦᓴᐅᔪᑦ, ᐱᓇᓱᐊᒐᑦᓴᐅᑎᑕᐅᔪᑦ, ᐊᒻᒪᓗ ᐱᔪᓐᓇᐅᑎᓕᓐᓄᓗ ᐱᕙᓪᓕᐊᑎᑕᐅᒍᑎᒋᔭᖏᑦ ᐱᓇᓱᑦᑎᖁᑎᖏᑦᑕ;

·       ᐃᓚᐅᖃᑦᑕᓗᓂ ᐋᕐᕿᓱᕐᑕᐅᓂᖏᓐᓂᒃ ᐱᒍᑦᔨᕕᐅᑉ ᑐᕌᒐᓕᐅᕐᑕᐅᒍᑎᖏᑦ ᐊᒻᒪᓗ ᕿᒥᕐᕈᖃᑦᑕᓗᒋᑦ ᑮᓇᐅᔭᕐᑐᕈᑎᕕᓃᑦ ᐊᑦᑐᐊᓂᓖᑦ ᐱᑦᓴᑕᖃᕈᑎᖏᓐᓄᑦ ᑲᒪᒋᔭᑦᓴᖏᓐᓅᓕᖓᔪᑦ;

·       ᐃᓚᐅᖃᑦᑕᓗᓂ ᐱᓇᓱᖃᑎᒌᑦᑐᓂᒃ ᑲᑎᒪᔨᓂᓪᓗ ᑲᒪᒋᒋᐊᓕᖏᓐᓂᒃ ᑲᒪᒋᔭᖃᓲᓂᑦ.

ᐱᒍᓐᓇᐅᑎᒋᒋᐊᓕᖏᑦ:

·       ᐃᓕᓐᓂᐊᕕᕐᔪᐊᒥᑦ ᐱᔭᕇᕈᑎᑖᕐᓯᒪᓗᓂ ᑕᒪᑐᒧᖓᐅᓕᖓᔪᒥᒃ ᐊᕐᕌᒍᓂ ᐱᖓᓱᓂᒃ-ᐃᑭᓐᓂᓴᐅᖕᖏᑐᓂᒃ ᐃᓕᓐᓂᐊᕕᕐᔪᐊᒥ ᐅᕝᕙᓘᓐᓃᑦ ᑲᑎᒪᔨᐅᓯᒪᓗᓂ ᐳᕐᑐᓂᕐᓴᓂ ᐱᓇᓱᑦᑎᒪᕆᐅᑉ ᐊᖓᔪᕐᖄᑉ ᐃᓂᖓᓂ ᐱᓇᓱᑦᓯᒪᓗᓂᓘᓐᓃᑦ ᐃᓕᓐᓂᐊᓕᓂᕆᓂᕐᒥ ᑖᑦᓱᒧᖓᓗ ᐱᓇᓱᒐᕐᒧᑦ ᐃᓕᓐᓂᐊᕕᕐᔪᐊᒥ ᐱᔪᓐᓇᐅᑎᖃᕆᐊᖃᕐᒥᓗᓂ ᐱᔪᓐᓇᐅᑎᐅᒋᐊᖃᓪᓗᑐᕐᑐᓂᒃ;

·       ᐊᕐᕌᒍᓂ ᐱᖓᓲᔪᕐᑐᓂ  (6) ᐱᓇᓱᐊᕐᓯᒪᓗᓂ ᑕᒪᑐᒧᖓᐅᓕᖓᔪᒥᒃ.

·       ᑯᐯᒻᒥ ᐃᓕᓐᓂᐊᓂᕐᒧᑦ ᐃᓕᓭᒍᓐᓇᐅᑎᑖᕐᓯᒪᓗᓂ ᐃᓕᑕᕆᔭᐅᔪᒥᒃ ᐃᓕᓐᓂᐊᓂᓕᕆᓂᐅᑉ ᒪᓕᒐᖏᑦᑕ ᐊᓪᓚᐃᑦ, ᐃᓄᐃᑦ ᓈᔅᑳᐲᓪᓗ ᓄᓇᖃᕐᖄᓯᒪᔪᐃᑦ ᐃᓄᐃᑦ (R.S.Q., c. I-14). 

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐱᒍᓐᓇᓯᐊᕆᐊᓕᖏᑦ:

·       ᐃᓄᒃᑎᑑᑦᓯᐊᕈᓐᓇᓗᓂ ᐊᓪᓚᒍᓐᓇᓯᐊᕐᓗᓂᓗ ᐊᒻᒪᓗ ᖃᓪᓗᓈᑎᑑᕈᓐᓇᓯᐊᕐᓗᓂ ᐅᐃᒍᐃᑎᑑᕈᓐᓇᓯᐊᕐᓗᓂᓘᓐᓃᑦ;

·       ᓯᕗᓕᕐᑎᐅᒍᓐᓇᓗᓂ ᐱᓇᓱᖃᑎᒌᑦᓯᐊᖁᔨᒍᓐᓇᓗᓂᓗ ᐱᓇᓱᑦᑎᓂᒃ;

·       ᐊᕐᕕᑕᕈᒪᓲᒍᓗᓂ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-10* ᒪᓕᑦᓱᒋᑦ ᑲᑎᕕᒃ ᐃᓕᓐᓂᐊᓂᓕᕆᓂᐅᑉ ᐱᓇᓱᒐᖃᕐᓂᒥ ᖃᓄᐃᑦᑐᒦᓐᓂᖃᕈᑎᖏᑦ ᐊᐅᓚᑦᓯᓂᓕᕆᔩᑦ: $116,551-ᓂᑦ $155,96-ᓄᑦ ᑎᑭᐅᑎᒍᓐᓇᑐᑦ ᐱᒍᓐᓇᐅᑎᒋᒋᐊᓕᖏᑦ ᐱᓇᓱᐊᕐᓯᒪᓂᖏᓪᓗ ᑐᙵᕕᒋᓗᒋᑦ.

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.