ᑲᒪᔨᒻᒪᕆᐅᑉ ᐃᑲᔪᕐᑎᖓ - KRG

ᐱᓇᓱᒐᖅ ᐊᑐᐃᓐᓇᐅᑎᑕᐅᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᓄᓇᓕᓕᕆᔨᒻᒪᕆᐅᑦᓱᓂ ᑎᒥᐅᔪᖅ ᐊᐅᓚᑦᓯᔪᖅ ᓄᓇᖁᑎᒋᔭᐅᔪᒥᒃ 55 ᐃᑳᖓᔪᑉ ᖁᓛᓕᒫᖓᓂ, KRG ᕿᓂᓕᕆᕗᖅ ᐱᓇᓱᒐᔭᕐᑐᒥᒃ ᓯᕗᓕᕈᓐᓇᓂᖃᑦᓯᐊᓗᓂ ᑯᑦᔪᐊᒦᒐᔭᕐᓗᓂ ᐅᕙᓂ ᐱᓇᓱᒐᕐᒥ:

ᑲᒪᔨᒻᒪᕆᐅᑉ ᐃᑲᔪᕐᑎᖓ

(ᐊᑌᓐᓇᑑᓗᓂ)

ᐊᖓᔪᕐᖄᖃᕐᓗᓂ ᑲᒪᔨᒻᒪᕆᒻᒥᒃ, ᑲᒪᔨᒻᒪᕆᐅᑉ ᐃᑲᔪᕐᑎᖓ ᐃᑲᔪᖃᑦᑕᓚᖓᔪᖅ ᑲᒪᔨᒻᒪᕆᒻᒥᒃ ᑐᑭᒧᐊᑦᑎᓯᑎᓪᓗᒍ ᐊᐅᓚᑦᓯᑎᓪᓗᒍᓗ ᐱᓇᓱᐊᕐᑕᐅᔪᓂᒃ KRG-ᒧᑦ ᐱᓇᓱᒍᓯᐅᓚᖓᔪᓂᓪᓗ ᐃᒫᙰᕈᑎᓕᐅᕐᑎᓗᒍ ᐱᕙᓪᓕᐊᓯᐊᕈᑎᑦᓴᖏᓐᓂᒃ ᑎᒥᐅᔫᑉ ᐱᒍᑦᔨᐅᑎᖏᑦᑕᓗ. ᐱᓗᐊᕐᑐᒥᒃ, ᑲᒪᔨᒻᒪᕆᐅᑉ ᐃᑲᔪᕐᑎᖓ ᐃᒣᓘᕋᔭᕐᑐᖅ:

• ᐱᓇᓱᐊᖃᑎᖃᕐᓗᓂ ᑲᒪᔨᒻᒪᕆᒻᒥᒃ ᑲᔪᓯᑦᓯᐊᑎᑦᓯᓗᓂ ᐱᓇᓱᐊᕐᑕᐅᔭᕆᐊᓕᓕᒫᓂᒃ, ᐊᓪᓚᖁᑎᒋᔭᐅᔪᓂ ᐱᓇᓱᐊᕈᑎᑦᓴᔭᖏᓐᓂᓗ KRG-ᑉ

• ᐃᓚᐅᖃᑦᑕᓗᓂ ᐊᖏᖃᑎᒌᒐᓱᐊᕐᓂᐅᔪᓂ ᓄᑕᐅᓯᓕᑎᕐᑕᐅᒍᑎᖏᓐᓂᓗ ᐊᖏᖃᑎᒌᒍᑏᑦ ᑲᕙᒪᓄᑦ ᑎᒥᐅᔪᓄᓪᓗ, ᐊᖏᖃᑎᒌᒐᓱᐊᕐᓂᐅᔪᓂ ᓄᑕᐅᓯᓕᑎᕐᑕᐅᒍᑎᖏᓐᓂᓗ ᐱᓇᓱᑦᑏᑦ ᐊᖏᖃᑎᒌᒍᑎᒋᔭᖏᓐᓂ ᑲᑐᑦᔨᖃᑎᒌᓂᑎᒍᑦ

• ᑲᒪᔨᒻᒪᕆᒻᒥᒃ ᐃᓚᖃᕐᓗᓂ, ᑲᒪᒋᔭᖃᓚᖓᔪᖅ ᐱᓇᓱᐊᕐᓂᕆᔭᖏᓐᓂᒃ ᐱᓇᓱᐊᕐᕕᐅᔪᑦ ᑲᒪᔨᖏᑦᑕ ᑎᓕᔭᐅᒍᑎᒥᒍᑦ ᑐᓴᐅᒪᑎᑦᓯᖃᑦᑕᓗᓂᓗ ᑲᒪᔨᒻᒪᕆᒻᒥᒃ ᐱᓇᓱᑦᑕᐅᔪᑦ ᐱᕙᓪᓕᐊᔭᐅᒍᑎᖏᓅᓕᖓᔪᓂᒃ ᑎᑭᐅᑎᔭᐅᓂᖏᓐᓅᓕᖓᔪᓂᓪᓗ ᑐᕌᒐᐅᔪᑦ

• ᐃᓚᐅᖃᑦᑕᓗᓂ ᑲᒪᔨᒻᒪᕆᒻᒧᑦ ᐊᑐᐃᓐᓇᕈᕐᑎᑕᐅᓕᕐᐸᑦ KRG ᑮᓇᐅᔭᖁᑎᖏᑦᑕ ᐊᕐᕋᒍᒨᓕᖓᔪᑦ ᑐᕋᒐᓕᐅᕐᑕᐅᓕᕐᐸᑕ $220 ᒥᓕᐊᑦ ᐅᖓᑖᓂᑦᑐᑦ, ᐊᓯᑦᔨᑎᕆᐅᑎᐅᔪᐃᓪᓘᓃᑦ, ᑲᒪᒋᔭᐅᒍᓯᖏᑦ ᕿᒥᕐᕈᔭᐅᓂᖏᓪᓗ ᑕᕐᕿᑕᒫᑦ ᑮᓇᐅᔦᑦ ᑲᓄᐃᓕᖓᓕᕐᒪᖔᑕ ᐊᕐᕋᒍᓕᒫᒧᓕᖓᔪᓪᓗ ᑮᓇᐅᔦᑦ ᐊᓪᓚᑕᐅᓯᒪᐅᑎᖏᑦ ᕿᒥᕐᕈᖃᑦᑕᒥᓗᒋᑦ

• ᐃᑲᔪᕐᓯᒪᓗᓂ ᑐᑭᒧᐊᑦᓯᐊᑎᑦᓯᔨᐅᓗᓂᓗ ᑲᑎᒪᔩᑦ ᑲᑎᒪᓂᖏᑦᑕ ᐸᕐᓇᑕᐅᒍᑎᖏᓐᓂᒃ

• ᐳᕐᑐᓂᕐᓭᑦ ᑲᑎᒪᔩᓪᓗ ᑲᑎᒪᓂᖓᓄᑦ ᐃᓚᐅᖃᑦᑕᓗᓂ

• ᐃᑲᔪᕐᓗᓂ ᑲᒪᔨᒻᒪᕆᒻᒥᒃ ᐱᓇᓱᐊᕆᐊᓕᒻᒥᓂᒃ ᐱᓇᓱᑦᑎᓗᒍ ᑐᑭᓯᓇᕐᑎᑕᐅᔪᑎᒍᑦ ᐊᓪᓚᓯᒪᔪᒥ 303-ᒥ ᑲᑎᕕᐅᑉ ᐱᖁᔭᖓᓂ

• ᐃᓇᖐᓯᒪᖃᑦᑕᓗᓂ ᑲᒪᔨᒻᒪᕆᒻᒥᒃ ᑌᑲᓃᒍᓐᓀᐸᑦ ᐱᓇᓱᐊᕆᐊᓪᓚᕕᖃᖕᖏᐸᓪᓘᓃᑦ

• ᐊᓯᖏᓐᓂᒃ ᐱᓇᓱᐊᕐᑕᐅᖁᔭᐅᔪᓂᒃ ᑲᒪᔨᒻᒪᕆᒻᒧᑦ ᐱᓇᓱᐊᖃᑦᑕᓗᓂ

ᐱᒍᓐᓇᓂᕆᒋᐊᓕᖏᑦ ᐱᓇᓱᒐᕐᒥ:

• ᐃᓕᓐᓂᐊᕕᕐᔪᐊᒥ ᐱᔭᕇᕈᓯᕐᓯᒪᓗᓂ ᐊᐅᓚᑦᓯᓂᓕᕆᓂᕐᒨᓕᖓᔪᒥᒃ ᐅᕝᕙᓗᓐᓃᑦ ᑕᒪᑐᒧᖕᖓᓕᖓᔪᒥ. ᐳᕐᑐᓂᕐᓴᐅᑉ ᐃᓕᓐᓂᐊᕕᐅᑉ ᑭᖑᓂᐊᒍᑦ ᐃᓕᓐᓂᐊᓯᒪᓂᖅ ᐱᓇᓱᑦᓯᒪᓂᕐᓗ ᐃᓱᒪᒋᔭᐅᒍᓐᓇᓯᐊᓚᖓᔪᖅ ᑕᑦᓱᒧᖓ ᐱᓇᓱᒐᕐᒧᑦ;

• ᐃᓄᑦᑎᑑᕈᓐᓇᓂᖅ ᐱᒻᒪᕆᖁᑕᐅᓚᖓᔪᖅ

• ᐱᓇᓱᓕᓂᑦᓯᐊᖑᓗᓂ ᐳᕐᑐᓂᕐᓴᒥ ᐊᐅᓚᑦᓯᔨᐅᓂᕐᒧᑦ, ᐊᒥᓱᓂᒃ ᐊᑦᔨᒌᖕᖏᑐᓂᒃ ᐱᓇᓱᐊᕐᑐᓕᕆᓂᕐᒥᓗᐊᖕᖑᐊᖅ

• ᐱᓇᓱᓕᓂᐅᓗᓂ ᓄᓇᓕᓕᕆᓂᕐᒥ ᑮᓇᐅᔭᑎᒍᓪᓗ ᐱᕈᕐᐸᓕᐊᑎᑦᓯᒐᓱᐊᕐᓂᒥ

• ᖃᐅᔨᒪᔭᖃᕐᓗᓂ ᐊᐅᓚᒍᓯᖏᓐᓂᒃ ᑲᕙᒪᑐᖃᒃᑯᑦ ᑯᐯᒃᑯᓗ ᑲᕙᒪᖓᑕ

• ᐃᓅᖃᑎᖃᕈᓐᓇᓯᐊᕐᓗᓂ, ᕿᒥᕐᕈᕈᓐᓇᓂᖃᑦᓯᐊᓗᓂ, ᑐᑭᑖᕈᓐᓇᓂᖃᑦᓯᐊᓗᓂ, ᐱᓀᓗᑕᐅᔪᓂᒃ ᐊᕐᕿᕈᑎᑦᓴᓕᐅᕈᓐᓇᓗᓂ ᐊᓪᓚᒍᓐᓇᓯᐊᕐᑑᓗᓂᓗ

• ᐊᑐᐃᓐᓇᐅᒋᐊᓕᒃ ᐊᕐᕕᑕᖃᑦᑕᕈᓐᓇᓂᕐᒧᑦ

ᐊᖓᔪᕐᖃᖓ: ᑲᒪᔨᒻᒪᕆᒃ

ᐱᓇᓱᐊᕐᕕᒋᓚᖓᔭᖓ: ᑯᑦᔪᐊᖅ

ᑮᓇᐅᑦᔭᓵᖏᑦ: ᐳᒃᑭᓂᕐᐹᖓ: $149,847 ᐊᕐᕋᒍᒥ - ᐳᕐᑐᓂᕐᐹᖓ $206,042/ᐊᕐᕌᒍᕐᒥ

ᐱᕙᓪᓕᖁᑏᑦ:

• ᐃᓄᒐᓱᐊᕐᓂᐅᑉ ᐊᑭᑐᔫᓂᖓᓅᓕᖓᔪᑦ: ᐳᒃᑭᓂᕐᐹᖓ $8,500/ᐊᕐᕋᒍᒥ

• ᓂᕿᑖᕈᑎᖏᑦ: ᐳᒃᑭᓂᕐᐹᖓ $4 216/ᐊᕐᕌᒍᒥ

• ᐊᕐᕋᒍᑕᒫᑦ ᐊᐅᓪᓚᕈᓐᓇᐅᑎᖏᑦ: ᐳᕐᑐᓂᐹᖓ 3 ᐊᑐᓂ ᐃᓄᒃ

• RRSP ᑐᓄᕚᔦᒍᑎᒃ ᐱᓇᓱᒍᓐᓀᕋᔭᕐᓂᒧᑦ

• ᐊᒥᓱᐃᓅᓕᖓᔪᑦ ᐃᒻᒪᖄᐅᑏᑦ

• ᕿᑲᕈᓐᓇᓂᖓ: 30 ᐅᓪᓗᐃᑦ

• ᕿᑲᕐᓇᐅᑎᑌᑦ ᓇᓗᓀᕐᑕᐅᒪᔪᑦ: 20 ᐅᓪᓗᐃᑦ 10-ᓗ ᖁᕕᐊᓱᕝᕕᐅᑎᓪᓗᒍ

ᑭᓇᐅᓂᕐᐱᑦ ᐱᓇᓱᐊᕐᓯᒪᓂᕐᐱᓗ ᐊᓪᓚᑕᐅᓯᒪᒍᑎᖏᑦ ᐃᓚᖃᕐᑎᓗᒋᑦ ᐅᓇᒻᒥᓱᒍᑎᑎᓐᓂᒃ ᐊᓪᓚᓯᒪᔪᓂᒃ ᖃᓪᓗᓈᑎᑑᕐᑐᑦ ᐅᕗᖓ ᑐᓂᒍᓐᓇᑕᑎᑦ:

Human Resources

Kativik Regional Government

P.O. Box 9

Kuujjuaq (Québec) J0M 1C0

Email: hrdirector@krg.ca

KRG ᓇᓪᓕᖁᐊᕆᑦᓯᐊᑎᑦᓯᓂᒃᑯᑦ ᐱᓇᓱᐊᕐᕕᐅᔪᖅ. ᑕᒪᑐᒨᓇ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒋᒍᑎᖓᒍᑦ, ᐱᓇᓱᒐᕐᒥ ᐱᔪᓐᓇᐅᑎᖃᕐᑎᑕᐅᒍᑏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᐱᕙᓪᓕᑎᑦᓯᒐᓱᐊᕐᓗᑎᒃ ᐱᓇᓱᒐᖃᕐᑎᑕᐅᓂᖓᓂᒃ ᐃᓄᑐᐃᓐᓀᑦ.

ᓇᑯᕐᒦᐳᒍᑦ ᐱᓇᓱᒐᕐᒥᒃ ᐅᓇᒻᒥᓲᑎᒥᓂᒃ ᓄᐃᑦᓯᔪᓕᒫᓂᒃ. ᓇᓪᓕᑳᑦᑕᕕᓂᐅᔪᐃᑭᓯᐊᓂ ᐊᐱᕐᓲᔭᕐᑕᐅᒐᔭᕐᓂᒧᑦ ᖃᐅᔨᑎᑕᐅᓛᕐᑐᑦ.