ᐱᓇᓱᑦᑎᓕᕆᓂᕐᒥ ᑲᒪᔨᐅᑉ ᐃᑲᔪᕐᑎᖓ - KRG

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᓄᓇᓕᓕᕆᔨᒻᒪᕆᐅᑦᓱᓂ ᑎᒥᐅᔪᖅ ᐊᐅᓚᑦᓯᔪᖅ ᓄᓇᖁᑎᒋᔭᐅᔪᒥᒃ 55 ᐃᑳᖓᔪᑉ ᖁᓛᓕᒫᖓᓂ, ᕿᓂᓕᕆᕗᖅ ᑲᑦᓱᙰᑦᑐᓯᐊᒥᒃ ᐱᒍᓐᓇᓂᖃᑦᓯᐊᑐᒥᒃ ᐃᓚᐅᒍᒪᒐᔭᕐᑐᒥᒃ KRG-ᑯᓂ ᐱᓇᓱᒐᖃᕐᓗᓂ ᐆᒥᖓ:

ᐱᓇᓱᑦᑎᓕᕆᓂᕐᒥ ᑲᒪᔨᐅᑉ ᐃᑲᔪᕐᑎᖓ

(ᐊᑌᓐᓇᑑᓗᓂ)

ᐱᓇᓱᑦᑎᓕᕆᓂᕐᒥ ᑲᒪᔨᒥᒃ ᐊᖓᔪᕐᖄᖃᕐᓗᓂ, ᐃᑲᔪᕐᑎ ᐃᑉᐱᒍᓱᑦᑎᐅᓚᖓᔪᖅ ᑐᑭᒧᐊᑦᑎᓯᓗᓂ ᖃᐅᑕᒫᕐᓯᐅᑎᖏᓐᓂᒃ ᐱᓇᓱᑦᑎᓕᕆᓂᕐᒥ ᐱᓇᓱᐊᕐᑐᐃᑦ. ᑕᓐᓇ ᐃᑲᔪᕐᑎ ᓯᕗᓕᓚᖓᔪᖅ ᐃᑲᔪᕐᓗᓂᓗ ᐱᓇᓱᑦᑎᓕᕆᓂᕐᒥ ᐱᓇᓱᐊᕐᑐᓂᒃ ᐱᓇᓱᑦᑎᓴᕐᓯᐅᕈᓯᖏᑎᒍᑦ ᑲᒪᖏᔭᖃᕐᑎᓗᒋᓪᓗ ᐱᕙᓪᓕᖁᑎᓕᕆᓂᕐᒥᒃ ᑮᓇᐅᑦᔭᓵᓕᕆᓂᕐᒥᓗ, ᒪᓕᒐᐅᔪᓂᓪᓗ ᐱᓇᓱᖃᑎᒌᓐᓂᒨᓕᖓᔪᓂᒃ ᐃᑉᐱᒋᔭᖃᕐᒥᓗᓂ. ᑖᓐᓇ ᐃᑲᔪᕐᑎ ᐅᑯᓂᖓ ᐃᑉᐱᒋᔭᖃᓗᐊᖕᖑᐊᓚᖓᔪᖅ:

• ᖃᐅᑕᒫᕐᓯᐅᑎᓂᒃ ᐱᓇᓱᑦᑎᓕᕆᓂᕐᒥ ᖃᒪᒋᔭᖃᕐᓗᓂ, ᐅᑯᐊ ᐃᓚᒋᔭᐅᑎᓪᓗᒋᑦ ᑲᑐᑦᔨᖃᑎᒌᑦ ᐱᓇᓱᑦᑎᐅᓂᕐᒧᑦ ᐊᖏᖃᑎᒌᒍᑎᖓᑕ ᑐᑭᓯᓇᕐᑎᑕᐅᓂᖓ, ᐱᓇᓱᑦᑎᓂᓪᓗ ᖃᓄᐃᓕᒋᐊᕆᒍᑎᐅᒋᐊᓖᑦ ᐃᓂᕐᑎᕆᒍᑏᑦ.

• ᐃᑲᔪᕐᓗᓂ ᐱᕙᓪᓕᐊᑎᑕᐅᓂᖓᓂᒃ, ᑲᔪᓯᑎᑕᐅᓂᖓᓂᒃ ᐊᑑᑎᔭᐅᑦᓯᐊᕆᐊᖃᕐᓂᖓᓂᓪᓗ ᐱᓇᓱᑦᑎᓕᕆᓂᕐᒧᑦ ᒪᓕᒉᑦ ᐱᐅᓯᐅᔭᕆᐊᓖᓪᓗ, ᐃᑲᔪᕐᓯᒪᔨᐅᓗᓂ ᑕᓯᐅᕐᓯᔨᐅᓗᓂ ᐊᐅᓚᑦᓯᔨᓂᒃ ᐱᓇᓱᑦᑎᓂᓪᓗ.

• ᐃᒫᙰᕐᑎᐅᓗᓂ ᐃᑲᔪᕐᓯᒪᓗᓂᓗ ᑲᒪᔨᓂᒃ ᐱᓇᓱᑦᑎᓕᕆᓂᕐᒧᑦ ᒪᓕᒐᕐᓂ ᑐᑭᓯᓇᕐᑎᓯᒋᐊᖃᓕᕐᐸᑕ ᐊᑑᑎᑎᑦᓯᒋᐊᖃᓕᕐᐸᑕᓗ.

• ᐊᐅᓚᑦᓯᓗᓂ ᐱᓇᓱᑦᑏᑦ ᖃᐅᔨᓴᕐᑕᐅᒋᐊᖃᕈᓯᖏᓐᓂᒃ, ᐊᕐᕋᒍᑕᒫᑦ ᖃᐅᔨᓴᕐᓂᐅᔪᓂᒃ, ᑐᑭᓯᑎᑦᓯᒍᑎᐅᔪᓂᒃ, ᐱᓇᓱᐊᑦᓯᐊᕆᐊᖃᕐᓂᒧᓪᓗ ᐸᕐᓇᕈᑎᐅᔪᓂᒃ ᐲᕐᓯᒋᐊᖃᕐᓂᒨᓕᖓᔪᓂᓪᓗ.

• ᐃᑲᔪᕐᓯᒪᓗᓂ ᓯᕗᓕᕐᓗᓂᓗ ᐱᓇᓱᒍᓯᐅᔪᓂ ᐃᓕᖓᔪᓂ ᐱᓇᓱᑦᑎᓴᕐᓂᓯᐅᓂᕐᒧᑦ, ᐱᓇᓱᑦᑎᐅᑉ ᐱᒋᐊᕈᓯᖏᓐᓅᓕᖓᔪᓂᒃ/ᓄᕐᖃᕈᓯᖏᓐᓅᓕᖓᔪᓂᒃ, ᖃᓄᓪᓗᐊᑎᒋᒃ ᐱᓇᓱᐊᑦᓯᐊᑎᒋᒪᖔᑕ ᑲᒪᒋᔭᐅᒍᓯᕐᓂᒃ, ᐊᑭᓕᕐᑐᑕᐅᒍᑎᓂᒃ, ᐃᓕᑕᕐᓯᔭᐅᒍᑎᓂᒃ, ᐱᓇᓱᒐᕐᒦᓭᓐᓇᑎᑦᓯᒍᑎᓂᒃ, ᑎᒥᐅᔫᓪᓗ ᑲᔪᓯᑦᓯᐊᕈᑎᖏᓐᓅᓕᖓᔪᓂᒃ, ᖃᓄᐃᖕᖏᓯᐊᕐᓂᒨᓕᖓᔪᓂᒃ ᐊᑦᑕᓇᕐᑐᒦᑦᑌᓕᓂᕐᒨᓕᖓᔪᓂᓪᓗ.

• ᓇᓗᓀᕐᓯᔨᐅᓗᓂ ᐱᓇᓱᒐᕐᒥ ᐱᕙᓪᓕᐊᕈᑎᑦᓴᕆᒍᓐᓇᑕᖏᓐᓂᒃ ᐱᓇᓱᑦᑏᑦ ᑐᑭᒧᐊᑦᑎᓯᓗᓂᓗ ᐃᓕᓐᓂᐊᑎᑕᐅᒍᑎᓂᒃ ᐱᕙᓪᓕᐊᑎᑦᓯᒍᑎᐅᔪᓂᓪᓗ.

• ᐊᐅᓚᑦᓯᓗᓂ ᐃᓇᖐᕙᓪᓕᐊᑎᑦᓯᒍᑎᐅᒐᔭᕐᑐᑦ ᐸᕐᓇᑕᐅᓯᒪᒍᑎᖏᓐᓂ ᐊᐅᓚᑦᓯᔨᖕᖑᐸᓪᓕᐊᖁᓪᓗᒋᑦ ᐃᓚᐅᔪᐃᑦ ᐱᓇᓱᑦᑏᑦ.

• ᑲᒪᒋᔭᖃᕐᓗᓂ ᐱᓇᓱᑦᑏᑦ ᓇᓪᓕᖁᐊᕆᑦᓯᐊᑎᑕᐅᒋᐊᖃᕐᓂᖓᓂᒃ ᑮᓇᐅᑦᔭᓵᑎᒍᓪᓗ ᓇᓪᓕᖁᐊᕆᒍᑎᑦᓴᔭᓂᒃ ᐱᖁᔭᑎᒎᓕᖓᑦᓯᐊᖁᓪᓗᒋᑦ

• ᐃᓚᐅᖃᑦᑕᓗᓂ ᐱᓇᓱᐊᕈᑎᑦᓴᔦ ᖃᓄᐃᓕᖓᒐᔭᕐᓂᖏᑦᑕ ᐸᕐᓇᑕᐅᓂᖓᓄᑦ ᐱᓇᓱᐊᕐᕕᐅᔪᐃᓪᓗ ᐊᐅᓚᑦᔭᐸᓪᓕᐊᕈᑎᖏᓐᓄᑦ.

• ᑲᒪᔨᒥᒃ ᐃᑲᔪᕐᑎᐅᓗᓂ ᐃᓇᖐᒪᖃᑦᑕᓗᓂᓗ ᕆᐊᖃᓕᑐᐊᕈᓂ.

ᐱᒍᓐᓇᓂᕆᒋᐊᓕᖏᑦ

• ᐃᓕᓐᓂᐊᕕᕐᔪᐊᒥ ᐱᔭᕆᕐᓯᒪᐅᑎᖃᕐᓗᓂ ᐱᓇᓱᑦᑎᓕᕆᓂᕐᒨᓕᖓᔪᒥᒃ ᐅᕝᕙᓗᓐᓃᑦ ᐊᑦᔨᐸᓱᖓᓅᓕᖓᔪᒥ, ᐱᓇᓱᐊᕐᓯᒪᓂᖓᓗᓐᓃᑦ ᑌᒣᑦᑐᒨᓕᖓᔪᓂᒃ ᐃᓱᒪᒋᔭᐅᒍᓐᓇᓚᖓᔪᖅ

• ᐃᓚᒋᔭᐅᓂᖃᑦᓯᐊᓗᓂ ᐃᓕᑕᕆᔭᐅᒍᑎᖃᑦᓯᐊᓗᓂᓗ ᐱᓇᓱᑦᑎᓕᕆᔨᐅᓂᕐᒧᑦ ᓇᓗᓀᕐᑕᐅᓯᒪᒍᑎᖃᕐᑐᓄᑦ

• ᑕᓪᓕᒪᓂᒃ (5) ᐊᕐᕋᒍᓂᒃ ᐱᓇᓱᑦᓯᒪᓂᖃᕆᐊᓕᒃ ᐊᐅᓚᑦᓯᔨᐅᓂᕐᒥᒃ ᐱᓇᓱᑦᑎᓂᒃ.

• ᐱᓇᓱᑦᓯᒪᓂᖃᕐᓗᓂ ᓄᓇᓕᒻᒥ ᓇᐅᓕᒫᓕᕆᓂᕐᒥᓗ ᐱᓇᓱᐊᕐᕕᐅᔪᒥ ᑲᑐᑦᔨᖃᑎᒌᑦᑕᓕᒻᒥ

• ᖃᐅᔨᒪᔭᖃᑦᓯᐊᓗᓂ ᐱᖁᔭᕐᓂᒃ ᐊᑑᑎᒋᐊᓕᓐᓂᒃ ᑯᐯᒻᒥ ᑲᓇᑕᒥᓗ

• ᓯᕗᓕᕈᓐᓇᓯᒪᑦᓯᐊᓗᓂ ᑐᑭᑖᕈᓐᓇᓯᐊᕐᑑᓗᓂᓗ

• ᐱᓇᓱᕝᕕᓕᕆᓂᕐᒥᒃ ᑐᑭᓯᓇᕐᑎᓯᒍᓐᓇᓯᐊᕐᓂᒥᓪᓗ ᐱᒍᓐᓇᓂᖃᑦᓯᐊᓗᓂ

• ᖃᕆᑕᐅᔭᓕᕆᒍᓯᕐᒥᒃ Microsoft Office Suite ᖃᐅᔨᒪᔭᖃᑦᓯᐊᓗᓂ

• ᐃᓱᒪᒋᔭᐅᓂᖃᑦᓯᐊᓚᖓᔪᖅ ᐱᓇᓱᓕᓂᐅᓂᖓ ᐃᓕᕐᕈᓯᖃᑎᒌᖕᖏᑐᐃᑦ ᐃᓅᖃᑎᑦᓴᔭᕇᖕᖏᑐᐃᓪᓘᓃᑦ ᐃᒻᒧᐊᓂ (ᓄᓇᖃᕐᖄᓯᒪᔪᓂᓗᐊᖕᖑᐊᖅ)

ᐱᓇᓱᐊᕐᕕᒋᓚᖓᔭᖓ: ᑯᑦᔪᐊᖅ

ᑮᓇᐅᑦᔭᓵᖏᑦ: ᐳᒃᑭᓂᕐᐹᖓ: $107,958/ᐊᕐᕌᒍᕐᒥ, ᐳᕐᑐᓂᕐᐹᖓ $148,426/ᐊᕐᕌᒍᕐᒥ 35-ᓂ ᑫᕙᓪᓚᒍᓯᕐᓂ/ᐱᓇᓱᐊᕈᓯᖅ

ᐃᓄᒐᓱᐊᕐᓂᐅᑉ ᐊᑭᑐᔫᓂᖓᓅᓕᖓᔪᑦ: ᐳᒃᑭᓂᕐᐹᖓ $8,500/ᐊᕐᕋᒍᒥ

ᓂᕿᑖᕈᑎᖏᑦ: ᐳᒃᑭᓂᕐᐹᖓ $3,903/ᐊᕐᕌᒍᒥ

ᐊᕐᕋᒍᑕᒫᑦ ᐊᐅᓪᓚᕈᓐᓇᐅᑎᖏᑦ: ᐳᕐᑐᓂᐹᖓ 3 ᐊᑐᓂ ᐃᓄᒃ

ᑐᓄᕚᔦᒍᑎᒃ ᐱᓇᓱᒍᓐᓀᕋᔭᕐᓂᒧᑦ: RRSP

ᐊᒥᓱᐃᓅᓕᖓᔪᑦ ᐃᒻᒪᖄᐅᑏᑦ

ᕿᑲᕈᓐᓇᓂᖓ: 20 ᐅᓪᓗᐃᑦ/ᐊᕐᕋᒍᒥ 10-ᓂᒃ ᐃᓚᔭᐅᒍᓐᓇᑐᑦ ᐱᓇᓱᐊᕐᓇᐅᑉ ᑫᕙᓪᓚᒍᓯᖏᑦᑕ ᓯᓚᑖᒍᑦ ᐱᓇᓱᐊᕐᓯᒪᐅᑎᓂᒃ

ᕿᑲᕐᓇᐅᑎᑌᑦ ᓇᓗᓀᕐᑕᐅᒪᔪᑦ: 20 ᐅᓪᓗᐃᑦ 10-ᓗ ᖁᕕᐊᓱᕝᕕᐅᑎᓪᓗᒍ

ᑭᓇᐅᓂᕐᐱᑦ ᐱᓇᓱᐊᕐᓯᒪᓂᕐᐱᓗ ᐊᓪᓚᑕᐅᓯᒪᒍᑎᖏᑦ ᖃᓪᓗᓈᑎᑑᕐᑐᑦ ᐅᕗᖓ ᑐᓂᒍᓐᓇᑕᑎᑦ:

Human Resources

Kativik Regional Government

P.O. Box 9

Kuujjuaq (Québec) J0M 1C0

Email: hrdirector@krg.ca

Fax: 819-964-2975

ᓇᑯᕐᒦᐳᒍᑦ ᐱᓇᓱᒐᕐᒥᒃ ᐅᓇᒻᒥᓲᑎᒥᓂᒃ ᓄᐃᑦᓯᔪᓕᒫᓂᒃ. ᑭᓯᐊᓂ ᐆᑦᑐᕋᕐᑐᑦ ᐊᒥᓲᓂᖏᑦ ᐱᑦᔪᑕᐅᑎᓪᓗᒋᑦ, ᓇᓪᓕᑳᑦᑕᐅᔪᐃᑭᓯᐊᓂ ᐊᐱᕐᓲᔭᕐᑕᐅᒐᔭᕐᓂᒧᑦ ᖃᐅᔨᑎᑕᐅᓛᕐᑐᑦ.

KRG ᓇᓪᓕᖁᐊᕆᑦᓯᐊᑎᑦᓯᓂᒃᑯᑦ ᐱᓇᓱᐊᕐᕕᐅᔪᖅ. ᑕᒪᑐᒨᓇ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒋᒍᑎᖓᒍᑦ, ᐱᓇᓱᒐᕐᒥ ᐱᔪᓐᓇᐅᑎᖃᕐᑎᑕᐅᒍᑏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᐱᕙᓪᓕᑎᑦᓯᒐᓱᐊᕐᓗᑎᒃ ᐱᓇᓱᒐᖃᕐᑎᑕᐅᓂᖓᓂᒃ ᐃᓄᑐᐃᓐᓀᑦ.

ᓇᑯᕐᒦᐳᒍᑦ ᐱᓇᓱᒐᕐᒥᒃ ᐅᓇᒻᒥᓲᑎᒥᓂᒃ ᓄᐃᑦᓯᔪᓕᒫᓂᒃ. ᑭᓯᐊᓂ ᐆᑦᑐᕋᕐᑐᑦ ᐊᒥᓲᓂᖏᑦ ᐱᑦᔪᑕᐅᑎᓪᓗᒋᑦ, ᓇᓪᓕᑳᑦᑕᐅᔪᐃᑭᓯᐊᓂ ᐊᐱᕐᓲᔭᕐᑕᐅᒐᔭᕐᓂᒧᑦ ᖃᐅᔨᑎᑕᐅᓛᕐᑐᑦ.