ᐃᑲᔪᕐᑎ ᑲᒪᔨᒧᑦ - ᐱᐅᒃᑯᑎᒻᒪᕆᓕᓂᕐᒥ ᓄᓇᓕᓐᓂ ᓇᐅᓕᒫᓄᐊᖓᔪᓂᒃ ᐱᓇᓱᐊᕐᕕᖓ - KRG

ᐱᓇᓱᒐᖅ ᐊᑐᐃᓐᓇᐅᑎᑕᐅᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᓄᓇᓕᓕᕆᔨᒻᒪᕆᐅᑦᓱᓂ ᑎᒥᐅᔪᖅ ᐊᐅᓚᑦᓯᔪᖅ ᓄᓇᖁᑎᒋᔭᐅᔪᒥᒃ 55 ᐃᑳᖓᔪᑉ ᖁᓛᓕᒫᖓᓂ, KRG ᕿᓂᓕᕆᕗᖅ ᐃᒻᒥᓂᕿᒍᓐᓇᓯᐊᕐᑐᒥᒃ ᓄᐃᑎᕆᓂᖃᑦᓯᐊᕈᓐᓇᑐᒥᓪᓗ ᐱᓇᓱᒐᖃᕐᓗᓂ ᐆᒥᖓ:

ᐃᑲᔪᕐᑎ ᑲᒪᔨᒧᑦ - ᐱᐅᒃᑯᑎᒻᒪᕆᓕᓂᕐᒥ

ᓄᓇᓕᓐᓂ ᓇᐅᓕᒫᓄᐊᖓᔪᓂᒃ ᐱᓇᓱᐊᕐᕕᖓ

(ᐊᑌᓐᓇᑑᓗᓂ)

ᐱᓇᓱᐊᕐᕕᐅᑉ ᑲᒪᔨᖓᓂᒃ ᐊᖓᔪᕐᖄᖃᕐᓗᓂ, ᐃᑲᔪᕐᑎ ᑲᒪᒋᔭᖃᓚᖓᔪᖅ ᐱᓇᓱᐊᕐᑕᐅᔪᓂᒃ ᑲᔪᓯᑦᓯᐊᑎᑕᐅᒋᐊᖃᕐᓂᖓᓂᓪᓗ ᐱᐅᒃᑯᑎᒻᒪᕆᓕᕆᒍᑎᐅᔪᐃᑦ ᓄᓇᓕᓐᓂ, ᐱᓗᐊᕐᑐᒥ ᐃᒪᑦᓯᐊᖃᕆᐊᖃᕈᑎᓂᒃ ᑭᓇᓂᕐᓗᑯᓕᕆᒍᑎᓐᓂᓗ, ᐃᒋᐅᕐᖃᑌᕕᓐᓂᒃ, ᐊᕐᖁᑎᓂᒃ ᐃᓪᓗᓂᓗ. ᐱᓇᓱᐊᕐᕕᒃ ᑲᒪᒋᔭᖃᕐᒥᔪᖅ ᐱᓪᓗᑯᒋᐊᓕᕐᑎᒍᑦ ᐃᑲᔪᕐᓯᔨᐅᑦᓱᓂ ᐱᓪᓗᑯᒋᐊᖃᕐᑐᑎᒍᑦ ᐃᑲᔪᕐᓯᒍᑎᓕᕆᓂᐅᔪᒥ ᑐᑭᓯᓇᕐᑎᑕᐅᔪᓂ B10-ᒥ B15-ᒥᓗ ᓯᕗᓂᕐᒧᑦ ᐊᖏᖃᑎᒌᒍᑎᐅᔪᒥ, ᑖᓐᓇ ᐃᑲᔪᕐᑎ ᑲᒪᒋᔭᖃᓪᓚᕆᓚᖓᔪᖅ ᑖᑦᓱᒥᖓ ᐱᓇᓱᐊᕈᑕᐅᔪᒥᒃ. ᑖᓐᓇ ᐃᑲᔪᕐᑎ ᐅᑯᓂᖓ ᐱᓇᓱᒐᖃᕙᓪᓗᓚᖓᔪᖅ ᐃᑉᐱᒋᔭᖃᕐᓗᓂᓗ:

ᐃᑉᐱᒋᓚᖓᔭᖏᑦ

• ᐃᑲᔪᕐᓗᓂ ᑲᒪᔨᒥᒃ ᐊᐅᓚᑦᓯᑎᓪᓗᒍ ᐱᓇᓱᐊᕐᕕᐅᑉ ᐱᓇᓱᐊᕐᑕᖏᓐᓂᒃ ᓄᓇᓕᓐᓂᓗ ᐱᓇᓱᑦᑎᓂᒃ ᐱᓇᓱᐊᖃᑎᖃᑦᓯᐊᓗᓂ.

• ᐊᑐᐃᓐᓇᕈᐃᖃᑦᑕᓗᓂ ᐊᐅᓚᑦᓯᓗᓂᓗ ᑮᓇᐅᔦᑦ ᑐᕌᒐᖏᓐᓂᒃ ᑲᔪᓯᑎᑕᐅᒋᐊᓖᓪᓗ ᐅᓪᓗᖁᑎᖏᓐᓂᒃ ᓇᐅᑦᓯᑐᕐᑕᐅᑎᑦᓯᓯᐊᕐᓗᓂᓗ ᐱᔭᕆᕐᓯᒪᕕᐅᒋᐊᓕᓐᓂᒃ ᐱᓇᓱᐊᕐᕕᐅᑉ ᑐᕌᒐᖏᑦ ᒪᓕᓪᓗᒋᑦ.

• ᑲᒪᔨᐅᓗᓂ, ᑕᓯᐅᕐᓯᔨᐅᓗᓂ ᐊᐅᓚᑦᔮᓚᑎᑦᓯᔨᐅᓗᓂᓗ ᐱᓇᓱᐊᕐᕕᐅᑉ ᐱᓇᓱᑦᑎᖏᓐᓂᒃ ᐱᓇᓱᐊᕐᑕᖏᓐᓂᒃ ᐱᔭᕆᕐᑕᐅᑎᑦᓯᓯᐊᖃᑦᑕᓗᓂ.

• ᐱᓇᓱᐊᖃᑎᖃᕐᓗᓂ ᐃᓪᓗᓂᒃ ᓯᖁᒥᑦᓯᒪᔪᖃᕐᑌᓕᑎᑦᓯᔩᑦ ᑲᒪᔨᖓᓄᑦ ᐃᑲᔪᕐᑎᐅᔪᒥᒃ, ᑐᑯᒧᐊᑦᑎᓯᓗᓂ ᐱᓪᓗᑯᒋᐊᓕᕐᑎᒍᑦ ᐃᑲᔪᕐᓯᒪᒍᑎᐅᔪᓂᒃ ᓴᐳᑦᔨᓯᒪᒍᑎᐅᔪᓂᓪᓗ ᓄᓇᓖᑦ ᐱᓇᓱᑦᑎᖏᓐᓂᒃ ᐃᓪᓗᖁᑎᒥᓂᒃ ᓯᖁᒥᑦᓯᒪᔪᖃᕐᑎᓯᑦᑌᓕᑎᓪᓗᒋᑦ.

• ᐱᓪᓗᑯᒋᐊᓕᕐᑎᒍᑦ ᐃᑲᔪᕐᓯᒪᓗᓂ ᑲᕙᒫᐱᓐᓂᒃ ᐱᓇᓱᑦᑎᖏᑦ ᑐᑭᓯᒪᓕᐅᒥᖁᓪᓗᒋᑦ ᐱᓗᐊᕐᑐᒥᒃ ᐃᒪᑦᓯᐊᖃᕆᐊᖃᕐᓂᒧᑦ ᐱᓇᓱᐊᕈᑕᐅᔪᓂᒃ, ᐃᒋᑦᓯᕕᐅᔪᓂᓪᓗ ᑲᒪᒋᔭᖃᕐᓂᒧᑦ, ᐃᓪᓗᐃᓗ ᓄᓇᒃᑰᔫᒻᒪᕆᓪᓗ ᓯᖁᒥᑦᓯᒪᔪᕐᓂᐊᑕᐅᒍᑎᖏᓐᓂᒃ.

• ᐃᓚᐅᖃᑦᑕᓗᓂ ᐊᑐᐃᓐᓇᕈᕐᑎᑕᐅᓕᕐᐸᑕ ᑲᔪᓯᑎᑕᐅᓕᕐᐸᑕᓗ ᐱᓇᓱᐊᕐᕕᐅᑉ ᐊᐅᓚᒋᐊᓕᒻᒥᒍᑦ ᑐᕌᒐᖏᑦ.

• ᑐᑭᖃᑦᓯᐊᑐᒃᑯᑦ ᓴᕐᕿᔮᑦᓯᐊᑐᒃᑯᓗ ᑐᓴᐅᒪᖃᑎᒌᑦᑎᓯᓗᓂ ᐱᓇᓱᐊᖃᑕᐅᒋᐊᓕᓐᓂᒃ, ᐅᑦᑑᑎᒋᓗᒋᑦ ᐱᓇᓱᐊᕐᕕᐅᑉ ᐱᓇᓱᑦᑎᖏᑦ, ᐊᓯᖏᓪᓗ KRG-ᒥ ᐱᓇᓱᐊᕐᕕᐅᔪᐃᑦ, ᑲᕙᒫᐲᑦ ᑯᐯᓪᓗ ᑲᕙᒪᖓᑕ ᐱᓇᓱᐊᕐᕕᖁᑎᖏᑦ.

• ᐱᓇᓱᐊᕐᕕᐅᑉ ᑲᒪᔨᖓᑕ ᐱᓇᓱᐊᒐᖏᓐᓂᒃ ᑲᒪᒋᔭᖃᕐᓗᓂ ᑌᑲᓃᒍᓐᓀᑐᐊᕐᐸᑦ.

• ᐊᓯᖏᓐᓂᓗ ᐱᓇᓱᐊᕋᑦᓴᓂᒃ ᑎᓕᔭᐅᒍᑎᒥᓂᒃ ᐱᓇᓱᐊᕐᕕᐅᑉ ᑲᒪᔨᖓᓄᑦ.

ᐱᒍᓐᓇᓂᕆᒋᐊᓕᖏᑦ

• ᐳᕐᑐᓂᕐᐹᒥᒃ ᐱᔭᕆᕈᓯᕐᓯᒪᓗᓂ ᓴᓇᔨᒻᒪᕆᐅᓂᕐᒥ ᐅᕝᕙᓗᓐᓃᑦ ᐊᓯᐊᓂᒃ AEC-ᒨᓕᖓᔪᓂ, ᐅᕝᕙᓗᓐᓃᑦ ᐳᒃᑭᓂᕐᓴᐅᒐᓗᐊᒥᒃ ᐱᔭᕇᕈᓯᕐᓯᒪᓗᓂ ᐱᓇᓱᐊᓕᓂᒻᒪᕆᐅᑐᐊᕈᓂ ᑌᒣᑦᑐᓅᓕᖓᔪᓂᒃ ᑲᓇᑕᐅᑉ ᐅᑭᐅᕐᑕᑐᖓᓂ.

• ᑕᓪᓕᒪᓂᒃ (5) ᐊᕐᕋᒍᓂᒃ ᐱᓇᓱᐊᕐᓯᒪᓗᓂ ᑲᔪᓯᑎᑕᐅᒍᑎᖏᓐᓂ ᓄᓇᓖᑦ ᐱᐅᒃᑯᑎᒻᒪᕆᓕᕆᒍᓯᖏᑦᑕ, ᐃᓚᖃᕐᒥᑎᓪᓗᒍ ᐱᖓᓱᓂᒃ (3) ᐊᕐᕋᒍᓂᒃ ᑲᒪᔨᐅᓯᒪᓂᕐᒧᑦ ᐊᑦᔨᒌᖕᖏᑐᓂᒃ ᐊᒥᓱᐃᓕᖓᔪᓂᒃ ᐱᓇᓱᐊᒐᖃᕐᑐᓂᒃ.

• ᐱᓇᓱᐊᓕᓂᐅᓂᖓ ᐱᓇᓱᐊᕋᑦᓴᐅᔪᑦ ᐊᐅᓚᑕᐅᒍᓯᖏᓐᓂ ᐊᒻᒪᓗ/ᐅᕝᕙᓗᓐᓃᑦ ᐱᓇᓱᐊᕐᑕᐅᔪᑦ ᐊᐅᓚᑕᐅᒍᓯᖏᓐᓂᒃ ᐱᒻᒪᕆᖁᑕᐅᓚᖓᔪᖅ.

• ᐱᓇᓱᒐᕐᑖᕋᓱᐊᕐᑐᑦ ᐱᓇᓱᑦᑎᒪᕆᐅᓂᕐᒨᓕᖓᔪᒥᒃ ᐱᔪᓐᓇᐅᑎᓖᑦ ᐱᓇᓱᐊᕐᑕᐅᒋᐊᓕᓐᓂ, ᐱᓇᓱᐊᕋᑦᓴᓕᕆᓂᕐᒥ ᐊᓪᓚᑕᐅᓯᒪᔪᓕᕆᓂᕐᒥᓗ ᐊᐅᓚᑦᓯᓂᕐᒥᒃ, ᐃᓕᑕᕆᔭᐅᒍᑎᓖᑦ ᐃᓚᐅᔫᒋᐊᖏᑦ ᐱᓇᓱᑦᑎᒪᕆᐅᓂᕐᒧᑦ ᓴᓇᔨᒻᒪᕆᐅᓂᕐᒥ ᐃᓪᓗᐃᓗ ᓴᓇᒻᒪᓕᕆᔨᖏᓐᓂ ᑲᑐᑦᔨᖃᑎᒌᓐᓂᒥ, ᐱᓇᓱᐊᓕᓃᓪᓗ ᓇᐅᓕᒫᓕᕆᔨᐅᔪᓂ ᐱᓇᓱᐊᕐᕕᓂ ᓯᕗᓪᓕᐸᐅᑦᔭᐅᒐᔭᕐᑐᑦ.

• ᐊᓪᓚᒍᓐᓇᕆᐊᓕᒃ ᐅᖄᒍᓐᓇᓗᓂᓗ ᒪᕐᕉᓂᒃ ᐅᖃᐅᓰᓐᓂᒃ ᐅᑯᓇᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᑦ;

• ᖃᕆᑕᐅᔭᓕᕆᓂᕐᒥᒃ ᑐᑭᓯᒪᑦᓯᐊᓗᓂ ᐱᓇᓱᐊᕐᕕᒥᓗ ᑲᔪᓯᒃᑫᒍᒪᓂᖃᑦᓯᐊᓗᓂ ᓄᑖᓂᒃ ᖃᕆᑕᐅᔭᓕᕆᒍᓯᐅᔪᓂᒃ

• ᐱᓇᓱᐊᕈᓐᓇᓯᐊᕐᓗᓂ ᑲᒪᒋᔭᐅᓪᓗᑯᐊᐱᒍᓐᓀᓗᓂ ᐱᓇᓱᐊᖃᑎᖃᕈᓐᓇᓗᓂᓗ ᐊᑦᔨᒌᖕᖏᑐᓂᒃ ᐱᓇᓱᐊᖃᑎᒌᓂᒃ

• ᐊᐅᓚᑦᓯᒍᓐᓇᓯᐊᕐᓗᓂ ᐊᒥᓱᓂᒃ ᐱᓇᓱᐊᕋᑦᓴᔭᓂᒃ ᐊᑕᐅᑦᓯᑰᕐᑎᓗᒋᑦ ᑭᖑᓂᖓᒍᓪᓗ ᑲᒪᒋᔭᐅᖏᓐᓇᓯᐊᕋᓗᐊᕐᒪᖔᑕ ᖃᐅᔨᒪᒐᓱᐊᕐᓗᓂ

• ᐃᓱᒪᒋᔭᐅᓂᖃᑦᓯᐊᓚᖓᔪᖅ ᐱᓇᓱᓕᓂᐅᓂᖓ ᐃᓕᕐᕈᓯᖃᑎᒌᖕᖏᑐᐃᑦ ᐃᒻᒧᐊᓂ ᓄᓇᓕᓕᕆᓂᕐᒥᓗ

• ᐊᑐᐃᓐᓇᐅᓗᓂ ᐊᕐᕕᑕᕈᓐᓇᖃᑦᑕᓂᕐᒧᑦ ᓄᓇᕕᒻᒥ ᓯᓚᑖᓄᓪᓗ.

ᐱᓇᓱᐊᕐᕕᒋᓚᖓᔭᖓ: ᑯᑦᔪᐊᖅ

ᑮᓇᐅᑦᔭᓵᖏᑦ: ᐳᒃᑭᓂᕐᐹᖓ: $116 532 - ᐳᕐᑐᓂᕐᐹᖓ $160 207/ᐊᕐᕌᒍᕐᒥ

ᐃᓄᒐᓱᐊᕐᓂᐅᑉ ᐊᑭᑐᔫᓂᖓᓅᓕᖓᔪᑦ: ᐳᒃᑭᓂᕐᐹᖓ $8,500/ᐊᕐᕋᒍᒥ

ᓂᕿᑖᕈᑎᖏᑦ: ᐳᒃᑭᓂᕐᐹᖓ $4 398/ᐊᕐᕌᒍᒥ

ᐊᕐᕋᒍᑕᒫᑦ ᐊᐅᓪᓚᕈᓐᓇᐅᑎᖏᑦ: ᐳᕐᑐᓂᐹᖓ 3 ᐊᑐᓂ ᐃᓄᒃ

ᑐᓄᕚᔦᒍᑎᒃ ᐱᓇᓱᒍᓐᓀᕋᔭᕐᓂᒧᑦ: RRSP/SPP

ᐊᒥᓱᐃᓅᓕᖓᔪᑦ ᐃᒻᒪᖄᐅᑏᑦ

ᕿᑲᕈᓐᓇᓂᖓ: 30 ᐅᓪᓗᐃᑦ

ᕿᑲᕐᓇᐅᑎᑌᑦ ᓇᓗᓀᕐᑕᐅᒪᔪᑦ: 19 ᐅᓪᓗᐃᑦ 10-ᓗ ᖁᕕᐊᓱᕝᕕᐅᑎᓪᓗᒍ

ᑭᓇᐅᓂᕐᐱᑦ ᐱᓇᓱᐊᕐᓯᒪᓂᕐᐱᓗ ᐊᓪᓚᑕᐅᓯᒪᒍᑎᖏᑦ ᐃᓚᖃᕐᑎᓗᒋᑦ ᐊᓪᓚᑕᑎᓐᓂᒃ ᖃᓪᓗᓈᑎᑑᕐᑐᑦ ᒍᐃᒍᐃᑎᑐᓪᓘᓃᑦ ᐅᕗᖓ ᑐᓂᒍᓐᓇᑕᑎᑦ:

Human Resources

Kativik Regional Government

P.O. Box 9

Kuujjuaq (Québec) J0M 1C0

Email: hrdirector@krg.ca

Fax: 819-964-2975

KRG ᓇᓪᓕᖁᐊᕆᑦᓯᐊᑎᑦᓯᓂᒃᑯᑦ ᐱᓇᓱᐊᕐᕕᐅᔪᖅ. ᑕᒪᑐᒨᓇ ᔦᒻᔅ ᐯ ᑯᐯᑉ ᑕᕐᕋᖓᑕᓗ ᐊᖏᖃᑎᒋᒍᑎᖓᒍᑦ, ᐱᓇᓱᒐᕐᒥ ᐱᔪᓐᓇᐅᑎᖃᕐᑎᑕᐅᒍᑏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᐱᕙᓪᓕᑎᑦᓯᒐᓱᐊᕐᓗᑎᒃ ᐱᓇᓱᒐᖃᕐᑎᑕᐅᓂᖓᓂᒃ ᐃᓄᑐᐃᓐᓀᑦ.

ᓇᓪᓕᑳᑦᑕᐅᔪᐃᑭᓯᐊᓂ ᐊᐱᕐᓲᔭᕐᑕᐅᒐᔭᕐᓂᒧᑦ ᖃᐅᔨᑎᑕᐅᓛᕐᑐᑦ.