ᑲᒪᔨᐅᔪᒧᑦ ᐃᑲᔪᕐᑎ ᐊᐅᓚᑕᐅᕕᖓᓂ ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᐅᑉ - KRG

ᐱᓇᓱᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55ᕝ ᑕᕐᕋᖓᓂ, KRG ᐅᓪᓗᒥ ᐱᓇᓱᑦᑎᓯᐅᕐᐳᖅ ᐱᓇᓱᑦᑎᒪᕆᒻᒥᒃ ᓯᕗᓕᕐᓯᑎᒥᒃ ᐱᓇᓱᒐᔭᕐᑐᒥᒃ ᑰᑦᔪᐊᒥ, ᐱᓇᓱᒐᖃᕐᓗᓂ ᒪᑐᒥᖓ:

ᑲᒪᔨᐅᔪᒧᑦ ᐃᑲᔪᕐᑎ ᐊᐅᓚᑕᐅᕕᖓᓂ ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᐅᑉ

(ᐊᑌᓐᓇᑐᖅ ᐱᓇᓱᒐᖅ)

ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᐅᑉ ᑲᒪᔨᖓᓂᒃ ᐊᖓᔪᕐᖄᖃᕐᓗᓂ, ᐃᑲᔪᕐᑎ ᐊᐅᓚᑕᐅᕕᖓᓂ ᐱᓇᓱᐊᒐᖃᓚᖓᔪᖅ ᐊᑦᑕᓀᑦᑐᓯᐊᒃᑯᑦ ᑲᔪᓯᑦᓯᐊᑐᕐᑎᒍᓪᓗ ᐊᐅᓚᑕᐅᓂᖓᓐᓂᒃ ᐃᓗᓐᓀᑕ 14 ᐱᓇᓱᐊᕐᕕᐅᔪᐃᑦ. ᐱᓗᐊᕐᑐᒥᒃ, ᑖᓐᓇ ᑲᒪᔨᐅᑉ ᐃᑲᔪᕐᑎᖓ ᐃᒣᓗᕐᑎᐅᓚᖓᔪᖅ:

• ᑲᒪᒋᔭᖃᓚᖓᔪᖅ ᖃᐅᑕᒫᑦ ᐊᐅᓚᑦᑕᐅᓂᖓᓂᒃ, ᑲᒪᒋᔭᐅᓂᖓᓂᒃ ᒪᓕᒐᕐᑎᒎᓕᖓᑦᓯᐊᕆᐊᖃᕐᓂᖓᓂᓪᓗ ᐃᓗᓐᓀᑕ 14 ᒥᕝᕖᑦ ᑲᒪᒋᔭᐅᔪᑦ KRG-ᒧᑦ, ᑲᒪᒋᔭᖃᕐᒥᓗᓂ ᐅᓯᔩᑦ ᐅᓯᑲᑦᑕᐅᑎᖏᓐᓂᒃ, ᐄᒐᕐᕕᓂᒃ ᓇᐅᓕᒫᓂᓪᓗ ᓄᓇᓕᒻᒥ ᐅᓯᑲᑦᑕᑎᐅᔪᓂᒃ;

• ᑲᒪᒋᔭᖃᓚᖓᔪᖅ ᐃᑉᐱᒋᔭᖃᕐᓗᓂ ᓯᓚᓐᓂᐊᕕᐅᔪᓂᒃ ᑐᓴᐅᒪᖃᑎᒌᒍᑎᓕᕆᔨᐅᔪᓂᓪᓗ ᒥᕝᕕᓕᒫᓂ ᑲᒪᒋᔭᐅᔪᓂ;

• ᑲᒪᒋᔭᖃᓚᖓᔪᖅ ᒥᕝᕕᐅᑉ ᓯᓚᑎᖓᑕ ᐊᑦᑕᓇᖕᖏᑑᒋᐊᖃᕐᓂᖓᓂᒃ, ᖃᖓᑦᑕᔫᓚᖓᔪᐃᑦ ᐊᑦᑕᓇᕐᑐᒨᕐᑌᓕᒋᐊᖃᕐᓂᖓᓂᒃ, ᐱᓂᕐᓗᑕᐅᑎᑦᓯᑌᓕᓂᕐᒥᒃ, ᐅᑕᕐᕿᕕᐅᓪᓗ ᓴᓗᒪᒋᐊᖃᕐᓂᖓᓂᒃ ᐱᓇᓱᐊᖃᑎᖃᕐᓂᒥᓪᓗ ᐃᓗᓐᓀᓂᒃ ᓄᓇᓕᒻᒥ ᒥᕝᕕᓕᕆᓂᕐᒥᒃ ᐃᑉᐱᒍᓱᖃᑎᐅᔪᓂᒃ;

• ᖃᒪᒋᔭᖃᓚᖓᔪᖅ ᖃᐅᑕᒫᑦ ᐊᐅᓚᑕᐅᓂᖓᓂᒃ ᐊᑐᓂ ᒥᕝᕖᑦ ᒪᓕᒐᕐᑎᒍᑦ ᐊᓪᓚᓯᒪᔪᕐᑕᖃᕆᐊᖃᕐᓂᖓᓂᒃ - ᐃᓚᒋᔭᐅᑎᓪᓗᒋᑦ ᒥᕝᕕᓕᕆᓂᕐᒧᑦ ᖃᓄᐃᓘᕆᐊᖃᕈᑎᓂᒃ ᐊᓪᓚᖁᑎᒋᔭᐅᔪᑦ, ᐱᓇᓱᐊᕆᐊᓕᓐᓂᒃ ᑐᑭᓯᓇᕐᑎᓯᒍᑏᑦ, ᒥᕝᕕᐅᑉ ᐊᐅᓚᑕᐅᓂᖓᓄᑦ ᖃᓄᐃᓘᕆᐊᖃᕈᑏᑦ ᐊᓪᓚᓯᒪᔪᑦ ᐅᑭᐅᒥᓗ ᐱᓇᓱᐊᕐᑕᐅᒋᐊᓖᑦ ᐸᕐᓇᑕᐅᓯᒪᒍᑎᖏᑦ - ᑕᒪᒃᑯᐊᓕᒫᑦ ᒪᓕᑦᑕᐅᓯᐊᖁᓪᓗᒋᑦ ᐱᓇᓱᐊᑦᓯᐊᑕᐅᖏᓐᓇᓕᒫᕐᑎᓗᒋᓪᓗ;

• ᐱᓇᓱᐊᖃᑎᖃᕐᓗᓂ ᐱᓇᓱᐊᕐᕕᐅᔪᓕᒫᓂᒃ ᑲᒪᒋᔭᖃᕐᑐᓂᒃ ᐱᒍᑦᔨᔨᐅᓂᕐᒥᒃ ᐱᓇᓱᐊᕆᐊᓕᓐᓂᓗ, ᐊᑦᑕᓇᖕᖏᑑᑎᑦᓯᓂᕐᒧᑦ ᑲᔪᓯᑦᓯᐊᑐᒃᑯᓗ ᑲᒪᒋᔭᖃᕐᓂᒧᑦ ᒥᕝᕕᓂᒃ, ᐅᑦᑑᑎᒋᓗᒍ ᓴᓇᓯᒪᑦᓯᐊᖏᓐᓇᕆᐊᖃᕐᑐᓕᕆᔨᓂ ᑲᒪᔨᐅᑉ ᐃᑲᔪᕐᑎᖓ ᐊᒻᒪᓗ ᒪᓕᒐᕐᑎᒎᓕᖓᑦᓯᐊᕆᐊᓕᓐᓂᒃ, ᐊᕙᑎᓕᕆᓂᕐᒥᒃ ᐊᐅᓚᑦᓯᓂᕐᒥᓗ ᑲᒪᔨᐅᑉ ᐃᑲᔪᕐᑎᖓ;

• ᑲᒪᒋᔭᖃᓚᖓᔪᖅ ᒥᕝᕕᓕᒫᑦ ᑲᒪᔨᖏᓐᓂᒃ, ᓯᓚᓐᓂᐊᑎᓂᒃ ᑐᓴᐅᒪᖃᑎᒌᑦᑎᓯᔨᓂᒃ ᑲᒪᔨᒻᒪᕆᐅᔪᒥᓪᓗ, ᒥᕝᕖᑦ ᐊᐅᓚᑕᐅᓂᖓᓂᒃ ᓯᓚᑎᖓᑕᓗ ᐊᑦᑕᓇᖕᖏᑑᒋᐊᖃᕐᓂᖓᓂᒃ;

• ᐃᑲᔪᖃᑦᑕᓗᓂ ᒪᓐᓇᓯᐅᑏᑦ ᐊᕗᖓᐅᓕᔪᐃᓪᓗ ᐸᕐᓇᑕᐅᓕᕐᐸᑕ, ᑮᓇᐅᔦᑦ ᑐᕋᒐᓕᐅᕐᑕᐅᓕᕐᐸᑕ ᑐᓴᕐᑎᓯᐅᑎᓕᐅᕐᓂᒧᓪᓗ;

• ᐃᓚᐅᖃᑦᑕᓗᓂ ᐱᕙᓪᓕᐊᑕᐅᓂᖓᓄᑦ ᑲᔪᓯᑎᑕᐅᓂᖏᓐᓄᓗ ᐱᓇᓱᐊᕐᕕᐅᑉ ᑐᕌᒐᖏᑦᑕ;

• ᓄᐃᑦᓯᖃᑦᑕᓗᓂ ᑲᔪᓯᒃᑫᓗᓂᓗ ᐱᓇᓱᐊᕈᑎᐅᒋᐊᓕᓐᓂᒃ ᐱᓇᓱᐊᕐᑕᐅᒋᐊᓕᓐᓂᓗ ᑐᑭᓯᒪᑎᑦᓯᒍᑎᑦᓴᓂᒃ ᑭᖕᖑᒪᓇᕐᓂᖏᑎᒍᑦ.

• ᑲᒪᔨᐅᓂᕐᒨᓕᖓᔪᓂ ᓄᐃᑌᓐᓇᕕᖃᕐᓗᓂ ᓄᓇᓕᓐᓄᓗ ᓇᒻᒥᓂᖅ ᐅᐸᐅᑎᖃᑦᑕᓗᓂ, ᕆᐊᖃᓕᑐᐊᕈᓂ, ᑲᔪᖏᕐᓭᔨᐅᒋᐊᕐᑐᓗᓂ ᐃᑲᔪᕐᓯᒪᒋᐊᕐᑐᓗᓂᓗ KRG ᐱᓇᓱᐊᕐᑎᖏᓐᓂᒃ;

• ᐱᓇᓱᐊᕐᑐᓂ ᓇᐅᑦᓯᑐᐃᖃᑦᑕᓗᓂ ᓄᐃᑎᕆᖃᑦᑕᓗᓂᓗ ᑐᑭᓯᒪᒍᑎᑦᓴᐅᔪᓂᒃ ᐱᓇᓱᐊᕐᓂᐅᑉ ᖃᓄᐃᓕᖓᓕᕐᓂᖓᓂᒃ (KPIs) ᑕᒣᓐᓂ ᐱᓇᓱᐊᕋᐅᔪᓂ;

• ᑲᒪᒋᔭᖃᕐᓗᓂ ᐊᐅᓚᑦᓯᓂᕐᒧᑦ ᑲᔪᓯᒍᑎᐅᒋᐊᓕᓐᓂᒃ ᐃᓕᖓᔪᓂᒃ ᐊᐅᓚᑦᓯᓂᕐᒧᑦ ᐸᕐᓇᓯᒪᐅᑎᓄᑦ ᓴᓇᓂᕐᑕᖃᓕᕐᐸᑦ (PCO) ᒥᕝᕕᒥ, ᐱᓇᓱᐊᖃᑎᖃᑦᓯᐊᓗᓂ MTMD-ᑯᓐᓂᒃ (ᑯᐯᑉ ᐃᖏᕐᕋᐅᑎᓕᕆᔨᒃᑯᖏᓐᓂᒃ) ᓴᓇᓂᖃᕐᓂᓕᒫᖓᓂ ᑐᑭᒧᐊᑦᓯᐊᑎᑕᐅᖁᓪᓗᒋᑦ ᐊᑦᑕᓇᖕᖏᑑᖁᓪᓗᒍᓗ ᒥᕝᕕᐅᑉ ᐊᐅᓚᑕᐅᓂᖓ;

• ᐃᑉᐱᒋᔭᙯᓐᓇᓕᒫᑦᓯᐊᓗᓂ ᐱᓇᓱᐊᖃᑎᙯᓐᓇᓯᐊᕐᓗᓂᓗ ᖃᓄᐃᓘᖃᑎᐅᒋᐊᓕᓕᒫᓂᒃ;

• ᐊᓯᖏᓐᓂᓗ ᐱᓇᓱᐊᕐᑕᐅᖁᔭᐅᔪᓂᒃ ᐱᓇᓱᐊᖃᑦᑕᓗᓂ

ᐱᔪᓐᓇᓂᕆᒋᐊᓕᖏᑦ:

• ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐱᔭᕆᕐᓯᒪᐅᑎᖃᕐᓗᓂ ᖃᖓᑦᑕᔫᓕᕆᓂᕐᒥᒃ ᑲᒪᒋᔭᖃᕐᓂᒨᓕᖓᔪᒥᒃ, ᐊᐅᓚᑦᓯᓂᓕᕆᓂᕐᒨᓕᖓᔪᒥᒃ, ᓇᐅᓕᒫᓅᓕᖓᔪᓂᒃ ᐊᐅᓚᑦᓯᓂᓕᕆᓂᕐᒨᓕᖓᔪᒥᒃ ᐅᕝᕙᓗᓐᓃ ᑕᒪᒃᑯᓄᖓ ᐃᓕᖓᔪᓂᒃ; ᐱᓇᓱᐊᕐᓯᒪᓪᓚᕆᓕᓂᐅᓂᖓ ᒥᕝᕕᓕᕆᓂᕐᒥ ᐃᓱᒪᒋᔭᐅᑦᓯᐊᕈᓐᓇᑐᖅ ᐱᔭᕆᕐᓯᒪᐅᑎᖃᖕᖏᑲᓗᐊᕈᓂ;

• ᑕᓪᓕᒪᓂᒃ (5) ᐊᕐᕋᒍᓂᒃ ᐱᓇᓱᐊᕐᓯᒪᓗᓂ ᒥᕝᕕᓕᕆᓂᕐᒥᒃ ᑲᒪᒋᔭᖃᕐᓂᒥᒃ, ᐱᖓᓱᓂᓪᓗ (3) ᐊᕐᕋᒍᓂᒃ ᐊᖓᔪᕐᖃᐅᓯᒪᓗᓂ ᓯᕗᓕᕐᓯᒪᓗᓂᓗᓐᓃᑦ ᐊᑦᔨᒌᖕᖏᑐᓂᒃ ᐱᓇᓱᐊᒐᖃᕐᑐᓂᒃ;

• ᐊᐅᓚᑦᓯᓕᓂᐅᓗᓂ ᐊᒥᓱᓂᒃ ᐱᓇᓱᐊᕐᕕᓂᒃ ᒥᕝᕕᓕᕆᓕᓂᐅᒍᓂᓗ ᐱᐅᔫᒐᔭᕐᒥᔪᖅ;

• ᐱᐅᔫᒐᔭᕐᒥᔪᖅ (AAE) ᐃᓕᑕᕆᔭᐅᒍᑎᒃ ᒥᕝᕕᓕᕆᔨᐅᓂᕐᒧᑦ ᐅᕝᕙᓗᓐᓃᑦ (CM) ᐱᔪᓐᓇᐅᑎᖃᕐᓗᓂ ᐃᓚᐅᔫᓂᕐᒧᑦ IAAE-ᒥ (ᓄᓇᕐᔪᐊᒥ ᑲᑐᑦᔨᖃᑎᒌᓐᓂᖅ ᒥᕝᕕᓕᕆᓂᕐᒥᒃ ᐊᐅᓚᑦᓯᔨᐅᔪᓄᑦ )

• ᐱᐅᔫᒐᔭᕐᒥᔪᖅ ᖃᐅᔨᒪᔭᖃᑦᓯᐊᓗᓂ ᑲᓇᑕᐅᑉ ᖃᖓᑦᑕᔫᓕᕆᓂᕐᒧᑦ ᒪᓕᒐᖏᓐᓂᒃ (CARs) ᑲᓇᑕᐅᓪᓗ ᐃᖏᕐᕋᐅᑎᓕᕆᔨᒃᑯᖏᑦᑕ ᖃᖓᑦᑕᔫᓕᕆᓂᕐᒧᑦ ᐃᓂᓪᓚᓯᒪᔭᖏᓐᓂᒃ (TP312);

• ᐱᐅᔫᒐᔭᕐᒥᔪᖅ ᐱᓇᓱᐊᓕᓂᐅᓗᓂ ᓇᐅᓕᒫᓅᓕᖓᔪᑦ ᐱᕐᖃᔭᑦᓯᐊᖏᑦᑑᒍᑎᓕᓐᓂᓗ ᐅᓯᑲᑦᑕᑎᐅᔪᓂᒃ ᐊᐅᓚᑦᓯᓂᕐᒥᒃ

• ᐱᐅᔫᒐᔭᕐᒥᔪᖅ ᐱᓇᓱᐊᓕᓂᐅᓗᓂ ᐅᖓᓯᑦᑐᒥᐅᓂ, ᖃᖓᑦᑕᔫᒃᑯᑭᓯᐊᓂ ᐅᐸᒐᐅᔪᓂ ᐅᕝᕙᓗᓐᓃᑦ ᓄᓇᖃᕐᖄᓯᒪᔪᑦ ᓄᓇᓕᖏᓐᓂ

• ᐸᕐᓇᕈᓐᓇᓯᐊᕐᓗᓂ, ᐱᓀᓗᑕᓂᒃ ᐋᕐᕿᒍᓐᓇᓗᓂ, ᑐᑭᑖᕈᓐᓇᓯᐊᕐᓗᓂ ᓯᕗᓕᕈᓐᓇᓯᐊᕐᓗᓂᓗ

• ᐱᓇᓱᐊᕈᓐᓇᓗᓂ ᓱᓇᓱᐊᕋᑦᓴᖃᕖᖕᖓᑐᒥ ᑲᒪᒋᔭᐅᓪᓗᑯᐊᐱᒍᓐᓀᓗᓂ

• ᐊᖁᒍᓐᓇᐅᑎᖃᑦᓯᐊᓗᓂ

• ᒪᕐᕉᓂᒃ (2) ᐅᖃᐅᓰᓐᓂᒃ ᖃᐅᔨᒪᓗᓂ ᐊᓪᓚᒍᓐᓇᓗᒋᒃ ᐅᖃᕈᓐᓇᓗᒋᓪᓗ ᐱᓇᓱᐊᕈᓐᓇᐅᑎᒋᓗᒋᒃ:

ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓪᓗᓃᑦ;

• ᐱᓇᓱᐊᕈᑎᖃᕈᓐᓇᓯᐊᕐᓗᓂ ᖃᕆᑕᐅᔭᓕᕆᐅᑎᓂᒃ Microsoft Office Suite, ᐊᓯᖏᓐᓂᓗ ᖃᕆᑕᐅᔭᒃᑯᑦ ᐱᓇᓱᐊᕈᑕᐅᓲᓂᒃ;

• ᐊᕐᕕᑕᕈᓐᓇᓯᐊᕐᓗᓂ ᓄᓇᕕᒻᒥ ᓯᓚᑖᓂᓗᓐᓃᑦ;

ᐱᓇᓱᐊᕐᕕᖓ: ᑯᑦᔪᐊᖅ ᐊᓯᐊᓗᓐᓃᑦ ᓄᓇᓕᒃ ᓄᓇᕕᒻᒥ

ᑮᓇᐅᑦᔭᓵᑦ: ᐃᑭᓐᓂᐹᖓ: $116,523 ᐅᓄᕐᓂᐹᖓᓗ: $160,207

ᐱᕙᓪᓕᖁᑏᑦ: ᐊᑭᑐᔪᒥᐅᖑᓂᕐᒧᑦ ᑮᓇᐅᔭᒋᐊᓪᓓᑦ $8,500 ᐊᕐᕌᒍᑕᒫᑦ

ᓂᕿᓯᒍᑏᑦ: ᐃᑭᓐᓂᐹᖓ $3,707 ᐊᕐᕌᒍᑕᒫᑦ

ᐊᕐᕋᒍᑕᒫᑦ ᐊᐅᓪᓚᑲᑦᑕᕈᓐᓇᐅᑏᑦ: ᐃᑭᓐᓂᐹᖓᑦ 3-ᕕᓪᓗᓂ

ᐊᒥᓱᐃᓅᓕᖓᔪᓂᒃ ᐱᕙᓪᓕᖁᑎᖃᕐᓂᖅ ᑐᓄᕚᔦᓂᒃᑯᑦ ᐅᑭᐅᖏᑦ ᓈᒻᒪᓯᑉᐸᑕ ᐱᓇᓱᒍᓐᓀᕋᔭᕐᓂᒥᓅᓕᖓᔪᓂᒃ RRSP

ᕿᑲᕈᓐᓇᑐᖅ: 30 ᐅᓪᓗᐃᑦ ᐊᕐᕌᒍᑕᒫᑦ

ᐊᕐᕌᒎᑉ ᐃᓗᐊᓂ ᓇᓪᓕᐅᓂᕐᓯᐅᓀᑦ: 20 ᐅᓪᓗᐃᑦ ᐃᓚᖃᕐᓗᑎᒃ 10-ᓂᒃ ᖁᕕᐊᓱᕝᕕᓯᐅᕐᓇᐅᓕᕐᐹᑦ.

ᐱᓇᓱᒍᒪᐅᑎᑎᑦ ᐊᐅᓪᓚᑎᓪᓗᒋᑦ ᐅᕗᖓ

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᔨᐅᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᑎᑕᐅᓂᖓᓂᒃ.

ᐱᓇᓱᒍᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑭᓯᐊᓂ ᖃᐅᔨᑎᑕᐅᓛᕐᑐᑦ.