ᑐᑭᒧᐊᑦᑎᓯᔨᒧᑦ ᐃᑲᔪᑎ - ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓄᑦ ᐱᒍᑦᔨᔨᓂ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᓄᐃᔪᖅ ᑎᒥᐅᑉ ᐃᓗᐊᓂ / ᓯᓚᑖᓂ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᖁᓪᓕᐸᐅᑦᓱᓂ-ᑲᕙᒫᐱᓐᓄᑦ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒃ ᓄᓇᖓᓂ ᓄᓇᖕᖑᐊᑯᑦ 55° ᖁᓛᓂ. ᐱᖁᔭᓕᕆᓂᕐᒥᒃ, ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᒃ KRG-ᑯᓂ ᐅᓪᓗᒥ ᐱᓇᓱᑦᑎᓴᕐᓯᐅᑐᖅ ᐱᓇᓱᒍᒪᔪᒥᒃ ᑰᑦᔪᐊᒥ ᐱᓇᓱᒐᔭᕐᓗᓂ ᒪᑐᒥᖓ:

ᑐᑭᒧᐊᑦᑎᓯᔨᒧᑦ ᐃᑲᔪᑎ - ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓄᑦ ᐱᒍᑦᔨᔨᓂ

(ᐊᑌᓐᓇᑐᖅ,ᐃᓗᐃᑦᑐᐃᑦ ᑫᕙᓪᓚᒍᓯᖏᑦ)

ᒥᓇᕋᕐᕕᖃᕐᓗᓂ ᑐᑭᒧᐊᑦᑎᓯᔨᒥᒃ ᐱᖁᔭᓕᕆᓂᕐᒥᒃ, ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓂᒃ ᐊᒻᒪᓗ ᑲᕙᒫᐱᓐᓂᒃ ᐊᐅᓚᑦᓯᓂᕐᒥᒃ ᐱᓇᓱᕝᕕᒥ, ᑐᑭᒧᐊᑦᑎᓯᔨᒧᑦ ᐃᑲᔪᕐᑎ - ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓄᑦ ᐱᒍᑦᔨᔨᓂ ᐃᑲᔪᕆᐊᖃᕐᖁᖅ ᑐᑭᒧᐊᑦᑎᓯᔨᒥᒃ ᑲᒪᓗᓂ, ᐸᕐᓇᓗᓂ ᐊᒻᒪᓗ ᐃᓂᓪᓚᖓᑎᑦᓯᓗᓂ ᓴᐳᒻᒥᔩᑦ ᐱᓇᓱᕝᕕᖓᓂᒃ (ᐱᓂᕐᓗᕈᑎᓄᑦ ᐋᓐᓂᑕᐅᓯᒪᔪᓂᒃ ᐃᑲᔪᕐᓯᕕᒻᒥᒃ (CAVAC)) ᓄᓇᕕᒻᒥ ᐊᒻᒪᓗ ᐃᓄᐃᑦ ᓄᓇᓕᓐᓄᑦ ᐃᓚᒋᓕᐅᑎᒋᐊᑦᓯᐊᓂᖏᓐᓂᒃ ᐱᓇᓱᐊᕈᑎᒥᒃ, ᐊᒻᒪᓗ ᐃᓘᓐᓇᖏᓐᓂᒃ ᐃᓄᐃᑦ-ᐃᕐᖃᑐᐃᕕᒃᑰᓂᖓᓄᑦ ᐊᑦᑐᐊᔪᓕᒫᓂᒃ ᐱᒍᑦᔨᒍᑎᓂᒃ ᐱᓇᓱᒍᑎᓂᓪᓗ ᑕᒡᒐᓂ ᐱᓇᓱᕝᕕᒥ.

ᐱᓇᓱᐊᑦᓴᓗᑐᖏᑦ:

• ᐸᕐᓇᓂᖅ, ᐃᓂᓪᓚᖓᑎᑦᓯᓂᖅ ᐊᒻᒪᓗ ᑲᖕᖑᓇᕿᓂᖅ ᐱᓇᓱᑦᑕᐅᔪᓂᒃ ᓴᐳᒻᒥᔩᑦ ᐱᓇᓱᕝᕕᖓᓄᑦ (ᐱᓂᕐᓗᕈᑎᓄᑦ ᐋᓐᓂᑕᐅᓯᒪᔪᓂᒃ ᐃᑲᔪᕐᓯᕕᒻᒧᑦ (CAVAC)) ᓄᓇᕕᒻᒥ ᐊᒻᒪᓗ ᐃᓄᐃᑦ ᓄᓇᓕᓐᓄᑦ ᐃᓚᒋᓕᐅᑎᒋᐊᑦᓯᐊᓂᖏᓐᓂᒃ ᐱᓇᓱᐊᕈᑎᒧᑦ;

• ᓱᕐᖁᐃᓂᖅ ᐱᑦᓯᐊᑎᑕᐅᓂᖓᓂᒃ ᐃᓄᐃᑦ-ᐃᕐᖃᑐᐃᕕᒃᑰᓂᖓᑎᒍᑦ ᐱᒍᑦᔨᒍᑏᑦ ᒪᓂᔭᐅᓂᖓᑕ ᓄᓇᕕᐅᑉ ᓄᓇᖓᓂ;

• ᑲᒪᔨᐅᓂᖅ ᓴᖑᐊᑦᓯᔨᒥᒃ ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓄᑦ ᐱᒍᔨᔨᓂᒃ ᐊᒻᒪᓗ ᐱᑦᓯᐊᓂᖏᓐᓂᒃ ᑲᖕᖑᓇᕿᓂᖅ;

• ᐱᕙᓪᓕᐊᖃᑦᑕᓂᖅ ᐊᕐᕌᒍᑕᒫᑦ ᑐᕌᕐᑕᐅᔪᑦᓴᓂᒃ ᐊᒻᒪᓗ ᐊᓪᓚᖃᑦᑕᓂᖅ ᐱᓇᓱᐊᓭᑦ ᐸᕐᓇᓯᒪᐅᑎᖏᓐᓂᒃ ᐊᒻᒪᓗ ᑐᓴᕐᑎᓯᒍᑎᓂᒃ;

• ᐱᖕᖑᐃᓂᖅ ᐊᒻᒪᓗ ᐊᑐᓕᕐᑎᓯᓂᖅ ᐱᓇᓱᓪᓗᓂ ᓴᓇᕐᕈᑎᑦᓴᓂᒃ ᑫᓪᓗᐊᕈᑎᒋᓚᖓᓗᒋᑦ ᐱᐅᓯᑦᓯᐊᖑᓂᕐᐹᑦ ᐊᑐᕐᑕᐅᓂᖓᓂᒃ ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᓐᓂᒃ ᐱᓇᓱᖃᑎᒌᓄᑦ;

• ᐱᕙᓪᓕᐊᓂᖅ ᓱᕙᓪᓕᓇᕐᑐᓂᒃ ᐊᒻᒪᓗ ᓄᑕᐅᓯᓕᕆᐊᕐᓯᒪᔪᓂᒃ ᑐᓴᐅᒪᐅᑎᓂᕐᒥᒃ ᓴᓇᕐᕈᑎᓂᒃ ᐊᒻᒪᓗ ᐃᕐᐸᑎᕆᓂᖅ ᖃᐅᔨᒪᔭᑦᓴᓂᒃ ᓄᓇᓕᓕᒫᑎᒍᑦ ᐊᒻᒪᓗ ᐊᓯᓄᑦ ᐊᑦᑐᐊᖃᑕᐅᔪᓄᑦ ᑎᒥᐅᔪᓄᑦ;

• ᐱᓂᐊᕐᐸᓂᖅ ᑭᒡᒐᑐᕐᑎᐅᓗᓂ ᐊᒻᒪᓗ ᑲᑎᓯᕙᓐᓂᖅ ᑲᕙᒪᖓᓂᒃ, ᑎᒥᐅᔪᓂᓪᓗ ᐊᑦᔨᒌᖕᖏᑐᓂᒃ ᐊᒻᒪᓗ ᐱᓇᓱᖃᑕᐅᔪᓂᒃ, ᐊᒻᒪᓗ ᐁᓯᒪᖃᑦᑕᓂᖅ ᑲᑎᒪᓂᕐᓄᑦ ᐊᒻᒪᓗ ᐅᖃᖃᑎᒌᕝᕕᓄᑦ ᐱᑦᔪᑎᓕᓐᓄᑦ ᐃᓱᐃᓗᑕᕐᓂᒃ ᐊᑦᑐᐊᔪᓂᒃ ᐃᓄᐃᑦ-ᐃᕐᖃᑐᐃᕕᒃᑰᕈᑎᖏᑎᒍᑦ ᐱᒍᑦᔨᒍᑎᓄᑦ, ᐃᕐᖃᑐᐃᔩᑦ ᐱᒍᑦᔨᒍᑎᖏᓐᓄᑦ ᐊᒻᒪᓗ ᐃᕐᖃᑐᐃᔨᖃᕐᓂᐅ ᐊᐅᓚᑕᐅᓂᖓᓄᑦ ᓄᓇᕕᐅᑉ ᐃᓗᐊᓂ;

• ᐃᑲᔪᕐᓂᖅ ᑐᑭᒧᐊᑦᑎᓯᔨᒥᒃ ᑲᑎᒪᔩᑦ ᐳᕐᑐᓂᕐᓭᓗ ᑲᑎᒪᔩᑦ ᑲᑎᒪᓂᖏᓐᓂ, ᐋᕐᕿᓱᐃᓂᖅ ᑮᓇᐅᔦᑦ ᑐᕌᒐᖏᓐᓂᒃ, ᐊᕐᕌᒍᑕᒫᑦ ᑐᕌᕐᑕᐅᔪᑦᓴᓂᒃ ᐊᒻᒪᓗ ᐱᓇᓱᑦᑕᐅᓯᒪᔪᓂᒃ ᑐᓴᕐᑎᓯᒍᑎᓂᒃ;

• ᑲᔪᓯᑎᑦᓯᓂᖅ ᓇᐅᑐᐃᓐᓇᓂᒃ ᐊᓯᐊᒍᑦ ᐱᓇᓱᐊᑦᓴᓂᒃ ᑎᓕᔨᒍᑕᐅᔪᑦ ᒪᓕᓪᓗᒋᑦ.

ᐱᓇᓱᒐᕐᒥ ᐱᑕᖃᕆᐊᓖᑦ:

• ᐃᒻᒥᓂᕿᔨᐅᑉ ᐃᓕᑦᓯᒪᐅᑎᖓ (Bachelor's degree) ᐊᓪᓚᕕᒻᒥ ᐊᐅᓚᑦᓯᔨᐅᓂᕐᒥᒃ ᐅᕝᕙᓘᓐᓃᑦ ᐱᓇᓱᑦᑕᐅᔪᓂᒃ ᑲᒪᔨᒻᒪᕆᐅᓂᕐᒥᒃ. ᒥᑦᓯᓕᒻᒥᒃ ᐱᓇᓱᓚᐅᕐᓯᒪᓂᖅ ᐃᓄᐃᑦ-ᐃᕐᖃᑐᐃᕕᒃᑰᓂᖓᑕ ᑐᑭᐊᒍᑦ ᐊᑦᔨᐅᖏᒍᑕᐅᑎᓪᓗᒍ ᐃᓱᒪᒋᔭᒍᓐᓇᑐᖅ ᐃᒻᒥᓂᕿᔨᐅᓂᕐᒥᒃ ᐃᓕᑦᓯᒪᐅᑎᖃᖕᖏᑐᒧᑦ;

• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒍᓂᒃ ᒥᑦᓯᓕᒻᒥ ᐱᓇᓱᑦᓯᒪᓂᖅ ᐋᕐᕿᒋᐊᕈᑎᓄᑦ ᐱᒍᑦᔨᔨᓂ ᐅᕝᕙᓘᓐᓃᑦ ᐱᓂᕐᓗᑕᐅᓂᑯᓂᒃ ᐃᑲᔪᕐᑐᑎᓂ, ᐊᒻᒪᓗ ᐱᓇᓱᑦᓯᒪᓂᖅ ᐱᓇᓱᑦᑎᓂᒃ ᐊᐅᓚᑦᓯᔨᐅᓂᕐᒥᒃ;

• ᑕᑯᑦᓴᕈᐃᓯᒪᓂᖅ ᓯᕗᓕᕈᓐᓇᓂᕐᒥᒃ, ᐃᓂᓪᓚᖓᑎᑦᓯᓯᑎᐅᓂᕐᒥᒃ ᐊᒻᒪᓗ ᑕᐊᑐᐊᙰᓐᓂᒥᒃ;

• ᐱᓯᑎᒻᒪᕆᐅᓗᓂ ᐱᓀᓗᑕᕐᓂᒃ ᐋᕐᕿᓱᐃᒍᓐᓇᓂᖅ, ᑐᑭᑖᕈᓐᓇᒥᖅ, ᖃᓄᐃᓘᖃᑎᖃᕈᓐᓇᓂᖅ ᐊᒻᒪᓗ ᑐᑭᓯᓂᐊᕈᓐᓇᓂᖅ;

• ᐱᓇᓱᓚᐅᕐᓯᒪᓂᖅ ᐋᕐᕿᓱᐃᓂᕐᒥᒃ ᐊᒻᒪᓗ ᐊᐅᓚᑦᓯᓂᕐᒥᒃ ᑮᓇᐅᔦᑦ ᑐᕌᒐᖏᓐᓂᒃ ᐃᓱᒪᒋᔭᐅᔪᖅ ᐃᓱᐊᖁᑎᒋᐊᓪᓚᑎᑐᑦ;

• ᐱᓯᑎᒻᒪᕆᐅᓗᓂ ᐅᖃᐅᓯᒃᑯᑦ ᐊᒻᒪᓗ ᐊᓪᓚᓂᒃᑯᑦ ᐅᖃᖃᑎᒌᒍᓐᓇᓂᖅ ᑕᒪᖏᓐᓄᑦ ᖃᓪᓗᓈᑎᑐᑦ ᐅᐃᒍᐃᑎᑐᓪᓗ ᐅᖃᐅᓯᕐᓄᑦ; ᖃᐅᔨᒪᓂᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐃᓱᐊᖁᑕᐅᒋᐊᓪᓚᑐᖅ;

• ᐱᓇᓱᒍᓐᓇᓂᖅ ᐊᔭᐅᕐᑕᐅᓗᓂ ᐊᒻᒪᓗ ᐱᔭᕇᕐᓯᒪᕕᒋᒋᐊᓕᓐᓂᒃ ᓲᓱᑦᓴᓗᓂ;

• ᐊᖏᕐᓯᒪᓂᖅ ᐊᑐᐃᓐᓇᐅᓗᓂᓗ ᐊᐅᓪᓚᑲᑦᑕᓂᕐᒧᑦ ᓄᓇᕕᐅᑉ ᐃᓗᐊᒍᑦ ᑕᒪᑐᒪᓗ ᓄᓇᖓᑕ ᓯᓚᑖᓄᑦ;

• ᓯᕗᓂᐊᓂ ᐱᓇᓱᑦᓯᒪᓂᖅ ᐃᓗᕐᖁᓯᖃᑎᒌᖕᖏᑐᑦ ᓄᓇᖓᓂ, ᐱᐅᓂᕐᓴᐅᑎᓪᓗᒍ ᐱᓇᓱᑦᓯᒪᒍᓂ ᓄᓇᖃᕐᖄᓯᒪᔪᑦ ᓄᓇᓕᖓᓐᓂ, ᐃᓱᒪᒋᔭᐅᓚᖓᔪᖅ ᐃᓱᐊᖁᑎᒋᐊᓪᓚᑎᑐᑦ;

• ᐊᑐᕈᓐᓇᓂᖅ Microsoft Office Suite ᖃᕆᑕᐅᔭᕈᑎᖏᓐᓂᒃ ᐊᓯᖏᓐᓂᓗ ᐊᑐᕆᐊᖃᕐᒥᔪᓂᒃ ᖃᕆᑕᐅᔭᕈᑎᓂᒃ;

• ᑲᔪᓯᑎᑦᓯᒍᓐᓇᓂᖅ ᐊᓯᐊᒍᑦ ᐱᓇᓱᑦᑕᐅᖁᔭᐅᔪᓂᒃ

ᐱᓇᓱᕝᕕᐅᑉ ᓇᔪᕐᑕᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓗᒋᑦ $107 005 ᐊᕐᕌᒍᑕᒫᑦ – ᐊᒥᓲᓂᕐᐸᐅᑎᓗᒋᑦ $147 116 ᐊᕐᕌᒍᑕᒫᑦ ᐱᓇᓱᖃᑦᑕᓗᓂ 35-ᓂᒃ ᑫᕙᓪᓚᒍᓯᕐᓂᒃ/ᐱᓇᓱᐊᕈᓯᑕᒫᑦ.

ᐃᑲᔪᕐᓯᔭᐅᒍᑎᖏᑦ: ᐊᑭᑐᔪᕐᒥᐅᖑᒍᑏᑦ: ᐃᑭᓐᓂᐸᐅᑎᓗᒋᑦ $8 500 ᐊᕐᕌᒍᑕᒫᑦ

ᓂᕿᓄᑦ ᑮᓇᐅᔭᖃᕐᑎᑕᐅᒍᑏᑦ: ᐃᑭᓐᓂᐸᐅᑎᓗᒋᑦ $4 216 ᐊᕐᕌᒍᑕᒫᑦ

ᐊᕐᕌᒍᑕᒫᑦ ᖃᖓᑦᑕᐅᑎᖃᕐᑎᑕᐅᓂᖅ: ᐃᑭᓐᓂᐸᐅᑎᓗᒋᑦ 3

ᓇᓗᓀᓪᓕᑎᕐᓯᒪᔪᑦ ᐃᑦᑑᒍᑎᑖᕐᑕᕈᑎᑦᓴᖏᑦ

ᐊᒥᓱᐃᑎᒍᑦ ᐃᒻᒪᖃᐅᑎᑦᓭᑦ

ᕿᑲᑫᓐᓇᕈᓐᓇᓂᖏᑦ: 30 ᐅᓪᓗᐃᑦ ᐊᕐᕌᒍᑕᒫᑦ

ᖃᕆᑕᐅᔭᒃᑯᑦ ᐱᓇᓱᒍᓐᓇᓂᖓ: ᑎᑭᓪᓗᒋᑦ 8-ᓄᑦ ᐱᓇᓱᐊᕈᓯᕐᓄᑦ ᐊᕐᕌᒍᑕᒫᑦ

ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖒᓂᖓᓂ

ᐱᓇᓱᒍᒪᐅᑎᑎᑦ ᐊᐅᓪᓚᑎᓗᒋᑦ 5-ᖑᓚᐅᕐᑎᓇᒍ ᓅᕕᒻᐱᕆ 18, 2025 ᐅᕗᖓ:

Human Resources Advisor

Kativik Regional Government

P.O. Box 9

Kuujjuaq QC J0M 1C0

Email: humanresources@krg.ca

Fax: 819-964-2975

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒍ ᐃᓄᐃᑦ ᐱᓇᓱᒐᕐᑖᕋᓱᑦᑐᑦ ᐱᓇᓱᑦᑎᑖᖑᓂᖓᓂᒃ.

ᐱᓇᓱᒍᒪᔪᓂᒃ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑌᒃᑯᑐᐊᑦ ᐅᖃᕐᕕᐅᓂᐊᕐᑐᑦ.