ᑲᒪᔨᐅᔪᒧᑦ ᐃᑲᔪᕐᑎ ᓴᓇᓯᒪᑦᓯᐊᖏᓐᓇᕆᐊᖃᕐᑐᓕᕆᔨᓂ, ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᒃ - KRG

ᐱᓇᓱᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ (KRG), ᑲᕙᒫᐱᓐᓄᑦ-ᖁᓪᓕᐸᐅᑦᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55ᕝ ᑕᕐᕋᖓᓂ, KRG ᐅᓪᓗᒥ ᐱᓇᓱᑦᑎᓯᐅᕐᐳᖅ ᐱᓇᓱᑦᑎᒪᕆᒻᒥᒃ ᓯᕗᓕᕐᓯᑎᒥᒃ ᐱᓇᓱᒐᔭᕐᑐᒥᒃ ᑰᑦᔪᐊᒥ, ᐱᓇᓱᒐᖃᕐᓗᓂ ᒪᑐᒥᖓ:

ᑲᒪᔨᐅᔪᒧᑦ ᐃᑲᔪᕐᑎ ᓴᓇᓯᒪᑦᓯᐊᖏᓐᓇᕆᐊᖃᕐᑐᓕᕆᔨᓂ, ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᒃ

(ᐊᑌᓐᓇᑐᖅ ᐱᓇᓱᒐᖅ)

ᐃᖏᕐᕋᐅᑎᓕᕆᓂᕐᒧᑦ ᐱᓇᓱᐊᕐᕕᐅᑉ ᑲᒪᔨᖓᓂᒃ ᐊᖓᔪᕐᖄᖃᕐᓗᓂ, ᐃᑲᔪᕐᑎ ᓴᓇᓯᒪᑦᓯᐊᖏᓐᓇᕆᐊᖃᕐᑐᓕᕆᔨᓂ ᐱᓇᓱᐊᒐᖃᓚᖓᔪᖅ ᓴᓇᒣᓐᓇᓯᐊᕆᐊᖃᕐᓂᖓᓂᒃ ᐱᐅᒃᑯᑎᖏᑦᑕ ᒥᕝᕖᑦ, ᐄᒐᕐᕖᑦ, ᓅᑲᑦᑕᑐᐃᑦ ᐱᓇᓱᐊᕈᑏᑦ ᑲᒪᒋᔭᖃᓚᖓᑦᓱᓂᓗ ᐱᓪᓗᑯᒋᐊᖃᕐᑐᓕᕆᓂᒃᑯᑦ ᐱᒍᓐᓇᑕᐅᒋᐊᓕᓐᓂᒃ ᐃᓕᖓᔪᓂᒃ ᐱᖁᑎᒻᒪᕆᓐᓄᑦ ᐱᐅᓯᓕᑎᕆᒍᑎᐅᔪᓄᓪᓗ ᐱᓇᓱᐊᕐᑕᐅᔪᓂᒃ.

ᓴᓇᓯᒪᑦᓯᐊᖏᓐᓇᕆᐊᖃᕐᑐᓕᕆᔨᓂ ᑲᒪᔨᐅᑉ ᐃᑲ ᔪᕐᑎᖓ ᑲᒪᒋᔭᖃᓚᖓᔪᖅ ᐅᑯᓂᖓ, ᐊᓯᖃᕈᓐᓇᒥᑎᓪᓗᒋᑦ:

• ᑲᒪᒋᔭᖃᓚᖓᔪᖅ ᐱᕙᓪᓕᐊᑕᐅᓂᖓᓂᒃ ᑲᔪᓯᑎᑕᐅᓂᖓᓂᓪᓗ ᓯᖁᒥᑦᓯᒪᔪᕐᓂᐊᕈᑏᑦ ᑕᒣᓐᓂ 14-ᓂ ᒥᕝᕕᓂ, ᒥᕝᕖᑦ ᓯᓚᑎᖏᓐᓂ, ᐃᓪᓗᖁᑎᖏᓐᓂ ᐱᐅᒃᑯᑎᖏᓐᓂᓗ;

• ᑲᒪᒋᔭᖃᓚᖓᔪᖅ ᐃᑉᐱᒋᔭᖃᕐᓗᓂ ᐃᓪᓗᓂᒃ ᐊᑦᑕᓇᖕᖏᑑᒋᐊᖃᕐᓂᖓᓂᓪᓗ ᒥᕝᕕᐅᑉ ᓯᓚᑖᓂᑦᑐᓕᒫᑦ ᐱᐅᒃᑯᑎᒻᒪᕇᑦ;

• ᑲᒪᒋᔭᖃᓚᖓᔪᖅ ᐄᒐᕐᕖᑦ/ᐅᒥᐊᒃᑯᕖᑦ ᐱᐅᒃᑯᑎᖏᓐᓂᒃ, ᓯᖁᒥᑦᓯᒪᔪᕐᓂᐊᑕᐅᓂᖓᓂᒃ ᐊᑐᐃᓐᓇᖃᕆᐊᖃᕐᓂᖓᓂᓪᓗ ᐃᓗᓐᓇᖏᑦ 14 ᓄᓇᓖᑦ;

• ᐃᑲᔪᕐᓯᒣᓐᓇᓗᓂ ᐱᓪᓗᑯᒋᐊᖃᕐᑐᓕᕆᓂᒃᑯᑦ ᓴᓇᒻᒪᓕᕆᓂᒃᑯᑦ ᐊᑐᐃᓐᓇᕈᕐᑎᑕᐅᓂᖓᓄᑦ ᐸᕐᓀᕈᑎᓕᐊᑦ ᖃᓄᐃᓕᖓᒋᐊᖃᕈᑎᐅᔪᓪᓗ ᐱᓇᓱᐊᕐᑕᐅᓚᖓᔪᓄᑦ ᑐᓂᔭᐅᕙᑦᑐᓄᑦ ᑯᐯᑉ ᐃᖏᕐᕋᐅᑎᓕᕆᔨᒃᑯᖏᓐᓄᑦ (MTMD), ᐱᓪᓗᑯᒋᐊᖃᕐᑐᓕᕆᓂᒃᑯᓗ ᐅᖃᐅᓯᖃᕐᕕᙯᓐᓇᓗᓂ ᐱᓇᓱᐊᕐᑕᐅᔪᓂᒃ ᐱᔭᕆᕐᑕᐅᖏᓐᓂᓕᒫᖏᓐᓂ;

• ᐃᑲᔪᖃᑦᑕᓗᓂ ᒪᓐᓇᓯᐅᑏᑦ ᐊᕗᖓᐅᓕᔪᐃᓪᓗ ᐸᕐᓇᑕᐅᓕᕐᐸᑕ ᓴᓇᓯᒪᑦᓯᐊᖏᓐᓇᑎᑦᓯᒍᑏᑦ, ᑮᓇᐅᔦᑦ ᑐᕋᒐᓕᐅᕐᑕᐅᓕᕐᐸᑕ ᑐᓴᕐᑎᓯᐅᑎᓕᐅᕐᓂᒧᓪᓗ;

• ᐃᓚᐅᖃᑦᑕᓗᓂ ᐱᕙᓪᓕᐊᑕᐅᓂᖓᓄᑦ ᑲᔪᓯᑎᑕᐅᓂᖏᓐᓄᓗ ᐱᓇᓱᐊᕐᕕᐅᑉ ᑐᕌᒐᖏᑦᑕ;

• ᐱᓇᓱᐊᖃᑕᐅᖃᑦᑕᓗᓂ ᕿᒥᕐᕈᔭᐅᓂᖃᓕᕐᐸᑕ ᖃᐅᔨᓴᕐᑕᐅᓕᕐᐸᑕᓗ ᒥᕝᕕᐅᑉ ᐱᐅᓯᓕᑎᕐᑕᐅᒍᑎᑦᓴᖏᑦ ᐃᓕᖓᓗᑎᒃ ᑲᓇᑕᐅᑉ ᐃᖏᕐᕋᐅᑎᓕᕆᔨᒃᑯᖏᑦᑕ ᒪᓕᒐᖏᓐᓄᑦ;

• ᑲᒪᒋᔭᖃᓚᖓᔪᖅ ᕿᒥᕐᕈᓂᕐᒥᒃ ᐊᖏᕐᑕᐅᒋᐊᖃᕐᓂᖏᓐᓄᑦ ᒥᕝᕕᐅᑉ ᐱᐅᒃᑯᑎᖏᑦᑕ ᓴᓇᔭᐅᓂᖏᑦ ᐱᔭᕆᕐᑕᐅᐸᑕ ᓇᓗᓀᕐᓯᒍᑎᒋᓗᒋᑦ ᐱᑦᓯᐊᑕᐅᒻᒣᑐᓂᒃ ᐱᐅᒃᑯᑏᓪᓗ ᐊᑦᑕᓇᖕᖏᑐᑦᓯᐊᖑᓂᖓᓂᒃ, ᐊᑐᕈᓐᓇᓯᐊᕐᓂᖓᓂᒃ ᐊᑐᕐᑕᐅᒍᓐᓇᓯᐊᓕᕐᓂᖓᓂᓪᓗ ᐊᐅᓚᑕᐅᑦᓯᐊᕆᐊᓪᓚᓚᖓᓗᑎᒃ ᓴᓇᓯᒪᑦᓯᐊᖏᓐᓇᓚᖓᓗᑎᓪᓗ;

• ᐃᓚᐅᖃᑦᑕᓗᓂ, ᕆᐊᖃᓕᕈᓂ, ᐱᓪᓗᑯᒋᐊᓕᑦᑎᒍᑦ ᑲᑎᑦᑕᑎᐊᐱᐅᔪᑦ ᑲᑎᒪᖃᑎᖃᓕᕐᐸᑕ MTMD-ᑯᓂᒃ

• ᐱᓇᓱᐊᖃᑎᖃᕐᓗᓂ ᑐᑭᒧᐊᖃᑎᖃᕐᓗᓂᓗ KRG-ᑯᑦ ᓄᓇᓕᒻᒥ ᓇᐅᓕᒫᓕᓅᓕᖓᔪᐃᑦ ᐱᓇᓱᐊᕐᑕᐅᓂᖓᓄᑦ ᐱᓇᓱᐊᕐᕕᖓᓂᒃ, ᐱᐅᒃᑯᑏᑦ ᓴᓇᒪᑦᓯᐊᑑᖁᓪᓗᒋᑦ ᓯᖁᒥᑦᓯᒪᔪᕐᓂᐊᑕᐅᓯᒪᑦᓯᐊᖁᓪᓗᒋᓪᓗ;

• ᑲᒪᒋᔭᖃᓚᖓᔪᖅ ᐃᑯᒪᓕᐅᕈᑏᑦ ᓄᓇᒃᑰᔫᓪᓗ ᓴᓇᔭᐅᓯᒪᑦᓯᐊᕆᐊᖃᕐᓂᖓᓂᒃ ᐊᒻᒪᓗ ᓄᓇᒃᑰᔫᑦ/ᐱᐅᒃᑯᑏᑦ ᐊᓯᑖᕐᑕᐅᒋᐊᖃᕐᓂᖏᓐᓂᒃ 13-ᓂ MTMD-ᑯᑦ ᒥᕝᕕᖁᑎᒋᔭᖏᓐᓂ;

• ᐃᑉᐱᒋᔭᙯᓐᓇᓕᒫᑦᓯᐊᓗᓂ ᐱᓇᓱᐊᖃᑎᙯᓐᓇᓯᐊᕐᓗᓂᓗ ᖃᓄᐃᓘᖃᑎᐅᒋᐊᓕᓕᒫᓂᒃ;

ᐱᔪᓐᓇᓂᕆᒋᐊᓕᖏᑦ:

• ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐱᔭᕆᕐᓯᒪᐅᑎᖃᕐᓗᓂ ᓴᓇᔨᒻᒪᕆᐅᓂᕐᒨᓕᖓᔪᓂᒃ, ᐃᓪᓗᐃᑦ ᓴᓇᒻᒪᖏᓐᓅᓕᖓᔪᓂᒃ ᐃᓪᓗᓕᐅᕐᓂᐅᔪᓂᓪᓗ ᑲᒪᔨᐅᓂᕐᒨᓕᖓᔪᓂᒃ ᐅᕝᕙᓗᓐᓃ ᑕᒪᒃᑯᓄᖓ ᐃᓕᖓᔪᓂᒃ; ᐱᓇᓱᐊᕐᓯᒪᓪᓚᕆᓕᓂᐅᓂᖓ ᐱᐅᒃᑯᑎᒻᒪᕆᓕᕆᓂᕐᒥ ᐃᓱᒪᒋᔭᐅᑦᓯᐊᕈᓐᓇᑐᖅ ᐱᔭᕆᕐᓯᒪᐅᑎᖃᖕᖏᑲᓗᐊᕈᓂ;

• ᐱᐅᔫᒐᔭᕐᒥᔪᖅ ᐱᓇᓱᐊᕐᑎᒪᕆᐅᓂᕐᒥᒃ ᓴᓇᔨᒻᒪᕆᐅᓂᕐᒧᑦ ᐃᓕᑕᕆᔭᐅᒪᒍᑎᖃᕐᓗᓂ (P.Eng./OIQ)(ᓴᓇᔨᒻᒪᕆᐅᓂᕐᒨᓕᖓᔪᓄᑦ)

• ᓯᑕᒪᐅᔪᖕᖏᒐᕐᑐᓂᒃ (7) ᐊᕐᕋᒍᓂᒃ ᐱᓇᓱᐊᕐᓯᒪᓗᓂ ᐱᐅᒃᑯᑎᒻᒪᕆᓕᕆᓂᕐᒥ, ᐃᓪᓗᓕᕆᓂᕐᒥ ᓴᓇᓯᒪᑦᓯᐊᖕᖏᓐᓇᑎᑦᓯᓂᕐᒥᓗ, ᐱᖓᓱᓂᓪᓗ (3) ᐊᕐᕋᒍᓂᒃ ᐊᖓᔪᕐᖃᐅᓯᒪᓗᓂ ᓯᕗᓕᕐᓯᒪᓗᓂᓗᓐᓃᑦ ᐊᑦᔨᒌᖕᖏᑐᓂᒃ ᐱᓇᓱᐊᒐᖃᕐᑐᓂᒃ;

• ᐱᐅᔫᒐᔭᕐᒥᔪᖅ ᐱᓇᓱᐊᕐᓯᒪᒍᓂ ᐄᒐᕐᕕᓕᕆᓂᕐᒥ (ᐅᒥᐊᒃᑯᕖᑦ)

• ᐱᐅᔫᒐᔭᕐᒥᔪᖅ ᐱᓇᓱᐊᕐᓯᒪᓗᓂ ᐱᐅᒃᑯᑎᒻᒪᕇᑦ ᐸᕐᓇᑕᐅᒍᑎᖏᓐᓂᒃ ᑮᓇᐅᔦᓪᓗ ᑐᕋᒐᖏᑦᑕ ᑲᒪᒋᔭᐅᒍᑎᖏᓐᓂᒃ, ᐃᓚᖃᕐᑎᓗᒍ ᐊᕐᕋᒍᓄᑦ ᐊᒥᓱᓄᑦ ᐱᐅᒃᑯᑎᒻᒪᕇᑦ ᑮᓇᐅᔭᕐᑕᓯᕐᑐᑕᐅᒍᑎᑦᓴᖏᑦᑕ ᐸᕐᓇᑕᐅᒍᑎᖏᓐᓂ.

• ᐱᐅᔫᒐᔭᕐᒥᔪᖅ ᐱᓇᓱᐊᓕᓂᐅᓗᓂ ᐅᖓᓯᑦᑐᒥᐅᓂ, ᖃᖓᑦᑕᔫᒃᑯᑭᓯᐊᓂ ᐅᐸᒐᐅᔪᓂ ᐅᕝᕙᓗᓐᓃᑦ ᓄᓇᖃᕐᖄᓯᒪᔪᑦ ᓄᓇᓕᖏᓐᓂ

• ᐊᖁᒍᓐᓇᐅᑎᖃᑦᓯᐊᓗᓂ

• ᐱᐅᔫᒐᔭᕐᒥᔪᖅ ᐱᓇᓱᐊᓕᓂᐅᓗᓂ ᒥᕝᕖᑦ ᑐᐊᐸᔮᑦ ᑲᒪᒋᔭᐅᒍᓯᖏᓐᓂᒃ

• ᒪᕐᕉᓂᒃ (2) ᐅᖃᐅᓰᓐᓂᒃ ᖃᐅᔨᒪᓗᓂ ᐊᓪᓚᒍᓐᓇᓗᒋᒃ ᐅᖃᕈᓐᓇᓗᒋᓪᓗ ᐱᓇᓱᐊᕈᓐᓇᐅᑎᒋᓗᒋᒃ:

ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓪᓗᓃᑦ;

• ᐱᓇᓱᐊᕈᑎᖃᕈᓐᓇᓯᐊᕐᓗᓂ ᖃᕆᑕᐅᔭᓕᕆᐅᑎᓂᒃ Microsoft Office Suite;

• ᐃᓱᒪᑦᓴᓯᐅᕈᑎᖃᕈᓐᓇᓯᐊᕐᑑᓗᓂ, ᐃᓂᓪᓚᖓᑦᓯᐊᓗᓂ ᑐᑭᑖᕈᓐᓇᑐᑦᓯᐊᖑᓗᓂᓗ;

• ᐱᐅᔫᒐᔭᕐᒥᔪᖅ ᖃᐅᔨᒪᔭᖃᑦᓯᐊᓗᓂ ᑲᓇᑕᐅᑉ ᖃᖓᑦᑕᔫᓕᕆᓂᕐᒧᑦ ᒪᓕᒐᖏᓐᓂᒃ (TP312, CARs, CTA)

• ᐊᕐᕕᑕᕈᓐᓇᓯᐊᕐᓗᓂ ᓄᓇᕕᒻᒥ

ᐱᓇᓱᐊᕐᕕᖓ: ᑯᑦᔪᐊᖅ ᐊᓯᐊᓗᓐᓃᑦ ᓄᓇᓕᒃ ᓄᓇᕕᒻᒥ

ᑮᓇᐅᑦᔭᓵᑦ: ᐃᑭᓐᓂᐹᖓ: $120,648 ᐅᓄᕐᓂᐹᖓᓗ: $165,878

ᐱᕙᓪᓕᖁᑏᑦ: ᐊᑭᑐᔪᒥᐅᖑᓂᕐᒧᑦ ᑮᓇᐅᔭᒋᐊᓪᓓᑦ $8,500 ᐊᕐᕌᒍᑕᒫᑦ

ᓂᕿᓯᒍᑏᑦ: ᐃᑭᓐᓂᐹᖓ $3,707 ᐊᕐᕌᒍᑕᒫᑦ

ᐊᕐᕋᒍᑕᒫᑦ ᐊᐅᓪᓚᑲᑦᑕᕈᓐᓇᐅᑏᑦ: ᐃᑭᓐᓂᐹᖓᑦ 3-ᕕᓪᓗᓂ

ᐊᒥᓱᐃᓅᓕᖓᔪᓂᒃ ᐱᕙᓪᓕᖁᑎᖃᕐᓂᖅ ᑐᓄᕚᔦᓂᒃᑯᑦ ᐅᑭᐅᖏᑦ ᓈᒻᒪᓯᑉᐸᑕ ᐱᓇᓱᒍᓐᓀᕋᔭᕐᓂᒥᓅᓕᖓᔪᓂᒃ RRSP

ᕿᑲᕈᓐᓇᑐᖅ: 30 ᐅᓪᓗᐃᑦ ᐊᕐᕌᒍᑕᒫᑦ

ᐊᕐᕌᒎᑉ ᐃᓗᐊᓂ ᓇᓪᓕᐅᓂᕐᓯᐅᓀᑦ: 20 ᐅᓪᓗᐃᑦ ᐃᓚᖃᕐᓗᑎᒃ 10-ᓂᒃ ᖁᕕᐊᓱᕝᕕᓯᐅᕐᓇᐅᓕᕐᐹᑦ.

ᐱᓇᓱᒍᒪᐅᑎᑎᑦ ᐊᐅᓪᓚᑎᓪᓗᒋᑦ ᐅᕗᖓ

Human Resources

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᔨᐅᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒋᑦ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᑎᑕᐅᓂᖓᓂᒃ.

ᐱᓇᓱᒍᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑭᓯᐊᓂ ᖃᐅᔨᑎᑕᐅᓛᕐᑐᑦ.