ᐃᓪᓗᔪᐊᒥᒃ ᕿᒥᕐᕈᐊᑎ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᒻᒪᕆᐅᑦᓱᓂ ᑎᒥᐅᕗᖅ ᐊᐅᓚᑦᓯᔨᐅᑦᓱᓂ ᓄᓇᒥ 55° ᑕᕐᕋᖓᓂ ᑯᐯᒻᒥ ᐊᒻᒪᓗ, ᐱᓗᐊᕐᓱᒍ, ᓄᐃᑕᑦᓯᕗᖅ ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᕐᒥᒃ 14-ᓄᑦ ᑕᕐᕋᒥ ᓄᓇᓕᓐᓄᑦ ᓄᓇᕕᐅᑉ ᐃᓗᐊᓂ.

KRG-ᑯᑦ ᑲᕙᒫᐱᓐᓂ ᐃᓄᓕᒫᓂᒃ ᓴᓇᒍᑦᔨᒍᑎᓂᒃ ᐱᓇᓱᕝᕕᖓ ᑲᒪᔨᐅᕗᖅ ᐊᐅᓚᑦᓯᓂᕐᒥᒃ ᓇᑉᐸᑎᕐᓯᒪᔪᓂᒃ ᐱᓇᓱᐊᕈᑎᓂᒃ ᐱᒍᑦᔨᐅᑎᒋᑦᓱᒋᑦ ᑕᕐᕋᒥ ᓄᓇᓕᓐᓂᒃ, ᐊᒻᒪᓗ ᓯᖁᒥᓐᓂᐊᖏᒻᒪᑕ ᐊᒻᒪᓗ ᐋᕐᕿᓂᐊᕐᒪᑕ ᒪᑭᑕᑦᓯᓂᕐᒥᒃ 200 ᐅᖓᑖᓃᑦᑐᓂᒃ KRG-ᑯᑦ ᐊᓂᕐᕋᖁᑎᖏᓐᓂᒃ ᐊᒻᒪᓗ ᐱᓇᓱᕝᕕᖁᑎᖏᓐᓂᒃ ᐃᓪᓗᔪᐊᓂᒃ ᓄᓇᖁᑎᐅᑉ ᐃᓘᓐᓇᓕᒫᖓᓂ (ᐱᓇᓱᑦᑏᑦ ᐃᓪᓗᖏᓐᓂᒃ, ᐊᓪᓚᕕᓐᓂᒃ, ᒥᕝᕕᓂ ᐃᓪᓗᔪᐊᓂᒃ ᐊᒻᒪᓗ ᐳᓖᓯᒃᑯᑦ ᐸᕐᓇᓀᕐᓯᕕᖏᓐᓂᒃ). ᓄᐃᑕᑦᓯᔨᐅᒻᒥᔪᖅ ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᕐᒥᒃ ᑕᕐᕋᒥᐅᑦ ᓄᓇᓕᖏᓐᓄᑦ ᐱᑦᔪᑎᖃᕐᑎᓗᒍ ᒪᑭᑕᑦᓯᓂᕐᒥᒃ ᑲᕙᒫᐱᓐᓂ ᓇᑉᐸᑕᐅᒪᔪᑦ ᐃᓚᖏᓐᓂᒃ (ᐃᒥᕐᑕᕖᑦ, ᓄᓇᓕᐅᑉ ᐱᖕᖑᐊᕕᖏᑦ, ᓯᐊᕐᕆᔭᕐᕖᑦ, ᐳᐃᑦᔪᕖᑦ, ᐊᓯᖏᓪᓗ) ᐊᒻᒪᓗᑦᑕᐅᖅ ᐱᐊᕋᕐᓂᒃ ᐯᕆᑦᓯᕕᓐᓄᑦ ᓇᓂᑐᐃᓐᓇᖅ ᓄᓇᖁᑎᒥ.

KRG-ᑯᑦ ᐅᓪᓗᒥ ᕿᓂᕐᑐᑦ ᕿᑦᑌᖓᔪᒥᒃ ᐊᒻᒪᓗ ᑲᑦᓱᙰᑦᑐᒥᒃ ᐃᓄᒻᒥᒃ ᐃᓐᓄᐃᒐᔭᕐᑎᓗᒍ ᐆᒥᖓ ᐱᓇᓱᒐᕐᒥᒃ:

ᐃᓪᓗᔪᐊᒥᒃ ᕿᒥᕐᕈᐊᑎ

(ᐊᑌᓐᓇᑐᖅ, ᐃᓗᐃᑦᑐᖅ)

ᑐᓴᕐᑎᓯᖃᑦᑕᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ - ᒪᑭᑕᑦᓯᒍᑎᓂᒃ ᐱᓇᓱᕝᕕᐅᑉ ᐃᓗᐊᓂ, ᐃᓪᓗᔪᐊᓂᒃ ᕿᒥᕐᕈᐊᑎ ᐱᓇᓱᐊᑦᓴᖃᓚᖓᔪᖅ ᒪᑯᓂᖓ ᐱᓗᐊᕐᓗᒋᑦ:

• ᕿᒥᕐᕈᓂᖅ ᐸᕐᓇᓯᒪᐅᑎᓂᒃ ᐊᒻᒪᓗ ᓱᕐᖄᑎᕐᓯᒪᐅᑎᓂᒃ ᐃᓪᓗᔪᐊᓄᑦ ᕿᒥᕐᕈᐊᕆᐊᓕᓐᓄᑦ;

• ᖃᐅᔨᑎᑦᓯᓂᖅ ᐃᓪᓗᒥᐅᓂᒃ ᐃᑭᓐᓂᐹᖓᓄᑦ 24-ᓄᑦ ᑫᕙᓪᓚᒍᓯᕐᓄᑦ ᓯᕗᓂᐊᓂ ᐃᓪᓗᖓᓂᒃ ᕿᒥᕐᕈᓂᑦᓴᖓᑕ.

• ᐋᕐᕿᓱᐃᓂᖅ ᐳᕐᑐᓂᓕᒻᒥᒃ 1-ᒥᒃ ᐃᓪᓗᔪᐊᒥᒃ ᕿᒥᕐᕈᒍᑎᓂᒃ ᐸᕐᓇᕈᑎᒥᒃ ᓈᒻᒪᓯᓕᑎᕐᓯᒪᑎᓪᓗᒍ ᐃᓪᓗᔪᐊᒧᑦ ᕿᒥᕐᕈᐊᕆᐊᓕᒻᒧᑦ;

• ᑲᖕᖑᓇᕿᓂᖅ ᖃᓄᐃᓐᓂᖏᓐᓂᒃ ᐃᓪᓗᔪᐊᑉ ᓱᓇᒐᓚᖏᑕ (ᓇᑉᐸᑕᐅᒪᓂᖓ, ᓴᓇᒻᒪᖓ, ᐊᐅᓚᔪᖏᑦ ᐊᒻᒪᓗ ᐃᑯᒪᖏᑦ), ᓇᓗᓀᕐᓯᓗᓂ ᓈᒻᒪᖏᑦᔪᑎᖏᑦᑕ ᐱᑦᔪᑎᖏᓐᓂᒃ, ᑲᖕᖑᓇᕿᓗᓂᓗ ᓴᓇᒋᐊᓖᑦ ᖃᓄᐃᓪᓗᐊᓂᖓᓂᒃ, ᓄᐃᑦᓯᓗᓂᓗ ᓈᒻᒪᑐᓂᒃ ᐋᕐᕿᑎᑦᓯᓚᖓᓗᓂ ᐊᑐᖁᓇᕐᑐᓂᒃ ᐊᒻᒪᓗ ᐊᑭᖏᓐᓂᒃ ᐃᒻᒪᖃᐅᑦᓵᕈᑎᓂᒃ;

• ᖃᐅᔨᑎᑦᓯᓴᐅᑎᒋᖃᑦᑕᓂᖅ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᖃᓄᑐᐃᓐᓇᖅ ᐃᓱᐃᓪᓕᕈᑕᐅᒍᓐᓇᑐᓂᒃ ᐃᓗᓯᕐᓱᓂᖓᓄᑦ ᐅᕝᕙᓘᓐᓃᑦ ᐊᑦᑕᓇᖕᖏᓂᖓᓄᑦ ᐃᓄᐃᑦ ᐃᓪᓗᔪᐊᒥ ᐅᕝᕙᓘᓐᓃᑦ ᐃᓪᓗᔪᐊᑉ ᖃᓄᐃᖕᖏᓂᖓᓄᑦ;

• ᕿᒥᕐᕈᒍᑎᓂᒃ ᖃᐅᔨᒪᒍᑏᑦ ᑐᕐᖁᐊᑎᖃᑦᑕᓗᒋᑦ ᖃᕆᑕᐅᔭᒥ ᖃᐅᔨᒪᒍᑎᑯᕕᒻᒧᑦ;

• ᓄᐃᑦᓯᖃᑦᑕᓂᖅ ᐱᑕᖃᕆᐊᓕᓐᓂᒃ ᑐᓴᕐᑎᓯᒍᑎᓂᒃ ᐊᒻᒪᓗ ᑭᓯᒍᑎᓂᒃ;

• ᐱᔭᕆᐊᑐᓂᕐᓭᑦ ᐱᓪᓗᑯᒋᐊᓕᑎᒍᑦ ᐃᓱᐃᓗᑌᑦ ᓄᐃᑉᐸᑕ, ᐋᕐᕿᓱᐃᖃᑦᑕᓂᖅ ᑐᑦᓯᕋᐅᑎᓂᒃ ᐱᒍᑦᔭᐅᒍᑎᓂᒃ ᐱᑎᑦᓯᒍᒪᔪᓄᑦ ᑲᔪᓯᑎᑦᓯᓂᐊᕐᒪᑕ ᖃᐅᔨᒪᒋᐊᑐᓂᕐᓴᓂᒃ ᕿᒥᕐᕈᒍᑎᓂᒃ;

• ᐱᓇᓱᑦᑕᓂᖅ ᓇᐅᑐᐃᓐᓇᓂᒃ ᐊᓯᖏᓐᓂᒃ ᐱᔭᑦᓴᓂᒃ ᐊᖓᔪᕐᖄᖓᑕ ᐱᔭᐅᖁᔭᖏᓐᓂᒃ,

ᐱᓇᓱᒍᒪᔪᖅ ᓂᕈᐊᕐᑕᐅᔪᖅ ᐃᒣᒋᐊᓕᒃ:

• ᐱᑕᖃᕆᐊᓕᒃ ᐃᓕᓐᓂᐊᕕᒻᒪᕆᒻᒥ ᐃᓕᓐᓂᐊᕈᑎᓂᒃ ᐱᔭᕇᕐᓯᒪᐅᑎᒥᒃ ᐊᑦᑐᐊᔪᒥ ᐱᓇᓱᒐᕐᒥ; ᓲᕐᓗ ᐃᓪᓗᓴᓕᐅᕐᓂᖅ, ᓴᓇᒻᒪᓕᐅᕐᓂᖅ, ᐃᓪᓗᔪᐊᑦ ᐊᐅᓚᔪᖏᑦ, ᐊᓯᖏᓪᓗ (ᒥᑦᓯᓕᒻᒥᒃ ᐱᓇᓱᓕᓂᐅᓂᖅ ᐃᓱᒪᒍᑕᐅᓚᖓᒻᒥᔪᖅ);

• ᐃᑭᓐᓂᐹᖓᓄᒃ ᑕᓪᓕᒪᓂᒃ ᐊᕌᒍᓂᒃ ᒥᑦᓯᓕᒻᒥᒃ ᐱᓇᓱᑦᓯᒪᓂᖅ;

• ᐅᖃᖃᑕᐅᒍᓐᓇᓂᖅ, ᓂᑦᔮᓗᓂ ᐊᓪᓚᓯᒪᔪᑎᒍᓪᓗ, ᐃᑭᓐᓂᐹᖓᓄᑦ ᒪᕐᕈᐃᓄᑦ ᐅᑯᐊ ᐅᖃᐅᓰᑦ ᓇᓪᓕᖏᓐᓄᑦ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ (ᐊᑐᕈᓐᓇᓗᒍ ᐅᖃᕈᓐᓇᓂᖅ ᐃᓄᒃᑎᑐᑦ ᐃᓱᐊᖁᑕᐅᓪᓚᕆᑦᑐᖅ);

• ᐱᑕᖃᕆᐊᓕᒃ ᖃᕆᑕᐅᔭᓄᑦ ᐱᔪᓐᓇᕈᑎᓂᒃ ᐊᒻᒪᓗ ᐱᓯᑎᐅᒍᑎᓂᒃ ᐃᓕᖓᔪᓂᒃ ᓱᒃᑯᖏᓐᓂᖏᓐᓂ ᒪᑭᑕᑦᓯᒍᑎᓄᑦ. ᐱᔪᓐᓇᕆᐊᓕᒃ ᖃᕆᑕᐅᔭᕈᑎᓂᒃ MS Office-ᒥ. ᖃᐅᔨᒪᓂᖅ ᐱᓇᓱᑦᑕᐅᖁᔨᐅᑎᓂᒃ ᐋᕐᕿᓱᐃᓂᕐᒥᒃ ᐊᒻᒪᓗ ᓱᒃᑯᖏᓐᓂᖏᓐᓂ ᒪᑭᑕᑦᓯᐅᑏᑦ ᖃᕆᑕᐅᔭᕈᑎᖏᓐᓂᒃ ᐃᓱᐊᖁᑕᐅᒋᐊᖓ ᐃᓱᒪᒋᔭᐅᓚᖓᔪᖅ;

• ᐅᖃᖃᑎᒌᑦᓯᑎᐅᓂᖅ, ᐊᑐᕐᓱᒍ ᐱᒍᑦᔭᐅᔪᓂᒃ ᑲᒪᒍᑎᓂ ᐊᒻᒪᓗ ᖃᐅᑕᒫᕐᓯᐅᑎᑎᒍᑦ ᐅᖃᐅᑦᔫᑎᒍᑎᓂ ᓴᓇᒍᑕᐅᓲᓂ ᐱᓇᓱᖃᑎᒋᔭᓂ ᑲᒪᒋᐅᑎᖃᑎᖃᑦᓯᐊᓂᕐᒥᒃ;

• ᐊᑐᐃᓐᓇᐅᓂᖅ ᐊᐅᓚᖃᑦᑕᓚᖓᓗᓂ ᓄᓇᕕᒻᒥ;

• ᑕᑯᑦᓴᕈᐃᓂᖅ ᐋᕐᕿᒋᐊᕈᓐᓇᓯᐊᕐᓂᒥᒃ ᐊᒻᒪᓗ ᓴᓇᑑᖑᓂᕐᒥᒃ ᐊᒻᒪᓗ ᐱᓇᓱᖃᑎᒌᓂᒃ ᐃᓚᐅᕕᖃᕆᐊᒥᒃ ᐊᓕᐊᓐᓂᒥᒃ; ᐃᓗᕐᖁᓯᖃᑎᒌᖕᖏᓂᕐᒥᒃ ᐃᑉᐱᒍᓱᓐᓂᖅ;

• ᐱᓇᓱᒍᓐᓇᓂᖅ ᐊᔭᐅᕐᑕᐅᓗᓂ ᐊᒻᒪᓗ ᐱᔭᕇᕐᓯᒪᕕᒋᒋᐊᓕᓐᓂᒃ ᐊᖑᒪᑦᓯᓗᓂ.

ᐱᓇᓱᓐᓂᖓᑕ ᐅᓪᓗᖁᑎᖏᑦ ᐊᒻᒪᓗ ᓇᓃᓐᓂᖓ: ᐱᖓᓲᔪᕐᑐᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᑕᕐᕋᒥ ᓄᓇᓕᓐᓂ, ᑭᖑᓂᐊᓂ ᐱᖓᓱᓂᒃ ᐱᓇᓱᐊᕈᓯᕐᓂᒃ ᐊᑭᓕᕐᑕᐅᓗᓂ ᕿᑲᕐᓗᓂ (52.5 ᑫᕙᓪᓚᒍᓰᑦ ᐱᓇᓱᐊᕈᓯ ᑕᒫᑦ);

ᐅᕝᕙᓘᓐᓃᑦ

ᐱᓇᓱᓐᓂᖓᑕ ᐅᓪᓗᖁᑎᖏᑦ ᐊᒻᒪᓗ ᓇᓃᓐᓂᖓ: ᓯᑕᒪᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᑕᕐᕋᒥ ᓄᓇᓕᖏᓐᓂ, ᑭᖑᓂᐊᓂ ᐱᓇᓱᐊᕈᓯᕐᓂᒃ ᒪᕐᕉᓂᒃ ᐊᑭᓕᕐᑐᑕᐅᓗᓂ ᕿᑲᕐᓗᓂ (52.5 ᑫᕙᓪᓚᒍᓰᑦ ᐱᓇᓱᐊᕈᓯ ᑕᒫᑦ).

ᐱᓇᓱᕝᕕᖓᑕ ᐃᓂᖓ: ᑰᑦᔪᐊᖅ, ᑯᐯᒃ,

ᑮᓇᐅᑦᔭᓵᖏᑦ: ᐃᑭᓐᓂᐹᖓᓄᑦ $63,716 - ᐅᓄᕐᓂᐹᖓᓄᑦ $109,329 ᐊᕐᕌᒍᑕᒫᑦ (ᐳᕐᑐᓂᖓ 10)

ᐊᓯᐊᒍᑦ ᐱᕙᓪᓕᖁᑎᖏᑦ: ᐊᑭᓕᕐᑕᐅᖃᑦᑕᕋᔭᕐᑐᑦ ᓯᓂᑦᑕᐅᑎᖏᑦ ᐱᓇᓱᐊᓕᕈᓂ ᓄᓇᓕᓐᓂ, ᓂᕆᒍᑎᖏᑦ ᐊᒻᒪᓗ ᐊᓯᒃᑲᓂᖏᑦ ᐊᐅᓚᓕᕈᕕᑦ ᓄᓇᕕᒻᒥ;

ᐃᑦᑑᒍᑎᑖᕐᑕᕈᑎᓄᑦ ᐸᕐᓇᓯᒪᐅᑎ: 6,25% ᐱᓇᓱᕝᕕᒧᑦ, 4% ᐱᓇᓱᑦᑎᒧᑦ;

ᐊᕕᑦᑐᓯᒪᔪᓄᑦ ᐃᒻᒪᖃᐅᑏᑦ;

ᕿᑲᕐᓀᑦ: 20 ᐅᓪᓗᐃᑦ;

ᐃᓄᓕᒫᓄᑦ ᕿᑲᕐᓀᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ ᖁᓖᑦ ᖁᕕᐊᓱᕝᕕᒻᒥ.

ᐅᓇᒻᒥᓇᕐᓵᕈᑎᑎᑦ ᐊᐅᓪᓚᑎᒃᑭᑦ ᐅᕗᖓ:

Human resources:

Kativik Regional Government

P.O Box 9

Kuujjuaq QC J0M 1C0

Fax: 819-964-2675

Email: humanresources@krg.ca

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᔪᑦ ᐃᒻᒧᐊᓂᒃ ᐊᐱᕐᓱᕈᒪᓗᒋᑦ ᓂᕈᐊᕐᑕᐅᔪᑦ ᑭᓯᐊᓂ ᖃᓄᐃᓕᕕᐅᓚᖓᔪᑦ.