ᐃᓪᓗᔪᐊᓂᒃ ᓱᒃᑯᑎᑦᓯᑌᓕᓂᕐᒥᒃ ᐱᓪᓗᑯᒋᐊᓕᓕᕆᔨ - HVAC - KRG

ᐱᓇᓱᒐᑦᓴᖅ ᐊᑐᐃᓐᓇᐅᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒪᐅᑦᓱᓂ ᑎᒥᐅᔪᖅ ᐊᐅᓚᑦᓯᓱᓂ ᑯᐯᒻᒥ ᓄᓇᖁᑎᖓᓂᒃ 55 ᑕᕐᕋᖓᑕ ᖁᓛᓂ, ᐱᒍᑦᔨᓂᖃᕐᓱᓂ ᐱᓪᓗᑯᒋᐊᓕᓐᓂᒃ ᐃᑲᔪᕐᑎᐅᓱᓂ ᓄᓇᕕᒻᒧᑦ 14-ᓄᑦ ᓄᓇᓕᖏᓐᓄᑦ.

KRG-ᑯᑦ ᑲᕙᒫᐱᒃᑯᑦ ᐃᓄᓕᒫᓅᓕᖓᔪᓄᑦ ᐱᓇᓱᐊᕐᑕᐅᔪᓄᑦ ᐱᓇᓱᕝᕕᖓ ᑲᒪᒋᔭᓕᒃ ᐋᕐᕿᓯᒪᑎᑦᓯᓂᕐᒥᒃ ᑎᒥᐅᔪᑦ ᐃᓪᓗᖁᑎᖏᓐᓂᒃ (ᐊᓪᓚᕕᓐᓂᒃ, ᐳᓖᓯᒃᑯᓂᒃ, ᒥᕝᕕᓂᒃ, ᐱᓇᓱᑦᑏᑦ ᐃᓪᓗᖁᑎᖏᓐᓂᒃ, ᐊᓯᖏᓐᓂᓗ) ᐊᒻᒪᓗ ᐱᑕᖃᕐᑎᓯᑦᓱᓂ ᐱᓪᓗᑯᒋᐊᓕᓕᕆᓂᕐᒥᒃ ᐃᑲᔪᕐᓂᒥᒃ 14-ᓄᑦ ᑕᕐᕋᒥ ᓄᓇᓕᖏᓐᓄᑦ ᐃᖏᕐᕋᓂᖏᓐᓄᑦ ᐊᒻᒪᓗ ᐋᕐᕿᓯᒪᑎᑦᓯᓂᕐᒧᑦ ᐱᖕᖑᐊᕕᓐᓂᒃ ᐃᓪᓗᖁᑎᖏᓐᓂᒃ (ᖄᑭᖕᖑᐊᕖᑦ, ᐳᐃᑦᔪᕋᕐᕖᑦ, ᐃᙯᓕᓴᕐᕖᑦ ᐊᒻᒪᓗ ᓄᓇᓕᓐᓄᑦ ᓱᖃᑦᓯᕖᑦ). ᐱᓇᓱᐊᕐᓗᑎᒃ ᑖᒃᑯᓄᖕᖓᓕᖓᔪᓂᒃ ᐱᓇᓱᐊᕋᑦᓴᓂᒃ ᖁᓛᓂ ᑲᒪᒋᔭᐅᒋᐊᓕᓐᓄᑦ, KRG ᕿᓂᕐᑐᖅ ᐃᓄᒻᒥᒃ ᐱᓇᓱᒐᔭᕐᑐᒥᒃ ᐆᒧᖓ ᐱᓇᓱᒐᕐᒧᑦ:

ᐃᓪᓗᔪᐊᓂᒃ ᓱᒃᑯᑎᑦᓯᑌᓕᓂᕐᒥᒃ ᐱᓪᓗᑯᒋᐊᓕᓕᕆᔨ - HVAC

(ᐊᑌᓐᓇᑐᒥᒃ ᐅᓪᓗᓕᒫᕐᑐᒥᒃ ᐱᓇᓱᒐᕐᒧᑦ, ᐃᓇᖏᕐᑕᐅᑎᓗᑎᒃ)

ᐊᖓᔪᕐᖄᖃᕐᓗᓂ ᐃᓪᓗᔪᐊᓄᑦ ᐋᕐᕿᓯᒪᑎᑦᓯᓂᕐᒧᑦ ᐊᕕᑦᑐᓯᒪᔪᓂᒃ ᐊᐅᓚᑦᓯᔨᒥᒃ, ᐃᓪᓗᔪᐊᓄᑦ/HVAC ᐊᒻᒪᓗ ᐊᐅᓚᑦᓯᓂᕐᒧᑦ ᐱᓪᓗᑯᒋᐊᓕᓕᕆᔨ ᐱᓇᓱᐊᓲᖅ ᖃᐅᔨᒪᓂᖃᕐᓱᓂ ᐊᒻᒪᓗ ᖃᐅᔨᒪᓂᒐᓚᖃᕐᓱᓂ ᐱᓇᓱᐊᕆᐊᓕᒥᓂᒃ ᐊᐅᓚᑦᓯᓂᕐᒨᓕᖓᔪᓂᒃ, ᓯᖁᒥᑎᑦᓯᑌᓕᓂᕐᒧᑦ ᐊᒻᒪᓗ ᓴᓇᒋᐊᓪᓛᓂᕐᒧᑦ ᐅᕐᖂᓯᓴᐅᑎᓂᒃ ᐅᕐᓱᐊᓗᑦᑐᑐᓂᒃ, ᐊᓂᐊᕝᕕᓐᓂᒃ, ᖁᐊᒃᑯᕕᓐᓂᒃ ᐊᒻᒪᓗ ᐄᒃᑭᓇᕈᑎᓂᒃ.

ᐱᓇᓱᐊᕆᓕᖏᑦ:

• ᐋᕐᕿᓯᒪᑎᑦᓯᓗᓂ ᐊᒻᒪᓗ ᓴᓇᒋᐊᓪᓛᓗᓂ KRG ᐃᓪᓗᔪᐊᖏᓐᓂᒃ ᑰᑦᔪᐊᒥ ᐱᓗᐊᕐᑐᒥ, ᐊᒻᒪᓗ 13-ᓂ ᑕᕐᕋᒥ ᓄᓇᓕᓐᓂ;

• ᐱᓀᓗᑕᓂᒃ ᐋᕐᕿᓱᐃᓗᓂ, ᐋᕐᕿᒋᐊᕈᑎᓂᒃ ᐱᑕᖃᕐᑎᓯᓗᓂ, ᐊᒻᒪᓗ ᐊᓪᓚᓗᒋᑦ ᐃᓚᑦᓴᖏᑦᑕ ᑎᑭᓵᖑᒋᐊᓖᑦ;

• ᐱᓇᓱᐊᕐᓗᓂ ᖃᐅᑕᒫᑦ ᖃᐅᔨᓴᕐᓗᓂ ᐊᒻᒪᓗ ᐋᕐᕿᒋᐊᕆᓗᓂ ᓱᓇᒃᑯᑕᖏᓐᓂᒃ ᐊᒻᒪᓗ ᐊᓪᓚᓗᓂ ᑐᓴᕐᑎᓯᒍᑎᓂᒃ;

• ᐱᓇᓱᐊᕐᓗᓂ ᐅᓪᓗᖁᑎᒋᔭᐅᔪᓂᒃ ᓱᒃᑯᑌᓕᑎᑦᓯᓂᕐᒧᑦ ᐅᕐᖂᓯᓴᐅᑎᓂᒃ ᐅᕐᓱᐊᓗᑦᑐᑐᓂᒃ, ᓂᓪᓕᒪᒍᑎᓂᒃ, ᖁᐊᖃᐅᑎᓂᒃ ᐊᒻᒪᓗ ᐊᓂᐊᕝᕕᓂᒃ;

• ᐋᕐᕿᓱᐃᓗᓂ ᓄᑖᓂᒃ ᐱᐅᒃᑯᑎᓂᒃ ᐅᕝᕙᓘᓐᓃᑦ ᐋᕐᕿᒋᐊᕐᓗᒋᑦ ᐊᑐᕐᑕᐅᒌᕐᑐᑦ ᐱᓇᓱᐊᕈᑏᑦ;

• ᐃᑉᐱᒋᓗᒋᑦ ᐃᓘᓐᓇᑎᒃ ᐋᕐᕿᓱᕐᑕᐅᔪᑦ, ᐋᕐᕿᒋᐊᕐᑕᐅᔪᑦ ᐊᒻᒪᓗ ᓱᒃᑯᑌᓕᑎᑦᓯᓂᕐᒧᑦ ᐱᓇᓱᐊᕐᑕᐅᔪᑦ ᒪᓕᑦᓯᐊᒪᖔᑕ ᐊᑐᕐᑕᐅᒍᓐᓇᑐᓂᒃ ᒪᓕᑦᑕᐅᒋᐊᓕᓐᓂᒃ;

• ᑭᐅᖃᑦᑕᓗᓂ ᐅᐃᒪᓇᕐᑐᓄᑦ ᐅᖄᓚᒍᑎᓂᒃ;

• ᐱᓇᓱᐊᕐᓗᓂ ᐃᓘᓐᓈᒍᑦ ᓱᒃᑯᑌᓕᒍᑎᓂᒃ ᐊᒻᒪᓗ ᓴᓇᒋᐊᓪᓛᑕᐅᒋᐊᓕᓐᓂᒃ ᓴᓗᒪᑎᑦᓯᒍᑎᓂᒃ

• ᐱᓇᓱᐊᕐᓗᓂ ᐊᓯᓕᒫᖏᓐᓂᒃ ᐊᐱᕆᔭᐅᑐᐊᕈᓂ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ:

• HVAC-ᒥ ᐱᑕᖃᕆᐊᓕᒃ ᓇᓗᓀᕐᓯᒍᑎᒥᒃ;

• ᐱᑕᖃᕆᐊᓕᒃ ᐊᑐᕈᓐᓇᑐᒥᒃ ᐊᖁᒍᓐᓇᐅᑎᒥᒃ ᐳᕐᑐᓂᓕᒻᒥᒃ 5-ᒥᒃ;

• ᐱᓇᓱᐊᕐᓯᒪᓗᓂ ᐊᑦᔨᖓᓂᒃ ᐊᕐᕌᒍᓂ ᑕᓪᓕᒪᓂ ᐃᓪᓗᔪᐊᓂᒃ ᐊᒻᒪᓗ ᐅᕐᓱᐊᓗᓐᓂᒃ HVAC ᓱᒃᑯᑌᓕᒍᑎᓂᒃ;

• ᐊᓪᓚᓂᐊᕈᓐᓇᓗᓂ ᐊᓪᓚᖑᐊᕐᓯᒪᔪᓂᒃ ᐊᒻᒪᓗ ᐊᓪᓚᖑᐊᕐᓯᒪᔪᓂᒃ ᐋᕐᕿᓱᕐᓯᒪᒍᑎᓂᒃ;

• ᐱᒍᓐᓇᓗᓂ ᐅᖄᓗᓂ ᐊᒻᒪᓗ ᐊᓪᓚᒍᓐᓇᓗᓂ ᒪᕐᕉᓂᒃ ᐅᑯᓂᖓ ᐅᖃᐅᓯᕐᓂᒃ: ᐃᓄᑦᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐅᐃᒍᐃᑎᑐᑦ;

• ᐸᕐᓇᓯᒪᔪᓕᐅᕈᓐᓇᓗᓂ ᐱᓇᓱᑦᑕᐅᒋᐊᓕᓐᓂᒃ ᐊᒻᒪᓗ ᐃᓱᓕᕝᕕᓴᖏᓐᓂᒃ ᐱᒍᓐᓇᓗᓂ;

• ᐊᐅᓚᒍᑎᓂᒃ ᑐᑭᑖᕈᓐᓇᓗᓂ ᐅᐃᒪᓇᕐᑐᒦᓕᑐᐊᕈᑎᒃ;

• ᐊᑐᕈᓐᓇᕆᐊᓕᒃ ᖃᕆᑕᐅᔭᕈᑎᓂᒃ;

• ᓄᐃᑕᑎᑦᓯᓗᓂ ᐱᒍᓐᓇᓯᐊᕐᓂᒥᓂᒃ;

• ᐱᒍᓐᓇᓗᓂ ᓲᖑᔪᒥᒃ ᖃᐅᔨᓴᕈᓐᓇᓂᕐᒥᒃ ᐱᓀᓗᑕᓂᒃ ᐋᕐᕿᒍᓐᓇᓂᕐᒥᒃ ᐱᒍᓐᓇᓂᕐᒥᒃ;

• ᐊᐅᓪᓚᕈᓐᓇᖃᑦᑕᕆᐊᓕᒃ ᓄᓇᕕᒻᒥ ᐊᒻᒪᓗ ᐃᓂᖃᕈᓐᓇᓗᓂ ᐃᓚᖃᕐᓗᓂ ᐃᓪᓗᖁᑎᓂ;

• ᑕᑎᒋᔭᐅᒍᓐᓇᓗᓂ ᓇᒻᒥᓂᖅ ᐱᒋᐊᕈᓐᓇᓗᓂ ᓲᖑᔪᒥᒃ ᐱᒋᐊᕐᑎᓯᒍᓐᓇᓗᓂ ᐱᓇᓱᐊᕐᓂᒥᒃ.

• ᐱᓇᓱᐊᕐᓯᒪᓗᓂ ᑕᕐᕋᖓᓂ 55 ᖁᓛᓂ ᐱᐅᒋᔭᐅᒐᔭᕐᑐᖅ.

• ᐃᑯᒪᓕᐅᕐᓂᒥᒃ ᓇᓗᓀᕐᑕᐅᒍᑎᖃᕐᓗᓂ ᐃᑲᔪᕐᓂᖃᕋᔭᕐᑐᖅ.

ᐱᓇᓱᓐᓂᖓᑕ ᐅᓪᓗᖁᑎᖏᑦ ᐊᒻᒪᓗ ᓇᓃᓐᓂᖓ: ᐱᖓᓲᔪᕐᑐᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᑕᕐᕋᒥ ᓄᓇᓕᓐᓂ, ᑭᖑᓂᐊᓂ ᐱᖓᓱᓂᒃ ᐱᓇᓱᐊᕈᓯᕐᓂᒃ ᐊᑭᓕᕐᑕᐅᓗᓂ ᕿᑲᕐᓗᓂ (52.5 ᑫᕙᓪᓚᒍᓰᑦ ᐱᓇᓱᐊᕈᓯ ᑕᒫᑦ);

ᐅᕝᕙᓘᓐᓃᑦ

ᐱᓇᓱᓐᓂᖓᑕ ᐅᓪᓗᖁᑎᖏᑦ ᐊᒻᒪᓗ ᓇᓃᓐᓂᖓ: ᓯᑕᒪᓂᒃ ᐱᓇᓱᐊᕈᓯᕐᓂᒃ ᐱᓇᓱᓪᓗᓂ ᑕᕐᕋᒥ ᓄᓇᓕᖏᓐᓂ, ᑭᖑᓂᐊᓂ ᐱᓇᓱᐊᕈᓯᕐᓂᒃ ᒪᕐᕉᓂᒃ ᐊᑭᓕᕐᑐᑕᐅᓗᓂ ᕿᑲᕐᓗᓂ (52.5 ᑫᕙᓪᓚᒍᓰᑦ ᐱᓇᓱᐊᕈᓯ ᑕᒫᑦ).

ᓇᓃᓐᓂᓴᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᖏᑦ $52 481 ᐊᒻᒪᓗ ᐅᓄᕐᓂᐹᖏᑦ $89 256 ᐊᕐᕌᒍᑕᒫᑦ (ᐳᕐᑐᓂᖓᑲ 8).

ᐱᕙᓪᓕᖁᑎᖏᑦ: ᐊᑭᑐᔪᕐᒥᐅᖑᒍᑏᑦ ᐋᕐᕿᑕᐅᓯᒪᒍᑎᖏᑦ: ᐃᑭᓐᓂᐸᐅᑎᓪᓗᒋᑦ $8 500 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᐅᑏᑦ: ᐃᑭᓐᓂᐸᐅᑎᓪᓗᒋᑦ $4 216 ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᐊᐅᓪᓚᕈᓐᓇᐅᑏᑦ: ᐊᒥᓲᓂᕐᐸᐅᑎᓪᓗᒋᑦ 3 ᐃᓄᐃᑦ ᐃᓕᒃᑯᑦ ᐊᕐᕌᒍᑕᒫᑦ;

ᐊᒥᓱᐃᑎᒍᑦ ᐱᕚᓪᓕᖁᑏᑦ ᐃᓚᒋᔭᐅᑎᓪᓗᒋᑦ ᐃᑦᑑᒍᑎᑖᕐᑕᕈᑏᑦ;

ᓄᕐᖃᖓᑫᓐᓇᕈᓐᓇᓃᑦ: 20 ᐅᓪᓗᐃᑦ ᐊᕐᕌᒍᑕᒫᑦ.

ᕿᑲᕐᓀᑦ ᐅᓪᓗᖏ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖑᓕᕐᐸᑦ

ᐅᓇᒻᒥᓇᕐᓵᕈᑎᑎᑦ ᐊᐅᓪᓚᑎᒃᑭᑦ ᐅᕗᖓ:

Human resources:

Kativik Regional Government

P.O Box 9

Kuujjuaq QC J0M 1C0

Fax: 819-964-2675

ᖃᕆᑕᐅᔭᒃᑯᑦ ᑐᕌᕈᑎᖓ: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᑦᑎᓯᑦᓱᓂ ᐱᕕᖃᕐᑎᓯᔪᖅ ᐱᓇᓱᕝᕕᐅᓱᓂ. ᒪᓕᑦᓱᒋᑦ ᑖᒃᑯᐊ ᐊᒻᒪᓗ ᔦᒥᔅ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑎ, ᖃᓄᐃᓕᖓᓂᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᐱᒍᒪᔭᐅᓕᕐᑎᓯᓂᕐᒧᑦ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ.

ᐱᓇᓱᒐᕐᑖᕋᓱᑦᑐᑦ ᓇᓪᓕᑳᕐᑕᐅᔪᑦ ᑭᓯᐊᓂ ᐊᐱᕐᓱᑲᑕᑦᑕᐅᓂᕐᒥᒃ ᐊᓪᓚᑖᓛᕐᑐᑦ ᑭᐅᒍᑎᓂᒃ.