ᐃᓪᓗᓂᒃ ᓴᓇᒋᐊᓪᓛᕆᔨ- ᐃᒪᕐᑑᑎᓕᕆᔨ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (ᑫᐋᔩ), ᓄᓇᓕᓐᓂᒃ ᐳᕐᑐᓂᕐᓴᒦᑦᓱᓂ ᑎᒥᐅᔪᖅ ᐱᔪᓐᓇᓂᖃᕐᕕᖃᕐᓱᓂ ᑯᐸᐃᒃ ᓄᓇᖓᓂᒃ ᑕᕐᕋᒥ 55 ᖁᓛᓃᑦᑐᒥ, ᒫᓐᓇ ᕿᓂᕐᖁᖅ ᓇᒻᒥᓂᖅ ᑲᔪᖏᕐᓴᓲᒥᒃ ᐆᒻᒪᕆᑦᑑᓱᓂᓗ ᐃᓄᒻᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐃᓚᐅᒍᒪᕋᔭᕐᑐᒥᒃ ᐱᓇᓱᒐᔭᕐᓗᓂ ᐱᒍᓐᓇᓂᕐᒥᒃ ᐆᒥᖓ:

ᐃᓪᓗᓂᒃ ᓴᓇᒋᐊᓪᓛᕆᔨ- ᐃᒪᕐᑑᑎᓕᕆᔨ

(ᐃᓕᒣᓐᓇᓚᖓᔪᖅ, ᑕᐅᕐᓯᑕᕐᑐᖅ)

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᓄᓇᓕᓐᓂ ᑭᓇᒃᑯᑐᐃᓐᓇᓅᓕᖓᔪᓄᑦ ᐱᓇᓱᓐᓂᖏᑦᑕ ᐱᓇᓱᕝᕕᖓ (MPW) ᑲᒪᒋᔭᖃᕐᖁᖅ ᐋᕐᕿᒋᐊᓪᓛᕆᓂᕐᒥᒃ ᑎᒥᐅᔫᑉ ᐃᓪᓗᖏᓐᓂᒃ (ᐊᓪᓚᕖᑦ, ᐳᓖᓯᒃᑯᑦ ᐊᓪᓚᕕᖏᑦ, ᒥᕝᕖᑦ, ᐱᓇᓱᑦᑏᑦ ᐃᓪᓗᖏᑦ, ᐊᓯᖏᓪᓗ) ᐊᑐᐃᓐᓇᖃᕐᑎᓯᒻᒥᓱᑎᒃ ᐱᓪᓗᑯᒋᐊᓕᓐᓅᓕᖓᔪᓂᒃ ᐃᑲᔪᕐᓂᒥᒃ 14-ᓄᑦ ᑕᕐᕋᒥ ᓄᓇᓕᓐᓄᑦ (NVs) ᐱᑦᔪᑎᓄᑦ ᐊᐅᓚᑦᓯᓂᕐᓅᓕᖓᔪᓄᑦ ᐊᒻᒪᓗ ᓴᓇᒋᐊᓪᓛᕆᓂᕐᒧᑦ ᐱᖕᖑᐊᓕᓂᕆᓂᖏᑦᑕ ᐃᓪᓗᖏᓐᓂᒃ (ᓯᐊᕐᕆᔭᕐᕖᑦ, ᐳᐃᑦᔪᕋᕐᕖᑦ, ᐃᖃᐃᓕᓴᕐᕖᑦ ᐊᒻᒪᓗ ᓄᓇᓕᐅᑉ ᐱᖕᖑᐊᕕᖏᓐᓂᒃ).

ᑐᓴᕐᑕᐅᑎᖃᑦᑕᓗᓂ ᑰᑦᔪᐊᒥ ᓴᓇᒋᐊᓪᓛᕆᔩᑦ ᐊᑕᐅᑦᓯᑰᕐᑎᓯᔨᖓᓄᑦ ᐃᓪᓗᓂᒃ ᓴᓇᒋᓪᓛᕆᔩᑦ ᐱᓇᓱᕝᕕᖓᑕ, ᐃᓪᓗᓕᕆᓂᕐᓅᓕᖓᓪᓗᑯᐊᐱᑦᑐᓂᒃ ᐃᒪᕐᑑᑎᓅᓕᖓᓪᓗᑯᐊᐱᑦᑐᓂᓪᓗ ᐱᓇᓱᑦᑎ ᐱᓇᓱᓲᖑᕗᖅ ᓱᒃᑯᕇᒃᑯᑎᓂᒃ ᓴᓇᒋᐊᓪᓛᕆᓂᕐᓂᒃ ᐊᒻᒪᓗ ᐱᓇᓱᑦᓱᓂ/ᓴᓇᑦᓱᓂ ᐃᒪᕐᑑᑎᓂᒃ, ᐃᓪᓗᒥ ᐋᕐᕿᓱᕐᓯᒪᔪᓂᒃ, ᓱᓪᓗᓕᓐᓂᒃ, ᐊᐅᓚᑦᓯᒍᑎᓂᒃ ᐊᑐᕐᑕᐅᓲᓂᒃ ᐃᒪᕐᑑᑎᓄᑦ, ᒪᕐᓗᑯᕕᓕᕆᒍᑎᓄᒧᑦ, ᐅᕐᓱᕈᑎᑑᑎᓄᑦ, ᐃᒪᕐᒥᒃ ᐆᓇᕐᑐᓕᕆᐅᑎᓄᑦ ᒪᓕᑦᓱᒋᑦ ᐱᖁᔭᐃᑦ ᐊᑐᕐᑐᑦ ᒪᓕᒐᐃᓪᓗ.

ᐱᔭᑦᓴᖏᑦ:

• ᐱᔭᕇᑦᓴᐅᑎᒋᖃᑦᑕᓗᓂ ᖃᐅᔨᓴᕐᓂᓂᒃ, ᐆᑦᑐᕋᕐᓂᓂᒃ ᐊᒻᒪᓗ ᓱᓕᑦᓯᐊᑐᓂᒃ ᑐᓴᕐᑎᓯᒍᑎᓕᐅᖃᑦᑕᓗᓂ ᐱᓇᓲᑏᑦ ᐃᓱᐃᓪᓕᖓᓂᖏᑦᑕ ᒥᑦᓵᓄᑦ ᐅᕝᕙᓘᓐᓃᑦ ᐊᑐᕐᖃᔭᑦᓯᐊᖏᑦᑐᐃᑦ ᒥᑦᓵᓄᑦ ᖃᐅᑕᒫᑦ;

• ᐱᓇᓱᖃᑦᑕᓗᓂ ᑲᐃᕙᓪᓚᒍᓰᑦ ᐋᕐᕿᓱᕐᓯᒪᔪᑦ ᐱᓇᓱᓐᓇᖏᑦ ᐊᑐᕐᓗᒋᑦ ᐋᕐᕿᒋᐊᓪᓛᕆᓂᕐᒥᒃ ᐊᒻᒪᓗ ᓴᓇᓂᕐᓂᒃ ᐃᒪᕐᑑᑎᓂᒃ ᐊᒻᒪᓗ ᐅᕐᓱᐊᓗᑦᑐᑐᓂᒃ ᐅᕐᖂᓯᓴᐅᑎᓂᒃ ᐃᓪᓗᒥᓪᓗ ᐋᕐᕿᓯᒪᒌᕐᑐᓂᒃ;

• ᓴᓗᒻᒪᓴᐃᓗᓂ, ᐋᕐᖀᒋᐊᕐᓗᓂ, ᐆᑦᑐᕋᕐᓗᓂ ᐊᒻᒪᓗ ᓴᓇᓗᓂ ᐅᕐᓱᐊᓗᑦᑐᑐᓂᒃ ᐅᕐᖂᓯᓴᐅᑎᓂᒃ;

• ᐋᕐᖀᓗᓂ, ᐊᓯᑦᔩᓗᓂ, ᐋᕐᖀᒋᐊᕐᓗᓂ ᒪᕐᓗᑯᐃᑦ ᑯᕕᕕᖏᓐᓂᒃ ᐊᒻᒪᓗ ᓱᐴᕐᑐᓂᒃ;

• ᐃᓱᒪᒋᔭᒥᓂᒃ ᐅᖃᐅᓯᖃᖃᑦᑕᓗᓂ ᐸᕐᓇᑕᐅᒪᔪᓄᑦ ᐊᒻᒪᓗ ᖃᖓ ᐱᓇᓱᑦᑕᐅᒪᓂᑦᓴᖏᑦᑕ ᐋᕐᕿᑕᐅᒪᔪᓄᑦ ᐱᓇᓱᑦᑕᓄᑦ;

• ᐃᑲᔪᖃᑦᑕᓗᓂ ᕿᕐᖑᓯᔭᕐᑐᓂᒃ, ᓇᓚᐅᑦᓵᕆᔪᓂᒃ, ᐸᕐᓇᑐᓂᒃ ᐊᒻᒪᓗ ᐱᒋᐊᕐᑎᓯᓂᓄᑦ ᓄᑖᓂᒃ ᐱᓇᓱᒐᑦᓴᓕᐊᖑᓯᒪᔪᓂᒃ;

• ᐃᑉᐱᒍᓱᓪᓗᓂ ᐃᓕᐅᕐᖃᓯᒪᔪᓕᒫᑦ, ᓴᓇᔭᐅᒪᔪᓕᒫᑦ ᐊᒻᒪᓗ ᓴᓇᒋᐊᓪᓛᔭᐅᒪᔪᓕᒫᑦ ᒪᓕᑦᓯᐊᒪᖔᑕ ᐊᑐᕆᐊᓕᓐᓂᒃ ᓈᒻᒪᓈᕐᑐᓂᒃ ᓇᓗᓇᐃᒃᑯᑕᓂᒃ;

• ᒪᓕᑦᓯᐊᓗᓂ ᐊᑦᑕᓇᕐᑐᒦᑦᑎᓯᑦᑕᐅᓕᓂᕐᒧᑦ ᒪᓕᒐᕐᓂᒃ:

• ᐱᓇᓱᓪᓗᓂ ᐃᓘᓐᓈᒍᑦ ᐃᓪᓗᓂᒃ ᓴᓇᒋᐊᓪᓛᕆᓂᕐᓂᒃ ᐊᒻᒪᓗ ᓴᓇᓂᕐᓂᒃ:

• ᐱᓇᓱᓪᓗᓂ ᓇᓪᓕᑐᐃᓐᓇᖏᓐᓂᒃ ᐊᓯᖏᓐᓂᒃ ᐱᔭᑦᓴᓂᒃ ᐱᓇᓱᖁᔭᐅᒍᓂ ᑲᒪᔨᒥᓄᑦ:

ᐱᒍᓐᓇᐅᑎᒋᒋᐊᓕᖏᑦ:

• ᐱᓇᓱᒐᕐᒥᒃ ᐱᓇᓱᒋᐅᕐᓴᓂᕐᒧᑦ ᐱᔭᕇᕈᑎᖃᕐᓗᓂ ᐃᑉᐱᒋᔭᐅᒍᓐᓇᐃᓗᓂ ᐃᒪᕐᑑᑎᓕᕆᔨᐅᓂᕐᒨᓕᖓᔪᒥᒃ;

• ᐊᖁᒍᓐᓇᐅᑎᖃᕐᓗᓂ ᐳᕐᑐᓂᓕᒻᒥᒃ 5-ᒥᒃ ᐊᑐᕐᑐᒥᒃ;

• ᐊᑯᓃᖕᖏᓂᕐᐸᐅᑎᓪᓗᒍ ᐱᓇᓱᑦᓯᒪᓗᓂ ᑕᓪᓕᒪᓂᑦ ᓯᑕᒪᐅᔪᕐᑐᓄᑦ ᐅᑭᐅᓂᒃ ᐃᓪᓗᓂᒃ ᐋᕐᕿᒋᐊᓪᓛᕆᓂᕐᓅᓕᖓᔪᒥᒃ ᐃᑉᐱᒋᔭᖃᕐᓯᒪᓗᐊᖕᖑᐊᓗᓂ ᐅᕐᓱᐊᓗᒻᒧᑦ ᐅᕐᖂᓯᓴᐅᑎᓕᕆᓂᕐᒥᒃ;

• ᖃᐅᔨᒪᓗᓂ ᐅᕐᖂᓯᓴᐅᑎᓅᓕᖓᔪᑦ, ᓱᐴᕐᑐᓅᓕᖓᔪᑦ, ᓂᓪᓚᑖᕈᑎᓅᓕᖓᔪᑦ ᐱᐅᒃᑯᑎᖏᓐᓂᒃ;

• ᐊᓪᓚᓂᐊᕈᓐᓇᓗᓂ ᐊᓪᓚᖑᐊᕐᓯᒪᔪᓂᒃ ᐊᒻᒪᓗ ᐃᑯᒪᐅᑎᒨᕐᑐᑦ ᑲᑉᐳᑎᓯᒪᓂᖏᑦᑕ ᓇᓗᓇᐃᒃᑯᑕᖏᓐᓂᒃ ᐊᓪᓚᕕᑦᓴᒦᑦᑐᓂᒃ;

• ᐱᓇᓱᓐᓂᒨᓕᖓᔪᓂᒃ ᐸᕐᓇᕈᓐᓇᓗᓂ, ᐃᓱᓕᕝᕕᓂᒃ ᐊᖑᒪᑦᓯᒍᓐᓇᓗᓂ, ᐊᒻᒪᓗᑦᑕᐅᖅ ᑐᑭᑖᕈᓐᓇᓗᓂ ᐅᐃᒪᓇᕐᑐᓅᓕᖓᔪᓂᒃ ᐊᐅᓚᑦᓯᓂᕐᒨᓕᖓᔪᓂᒃ;

• ᓇᐃᓪᓕᑎᕆᒍᓐᓇᓗᓂ, ᐱᔭᕆᐊᑭᓕᑎᕆᓗᓂ ᐊᒻᒪᓗ ᑐᓴᕋᑦᓴᓂᒃ ᑐᓴᕐᑎᓯᒍᓐᓇᓗᓂ ᐃᒪᕐᑑᑎᓅᓕᖓᔪᑦ ᑐᖕᖓᕕᖏᓐᓂᒃ;

• ᑕᑯᑦᓴᐅᑎᑦᓯᒍᓐᓇᓗᓂ ᐱᒍᓐᓇᑐᓪᓚᓂᐅᓂᕐᒥᓂᒃ ᐱᐅᓯᕐᒥᒃ ᐊᒻᒪᓗᑦᑕᐅᖅ ᑕᑎᑦᓴᓯᐊᖑᓂᕐᒥᓂᒃ, ᐃᒻᒥᓂᕿᓗᓂ ᐱᓇᓱᒍᓐᓇᓂᕐᒥᓂᒃ ᐊᒻᒪᓗ ᐱᒋᐊᕐᑎᓯᒍᓐᓇᓯᐊᒻᒪᕆᓪᓗᓂ;

• ᐊᓪᓚᓂᒃᑯᑦ ᐅᖄᓂᒃᑯᓗ ᐱᓇᓱᒍᓐᓇᕈᑎᒋᓗᒍ ᖃᐅᔨᒪᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐅᑯᓇᓂ ᐅᖃᐅᓯᕐᓂ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐊᕐᕕᑕᑲᓪᓛᕈᒪᓂᖃᕐᓗᓂ ᓄᓇᕕᒻᒥ;

• ᖃᐅᔨᓴᕈᓐᓇᓯᐊᕐᓗᓂ ᐊᒻᒪᓗ ᐱᓇᐃᓗᑕᐃᑦ ᓱᓇᐅᒻᒪᖔᑕ ᖃᐅᔨᒍᓐᓇᓗᓂ;

• ᐃᓄᑑᓗᓂ ᐱᓇᓱᒍᓐᓇᓗᓂ ᐊᒻᒪᓗᑦᑕᐅᖅ ᐊᓯᒥᓂᒃ ᐱᓇᓱᖃᑎᖃᕈᓐᓇᓗᓂ.

ᐱᓇᓱᐊᕐᕕᐊᑦᑕ ᓈᒻᒪᓯᑦᑕᐅᑎᖏᑦ ᐊᒻᒪᓗ ᐱᓇᓱᕝᕕᖓᑕ ᓇᔪᕐᑕᖓ: ᓇᓪᓕᑳᕐᑕᖅ ᐃᓕᓚᖓᔪᖅ ᐱᓇᓱᐊᖃᑦᑕᓛᕐᑐᖅ ᓯᖏᑕᐅᖃᑦᑕᓗᓂ ᐱᓇᓱᐊᕈᓰᑦ ᐱᖓᓲᔪᕐᑐᑕᒫᑦ ᓄᓇᓖᑦ ᑲᕙᒫᐱᖏᓐᓂ ᑭᖑᓂᖓᒍᑦ ᐱᓇᓱᐊᕈᓯᕐᓂ ᐱᖓᓱᓂ ᐊᑭᓕᕐᑐᑕᐅᓗᓂ ᕿᑲᖃᑦᑕᓗᓂ (52.5 ᐃᑲᐅᕐᓃᑦ ᐱᓇᓱᐊᕈᓯᑕᒫᑦ) ᐅᕝᕙᓘᓐᓃᑦ ᐱᓇᓱᐊᕈᓯᓂ ᓯᑕᒪᓂ ᐱᓇᓱᐊᖃᑦᑕᓗᓂ ᓄᓇᓖᑦ ᑲᕙᒫᐱᖏᓐᓂ ᑭᖑᓂᖓᒍᑦ ᐱᓇᓱᐊᕈᓰᓐᓂ ᒪᕐᕉᓂ ᕿᑲᖃᑦᑕᓗᓂ ᐱᓇᓱᐊᕈᓰᓐᓂ ᒪᕐᕉᓂ ᐊᑭᓕᕐᑐᑕᐅᓗᓂ;

ᑮᓇᐅᑦᔭᓵᖏᑦ: ᐃᑭᓐᓂᐹᑦ $52 481 ᐊᒥᓲᓂᕐᐹᑦ $89 256 ᐊᕐᕌᒍᑕᒫᑦ (ᐳᕐᑐᓂᖓ 8)

ᐊᓯᖏᑦ ᐱᕙᓪᓕᖁᑎᑖᕐᑕᕈᑎᖏᑦ: • ᓯᓂᑦᑕᐅᑎᖏᑦ ᐊᒻᒪᓗ ᑐᔪᕐᒥᐅᒍᑎᖏᑦ ᐊᓯᖏᓐᓂ ᓄᓇᓕᓪᓂ ᐊᕐᕕᑕᕐᓂᒥᓂ ᐊᑭᕐᓕᑕᐅᔪᑦ ᐱᓇᓱᑦᑎᖁᑎᓕᒻᒧᑦ, ᓂᕆᔭᖏᑦ ᓂᕆᐅᓐᓇᖏᑦᑐᓗ ᐊᑭᓕᕆᐊᖃᓚᕿᔭᖏᑦ ᐱᓇᓱᐊᕈᓯᑕᒫᑦ ᓄᓇᕕᒻᒥ ᐊᕐᕕᑕᕐᓱᓂ;

• ᐱᔭᕆᐊᑭᓪᓕᑎᕐᓯᒪᔪᑦ ᐃᑦᑑᓂᐅᑎᑦᓴᓄᑦ ᐸᕐᓀᒍᑏᑦ: 6,25% ᐱᓇᓱᑦᑎᖁᑎᓕᒃ, 4% ᐱᓇᓱᑦᑎ

• ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ;

• ᑕᙯᕐᓯᒍᓐᓇᕕᖏᑦ ᐅᓪᓗᐃᑦ: 20 ᐅᓪᓗᐃᑦ;

• ᒪᓕᒉᑦ ᒪᓕᓪᓗᒋᑦ ᕿᑲᕐᓀᑦ: 20 ᐅᓪᓗᐃᑦ

ᐅᓇᒻᒥᓇᕐᓵᕈᑎᑎᑦ ᐊᐅᓪᓚᑎᒃᑭᑦ ᐅᕗᖓ:

Human Resources Department

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

humanresources@krg.ca

ᐱᓇᓱᒐᕐᑖᕋᓱᑦᑐᑦ ᓂᕈᐊᕐᑕᐃᑦ ᐊᐱᕐᓱᑕᐅᓂᕐᒧᑦ ᑭᓯᐊᓂ ᖃᐅᔨᒋᐊᕐᕕᐅᓛᕐᖁᑦ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᒥᒃ ᐱᕕᑦᓴᖃᕐᑎᓯᑦᓱᓂ ᐱᓇᓱᕝᕕᐅᕗᖅ. ᑖᓐᓇ ᒪᓕᑦᓱᒍ ᐊᒻᒪᓗ ᔭᐃᒥᔅ ᐸᐃ ᐊᒻᒪᓗ ᑯᐸᐃᒃ

ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᐅᑏᑦ ᐊᑦᔨᒋᖕᖏᑐᐃᓐᓇᕆᐊᓕᖏᑦ ᐃᓄᐃᑦ ᐱᓇᓱᒐᕐᑖᕋᓱᑦᑐᑦ ᐱᓇᓱᒐᖃᕐᑎᑕᐅᓂᖓ

ᑕᑯᑦᓴᐅᑎᑕᐅᖁᓗᒍ.