ᐃᓪᓗᓕᕆᓂᕐᒥᒃ ᐱᓪᓗᑯᑦᑐᓕᕆᔨ - ᕿᔪᓕᕆᔨ - KRG

ᐱᓇᓱᒐᖅ ᐊᑐᐃᓐᓇᕈᕐᑐᖅ

ᑲᑎᕕᑦ ᓄᓇᓕᓕᒫᑦ ᑲᕙᒪᖓ (KRG), ᐊᒥᓱᐃᓕᖓᔪᓂᒃ ᑲᕙᒫᐱᓕᕆᓂᕐᒥᒃ ᑎᒥᐅᔪᖅ ᑲᒪᒋᔭᖃᕐᓱᓂ ᓄᓇᖓᓂᒃ ᑯᐯᒃᒥ ᑕᕐᕋᖓᓃᑦᑐᓂᒃ 55, ᕿᓂᓕᕐᒥᔪᑦ ᐆᒻᒪᕿᑦᑐᓯᐊᒥᒃ ᐊᒻᒪᓗ ᑲᑦᓱᙰᑦᑐᒥᒃ ᐃᓄᒻᒥᒃ ᐱᓇᓱᒐᔭᕐᑐᒥᒃ ᐅᑯᓂᖓ:

ᐃᓪᓗᓕᕆᓂᕐᒥᒃ ᐱᓪᓗᑯᑦᑐᓕᕆᔨ - ᕿᔪᓕᕆᔨ

(ᐃᓕᒣᓐᓇᓚᖓᔪᖅ, ᑕᐅᕐᓯᑕᕐᑐᖅ)

ᑲᕙᒫᐱᒃᑯᑦ ᐃᓄᓕᒫᓂᒃ ᐱᓇᓱᑦᑎᖏᑦᑕ ᐱᒍᑦᔨᕕᖓ (MPW) ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑲᒪᒋᔭᑦᓴᖃᓲᖅ ᑎᒥᖁᑎᒥᑦᑕ ᐃᓪᓗᖁᑎᖏᓐᓂᒃ (ᐊᓪᓚᕖᑦ, ᐳᓖᓯᑕᐅᒪᕕᓐᓂᒃ, ᒥᕝᕕᓂᒃ, ᐱᓇᓱᑦᑏᓗ ᐃᓪᓗᖁᑎᖏᓐᓂᒃ ᐊᓯᖏᓐᓂᓗ) ᐊᒻᒪᓗ ᐱᓇᓱᐊᕐᓂᒥᒃ ᐱᓪᓗᑯᒋᐊᓕᓐᓂᒃ 14-ᓄᑦ ᑲᕙᒫᐱᓐᓄᑦ (ᑲᕙᒫᐲᑦ) ᐊᐅᓚᑕᐅᓂᖏᑎᒍᑦ ᐊᒻᒪᓗ ᓯᖁᒥᓯᒪᔪᕐᓂᐊᓂᑎᒍᑦ ᐱᖕᖑᐊᕖᑦ ᐃᓪᓗᖁᑎᖏᓐᓂᒃ (ᓯᐊᕐᕆᔭᕐᕖᑦ, ᐳᐃᑦᔪᕋᕐᕖᑦ, ᐱᖕᖑᐊᕖᑦ ᐊᒻᒪᓗ ᑲᑎᑦᑕᕕᒋᔭᐅᔪᑦ).

ᐊᖓᔪᕐᖄᖃᕐᓗᓂ ᓯᖁᒥᓯᒪᔪᕐᓂᐊᑏᑦ ᑐᑭᒧᐊᑦᑎᓯᔨᖓᓂᒃ ᐃᓪᓗᐃᑦ ᓯᖁᒥᓯᒪᔪᕐᓂᐊᑕᐅᒋᐊᖃᕐᓂᖏᓐᓂᒃ, ᐃᓪᓗᓕᕆᓂᕐᒥᒃ ᐱᓪᓗᑯᑦᑐᓕᕆᔨ ᐱᓇᓱᐊᕐᑕᖃᓲᖅ ᐅᖑᒪᓯᒐᓱᐊᕐᓂᑯᑦ ᓯᖁᒥᓯᒪᔪᕐᓂᐊᓂᕐᒥᒃ ᐊᒻᒪᓗ ᐱᒍᑦᔨᓂᕐᒥᒃ/ᐋᕐᕿᒋᐊᕆᓃᑦ ᐊᐅᓚᑕᐅᒍᑎᖏᓐᓂᒃ ᓴᓇᓯᒪᓂᖏᑎᒍᑦ ᐃᓪᓗᖁᑎᒋᔭᑦᑎᓂᒃ (ᐃᓪᓗᐃᑦ ᖄᖏᑦ, ᐊᑭᓐᓇᖏᑦ, ᐅᒃᑯᐊᖏᑦ, ᐃᒐᓛᖏᑦ, ᒪᔫᑎᖏᑦ, ᓇᑎᖏᑦ, ᐃᓗᐊᒍᓪᓗ ᐊᑭᓐᓇᖏᑦ, ᐊᓯᖏᓪᓗ) ᒪᓕᑦᓱᒋᑦ ᐊᑐᕐᓂᓖᑦ ᐱᖁᔦᑦ ᒪᓕᒉᓪᓗ.

ᐱᔭᑦᓴᖏᑦ:

• ᐱᓇᓱᐊᖃᑦᑕᓗᒋᑦ ᐱᓇᓱᐊᕐᑕᐅᕕᑦᓴᖏᑦ ᑎᑭᐅᑎᑉᐸᑕ ᓯᖁᒥᓯᒪᔪᕐᓂᐊᑕᐅᒋᐊᓖᑦ ᐋᕐᕿᓱᒋᐊᕐᑕᐅᒋᐊᓖᓪᓗ ᐃᓪᓗᐃᑦ ᐋᕐᕿᓱᕐᓯᒪᐅᑎᒋᔭᖏᑦ

• ᑲᒪᒋᑦᓯᐊᓗᒋᑦ ᐃᓕᐅᕐᖃᑕᐅᓯᒪᔪᓕᒫᑦ, ᐋᕐᕿᒋᐊᕐᑕᐅᓯᒪᔪᐃᑦ ᓯᖁᒥᓯᒪᔪᕐᓂᐊᑕᐅᓯᒪᔪᐃᓪᓗ ᒪᓕᑦᓯᐊᕋᓗᐊᕐᒪᖔᑕᓗ ᓈᒻᒪᓈᕐᑐᑎᒍᑦ ᒪᓕᒐᖏᓐᓂᒃ ᐊᒻᒪᓗ ᖃᓄᐃᓕᖓᐅᓯᒋᔭᐅᖁᔭᐅᔪᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ;

• ᒪᓕᓪᓗᒋᑦ ᐊᑦᑕᓇᕐᑐᒦᑦᑎᓯᑦᑌᓕᓂᕐᒧᑦ ᐱᖁᔦᑦ;

• ᐱᓇᓱᐊᖃᑦᑕᓗᒋᑦ ᐃᓘᓐᓈᒍᑦ ᐃᓪᓗᐃᑦ ᓯᖁᒥᓯᒪᔪᕐᓂᐊᑕᐅᒋᐊᖃᕐᓂᖏᑦ ᐋᕐᕿᒋᐊᕐᑕᐅᒋᐊᖃᕐᓂᖏᓪᓗ ᐃᓪᓗᓕᕆᓂᕐᒧᐊᖓᒻᒪᑕ, ᐊᑭᓐᓇᓕᐅᕐᓃᑦ ᒥᖑᐊᕆᓃᓪᓗ;

• ᐱᓇᓱᐊᖃᑦᑕᓗᒋᑦ ᐊᓯᓕᒫᖏᑦ ᐱᓇᓱᐊᕐᑕᐅᖁᔭᐅᔪᑦ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

• ᐊᑐᕈᓐᓇᓯᐊᕐᑐᒥᒃ CCQ-ᑯᑦ ᐱᒍᓐᓇᐅᑎᐊᐱᖓᓂᒃ (ᐱᓇᓱᒐᕐᒧᑦ #160)

• ᐊᑐᕈᓐᓇᓯᐊᕐᑐᒥᒃ ᐊᖁᕈᓐᓇᐅᑎᖃᕐᓗᓂ ᐳᕐᑐᓂᓕᒻᒥᒃ 5-ᒥᑦ ᓓᓴᓐᓯᒥᒃ;

• ᐃᑭᓐᓂᐸᐅᓗᑎᑦ ᑕᓪᓕᒪᓂᒃ ᓯᑕᒪᐅᔪᕐᑐᓄᑦ ᐊᕐᕌᒍᕐᓄᑦ ᐃᓪᓗᓕᕆᓂᕐᒥᒃ ᐱᓇᓱᐊᕐᓯᒪᓂᖓ ᐋᕐᕿᓱᐃᒋᐊᓪᓛᓯᒪᓂᕐᒥᒃ;

• ᐱᒍᓐᓇᓂᖃᕐᓗᓂ ᐊᑐᐊᕐᓯᒍᓐᓇᓂᕐᒥᒃ ᐊᓪᓚᖑᐊᕐᓯᒪᔪᓂᒃ ᐃᓪᓗᓕᕆᓂᕐᒧᐊᖓᔪᓂᒃ ᓱᕐᕌᑎᕆᐅᑎᖏᓐᓂᒃ;

• ᐃᓂᓪᓚᖓᑦᓯᐊᓗᓂ ᐱᓇᓱᐊᕐᓂᒥᓂᒃ ᐊᒻᒪᓗ ᐅᓪᓗᐃᑦ ᑎᑭᐅᑎᕕᒋᒋᐊᓕᖏᓐᓂᒃ ᑎᑭᐅᑎᑦᓯᐊᕈᓐᓇᕕᖃᕐᓗᓂ;

• ᓄᐃᑕᑎᑦᓯᓯᒪᓗᓂ ᐱᐅᔪᕐᑎᒍᑦ ᐱᔪᓐᓇᐅᑎᖃᕐᓂᑯᑦ ᐱᓇᓱᐊᕐᓯᒪᓂᕐᒥᒃ ᐊᒻᒪᓗ ᑕᑎᒋᓇᕐᑐᓯᐊᖑᓗᓂ, ᐃᒻᒥᓂᕐᓱᓯᐊᕈᓐᓇᓗᓂ ᐊᒻᒪᓗ ᐱᒋᐊᕐᑎᓯᒍᓐᓇᕕᖃᑦᓯᐊᓗᓂ;

• ᐊᓪᓚᕈᓐᓇᓗᓂ ᐊᒻᒪᓗ ᐅᖃᕈᓐᓇᓂᖃᕐᓗᓂ ᒪᕐᕉᓂᒃ (2) ᐅᑯᓂᖓ ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓗ;

• ᐱᓇᓱᒍᓐᓇᓗᓂ ᖃᕆᑕᐅᔭᓕᕆᐅᑎᓂᒃ ᐆᑦᑑᑎᒋᓗᒋᑦ ᐊᓪᓚᖃᑦᑕᐅᑎᒍᑏᑦ ᐱᐅᒋᔭᐅᒐᔭᕐᒥᔪᖅ;

• ᐱᓇᓱᐊᕈᓐᓇᓗᓂ ᐃᒻᒥᓂᒃ ᐊᒻᒪᓗ ᐱᓇᓱᖃᑕᐅᑦᓯᐊᕈᓐᓇᓗᓂ.

ᐱᓇᓱᐊᕐᕕᐊᑦᑕ ᓈᒻᒪᓯᑦᑕᐅᑎᖏᑦ ᐊᒻᒪᓗ ᐱᓇᓱᕝᕕᖓᑕ ᓇᔪᕐᑕᖓ: ᓇᓪᓕᑳᕐᑕᖅ ᐃᓕᓚᖓᔪᖅ ᐱᓇᓱᐊᖃᑦᑕᓛᕐᑐᖅ ᓯᖏᑕᐅᖃᑦᑕᓗᓂ ᐱᓇᓱᐊᕈᓰᑦ ᐱᖓᓲᔪᕐᑐᑕᒫᑦ ᓄᓇᓖᑦ ᑲᕙᒫᐱᖏᓐᓂ ᑭᖑᓂᖓᒍᑦ ᐱᓇᓱᐊᕈᓯᕐᓂ ᐱᖓᓱᓂ ᐊᑭᓕᕐᑐᑕᐅᓗᓂ ᕿᑲᖃᑦᑕᓗᓂ (52.5 ᐃᑲᐅᕐᓃᑦ ᐱᓇᓱᐊᕈᓯᑕᒫᑦ) ᐅᕝᕙᓘᓐᓃᑦ ᐱᓇᓱᐊᕈᓯᓂ ᓯᑕᒪᓂ ᐱᓇᓱᐊᖃᑦᑕᓗᓂ ᓄᓇᓖᑦ ᑲᕙᒫᐱᖏᓐᓂ ᑭᖑᓂᖓᒍᑦ ᐱᓇᓱᐊᕈᓰᓐᓂ ᒪᕐᕉᓂ ᕿᑲᖃᑦᑕᓗᓂ ᐱᓇᓱᐊᕈᓰᓐᓂ ᒪᕐᕉᓂ ᐊᑭᓕᕐᑐᑕᐅᓗᓂ;

ᑮᓇᐅᑦᔭᓵᖏᑦ: ᐃᑭᓐᓂᐹᑦ $52 481 ᐊᒥᓲᓂᕐᐹᑦ $89 256 ᐊᕐᕌᒍᑕᒫᑦ (ᐳᕐᑐᓂᖓ 8)

ᐊᓯᖏᑦ ᐱᕙᓪᓕᖁᑎᑖᕐᑕᕈᑎᖏᑦ: 

• ᓯᓂᑦᑕᐅᑎᖏᑦ ᐊᒻᒪᓗ ᑐᔪᕐᒥᐅᒍᑎᖏᑦ ᐊᓯᖏᓐᓂ ᓄᓇᓕᓪᓂ ᐊᕐᕕᑕᕐᓂᒥᓂ ᐊᑭᕐᓕᑕᐅᔪᑦ ᐱᓇᓱᑦᑎᖁᑎᓕᒻᒧᑦ, ᓂᕆᔭᖏᑦ ᓂᕆᐅᓐᓇᖏᑦᑐᓗ ᐊᑭᓕᕆᐊᖃᓚᕿᔭᖏᑦ ᐱᓇᓱᐊᕈᓯᑕᒫᑦ ᓄᓇᕕᒻᒥ ᐊᕐᕕᑕᕐᓱᓂ;

• ᐱᔭᕆᐊᑭᓪᓕᑎᕐᓯᒪᔪᑦ ᐃᑦᑑᓂᐅᑎᑦᓴᓄᑦ ᐸᕐᓀᒍᑏᑦ: 6,25% ᐱᓇᓱᑦᑎᖁᑎᓕᒃ, 4% ᐱᓇᓱᑦᑎ

• ᐱᓇᓱᐊᖃᑎᒌᑦ ᐃᒻᒪᖃᐅᑎᖏᑦ;

• ᑕᙯᕐᓯᒍᓐᓇᕕᖏᑦ ᐅᓪᓗᐃᑦ: 20 ᐅᓪᓗᐃᑦ;

• ᒪᓕᒉᑦ ᒪᓕᓪᓗᒋᑦ ᕿᑲᕐᓀᑦ: 20 ᐅᓪᓗᐃᑦ

ᐱᓇᓱᒐᕐᑖᕋᓱᐊᕈᑎᑎᑦ ᐊᐅᓪᓚᑎᓗᒋᑦ ᐅᕗᖓ:

ᐱᓇᓱᑦᑎᓕᕆᕕᐅᑉ ᐱᒍᑦᔨᕕᖓ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

P.O. Box 9

ᑰᑦᔪᐊᖅ ᑯᐯᒃ J0M 1C0

ᓱᑲᑦᑐᑰᕈᑎᒃᑯᑦ: 819-964-2975

humanresources@krg.ca

ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓲᔭᕐᑕᐅᓛᕐᓂᒥᓄᑦ ᖃᐅᔨᑎᑕᐅᓛᕐᑐᑦ ᐊᓪᓚᓯᒪᔪᕐᑎᒍᑦ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ-ᐱᕕᑦᓴᖃᕐᑎᓯᓂᕐᒥᒃ ᐱᓇᓱᑦᑎᓯᔨᐅᕗᑦ. ᑖᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᐅᓯᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᖁᕝᕙᒋᐊᕆᒐᓱᐊᕐᓂᒧᑦ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒐᕐᑖᕋᓱᐊᕐᑐᓂᒃ. ᐱᓇᓱᒐᕐᑖᕋᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓲᔭᕐᑕᐅᓛᕐᓂᒥᓄᑦ ᖃᐅᔨᑎᑕᐅᓛᕐᑐᑦ.