ᐃᓪᓗᔪᐊᓂ ᐱᓪᓗᑯᒋᐊᓕᓕᕆᔨ - ᑯᕕᒍᑎᓕᐅᕐᑎ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᒻᒪᕆᐅᑦᓱᓂ ᑎᒥᐅᔪᖅ ᐊᐅᓚᑦᓯᔨᐅᑦᓱᓂ ᓄᓇᒥ 55° ᑕᕐᕋᖓᓂ, ᐅᓪᓗᒥ ᕿᓂᕐᑐᖅ ᐃᒻᒥᓂᒃ-ᑲᑦᓱᙰᑦᑐᒥᒃ ᐊᒻᒪᓗ ᕿᑦᑌᖓᑦᓯᐊᑐᒥᒃ ᐃᓄᒻᒥᒃ ᐃᓚᒋᓕᐅᑎᒍᒪᔪᒥᒃ KRG-ᑯᓄᑦ ᒪᑐᒥᖓ ᐱᓇᓱᒐᖃᕐᓗᓂ:

ᐃᓪᓗᔪᐊᓂ ᐱᓪᓗᑯᒋᐊᓕᓕᕆᔨ - ᑯᕕᒍᑎᓕᐅᕐᑎ

(ᐊᕐᕌᒎᑉ ᐃᓚᖓᓃᕐᑕᓱᓂ ᐊᑌᓐᓇᑐᖅ ᐃᓂᒃ)

ᑲᕙᒫᐱᓐᓂ ᐃᓄᓕᒫᓂᒃ ᓴᓇᒍᑦᔨᐅᑎᓂᒃ ᐱᓇᓱᕝᕕᒃ (MPW) KRG-ᑯᓂ ᑲᒪᔨᐅᕗᖅ ᒪᑭᑕᑦᓯᓂᕐᒥᒃ ᑎᒥᐅᑉ ᐃᓪᓗᖁᑎᖏᓐᓂᒃ (ᐊᓪᓚᕕᓐᓂᒃ, ᐳᓖᓯᒃᑯᑦ ᐸᕐᓇᓀᕐᓯᕕᖏᓐᓂᒃ, ᒥᕝᕕᓂᒃ, ᐱᓇᓱᑦᑏᑦ ᐃᓪᓗᖏᓐᓂᒃ, ᐊᓯᖏᓐᓂᓗ) ᐊᒻᒪᓗ ᓄᐃᑕᑦᓯᓂᕐᒥᒃ ᐱᓪᓗᑯᒋᐊᓕᑎᒍᑦ ᐃᑲᔪᕐᓯᒪᓂᕐᒥᒃ 14-ᓄᑦ ᑕᕐᕋᒥ ᓄᓇᓕᓐᓄᑦ (NVs) ᐱᓇᓱᐊᑦᓴᓂ ᐊᑦᑐᐊᔪᓂ ᐃᖏᕐᕋᑎᑦᓯᓂᕐᒧᑦ ᐊᒻᒪᓗ ᒪᑭᑕᑦᓯᓂᕐᒧᑦ ᓱᖃᑦᓯᒍᑎᓄᑦ ᐃᓪᓗᔪᐊᖏᓐᓂᒃ (ᓯᐊᕐᕆᔭᕐᕖᑦ, ᐳᐃᑦᔪᕖᑦ, ᐃᙯᓕᓴᕐᕖᑦ ᐊᒻᒪᓗ ᓄᓇᓖᑦ ᐱᖕᖑᐊᕕᖏᑦ).

ᑐᓴᕐᑎᓯᖃᑦᑕᓗᓂ ᓴᓇᒍᑎᓂᒃ ᓴᖑᐊᑦᓯᔨᒥᒃ ᐃᓪᓗᔪᐊᓂᒃ ᒪᑭᑕᑦᓯᓂᕐᒥᒃ ᐱᓇᓱᕝᕕᒥ, ᑯᕕᒍᑎᓕᐅᕐᑎ ᐱᓇᓱᑦᑎᐅᕗᖅ ᓱᒃᑯᖏᓐᓂᖏᓐᓂ ᒪᑭᑕᑦᓯᓂᕐᒥᒃ ᐊᒻᒪᓗ ᐱᔪᓇᕐᓭᓂᕐᒥᒃ/ᓴᓇᓂᕐᒥᒃ ᑯᕕᔫᑦ ᐱᐅᒡᒍᑎᖏᓐᓂᒃ, ᑎᒍᒻᒥᔮᖏᓐᓂᒃ, ᑐᕐᓱᐊᖏᓐᓂᒃ, ᐊᐅᓚᒍᑎᖏᓐᓂᒃ ᐊᑐᕐᑐᓂᒃ ᐃᒪᕐᒧᑦ, ᑭᓈᓂᕐᓗᑯᓄᑦ, ᐅᕐᓱᐊᓗᒻᒧᑦ, ᐆᓇᕐᑐᒧᑦ ᐃᒪᕐᒧᑦ ᒪᓕᒍᑎᒋᓗᒋᑦ ᐊᑐᕐᑐᓴᓂᒃ ᐱᖁᔭᓂᒃ ᒪᓕᒐᕐᓂᓗ.

ᐱᓇᓱᐊᑦᓭᑦ:

• ᑲᔪᓯᑎᑦᓯᓂᖅ ᓈᒻᒪᓯᕕᓕᓐᓂᒃ ᒪᑭᑕᑦᓯᓂᒃᑯᑦ ᐱᒍᑦᔨᒍᑎᓂᒃ ᐊᒻᒪᓗ ᓴᓇᓂᕐᓂᒃ ᑯᕕᔫᓂᒃ ᐊᒻᒪᓗ ᑭᐊᑦᓴᕈᑎᐅᑉ ᐅᕐᓱᖓᓂᒃ ᐊᑐᕈᑎᓂᒃ ᐊᒻᒪᓗ ᑎᒍᒻᒥᔮᓂᒃ;

• ᓴᓗᒻᒪᓭᓂᖅ, ᓈᒻᒪᓯᓕᑎᕆᓂᖅ, ᐆᑦᑐᕋᕐᓂᖅ ᐊᒻᒪᓗ ᓴᓇᓂᖅ ᐅᕐᓱᐊᓗᒻᒧᑦ ᐆᓇᕐᑐᓕᐅᕈᑏᑦ ᐱᐅᒡᒍᑎᖏᓐᓂᒃ;

• ᐃᓕᔨᓂᖅ, ᓴᖑᑎᕆᓂᖅ ᐊᒻᒪᓗ ᐋᕐᕿᒋᐊᕆᓂᖅ ᑯᕕᕕᒻᒥᒃ ᐊᓂᕕᓐᓂᒃ ᐊᒻᒪᓗ ᐊᓂᕐᑎᕆᐅᑏᑦ ᐱᐅᒡᒍᑎᖏᓐᓂᒃ;

• ᐃᓱᒪᓕᐅᖃᑕᐅᓂᖅ ᐸᕐᓇᓯᒪᔪᑦ ᐊᒻᒪᓗ ᐅᓪᓗᓕᐅᕐᓯᒪᔪᑦ ᐱᓇᓱᐊᑦᓭᑦ ᒥᑦᓵᒍᑦ;

• ᐃᑲᔪᕐᓂᖅ ᐱᓇᓱᐊᕐᓂᑯᑦ ᐊᖏᔪᓕᒐᕐᓂᓕᕆᓂᒥᒃ, ᐃᒻᒪᖃᐅᑦᓵᓂᕐᒥᒃ, ᐸᕐᓇᓂᕐᒥᒃ ᐊᒻᒪᓗ ᑲᔪᓯᑎᑦᓯᓂᕐᒥᒃ ᓄᑖᓂᒃ ᐱᓇᓱᐊᑦᓴᓂᒃ ᑲᔪᓯᑎᒋᐊᓕᓐᓂᒃ;

• ᐱᓇᓱᓐᓂᖅ ᐅᓪᓗᓕᐅᕐᓯᒪᔪᓂᒃ ᒪᑭᑕᑦᓯᐅᑎᓄᑦ ᐱᒍᑦᔨᒍᑎᓂᒃ ᐊᒻᒪᓗ ᓴᓇᒍᑎᓂᒃ ᐃᓪᓗᔪᐊᑦ ᓴᓇᒻᒪᖏᑦᑕ ᓱᓇᓕᒫᖏᓐᓂᒃ;

• ᓱᕐᖁᐃᓂᖅ ᐃᓕᔪᐊᓕᒫᑦ, ᓴᓇᔪᓕᒫᑦ ᐊᒻᒪᓗ ᒪᑭᑕᑦᓯᐅᑎᓕᒫᑦ ᓂᐳᕐᑎᓯᓂᖓᓂᒃ ᐊᑐᕆᐊᓖᑦ ᒪᓕᒉᑦ ᓂᐳᕐᑎᒋᐊᓕᖁᑎᖏᓐᓂᒃ ᐊᒻᒪᓗ ᐱᐅᓂᖓᑎᒍᑦ KRG-ᑯᑦ ᐱᒋᐊᖃᕐᑎᑕᖏᓐᓂᒃ;

• ᒪᓕᑦᓯᐊᓂᖅ ᐊᑦᑕᓇᕐᑌᓕᓂᐅᑉ ᒪᓕᒐᖏᓐᓂᒃ;

• ᐱᓇᓱᓐᓂᖅ ᐃᓘᓐᓈᒍᑦ ᐃᓪᓗᔪᐊᒥᒃ ᒪᑭᑕᑦᓯᐅᑎᓂᒃ ᐊᒻᒪᓗ ᓴᓇᒍᑎᓂᒃ ᐊᑦᑐᐊᔪᕐᑎᒍᑦ ᐱᒻᒪᕆᖕᖏᑐᓂᒃ ᓴᓇᓂᕐᒧᑦ, ᐱᕐᓃᔦᓂᕐᒧᑦ ᐊᒻᒪᓗ ᒥᖑᐊᕆᓂᕐᒧᑦ;

• ᐱᓇᓱᓐᓂᖅ ᓇᐅᑐᐃᓐᓇᒥᒃ ᐊᓯᐊᓂᒃ ᐱᓇᓱᐊᑦᓴᒥᒃ ᐊᖓᔪᕐᖄᖓᑕ ᐱᒋᐊᖃᕐᑎᑕᖓᓂᒃ.

ᐱᔪᓐᓇᕈᑏᑦ:

• ᐱᑕᖃᕆᐊᓕᒃ ᐊᑐᕈᓐᓇᑐᒥᒃ CCQ-ᑯᑦ ᓯᑯᑦᓴᔭᖓᓂᒃ (ᐱᓇᓱᒐᖅ #412)

• ᐱᑕᖃᕆᐊᓕᒃ ᐊᑐᕈᓐᓇᑐᒥᒃ ᐳᑐᓂᓕᒻᒥᒃ 5-ᓂᒃ ᐊᖁᑎᐅᑉ ᐱᔪᓐᓇᐅᑎᖓᓂᒃ;

• ᐃᑭᓐᓂᐹᖓᓄᑦ ᑕᓪᓕᒪᓂᒃ ᐱᒋᐊᕐᓗᒍ ᓯᑕᒪᐅᔪᕐᑐᓄᑦ ᑎᑭᓪᓗᒍ ᐊᕐᕌᒍᓂᒃ ᒥᑦᓯᓕᒻᒥᒃ ᐃᓪᓗᔪᐊᓂ ᐱᓇᓱᓕᓂᐅᒋᐊᓕᒃ ᓄᑕᐅᓯᓕᑎᕆᓂᕐᒥᒃ ᐱᓇᓱᓪᓗᓂ;

• ᐊᑐᐊᕐᓯᒍᓐᓇᕆᐊᓕᒃ ᓴᓇᒪᔪᑦ ᐊᓪᓚᖑᐊᕐᓯᒪᐅᑎᖏᓐᓂᒃ ᐊᒻᒪᓗ ᓴᓇᒻᒪᖓᑕ ᐊᑦᔨᖑᐊᖏᓐᓂᒃ;

• ᐃᓂᓪᓚᖓᑦᓯᐊᕆᐊᓕᒃ ᐱᓇᓱᑦᑕᒥᓂ ᐊᒻᒪᓗ ᐱᔭᕇᕐᓯᒪᕕᒋᒋᐊᓕᓐᓂᒃ ᐱᔭᖃᖃᑦᑕᓗᓂ;

• ᑕᑯᑦᓴᕈᐃᓯᒪᓂᖅ ᐱᐅᔪᒥᒃ ᐱᓇᓱᑦᑎᐅᓱᓂ ᐱᐅᓯᖃᕐᓂᒥᒃ ᐊᒻᒪᓗ ᑕᑎᑦᓴᓯᐊᖑᓗᓂ, ᐃᒻᒥᓂᕿᓯᑎᐅᓗᓂᓗ ᐊᒻᒪᓗ ᐃᑉᐱᒍᓱᓪᓗᓂ ᑕᐅᑐᐊᖓᔪᑦᓴᐅᖏᓐᓂᒥᒃ;

• ᐊᓪᓚᓯᒪᔪᑎᒍᑦ ᐅᖄᓂᒃᑯᓗ ᐊᑐᕈᓐᓇᓗᒋᑦ ᖃᐅᔨᒪᓂᖅ ᐃᑭᓐᓂᐹᖓᓄᑦ ᒪᕐᕉᓂᒃ ᒪᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐊᑐᕈᓐᓇᓗᓂ ᖃᐅᔨᒪᓂᖅ ᖃᕆᑕᐅᔭᕈᑎᓂᒃ ᐆᑦᑑᑎᒋᓗᒍ Microsoft Office ᐃᓱᐊᖁᑕᐅᒋᐊᖓ ᐃᓱᒪᒋᔭᐅᓚᖓᔪᖅ;

• ᐱᓇᓱᒍᓐᓇᕆᐊᓕᒃ ᐃᓄᑑᓗᓂ ᐊᒻᒪᓗ ᐱᓇᓱᖃᑎᒌᓂ ᐃᓚᐅᓗᓂ.

• ᐊᖏᕐᓯᒪᒋᐊᓕᒃ ᐊᐅᓪᓚᖃᑦᑕᓚᖓᓗᓂ ᓄᓇᕕᐅᑉ ᓄᓇᓕᖏᓐᓄᑦ;

• ᑲᖕᖑᓇᕿᓂᒃᑯᑦ ᐱᓀᓗᑦᓯᒍᑎᓂᓪᓗ ᐋᕐᕿᓱᐃᓂᒃᑯᑦ ᐱᓯᑎᐅᒋᐊᓕᒃ.

ᐱᓇᓱᑦᓱᓂ ᓇᔪᕐᑕᖓ: ᓄᓇᕕᒃ

ᑮᓇᐅᑦᔭᓵᖏᑦ ᐊᒻᒪᓗ ᐱᕙᓪᓕᖁᑎᖏᑦ: ᒪᓕᑦᑐᑦ CCQ-ᑯᑦ ᐊᑕᖏᕐᑐᓄᑦ ᐊᖏᖃᑎᒌᒍᑎᖓᓂᒃ “ᑎᒥᐅᔪᓂ ᐊᒻᒪᓗ ᑮᓇᐅᔭᓕᐅᕐᕕᓂ” ᐃᓚᖓ “C-1”

ᐃᓂᓪᓚᕈᑏᑦ ᐊᓯᖏᑦ: ᓇᓪᓕᑭᑕᐅᑎᒍᑎᓂᒃ ᐅᓪᓗᓯᐅᑎᓕᒃ 6-ᓂᒃ ᐱᓇᓱᐊᕈᓯᕐᓂᒃ ᐱᓇᓱᒋᐊᖃᕐᓱᓂ ᐊᒻᒪᓗ 2-ᓂᒃ ᐱᓇᓱᐊᕈᓰᓐᓂᒃ ᑕᙯᕐᓯᕕᖃᖃᑦᑕᓗᓂ ᓄᓇᒥ ᐱᕕᒋᓯᒪᔭᖓᓂ

ᐱᓇᓱᖃᑦᑕᕆᐊᓕᒃ 10-ᓂᒃ ᑫᕙᓪᓚᒍᓯᕐᓂᒃ ᖃᐅᑕᒫᑦ ᐊᒻᒪᓗ 7-ᓂᒃ ᐅᓪᓗᓂᒃ ᐱᓇᓱᐊᕈᓯᑕᒫᑦ

ᖃᕆᐊᖓ ᐊᒻᒪᓗ ᓂᕆᑦᔪᑎᖏᑦ: ᐃᓄᑑᕕᒻᒥᒃ ᖃᕆᐊᓕᒃ ᐃᓪᓗᒥ ᐊᑕᐅᓯᐅᖕᖏᑐᒧᑦ ᐊᒻᒪᓗ ᓂᕆᑦᔪᑎᓂᒃ ᖃᐅᑕᒫᕐᓯᐅᑎᑖᕐᑕᓱᓂ

ᐱᓇᓱᒍᒪᐅᑎᑎᑦ ᑎᑭᑎᓗᒋᑦ ᐅᕗᖓ:

Human Resources Department Kativik Regional Government

P.O. Box 9

Kuujjuaq QC J0M 1C0 Fax: 819-964-2975

humanresources@krg.ca

ᐱᓇᓱᒍᒪᔪᑦ ᐊᐱᕐᓱᕈᒪᓗᒋᑦ ᓂᕈᐊᕐᑕᐅᔪᑦ ᑭᓯᐊᓂ ᐊᓪᓚᓯᒪᔪᑎᒍᑦ ᖃᓄᐃᓕᕕᐅᓚᖓᔪᑦ.

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.