ᖃᕆᑕᐅᔭᐅᑉ ᐊᐅᓚᑕᐅᒍᓯᖏᓐᓂ ᑲᔪᓯᒃᑫᔨ - KI

ᐱᓇᓱᒐᖅ:	ᖃᕆᑕᐅᔭᐅᑉ ᐊᐅᓚᑕᐅᒍᓯᖏᓐᓂ ᑲᔪᓯᒃᑫᔨ
ᐊᓪᓚᕕᖓ :	ᖃᕆᑕᐅᔭᓕᕆᕕᒻᒥ
ᑮᓇᐅᑦᔭᓵᑦ:	ᐱᒋᐊᕐᓱᓂ $104,152 ᑎᑭᑦᓱᓂ $138,867, ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ
ᐱᓇᓱᒐᐅᑉ ᑭᑎᑦᔪᑎᖓ :	COORDITSI2604-01
ᓇᓃᓐᓂᓴᖓ:	ᒪᓐᑐᔨᐊᓪ
ᖃᓄᐃᑦᑑᓂᖓ:	ᒫᓐᓇᓯᐅᑎᒃ ᐱᓇᓱᒐᖅ
ᐱᒋᐊᕐᕕᓴᖓᑕ ᐅᓪᓗᖓ:	ᒣ 2026

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

 

ᑲᔪᓯᒃᑫᔨ ᐱᓇᓱᒐᖃᕆᐊᓕᒃ ᖃᐅᔨᓴᕐᓂᒥᒃ, ᐋᕐᕿᓱᐃᓂᕐᒥᒃ, ᐱᕙᓪᓕᐊᑎᑦᓯᓂᕐᒥᒃ ᐊᐅᓚᑦᓯᒍᓐᓇᓯᐊᕐᓗᓂᓗ ᖃᕆᑕᐅᔭᐅᑉ ᐊᐅᓚᑕᐅᒍᓯᖏᓐᓂᒃ, ᐲᔦᓂᕐᒥᒃ ᐊᒻᒪᓗ ᓄᑕᐅᓯᓕᕐᑐᐃᔨᐅᓗᓂ, ᓴᐳᒻᒥᓂᒃᑯᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᑐᕌᒐᖏᓐᓂᒃ ᐋᕐᕿᓯᒪᒍᓯᖏᓐᓂᓗ. ᑲᔪᓯᒃᑫᔨ ᐊᑑᑎᑎᑦᓯᒍᓐᓇᕆᐊᓕᒃ ᖃᕆᑕᐅᔭᕐᒨᓕᖓᔪᓂᒃ ᑐᑭᑖᕆᔨᐅᓗᓂ ᖃᐅᑕᒫᑦ ᓯᕗᓂᕐᒧᓗ, ᓇᓛᒎᕐᑐᓂᒃ, ᐅᐸᓗᙰᕐᓯᒪᑦᓯᐊᑐᓂᒃ, ᐊᑐᕐᑕᐅᒍᓐᓇᑐᓂᓪᓗ ᐃᓗᓕᖏᓐᓂᒃ ᐃᑲᔪᖃᑦᑕᓗᓂᓗ ᐱᓇᓱᖃᑎᒥᓂᒃ ᐱᕙᓪᓕᐊᑎᓗᒋᑦ ᐊᑐᕐᑕᐅᒍᓐᓇᑐᓂᒃ. ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᒋᔭᖃᕆᐊᓕᒃ ᓈᒻᒪᑐᓂᒃ ᑐᑦᓯᕋᐅᑎᐅᓯᒪᔪᓂ ᐊᑐᐃᓐᓇᖃᑎᓯᑦᓯᐊᓗᓂ.

 

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᖃᕆᑕᐅᔭᓕᕆᕕᒻᒥ ᑐᑭᒧᐊᕐᑎᓯᔨᒥᒃ, ᑲᔪᓯᒃᑫᔨ ᒪᑯᓂᖓ ᑲᒪᒋᔭᖃᕆᐊᓕᒃ:

·       ᑐᑭᓯᓇᑦᓯᐊᑐᓂᒃ ᖃᕆᑕᐅᔭᒃᑯᑦ ᓄᐃᑦᓯᒐᓱᐊᕐᓗᓂ ᑲᑎᕕᒃ ᐃᓕᓴᕐᓂᓕᕆᓂᒃᑯᓂ ᓴᐳᒻᒥᖏᓐᓇᒐᓱᐊᕐᓗᓂ ᓄᓇᕕᒻᒥᐅᑦ ᐃᓕᓐᓂᐊᑎᖏᓐᓂᒃ, ᐳᕐᑐᓂᕐᓴᒋᐊᓪᓚᒥᒃ ᐃᓕᓐᓂᐊᕆᐊᓪᓚᑐᓂᒃ ᐱᓇᓱᑦᑎᕈᕐᑎᓗᒋᓪᓗ.

·       ᑐᕌᕐᕕᒋᕈᒪᔭᒥᓄᑦ ᑐᑭᑖᕐᓯᒪᑦᓯᐊᓗᓂ.

·       ᐊᐅᓚᑦᓯᔨᓂᒃ ᐱᓇᓱᑦᑎᓂᓪᓗ ᐃᓘᓐᓀᓂ ᐃᓅᖃᑎᖃᑦᓯᐊᓗᓂ ᑐᑭᓯᒪᖃᑎᒌᑦᓯᐊᓂᕐᒧᑦ ᖃᐅᔨᒐᓱᐊᕐᓂᒧᑦ ᐋᕐᕿᓱᒋᐊᓕᒻᒥᓂᒃ ᖃᕆᑕᐅᔦᑦ ᒥᑦᓵᒍᑦ.

·       ᖃᕆᑕᐅᔭᕈᑎᓂᒃ ᑲᔪᓯᑎᑕᐅᕋᑕᖕᖏᑐᓂᒃ ᖃᐅᔨᓴᕐᑎᐅᓗᓂ ᒪᓕᓪᓗᒋᑦ ᑭᖕᖒᒪᒋᔭᐅᔪᐃᑦ, ᐊᑭᖏᑦ, ᓱᖏᐅᓯᓴᕐᓃᑦ, ᐊᓯᖏᓪᓗ.

·       ᖃᕆᑕᐅᔭᕈᑎᓂᒃ ᐊᑐᐃᓐᓇᐅᓕᕐᑐᓂᒃ, ᐋᕐᕿᓯᒪᒍᓯᖓᓂᒃ ᑲᔪᓯᑎᑦᓯᓗᓂ ᐊᒻᒪᓗ ᐱᓇᓱᑦᑎᓂᒃ ᓂᐅᕐᕈᓯᕐᑎᓂᓪᓗ ᖃᐅᔨᒪᑎᑦᓯᖃᑦᑕᓗᓂ ᓄᑕᐅᓯᕐᓕᕐᑐᓯᒪᓂᖏᓐᓂᒃ.

·       ᐱᓇᓱᑦᑎᑖᕆᔭᐅᔪᓂᒃ ᐱᑐᑦᓯᒪᖃᑎᒌᒍᑎᓂᒃ ᖃᕆᑕᐅᔭᒃᑯᑦ ᐊᑐᐃᓐᓇᕈᕐᑏᔨᐅᓗᓂ  (ᐆᑦᑑᑎ. ᐱᓇᓱᑦᑐᓕᕆᕕᒻᒥ ᐱᓇᓱᑦᑎᑖᕐᓂᖅ ᐳᕐᑐᓂᕐᓴᕆᐊᓪᓚᒥᓪᓗ) ᐊᓯᖏᓐᓂᓗ ᐅᖄᖃᑎᒌᒍᓯᕐᓂᒃ ᐱᓇᓱᑦᑎᓄᑦ (ᐆᑦᑑᑎ intranet).

·       ᐱᓇᓱᐊᖃᑎᖃᕐᓗᓂ ᐱᓇᓱᕝᕖᑦ ᐊᖓᔪᕐᖄᖏᓐᓂᒃ ᐊᒻᒪᓗ ᐸᕐᓇᓯᒪᐅᑎᓃᑦ ᑲᔪᓯᒃᑫᔨᖓᓂᒃ, ᐱᕙᓪᓕᐊᑎᑦᓯᓗᓂ ᖃᐅᔨᒪᔭᐅᒋᐊᓕᓐᓂᒃ ᑲᑎᕕᒃ ᐃᓕᓴᕐᓂᓕᕆᓂᐅᑉ ᐸᕐᓇᓯᒪᐅᑎᖏᓐᓂᒃ.

·       ᑐᓴᐅᒪᑎᑦᓯᓗᓂ ᖃᐅᔨᒍᑎᕕᓂᕐᓂᒃ ᓱᕐᖁᐃᑕᐅᒪᔪᓂᒃ ᑲᒥᓯᓇᓄᑦ ᐊᐅᓚᑦᓯᔨᓐᓄᑦ ᐱᓇᓱᑦᑎᓄᓪᓗ.

·       ᑲᒪᒋᔭᖃᖃᑦᑕᓗᓂ ᓄᑕᐅᓯᓕᕐᑐᐃᖃᑦᑕᓗᓂᓗ ᐱᕙᓪᓕᐊᑎᑦᓯᖃᑦᑕᓗᓂ ᖃᐅᔨᒪᔭᐅᒋᐊᓖᑦ ᐋᕐᕿᓯᒪᒍᓯᖓᓂᒃ, ᐋᕐᕿᓱᐃᖃᑦᑕᓗᓂ  ᖃᐅᔨᒪᔭᐅᔪᓂᒃ ᓇᑭᑐᐃᓐᓇᖅ ᐱᓯᒪᔪᓂᒃ (Charlemagne, Dash, ᓂᐅᕐᕈᓯᕐᑏᑦ, ᐱᓇᓱᑦᑐᓕᕆᕕᒃ, ᐃᓂᕐᕋᔪᓕᕆᓂᖅ, ᐊᓯᖏᓪᓗ).

·       ᐊᑐᐃᓐᓇᐅᑎᑦᓯᓗᓂ ᖃᐅᔨᒪᔭᐅᓕᕐᑐᓂᒃ ᖃᐅᔨᒍᑎᕕᓂᕐᓂᓗ ᑐᑦᓯᕋᐅᑎᓂᒃ ad-hoc-ᓂᒃ (ᐆᑦᑑᑎ. ᓴᓇᑦᑐᓴᐅᑎᓕᕆᓂᕐᒥᒃ ᐃᑲᔪᕐᑏᑦ ᓱᕐᕃᓯᒪᓂᖏᑦ ᓴᓇᑦᑐᓴᐅᑎᒨᓕᖓᔪᓂᒃ ᖃᐅᔨᓴᐅᑎᕕᓃᑦ ᐅᓄᕐᓂᖏᓐᓂᒃ); ᐱᕙᓪᓕᐊᑎᑦᓯᒐᓱᐊᕐᓂᖅ ᑐᑦᓯᕋᐅᑎᐅᔪᕕᓂᕐᓂᒃ.

 

ᐱᒍᓐᓇᐅᑎᒋᒋᐊᓕᖏᑦ:

·       ᐊᓪᓕᒥᒃ ᐱᔪᓐᓇᐅᑎᑖᕐᓯᒪᓗᓂ ᐊᑐᕐᓂᖃᕈᓐᓇᑐᒥᒃ ᐃᓕᓐᓂᐊᒐᕐᓂᑦ ᐃᓕᑕᕆᔭᐅᒍᑎᑖᕆᔭᐅᓲᒥᒃ ᐱᖓᓱᓂᒃ-ᐊᕐᕌᒍᓂᒃ ᐃᑭᓐᓂᓴᐅᖕᖏᑐᓂᒃ ᐃᓕᓐᓂᐊᕕᕐᔪᐊᒥ ᐅᕝᕙᓘᓐᓃᑦ ᐱᓇᓱᒐᖃᕐᓗᓂ ᐳᕐᑐᓂᕐᓴᒥ ᑲᒪᔨᐅᓂᕐᒥᓘᓐᓃᑦ ᐱᓇᓱᒐᕐᒥᒃ;

·       ᑕᓪᓕᒪᓂᒃ (5) ᐊᕐᕌᒍᓂᒃ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ.

 

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

 

ᐊᑐᕈᓐᓇᕆᐊᓕᖏᑦ:

·       ᐅᖄᒍᓐᓇᓯᐊᕐᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᓂᑦ (3) ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ);

·       ᑐᓴᐅᒪᖃᑎᒌᑦᓯᐊᓲᖑᓗᓂ ᑐᑭᑖᕆᒍᓐᓇᓯᐊᕐᓗᓂ.

·       ᑎᒥᐅᔫᑉ ᐱᕙᓪᓕᐊᔪᖏᓐᓂᒃ ᐊᑐᓕᕐᑎᓯᒍᓐᓇᕆᐊᓕᒃ.

·       ᐱᓇᓱᐊᖃᑎᖃᕈᓐᓇᓯᐊᕆᐊᓕᒃ ᐱᕙᓪᓕᐊᔪᓕᕆᔨᓐᓂᒃ ᐱᓇᓯᑦᑎᓕᒫᓐᓂᓗ.

·       ᐃᓗᕐᕈᓯᖃᖃᑎᒌᖕᖏᑐᓕᒻᒥᒃ ᐱᓇᓱᐊᒍᓐᓇᕆᐊᓕᒃ, ᐅᖃᐅᓯᖃᖃᑎᒌᖕᖏᑐᓂᒃ.

·       ᐊᑐᓕᕐᑎᓯᓂᕐᒥᒃ ᐱᕙᓪᓕᐊᔪᓂᒃ ᐃᓕᑕᕐᓯᒍᓐᓇᑐᖅ.

·       ᖃᐅᔨᒪᒋᐊᓕᒃ ᖃᕆᑕᐅᔭᕈᑎᓂᒃ ᒪᑯᓂᖓ SQL, Microsoft PowerBI ᐊᒻᒪᓗ Python.  ᖃᐅᔨᒪᓗᓂ R-ᒥᒃ ᐊᓯᖏᓐᓂᓗ ᑭᓯᑦᓯᒍᑎᓕᓐᓂᒃ ᐱᐅᔫᒐᔭᕐᑐᖅ.

·       ᐊᓪᓚᒍᓐᓇᓯᐊᕐᓗᓂ ᖃᕆᑕᐅᔭᐅᑉ ᐃᓗᓕᖏᓐᓂ, ᓄᐃᑦᓯᒍᓐᓇᓗᓂ ᐊᒻᒪᓗ ᓄᐃᑕᑎᑦᓯᒍᑎᓂᒃ ᐋᕐᕿᓱᐃᒍᓐᓇᓗᓂ.

·       ᖃᕆᑕᐅᔭᒃᑯᑦ ᑐᑭᓯᑎᑦᓯᒍᑎᓂ ᖃᐅᔨᒪᑦᓯᐊᓗᓂ ᐊᓯᖏᓐᓂᓗ ᐃᓗᓕᖏᓐᓂᒃ ᑌᒪ ᑐᑭᓯᓇᓕᕐᑎᕆᒍᓐᓇᓗᓂ ᐅᓐᓂᑐᐃᖃᑦᑕᓗᓂᓗ.

·       ᐱᓇᓱᐊᖃᑎᖃᑦᓯᐊᕈᓐᓇᓗᓂ ᐱᓇᓱᕝᕕᐅᔪᓂᒃ, ᐳᕐᑐᓂᕐᓴᓂᒃ, ᐊᐅᓚᑦᓯᔨᓐᓂᒃ, ᐃᓕᓐᓂᐊᑎᑦᓯᔨᓐᓂᒃ ᐊᓯᖏᓐᓂᓗ.

·       ᐊᐅᓚᑦᓯᒍᓐᓇᓗᓂ ᐊᒥᓱᓂᒃ ᐱᔭᕇᒋᐊᓕᓐᓂᒃ.

·       ᑐᑭᑖᕆᐊᓕᓐᓂᒃ ᑐᑭᑖᕆᒍᓐᓇᓗᓂ, ᖃᕆᑕᐅᔭᐅᑉ ᐃᓗᓕᖏᓐᓂᒃ ᖃᐅᔨᓴᕈᓐᓇᓗᓂ, ᖃᕆᑕᐅᔭᓕᕆᐅᑎᓂᓪᓗ.

·       ᐃᕐᖃᓱᑦᓯᐊᓗᓂ, ᐅᒃᑯᐃᖔᕐᓂᖃᑦᓯᐊᓗᓂ, ᐃᓄᑐᐃᓐᓇᓂᒃ ᐱᓇᓱᑦᑎᓂᒃ ᐱᒍᑦᔨᕆᐊᖃᓕᕈᓂ ᓯᕗᓪᓕᐅᔨᑦᓯᐊᖃᑦᑕᓂᒃᑯᑦ.

·       ᐊᕐᕕᑕᕈᓐᓇᕆᐊᓕᒃ ᓄᓇᕕᒻᒧᑦ ᐊᕐᕕᑕᕆᐊᖃᓕᕈᓂ.

·       ᑕᕐᕋᒥ ᖃᐅᔨᒪᓂᖃᕐᓗᓂ ᐱᐅᔫᒐᔭᕐᑐᖅ.

 

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐃᓂᒋᔭᖓ 00-08* ᒪᓕᑦᓱᒍ ᐊᐅᓚᑦᓯᔨᐅᓂᖓ / ᐱᒋᐊᕐᓗᓂ $104,152-ᒥᒃ $138,867-ᒧᑦ ᐊᕐᕌᒍᑕᒫᑦ ᒪᓕᓪᓗᒋᑦ ᐱᒍᓐᓇᐅᑎᒋᒋᐊᓕᖏᑦ ᐊᒻᒪᓗ ᐱᓇᓱᐊᕐᓯᒪᓂᖏᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

 

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ: ·       30 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ ·       ᖁᓕᓐᓄᑦ (10) ᐊᑭᓕᕐᑕᐅᓱᓂ ᖃᓄᐃᒍᓐᓀᕋᓱᐊᕐᓂᒧᑦ ᐅᓪᓗᐃᑦ  ·       ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ ·       ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ ·       ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ ·       ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ: ·     ᐊᐅᔭᒥ ᐱᓇᓱᐊᕐᕕᓴᖅ ·     ᐃᑲᔪᕐᓯᐅᑏᑦ ᐅᑭᐅᕐᑕᑐᒥᐅᓂ ᐃᒣᓪᓗᐊᖑᕗᑦ $12,178 ᒥᑦ $25,326 ᒧᑦ ·     ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ ·     ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ ·     ᐱᒍᒥᓇᕐᑎᓯᐅᑏᑦ ᐱᓇᓱᑦᑎᙯᓐᓇᓂᕐᒧᓗ ᐃᓚᒋᐊᕈᑏᑦ ᐃᒣᓪᓗᐊᖑᕗᑦ $3,000 ᒥᑦ 9,000 ᒧᑦ ·     ᐱᖓᓱᕕᓪᓗᓂ ᐅᑎᕈᑎᓕᓐᓂᒃ ᖃᖓᑦᑕᐅᑏᑦ ᓄᓇᕕᒻᒥ ᐱᑦᓱᑎᒃ ·     ᐃᓪᓗᖃᕐᑎᑕᐅᓂᖅ ᐃᑲᔪᕐᓯᐅᑎᓕᓐᓂᒃ

 

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00pm, ᒣ 13, 2026 ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ: 1)       ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ   2)       ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ COORDITSI2604-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

 

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.