ᒪᑭᑕᒐᓱᐊᕐᓂᓕᕆᓂᕐᒥ ᐃᑲᔪᕐᑎᒃ ᑲᒪᔨᒻᒪᕆᒃ - Makivik

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ 

ᑭᓇᒃᑰᓂᕗᑦ

ᒪᑭᕝᕕᒃ , ᑎᒥᐅᔪᖅ ᐱᖁᔭᓕᕆᓂᕐᒥ ᐱᓇᓱᐊᓲᖅ ᑭᒡᒐᑐᕐᓱᓂ ᐃᓄᓐᓂᒃ ᓄᓇᕕᒻᒥ 1978ᒥᓂᑦ. ᒪᑭᕝᕕᑎᒍᑦ ᑎᒥᐅᔪᖁᑎᕗᑎᒍᓪᓗ, ᒪᑭᕝᕕᒃ ᐱᕕᑦᓴᓕᐅᖃᑦᑕᓯᒪᓕᕐᑐᖅ ᓄᓇᕕᒻᒧᑦ ᐃᓚᐅᔪᓂᑦ ᓄᓇᕕᒻᒦᑐᓂᓗ, ᐅᓪᓗᒥᓗ 500 ᐅᖓᑖᓂ ᐱᓇᓱᑦᑎᖃᓕᕐᑐᖅ ᓄᓇᕕᒻᒥᐅᓂᑦ ᐱᓇᓱᑦᑎᒋᔭᐅᔪᓂᑦ ᒪᑭᕝᕕᑯᓄᑦ ᐊᓪᓚᕕᑦᑎᓂ ᑎᒥᐅᔪᖁᑎᑦᑎᓂᓗ.

ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᒃ.

ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ. 

ᐱᓇᓱᒐᖅ

ᐱᓇᓱᒐᖅ: ᒪᑭᑕᒐᓱᐊᕐᓂᓕᕆᓂᕐᒥ ᐃᑲᔪᕐᑎᒃ ᑲᒪᔨᒻᒪᕆᒃ

ᐊᖓᔪᕐᖄᖃᕐᓱᓂ: ᑐᑭᒧᐊᑦᑎᓯᔨᐅᖃᑎᒃ ᑮᓇᐅᔭᑎᒍᑦ ᒪᑭᑉᐸᓕᐊᒐᓱᓐᓂᓕᕆᓂᕐᒥ

ᓇᓃᓐᓂᖓ: ᑰᑦᔪᐊᖅ ᐅᕝᕙᓘᓐᓃᑦ ᒪᓐᑐᔨᐊ

ᖃᓄᐃᓕᖓᓂᖓ ᐱᓇᓱᒐᐅᑉ: ᐊᑌᓐᓇᑐᖅ, ᐅᓪᓗᓕᒫᕐᓯᐅᑎᒃ

ᐃᓱᓕᕝᕕᖓ ᐅᓪᓗᒃ: ᐊᐅᒡᒍᓯ 26, 2025 

ᑮᓇᐅᑦᔭᓵᑦ ᐱᕙᓪᓕᖁᑎᖏᓪᓗ

ᑮᓇᐅᑦᔭᓵᖏᑦ: ᐊᑯᓐᓂᖏᓐᓂ $85,000 ᐊᒻᒪᓗ $120,000 ᐊᕐᕌᒍᑕᒫᑦ

ᐱᕙᓪᓕᖁᑎᖏᑦ: ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:

▪ ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ

▪ ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500

▪ ᐊᒥᓱᐃᓄᑦ ᐃᒻᒪᖃᐅᑎᑦ

▪ ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500

▪ ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ

▪ ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000

▪ ᖃᓂᒪᓂᕐᒧᑦ: 15 ᐅᓪᓗᐃᑦ

▪ ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000

▪ ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ

ᑲᒪᒋᔭᑦᓴᔭᖏᑦ

▪ ᓯᕗᓕᕐᓗᓂ ᐱᕙᓪᓕᐊᑕᐅᓂᖓᓂᒃ ᑐᑭᓯᓇᑦᓯᐊᑑᓗᓂ, ᐃᓚᐅᑎᑦᓯᓂᕐᒧᑦ ᒪᑭᕝᕕᑯᓂᒃ ᑮᓇᐅᔭᓕᐅᕆᐊᓪᓚᒍᑎᐅᒍᓐᓇᑐᓂᒃ ᐱᕕᑦᓴᓯᐊᓂᒃ ᑐᖕᖓᕕᖃᕐᓗᓂ ᐅᓐᓂᑑᑎᓕᐊᖑᔪᓂᑦ ᐳᕐᑐᓂᕐᓴᓄᑦ ᐊᒻᒪᓗ ᑮᓇᐅᔭᓕᐅᕆᐊᓪᓚᕈᑎᓕᕆᓂᕐᓄᑦ ᕿᒥᕐᕈᓂᕐᒥᒃ ᑲᑎᖕᖓᔨᖏᓐᓂᑦ;

▪ ᐃᑲᔪᕐᓯᓗᓂ ᐱᓇᓱᑦᑎᓂᑦ ᐳᕐᑐᓂᕐᓴᓂᑦ ᑲᒪᔨᒻᒪᕆᓂᑦ ᑐᓴᕐᑎᓯᖃᑦᑕᓗᓂ ᐋᕐᖀᒋᐊᕐᓂᖃᕐᑎᐅᓗᓂᓗ ᓇᒻᒥᓂᕆᔭᐅᔪᓂᑦ ᐊᐅᓚᑦᓯᒍᓯᕐᓂᑦ ᐱᖁᔭᓂᑦ;

▪ ᐊᑕᐅᑦᓯᑯᓕᕐᑎᓯᓗᓂ ᓄᐃᑕᐅᓂᑦᓴᖏᓐᓂᑦ ᑲᔪᓯᓕᕐᑎᑕᐅᓂᑦᓴᖏᓐᓂᓗ ᐃᑲᔪᕐᓯᒍᑏᑦ ᑐᖕᖓᕕᐅᓂᐊᕐᑐᐃᓗ ᐱᐅᓯᐅᒥᑎᑦᓯᓂᕐᒧᑦ ᑐᖕᖓᕕᐅᔪᓂᑦ ᐊᑯᓂᕐᑐᒧᓕᖓᔪᓂᑦ ᖃᓄᐃᓗᕈᑎᑦᓴᒥᒃ ᑕᑯᓐᓇᐅᔮᕐᑕᒥᒃ ᑮᓇᐅᔭᑎᒍᑦ ᐱᕙᓪᓕᐊᑎᑦᓯᓂᓕᕆᓂᕐᒧᑦ ᐊᓪᓚᕕᖓᓂᒃ;

▪ ᕿᓂᕐᓗᓂ, ᕿᒥᕐᕈᓗᓂ ᐱᕙᓪᓕᐊᑎᑦᓯᓗᓂᓗ ᒪᑭᑕᒐᓱᐊᕈᑎᐅᒍᓐᓇᑐᓂᑦ ᒪᑭᕝᕕᒃ ᑯᐊᐳᕆᓴᓐᒧᑦ;

▪ ᐱᕕᑦᓴᐅᒍᓐᓇᑐᓂᑦ ᑲᒪᒋᔭᖃᕐᓗᓂ ᕿᒥᕐᕈᓂᒃᑯᑦ ᖃᓄᐃᓕᖓᒍᑎᐅᒍᓐᓇᑐᓂᑦ ᒪᑭᑕᒐᓱᐊᕈᑎᓕᕆᓂᕐᓂ, ᑲᒪᒋᔭᖃᕐᓗᓂ ᐊᑑᑎᔭᐅᒋᐊᓕᓐᓂᑦ, ᑮᓇᐅᔭᑎᒍᑦ ᒪᑭᑕᒐᓱᐊᕈᑎᓂᑦ ᐱᓇᓱᒐᓂᓗ ᓄᐃᑦᓯᒍᑎᐅᒍᓐᓇᑐᓂᑦ, ᑮᓇᐅᔭᓕᐅᕐᓂᓂᑦ, ᕿᒥᕐᕈᓂᕐᒥᒃ ᐊᑐᑎᔭᐅᒍᓐᓇᑐᓂᑦ, ᐱᒍᑦᔨᕕᒻᒥ ᓯᕗᓪᓕᐅᔭᐅᒋᐊᓕᓐᓂᑦ ᑲᒪᒋᔭᖃᕐᓗᓂ ᐅᓐᓂᑑᑎᓕᐅᕐᓗᓂᓗ ᑮᓇᐅᔭᓕᐅᕆᐊᓪᓚᒍᑎᐅᒍᓐᓇᑐᓂᑦ;

▪ ᖃᐅᔨᒐᓱᓪᓗᓂ ᐃᓚᐅᑎᑕᐅᒍᓐᓇᒪᖔᑕ ᓄᑖᑦ ᐱᓇᓱᑦᑕᐅᒍᓐᓇᑐᐃᑦ ᒫᓐᓇᐅᑎᓪᓗᒍ ᓇᒻᒥᓂᕆᔭᐅᔪᓄᑦ ᒪᑭᑕᒐᓱᐊᕈᑎᓄᑦ, ᖃᓄᐃᓗᕈᑎᑦᓴᓂᑦ ᐊᐅᓚᒍᑎᐅᔪᓂᓗ, ᕿᒥᕐᕈᓗᓂ ᐊᑦᑕᓇᕐᑐᒥᒍᑎᐅᒍᓐᓇᑐᓂᑦ ᐱᕕᑦᓴᓯᐊᖑᒍᓐᓇᑐᓂᓗ ᕿᒥᕐᕈᓯᐊᕐᓂᑯᑦ ᖃᓄᐃᓗᕈᓯᕐᓂᑦ (ᓄᐊᑦᓯᓂᖅ ᐊᒻᒪᓗ ᕿᒥᕐᕈᓂᖅ ᑮᓇᐅᔭᓕᕆᓂᕐᓅᓕᖓᔪᓕᒫᓂᑦ, ᕿᒥᕐᕈᓂᖅ ᒪᑭᑕᒐᓱᐊᕈᑎᓂᑦ ᐃᓚᐅᑎᓪᓗᒋᑦ ROI, NPV, IRR ᐅᓐᓂᑑᑎᓕᐅᕐᓗᓂᓗ ᒪᑭᑕᒐᓱᐊᕈᑎᓂᑦ ᐱᓇᓱᑦᑕᐅᒍᓐᓇᑐᓂᑦ);

▪ ᖃᐅᔨᓴᕐᓗᓂ ᐊᑐᐃᓐᓇᕈᕐᑎᓗᓂᓗ ᒪᑭᑕᒐᓱᐊᕈᑎᒥᒃ ᐸᕐᓀᕈᑎᓂᒃ ᐊᑦᔨᒋᖕᖏᑐᓂᑦ ᐊᕕᑦᑐᓯᒪᔪᓂᑦ ᐃᓚᐅᑎᓪᓗᒍ ᑑᑖᓐᓇᑑᒐᓂᓗ): ᐅᔭᕋᕐᓂᐊᓂᕐᒥ, ᐃᑯᒪᓕᐅᕐᓂᒥᒃ, ᐳᓚᕋᕐᑐᓕᕆᓂᕐᒥᒃ, ᐃᖃᓪᓕᐊᓂᕐᒥᒃ, ᐃᓪᓗᒪᕆᓂᓗ ᓂᐅᕕᐊᑦᓴᖃᕐᓂᓂ;

▪ ᐱᓇᓱᖃᑎᖃᕐᓗᓂ ᐱᓇᓱᑦᑎᓂᑦ ᐃᓂᓪᓚᑎᕆᓗᑎᑦ ᑲᓱᕐᑎᓯᓂᕐᓂᑦ / ᐱᑖᕐᓂᓂᑦ, ᐃᓚᐅᑎᓪᓗᒍ ᐊᖏᖃᑎᒌᒐᓱᓐᓂᖅ ᐊᑦᔨᒌᑎᑦᓯᓯᐊᕐᑐᒥᒃ ᐊᖏᖃᑎᒌᒐᓱᓐᓂᒥᒃ, ᐱᓇᓱᑦᑎᖃᓚᐅᕐᑐᓂᕐᓂᑦ, ᑮᓇᐅᔭᓕᕆᓂᕐᒥᒃ ᐊᒻᒪᓗ ᓯᕗᓂᕐᒥᒃ ᐱᖁᔭᑎᒍᑦ ᑲᒪᒋᔭᐅᒋᐊᓕᓐᓂᑦ;

▪ ᐊᐅᓪᓚᑲᑦᑕᕈᓐᓇᓗᓂ, ᐊᐅᓪᓚᖁᔭᐅᓕᕈᓂ;

▪ ᐊᓯᖏᓐᓂᑦ ᐱᓇᓱᓪᓗᓂ ᐱᓇᓱᒐᖓᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᒍᓂ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ

▪ ᐃᓕᓐᓂᐊᕕᕐᔪᐊᒥ ᐱᔭᕆᕈᑎᖃᕐᓗᓂ - MBA ᐱᐅᔪᒐᔭᕐᑐᖅ ᐊᒻᒪᓗ / ᐅᕝᕙᓗᓐᓃᑦ ᐊᑦᔨᐸᓱᖓᓂᒃ ᐱᓇᓱᑦᓯᒪᓗᓂ;

▪ ᐃᑭᓐᓂᐹᖃᕐᓗᓂ ᑕᓪᓕᒪᓂᑦ (5ᓂ)ᑦ ᐊᕐᕌᒍᕐᓂᑦ ᐱᓇᓱᑦᑎᐅᓯᒪᓗᓂ;

▪ ᑐᑭᓯᒪᖃᑎᒌᓐᓂᖃᕈᓐᓇᓯᐊᕐᓗᓂ ᒪᕐᕈᔪᐊᓐᓂᒃ (2) ᐅᖃᐅᓰᓐᓂᒃ ᐱᖓᓲᑎᓪᓗᒋᑦ (3) ᐅᖃᐅᓯᕐᓂᑦ ᐅᖄᔭᐅᓲᓂᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ/ᒍᐃᒍᐃᑎᑐᓗᓐᓃᑦ;

▪ ᖃᕆᑕᐅᔭᒦᑦᑐᓂᑦ ᐊᑐᕈᓐᓇᓯᐊᕐᓗᓂ: Microsoft Suite (Excel, Word, PowerPoint, ᐊᓯᖏᓐᓂᓗ);

▪ ᓯᕗᓕᕈᓐᓇᓯᐊᕐᓗᓂ, ᑐᓴᐅᒪᑎᑦᓯᒍᓐᓇᓯᐊᕐᓗᓂ, ᐊᒻᒪᓗ ᕿᒥᕐᕈᒍᓐᓇᓯᐊᕐᓗᓂ;

▪ ᐊᓯᒥᓂᒃ ᒪᑭᑕᒐᓱᐊᕐᓂᓕᕆᓂᕐᒥ ᐱᓇᓱᖃᑎᖃᓕᓂᐅᓗᓂ ᑲᕙᒪᒥᓗ;

▪ ᐊᓪᓚᒍᓐᓇᓗᓂ ᑐᓴᕐᑎᓯᒍᑎᓂᑦ, ᐱᓇᓱᑦᑕᐅᔪᑦᓴᓂᑦ ᐊᒻᒪᓗ ᑮᓇᐅᔦᓕᕿᒍᑎᓂᑦ;

▪ ᖃᐅᔨᒪᓗᓂ ᐃᓅᖃᑎᒌᓄᓕᖓᔪᓂᑦ, ᐊᕙᑎᒧᓕᖓᔪᒥᒃ, ᑮᓇᐅᔭᑎᒍᓗ ᐱᓀᓗᑕᓂᑦ ᓱᕐᕃᔪᓂᑦ ᒪᑭᑕᒐᓱᐊᕈᑎᓂᑦ ᐅᑭᐅᕐᑕᑐᒥ ᐱᐅᔪᒐᔭᕐᑐᖅ;

▪ ᖃᐅᔨᒪᓗᓂ ᐱᓇᓱᑦᑎᐅᓯᒪᓗᓂᓗᓐᓃᑦ ᑯᐊᐳᕆᓴᒻ, ᖃᓄᐃᓗᕋᓱᒍᑎᓕᕆᓕᓂᐅᓗᓂ ᒪᑭᑕᒐᓱᐊᕐᓂᓕᕆᓂᕐᒧᑦ ᐸᕐᓀᓂᕐᒥᒃ ᐊᒻᒪᓗ / ᑲᓱᕐᑎᓯᓂᕐᓂᑦ ᐊᒻᒪᓗ ᐱᑖᕐᓂᓂᑦ, ᐃᓅᖃᑎᒌᓄᑦ ᑐᖕᖓᕕᐅᔪᓂᑦ;

▪ ᖃᐅᔨᒪᓗᓂ ᔦᒻᔅ ᐯ ᑯᐯᒃᓗ ᑕᕐᕋᖓᓂᒃ ᐊᖏᖃᑎᒌᒍᑎᖓᓂᒃ ᐊᒻᒪᓗ ᓄᓇᕕᒻᒥ ᐃᓄᐃᑦ ᓄᓇᑖᕐᓂᓄᑦ ᐊᖏᖃᑎᒌᒍᑎᖓᓂᒃ ᐱᐅᔪᖓᔭᕐᑐᖅ.

ᖃᐅᔨᒋᑦ ᐊᑦᔨᐅᖏᑦᑐᒥᒃ ᐱᓇᓱᒐᑦᓴᓯᐊᒥᒃ ᐊᓕᐊᓇᕐᑐᒥᒃ ᐱᓇᓱᒐᕐᒥᒃ ᒪᑭᕝᕕᑯᓂ 

ᐱᓇᓱᒍᒪᒍᑎᓂᒃ ᐊᐅᓪᓚᑎᑦᓯᒋᑦ ᐅᕝᕙᓗᓐᓃᑦ ᑕᑯᓂᐊᕐᑎᒍᑦ ᐅᕙᓂ www.Makivvik.ca/jobs, ᐊᐅᓪᓚᑎᑦᓯᓗᑎᓗᓐᓃᑦ ᐃᓕᓐᓂᐊᓯᒪᔭᑎᓐᓂᒃ ᐱᓇᓱᒐᕆᓯᒪᔭᑎᓐᓂᒃ /ᐱᓇᓱᒐᕐᑖᕈᒪᒍᑎᓐᓂᓗᓐᓃᑦ ᐊᓪᓚᖁᑎᖏᓐᓂᑦ ᐅᕗᖓ: HR@makivvik.ca

ᒪᑭᕝᕕᒃ ᑐᕌᕐᑐᖅ ᓂᕈᐊᕐᓯᒪᓂᕐᓴᐅᓚᖓᓗᓂ ᑫᓪᓗᐊᓚᖓᓗᓂᓗ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐃᓚᐅᔪᓂᒃ JBNQA-ᒥ.

ᓇᑯᕐᒦᐳᒍᑦ ᑖᑦᓱᒥᖓ ᐱᓇᓱᒐᕐᒥᒃ ᐱᔪᒪᔪᓕᒫᓂᒃ.

ᐱᒍᒪᐅᑎᓖᑦ ᐊᐱᕐᓱᕈᒪᒪᓗᒋᑦ ᓇᓗᓀᕐᑕᐅᔪᑦ ᐅᖃᕐᕕᑑᓚᖓᔪᑦ.