ᓂᐅᕕᕐᑎᒃ - KRG

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᓄᓇᓕᓐᓂᒃ ᐊᐅᓚᑦᓯᔨᐅᔪᖅ ᐊᐅᓚᑦᓯᒍᓐᓇᐅᑎᖃᕐᓱᓂ ᑯᐯᑉ ᑕᕐᕋᖓᓃᑦᑐᓂᒃ 55 ᐃᑳᖓᔫᑉ ᖁᓛᓂ, ᒫᓐᓇᐅᑎᓪᓗᒍ ᕿᓂᕐᖁᖅ ᐱᒍᓇᐅᑦᓯᖓᑦᓯᐊᑐᒥᒃ ᕿᑦᑌᖓᑦᓯᐊᑐᒥᒃ ᐃᓄᒻᒥᒃ ᐱᓇᓱᑦᑎᐅᖃᑎᐅᒍᒪᒐᔭᕐᑐᒥᒃ KRG-ᒃᑯᓄᑦ ᐱᓇᓱᓪᓗᓂ ᐃᒣᑦᑐᒥᒃ:

ᓂᐅᕕᕐᑎᒃ

(ᐊᑌᓐᓇᑐᖅ - ᐅᓪᓗᓕᒫᕐᓯᐅᑎᒃ ᐱᓇᓱᒐᖅ)

ᓂᐅᕕᕐᑎᒃ ᑲᒪᒋᔭᑦᓴᔭᓕᒃ ᓂᐅᕕᕐᓂᓂᒃ ᐊᒻᒪᓗ ᐃᑉᐱᒋᔭᖃᑦᓯᐊᓗᓂ ᒪᓕᑦᓯᐊᒪᖔᑕ KRG-ᒃᑯᑦ ᒪᓕᒐᖏᑦᑕ ᑐᕌᒐᖏᓐᓂᒃ ᐃᑉᐱᒋᔭᖃᕐᓗᓂ ᐱᓇᓱᑦᑕᖏᓐᓂ ᐱᓇᓱᖃᑎᖃᕐᓗᓂ ᐊᑦᔨᒌᖕᖏᑐᓂᒃ KRG-ᒃᑯᑦ ᐱᒍᑦᔨᕕᖏᓐᓂᒃ ᐊᓪᓚᕕᓂᒃ, ᐊᖏᖃᑎᒌᒐᓱᓐᓂᖅ ᓂᐅᕕᕐᕕᐅᔪᓂᒃ, ᐱᓪᓗᑯᒋᐊᓕᑎᒍᕐᑐᓂᒃ ᑲᒪᒋᔭᖃᕐᓗᓂ ᓂᐅᕕᕐᓂᒧᓕᖓᔪᓂᒃ. ᐱᓇᓱᒋᐊᓕᖏᑦ ᐅᑯᓂᖓ ᐃᓚᖃᕐᖁᑦ, ᑖᒃᑯᑑᒐᑎᓗ:

ᓂᐅᕕᕐᑎᒃ ᑲᒪᒋᔭᑦᓴᔭᓕᒃ ᑲᔪᓯᑎᑦᓯᓗᓂᓗ ᓂᐅᕕᕐᓂᓂᒃ ᐃᑉᐱᒋᔭᖃᕐᓗᓂᓗ ᒪᓕᑦᓯᐊᒪᖔᑕ KRG-ᒃᑯᑦ ᓂᐅᕕᕐᓂᓄᑦ ᐱᖁᔭᖏᓐᓂᒃ ᑮᓇᐅᔭᕐᑑᑎᑦᓴᓕᐊᕕᓂᕐᓂᓗ ᒪᓕᑦᑕᐅᒋᐊᓕᓐᓂᒃ. ᓂᐅᕕᕐᑎᒃ ᐃᑲᔪᕐᓯᖃᑦᑕᓂᐊᕐᑐᖅ ᐱᓇᓱᑦᑕᐅᒋᐊᓕᓐᓂᒃ ᓂᐅᕕᕐᓂᓂ ᐱᓇᓱᑦᑕᐅᔪᓂᒃ, ᐱᓇᓱᖃᑎᖃᕐᓗᓂ KRG-ᒃᑯᑦ ᐱᒍᑦᔨᕕᖏᓐᓂᒃ, ᐱᓇᓱᖃᑎᖃᑦᓯᐊᓗᓂ ᓯᓚᑖᓂ ᐱᓯᒪᔪᓂᒃ ᐃᓚᐅᔪᓂᒃ.

ᐱᓇᓱᒋᐊᓕᖏᑦ

• ᖃᐅᑕᒫᑦ ᓂᐅᕕᕐᓂᐊᓗᓂ ᒪᓕᓪᓗᓂ ᓂᐅᕕᕐᑕᐅᖁᔭᐅᔪᓂᒃ KRG-ᒃᑯᑦ ᐱᒍᑦᔨᕕᖏᓐᓂ ᐱᓯᒪᔪᓂᒃ, ᖃᖓᐅᓂᑦᓴᖏᑦ ᒪᓕᑦᑕᐅᑎᑦᓯᐊᓗᒋᑦ ᑲᔪᓯᑎᓗᒋᑦ ᑭᖕᖒᒪᒋᔭᐅᔪᑦ ᒪᓕᓪᓗᓂ KRG-ᒃᑯᑦ ᓂᐅᕕᕐᓂᒧᑦ ᐱᖁᔭᖏᓐᓂᒃ ᑮᓇᐅᔭᕐᑑᑎᑦᓴᓕᐊᕕᓂᕐᓂᓗ ᐃᑉᐱᒋᔭᖃᕐᓗᓂ.

• ᑎᑭᓭᒍᑎᓕᐅᕐᓗᓂ ᑎᑭᓭᕕᓐᓄᑦ, ᓱᓕᑦᓯᐊᑐᓂᒃ ᑐᑭᓯᓇᑦᓯᐊᑐᓂᓗ ᑐᓴᐅᒪᖃᑎᒌᒍᑎᓂᒃ ᐊᓪᓚᐸᓪᓗᓂ, ᑐᓴᐅᒪᔭᐅᑎᑦᓯᓯᐊᕐᓗᓂ ᑐᑭᓯᒪᔭᐅᒋᐊᓕᓐᓂᒃ ᐱᒍᑦᔨᕕᐅᑉ ᐃᓗᐊᓂ ᐃᓚᐅᔪᓄᑦ ᑐᑭᓯᒪᓂᐊᕐᒪᑕ ᑎᑭᓴᕐᑕᕕᓂᖏᑦ ᖃᓄᐃᓕᖓᓕᕐᒪᖔᑕ.

• ᑲᒪᒋᐊᕐᐸᓗᓂ ᑎᑭᓴᕐᑕᕕᓂᕐᓂᒃ, ᖃᐅᔨᓗᓂ ᑎᑭᑕᐅᕕᑦᓴᖏᓐᓂᒃ ᐅᓪᓗᓂᒃ, ᑐᓴᕐᑎᓯᓗᓂᓗ ᐱᒍᑦᔨᔭᒥᓂᒃ ᖃᓄᐃᓕᖓᓕᕐᒪᖔᑕ, ᑐᑭᓯᓇᑦᓯᐊᓗᓂ ᐊᒻᒪᓗ ᑲᒪᒋᐊᑲᐱᑉᐸᓗᓂ ᓇᓪᓕᑐᐃᓐᓇᖏᓐᓂᒃ ᑭᖑᕙᕆᐊᕈᑎᐅᒍᓐᓇᑐᓂᒃ.

• ᐱᓇᓱᖃᑎᖃᕐᓗᓂ ᐳᕐᑐᓂᕐᓴᓂᒃ ᓂᐅᕕᕐᑎᓂᒃ ᐊᑐᐃᓐᓇᕈᕐᑎᓗᑎᒃ ᐊᑭᑭᓐᓂᐹᕐᓯᐅᒍᑎᓂᒃ, ᓇᐅᓕᒫᓄᓕᖓᔪᓂᒃ ᐅᕝᕙᓗᓐᓃᑦ ᐱᓇᓱᑦᑎᒋᔭᐅᒐᓱᑦᑐᓂᓗᓐᓃᑦ ᑐᕃᓐᓇᑐᒥᒃ, ᐱᓇᓱᖃᑎᖃᑦᓯᐊᓗᓂ KRG-ᒃᑯᑦ ᐱᒍᑦᔨᕕᖏᓐᓂ ᑲᔪᓯᑎᑕᐅᒍᓐᓇᓂᐊᕐᒪᑕ ᐃᓂᓪᓚᑎᕐᑕᐅᒪᔪᐃᑦ ᐊᒻᒪᓗ ᐊᓪᓚᖁᑎᓕᒫᖏᑦ ᐱᖁᔭᓕᕆᓂᕐᒥ ᐱᑕᖃᕆᐊᓕᓕᒫᑦ.

• ᕿᓂᕐᐸᓗᓂ ᐱᐅᓂᕐᐹᓂᒃ ᐊᑭᑭᓐᓂᐸᐅᒍᓐᓇᑐᓂᒃ ᓂᐅᕕᕐᑕᐅᒋᐊᓕᓕᒫᓂᒃ ᐱᒍᑦᔨᒍᑎᐅᒋᐊᓕᓐᓂᓗ ᓂᐅᕕᕐᑕᐅᔪᓂᒃ KRG-ᒃᑯᓄᑦ, ᑐᑭᓯᓇᑦᓯᐊᑐᓂᒃ ᐊᑭᓕᐊᖑᔪᓂᒃ ᕿᒥᕐᕈᐸᓪᓗᓂ, ᑐᓂᔨᓗᓂᓗ ᖃᐅᔨᔭᒥᓂᒃ ᐃᓚᐅᔪᓄᑦ ᐃᑲᔪᕐᓯᒍᑎᐅᓂᐊᕐᑐᓂᒃ ᑐᑭᑖᕐᓂᐅᔪᓂᒃ.

• ᖃᐅᔨᓴᕐᓗᓂ ᓇᓗᓀᕐᓯᓗᓂᓗ ᐊᑦᔨᒌᖏᑐᓂᒃ ᓂᐅᕕᕐᕕᐅᒍᓐᓇᑐᓂᒃ KRG-ᒃᑯᑦ ᐱᓇᓱᑦᑕᖏᓐᓄᑦ, ᐊᑐᐃᓐᓇᖃᕐᓗᓂ ᑐᑭᓯᓇᑦᓯᐊᑐᒥᒃ ᓂᐅᕕᕐᓂᓄᑦ ᓄᐊᑕᐅᒪᕕᒻᒥᒃ ᑐᑭᓯᒪᖃᑎᒌᒍᓐᓇᓯᐊᕐᓂᐊᒪᑕ ᓂᐅᕕᐊᑦᓴᓖᑦ ᐱᒍᑦᔨᒍᓐᓇᓂᐊᕐᒪᑕ ᐊᑦᔨᒋᖕᖏᑐᓂᒃ ᓂᐅᕕᕐᑕᐅᒋᐊᓕᓐᓂᒃ ᑭᖕᖒᒪᒋᔭᐅᔪᓂᒃ.

• ᐊᖏᖃᑎᒌᓐᓂᖃᕋᓱᓪᓗᓂ ᓂᐅᕕᐊᑦᓴᓕᓐᓂᒃ ᐊᑭᑭᓐᓂᐸᐅᒍᓐᓇᕕᓕᒫᖓᒍᕐᑐᒥᒃ, ᑐᑭᖏᓐᓂᒃ, ᐊᐅᓪᓚᑎᑦᓯᓂᕐᒥᒃ ᖃᓄᐃᓕᖓᓂᐅᒐᔭᕐᑐᓂᒃ ᑭᖕᖒᒪᒋᔭᐅᔪᓂᒃ ᐱᖁᑎᓂᒃ, ᓂᐅᕕᕐᕕᓴᓕᐊᖑᒪᔪᐃᑦ ᑲᔪᓯᑎᑦᓯᒍᓐᓇᓯᐊᕐᒪᖔᑕ ᐅᓪᓗᖏᑦ ᒪᓕᓪᓗᒋᑦ ᑐᑭᑖᕐᑕᐅᒪᔪᐃᑦ, ᐅᓄᕐᓂᖏᑦ, ᖃᐅᔨᓴᕐᓯᒪᑦᓯᐊᓗᓂ QA-ᖑᓂᕋᕐᑕᐅᔪᒥᒃ ᓱᓇᐅᑦᓯᐊᓂᖏᓐᓂᒃ ᐱᓇᓱᖃᑎᖃᑦᓯᐊᓗᓂ ᐊᑯᓂᕐᑐᒥᒃ ᑲᑐᑦᔨᖃᑎᒌᓪᓗᑎᒃ.

• ᐃᓚᐅᓗᓂ ᐱᓪᓗᑯᒋᐊᓕᑎᒍᕐᑐᓕᕆᓂᕐᓄᑦ ᑎᑭᓴᕐᑕᐅᔪᓂᒃ ᐅᒥᐊᕐᔪᐊᑯᕐᑐᓴᓂᒃ, ᖃᖓᐅᓂᑦᓴᖏᓐᓂᒃ ᐋᕐᕿᓱᐃᖃᑎᐅᓗᓂ ᐊᐅᓪᓚᑎᑕᐅᓂᑦᓴᖏᓐᓂᓗ ᑎᑭᕝᕕᓴᓕᐊᖑᒪᔪᑦ ᒪᓕᓪᓗᒋᑦ ᑎᑭᑕᐅᑦᓯᐊᓂᖏᓐᓂᓗ ᓂᐅᕕᕐᑕᐅᔪᕕᓃᑦ.

• ᓄᐊᑦᓯᓗᓂ ᑐᓂᔨᓗᓂᓗ ᑐᓴᕐᑎᓯᒍᑎᒥᒃ ᐊᕐᕌᒍᑕᒫᑦ ᒪᕐᕈᕕᑦᓱᓂ ᖃᖓᑦᑕᔪᒃᑯᑦ ᐅᒥᐊᕐᔪᐊᑯᓗ ᐊᐅᓪᓚᑎᑕᕕᓃᑦ ᑐᓴᕐᑎᓯᒍᑎᖏᓐᓂᒃ, ᕿᒥᕐᕈᓗᓂ ᐊᐅᓪᓚᑎᑕᐅᔪᑦ ᖃᓄᐃᓕᖓᓂᕕᓂᖏᓐᓂᒃ ᐊᒻᒪᓗ ᐅᖃᕐᓗᓂ ᐱᐅᓯᐅᒥᒋᐊᕈᑎᐅᒍᓐᓇᑐᓂᒃ ᓯᕗᓂᕐᒥ ᐊᐅᓚᑕᐅᒐᔭᕐᑐᓂᒃ ᐊᑭᑭᓐᓂᓴᐅᒍᓐᓇᓂᐅᒐᔭᕐᑐᓂᓗ.

• ᐱᓇᓱᖃᑎᖃᑦᓯᐊᕈᓐᓇᓗᓂ ᐱᓇᓱᖃᑎᖃᑯᑖᕈᓐᓇᓗᓂ ᓂᐅᕕᕐᕕᐅᔪᓂᒃ, ᑐᓴᐅᒪᖃᑎᒌᓐᓂᖃᕐᓯᐊᓗᓂ ᐱᓀᓗᑕᓂᒃ ᐋᕐᖀᒋᐊᕐᓂᓄᑦ ᑐᑭᓯᒪᖃᑎᒌᑦᓯᐊᓗᑎᒃ ᓂᕆᐅᒋᔭᐅᔪᓂᒃ.

• ᐱᓇᓱᖃᑎᖃᑦᓯᐊᓗᓂ KRG-ᒃᑯᑦ ᐱᒍᑦᔨᕕᖏᓐᓂᒃ ᒪᓕᑦᑎᓯᐊᕐᓗᒋᑦ ᓂᐅᕕᕐᓂᓄᑦ ᐱᓇᓱᑦᑕᐅᔪᓂᒃ ᒪᓕᓪᓗᑎᒃ ᑎᒥᐅᔪᑉ ᑐᕌᒐᖏᓐᓂᒃ, ᐃᓚᐅᖏᓐᓇᓯᐊᕐᓗᓂ ᐱᒍᑦᔨᕖᑦ ᐊᑦᔨᒌᖕᖏᑐᐃᑦ ᑲᑎᖕᖓᖃᑎᒌᓐᓂᖏᓐᓄᑦ ᓇᓗᓀᕐᓯᓗᑎᒃ ᑲᒪᒋᐊᕐᓗᑎᓗ ᓂᐅᕕᕐᑕᐅᒋᐊᓕᓐᓂᑦ ᑭᖕᖒᒪᒋᔭᐅᔪᓂᒃ.

• ᐱᓇᓱᓪᓗᓂ ᓇᓪᓕᑐᐃᓐᓇᖏᓐᓂᒃ ᐱᓇᓱᒐᕐᒥᓄᓕᖓᔪᓂᒃ.

ᐱᓯᒪᒋᐊᓕᖏᑦ:

• ᐃᓕᓐᓂᐊᕕᒻᒪᕆᒻᒥᒃ ᐱᔭᕆᕈᑎᑖᕐᓯᒪᓗᓂ ᐊᓪᓚᕕᓕᕆᓂᕐᒥᒃ, ᓂᐅᕕᕐᓂᒥᒃ, ᐅᕝᕙᓗᓐᓃᑦ ᐱᒍᑦᔨᕕᕐᒧᑦ ᐊᐅᓚᑦᓯᓂᕐᒥᒃ, ᐅᕝᕙᓗᓐᓃᑦ ᐃᓕᓐᓂᐊᓯᒪᓗᓂ ᐱᔭᕆᕈᑎᑖᕐᓯᒪᓗᓂ ᐊᑦᔨᐸᓱᖓᓂᒃ, ᐊᑦᔨᐸᓱᖓᓂᒃ ᐱᓇᓱᑦᑎᐅᓯᒪᓗᓂ ᐱᐅᔫᒐᔭᕐᑐᖅ.

• ᐃᑭᓐᓂᐹᖑᓗᑎᒃ 5 ᐊᕐᕌᒍᐃᑦ ᐱᓇᓱᑦᓯᒪᓗᓂ ᓂᐅᕕᕐᑎᐅᓂᕐᒥᒃ, ᓂᐅᕕᕐᓂᓄᑦ ᐱᓇᓱᑦᑕᐅᒋᐊᓕᓕᒫᓂᒃ, ᑭᓯᑦᓯᓂᕐᓂ ᐊᐅᓚᑕᐅᓂᖏᓐᓂ, ᓂᐅᕕᕐᕕᐅᔪᓂᒃ ᐱᓇᓱᖃᑎᒌᓐᓂᓂᓗ.

• ᑐᑭᓯᒪᑦᓯᐊᓗᓂ ᓂᐅᕕᕐᓂᒧᓕᖓᔪᓂᒃ, ᐱᒍᑦᔨᒍᑎᐅᔪᓕᒫᓂᒃ ᐊᐅᓚᑦᓯᓂᖅ, ᐱᓇᓱᖃᑎᖃᕐᓂᒧᑦ ᑐᖕᖓᕕᐅᔪᓂᒃ, ᐃᓚᐅᑎᓪᓗᒋᑦ ᓂᐅᕕᕐᓂᓂ ᖃᓄᐃᓗᕐᓂᐅᓲᓂᒃ ᐊᒻᒪᓗ ᒪᓕᒐᖏᓐᓂᒃ ᒪᓕᑦᑕᐅᑎᑦᓯᓯᐊᕐᓗᓂ.

• ᐱᓇᓱᖃᑎᒥᓂᒃ ᑐᑭᓯᒪᖃᑎᒌᓐᓂᖃᕈᓐᓇᓯᐊᒻᒪᕆᓗᓂ, ᐱᓇᓱᖃᑎᒌᓐᓂᖃᑦᓯᐊᕈᓐᓇᓗᓂ ᓂᐅᕕᕐᕕᐅᔪᓂᒃ ᐊᒻᒪᓗ ᐱᒍᑦᔨᕕᐅᑉ ᐃᓗᐊᓂ ᐃᓚᐅᔪᓂᒃ.

• ᖃᐅᔨᒪᑦᓯᐊᓗᓂ ᓂᐅᕕᕐᓂᐊᕈᑎᓂᒃ ᖃᕆᑕᐅᔭᑎᒍᕐᑐᓂᒃ ᐊᒻᒪᓗ Microsoft Office ᐃᑲᔪᕐᓯᒍᑎᓂᒃ; ᖃᐅᔨᒪᓗᓂ ACCPAC ᐊᒻᒪᓗ ERP-ᒥᒃ ᐊᑐᕐᑕᐅᓲᓂᒃ.

• ᐱᒋᐊᕐᑎᓯᒍᓐᓇᓗᓂ ᐱᐅᔪᒥᓗ ᐱᐅᓯᖃᕐᓗᓂ ᑐᓂᒪᑦᓯᐊᓗᓂᓗ ᐱᑦᓯᐊᑐᒥᒃ ᐱᒍᑦᔨᓂᕐᒥᓂᒃ.

• ᓯᕗᓕᐅᔭᐅᒋᐊᓕᓐᓂᒃ ᐋᕐᕿᓱᐃᒍᓐᓇᓗᓂ ᓈᒻᒪᓈᑦᓯᐊᑐᒥᒃ ᐊᒻᒪᓗ ᖃᓄᕐᑑᕈᓐᓇᓂᕐᒥᒃ ᐱᐅᓯᖃᕐᓗᓂ ᓱᑲᑦᑐᒥᒃ ᐱᓇᓱᑦᑐᓂᒃ ᐱᓇᓱᕝᕕᒥ.

• ᐃᓗᓕᖏᓐᓂᒃ ᐃᑉᐱᒋᔭᖃᑦᓯᐊᓗᓂ ᐃᓂᓪᓚᖓᑦᓯᐊᓗᓂᓗ, ᐊᒥᓱᓂᒃ ᑲᒪᒋᐊᓕᒻᒥᓂᒃ ᑲᒪᒍᓐᓇᓗᓂ ᐱᓇᓱᒐᑦᓴᖃᒻᒪᕆᑦᑎᓗᒋᑦ.

• ᐊᓪᓚᕈᓐᓇᓗᓂ ᐅᖄᒍᓐᓇᓗᓂᓗ ᒪᕐᕈᔪᐊᓐᓂᒃ ᐅᑯᓂᖓ: ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ, ᒍᐃᒍᐃᑎᑐᓗ.

ᓄᓇᓕᒃ ᐱᓇᓱᕝᕕᖓ: ᑰᑦᔪᐊᖅ

ᑮᓇᐅᑦᔭᓵᑦ: ᐃᑭᓐᓂᐹᖑᓗᑎᒃ: $52,481/ᐊᕐᕌᒍᑕᒫᑦ – ᐅᓄᕐᓂᐹᖑᓗᑎᒃ: $89,256/ᐊᕐᕌᒍᑕᒫᑦ (ᐳᕐᑐᓂᖅ 8)

ᐱᕙᓪᓕᖁᑏᑦ: ᐃᓅᒐᓱᐊᕐᓂᒧᑦ ᐊᑭᖏᓐᓂᒃ ᐃᑲᔪᕐᓯᒍᑏᑦ: ᐃᑭᓐᓂᐹᖑᓗᑎᒃ $8 500/ᐊᕐᕌᒍᑕᒫᑦ

ᓂᕿᓯᓂᕐᓄᑦ ᐃᑲᔪᕐᓯᒍᑏᑦ: ᐃᑭᓐᓂᐹᖃᕐᓗᑎᒃ $4 216/ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᐅᓪᓚᕈᑏᑦ: ᐅᓄᕐᓂᐹᒍᓗᑎᒃ 3 ᐃᓄᒃ ᐊᑕᐅᓯᖅ ᐊᕐᕌᒍᑕᒫᑦ

ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓕᕈᓂ ᕿᑲᕐᓂᐅᑎᑦᓴᖏᑦ: 6,25% ᐱᓇᓱᕝᕕᒃ, 4% ᐱᓇᓱᑦᑎᒃ

ᐊᒥᓱᐃᖑᑦᓱᑎᒃ ᐃᒻᒪᖃᐅᑎᒃ

ᕿᑲᕐᓀᑦ: 20 ᐅᓪᓗᐃᑦ

ᕿᑲᕐᓀᑦ ᐋᕐᕿᑕᐅᒪᔪᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᕿᑎᖕᖓᒥ ᕿᑲᕐᓇᓂ

ᐊᐅᓪᓚᑎᑦᓯᒋᑦ ᐱᓇᓱᑦᑎᐅᒍᒪᒍᑎᑎᓐᓂᒃ ᖃᓪᓗᓈᑎᑐᕐᑐᓂᒃ ᐅᕗᖓ:

ᐱᓇᓱᑦᑎᓯᓕᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪ,ᖓ

P.O. Box 9, Kuujjuaq, Québec J0M 1C0

ᓱᑲᑦᑐᑰᕈᑎᒃ: (819) 964-2975

ᖃᕆᑕᐅᔭᑎᒍᑦ ᓯᓚᑎᖓ: humanresources@krg.ca

KRG-ᒃᑯᑦ ᐊᑦᔨᒌᑦᓯᐊᑎᑦᓯᓲᖑᕗᑦ ᐱᓇᓱᑦᑎᖑᕋᓱᑦᑐᓂᒃ. ᒪᓕᑦᓱᑎᒃ ᑖᑦᓱᒥᖓ ᐊᒻᒪᓗ ᔦᒻᔅ ᐯ ᑯᐯᒃᓗ ᑕᕐᕋᖓᓂ

ᐊᖏᖃᑎᒌᒍᑎᖓᓂᒃ, ᖃᓄᐃᓕᖓᓂᖏᑦ ᐊᓯᑦᔨᒋᐊᕐᑕᐅᑐᐃᓐᓇᕆᐊᖃᕐᖁᑦ ᐃᓄᑐᐃᓐᓇᒥᒃ ᐱᓇᓱᑦᑎᑖᕋᓱᓐᓂᒧᑦ.

ᐱᓇᓱᒐᕐᑖᕋᓱᑦᑐᐃᑦ ᐊᐱᕐᓱᑕᐅᔪᑦᓭᑦ ᑭᓯᐊᓂ ᖃᐅᔨᒋᐊᕐᕕᐅᓛᕐᖁᑦ.