ᐳᓖᓯᐅᒋᐅᕐᓴᑐᑦ ᐊᑕᐅᑦᓯᑰᕐᑎᓯᔨᑦᓴᖓᓂᒃ - KRG

ᐱᓇᓱᒐᑦᓴᖅ ᒪᓂᒪᑎᑕᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᐊᒥᓱᐃᓂᒃ ᑭᒡᒐᑐᕈᑎᖃᕐᓱᓂ ᑎᒥᐅᕗᖅ ᐊᐅᓚᑦᓯᕕᖃᕐᓱᓂᓗ ᑯᐯᑉ ᓄᓇᖓᓂ ᑕᕐᕋᒦᑦᑐᒥ 55 ᓇᑉᐸᖓᑕ ᖁᓛᓂ. ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᑦ (NPS) ᓄᓇᓕᓕᒫᓂ ᐳᓖᓯᖃᕐᑎᓯᔪᖅ ᓄᓇᕕᒻᒥ. NPS-ᑯᑦ ᕿᓂᕐᑐᑦ:

ᐳᓖᓯᐅᒋᐅᕐᓴᑐᑦ ᐊᑕᐅᑦᓯᑰᕐᑎᓯᔨᑦᓴᖓᓂᒃ

ᐳᓖᓯᐅᒋᐅᕐᓴᑐᑦ ᐱᓇᓱᐊᕐᑕᖏᑦᑕ ᐊᑕᐅᑦᓯᑰᕐᑎᓯᔨᖓ ᓴᕐᕿᔮᕐᑎᓯᔨᐅᒋᐊᓕᒃ ᐃᓘᓐᓈᒍᑦ ᐃᓂᓪᓚᖓᐅᓯᐅᔫᑉ ᑐᕌᒐᓱᐊᕈᒪᔭᖏᓐᓂᒃ ᐊᒻᒪᓗ ᑐᑭᓯᒪᑦᓯᐊᕋᓱᐊᒻᒪᕆᐊᓗᑦᑎᓯᔨᐅᓗᓂ ᐃᓄᓕᒫᑦ ᐊᑦᑕᓀᑦᑐᒦᑦᑎᑕᐅᒋᐊᖃᕐᓂᖏᓐᓂᒃ ᐱᔭᕆᐊᑐᔫᓂᐊᕋᓗᐊᕐᐸᑕ ᐱᓇᓱᐊᕆᐊᓖᑦ ᓄᓇᕕᓕᒫᒥ. ᑐᕌᕐᑕᐅᒐᓱᐊᕐᒪᑦ ᐱᕙᓪᓕᐊᑎᑦᓯᒋᐊᕋᓱᐊᕐᓂᖅ ᐱᓇᓱᐊᕐᑕᐅᔪᑦᓴᓂᒃ ᐱᕈᕐᐸᓕᐊᑎᓕᕐᓗᒍᓗ ᐊᑦᑕᓀᑦᑐᒦᑦᑎᓯᒋᐊᖃᕐᓂᖅ ᓄᓇᓕᓕᒫᓂ. ᐊᑕᐅᑦᓯᑰᕐᑎᓯᔨ ᑲᔪᓯᒋᐊᕐᑎᓯᓲᖅ ᐃᓕᓐᓂᐊᑎᑦᓯᓂᕐᓂᒃ ᐳᓖᓯᐅᒋᐅᕐᓴᑐᑦ ᐱᒋᐅᕐᓂᕈᕐᐸᓕᐊᒍᑎᑦᓴᖏᓐᓂᒃ ᓂᕆᐅᕝᕕᐅᒍᑎᒋᕙᓐᓂᐊᑕᒥᓂᒃ ᓱᕙᓪᓕᖁᑎᑦᓯᐊᖑᓗᑎᒃ ᑭᒡᒐᑑᑎᖃᑦᓯᐊᐸᓐᓂᐊᒪᑕ ᐳᓖᓯᐅᓂᕐᒥᓂᒃ ᓄᓇᓕᒥᓂ, ᐱᕈᕐᐸᓕᐊᑎᑦᓯᒐᓱᐊᕐᓗᑎᒃ ᓄᓇᓕᒻᒥᓂᒃ ᖃᓄᐃᖕᖏᓯᐊᕐᓂᒨᕐᑎᓯᒐᓱᐊᕐᓂᒧᑦ ᐅᓄᕐᓯᐅᒥᑎᑦᓯᕙᓪᓕᐊᓗᑎᓪᓗ ᐃᓄᑐᐃᓐᓇᓂᒃ ᑭᒡᒐᑐᕐᑐᓂᒃ kN[4 ᐳᓖᓯᒃᑯᖏᓐᓂᒃ.

ᓂᒍᐊᕐᑕᐅᔪᖅ ᑕᒪᑐᒧᖓ ᑲᒪᒋᔭᖃᕆᐊᓕᒃ ᐅᑯᓂᖓ ᐱᔭᒃᓴᓂᒃ;

• ᐱᔪᒪᔭᐅᓕᕐᑎᓯᒐᓱᐊᕐᑎᐅᓗᓂ ᐱᓇᓱᒐᕐᑖᕆᔭᐅᒍᓇᑐᓂᒃ ᐅᕕᒃᑲᓄᑦ ᓄᓇᕕᓕᒫᒥ ᐊᕐᖁᑎᖃᕐᓗᑎᒃ ᓇᓪᓕᐊᓂᑐᐃᓐᓇᖅ ᐊᒥᓱᐃᓂᒃ ᐱᕕᑦᓴᑖᕐᕕᐅᒍᓐᓇᑐᓂᒃ, ᒪᑯᑎᒎᓇ: ᓯᑯᑦᓴᔦᑦ ᓂᕕᖓᑎᑕᐅᔪᑦ, ᑐᓴᐅᑎᖓᒍᑦ ᓄᓇᓖᑦ, ᑐᓴᕋᑦᓴᓂ ᐊᓪᓚᓯᒪᔪᕐᑎᒍᑦ.

• ᐱᓇᓱᑦᑎᑖᕐᑎᐅᓗᓂ, ᐊᐱᕐᓲᔭᕐᑎᐅᓗᓂ, ᓇᓪᓕᑳᕐᐸᓗᓂ ᓇᓪᓕᐊ ᐳᕐᑐᓂᕐᓴᒨᕐᑎᑕᐅᒋᐊᖃᓕᕐᒪᖔᑦ, ᐳᒃᑭᓂᕐᐹᓃᑦᑐᓭᓪᓗ ᐳᓖᓯᐅᒋᐅᕐᓴᑎᑕᖏᑦ.

• ᑭᐅᑦᓯᐊᓲᖑᓗᓂ ᕿᓄᒍᑎᐅᔪᓕᒫᓂᒃ ᐱᓪᓗᒋᑦ ᐱᓇᓲᑎᑦᓴᑖᕆᔭᐅᒍᒪᔪᑦ.

• ᖃᐅᔨᓴᕐᑎᐅᓗᓂ ᐱᓇᓲᑎᑦᓴᔦᑦ ᓇᓪᓕᐊ ᑭᖕᖒᒪᓇᓕᕐᒥᒪᖔᑕ ᖃᐅᔨᓴᕐᓗᓂ ᕿᓄᒍᑕᐅᓯᒪᓕᕐᑐᓂᒃ ᖃᐃᔨᒐᓱᐊᕐᑕᐅᕙᓕᕐᑐᐃᓗ.

• ᐊᐅᓪᓚᑎᑦᓯᔨᐅᓗᓂ ᓇᓪᓕᐊᓄᑦ ᑐᕋᕐᕕᒋᒋᐊᓕᖏᓐᓄᑦ ᑐᑦᓯᕋᕐᑕᐅᔪᕕᓃᑦ.

• ᐃᑉᐱᒋᔭᖃᕐᓗᓂ ᐱᓇᓲᑎᕕᓂᓕᒫᑦ ᑕᒪᕐᒥᒃ ᐅᑎᕐᑎᑕᐅᑦᓯᐊᓯᒪᒐᓗᐊᕐᒪᖔᑕ ᐱᓇᓱᐊᕈᓐᓀᑐᓄᑦ ᐱᓇᓱᑦᑎᓄᑦ.

• ᓱᕐᖁᐃᓯᒐᓱᐊᑦᓯᐊᑎᐅᓗᓂ ᐊᕐᕌᒎ ᐃᓱᐊᓂ ᐱᐅᓕᓂᐊᒐᖏᑦ ᕿᑲᕐᑐᑦ ᐱᓇᓲᑏᑦ ᖃᓄᐃᓕᖓᓕᕐᒪᖔᑕ ᑐᓴᕐᑎᓯᐅᑎᓕᐊᕆᕙᓪᓗᒋᓪᓗ ᐱᐅᓯᕆᓕᕐᑕᖏᑦ.

• ᐱᕙᓪᓕᐊᑎᑦᓯᓗᓂ ᑲᔪᓯᑎᑦᓯᒋᐊᖃᑦᑕᓗᓂᓗ ᐱᒋᐅᕐᓴᑎᑦᓯᓂᑦᓴᓂᒃ, ᐃᓕᓐᓂᐊᕋᑦᓴᓂᒃ, ᖃᐅᔨᒪᒐᓱᐊᖃᑎᖃᕐᓗᓂ ᓯᕗᓕᕐᑎᒋᓂᐊᕐᑕᖓᓂᒃ, ᑐᖕᖓᕕᓕᐅᕐᓗᒋᑦ ᒪᓕᒐᐅᓂᐊᕐᑐᑦ ᐊᒻᒪᓗ ᐱᔭᒃᓴᕆᓂᐊᕐᑕᖏᑦ ᐳᕐᑐᓂᕐᓴᒦᓕᕐᑐᑦ ᐊᒻᒪᓗ ᐳᒃᑭᓂᕐᐹᓃᓕᕐᑐᑦ ᐃᓕᓵᖏᑦ.

• ᐱᑐᑦᓯᒪᑎᑦᓯᔨᐅᓗᓂ ᐃᑲᔪᕐᑎᓂᒃ ᐳᓖᓯᐅᒋᐅᕐᓴᑐᓂᒃ, ᑖᒃᑯᐊ ᐳᓖᓯᐅᒋᐅᕐᓴᑐᑦ ᓱᕙᓪᓕᖁᑎᑦᓯᐊᖑᒍᓇᐅᓗᑎᒃ ᑭᒡᒐᑑᑎᑦᓴᓂᒃ ᐃᓕᑦᓯᑎᑕᐅᕙᓕᐊᕋᓗᐊᕐᒪᖔᑕ ᐱᒋᐅᕐᑎᑕᐅᑦᓯᐊᕙᓪᓕᐊᕋᓗᐊᕐᒪᖔᑕᓘᓐᓃᑦ ᐱᓯᑎᑦᓴᔭᐅᓂᕐᐸᐅᒍᓇᐅᓂᖏᑦ ᐃᓕᑕᕆᓗᒋᑦ ᐊᒻᒪᓗ ᐳᓖᓯᑦᓯᐊᖑᓂᕐᐸᐅᒍᓇᐅᓂᖏᑦ ᐃᓕᑕᕆᓗᒋᑦ.

• ᐃᑉᐱᒋᔭᖃᕐᐸᓗᓂ ᐱᓇᓱᐊᕐᑕᖏᓐᓂᒃ ᐳᒃᑭᓂᕐᐹᑦ ᐳᓖᓯᐅᒋᐅᕐᓴᑐᑦ ᐊᕐᕌᒍᓕᒫᖅ ᓈᓗᒍ.

• ᐱᓇᓱᐊᕐᐸᒥᓗᓂ ᑕᒪᒃᑯᓄᖓᐅᓕᖓᔪᓕᒫᓂᒃ ᐱᔭᒃᓴᒥᓂᒃ ᑎᓕᔭᐅᒍᑎᒋᓯᒪᔭᒥᓂᒃ ᐃᑉᐱᒍᓱᑦᑎᒥᓂᑦ.

ᐱᔪᓐᓇᐅᑎᒋᒋᐊᓕᖏᑦ:

• ᐃᓕᓐᓂᐊᕕᒻᒥ ᐳᕐᑐᓂᕐᐹᒥ ᐱᔭᕇᕐᓂᐅᑎᖃᕆᐊᓕᒃ ᐊᑦᔨᐸᓱᖓᓂᓘᓐᓃᑦ ᐱᓇᓱᐊᓚᐅᕐᓯᒪᓐᓂᕈᓂ ᑕᒪᓐᓇ ᐅᓇᒻᒥᒋᓕᕐᑕᐅᒍᑎᒋᒍᓐᓇᒥᔭᖓ.

• ᓇᓗᕐᖁᓇᕈᓇᐅᖕᖏᑐᓂᒃ ᐸᕐᓇᓯᒪᒍᓐᓇᓂᖓ ᐊᒻᒪᓗ ᑎᒥᐅᔪᖁᑎᒥᓂ ᐃᓂᓪᓚᓯᒪᐅᑎᑦᓴᓕᐅᕐᓯᑎᐅᒍᓐᓇᓂᖓ.

• ᖃᓄᐃᓕᖓᓪᓗᑯᓕᕐᑐᓂᒃ ᐃᓕᑕᕐᓯᒪᒋᐅᕐᓂᐅᓗᓂ, ᓇᓗᕐᖁᓇᕈᓐᓀᓗᓂ ᐊᒻᒪᓗ ᐃᒻᒥᓂᕿᐅᑎᒋᓗᒍ ᐱᓇᓱᐊᕈᓐᓇᓗᓂ.

• ᑯᑯᔭᕆᒍᓐᓀᓗᒍ ᐅᖃᐅᓯᑦᓴᔭᖃᕆᐊᓕᒃ ᐃᓄᒃᑎᑐᑦ ᐊᒻᒪᓗ ᓇᓪᓕᐊᓂᒃ ᐅᖃᐅᓯᖃᕈᓐᓇᒥᑦᓱᓂ ᐅᐃᒍᐃᑎᑑᕈᓐᓇᓗᓂ ᖃᓪᓗᓈᕐᑎᑑᕈᓐᓇᓗᓂᓘᓐᓃᑦ.

• ᐃᓕᑦᓯᓯᒪᑦᓯᐊᓗᓂ ᖃᕆᑕᐅᔭᓕᕆᓂᕐᒥᒃ, ᐱᓗᐊᕐᑐᒥᒃ ᖃᕆᑕᑦᓴᔭᖏᓐᓂᒃ ᐊᑐᕈᓐᓇᓗᓂ Word ᐊᒻᒪᓗ Excel.

• ᐱᓯᑎᐅᕕᖃᓪᓚᕆᓪᓗᓂ ᐃᓅᖃᑎᖃᕈᓐᓇᓯᐊᕐᓂᒥᒃ ᓇᓪᓕᐊᓂᑐᐃᓐᓇᖅ ᑐᑭᓯᒪᖃᑎᖃᑦᓯᐊᕆᐅᕐᓂᐅᓗᓂ ᐱᓇᓱᐊᖃᑎᒋᑐᐃᓐᓇᓕᕐᑕᒥᓂᒃ.

• ᐳᕐᑐᔪᐊᓘᒋᐊᓕᒃ ᐃᓅᓯᖓᑕ ᐱᐅᓯᑦᓴᔭᖓ ᐃᓄᑦᓯᐊᕙᐅᒐᓱᐊᕐᓂᒧᑦ.

• ᐱᔪᓐᓇᓯᐊᕐᓗᓂ ᐃᓕᓭᓯᒋᓐᓇᑐᐃᓐᓇᕈᓐᓇᓂᕐᒥᒃ ᐃᓕᓴᕐᑕᐅᒋᐊᓕᓐᓂᒃ ᐱᕙᓪᓕᐊᑎᑦᓯᒐᓱᐊᕐᓂᒥ ᐊᒻᒪᓗ ᖃᐅᔨᓴᕆᐅᕐᓂᐅᓗᓂ ᐃᓕᓴᕐᑕᐅᔪᕕᓃᑦ ᖃᓄᐃᒍᑕᐅᓐᓂᒪᖔᑕ.

• ᑐᑭᓯᒪᒋᔭᖃᓪᓚᕆᓪᓗᓂ ᓄᓇᓕᐅᑉ ᑭᖕᒎᒪᒋᔭᖏᓐᓂᒃ ᐊᑦᑕᓀᑦᑐᒦᑦᑎᑕᐅᑦᓯᐊᕆᐊᖃᕐᓂᒥ ᖃᓄᐃᖕᖏᓯᐊᕆᐊᖃᕐᓂᒥᓪᓗ, ᑐᑭᓯᒪᔭᖃᓪᓚᕆᐊᓗᓪᓗᓂᓗ ᐃᓄᐃᑦ ᐃᓗᕐᕈᓯᑦᓴᔭᖓ ᖃᓄᐃᓕᖓᒻᒪᖔᑦ.

• ᐊᕐᕕᑕᑲᑦᑕᑐᐃᓐᓇᕆᐊᒥᒃ ᐊᑐᐃᓐᓇᐅᒪᕕᖃᑦᓯᐊᓗᓂ ᓄᓇᕕᓕᒫᒥ.

ᓯᕗᓪᓕᐸᐅᑦᔭᐅᖄᖃᑦᑕᓂᐊᕐᑐᑦ ᐃᓄᐃᑦ ᐱᓇᓱᒐᕐᑖᕈᒪᓯᒪᔪᑦ ᑕᒪᑐᒥᖓ ᐱᓇᓱᐊᓚᐅᕐᓯᒪᔪᕕᓂᐅᒍᑎᒃ ᓄᓇᓕᐅᑉ ᐃᓄᖁᑎᖏᓐᓂᒃ ᐱᓇᓱᖃᑎᖃᕐᓯᒪᓚᐅᕐᓂᕈᓂ.

ᐱᓇᓱᕝᕕᓴᖓ: ᓄᓇᕕᒃ

ᑮᓇᐅᑦᔭᓵᖏᑦ: ᐃᑭᓐᓂᐹᓖᑦ: $89,855.22 ᐊᕐᕌᒍᒥ – ᐅᓄᕐᓂᐹᖃᕐᓱᑎᒃ: $123,554.34

ᐊᓯᖏᑦ ᓱᕙᓪᓕᖁᑎᑖᖏᑦ: ᐃᓄᒡᒍᑎᑦᓴᓕᐅᕐᓂᖓᑕ ᐊᖑᒪᑦᓯᓯᑕᐅᒋᐊᓪᓚᐅᑎᖏᑦ: ᐃᑭᓐᓂᐹᓕᒃ $8,500 ᐊᕐᕌᒍᒥ;

ᓂᕐᓯᑕᐅᒍᑎᖏᑦ: ᐃᑭᓐᓂᐹᑦ $ 4,216 ᐊᕐᕌᒍᒥ;

ᐊᕐᕌᒍᑕᒫᑦ ᐊᕐᕕᑕᐅᑎᖏᑦ: ᐅᓄᕐᓂᐹᓕᒃ 3;

ᐊᒥᓱᐃᓄᑦ ᐃᒻᒪᖃᐅᑏᑦ;

ᕿᑲᕐᕕᖏᑦ: 30 ᐅᓪᓗᐃᑦ ᐊᕐᕌᒍᒥ;

ᕿᑲᕐᕕᐅᒋᐊᖃᓲᑦ ᐅᓪᓗᐃᑦ: 20 ᐅᓪᓗᐃᑦ, ᐃᓚᖃᕐᓱᑎᒃ 10 ᖁᕕᐊᓱᕝᕕᓯᐅᕐᓇᓂᒃ.

ᐊᐅᓪᓚᑎᑦᓯᖃᑦᑕᕆᑦᓯ ᐱᓇᓱᒐᕐᑖᕈᒪᐅᑎᑦᓯᓂᒃ ᐅᕗᖓ: HR@nunavikpolice.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᒻᒪᓗ ᓄᓇᕕᐅᑉ ᐳᓖᓯᖏᑦ ᐱᓇᓱᑦᑎᑖᕐᑎᓴᔭᐅᕘᒃ ᐊᑦᔨᒌᑦᓯᐊᑎᑦᓯᔨᐅᑦᓱᑎᒃ. ᑕᒪᓐᓇᓗ ᒪᓕᓪᓗᒍ ᐊᒻᒪᓗ ᒪᓕᑦᓱᒋᑦ ᔦᒥᓯ ᐯ ᑯᐯᒃ ᑕᕐᕋᖓᑕᓗ ᐊᖏᖃᑎᒌᓐᓂᖓ, ᒪᓕᒐᑦᓴᓕᐊᖑᓯᒪᔪᑦ ᑕᒪᒃᑯᓇᓂ ᐊᑦᔨᒌᖕᖏᓕᕇᑐᐃᓐᓇᕆᐊᓖᑦ ᐱᔭᖃᓚᕆᑦᑎᓯᒐᓱᐊᒧᑦ ᐃᓄᓐᓂᒃ ᐅᓇᒻᒥᓱᑦᑎᓂᒃ ᑕᒪᑐᒥᖓ ᐱᓇᓱᒐᕐᒥᒃ.

ᐱᓇᓱᒐᕐᑖᕈᓐᓇᑐᕆᔭᐅᔪᑦ ᑭᓯᐊᓂ ᓇᓪᓕᑳᕐᑕᐅᔪᑦ ᑲᑎᔭᐅᒍᒪᓂᕐᒥᓂᒃ ᑐᓴᐅᒪᑎᑕᐅᓛᕐᑐᑦ ᐊᓪᓚᓯᒪᔪᕐᑎᒍᑦ.