ᑲᒪᔨᒻᒪᕆᐊᐱᒃ - ᐱᒋᐅᕕᒃ ᐃᓕᓴᕐᕕᒃ - KI
ᐱᓇᓱᒐᖅ: ᑲᒪᔨᒻᒪᕆᐊᐱᒃ - ᐱᒋᐅᕕᒃ ᐃᓕᓴᕐᕕᒃ
ᐊᓪᓚᕕᖓ : ᐃᓘᓐᒍᑦ ᐊᓪᓚᕕᓕᕆᓂᖅ
SALARY: ᐱᒋᐊᕐᓱᓂ $100,606 ᑎᑭᑦᓱᓂ $134,139, ᐃᑲᐅᕐᓂᑕᒫᑦ ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ
ᐱᓇᓱᒐᐅᑉ ᑭᑎᑦᔪᑎᖓ : CD0822508-01
ᓇᓃᓐᓂᓴᖓ: ᓴᓪᓗᐃᑦ
ᖃᓄᐃᑦᑑᓂᖓ: ᐱᓇᓱᒐᖅ ᐊᑕᔪᒥᒃ
ᐱᒋᐊᕐᕕᓴᖓᑕ ᐅᓪᓗᖓ: ᐊᐅᒡᒍᓯ 2025
ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ.
ᑖᓐᓇ ᐱᓇᓱᒐᖅ ᐅᑎᕐᑎᓯᒋᐊᕐᓂᓕ ᑲᒪᒋᔭᑦᓴᖃᕐᓱᓂ ᐊᐅᓚᑦᓯᓂᓕᕆᓂᕐᒥ ᐃᓄᒻᒪᕇᑦ ᐃᓕᓐᓂᐊᕕᖓᑕ ᐊᓂᕐᕋᖓᓂ ᐃᓕᓐᓂᐊᕕᖓᓂᓪᓗ.
ᐃᓂᖓ ᐱᓇᓱᒋᐊᓕᖏᓪᓗ
ᐊᖓᔪᕐçᖃᕐᓱᓂ ᐃᓘᓐᓈᒍᑦ ᑐᑭᒧᐊᑦᑎᓯᔨᒻᒪᕆᐅᑉ ᐃᑲᔪᕐᑎᖓᓂᒃ, ᑲᒪᔨᒻᒪᕆᐊᐱᒃ ᐳᕐᑐᓂᕐᐸᐅᕗᖅ ᐊᓪᓚᕕᒻᒥᐅᓂ ᐃᓕᓴᕐᓂᓕᕆᔨᓂ ᓄᓇᓕᖓᑕ ᐃᓗᐊᓂ ᐊᒻᒪᓗ ᑲᒪᔨᐅᕗᖅ ᓱᓇᓕᒫᓂᒃ ᑎᒥᒧᑦ ᐊᑦᑐᐊᔪᓂᒃ ᐊᒻᒪᓗ ᓄᓇᓕᐅᑉ ᐃᓕᓐᓂᐊᕕᖓᑕ ᐊᐅᓚᑕᐅᓂᖓᓂᒃ ᐊᒻᒪᓗ ᑕᒡᒍᖓ ᐊᑦᑐᐊᔪᓂᒃ ᐱᑦᔪᔨᓂᕐᓂᒃ. ᐊᓯᐊᒍᑦ ᐱᓇᓱᐊᑦᓴᖏᑦ ᐃᓚᖃᕐᒥᔪᑦ:
• ᑲᒪᔨᐅᓂᖅ ᐊᑐᓕᕐᑎᓯᓂᕐᒥᒃ ᐃᓕᓴᕐᓂᓕᕆᓂᐅᑉ ᓄᓇᓕᐅᓪᓗ ᒪᓕᒐᖏᓐᓂᒃ ᒪᓕᓪᓗᒋᑦ ᓇᓗᓀᕐᑕᐅᓂᖏᑦ ᑲᒥᓯᓇᓄᑦ ᐊᒻᒪᓗ ᓄᓇᓕᖓᓂ ᐃᓕᓴᕐᓕᓂᕆᔩᑦ ᑲᑎᒪᔨᐊᐱᖏᓐᓄᑦ.
• ᑐᑦᑕᕕᐅᓂᖅ ᐊᑯᓐᓂᒥ ᓄᓇᓕᒻᒧᑦ ᐊᒻᒪᓗ ᐃᓕᓴᕐᓂᓕᕆᓂᕐᒧᑦ.
• ᑲᒪᔨᐅᓂᖅ ᐃᓂᓪᓚᖓᑎᑦᓯᓂᕐᒥᒃ ᐊᒻᒪᓗ ᐊᐅᓚᑦᓯᓂᕐᒥᒃ ᑕᖏᓕᓐᓂᒃ ᐱᖁᑎᓂᒃ ᖃᓗᓗᒋᑦ ᐃᓕᓴᕐᕕᒃ, ᑐᔪᕐᒥᐅᕖᑦ, ᓴᓇᕖᑦ, ᓱᓇᑐᐃᓐᓇᖃᐅᑏᑦ, ᓄᓇᒃᑰᔫᑦ ᐊᒻᒪᓗ ᐱᓇᓲᑏᑦ.
• ᐊᓪᓚᑎ-ᑮᓇᐅᔭᓕᕆᔨᐅᓂᖅ ᓄᓇᓕᒻᒥ ᐃᓕᓴᕐᓂᓕᕆᔩᑦ ᑲᑎᒪᔨᐊᐱᖏᓐᓄᑦ.
• ᑲᒪᒋᓗᒋᑦ, ᐃᑲᔪᕐᑐᓗᒋᑦ ᐊᒻᒪᓗ ᐊᐅᓚᓗᒋᑦ ᐱᓇᓱᑦᑏᑦ ᐱᔭᑦᓴᒋᔭᖏᑦᑕ ᐊᑖᒍᑦ.
• ᑲᒪᔨᐅᓂᖅ ᓱᓇᓕᒫᓂᒃ ᐃᓕᖓᔪᓂᒃ ᑎᒥᒧᑦ ᐊᒻᒪᓗ ᐃᓕᓴᕐᓂᓕᕆᓂᐅᑉ ᐊᐅᓚᑕᖏᓐᓄᑦ ᓄᓇᓕᖓᑕ ᐃᓗᐊᓂ.
ᐱᔪᓐᓇᓯᒍᑎᖏᑦ
ᐱᔭᕇᓕᕐᓂᖅ ᐃᓕᓴᕈᑎᒥᒃ ᒥᑦᓯᓕᒻᒥ ᐃᓕᓴᕈᑎᒥ ᓇᓗᓀᕐᓯᔪᒥ ᐃᑭᓐᓂᐹᖓᓄᑦ ᐱᖓᓱᓂᒃ (3)-ᐊᕐᕌᒍᓂᒃ ᓯᓚᑦᑐᓴᕐᕕᒥ ᐃᓕᓴᕐᓂᖓᓂᒃ ᐅᕝᕙᓗᓘᓐᓃᑦ ᑎᒍᒥᐊᕐᓗᓂ ᐳᕐᑐᓂᕐᓴᒥᒃ ᐃᓂᒥᒃ ᐅᕝᕙᓗᓘᓐᓃᑦ ᐳᕐᑐᓂᕐᓴᐅᑉ ᐊᐅᓚᑦᓯᔨᐅᑉ ᐃᓂᖓᓂᒃ, ᑲᒪᔨᒻᒪᕆᐅᑉ ᐃᓂᖓ ᐃᓚᐅᑎᓐᓇᒍ, ᐃᓕᓴᕐᓂᓕᕆᕕᒻᒥ.
ᐃᓕᓴᕐᓂᓕᕆᓂᖅ ᐱᔪᓐᓇᑐᖅ, ᐃᓱᒪᒥᐅᑎᒋᓗᒍ, ᖁᔭᓈᕐᓂᒥᒃ ÷ᐅᑐᐃᓐᓇᒥᒃ ᐅᕝᕙᓗᓘᓐᓃᑦ ᐃᓘᓐᓇᖏᓐᓂᒃ ᐱᔪᓐᓇᓯᑎᑦᓯᒍᑎᓂᒃ ᓇᕝᕚᕈᓂ ᓈᒻᒪᑐᓂᒃ ᐃᓚᐅᔪᒥᒃ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒧᑦ ᐊᒻᒪᓗ ᐊᖏᕐᑐᒥᒃ, ᐱᓇᓱᒐᕐᑖᑎᑕᐅᓂᖓᓄᑦ ᒪᓕᒐᐅᑎᓪᓗᒍ, ᐊᑐᕐᓂᐊᓂᕐᒥᒃ ᐱᒋᐅᕐᓴᕈᑏᑦ ᐸᕐᓇᓯᒪᐅᑎᖓᓂᒃ ᐃᓕᓴᕐᓂᓕᕆᓂᐅᑉ ᓇᓗᓀᕐᑕᖓ ᒪᓕᓪᓗᒍ.
ᓂᐳᕐᑎᒋᐊᓖᑦ
• ᑯᑕᖕᖏᓂᖅ ᐃᓄᑦᑎᑐᑦ ᐊᒻᒪᓗ ᓇᓪᓕᐊᓄᑦ ᐅᐃᒍᐃᑎᑐᑦ ᖃᓪᓗᓈᑎᑐᓪᓘᓃᑦ;
• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒍᓂᒃ ᐱᓇᓱᓕᓂᐅᓂᖅ ᐊᓪᓚᕕᒻᒥᒃ ᐊᐅᓚᑦᓯᓂᕐᒥᒃ ᐅᕝᕙᓗᓘᓐᓃᑦ ᐃᓕᓐᓂᐊᑎᑦᓯᓂᕐᒥᒃ ᐅᕝᕙᓗᓘᓐᓃᑦ ᒥᑦᓯᓕᒻᒥᒃ ᐱᓇᓱᓕᓂᐅᓗᓂ ᐃᓕᓴᕐᓂᓕᕆᓂᐅᑉ ᐃᓕᑕᕆᔭᖓᓂᒃ;
• ᑐᑭᓯᒪᓂᖅ ᑯᐯᒻᒥ ᐃᓕᓴᕐᓂᓕᕆᐅᑏᑦ ᐃᓂᓪᓚᖓᓂᖓᓂᒃ ᐊᒻᒪᓗ ᓵᑉᑕ 17-ᒥᒃ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᐅᑉ ᐃᓗᐊᓂ ᐃᓱᐊᖁᑎᒋᐊᓪᓚᐅᓱᓂ.
ᓱᓇᐅᓂᖓ / ᑮᓇᐅᑦᔭᓵᖏᑦ / ᐱᕙᓪᓕᖁᑎᖏᑦ
ᐳᕐᑐᓂᓕᒃ 00-08-ᒥᒃ ᒪᓕᑦᓱᒋᑦ ᐱᓇᓱᓐᓂᐅᑉ ᐃᓂᓪᓚᖓᐅᑎᖏᑦ ᑲᒪᔨᒻᒪᕆᓐᓄᑦ ᐃᓕᐅᔪᑦ KI-ᑯᓂ: ᐱᒋᐊᕐᑐᑦ $100,606-ᓂᒃ ᑎᑭᑦᓱᒍ $134,139- ᓄᑦ ᐊᕐᕌᒍᑕᒫᑦ ᒪᓕᑦᓱᓂ ᐱᔪᓐᓇᓂᖃᕐᓂᖓᓂᒃ ᐊᒻᒪᓗ ᒋᓕᓂᐅᓂᖓᓂᒃ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.
ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:
• 30 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ
• ᖁᓕᓐᓄᑦ (10) ᐊᑭᓕᕐᑕᐅᓱᓂ ᖃᓄᐃᒍᓐᓀᕋᓱᐊᕐᓂᒧᑦ ᐅᓪᓗᐃᑦ
• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ
• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ
• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ
• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ
ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:
• ᐊᐅᔭᒥ ᐱᓇᓱᐊᕐᕕᓴᖅ
• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ
• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ
• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ
• ᐱᓇᓱᑦᑎᙯᓐᓇᓂᖅ ᐊᒻᒪᓗ ᐱᐅᒋᔭᐅᑎᑦᓯᒐᓱᐊᕐᓂᒧᑦ ᐊᑭᓕᕐᑕᐅᒋᐊᓪᓚᕈᑏᑦ
• ᐱᖓᓱᕕᓪᓗᓂ ᐅᑎᕈᑎᓕᓐᓂᒃ ᖃᖓᑦᑕᐅᑏᑦ ᓄᓇᕕᒻᒥ ᐱᑦᓱᑎᒃ
• ᐃᓗᖃᕐᑎᑕᐅᓂᖅ ᐃᑲᔪᕐᓯᐅᑎᓕᓐᓂᒃ
ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00pm, ᐊᐅᒡᒍᓯ 21, 2025
ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ:
1) ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ
2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ CD0822508-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).
ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.