ᐃᓕᓐᓂᐊᕕᒻᒥ ᐊᓪᓚᑎ (ᓄᓇᕕᒃ ᓯᕗᓂᑦᓴᕗᑦ) - KI

ᐱᓇᓱᒐᖅ: ᐃᓕᓐᓂᐊᕕᒻᒥ ᐊᓪᓚᑎ (ᓄᓇᕕᒃ ᓯᕗᓂᑦᓴᕗᑦ)

ᐊᓪᓚᕕᖓ: ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᑎᓂᒃ ᐱᒍᑦᔨᕕᖓ

ᑮᓇᐅᑦᔭᓵᑦ: ᐱᒋᐊᕐᓱᓂ $22.81ᓂᑦ $27.10-ᓄᑦ ᑎᑭᐅᑎᒍᓐᓇᑐᑦ ᐃᑲᐅᕐᓂᑕᒫᑦ ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ: SECNS2501-01

ᓇᓃᓐᓂᓴᖓ: ᒪᓐᑐᔨᐊᒥ

ᖃᓄᐃᑦᔅᑐᑑᓂᖓ: ᐱᓇᓱᒐᖅ ᐊᑕᔪᒥᒃ

ᐱᒋᐊᕐᕕᓴᖓᑕ ᐅᓪᓗᖓ: ᕕᕗᐊᕆ 2025

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ,

ᐊᖓᔪᕐᖄᖃᕐᓗᓂ ᓄᓇᕕᒃ ᓯᕗᓂᑦᓴᕘᒃᑯᑦ ᐊᑕᐅᑦᓯᑰᕐᑎᓯᔨᖓᓂᒃ ᑖᓐᓇ ᐱᓇᓱᑦᑎ ᐃᑉᐱᒋᔭᖃᕆᐊᓕᒃ ᐃᖏᕐᕋᓯᐊᕐᓂᖓᓂᒃ ᐃᓕᓐᓂᐊᕕᒃ ᑲᒪᒋᔭᖃᕐᓗᓂ ᐊᒻᒪᓗ ᐊᑕᐅᑦᓯᑰᕐᑎᓯᓗᓂ ᐊᐅᓚᑦᓯᓂᓕᕆᓂᕐᒥ ᐱᓇᓱᐊᕆᐊᓖᑦ.

ᐃᓂᖓ ᐱᓇᓱᐊᕆᐊᓕᖏᓪᓗ:

• ᐊᑐᐃᓐᓇᕈᕐᑎᓂᖅ ᑲᑎᖕᖓᓂᕐᓂᑦ, ᖃᐅᔨᑎᑦᓯᓂᖅ ᐃᓚᐅᔪᓂᑦ, ᐊᓪᓚᑎᐅᓗᓂ ᑲᑎᖕᖓᓂᕐᒥ ᐅᖄᔭᐅᔪᓂᑦ, ᐊᑐᐃᓐᓇᕈᕐᑎᓗᓂ ᐊᓪᓚᖁᑎᓂ.

• ᐊᓪᓚᓗᓂ, ᐁᑦᑐᑑᑎᖃᕐᓗᓂ ᑎᒍᓯᓗᓂᓗ ᑕᑕᕐᓴᒐᕐᓂᑦ ᐃᓚᐅᒍᒪᒍᑎᓂᑦ ᐊᒻᒪᓗ ᐊᖏᕐᑕᐅᒍᑎᓂᑦ ᐊᓪᓚᓯᒪᔪᓂᑦ.

• ᐊᑐᐃᓐᓇᕈᕐᑎᔨᐅᓗᓂ ᐱᓇᓱᑦᑎᖃᓚᐅᕐᑐᕈᒪᒍᑎᓂᑦ ᐊᒻᒪᓗ ᐊᐅᓪᓚᕈᑎᓂᑦ ᐃᓂᓕᐅᕐᓗᓂ ᑐᔪᕐᒥᐅᕕᖏᓐᓂᓗ ᐃᓕᓐᓂᐊᑎᑦᓯᓂᐊᕐᑐᓂᑦ ᐅᖄᒋᐊᕐᑐᓯᒪᔪᓂᓗ.

• ᖃᐅᔨᒋᐊᕐᕕᖃᕐᓗᓂ ᑮᓇᐅᔭᓕᕆᓂᕐᒥ ᐊᓪᓚᕕᖓᓂᒃ ᙯᖁᔭᐅᒪᔪᐃᑦ ᐊᑭᓕᕐᑕᐅᒍᑎᑦᓴᖏᓐᓂᑦ, ᐊᓪᓚᓯᒪᔪᓕᐅᕐᓗᓂ ᑮᓇᐅᔭᕐᑐᕈᑎᕕᓃᑦ ᐊᓪᓚᓯᒪᔪᖁᑎᖏᓐᓂᑦ, ᑲᒪᒋᔭᖃᕐᓗᓂᓗ ᐃᓪᓓᒍᑎᐊᐱᒻᒥᒃ ᐊᑭᓕᑦᓴᑖᕈᑎᐅᑉ ᐊᑐᕐᑕᐅᒥᖏᑦ ᓈᒻᒪᓈᑦᓯᐊᒪᖔᑕ ᑮᓇᐅᔭᕐᑐᕈᑎᓂᓗ ᑲᒪᒋᐊᕐᓗᓂ ᐊᑐᕐᓗᓂ Excel worksheets-ᓂᑦ.

• ᐊᐅᓚᑦᓯᓗᓂ ᓄᓇᕗᑦ ᓯᕗᓂᑦᓴᕗᑦ Facebookᖓᓂᒃ.

• ᐃᑲᔪᕐᓯᓗᓂ ᐊᑕᐅᑦᓯᑯᓕᕐᑎᑕᐅᓂᖓᓂᒃ ᐃᓗᕐᕈᓯᒥᒃ ᑲᑎᒪᓂᐊᕈᓯᕐᓂᑦ, ᐃᓚᐅᑎᓪᓗᒋᑦ ᙯᖁᔭᐅᒪᔪᐃᑦ ᑲᒪᒋᔭᐅᓂᖏᓐᓂᑦ, ᓇᓃᓐᓂᖏᓐᓂᑦ, ᐱᓇᓱᑦᑎᑖᕐᓗᓂᓗ ᐃᓕᓐᓂᐊᑎᑦᓯᓂᐊᕐᑐᓂᑦ.

• ᑲᒪᒋᔭᖃᕐᓗᓂ ᐊᐅᓚᑕᐅᓂᖏᓐᓂᑦ ᐃᓕᓐᓂᐊᑏᑦ ᐊᓪᓚᑕᐅᒪᒍᑎᖏᓐᓂᑦ, ᐅᐸᓗᑲᑦᑕᓂᖏᓐᓂᑦ, ᐱᓇᓱᑦᑎᖃᓚᐅᕐᑐᓂᕐᒧᑦ ᐊᓪᓚᓯᒪᔪᓂᑦ, ᐃᓕᓐᓂᐊᑎᓂᑦ ᐃᑲᔪᕐᑎᓂᓗ.

• ᐊᐅᓚᑦᓯᓗᓂ ᐱᒍᑦᔨᕕᐅᑉ ᑐᓴᕋᑦᓴᖏᓐᓂᑦ ᐃᓕᓐᓂᐊᑎᓄᑦ ᐱᓇᓱᑦᑎᓄᓗ.

• ᐃᑲᔪᕐᓯᓗᓂ ᐃᓂᓪᓚᑎᕐᑕᐅᓂᖏᓐᓂᑦ ᐊᓪᓚᑕᐅᒪᒍᑎᖏᑦ ᓄᑖᑦ ᐃᓕᓐᓂᐊᑏᑦ SharePoint platform-ᒥ.

• ᐃᓂᓪᓚᑎᕆᓗᓂ ᑲᒪᒋᔭᖃᕐᓗᓂᓗ ᐃᓕᓐᓂᐊᕈᒪᐅᑎᓂᑦ ᐊᓪᓚᑕᐅᒪᔪᓂᑦ, ᐊᐅᓪᓚᑎᑦᓯᓗᓂᓗ ᐃᓕᓐᓂᐊᕈᒪᔪᐃᑦ ᐊᖏᕐᑕᑲᐅᒍᑎᖏᓐᓂᑦ ᐊᓪᓚᓯᒪᔪᓂᑦ.

• ᐊᓯᖏᓐᓂᑦ ᐱᓇᓱᐊᕐᓗᓂ ᐱᓇᓱᒐᖓᓄᓕᖓᔪᓂᑦ ᐊᒻᒪᓗ ᐊᑕᐅᑦᓯᑯᓕᕐᑎᔨᐅᑉ ᐱᓇᓱᑦᑕᐅᖁᔭᖏᓐᓂᑦ.

ᐱᒍᓐᓇᐅᑎᒋᒋᐊᓕᖏᑦ:

• ᐱᓇᓱᒐᕐᒧᑦ ᐱᔭᕇᕈᑎᖃᕐᓗᓂ ᐊᓪᓚᑎᐅᓂᕐᒧᑦ ᐃᓕᓐᓂᐊᓯᒪᓂᕐᒧᑦ ᐅᕝᕙᓘᓐᓃᑦ ᐊᑦᔨᐸᓱᖓᓂᒃ ᓇᓗᓀᕐᑕᐅᒍᑎᑖᕐᓯᒪᓗᓂ ᐃᓕᑕᕐᓯᒍᑎᓂᒃ ᐃᓕᑕᕆᔭᐅᒍᑎᓕᒻᒥ ᐃᓕᓐᓂᐊᕕᒻᒥ;

• ᓯᑕᒪᓂᒃ ᐊᕐᕌᒍᓂ ᐱᓇᓱᐊᕐᓯᒪᓗᓂ ᑌᒣᑦᑐᒨᓕᖓᔪᓂᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

• ᐊᓪᓚᕈᓐᓇᓯᐊᕐᓗᓂ ᐅᖄᒍᓐᓇᓯᐊᕐᓗᓂᓗ ᒪᕐᕉᓂᒃ ᐃᓕᑕᕆᔭᐅᓂᓖᓐᓄᑦ ᐅᖃᐅᓰᓐᓄᑦ ᐃᓕᓴᕐᓂᓕᕆᓂᕐᒥ (ᐃᓄᑦᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ);

• ᖃᐅᔨᒪᓂᖃᑦᓯᐊᓗᓂ ᐱᓇᓱᐊᕈᓐᓇᓯᐊᕐᓗᓂ ᐊᓪᓚᕕᒻᒥ ᖃᕆᑕᐅᔭᓕᕆᓂᕐᒥᒃ;

• ᐊᓪᓚᕈᑎᓂᒃ ᖃᕆᑕᐅᔭᑎᒍᑦ MS Word, Excel ᐊᒻᒪᓗ Filemaker Pro Macintosh-ᓱᒧᑦ ᖃᕆᑕᐅᔭᒧᑦ ᐱᐅᒋᔭᐅᕋᔭᕐᑐᖅ;

• ᖃᐅᔨᒪᓗᓂ ᐃᓄᐃᑦ ᐃᓗᕐᖁᓯᖓᓂᒃ ᐊᒻᒪᓗ ᐃᓅᓯᖓᓂᒃ ᓄᓇᕕᒻᒥ;

• ᓄᓇᕕᒃ ᓯᕗᓂᑦᓴᕘᒥ ᐱᔭᕇᒍᓯᕐᑕᐅᓯᒪᓗᓂ (ᐱᐅᔫᒐᔭᕐᑐᖅ)

ᑫᕙᓪᓚᒍᓯᕆᒐᔭᕐᑕᖏᑦ: 35-ᓂᑦ ᑫᕙᓪᓚᒍᓯᕐᓂᑦ ᐱᓇᓱᐊᕈᓯᑕᒫᑦ ᐊᓪᓕᕇᕐᑐᓂᑦ ᓂᕿᑦᓯᑐᓄᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ AENQ-ᑯᑦ ᐱᓇᓱᑦᑎᖏᑦᑕ ᐊᖏᖃᑎᒌᒍᑎᖓ ᐱᓇᓱᑦᑎᑐᐃᓐᓇᓄᑦ / ᑖᓐᓇ ᐱᓇᓱᒐᖅ 4211-ᒥᒃ ᐱᓇᓱᕝᕕᖃᕋᔭᕐᑐᖅ,

ᐱᒋᐊᕐᓱᒋᑦ $22.81-ᓂᑦ $27.10-ᓄᑦ ᑎᑭᐅᑎᒍᓐᓇᑐᑦ / ᑫᕙᓪᓚᒍᓯᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᔮᓄᐊᕆ 30, 2025

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ SECNS2501-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.