ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ ᐊᑕᐅᑦᓯᑯᓕᕐᑎᓯᔨᒃ-ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᑎᑦᓯᓂᕐᒧᑦ ᐱᓇᓱᑦᑎᒥᒃ - KRG

ᐱᓇᓱᒐᖅ ᐅᒃᑯᐃᖔᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ, ᑎᒥᐅᔪᖅ ᐊᐅᓚᑦᓯᓱᓂ ᓄᓇᓕᐊᕈᕐᓂᒃ ᓄᓇᖁᑎᖃᕐᓱᓂ 55 ᐃᑰᑕᖓᑕ ᑕᕐᕋᖓᓂ, ᒫᓐᓇ ᕿᓂᕐᖁᑦ ᐱᒍᓇᐅᑦᓯᖓᑦᓯᐊᑐᒥᒃ ᕿᑦᑌᖓᑦᓯᐊᑐᒥᓗ ᐃᓄᒻᒥᒃ ᐃᓚᐅᒍᒪᔪᒥᒃ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓄᑦ ᐱᓇᓱᐊᕐᓗᓂ ᐅᑯᓂᖓ:

ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ ᐊᑕᐅᑦᓯᑯᓕᕐᑎᓯᔨᒃ-ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᑎᑦᓯᓂᕐᒧᑦ ᐱᓇᓱᑦᑎᒥᒃ

ᐊᖓᔪᕐᖄᖃᕐᓱᓂ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓄᑦ ᑐᑭᒧᐊᑦᑎᓯᔨᖓᓂᒃ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ ᐊᑕᐅᑦᓯᑯᓕᕐᑎᓯᔨᒃ-ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᑎᑦᓯᓂᕐᒧᑦ ᐱᓇᓱᑦᑎᒃ ᑲᒪᒋᔭᖃᕆᐊᓕᒃ, ᐃᑲᔪᕐᓯᓗᓂ ᐊᒻᒪᓗ ᑲᒪᒋᔭᖃᕐᓗᓂ ᐱᓇᓱᑦᑕᐅᒋᐊᓕᓐᓂᒃ ᐊᑕᐅᑦᓯᑯᓕᕐᑎᑕᐅᓂᖏᓐᓂᒃ ᐃᑉᐱᒋᔭᐅᓂᖏᓐᓂᓗ ᐱᓇᓱᑦᑕᐅᔪᑦ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ ᐱᒍᑦᔨᕕᖓᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ. ᐅᑯᓂᖓ ᐱᓇᓱᒐᖃᓗᐊᖕᖑᐊᑐᖅ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ ᐊᑕᐅᑦᓯᑯᓕᕐᑎᓯᔨᒃ-ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᑎᑦᓯᔨᓕᕆᔨᒃ:

• ᑲᔪᓯᓕᕐᑎᓯᓗᓂ ᒪᓕᑦᑕᐅᑎᑦᓯᓯᐊᕐᓗᓂᓗ ᓄᓇᓕᓕᒫᓂ ᓄᓇᕕᒻᒥ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒧᑦ ᐸᕐᓀᕈᑎᒥᒃ.

• ᐊᑕᐅᑦᓯᑯᓕᕐᑎᓯᓗᓂ ᐃᑉᐱᒋᔭᖃᕐᓗᓂᓗ ᐱᓇᓱᑦᑎᓂᒃ ᑲᒪᒋᔭᑦᓴᔭᓕᓐᓂᒃ ᑲᔪᓯᓕᕐᑎᑕᐅᓂᖏᓐᓂᒃ ᓄᓇᕕᒻᒥ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒧᑦ ᐸᕐᓀᕈᑎᒥᒃ.

• ᐃᑲᔪᕐᓯᓗᓂ ᐅᑭᐅᕐᑕᑐᒥ ᓄᓇᓕᖏᓐᓂᒃ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒧᓕᖓᔪᓂᒃ ᓯᕗᕐᖐᒐᓱᓐᓂᓂᓗ ᐃᓚᐅᑎᓪᓗᒋᑦ ᑲᔪᓯᓕᕐᑎᑕᐅᓂᖏᑦ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒧᓕᖓᔪᓂᒃ ᓯᕗᕐᖐᒐᓱᓐᓂᓂᓗ ᐃᓚᐅᑎᓪᓗᒍ ᑲᔪᓕᕐᑎᑕᐅᓂᖏᑦ ᕿᒥᕐᕈᓂᕐᓂ ᓯᕗᕐᖐᒐᓱᓐᓂᒥᓗ ᑐᖕᖓᕕᒋᔭᐅᔪᓂᒃ ᓄᓇᓕᐊᕈᐃᑦ ᐃᓪᓗᒪᕆᖏᓐᓂᒃ ᐊᒻᒪᓗ ᐃᓪᓗᖁᑎᖏᓐᓂᒃ ᓄᓇᕕᒻᒥ ᓄᓇᓕᖏᓐᓂ.

• ᑲᔪᓯᓕᕐᑎᓯᓗᓂ ᐃᑉᐱᒋᔭᖃᕐᓗᓂᓗ ᑲᔪᓯᔪᒥᒃ ᐃᓕᓐᓂᐊᑎᑦᓯᒍᑎᓂᒃ ᑮᓇᐅᑦᔭᓴᖕᖏᓱᑎᒃ ᖃᒥᑎᕆᔩᑦ ᓄᓇᕕᒻᒥ ᐃᓕᑕᕆᔭᐅᒍᑎᑖᕈᓐᓇᓯᓂᐊᕐᒪᑕ.

• ᑲᔪᓯᓕᕐᑎᓯᓗᓂ ᐃᑉᐱᒋᔭᖃᕐᓗᓂᓗ ᐊᕐᕌᒍᑕᒫᑦ ᓯᕗᕐᖐᒐᓱᓐᓂᓄᑦ ᐱᓇᓱᑦᑕᐅᔪᓂᒃ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓄᑦ ᐊᒻᒪᓗ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒥᒃ.

• ᑲᔪᓯᑎᑦᓯᓗᓂ ᕿᒥᕐᕈᒋᐊᓪᓛᓂᕐᓂᒃ ᐊᒻᒪᓗ ᐋᕐᖀᒋᐊᕐᓂᓂᒃ ᐃᓂᕐᕋᓯᐊᕈᓐᓇᓂᐊᕐᒪᑕ ᓄᓇᕕᒻᒥ ᖃᒥᑎᕆᔩᑦ ᐱᒍᑦᔨᕕᖓᑕ ᐱᒍᓐᓇᓯᐊᕐᓂᖏᑦ.

• ᑭᒡᒐᑐᕐᓗᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂᒃ ᓄᓇᓕᓕᒫᓂ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒧᓕᖓᔪᓂᒃ.

• ᓲᓱᑦᓴᓯᐊᕐᓗᓂ ᐊᕐᕌᒍᓕᒫᒧᓕᖓᔪᒥᒃ ᑮᓇᐅᔭᕐᑑᑎᑦᓴᑖᕕᓂᕐᓂᒃ, ᐃᓚᐅᓗᓂ ᐊᑐᐃᓐᓇᕈᕐᑎᕆᓂᕐᒥ ᐊᐅᓚᑦᓯᓂᕐᒥᓗ ᑮᓇᐅᔭᕐᑑᑎᑦᓴᓕᐊᕕᓂᕐᓂᒃ, ᑲᔪᓯᓕᕐᑎᓯᓗᓂ ᖃᖓᐅᓂᑦᓴᓕᐊᕕᓂᕐᓂᒃ, ᐃᑉᐱᒋᔭᖃᕐᓗᓂᓗ ᐃᓱᓕᕝᕕᖏᓐᓂᒃ ᑲᔪᓯᓕᕐᑎᑕᐅᓂᖏᓐᓄᓕᖓᔪᓂᒃ ᓄᓇᓕᓕᒫᓂ ᓄᓇᕕᒻᒥ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒧᑦ ᐸᕐᓀᕈᑎᒥᒃ.

• ᐃᓚᐅᓗᓂ, ᖁᔭᐅᓕᕈᓂ ᑲᑎᖕᖓᓂᕐᓂ ᑯᐯᒃᑯᓄᑦ ᑲᕙᒪᑐᖃᒃᑯᓄᓗ ᑲᕙᒪᒋᓐᓂᒃ ᑭᒡᒐᑐᕐᑎᖏᓪᓗ, ᓄᓇᓕᓕᒫᓂ ᑎᒥᐅᔪᓂᒃ ᐊᒻᒪᓗ ᐊᓯᖏᓐᓂᒃ ᐱᓇᓱᖃᑎᑦᓴᔭᖏᓐᓂᒃ.

• ᑲᒪᒋᔭᖃᕐᓗᓂ ᐊᕐᕌᒍᑕᒫᑦ ᓄᓇᓕᓕᒫᓂ ᓄᓇᕕᒻᒥ ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᒋᐊᖃᕐᓂᒧᑦ ᐸᕐᓀᕈᑎᒥᒃ ᑐᓴᕐᑎᓯᒍᑎᖏᓐᓂᒃ ᐊᖓᔪᕐᖃᐅᑎᓄᑦ (ᐅᑦᑑᑎᒋᓗᒍ ᑲᑎᕕᒃ ᓄᓇᓕᓕᒪᑦ ᑲᕙᒪᖓᑕ ᑲᑎᖕᖓᔨᖏᑦ, ᑐᕐᖃᑕᕐᕕᖓ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ).

• ᐊᑕᐅᑦᓯᑯᓕᕐᑎᓯᓗᓂ ᐸᕐᓀᕈᑎᖃᕐᓗᓂᓗ ᐊᕐᕌᒍᑕᒫᑦ ᓄᓇᕕᒻᒥ ᖃᒥᑎᕆᔩᑦ ᐊᖓᔪᕐᖄᖏᑦᑕ ᑲᑎᖕᖓᓂᖏᓐᓂᒃ (NAFCM) .

• ᕿᒥᕐᕈᓗᓂ ᓱᓕᓂᕃᓗᓂᓗ ᐱᓇᓱᑦᑐᐃᑦ ᑫᕙᓪᓚᒍᓯᖏᓐᓂ ᖃᖓᓗ ᐱᓇᓱᓐᓂᓴᖏᓂᒃ ᐊᖏᕐᑕᐅᓚᐅᕐᑎᓇᒋᑦ ᑐᑭᒧᐊᑦᑎᓯᔨᒧᑦ ᐊᒻᒪᓗ ᐊᑭᓕᕐᑕᐅᒍᑎᖏᑦ ᑲᔪᓯᑎᑕᐅᓚᐅᕐᑎᓇᒋᑦ ᐱᓇᓱᑦᑏᑦ ᑲᒪᒋᔭᖏᑦ.

• ᑲᑐᑦᔨᖃᑎᖃᕐᓗᓂ ᐊᓪᓚᕕᒻᒥ ᐊᑕᐅᑦᓯᑯᓕᕐᑎᓯᔨᒥᒃ, ᕿᒥᕐᕈᓗᑎᑦ ᐱᓇᓱᑦᑕᐅᔪᐃᑦ ᐊᑭᓕᕐᑕᐅᒍᑎᒋᒋᐊᓕᖏᓐᓂᒃ, ᐊᒻᒪᓗ ᐱᓇᓱᓪᓗᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᓪᓚᕕᓕᕆᓂᕐᒥ ᖃᓄᐃᓗᕈᓯᖏᓐᓂᒃ ᒪᓕᓪᓗᓂ ᐊᑭᓕᕐᑕᐅᖁᔨᒍᑎᓂᒃ ᐊᖏᕐᑎᐅᓗᓂ, ᓂᐅᕕᕐᓂᒥᒃ ᑎᑭᓭᓂᕐᓂᓗ ᐱᖁᑎᓂᒃ ᐱᒍᑦᔨᒍᑎᓂᓗ ᐊᒻᒪᓗ/ᐅᕝᕙᓗᓐᓃᑦ ᖃᐅᔨᒋᐊᕐᕕᖃᕐᓗᓂ ᐱᓇᓱᑦᑎᒋᔭᐅᓚᐅᕐᑐᑐᓂᒃ ᕆᐊᖃᓕᕈᓂ.

• ᑲᑐᑦᔨᖃᑎᐅᓗᓂ ᕿᓂᕐᓗᑎᑦ ᐱᐅᓯᒋᐊᕆᒋᐊᓪᓚᕈᑎᐅᒍᓐᓇᑐᓂᒃ, ᓄᐃᑦᓯᓗᑎᑦ ᐱᐅᓂᕐᐹᓂᒃ ᖃᓄᐃᓗᕈᑎᐅᒍᓐᓇᑐᓂᒃ ᐊᒻᒪᓗ ᑲᔪᓯᓕᕐᑎᓯᓗᓂ ᐊᓯᑦᔨᒋᐊᕈᑎᓂᒃ ᐱᓇᓱᕝᕕᒥ ᐃᓂᕐᕋᓯᐊᕈᓐᓇᓯᓂᐊᕐᒪ ᐱᑦᓯᐊᑐᒥᓗ ᓲᓱᑦᓴᓯᐊᖏᓐᓇᓗᑎᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᑦᑕᖏᓐᓂᒃ ᖃᓄᐃᓗᕈᓯᖏᓐᓂ.

• ᐱᓇᓱᖃᑎᖃᕐᓗᓂ ᑐᑭᒧᐊᑦᑎᓯᔨᒥᒃ, ᐸᕐᓀᓗᑎᑦ ᐊᒻᒪᓗ ᓂᕆᐅᒋᔭᐅᒋᐊᓕᓐᓂᒃ ᐃᓕᓐᓂᐊᑕᐅᒋᐊᓕᓐᓂᒃ, ᐸᕐᓀᓯᐊᕐᓗᑎᓗ ᓴᐳᑦᔭᐅᑎᑦᓯᐊᓗᖏᓗ ᐱᓇᓱᑦᑏᑦ.

• ᐅᐃᒪᓇᕐᓯᔪᖃᕐᐸᑦ, ᐊᑕᐅᑦᓯᑯᓕᕐᑎᓯᔨᒃ - ᐃᑯᐊᓪᓚᑐᖃᕐᐸᑦ ᐊᑦᑕᓀᑦᑐᒥᑎᑦᓯᓂᕐᒧᑦ ᐱᓇᓱᑦᑎᒃ ᐊᒻᒪᓗ ᐃᓘᓐᓇᑎᒃ ᓄᓇᓕᓕᒫᓂ ᐃᑲᔪᕐᓯᔪᑦᓴᓕᐊᕕᓃᑦ ᑐᓂᒪᑦᓯᐊᕆᐊᖃᕐᖁᑦ ᐃᓂᕐᕋᕈᓐᓇᓯᐊᕐᓗᑎᓗ ᑲᒪᒋᔭᐅᓗᑎᑦ ᐱᒍᑦᔨᕕᐅᑉ ᑐᑭᒧᐊᑦᑎᓯᔨᖓᓄᑦ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᖕᖏᓂᖏᓐᓂ ᐱᒍᑦᔨᕕᖓᓂ, ᐱᓇᓱᐊᒋᐊᓕᒻᒥᓂ ᓄᓇᕕᒻᒥ ᐅᐃᒪᓇᕐᓯᔪᖃᕐᐸᑦ ᓇᐅᓕᒫᑦ ᐊᑦᑕᓀᑦᑐᒥᒋᐊᖃᕐᓂᖏᓐᓂᒃ ᐊᑕᐅᑦᓯᑯᓕᕐᑎᓯᔨᐅᓂᕐᒥᓄᑦ.

• ᐱᓇᓱᓪᓗᓂ ᓇᓪᓕᑐᐃᓐᓇᖏᓐᓂᒃ ᐱᓇᓱᒐᖓᓄᓕᖓᔪᓂᒃ ᕆᐊᖃᓕᕈᓂ.

ᐱᓇᓱᑦᑎᑖᕆᔭᐅᔪᖅ ᐅᑯᓂᖓ ᑲᔪᓯᑎᑦᓯᒍᓐᓇᕆᐊᓕᒃ:

• ᐃᓕᓐᓂᐊᕕᕐᔪᐊᒥ ᐱᔭᕆᕈᑎᖃᕐᓗᓂ ᐅᑯᓂᖓ (ᐊᐅᓚᑦᓯᔨᐅᓂᖅ, ᐅᐃᒪᓇᕐᑐᖃᓕᕐᐸᑦ ᐊᐅᓚᑦᓯᔨᐅᓂᖅ, ᐱᓇᓱᑦᑎᓕᕆᓂᕐᒥ ᐊᐅᓚᑦᓯᔨᒃ), ᐊᑦᔨᐸᓱᖓᓂᓗᓐᓃᑦ ᐱᓇᓱᑦᑎᐅᓯᒪᓗᓂ ᐱᐅᔫᒐᔭᕐᑐᖅ;

• ᐃᑭᓐᓂᐹᖑᓗᑎᑦ ᐱᖓᓱᐃᑦ (3) ᐊᕐᕌᒍᐃᑦ ᐊᑦᔨᐸᓱᖓᓂᒃ ᐱᓇᓱᑦᑎᐅᓯᒪᓗᓂ;

• ᐃᑭᓐᓂᐹᖑᓗᑎᑦ ᐱᖓᓱᐃᑦ (3) ᐊᕐᕌᒍᕐᓂᒃ ᐊᐅᓚᑦᓯᔨᐅᓂᕐᒥᒃ ᐱᓇᓱᑦᑎᐅᓯᒪᓗᓂ;

• ᐸᕐᓀᕈᓐᓇᓂᖃᑦᓯᐊᓗᓂ, ᑐᑭᓯᒪᖃᑎᒌᓐᓂᖃᕈᓐᓇᓯᐊᕐᓗᓂ, ᕿᒥᕐᕈᒍᓐᓇᓯᐊᕐᓗᓂ ᐊᒻᒪᓗ ᐃᓂᓪᓚᖓᒍᓐᓇᓯᐊᕐᓗᓂ;

• ᐊᐅᓪᓚᑲᑦᑕᕈᓐᓇᓗᓂ;

• ᐊᑐᕈᓐᓇᓗᓂ Microsoft Office Suite-ᒥᒃ;

• ᖃᐅᔨᒪᓗᓂ ᐃᑯᐊᓪᓚᑐᖃᕐᐸᑦ ᖃᒥᑎᕆᔨᐅᓂᕐᒥᒃ ᐱᐅᔫᒐᔭᕐᑐᖅ.

• ᐊᓪᓚᒍᓐᓇᓗᓂ ᐅᖄᒍᓐᓇᓗᓂᓗ ᒪᕐᕈᔪᐊᓐᓂᒃ (2) ᐅᑯᓂᖓ ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᒍᐃᒍᐃᑎᑐᓗ;

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒋᔭᐅᔪᓂᒃ ᐊᓯᖏᓐᓄᑦ ᑮᓇᐅᑦᔭᓵᓂᒃ ᐱᕙᓪᓕᖁᑎᓂᓗ ᐊᑐᐃᓐᓇᐅᑎᑦᓯᕗᖅ ᐃᓚᐅᑎᓪᓗᒋᑦ ᓯᑕᒪᐅᔪᕐᑐᓂᒃ ᐱᓇᓱᐊᕈᓯᕐᓂᒃ ᕿᑲᕐᓇᖃᕐᓱᑎᑦ ᐊᕐᕌᒍᓕᒫᒥ, ᐃᓅᒐᓱᐊᕐᓂᒧᑦ ᐃᑲᔪᕐᓯᒍᑏᑦ, ᐊᑭᓕᕐᑕᐅᔪᓂᒃ ᐊᕐᕌᒍᑕᒫᑦ ᐊᐅᓪᓚᑎᓂᒃ, ᐊᒥᓱᐃᖑᑦᓱᑎᑦ ᐃᒻᒪᖃᐅᑏᑦ ᐃᓚᖃᕐᒥᓱᑎᑦ ᐃᓄᑐᖃᐅᓂᕐᒧᑦ ᕿᑲᕈᓐᓇᐅᑎᑖᕈᑎᓂᒃ ᐃᑲᔪᕐᓯᒍᑎᖃᕐᒥᓱᑎᑦ. ᐱᓇᓱᒐᕐᒥ ᑰᑦᔪᐊᒦᑦᑐᖅ.

ᓇᓂᓐᓂᖓ ᐱᓇᓱᒐᐅᑉ: ᑰᑦᔪᐊᖅ

ᑮᓇᐅᑦᔭᓵᑦ: ᐃᑭᓐᓂᐹᖑᓗᑎᑦ $98,420 - ᐅᓄᕐᓂᐹᖑᓗᑎᑦ $135,335 ᐊᕐᕌᒍᓕᒫᒥ.

ᐱᕙᓪᓕᖁᑎᖏᑦ: ᐃᓅᒐᓱᐊᕐᓂᒧᑦ ᐊᑦᔨᒋᔭᐅᖏᑐᒥᓐᓂᒧᑦ ᐃᑲᔪᕐᓯᒍᑏᑦ: ᐃᑭᓐᓂᐹᑦ $8 500 ᐊᕐᕌᒍᓕᒫᒥ.

ᓂᕿᑎᒍᑦ ᐃᑲᔪᕐᓯᒍᑏᑦ: ᐃᑭᓐᓂᐹᖑᓗᑎᑦ $4 398 ᐊᕐᕌᒍᓕᒫᒥ.

ᐊᕐᕌᒍᑕᒫᑦ ᐊᐅᓪᓚᕈᑏᑦ: ᐅᓄᕐᓂᐹᖅ 3ᕕᓪᓗᑎᑦ ᐊᑕᐅᓯᕐᒧᑦ ᐃᓄᒻᒧᑦ ᐊᕐᕌᒍᓕᒫᒥ;

ᐱᔭᕆᐊᑭᓪᓕᑎᕐᓯᒪᔪᖅ ᐃᓄᑐᖃᐅᓂᕐᒧᑦ ᕿᑲᕈᓐᓇᐅᑎᖏᑦ;

ᐊᒥᓱᐃᓄᑦ ᐃᒻᒪᖃᐅᑎᖏᑦ;

ᕿᑲᕐᓀᑦ: 30 ᐅᓪᓗᐃᑦ ᐊᕐᕌᒍᓕᒫᒥ;

ᐅᓪᓗᐃᑦ ᕿᑲᕐᓀᑦ: 19 ᐅᓪᓗᐃᑦ ᐃᓚᐅᑎᓪᓗᒍ ᕿᑎᖕᖓᒥ.

ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ ᑎᑭᑎᓗᒋᑦ ᐅᕗᖓ ᑐᕌᕈᑎᒧᑦ:

ᐱᓇᓱᑦᑎᓕᕆᕕᒃ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

P.O. Box 9

ᑰᑦᔪᐊᖅ ᑯᐯᒃ J0M 1C0

ᓱᑲᑦᑐᑰᕈᑎᒃ: 819-964-2975

ᖃᕆᑕᐅᔭᑎᒍᑦ ᓯᓚᑎᖓ: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐊᑦᔨᒌᑦᑎᓯᕗᖅ ᐱᓇᓱᒐᕐᑖᕋᓱᑦᑐᓂᒃ. ᒪᓕᑦᓱᑎᑦ ᑖᑦᓱᒥᖓ ᐊᒻᒪᓗ ᔦᒻᔅ ᐯ ᑯᐯᒃᓗ ᑕᕐᕋᖓᓂ ᐊᖏᖃᑎᒌᒍᑎᖓᓂᒃ, ᖃᓄᐃᓕᖓᓂᖏᑦ ᐊᑦᔨᐅᖏᑦᑑᑐᐃᓐᓇᕆᐊᖃᕐᖁᑦ ᐱᓇᓱᒐᕐᑖᑎᑦᓯᒐᓱᓐᓂᒧᑦ ᐃᓄᓐᓂᒃ ᐱᓇᓱᒐᕐᑖᕋᓱᑦᑐᓂᒃ.

ᐱᓇᓱᒐᕐᑖᕋᓱᑦᑐᐃᑦ ᐊᐱᕐᓱᑲᑦᑕᑕᐅᓱᖕᖑᔪᐃᑦ ᑭᓯᐊᓂ ᐊᔾᓚᕕᐅᓛᕐᖁᑦ.