ᐃᓄᐃᑦ ᓴᑑᒪᐅᑎᖏᓐᓂᒃ ᓴᖑᐊᑦᓯᔨ: ᕿᓂᕐᓂᖅ ᐊᒻᒪᓗ ᐱᐅᓕᑦᓯᓂᖅ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᓄᓇᕕᒻᒥ ᐳᓖᓰᑦ ᐱᒍᑦᔨᔨᖏᑦ ᐱᒋᐊᖃᕐᖁᑦ ᕿᓂᕐᓂᒥᒃ ᐱᐅᓕᑦᓯᓂᕐᒥᓗ ᓴᖑᐊᑦᓯᔨᑦᓴᒥᒃ. ᑖᓐᓇ ᐃᓂᒃ ᐊᑦᑕᑐᐊᖑᓚᖓᔪᖅ ᐱᒍᑦᔨᔨᐅᓗᓂ ᐃᓄᓕᒫᑦ ᓴᑑᒪᐅᑎᖏᓐᓂᒃ ᐱᓇᓱᕝᕕᒥᒃ.

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᖁᓪᓕᐸᐅᑦᓱᓂ-ᑲᕙᒫᐱᓐᓄᑦ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᑯᐯᒻᒥ ᓄᓇᒥᒃ 55° ᑕᕐᕋᖓᓃᑦᑐᒥᒃ ᕿᓂᓕᕐᑐᖅ ᐃᒻᒥᓂᒃ-ᑲᑦᓱᙰᑦᑐᒥᒃ ᐊᒻᒪᓗ ᕿᑦᑌᖓᓪᓚᕆᑦᑐᒥᒃ ᐃᓄᒻᒥᒃ ᐃᓚᒋᓕᐅᑎᒍᒪᔪᒥᒃ KRG-ᒧᑦ ᐱᓇᓱᒐᖃᕐᓗᓂ ᒪᑐᒥᖓ:

ᐃᓄᐃᑦ ᓴᑑᒪᐅᑎᖏᓐᓂᒃ ᓴᖑᐊᑦᓯᔨ: ᕿᓂᕐᓂᖅ ᐊᒻᒪᓗ ᐱᐅᓕᑦᓯᓂᖅ

ᐊᑕᑫᓐᓇᓚᖓᔪᖅ, ᐃᓗᐃᑦᑐᖅ (ᐊᕐᕌᒎᓐᓂᒃ ᒪᕐᕉᓂᒃ ᐱᓇᓱᒐᖃᕈᑎ ᓄᑕᐅᓯᓕᑐᐃᓐᓇᕆᐊᓕᒃ)

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᒥᒃ ᐃᓄᓕᒫᑦ ᓴᑑᒪᐅᑎᖏᓐᓂᒃ, ᐃᓄᐃᑦ ᓴᑑᒪᐅᑎᖏᓐᓂᒃ ᓴᖑᐊᑦᓯᔨ - ᕿᓂᕐᓂᒧᑦ ᐊᒻᒪᓗ ᐱᐅᓕᑦᓯᓂᕐᒧᑦ (SAR) ᑲᒪᔨᐅᕗᖅ ᓴᖑᐊᑦᓯᓂᕐᒥᒃ ᐊᒻᒪᓗ ᐊᐅᓚᑦᓯᓂᕐᒥᒃ ᕿᓂᕐᓂᑯᑦ ᐱᐅᓕᑦᓯᓂᒃᑯᓗ ᐱᓇᓱᓐᓂᓕᒫᓂᒃ ᓄᓇᕕᐅᑉ ᐃᓘᓐᓇᖓᓂ. SAR-ᓂᒃ ᐸᕐᓇᕈᑏᑦ ᐊᑦᑐᐊᕗᑦ ᓴᖑᐊᑦᓯᓂᕐᒥᒃ ᐊᒥᓱᐃᓂᒃ ᑎᒥᓂᒃ, ᐊᑦᑕᓇᕐᑐᓂᒃ ᑲᖕᖑᓇᕿᓂᕐᒥᒃ, ᐊᒻᒪᓗ ᓱᕐᖁᐃᓂᕐᒥᒃ ᐊᑦᑕᓇᕋᑎᒃ ᓱᕙᓪᓕᓇᕐᓗᑎᓪᓗ ᐱᐅᓕᑦᓯᒋᐊᕐᑐᑐᑦ ᐱᓇᓱᓐᓂᖏᓐᓂᒃ ᐅᐃᒪᓇᕐᑎᓗᒍ ᐊᒻᒪᓗ ᐅᐃᒪᓇᖕᖏᑲᓗᐊᕐᐸᑦ ᐱᓇᓱᐊᕈᑎᒥᓂ.

ᐱᓇᓱᐊᑦᓴᖏᑦ

• ᖃᓂᒋᐅᑎᓗᓂ ᐱᓇᓱᖃᑎᖃᓪᓚᕆᓐᓂᖅ ᑐᑭᒧᐊᑦᑎᓯᔨᒥᒃ, ᐅᖃᕐᑎᒋᔭᐅᓂᖅ ᐃᓘᓐᓀᓂ ᓄᓇᕕᒻᒥ SAR-ᓂᒃ ᐊᑦᑐᐊᔪᓂᒃ ᑲᒪᒍᑎᓕᒫᓂ ᑲᒪᖃᑎᖃᕐᓗᓂ ᑲᕙᒫᐱᓐᓂ, ᓄᓇᓕᓕᒫᓂᒃ, ᑯᐯᒃᑯᓂᒃ, ᑲᕙᒪᑐᖃᒃᑯᓂᒃ ᐊᓯᖏᓐᓂᓗ ᓯᕗᓂᓕᐅᕐᓯᒪᑦᓱᓂ ᐱᓇᓱᖃᑎᓂᒃ

• ᐸᕐᓇᓂᖅ, ᓴᖑᐊᑦᓯᓂᖅ ᐊᒻᒪᓗ ᐃᑉᐱᒍᓱᑦᑎᐅᓂᖅ ᕿᓂᕐᓂᒥᒃ ᐱᐅᓕᑦᓯᓂᕐᒥᓗ ᐱᓇᓱᐊᕐᓂᓕᒫᓂᒃ ᒪᓕᓪᓗᓂ ᐋᕐᕿᓯᒪᔪᓂᒃ ᐱᕐᕈᓯᕐᓂᒃ ᐊᒻᒪᓗ ᐱᖁᔭᑎᒍᑦ ᐃᓂᓪᓚᖓᐅᑎᓂᒃ

• ᓯᕗᓕᕐᓂᖅ ᓴᖑᐊᑦᓯᓗᓂᓗ ᓄᓇᓕᒻᒥ SAR-ᓂᒃ ᐊᐅᓚᑦᓯᔪᑦ ᑲᑎᒪᔨᐊᐱᖏᑦᑕ ᑲᒪᔨᐅᓂᖓᑎᒍᑦ ᓄᓇᕕᐅᑉ ᐊᖏᕐᓯᒪᔭᖏᓐᓂᒃ SAR-ᓄᑦ ᒪᓕᒐᕐᓂᒃ

• ᓯᕗᓕᕐᓂᖅ ᐊᒻᒪᓗ ᓄᐃᑦᓯᓂᖅ ᐱᒋᐊᓪᓚᑕᕐᑐᓂᒃ ᐃᓕᓐᓂᐊᑎᑦᓯᓂᕐᓂᒃ ᓄᓇᓕᓐᓂ SAR-ᓂᒃ ᓴᖑᐊᑦᓯᔨᓂᒃ ᐊᒻᒪᓗ SAR-ᓂᒃ ᐱᓇᓱᖃᑎᒌᓂ ᐃᓚᐅᔪᓂᒃ, ᒪᓕᓪᓗᓂ ᐊᖏᕐᑕᐅᒪᔪᓂᒃ ᒪᓕᒐᕐᓂᒃ

• ᐱᕙᓪᓕᐊᓂᖅ ᕿᓂᕐᓂᑯᑦ ᓯᕗᓂᓕᐅᕐᓯᒪᐅᑎᓂᒃ, ᐊᐅᓚᑦᔭᕈᑎᑦᓴᓂᒃ ᐸᕐᓇᓯᒪᐅᑎᓂᒃ, ᐊᒻᒪᓗ ᐃᓱᐊᖁᑎᑦᓭᑦ ᐊᑐᕐᑕᐅᓂᖓᓄᑦ ᐸᕐᓇᓯᒪᐅᑎᓂᒃ

• ᐅᖃᖃᑎᖃᕐᓂᖅ ᐅᐃᒪᓇᕐᑐᖃᕐᑎᓗᒍ ᐱᒍᑦᔨᔨᓂᒃ, ᐳᓖᓯᓂᒃ, ᐅᓇᑕᕐᑎᒐᓚᓐᓂᒃ ᑳᓇᑕᒥᐅᑦ ᐅᓇᑕᕐᑐᓴᖏᑦ ᐃᓚᐅᑎᓪᓗᒋᑦ, ᑲᕙᒪᐅᖕᖏᑐᑦ ᑎᒥᖏᓐᓂᒃ, ᐊᒻᒪᓗ ᐃᓱᒪᒥᑦᓱᑎᒃ ᐃᑲᔪᕈᒪᔪᑦ ᑎᒥᖏᓐᓂᒃ

• ᐱᓂᐊᕐᑎᐅᓂᖅ ᓄᓇᓕᓕᒫᓄᑦ ᑐᑭᒧᐊᑦᑎᓯᔨᐅᓂᕐᒥᒃ ᓄᓇᕕᒻᒥ SAR-ᓂᒃ ᐱᓇᓱᐊᕐᓂᓕᒫᓂᒃ

• ᒪᑭᑕᑦᓯᓂᖅ ᐱᓇᓱᒋᐊᓕᓐᓂᒃ ᐱᔪᓐᓇᑐᖃᕐᓂᒥᒃ, ᖃᓄᐃᓕᖓᔪᖃᕐᒪᖔᑦ ᐃᑉᐱᒋᔭᖃᓂᕐᒥᒃ, ᐊᒻᒪᓗ ᑐᑭᑖᑲᑦᑕᓂᕐᒥᒃ ᓱᓂᒐᓕᓐᓂᒃ ᐊᑑᑎᔪᖃᓕᕐᐸᑦ

• ᓱᕐᖁᐃᓂᖅ ᐊᑦᑕᓇᕐᑌᓕᓂᐅᑉ ᒪᓕᒐᖏᑦᑕ ᐊᒻᒪᓗ ᐃᓕᒪᓇᕐᑐᓂᒃ ᐊᐅᓚᑦᓯᓂᐅᑉ ᐱᕐᕈᓯᖏᑦᑕ ᒪᓕᑦᑕᐅᓂᖏᓐᓂᒃ

• ᐃᑉᐱᒋᔭᖃᕐᓂᖅ ᐊᒻᒪᓗ ᐊᓪᓚᖃᑦᑕᓂᖅ ᐱᓇᓱᐊᕐᑐᒃ ᓱᓂᖏᓐᓂᒃ, ᐃᓱᐊᖁᑎᑦᓴᓂᒃ ᐊᑐᕐᓂᖓᓂᒃ, ᐊᒻᒪᓗ ᑲᒪᓂᖓᑕ ᓄᐃᑕᖏᓐᓂᒃ

• ᐊᓪᓚᓂᖅ ᓱᒐᓚᑦᑐᕕᓂᕐᓂᒃ ᑐᓴᕐᑎᓯᒍᑎᓂᒃ, ᑐᑭᓯᑎᑦᓯᓗᓂ ᑲᑎᓯᖃᑦᑕᓂᖅ, ᐊᒻᒪᓗ ᐱᓇᓱᐊᕇᕐᐸᑕ ᐱᑦᓯᐊᓂᖓᓂᒃ ᑲᖕᖑᓇᕿᖃᑦᑕᓂᖅ

• ᒪᑭᑕᑦᓯᓂᖅ SAR-ᓂᒃ ᑐᓴᕐᑕᐅᑎᑦᓯᒍᑎᓂᒃ ᐃᓚᖃᕐᑎᓗᒋᑦ ᖃᕆᑕᐅᔭᑎᒍᑦ ᖃᐅᔨᒪᒍᑎᑯᕕᒻᒥᒃ ᐃᓗᓕᓕᒻᒥᒃ ᐅᓪᓗᒥ ᐊᒻᒪᓗ ᐊᓂᒍᕐᓯᒪᔪᓂᒃ ᓱᒐᓚᒍᑎᓂᒃ ᐊᓪᓚᕕᓕᕆᔩᑦ ᐱᓇᓱᕝᕕᖓᑕ ᐃᓗᐊᓂ ᐱᑦᔪᑎᖃᕐᑎᓗᒋᑦ ᐃᓘᓐᓀᓂᒃ ᑲᕙᒫᐱᓐᓂ ᐊᒻᒪᓗ ᓄᓇᓕᓕᒫᓂ SAR-ᓂᒃ ᐊᑐᕐᓂᐅᓯᒪᔪᓂᒃ

• ᖃᐅᔨᒋᐊᖃᑦᑕᓂᖅ ᓱᓀᑦ ᐱᒋᐅᕐᓴᐅᑕᐅᒋᐊᖃᕐᒪᖔᑕ, ᓴᐳᑦᔨᓂᖅ ᐊᒻᒪᓗ ᐋᕐᕿᖁᔨᖃᑦᑕᓂᖅ ᐱᐅᒡᒍᑎᑦᓭᑦ ᐱᕙᓪᓕᐊᒍᑎᖏᓐᓂᒃ, ᐃᑲᔪᕐᓂᖅ ᐃᓕᑦᑎᓂᕐᒥᒃ ᐊᒻᒪᓗ ᓴᖑᐊᑦᓯᓂᕐᒥᒃ ᐃᓕᓐᓂᐊᑎᑦᓯᒍᑎᓂᒃ ᓄᓇᕕᒻᒥ SAR-ᓂᒃ ᓴᖑᐊᑦᓯᔨᓄᑦ ᐃᓕᖓᔪᓂᒃ

• ᓇᓗᓀᑦᓯᓂᖅ ᐱᔪᓐᓇᓯᒍᑎᓂᒃ ᐱᕙᓪᓕᕆᐊᕐᓂᓴᒥᒃ, ᒪᑭᑎᕆᓂᖅ ᐱᐅᓯᑦᓯᐊᖑᓂᕐᐹᓂᒃ ᐊᒻᒪᓗ ᓄᐃᑦᓯᓂᖅ ᐊᓯᑦᔨᑐᑦᓴᖁᑎᒥᓂᒃ ᐊᑦᑐᐊᔪᓂᒃ SAR-ᓂᒃ ᐱᓇᓱᓐᓂᒧᑦ ᓄᓇᕕᐅᑉ ᐃᓘᓐᓇᖓᓂ

• ᐱᓇᓱᖃᑦᑕᕆᐊᓕᒃ KRG-ᑯᑦ ᐱᖁᑎᓯᓂᕐᒥᒃ ᐱᓇᓱᐊᕈᑎᖏᓐᓄᑦ ᐊᓪᓚᖃᑦᑕᓗᓂ ᓂᐅᕕᖁᔨᒍᑎᓂᒃ ᐊᒻᒪᓗ ᐱᓇᓱᑦᑕᐅᓂᖏᓐᓂᒃ ᑭᖑᓂᐊᒍᑦ ᑲᒪᖃᑦᑕᓗᓂ ᑌᒣᒋᐊᖃᓕᕈᓂ

• ᐅᐃᒪᓇᕐᑐᓯᐅᕐᑎᓗᒋᑦ, SAR-ᓂᒃ ᓴᖑᐊᑦᓯᔨ ᐊᒻᒪᓗ SAR-ᓄᑦ ᐃᓱᐊᖁᑏᑦ ᐅᐃᒪᓇᕐᑐᓕᕆᑎᑕᐅᒍᓐᓇᑐᑦ ᐊᖓᔪᕐᖄᖃᕐᓗᑎᒃ ᐃᓄᓕᒫᑦ ᓴᑑᒪᐅᑎᖏᓐᓂᒃ ᑐᑭᒧᐊᑦᑎᓯᔨᒥᒃ ᑌᑦᓱᒪ ᐊᑑᑎᖓᑕ ᐊᑖᒍᑦ ᓄᓇᕕᒻᒥ ᐅᐃᒪᓇᕐᑐᖃᕐᑎᓗᒍ ᐃᓄᐃᑦ ᓴᑑᒪᓂᖓᓄᑦ ᑲᑎᒪᔨᐊᐱᓐᓂᒃ ᓴᖑᐊᑦᓯᔨᐅᑦᓱᓂ

• ᐱᓇᓱᖃᑦᑕᕆᐊᓕᒃ ᐊᓯᖏᓐᓂᒃ ᐊᑦᑐᐊᒥᔪᓂᒃ ᐱᔭᑦᓴᓂᒃ ᑌᒣᖁᔭᐅᒍᓂ

ᐃᓂᒥ ᐱᑕᖃᕆᐊᓖᑦ

• ᓯᓚᑦᑐᓴᕐᕕᒥ ᐃᓕᑦᓯᒪᐅᑎ ᐊᑦᑐᐊᔪᒥ ᐱᓇᓱᒐᕐᒥ. ᒥᑦᓯᓕᒻᒥᒃ ᐱᓇᓱᓚᐅᕐᓯᒪᓂᖅ ᐃᓱᒪᒋᔭᐅᓚᖓᒻᒥᔪᖅ

• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒍᓂᒃ ᐱᓇᓱᓚᐅᕐᓯᒪᓂᖅ ᒥᑦᓯᓕᒻᒥᒃ ᐊᐅᓚᑦᓯᔨᐅᓯᒪᓗᓂ

• ᐃᑭᓐᓂᐹᖓᓄᑦ ᐱᖓᓱᓂᒃ (3) ᐊᕐᕌᒍᓂᒃ ᒥᑦᓯᓕᒻᒥᒃ ᐱᓇᓱᒐᕐᒥᒃ ᐱᓇᓱᑦᑎᐅᓯᒪᓂᖅ

• ᐊᑐᕈᓐᓇᓂᖅ ᖃᕆᑕᐅᔭᕈᑎᓂᒃ Microsoft Office Suite

• ᐊᓪᓚᓯᒪᔪᑎᒍᑦ ᐅᖄᓂᒃᑯᓗ ᖃᐅᔨᒪᓂᖅ ᐃᑭᓐᓂᐹᖓᓄᑦ ᒪᕐᕈᐃᓂᒃ (2) ᐅᖃᐅᓯᕐᓂᒃ ᐅᑯᐊ ᓇᓪᓕᖏᓐᓂᒃ: ᐃᓄᒃᑎᑐᑦ. ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ

• ᐅᖃᖃᑕᐅᓯᑎᐅᓂᖅ ᑲᑦᓱᙰᓕᑎᑦᓯᓯᑎᐅᓗᓂᓗ ᐱᓇᓱᖃᑎᒥᓂᒃ ᓴᓇᖃᑦᑕᓗᓂ ᐃᓱᒪᖃᖃᑎᒌᓐᓂᒥᒃ ᐊᑦᓱᕈᕐᓇᑐᓂᒃ ᖃᓄᐃᓕᖓᓂᖃᕐᑎᓗᒍ

• ᐱᓯᑎᒻᒪᕆᐅᓂᖅ ᐸᕐᓇᓂᒃᑯᑦ, ᑐᑭᓯᓂᐊᕐᓂᑯᑦ, ᐃᓂᓪᓚᖓᑎᑦᓯᓂᒃᑯᑦ ᐊᒻᒪᓗ ᓯᕗᓕᕈᓐᓇᓯᐊᕐᓂᖅ

• ᐊᑐᐃᓐᓇᐅᓂᖅ ᐊᐅᓪᓚᓴᐅᑎᒋᕙᓐᓂᐊᓗᓂ

• ᐅᖓᓯᑖᓃᓪᓗᓂ ᐱᓇᓱᒍᓐᓇᓂᖓ ᐅᕝᕙᓘᓐᓃᑦ ᖃᕆᑕᐅᔭᒃᑯᑦ ᐱᑐᑦᓯᒪᑐᐃᓐᓇᓗᓂ ᐱᓇᓱᒍᓐᓇᓂᖓ ᐃᓱᒪᓕᐅᕈᑕᐅᓚᖓᔪᖅ.

The KRG-ᑯᑦ ᒪᓂᔨᕗᑦ ᐊᑭᒪᔪᑦᑐᓂᒃ ᑮᓇᐅᑦᔭᓵᓂᒃ ᐊᒻᒪᓗ ᐱᕙᓪᓕᖁᑎᓂᒃ ᐃᓚᖃᕐᑎᓗᒋᑦ ᓯᑕᒪᐅᔪᕐᑐᓄᑦ ᑎᑭᒍᓐᓇᑐᓂᒃ ᐱᓇᓱᐊᕈᓯᕐᓂᒃ ᕿᑲᕈᑎᓂᒃ ᐊᕐᕌᒍᑕᒫᑦ, ᐃᓅᓯᐅᑉ-ᐊᑭᑐᓂᖓᓄᑦ ᐃᑲᔪᕐᓯᐅᑎᒥᒃ, ᐊᑭᓕᕐᑐᑕᐅᑦᓱᓂ ᐊᕐᕌᒍᑕᒫᑦ ᕿᑲᓯᔪᑦ ᐊᐅᓪᓚᕈᑎᖏᓐᓂᒃ, ᐊᑕᖏᕐᑐᑦ ᓴᑑᑎᖏᓐᓂᒃ ᐊᒻᒪᓗ RRSP-ᓄᑦ ᐃᓕᐅᕐᙯᒍᑎᓂᒃ. ᑖᑦᓱᒪ ᐱᓇᓱᒐᐅᑉ ᐃᓂᖓ ᓄᓇᕕᒻᒦᑐᖅ.

ᐱᓇᓱᕝᕕᐅᑉ ᓄᓇᖓ: ᓄᓇᕕᒃ

ᑮᓇᐅᑦᔭᓵᑦ: ᐃᑭᓐᓂᐹᖓᓄᑦ $98,420 ᐊᕐᕌᒍᒥ – ᐅᓄᕐᓂᐹᖓᓄᑦ $135,335 ᐊᕐᕌᒍᒥ

ᐱᕙᓪᓕᖁᑏᑦ:

• ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᒍᑎᖏᑦ: ᐃᑭᓐᓂᐹᖓᓄᑦ $8,500 ᐊᕐᕌᒍᒥ

• ᓂᕿᓄᑦ ᐃᑲᔪᕐᓯᐅᑏᑦ: ᐃᑭᓐᓂᐹᖓᓄᑦ $3,707 ᐊᕐᕌᒍᒥ

• ᐊᕐᕌᒍᑕᒫᑦ ᕿᑲᓯᓗᓂ ᐊᐅᓪᓚᕈᑏᑦ: ᐅᓄᕐᓂᐹᖓᓄᑦ ᐱᖓᓱᑦ (3) ᐊᕐᕌᒍᒥ

• ᐱᔭᕆᐊᑭᓪᓕᑎᕐᓯᒪᔪᑦ ᐱᓇᓱᒍᓐᓀᕈᑎᑦᓴᓂᒃ ᐸᕐᓇᕈᑏᑦ

• ᐊᑕᖏᕐᑐᑦ ᓴᑑᑎᖏᑦ

• ᕿᑲᕈᑏᑦ: 30 ᐅᓪᓗᐃᑦ ᐊᕐᕌᒍᒥ

• ᐱᖁᔭᑎᒍᑦ ᕿᑲᕐᓀᑦ: 19 ᐅᓪᓗᐃᑦ ᐃᓚᐅᑎᓪᓗᒋᑦ ᐅᓪᓗᐃᑦ 10 ᕿᑎᖕᖑᒥ ᕿᑲᓐᓇᑎᓪᓗᒍ

ᐱᓇᓱᒍᒪᐅᑎᑎᑦ ᑐᕌᕐᑎᓗᒋᑦ ᒣ 15, 2026-ᒥ, 5:00 ᐅᓐᓂᓴᒃᑯᑦ ᑎᑭᖕᖏᓂᖓᓂ ᐅᕗᖓ:

Human Resources Advisor

Kativik Regional Government

P.O. Box 9

Kuujjuaq QC J0M 1C0

Email: humanresources@krg.ca

Fax: 819-964-2975

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᐊᒻᒪᓗ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᖅ ᒪᓕᓪᓗᒋᒃ, ᐃᓂᓪᓚᕈᑕᐅᔪᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑎᒋᓗᒍ ᐃᓄᐃᑦ ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᔪᓂᒃ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᑌᒃᑯᑐᐊᑦ ᐅᖃᕐᕕᐅᓂᐊᕐᑐᑦ.