ᐃᓄᐃᑦ ᓴᑑᒪᐅᑎᖏᓐᓂᒃ ᐱᓪᓗᑯᒋᐊᓕᓕᕆᔨ - KRG

ᐱᓇᓱᒐᕐᒥᒃ ᐱᒍᑎᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᖁᓪᓕᐸᐅᑦᓱᓂ ᑲᕙᒫᐱᓐᓄᑦ ᑎᒥᐅᔪᖅ ᐊᐅᓚᑦᓯᕕᖃᕐᓱᓂ ᓄᓇᒥ ᐃᓂᓕᒻᒥ 55° ᑕᕐᕋᖓᓂ, ᕿᓂᓕᕐᒥᔪᖅ ᐃᒻᒥᓂᒃ-ᑲᑦᓱᙰᑎᑦᑐᒥᒃ ᐊᒻᒪᓗ ᕿᑦᑌᖓᑦᓯᐊᑐᒥᒃ ᐃᓄᒻᒥᒃ ᐱᓇᓱᑦᑎᐅᒍᒪᔪᒥᒃ KRG-ᑯᓄᑦ ᒪᑐᒥᖓ ᐱᓇᓱᑦᑎᐅᓗᓂ:

ᐃᓄᐃᑦ ᓴᑑᒪᐅᑎᖏᓐᓂᒃ ᐱᓪᓗᑯᒋᐊᓕᓕᕆᔨ

(ᐊᑌᓐᓇᑐᖅ ᐃᓗᐃᑦᑐᖅ)

ᐊᖓᔪᕐᖄᖃᕐᓗᓂ ᐃᓄᐃᑦ ᓴᑑᒪᐅᑎᖏᓐᓂᒃ ᓴᖑᐊᑦᓯᔨᒥᒃ, ᐱᓇᓱᒍᒪᔪᖅ ᓂᕈᐊᕐᑕᐅᔪᖅ ᒪᑯᓂᖓ ᑲᒪᔨᐅᓚᖓᔪᖅ:

• ᐱᑎᑦᓯᓂᖅ ᐱᓪᓗᑯᒋᐊᓕᑎᒍᑦ ᐃᑲᔪᕐᓂᒥᒃ ᐊᒻᒪᓗ ᐃᓕᓐᓂᐊᑎᑦᓯᓂᕐᒥᒃ ᑕᕐᕋᒥ ᓄᓇᓕᓐᓂ ᑲᒪᓗᓂ ᐃᓄᐃᑦ ᓴᑑᒪᐅᑎᖏᓐᓂᒃ, ᐃᓚᖃᕐᑎᓗᒍ ᐊᑦᑐᐊᔪᓂᒃ ᐃᑯᐊᓪᓚᑌᓕᒪᓂᕐᒧᑦ, ᐃᑯᐊᓪᓚᑐᓂᒃ ᖃᒥᑎᕆᓂᕐᒧᑦ ᐊᒻᒪᓗ ᐅᐃᒪᓇᕐᑐᓯᐅᕈᑎᓄᑦ

• ᐱᓪᓗᑯᓕᕆᔪᑎᒍᑦ ᐃᑲᔪᕐᓯᒪᓂᖅ ᑲᒪᓗᓂ ᓱᓇᑐᐃᓐᓇᓂᒃ ᐱᓇᓲᑎᓪᓗᑯᓂᒃ, ᐃᓚᖃᕐᑎᓗᒍ ᐃᒻᒥᒍᑦ-ᐴᕐᓯᒪᔪᓂᒃ ᐊᓂᕐᑎᕆᐅᑎᓂᒃ (SCBA), ᐳᓪᓚᓕᓐᓂᒃ ᖃᐳᓕᐅᕈᑎᓂᒃ (CAFS), ᐊᒻᒪᓗ ᖃᒥᑎᕆᐅᑏᑦ ᑯᕕᑎᑦᓯᒍᑎᖏᓐᓂᒃ ᐊᐅᓚᑦᓯᓂᕐᒥᒃ

• ᑐᑭᓯᓐᓇᑎᑦᓯᓂᖅ ᐊᒻᒪᓗ ᐊᑐᕐᑎᓯᓂᖅ ᓄᓇᕕᒻᒥ ᑕᕆᐅᒃᑯᑦ ᕿᓂᕐᓂᒥᒃ ᐊᒻᒪᓗ ᐱᐅᓕᑦᓯᓂᕐᒥᒃ ᐱᓇᓱᕝᕖᑦ ᐊᐅᓚᑕᐅᓂᖓᑕ ᐊᒻᒪᓗ ᐃᖏᕐᕋᑎᑕᐅᓂᖓᑕ ᑐᑭᒧᐊᒍᑎᖏᓐᓂᒃ, ᐊᑐᕈᒫᕐᓂᐊᑐᓂᒃ ᐃᖏᕐᕋᑎᑦᓯᓂᕐᒧᑦ ᓄᓇᕕᒻᒥ ᑲᕙᒫᐲᑦ ᐅᒥᐊᖏᓐᓂᒃ ᕿᓂᕈᑎᖏᓐᓂᒃ ᐊᒻᒪᓗ ᐱᐅᓕᑦᓯᒍᑎᖏᓐᓂᒃ

• ᕿᒥᕐᕈᓂᖅ ᐊᒻᒪᓗ ᐃᑲᔪᕐᓂᖅ ᓄᑕᐅᓯᓕᑎᕆᖃᑦᑕᓂᕐᒥᒃ ᑲᕙᒫᐱᒻᒥ ᐅᐃᒪᓇᕐᑐᓄᑦ ᐊᑐᐃᓐᓇᐅᒪᒍᑏᑦ ᐊᒻᒪᓗ ᕿᓂᕐᓂᐅᑉ ᐊᒻᒪᓗ ᐱᐅᓕᑦᓯᓂᐅᑉ ᐸᕐᓇᑕᐅᒍᑎᖏᓐᓂᒃ

• ᐃᑲᔪᕐᑐᓂᖅ ᐅᖃᖃᑎᒌᖃᑦᑕᓂᕐᒥᒃ ᐊᒻᒪᓗ ᑲᑎᒪᖃᑦᑕᓂᕐᒥᒃ ᑲᕙᒫᐱᓐᓂ ᓄᓇᓕᓕᒫᓂᓗ ᐱᓇᓱᖃᑎᒌᑎᒍᑦ ᑐᕌᕐᓗᑎᒃ ᑲᕙᒫᐱᓐᓂ ᐅᐃᒪᓇᕐᑐᓄᑦ ᐊᑐᐃᓐᓇᐅᒪᒍᑎᓂᒃ ᐊᒻᒪᓗ ᕿᓂᕈᑎᓂᒃ ᐊᒻᒪᓗ ᐱᐅᓕᑦᓯᒍᑎᓂᒃ ᐸᕐᓇᓂᕐᒥᒃ

• ᐱᓇᓱᖃᑦᑕᓂᖅ ᐊᓯᓕᒫᖏᓐᓂᒃ ᐱᔭᑦᓴᓂᒃ ᓴᖑᐊᑦᓯᔨᒧᑦ ᑎᓕᔭᐅᒍᑎᒥᓂᒃ.

ᓂᕈᐊᕐᑕᐅᔪᖅ ᐱᓇᓱᒍᒪᔪᖅ ᒪᑯᓂᖓ ᐱᑕᖃᕆᐊᓕᓐᓂᒃ ᓂᐳᕐᑎᓯᒋᐊᓕᒃ:

• ᐳᕐᑐᓂᕐᓴᓂᒃ V ᐃᓕᓐᓂᐊᓯᒪᐅᑎ, ᒥᑦᓯᓕᓐᓂᒃ ᐱᓇᓱᓚᐅᕐᓯᒪᓂᖅ ᐃᓱᒪᒋᔭᐅᓚᖓᒻᒥᔪᖅ

• ᐃᓕᓐᓂᐊᓯᒪᐅᑎ ᐃᑯᐊᓪᓚᑐᕐᓂᐊᓂᖅ 1-ᒥᒃ ᓄᓇᕐᔪᐊᑉ ᐃᓕᓐᓂᐊᕕᖓᓂ ᖃᒥᑎᕆᔨᐅᓂᕐᒥᒃ, ᐅᕝᕙᓗᓘᓐᓃᑦ ᑌᒣᑦᑐᒥᒃ ᐃᓕᓐᓂᐊᓯᒪᐅᑎᑖᕆᐊᕕᓪᓗᓂ, ᐅᕝᕙᓗᓘᓐᓃᑦ ᐊᖏᕐᓯᒪᓂᖅ ᐃᓚᐅᒐᔭᕐᓗᓂ ᐃᓕᓐᓂᐊᕈᑎᑖᕐᓂᐅᑉ ᐱᕙᓪᓕᐊᔭᐅᒍᑎᖓᓄᑦ ᐱᓇᓱᑦᑎᑖᖑᑐᐊᕈᓂ

• ᑕᓪᓕᒪᓂᒃ (5) ᐊᕐᕌᒍᓂᒃ ᐱᓇᓱᑦᓯᒪᓂᖅ ᒥᑦᓯᖃᕐᒥᔪᒥᒃ ᐃᑯᐊᓪᓚᑐᕐᓂᐊᕈᑎᓄᑦ, ᖃᒥᑎᕆᓂᕐᒧᑦ, ᐅᐃᒪᓇᕐᑐᓯᐅᕈᑎᓄᑦ ᐊᓯᐊᒍᓪᓘᓃᑦ ᒥᑦᓯᖃᕐᒥᔪᒥ ᐱᓇᓱᒐᕐᒥ

• ᐊᑐᕈᓐᓇᓗᒋᑦ ᖃᐅᔨᒪᓂᖅ ᖃᕆᑕᐅᔭᕈᑎᓂᒃ Microsoft office suite;

• ᐅᖃᖃᑕᐅᒍᓐᓇᓂᖅ ᐅᖄᓗᓂ ᐊᓪᓚᓯᒪᔪᕐᑎᒍᓪᓗ ᐃᑭᓐᓂᐹᖓᓄᑦ ᒪᕐᕈᐃᓄᑦ (2) ᐅᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᕝᕙᓗᓘᓐᓃᑦ ᐅᐃᒍᐃᑎᑐᑦ.

• ᐃᒻᒥᓂᕿᒍᓐᓇᓂᖅ ᐊᒻᒪᓗ ᐅᖃᖃᑎᒌᑦᓯᑎᐅᓂᖅ

• ᐊᑐᐃᓐᓇᐅᓂᖅ ᐊᐅᓪᓚᕈᐊᕐᑑᕙᓐᓂᐊᓗᓂ ᓄᓇᕕᐅᑉ ᓄᓇᖓᑕ ᐃᓗᐊᓂ

ᑮᓇᐅᑦᔭᓵᖏᑦ: ᐃᑭᓐᓂᐹᑦ. $52,481 - ᐅᓄᕐᓂᐹᑦ $89,ᐊᕐᕌᒍᑕᒫᑦ (ᐳᕐᑐᓂᖓ 8)

ᐊᓯᐊᒍᑦ ᐱᕙᓪᓕᖁᑎᖏᑦ: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᓂᖓ: ᐃᑭᓐᓂᐹᖓᓄᑦ $8,500 /ᐊᕐᕌᒍᒥ

ᓂᕿᓂᒃ ᐃᑲᔪᕐᓯᐅᑎ: ᐃᑭᓐᓂᐹᖓᓄᑦ $1,840 /ᐊᕐᕌᒍᒥ

ᐊᕐᕌᒍᑕᒫᑦ ᕿᑲᕐᓯᔪᑦ ᐊᐅᓪᓚᕈᑎᖏᑦ: ᐃᑭᓐᓂᐹᖓᓄᑦ 3

ᐱᔭᕆᐊᑭᓪᓕᑎᕐᓯᒪᔪᖅ ᐃᓄᒻᒪᕆᖕᖑᓂᕐᒧᑦ ᐸᕐᓇᕈᑎ 6,25% ᐱᓇᓱᕝᕕᒥᒃ 4% ᐱᓇᓱᑦᑎᒥᒃ

ᐊᑕᖏᕐᑐᑦ ᓴᑑᑎᖏᑦ

ᐃᓱᒣᓐᓇᐅᑏᑦ: 20 ᐅᓪᓗᐃᑦ/ᐊᕐᕌᒍᒥ

ᐱᖁᔭᑎᒍᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᖃᕐᓱᑎᒃ 10-ᓂᒃ ᕿᑎᖕᖑᒥ ᕿᑲᕐᓇᓂᖓᓂ

ᓇᔪᕐᑕᖏᑦ: ᓴᓪᓗᐃᑦ, ᐃᕝᕗᔨᕕᒃ, ᑲᖏᖅᓱᔪᐊᖅ, ᖁᐊᖅᑕᖅ, ᑲᖏᖅᓱᒃ

ᐱᓇᓱᒍᒪᐅᑎᑎᑦ ᖃᓪᓕᓈᑎᑑᕐᑎᓗᒋᑦ ᑎᑭᑎᓪᓗᒋᑦ 5:00 p.m. ᓯᕗᓂᖓᓂ, ᓯᑎᐱᕆ 7, 2026, ᐅᕗᖓ:

Human Resources

Kativik Regional Government

P.O. Box 9, Kuujjuaq Québec J0M 1C0

Fax: (819) 964-2975

Email : humanresources@krg.ca

* ᐱᓇᓱᑦᑎ ᐱᔪᑦᓴᔭᐅᕗᖅ ᓲᖕᖑᓂᕐᐹᖓᓄᑦ ᑕᕐᕋᒥᐅᖑᓂᕐᒧᑦ ᐱᕙᓪᓕᖁᑎᓂᒃ ᐋᑕᐅᔪᓂᒃ ᐱᓇᓱᑦᑎᓄᑦ ᐃᓚᖃᖕᖏᑐᓄᑦ ᐆᒪᑕᒥᓂᒃ. ᐱᓇᓱᑦᑎ ᐆᒪᒋᐊᓕᒻᒥᓂᒃ ᐃᓚᖃᕈᓂ ᐱᕙᓪᓕᖁᑎᑖᕐᑐᓴᐅᕗᖅ ᐃᓕᖓᔪᓂᒃ ᐁᐸᒥᓄᑦ ᐊᒻᒪᓗ ᐃᓚᐅᒍᓐᓇᑐᓄᑦ ᐃᓚᒥᓄᑦ.

KRG ᐊᑦᔨᒌᒥᒃ ᐱᕕᖃᕐᑎᓯᑦᓱᓂ ᐱᓇᓱᕝᕕᐅᕗᖅ. ᑕᒪᓐᓇ ᒪᓕᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᕈᑏᑦ ᐊᑦᔨᒌᖕᖏᑐᐃᓐᓇᕆᐊᓖᑦ ᑫᓪᓗᐊᕈᑕᐅᓗᑎᒃ ᐱᓇᓱᑦᑎᑖᕐᓂᒥᒃ ᐃᓄᓐᓂᒃ ᐱᓇᓱᒍᒪᔪᓂᒃ.

ᐱᓇᓱᒍᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᕈᒪᓗᒋᑦ ᖃᓄᐃᓕᔭᑑᓚᖓᔪᑦ.