ᑐᓴᐅᒪᑎᑦᓯᒍᑎᓂᒃ ᑲᒪᔨ - Avataq

ᐱᓇᓱᒐᑦᓴᖅ ᓂᕕᖕᖓᑕᐅᔪᖅ

ᓱᓇᑦᑎᐅᓂᖓ: ᑐᓴᐅᒪᑎᑦᓯᒍᑎᓂᒃ ᑲᒪᔨ

ᐊᕙᑕᖅ ᐱᐅᓯᑐᖃᓕᕆᕕᒃ ᖄᖏᕐᓂᑯᓕᐅᕐᑎᐅᒐᓂ, ᐃᓄᓐᓄᑦ ᓄᓇᕕᒻᒥ ᑎᒥᖁᑎᒋᔭᐅᔪᖅ. ᐊᓪᓚᕕᒻᒪᕆᖓ ᐃᓄᑦᔪᐊᒦᑦᑐᖅ

(ᓄᓇᕕᒃ) ᐊᒻᒪᓗ ᐊᐅᓚᑦᓯᕕᖓ ᐊᓪᓚᕕᒃ ᒪᓐᑐᔨᐊᓚᒦᑦᓱᓂ.

ᐊᖓᔪᕐᖄᖃᕐᓗᓂ ᐃᓘᓐᓀᓄᐊᖓᔪᓂᒃ ᑲᒪᔨᒻᒪᕆᒻᒥ,ᒃ ᑐᓴᐅᒪᑎᑦᓯᒍᑎᓂᒃ ᑲᒪᔨ ᐃᓚᐅᓲᖅ ᐱᕙᓪᓕᐊᑎᑕᐅᓂᖏᓐᓄᑦ ᐊᒻᒪᓗ

ᐃᖏᕐᕋᓯᑎᑕᐅᓂᖏᓐᓄᑦ ᐊᕙᑕᒃᑯᑦ ᑐᓴᐅᒪᐅᑎᒍᑎᑦᓴᓄᑦ ᐋᕐᕿᓯᒪᑎᑦᓯᒍᑎᖏᓐᓄᑦ. ᑲᒪᒋᔭᖃᕆᐊᓕᒃ ᑎᒥᐅᑉ ᓯᓚᑖᓂ ᐊᒻᒪᓗ

ᐱᓇᓱᕝᕕᐅᑉ ᐃᓗᐊᓂ ᑐᓴᐅᒪᑎᑦᓯᒍᑎᓂᒃ, ᓄᐃᑕᖏᓐᓇᑎᑦᓯᓗᓂ ᐊᒻᒪᓗ ᐋᕐᕿᓯᐊᕐᓯᒪᑎᑦᓯᓗᓂ ᐃᓄᓐᓂᒃ ᑐᓴᐅᒪᑎᑦᓯᐅᑎᓂᒃ,

ᐊᒻᒪᓗ ᑐᖕᖓᓱᑦᑎᓯᔨᐅᑦᓱᓂ ᐳᓛᕆᐊᕐᑐᓂᒃ ᐱᐅᓯᑐᖃᓕᕆᕕᒻᒧᑦ.

ᕿᓂᕐᐳᒍᑦ ᕿᑦᑌᖓᔪᒥᒃ ᐱᔪᑦᓴᐅᔮᕐᑐᒥᒃ ᐃᓄᒻᒥᒃ ᑕᑲᒃᑯᓂᖓ ᐱᓇᓱᐊᖃᑦᑕᓂᐊᕐᑐᒥᒃ:

- ᐃᒣᓕᖓᓗᑎᒃ ᐱᐅᔫᒐᔭᕐᑑᓚᔨᐅᓗᓂ ᐊᒻᒪᓗ ᐃᖏᕐᕋᓯᑎᑦᓯᔨᐅᓗᓂ ᑐᓴᐅᒪᑎᑦᓯᒍᑎᓄᒃ ᐸᕐᓀᒍᑎᓂᒃ.

- ᐃᓂᕐᓯᔨᐅᓗᓂ ᐊᑦᔨᒌᖕᖏᑐᓂᒃ ᑐᓴᐅᒪᑎᑦᓯᐅᑎᑦᓭᑦ ᐱᐅᒃᑯᑎᖏᓐᓂᒃ ᐊᒻᒪᓗ ᑲᒪᒋᔭᖃᕐᓱᓂ ᐋᕐᕿᒋᐊᕐᑕᐅᓂᖏᓐᓂᒃ ᐊᒻᒪᓗ

ᐅᖃᐅᓯᐅᑉ ᐊᓯᐊᒎᓕᕐᑎᑕᐅᓂᖏᓐᓂᒃ ᓯᑯᑦᓴᔦᑦ ᐱᖓᓱᐃᑦ ᐅᖃᐅᓰᑦ ᐊᑐᕐᓗᒋᑦ: ᐃᓄᑦᑎᑐᑦ, ᐅᐃᒍᐃᑎᑐᑦ ᐊᒻᒪᓗ

ᖃᓪᓗᓈᕐᑎᑐᑦ.

- ᐱᒋᐊᕐᕕᓕᒍᑎᑦᓴᓕᐅᕐᑎᐅᓗᓂ ᐱᓇᓱᐊᖃᑎᒌᒍᑎᓂᒃ ᑐᓴᕋᑦᓴᓕᕆᔨᓂᒃ, ᐱᕙᓪᓕᒋᐊᕐᓗᒍ ᑎᒥᐅᑉ ᑕᑯᑦᓴᐅᓂᖓ.

- ᑲᒪᒋᔭᖃᕐᓗᓂ ᑎᒥᐅᑉ ᐃᓄᓐᓂᒃ ᑐᓴᐅᒪᑎᑦᓯᒍᑏᑦ ᑕᑯᑦᓴᐅᓂᖏᓐᓂᒃ ᐊᒻᒪᓗ ᐃᓚᐅᓗᓂ ᐱᕙᓪᓕᐊᑎᑕᐅᓂᖓᓂᒃ ᐊᕙᑕᐅᑉ

ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓᑕ.

- ᑲᔪᓯᑎᑦᓯᔨᐅᓗᓂ ᐊᒻᒪᓗ ᓴᐳᑦᔨᔨᐅᓗᓂ ᐱᓇᓱᕝᕕᒥ ᑐᓴᐅᒪᐅᑎᒍᑎᓂᒃ ᓄᐃᑎᕐᑕᐅᔪᓂᒃ.

- ᐊᑐᐃᓐᓇᕈᕐᑎᕆᔨᐅᓗᓂ ᐱᓇᓱᕝᕕᐅᑉ ᐃᓗᐊᓂ ᓯᑯᑦᓴᔭᓂᒃ ᓇᓗᓀᕐᑐᐃᒍᑎᓂᒃ.

- ᒪᓂᔨᓯᒪᔨᐅᓗᓂ ᐃᓱᕐᕆᐅᑎᖃᕈᑎᑎᒍᑦ ᓴᐳᑦᔨᐅᑎᓂᒃ ᐊᑑᑎᓚᖓᔪᓄᑦ.

- ᐅᖃᕐᑎᒋᔭᐅᓗᓂ ᑎᒥᒧᑦ, ᐳᓛᕆᐊᕐᑐᓂᒃ ᑲᒪᔨᐅᓗᓂ, ᐊᐱᕐᓲᔭᕐᑕᐅᓚᖓᔪᓂᒃ ᐸᕐᓀᓂᔨᐅᓗᓂ ᐊᒻᒪᓗ ᐊᕙᑕᒃᑯᓄᐊᖓᔪᓂᒃ

ᓀᑐᓂᒃ ᑐᓴᕐᑕᐅᑎᑦᓯᔨᐅᓗᓂ.

ᐱᓇᓱᐊᕈᓐᓇᕆᐊᓕᖏᑦ:

- ᒪᕐᕉᓂᑦ ᑕᓪᓕᒪᓄᑦ ᐱᓇᓱᐊᕐᓯᒪᓗᓂ ᑌᒣᑦᑐᓭᓐᓇᑲᓵᓂᒃ.

- ᐃᓕᓴᕐᕕᔪᐊᒥ ᐊᓂᒍᐃᒍᑎᑖᕐᓯᒪᓗᓂ ᐅᕝᕙᓘᓐᓂᑦ ᐱᓇᓱᐊᕆᐅᕐᓴᕕᒻᒥ ᐃᓕᑕᕆᔭᐅᒍᑎᑖᕐᓯᒪᓗᓂ ᐃᓄᓐᓂᒃ

ᐱᓇᓱᐊᖃᑎᖃᕐᓂᓄᐊᖓᔪᓂᒃ ᐃᓕᓴᕐᓯᒪᓂᕐᒥᓄᑦ, ᑐᓴᐅᒪᐅᑎᓕᕆᓂᕐᓄᑦ, ᑐᓴᕋᑦᓴᓂᐊᕐᓂᓄᑦ, ᐅᕝᕙᓘᓐᓃᑦ

ᓱᖏᐅᑎᓴᕐᓯᒪᓗᓂ ᐱᓇᓱᐊᕐᑕᐅᒋᐊᓕᓐᓄᐊᖓᔪᓂᒃ.

- ᓱᖏᐅᓐᓂᖃᕐᓗᓂ ᐃᓗᒡᒍᓯᕐᓄᐊᖓᔪᓂᒃ ᐅᕝᕙᓘᓐᓃᑦ ᑕᑯᒥᓇᕐᑐᓕᕆᓂᕐᓂ ᐱᓇᓱᒉᑦ ᐊᐅᓚᑕᐅᓂᖏᓐᓂ, ᐊᒻᒪᓗ

ᓀᓪᓕᑎᕆᓂᕐᓂ, ᐊᓪᓚᓯᒪᔪᓕᐅᕐᓂᓂ ᐅᕝᕙᓘᓐᓃᑦ ᑲᔪᓯᑎᑕᐅᓂᖏᓐᓂᒃ ᓀᓪᓕᑎᕆᓂᕐᓄᑦ ᐋᕐᕿᓯᐊᕐᓯᒪᔪᓕᐅᕐᓂᓄᑦ

ᐱᓇᓱᒐᕐᓂ.

- ᖃᐅᔨᒪᓗᓂ ᐱᓀᓗᑕᐅᓲᓂᒃ ᐃᓕᖓᑦᓱᑎᒃ ᐃᓗᒡᒍᓯᐅᑉ ᐱᕙᓪᓕᐊᑎᑕᐅᓂᖓᓄᑦ ᑕᕐᕋᒥ ᐅᕝᕙᓘᓐᓃᑦ ᓄᓇᖃᕐᖄᑐᕕᓂᕐᓂ.

- ᐃᓱᕐᕆᒋᔭᖃᕐᓗᓂ ᐊᓪᓚᕕᒻᒥ ᐱᓇᓱᐊᕈᑎᓂᒃ, ᐊᒻᒪᓗ ᖃᐅᔨᒪᓗᓂ ᐃᓄᐃᑦ ᑕᑯᔭᑦᓴᖏᑦᑕ ᓄᐃᑎᕐᑕᐅᓂᖏᓐᓂᒃ,

ᐃᓚᐅᑎᓗᒋᑦ ᓄᑕᐅᓪᓕᑎᕆᓂᖅ, ᐅᖃᐅᓯᐅᑉ ᐊᓯᐊᒎᓕᕐᑎᕆᓂᖅ ᐊᒻᒪᓗ ᐋᕐᕿᓯᐊᕐᓯᒪᔪᓕᐅᕐᓂᖅ.

- ᐅᖃᐅᓰᓐᓂ ᒪᕐᕈᐃᓂ ᖃᐅᔨᒪᓗᓂ (ᐃᓄᑦᑎᑐᑦ ᐊᒻᒪᓗ ᖃᓪᓗᓈᕐᑎᑐ ᐅᕝᕙᓘᓐᓃᑦ ᐅᐃᒍᐃᑎᑐᑦ), ᐊᒻᒪᓗ

ᐊᓪᓚᒍᓐᓇᓯᐊᕐᓗᓂ ᐊᒻᒪᓗ ᑐᓴᐅᒪᐅᑎᑦᓴᓕᕆᓂᕐᓂ ᐱᓯᑎᐅᒍᑎᖃᕐᓗᓂ.

- ᐃᓕᓐᓇᑎᕆᒍᓐᓇᓗᓂ ᐊᒻᒪᓗ ᐃᓱᕐᕆᐅᑎᖃᕐᑎᓯᒍᓐᓇᓗᓂ ᐊᑑᑎᓚᖓᔪᓂᒃ ᐅᕝᕙᓘᓐᓃᑦ ᑲᑎᒪᓂᐊᕈᓯᕐᓂᒃ.

ᑎᒥᓄᐊᖓᔪᓂᒃ ᐱᓯᑎᐅᒍᑎᖃᕐᓗᓂ, ᐃᑉᐱᒋᔭᖃᕐᓯᑎᐅᓗᓂ ᐱᑦᓯᐊᓯᒪᒍᑎᓂᒃ, ᐱᓇᓱᐊᕐᑕᐅᔪᑦ ᐃᓱᓕᕕᑦᓴᖏᓐᓂᒃ

ᐱᔭᕇᕐᑕᐅᓯᒪᒋᐊᖃᕐᓂᖏᓐᓄᑦ ᐊᒻᒪᓗ ᐊᒥᓱᐃᓂᒃ ᐊᑕᐅᑦᓯᑐᑦ ᐱᓇᓱᐊᕈᓐᓇᓗᓂ.

- ᐃᓅᖃᑎᖃᑦᓯᐊᓯᑎᐅᓗᓂ ᐱᓇᓱᐊᖃᑎᖃᕈᓐᓇᓗᓂ ᐊᑦᔨᒌᖕᖏᑐᓂᒃ ᑭᓇᐅᔭᖃᕐᑎᓯᔨᓂᒃ ᐊᒻᒪᓗ ᐱᒋᐊᕐᑎᓯᒍᓐᓇᓯᐊᕐᓗᓂ

ᐊᒻᒪᓗ ᐱᓇᓱᐊᕈᓐᓇᓂᖃᕐᓗᓂ ᐃᒻᒥᓂᕐᓱᓗᓂ.

ᑐᑭᓯᐅᑎᑦᓴᒋᐊᓪᓓᑦ:

•  ᐃᓗᐃᒃᑲᑎᒎᕐᑐᖅ ᐊᑕᖏᓐᓇᓚᖓᔪᖅ ᐱᓇᓱᒐᖅ.
•  ᑮᓇᐅᑦᔭᓵᖏᑦ $52,100-ᓂᑦ $78,200-ᓄᑦ ᐊᕐᕌᒍᑕᒫᑦ, ᐃᑉᐱᒋᓗᒋᑦ ᓱᖏᐅᓐᓂᖃᕐᓂᖏᑦ ᐊᒻᒪᓗ ᐱᔪᓐᓇᓂᖏᑦ. ᐱᕙᓪᓕᖁᑎᒋᐊᓪᓓᑦ ᑐᓂᔭᐅᓚᖓᔪᑦ ᐊᖏᖃᑎᒌᓐᓂᒧᑦ ᐃᓚᐅᔪᓄᑦ.
•  ᓇᔪᕐᑕᖓ ᐱᓇᓱᕝᕕᐅᑉ: ᒪᓐᑐᔨᐊᓪ ᑯᐯᒃ
•  ᐃᓕᒐᓱᐊᕈᑏᑦ ᐱᓇᓱᐊᓕᓂᕐᒥᓂᒃ ᓇᓗᓀᕐᓯᐅᑏᑦ ᐃᓱᓕᕕᑦᓴᓖᑦ ᐅᕙᓂ: ᓅᕕᒻᐸ 21, 2025.

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒍ ᐆᒧᖓ:

ᐹᓚ ᑲᒃᓄ, ᑲᒪᔨᒻᒪᕆ

4150, Ste-Catherine W. Suite 320

ᕗᐃᐊᔅᒪᐅᓐᑦ, ᑯᐯᒃ

H3Z 2Y5

ᓱᑲᑦᑐᑰᕐᑎᓯᐅᑎᑎᒍᑦ : 514 989-8789

ᖃᕆᑕᐅᔭᒃᑯᑦ: paula@avataq.qc.ca