ᑐᓴᐅᒪᑎᑦᓯᓂᕐᒧᑦ ᐊᒻᒪᓗ ᐃᓄᓕᒫᓂᒃ ᐱᓇᓱᖃᑎᖃᕐᓂᒧᑦ ᐊᐅᓚᑦᓯᔨ ᓄᓇᕕᒻᒥ ᐳᓖᓯᒃᑯᓄᑦ (ᐱᕙᓪᓕᐊᔪᓂᒃ ᐱᓇᓱᐊᖃᑎᖃᕐᓂᖅ) - NPS KRG

ᐱᓇᓱᐊᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᓪᓚᕕᓕᒫᓄᑦ ᑎᒥᐅᔪᒻᒪᕆᐅᕗᖅ ᐱᔪᓐᓇᕕᖃᕐᓂᓕᒃ ᑯᐯᑉ ᓄᓇᖁᑎᖓᓂ ᑕᕐᕋᒥ ᓄᓇᖕᖑᐊᑎᒍᑦ ᐃᑳᖓᔪᒥᒃ 55 ᐹᖓᓂ, ᐱᓇᓱᑦᑎᓴᒥᒃ ᕿᓂᕐᐳᑦ ᐱᔪᓐᓇᑐᒥᒃ ᖃᓄᑐᐃᓐᓇᖅ ᐃᓄᒻᒥᒃ ᐃᓚᐅᕈᒪᔪᒥᒃ KRG-ᑯᑦ ᐱᓇᓱᕝᕕᖓᓂ:

ᑐᓴᐅᒪᑎᑦᓯᓂᕐᒧᑦ ᐊᒻᒪᓗ ᐃᓄᓕᒫᓂᒃ ᐱᓇᓱᖃᑎᖃᕐᓂᒧᑦ ᐊᐅᓚᑦᓯᔨ ᓄᓇᕕᒻᒥ ᐳᓖᓯᒃᑯᓄᑦ

(ᐱᕙᓪᓕᐊᔪᓂᒃ ᐱᓇᓱᐊᖃᑎᖃᕐᓂᖅ)

(ᐅᓪᓗᑕᒫᕐᓯᐅᑎᒃ—ᐊᓂᕐᕋᒥ ᐱᓇᓱᐊᕈᓐᓇᓗᓂᓗ)

ᑐᓴᐅᒪᑎᑦᓯᕙᓪᓗᓂ ᐃᓄᓕᒫᓂᒃ ᐱᓇᓱᖃᑎᖃᕐᓗᓂ ᐊᐅᓚᑦᓯᓂᕐᒥᒃ ᓄᓇᕕᒻᒥ ᐳᓖᓯᓕᕆᓂᕐᒧᑦ ᐱᒍᑦᔨᕕᖓᓂ (Nunavik Police Service), ᑖᓐᓇ ᓂᕈᐊᕐᑕᐅᔪᖅ ᐱᓇᓱᐊᒐᖃᓂᐊᕐᐳᖅ ᐊᑐᓕᕐᑎᓯᓂᕐᒥᒃ NPS-ᑯᑦ ᑐᓴᐅᒪᑎᑦᓯᒍᑎᖏᓐᓂᒃ ᖃᓄᐃᓕᐅᕙᓐᓂᖏᓐᓂᓗ. ᑖᓐᓇ ᓂᕈᐊᕐᑕᐅᔪᖅ ᑲᒪᒋᔭᑦᓴᖃᓂᐊᕐᐳᖅ ᐃᑲᔪᕐᐸᓗᓂ ᑕᒻᒪᓯᒪᔪᖃᖕᖏᑐᓂᒃ, ᐊᑕᑯᑖᕐᑐᓂᒃ, ᐊᒻᒪᓗ ᐊᑐᐃᓐᓇᓂᒃ ᑐᓴᕋᕐᓴᓂᒃ ᐃᓄᓕᒫᓄᑦ, ᐃᑲᔪᕐᓯᕙᓪᓗᓂ ᑌᒣᑎᑦᓯᑌᓕᒪᓂᕐᒧᑦ ᐱᓇᓱᐊᕐᑕᐅᔪᓂᒃ, ᐱᐅᓯᒋᐊᕐᑎᓯᓗᓂᓗ ᑐᑭᓯᒪᐅᑎᓂᒃ NPS-ᑯᑦ ᐱᓇᓱᐊᕐᑕᖏᓐᓂᒃ ᓄᓇᓕᓐᓂ ᐱᒍᑦᔨᕋᒋᖏᓐᓄᑦ.

ᐱᓇᓱᐊᕐᓂᓕᒻᒥᒃ ᐅᖃᕋᑦᓭᑦ ᓈᒻᒪᓈᕐᓂᖃᕐᓯᐊᕆᐊᖃᕐᓂᖓᓂᒃ, ᑖᓐᓇ ᐃᓄᒃ ᑲᒪᒋᔭᑦᓴᖃᓂᐊᕐᐳᖅ ᐃᑲᔪᕐᓯᓂᕐᒥᒃ NPS-ᑯᑦ ᐱᓇᓱᑦᑕᖏᓐᓂᑦ ᐋᕐᕿᓱᐃᕙᓪᓕᐊᕈᒪᓂᓗᓂ ᑲᔪᓯᑎᑦᓯᕈᒪᓂᕐᒧᓗᓂᓗ ᐃᓄᓕᒫᓄᑦ ᐅᑉᐱᕆᔭᐅᔪᓐᓇᕆᐊᓕᓂᒃ. ᐱᓇᓱᖃᑎᖃᕐᐸᓗᓂ ᐱᓇᓱᕝᕕᕆᔭᐅᕙᑦᑐᓂᒃ, ᓄᓇᓕᓐᓂ ᑲᑐᑦᔨᖃᑎᒌᕐᓂᒧᑦ, ᐊᓪᓚᕕᓐᓄᑦ, ᐊᒻᒪᓗ ᐊᑦᔨᐅᖏᑦᑐᓄᑦ ᓄᓇᓕᓐᓂ, ᑖᓐᓇ ᐃᓄᒃ ᐃᑲᔪᖃᑦᑕᓂᐊᕐᐳᖅ ᑲᔪᓯᑎᑦᓯᓂᓗᓂ ᑕᑯᑦᓴᐅᑎᕐᓯᓗᓂᓗ, ᐅᑉᐱᕆᔭᐅᔪᓐᓇᕆᐊᓕᓂᒃ, ᐱᓇᓱᐊᕐᐸᓗᓂ, ᑲᔪᖏᕐᑎᓯᓗᓂᓗ ᑐᓴᐅᒪᑎᑦᓯᓂᕐᒥᒃ.

ᑖᓐᓇ ᐃᓄᒃ ᐱᓇᓱᐊᒐᖃᓪᓗᐊᓂᐊᕐᐳᖅ ᑲᔪᖏᕐᑎᓯᓗᓂ NPS-ᒥᒃ, ᐊᐅᓚᑦᓯᕙᓪᓗᓂ ᖃᐅᔨᒪᔭᐅᒍᓯᖓᓂᑦ, ᑌᒣᑎᑦᓯᑌᓕᒪᓂᕐᒧᑦ ᐱᓇᓱᐊᕐᑕᐅᒪᔪᓂᓪᓗ, ᑲᔪᓯᑎᑦᓯᓗᓂᓗ ᐃᑉᐱᒋᔭᖃᑦᓯᐊᓂᕐᒥᒃ ᐅᖄᖃᑎᖃᕐᐸᓗᓂᓗ ᓄᓇᕕᒻᒥᐅᓂᑦ. ᓂᕈᐊᕐᑕᐅᔪᖅ ᐃᑲᔪᕆᐊᖃᕆᕗᖅ ᑐᑭᑖᕆᓗᓂ, ᓴᕐᕿᑎᑦᓯᓗᓂ, ᑐᓂᓯᕙᓪᓗᓂᓗ ᐃᓗᓕᓕᓐᓂᒃ ᐋᕐᕿᓱᕐᑕᐅᓯᒪᔪᓂᒃ ᐊᑦᔨᒌᖕᖏᑐᓄᑦ ᓈᓚᔪᓄᑦ, ᑌᒣᓕᐅᕐᓂᒥᓂᓪᓗ ᓇᓗᖕᖏᓯᐊᕐᓗᓂ ᖃᕆᑕᐅᔭᒃᑯᑦ ᑐᓴᕋᑦᓴᓕᕆᓂᕐᒥᒃ ᐊᒻᒪᓗ ᑐᓴᐅᒪᑎᑦᓯᓂᓗᓂ ᐃᓄᓕᒫᓂᒃ.

ᑖᓐᓇ ᐃᓄᒃ ᑕᑯᑦᓴᐅᑎᑦᓯᕆᐊᖃᕐᐳᖅ ᐃᓱᒪᑦᓴᓯᐅᕈᓐᓇᓯᐊᕐᓂᒥᓂᒃ, ᐃᒻᒥᓂᕿᕈᓐᓇᓯᐊᕐᓗᓂ, ᑲᒪᒋᔭᖃᕈᓐᓇᓗᓂ ᐊᑦᑐᑕᐅᓇᕐᑐᓂᒃ ᖃᓄᐃᓕᖓᓂᕆᔭᐅᔪᓂᓪᓗ, ᐊᒻᒪᓗ ᓇᓗᓀᕐᓯᕈᓐᓇᓗᓂ ᑐᑭᖏᓐᓂᒃ ᐊᔪᕐᓇᕈᓐᓇᑐᓂᒃ ᑐᓴᕋᑦᓴᓂᑦ. ᑖᓐᓇ ᐱᓇᓱᐊᕈᓐᓇᓯᐊᕆᐊᓕᒃ ᐃᑲᔪᕐᓯᓗᓂ ᐳᓖᓯᒃᑯᑦ ᐊᐅᓚᓂᕆᔭᖏᓐᓂᒃ ᖃᖓᓕᒫᑦᓯᐊᖅ ᐃᓇᖐᕈᓐᓇᓗᓂᓗ ᐊᓯᖏᓐᓂᒃ ᐃᓚᒋᔭᐅᔪᓂᒃ ᑐᓴᐅᒪᑎᑦᓯᓂᕐᒧᑦ ᐱᓇᓱᐊᕐᑐᓂᒃ

ᑲᒪᒋᕆᐊᓕᖏᑦ ᑖᑦᓱᒧᖓ ᐱᓇᓱᐊᒐᕐᒧᑦ ᐃᓚᖃᕐᑐᖅ:

•  ᐱᕙᓪᓕᐊᑎᑦᓯᓗᓂ ᐊᑐᓕᕐᑎᓯᓗᓂᓗ ᑐᓴᒐᑦᓴᓕᕆᓂᕐᒧᑦ ᐱᓇᓱᖃᑎᖃᕐᓂᒧᓪᓗ ᐃᓄᓕᒫᓄᑦ ᐱᒍᑦᔨᓂᕐᒧᑦ ᖃᓄᐃᓕᐅᕈᑕᐅᔪᓂᒃ ᒪᓕᓪᓗᓂ NPS-ᑯᑦ ᑐᓴᐅᒪᑎᑦᓯᓂᓕᕆᓂᖓᓄᑦ;
•  ᐱᒍᑦᔨᐸᓪᓗᓂ ᖃᐅᔨᒋᐊᕐᕕᐅᓗᐊᕐᐸᑐᓂᒃ ᐱᕙᓪᓕᐊᔪᓕᕆᔨᓄᑦ ᐊᐱᕐᓱᑕᐅᔪᓄᑦ ᑲᒪᒋᕙᓪᓗᒋᓪᓗ ᐱᓇᓱᖃᑎᖃᕐᓂᑯᑦ ᐊᑦᑐᐊᓂᓕᓐᓂᒃ ᐱᓇᓱᕝᕕᒋᔭᐅᔪᓂᒃ;
•  ᐅᖃᐅᑦᔩᕙᓪᓗᓂ NPS-ᑯᑦ ᑲᒪᔨᖏᓐᓂᑦ ᑐᓴᐅᒪᑎᑦᓯᔨᖏᓐᓂᓗ ᐱᓇᓱᖃᑎᖃᕐᐸᓗᓂ ᐱᕙᓪᓕᐊᔪᓕᕆᔨᓂᒃ ᐃᑲᔪᕐᐸᓗᒋᓪᓗ ᐋᕐᕿᓱᐃᕙᓪᓕᐊᑎᓗᒋᑦ ᐃᓄᓕᒫᓄᑦ ᐅᖃᐅᓯᑦᑕᖏᓐᓄᑦ;
•  ᐋᕐᕿᓱᐃᕙᓪᓗᓂ ᑐᓴᕐᑕᐅᔪᑦᓴᓂᒃ, ᑐᓴᐅᒪᒐᑦᓴᓕᕆᓂᕐᒧᑦ ᑐᑭᑖᕐᐸᓗᓂ, ᐅᖃᒐᑦᓴᓂᒃ ᑐᑭᑖᕐᐸᓗᓂ, ᐊᐱᕐᓱᑕᐅᕙᑦᑐᓂᒃ ᐊᓪᓚᐸᓪᓗᓂ, ᐊᑦᔨᒌᖕᖏᑐᓂᓪᓗ ᐱᓇᓱᕐᑕᐅᔪᓂᒃ ᐃᑲᔪᕐᓯᓂᐊᕐᓗᓂ ᐃᓄᓕᒫᓂᒃ ᑐᓴᐅᒪᑎᑦᓯᓂᕐᒥᒃ;
•  ᐸᕐᓀᕙᓪᓗᓂ, ᐊᐅᓚᑦᓯᕙᓪᓗᓂ, ᐊᔪᕐᓇᖏᑦᑐᒥᓪᓗ ᐊᐱᕐᓱᑲᑦᑕᕙᓪᓗᓂ, ᐃᓄᑎᒍᑦ ᑐᓴᕐᑎᓯᕙᓪᓗᓂ, ᑐᓴᒐᑦᓴᓂᒃ ᓀᓪᓕᑎᕐᓯᕙᓪᓗᓂ, ᐊᓯᖏᓐᓂᓗ ᐃᓄᓕᒫᓂᒃ ᑲᑎᓯᕕᐅᔪᓂᒃ;
•  ᓴᓇᕙᓪᓗᓂ, ᕿᒥᕐᕈᕙᓪᓗᓂ, ᐊᐅᓚᑦᓯᕙᓪᓗᓂᓗ ᑐᓂᐅᕐᖃᓗᒋᑦ ᐱᕙᓪᓕᐊᔭᐅᔪᓂᒃ, ᐅᖃᐅᓯᐅᓯᒪᔪᓂᒃ, ᐃᓄᓕᒫᓄᑦ ᑐᓴᕐᑕᐅᔪᑦᓴᓂᒃ, ᐊᓯᖏᓐᓂᓗ ᐊᓪᓚᓯᒪᔪᕐᑕᓕᓐᓂᒃ ᑐᕌᖓᑎᑕᐅᔪᓂᒃ ᐱᕙᓪᓕᐊᔪᓕᕆᔨᓄᑦ ᐃᓄᓕᒫᓄᓪᓘᓃᑦ;
•  ᑲᔪᓯᑎᑦᓯᕙᓪᓗᓂ ᖃᐅᑕᒫᑦ ᐱᕙᓪᓕᐊᔪᓂᒃ ᓇᐅᑦᓯᓱᕐᓯᓂᕐᒥᒃ ᑐᓴᐅᒪᑎᑦᓯᓂᕐᒥᓗ ᐊᐅᓚᑦᓯᔨᒋᔭᐅᔪᓂᒃ ᐃᓱᒪᒋᔭᑦᓴᓂᒃ, ᖁᐊᕐᓵᓇᕈᓐᓇᑐᓂᒃ, ᐱᕕᑦᓴᕆᔭᐅᔪᓂᓪᓘᓃᑦ ᐊᑦᑐᓯᑐᐃᓐᓇᕆᐊᓕᓐᓂᒃ NPS-ᑯᑦ ᖃᐅᔨᒪᔭᐅᓂᕆᔭᖏᓐᓂᒃ ᐊᐅᓚᓂᖏᓐᓂᓘᓐᓃᑦ;
•  ᐃᓚᐅᕙᓪᓗᓂ ᐊᐅᓚᑦᓯᓂᕐᒥᒃ ᐊᑦᑐᑕᐅᓴᓇᕐᑐᓂᒃ ᖃᓄᐃᓕᖓᓂᕆᔭᐅᔪᓂᒃ ᐃᑲᔪᕐᐸᓗᓂᓗ ᐱᕙᒌᔦᓂᕐᒥᒃ ᑐᓴᐅᒪᑎᑦᓯᓂᕐᒥᒃ ᐱᒻᒪᕆᓂᒃ ᖃᓄᐃᓕᐅᕐᑐᖃᕐᑎᓗᒍ ᐃᓄᓕᒫᓄᓪᓘᓃᑦ ᐃᓱᒪᒋᔭᐅᔪᓂᒃ;
•  ᐋᕐᕿᑐᐃᕙᓪᓗᓂ ᑲᔪᓯᑎᑦᓯᕙᓪᓗᓂᓗ ᑐᓴᐅᒪᖃᑎᒌᒍᑎᓂᒃ ᐱᓇᓱᑦᑎᓂᒃ ᐱᓇᓱᖃᑎᒋᔭᖏᓐᓂᓗ ᐊᓪᓚᕕᓐᓂ, ᑲᕙᒪᒃᑯᑦ ᐱᓇᓱᕝᕕᖏᓐᓂᒃ, ᐊᕕᑦᑐᓯᒪᔪᓂ ᑐᑦᑕᕕᒋᔭᐅᔪᓂᒃ, ᐅᐃᒻᒪᓇᕐᑐᓕᕆᔨᒃᑯᓂ, ᐃᓄᓕᒫᓄᑦ ᐱᓇᓱᕝᕕᓂ, ᐊᒻᒪᓗ ᓄᓇᓕᓐᓂ ᑎᒥᐅᔪᖁᑎᓂᒃ;
•  ᐊᐅᓚᑦᓯᕙᓪᓗᓂ ᐋᕐᕿᑐᐃᓂᕐᒥᒃ ᐃᓄᓕᒫᓂᒃ ᓱᖃᑦᓯᔪᓂᒃ, ᑐᑭᓯᒪᑎᑦᓯᑲᑦᑕᓂᕐᒧᑦ ᐱᓇᓱᑦᑐᓂᒃ, ᐱᓇᓱᐊᕈᒪᕙᓪᓕᐊᔪᓂᓪᓗ ᑐᕌᕆᔭᖃᕐᑐᓂᒃ ᑲᔪᓯᑎᑦᓯᓂᕐᒥᒃ ᐱᓇᓱᖃᑎᒌᑦᓯᐊᖃᑦᑕᓂᕐᒥᒃ ᓄᓇᓕᓐᓂ ᐱᒍᑦᔨᕕᐅᕙᑦᑐᓂ;
•  ᐅᖃᐅᑦᔩᕙᓪᓗᓂ ᐊᐅᓚᑦᓯᔨᓂᒃ ᐃᓄᓕᒫᓄᑦ ᐊᑐᐊᒐᓄᑦ ᐃᓱᒪᒋᔭᑦᓴᓄᑦ ᐊᑦᑐᓯᑐᐃᓐᓇᕆᐊᓕᓐᓄᑦ NPS-ᑯᑦ ᐊᐅᓚᕙᑦᑕᖏᓐᓄᑦ, ᓇᒧᖕᖓᕙᓪᓕᐊᓂᕆᔭᖏᓐᓄᑦ, ᐃᓂᒋᔭᖏᓐᓄᓘᓐᓃᑦ;
•  ᐃᑲᔪᕐᐸᓗᓂ ᐱᕙᓪᓕᐊᑎᑕᐅᔪᓄᑦ ᐊᒻᒪᓗ ᐊᑐᓕᕐᑎᑕᐅᔪᓄᑦ ᖃᓄᐃᓕᐅᕈᑕᐅᔪᒪᔪᓄᑦ ᑐᕌᖓᔪᑦ ᓲᖑᓰᕈᑕᐅᓇᓱᑦᑐᓄᑦ ᐃᓄᓐᓄᑦ ᐅᑉᐱᕆᔭᐅᑦᓯᐊᓂᕐᒥᒃ NPS-ᑯᓐᓂ;
•  ᐃᓚᐅᕙᓪᓗᓂ ᖃᐅᔨᓴᕐᓯᓂᕐᒥᒃ ᑐᓴᒐᑦᓴᓕᕆᓂᕐᒧᑦ ᐊᑦᑐᓯᓂᐅᕙᑦᑐᓂᒃ ᖃᓄᐃᓕᐅᖁᔨᕙᓪᓗᓂᓗ ᐱᐅᓯᒋᐊᕐᑎᓯᔪᒪᓂᕐᒧᑦ ᑎᒥᐅᔫᑉ ᓯᓚᑖᓃᑦᑐᓄᑦ ᑐᓴᐅᒪᑎᑦᓯᕙᓐᓂᒧᑦ;
•  ᐱᓇᓱᖃᑎᖃᕐᐸᓗᓂ ᐃᓄᓐᓄᑦ ᑐᓴᒐᑦᓴᓕᕆᔨᒥᒃ ᖃᕆᑕᐅᔭᒃᑯᑦ ᖃᐅᔨᒪᖁᓪᓗᒋᑦ ᑲᔪᓯᔪᒥᒃ ᑐᓴᒐᑦᓴᑦ ᐊᒥᕐᖃᕈᑕᐅᔪᑦ ᑐᖕᖓᕕᖓᓄᑦ ᐊᒻᒪᓗ ᑐᓴᐅᒪᔪᓕᕆᑦᔪᑎᓄᑦ;
•  ᐃᑲᔪᕐᐸᓗᓂ ᐳᓖᓯᒃᑯᑦ ᐊᐅᓚᓂᕆᔭᖏᓐᓂᒃ ᖃᖓᓕᒫᑦᓯᐊᖅ;
•  ᐃᓇᖐᕐᓯᒪᕈᓐᓇᓗᓂ ᑐᓴᐅᒪᔪᓕᕆᓂᕐᒧᑦ ᐃᓄᓕᒫᓄᓪᓗ ᐱᓇᓱᖃᑎᖃᕐᐸᓂᕐᒧᑦ ᐊᐅᓚᑦᓯᓕᒧᑦ (ᖃᕆᑕᐅᔭᒃᑯᑦ ᑐᓴᐅᒪᑎᑦᓯᓂᕐᒧᑦ) ᐃᓄᓕᒫᓄᓪᓘᓃᑦ ᐱᓇᓱᖃᑎᖃᕐᐸᓂᕐᒧᑦ ᐊᐅᓚᑦᓯᔨᒋᔭᐅᔪᒧᑦ ᓄᕐᖃᖓᓂᕐᒥᓂ.

ᐳᕐᑐᓂᖃᕆᐊᓕᒃ

•  ᐱᔭᕇᒍᑎ ᓯᕗᓪᓕᖅ ᐃᓕᓐᓂᐊᕕᐊᓗᒻᒥ ᑐᓴᐅᒪᔪᓕᕆᓂᕐᒧᑦ, ᐃᓄᓕᒫᓂᒃ ᑐᓴᐅᒪᑎᑦᓯᓂᕐᒧᑦ, ᑲᕙᒪᓕᕆᓂᕐᒧᑦ ᖃᐅᔨᓴᕐᑐᓕᕆᓂᕐᒧᑦ, ᐱᕙᓪᓕᐊᔪᓕᕆᓂᕐᒧᑦ, ᐊᑦᑐᐊᓂᓕᓐᓄᓘᓐᓃᑦ ᐱᓇᓱᐊᕐᓂᒧᑦ.
•  ᐊᕐᕌᒍᓄᑦ ᑕᓪᓕᒪᓄᑦ (5) ᐱᓇᓱᕐᓯᒪᓂᑰᓗᓂ ᐱᕙᓪᓕᐊᔪᓕᕆᔨᓂᑦ, ᐃᓄᓕᒫᓂᑦ ᐱᓇᓱᖃᑎᖃᕐᓂᒥᑦ, ᑲᕙᒪᒃᑯᓂᑦ ᐱᓇᓱᖃᓯᖃᕐᓂᒥᑦ, ᐅᐸᓗᙰᔭᕐᓯᒪᔪᓂᑦ ᑐᓴᐅᒪᖃᑎᒌᕐᓂᒥᑦ, ᐃᓄᓕᒫᓄᓪᓘᓃᑦ ᑐᓴᐅᒪᑎᑦᓯᓂᕐᒥᑦ, ᐃᓚᒋᔭᐅᓗᓂ ᐊᕐᕌᒍᓐᓄᑦ ᒪᕐᕉᓄᑦ (2) ᐱᕙᓪᓕᐅᔪᓕᕆᓂᕐᒥᑦ ᖃᕆᑕᐅᔭᒃᑯᑦ.
•  ᐱᓇᓱᖃᑦᑕᓯᒪᓂᑰᓗᓂ ᐃᓄᓕᒫᓄᑦ, ᐊᓪᓚᕕᒃᑯᑦ, ᑲᕙᒪᒃᑯᓘᓐᓃᑦ, ᑲᕙᒪᓕᕆᓂᕐᒧᓗᑦ ᑐᑦᑕᕕᒋᔭᐅᔪᓂ, ᐅᐃᒻᒪᓇᕐᑐᓕᕆᓂᕐᓘᓐᓃᑦ ᐱᒍᑦᔨᕋᕐᓂᐅᕙᑦᑐᒥ ᐃᓱᒪᒋᔭᐅᕋᔭᕐᐳᖅ ᐊᖏᔪᒥᒃ.
•  ᐱᓇᓱᐊᖃᑦᑕᓯᒪᓂᑰᓗᓂ ᐅᖓᓯᑦᑐᒥ ᓄᓇᓕᒻᒥ ᐃᓄᓐᓂᓘᓐᓃᑦ ᓄᓇᖃᕐᖄᓯᒪᔪᓂᓪᓘᓃᑦ ᓄᓇᓕᖏᓐᓂᒃ ᐱᓇᓱᐊᕐᓯᓴᒍᓂ ᐱᐅᔫᕗᖅ.
•  ᐊᓪᓚᒍᓐᓇᓯᐊᕐᓗᓂ ᓇᓗᓀᕐᓯᔪᓐᓇᓯᐊᕐᓗᓂᓗ ᐱᔭᒋᐊᓂᒃ ᑐᑭᓯᒋᐊᒐᑦᓴᓂᒃ ᑐᑭᓯᑎᑦᓯᓗᓂ, ᑐᑭᓯᓇᕐᑐᓂᒃ ᐅᖃᐅᓯᖃᕐᓗᓂ.
•  ᑎᒍᓯᒍᓐᓇᓯᐊᕐᓗᓂ ᐊᑦᑐᐊᓂᓕᓪᓂᒃ, ᐱᕙᓪᓕᐊᔪᓕᕆᓂᕐᒨᖓᔪᓂᒃ, ᐅᕝᕙᓘᓐᓃᑦ ᑲᕙᒪᓕᕆᓂᕐᒧᑦ ᐱᑦᔪᑕᐅᔪᓂᒃ ᑲᑎᕐᓱᐃᕈᓐᓇᓗᓂᓗ ᐊᑦᑐᐊᓂᓕᓐᓂᒃ ᑐᓴᕐᑕᐅᔪᑦᓴᓂᒃ ᐃᑲᔪᕐᑐᐃᔪᒪᓂᕐᒧᑦ ᐋᕐᕿᓯᒪᓕᕐᑎᓯᓂᕐᒥᒃ.
•  ᖁᑦᔨᑐᒦᑦᑐᒥᒃ ᑲᕙᒪᓕᕆᓂᕐᒧᑦ ᖃᐅᔨᒪᓂᖃᑦᓯᐊᓗᓂ, ᐃᓱᒪᑦᓴᓯᐅᕈᓐᓇᓯᐊᕐᓗᓂ, ᐊᔪᖕᖏᓂᖃᕐᓗᓂᓗ ᖃᐅᔨᒪᕈᓐᓇᓂᕐᒥᒃ, ᐃᓱᒪᒋᔭᐅᓂᕐᒧᑦ ᖁᐊᕐᓵᓇᕈᓐᓇᑐᓂᒃ ᐊᑦᑐᐊᓂᓕᓐᓂᒃ ᐊᑦᔨᒌᖕᖏᑐᓄᑦ ᑐᓴᐅᒪᑎᑦᓯᓂᕐᒧᑦ ᖃᓄᐃᓕᐊᓂᕆᔭᐅᔪᓄᑦ.
•  ᐅᖃᐅᑦᔩᕈᓐᓇᓯᐊᕐᓗᓂ ᐃᑲᔪᕐᑐᐃᕈᓐᓇᓂᕐᒥᓗ ᐅᖃᕐᑎᒋᔭᐅᔪᓂᒃ ᐊᑦᔨᒌᖕᖏᑐᓂᒃ ᐱᓇᓱᐊᖃᑦᑕᓯᒪᓂᑰᔪᓂᒃ ᐃᓄᓕᒫᓄᑦ ᑐᓴᐅᒪᑎᑦᓯᕙᓐᓂᒥᓂᒃ.
•  ᐱᐅᔪᒥᒃ ᐃᓅᖃᑎᖃᕈᓐᓇᐸᓪᓗᓂ ᑐᑭᓯᓂᖃᑦᓯᐊᓗᓂᓗ ᐊᓯᒥᓂᒃ ᐊᒻᒪᓗ ᑲᔪᓯᑎᑦᓯᕈᓐᓇᓗᓂ ᐅᑉᐱᕆᖃᑦᓯᐊᓂᕐᒥᒃ ᐃᓅᖃᑎᒥᓄᑦ ᐊᑦᔨᒌᖕᖏᑐᓂᒃ ᑭᒡᒐᑐᐃᔨᕆᔭᐅᔪᓄᑦ.
•  ᓇᒻᒥᓂᕐᓱᕈᓐᓇᓯᐊᕐᓗᓂ, ᐃᓱᒪᕐᓱᕈᓐᓇᓯᐊᕐᓗᓂ, ᐱᓇᓱᐊᑦᓯᐊᓗᓂᓗ ᑲᒪᒋᔭᖃᕐᓂᐊᓗᓂ ᐊᑦᑐᑕᐅᓇᕐᑐᓂᒃ ᑲᖕᖑᓇᕐᑐᓂᓪᓘᓃᑦ ᑐᓴᕐᑕᐅᔪᑦᓴᓂᒃ.
•  ᐊᒥᓱᓂᑦ ᐱᓇᓱᐊᒐᖃᕈᓐᓇᓗᓂ ᓯᕗᓪᓕᐅᔨᕈᓐᓇᓗᓂ ᐋᕐᕿᓱᐃᕈᓐᓇᓗᓂᓗ, ᐅᐃᒪᔮᖕᖏᓗᓂᓗ ᐊᕐᓱᕈᓐᓇᕋᓗᐊᕐᑎᓗ.
•  ᐊᑐᐃᓐᓇᐅᓚᖓᓗᓂ ᐱᓇᓱᕝᕕᐅᑉ ᐃᑲᕐᕋᖏᑦᑕ ᓯᓚᑖᓂ ᐱᕙᓪᓕᐊᔪᓕᕆᔨᓄᑦ ᐊᐱᕐᑏᓄᑦ ᐅᕝᕙᓘᓐᓃᑦ ᐱᓇᓱᐊᕐᓂᒧᑦ ᑐᓴᐅᒪᔪᓕᕆᑦᔪᑎᓄᑦ ᐊᑦᑐᐊᓂᓕᓐᓄᑦ ᖃᓄᐃᓕᐅᕐᓂᖃᓕᕐᐸᑦ.
•  ᐱᒍᓐᓇᒪᕆᓪᓗᓂ, ᐱᓇᓱᖃᑎᒌᒍᓐᓇᓯᐊᕐᓗᓂ ᐱᓇᓱᖃᑎᒥᓂᒃ ᐊᒻᒪᓗ ᓄᓇᓕᓐᓂ ᐱᓇᓱᖃᑎᒋᔭᖏᓐᓂᒃ.
•  ᖃᐅᔨᒪᓗᓂ (ᐊᓪᓚᕆᐊᒥᒃ ᐅᖄᕆᐊᒥᓪᓗ) ᒪᕐᕉᓂᒃ (2) ᒪᑯᓂᖓ ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᕐᑎᑐᑦ, ᐊᒻᒪᓗ ᐅᐃᒍᐃᑎᑐᑦ.
•  ᓄᓇᕕᓕᐊᕈᒪᓗᓂ ᐊᐅᓪᓚᕆᐊᖃᕈᓂ.

ᓇᓃᓂᖓ: ᐱᓇᓱᕝᕕᒥ ᐊᖏᕐᕋᒥᓪᓗ

ᑮᓇᐅᑦᔭᓵᑦ: $108,912 ᐊᒻᒪᓗ $149,735 ᐊᑯᓐᓂᖓᓂ

ᐃᑲᔫᑏᑦ: RRSP-ᖃᕐᓗᓂ

ᑲᑎᖕᖓᔪᓄᑦ ᐱᒍᓐᓇᐅᑏᑦ (ᐃᓚᐅᓗᑎᒃ ᑭᒍᑎᓕᕆᓂᖅ ᐊᒻᒪᓗ ᐋᓐᓂᐊᓂᕆᓕᓂᕐᒧᑦ ᐊᑭᓕᕐᑐᐃᒍᑏᑦ)

ᕿᑲᕐᓀᑦ: 30 ᐅᓪᓗᐃᑦ

20 ᐅᓪᓗᐃᑦ ᐃᓄᓕᒫᓄᑦ ᕿᑲᕐᓀᑦ, ᐃᓚᐅᓗᑎᒃ 10 ᐅᓪᓗᐃᑦ ᖁᕕᐊᓱᕝᕕᒥ

ᐱᓇᓱᐊᖃᑦᑕᓯᒪᔭᑎᑦ ᓄᐊᑦᓯᒍᑎᖓ ᑐᓂᓗᒍ ᓅᕕᒻᐱᕆ 24, 2026-ᖑᓚᐅᖕᖏᓂᖓᓂ ᐅᕘᖓ:

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

hr@nunavikpolice.ca