ᑐᓴᐅᒪᑎᑦᓯᓂᕐᒧᑦ ᐊᒻᒪᓗ ᐃᓄᓕᒫᓂᒃ ᐱᓇᓱᖃᑎᖃᕐᓂᒧᑦ ᐊᐅᓚᑦᓯᔨ ᓄᓇᕕᒻᒥ ᐳᓖᓯᒃᑯᓄᑦ (ᐃᓄᓕᒫᓂᒃ ᑐᓴᐅᒪᑎᑦᓯᓂᖅ) - NPS KRG

ᐱᓇᓱᐊᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᓪᓚᕕᓕᒫᓄᑦ ᑎᒥᐅᔪᒻᒪᕆᐅᕗᖅ ᐱᔪᓐᓇᕕᖃᕐᓂᓕᒃ ᑯᐯᑉ ᓄᓇᖁᑎᖓᓂ ᑕᕐᕋᒥ ᓄᓇᖕᖑᐊᑎᒍᑦ ᐃᑳᖓᔪᒥᒃ 55 ᐹᖓᓂ, ᐱᓇᓱᑦᑎᓴᒥᒃ ᕿᓂᕐᐳᑦ ᐱᔪᓐᓇᑐᒥᒃ ᖃᓄᑐᐃᓐᓇᖅ ᐃᓄᒻᒥᒃ ᐃᓚᐅᕈᒪᔪᒥᒃ KRG-ᑯᑦ ᐱᓇᓱᕝᕕᖓᓂ:

ᑐᓴᐅᒪᑎᑦᓯᓂᕐᒧᑦ ᐊᒻᒪᓗ ᐃᓄᓕᒫᓂᒃ ᐱᓇᓱᖃᑎᖃᕐᓂᒧᑦ ᐊᐅᓚᑦᓯᔨ ᓄᓇᕕᒻᒥ ᐳᓖᓯᒃᑯᓄᑦ

(ᐃᓄᓕᒫᓂᒃ ᑐᓴᐅᒪᑎᑦᓯᓂᖅ)

(ᐅᓪᓗᑕᒫᕐᓯᐅᑎᒃ—ᐊᓂᕐᕋᒥ ᐱᓇᓱᐊᕈᓐᓇᓗᓂᓗ)

ᑐᓴᐅᒪᑎᑦᓯᕙᓪᓗᓂ ᐃᓄᓕᒫᓂᒃ ᐱᓇᓱᖃᑎᖃᕐᓗᓂ ᐊᐅᓚᑦᓯᓂᕐᒥᒃ ᓄᓇᕕᒻᒥ ᐳᓖᓯᓕᕆᓂᕐᒧᑦ ᐱᒍᑦᔨᕕᖓᓂ (Nunavik Police Service), ᑖᓐᓇ ᓂᕈᐊᕐᑕᐅᔪᖅ ᐱᓇᓱᐊᒐᖃᓂᐊᕐᐳᖅ ᐊᑐᓕᕐᑎᓯᓂᕐᒥᒃ NPS-ᑯᑦ ᑐᓴᐅᒪᑎᑦᓯᒍᑎᖏᓐᓂᒃ ᖃᓄᐃᓕᐅᕙᓐᓂᖏᓐᓂᓗ. ᑖᓐᓇ ᓂᕈᐊᕐᑕᐅᔪᖅ ᑲᒪᒋᔭᑦᓴᖃᓂᐊᕐᐳᖅ ᐃᑲᔪᕐᐸᓗᓂ ᑕᒻᒪᓯᒪᔪᖃᖕᖏᑐᓂᒃ, ᑲᔪᓯᓂᓕᓐᓂᒃ, ᐊᒻᒪᓗ ᐊᑐᐃᓐᓇᓂᒃ ᑐᓴᕋᕐᓴᓂᒃ ᐃᓄᓕᒫᓄᑦ, ᐃᑲᔪᕐᓯᕙᓪᓗᓂ ᑌᒣᑎᑦᓯᑌᓕᒪᓂᕐᒧᑦ ᐱᓇᓱᐊᕐᑕᐅᔪᓂᒃ, ᐱᐅᓯᒋᐊᕐᑎᓯᓗᓂᓗ ᑐᑭᓯᒪᐅᑎᓂᒃ NPS-ᑯᑦ ᐱᓇᓱᐊᕐᑕᖏᓐᓂᒃ ᓄᓇᓕᓐᓂ ᐱᒍᑦᔨᕋᒋᖏᓐᓄᑦ.

ᐱᓇᓱᐊᕐᓂᓕᒻᒥᒃ ᐅᖃᕋᑦᓭᑦ ᓈᒻᒪᓈᕐᓂᖃᕐᓯᐊᕆᐊᖃᕐᓂᖓᓂᒃ, ᑖᓐᓇ ᐃᓄᒃ ᑲᒪᒋᔭᑦᓴᖃᓂᐊᕐᐳᖅ ᐃᑲᔪᕐᓯᓂᕐᒥᒃ NPS-ᑯᑦ ᐱᓇᓱᑦᑕᖏᓐᓂᑦ ᐋᕐᕿᓱᐃᕙᓪᓕᐊᕈᒪᓂᓗᓂ ᑲᔪᓯᑎᑦᓯᕈᒪᓂᕐᒧᓗᓂᓗ ᐃᓄᓕᒫᓄᑦ ᐅᑉᐱᕆᔭᐅᔪᓐᓇᕆᐊᓕᓂᒃ. ᐱᓇᓱᖃᑎᖃᕐᐸᓗᓂ ᐱᓇᓱᕝᕕᕆᔭᐅᕙᑦᑐᓂᒃ, ᓄᓇᓕᓐᓂ ᑲᑐᑦᔨᖃᑎᒌᕐᓂᒧᑦ, ᐊᓪᓚᕕᓐᓄᑦ, ᐊᒻᒪᓗ ᐊᑦᔨᐅᖏᑦᑐᓄᑦ ᓄᓇᓕᓐᓂ, ᑖᓐᓇ ᐃᓄᒃ ᐃᑲᔪᖃᑦᑕᓂᐊᕐᐳᖅ ᑲᔪᓯᑎᑦᓯᓂᓗᓂ ᑕᑯᑦᓴᐅᑎᕐᓯᓗᓂᓗ, ᐅᑉᐱᕆᔭᐅᔪᓐᓇᕆᐊᓕᓂᒃ, ᐱᓇᓱᐊᕐᐸᓗᓂ, ᑲᔪᖏᕐᑎᓯᓗᓂᓗ ᑐᓴᐅᒪᑎᑦᓯᓂᕐᒥᒃ.

ᑖᓐᓇ ᐃᓄᒃ ᐱᓇᓱᐊᒐᖃᓪᓗᐊᓂᐊᕐᐳᖅ ᑲᔪᖏᕐᑎᓯᓗᓂ NPS-ᒥᒃ, ᐊᐅᓚᑦᓯᕙᓪᓗᓂ ᖃᐅᔨᒪᔭᐅᒍᓯᖓᓂᑦ, ᑌᒣᑎᑦᓯᑌᓕᒪᓂᕐᒧᑦ ᐱᓇᓱᐊᕐᑕᐅᒪᔪᓂᓪᓗ, ᑲᔪᓯᑎᑦᓯᓗᓂᓗ ᐃᑉᐱᒋᔭᖃᑦᓯᐊᓂᕐᒥᒃ ᐅᖄᖃᑎᖃᕐᐸᓗᓂᓗ ᓄᓇᕕᒻᒥᐅᓂᑦ. ᓂᕈᐊᕐᑕᐅᔪᖅ ᐃᑲᔪᕆᐊᖃᕆᕗᖅ ᑐᑭᑖᕆᓗᓂ, ᓴᕐᕿᑎᑦᓯᓗᓂ, ᑐᓂᓯᕙᓪᓗᓂᓗ ᐃᓗᓕᓕᓐᓂᒃ ᐋᕐᕿᓱᕐᑕᐅᓯᒪᔪᓂᒃ ᐊᑦᔨᒌᖕᖏᑐᓄᑦ ᓈᓚᔪᓄᑦ, ᑌᒣᓕᐅᕐᓂᒥᓂᓪᓗ ᓇᓗᖕᖏᓯᐊᕐᓗᓂ ᖃᕆᑕᐅᔭᒃᑯᑦ ᑐᓴᕋᑦᓴᓕᕆᓂᕐᒥᒃ ᐊᒻᒪᓗ ᑐᓴᐅᒪᑎᑦᓯᓂᓗᓂ ᐃᓄᓕᒫᓂᒃ.

ᑖᓐᓇ ᐃᓄᒃ ᑕᑯᑦᓴᐅᑎᑦᓯᕆᐊᖃᕐᐳᖅ ᐃᓱᒪᑦᓴᓯᐅᕈᓐᓇᓯᐊᕐᓂᒥᓂᒃ, ᐃᒻᒥᓂᕿᕈᓐᓇᓯᐊᕐᓗᓂ, ᑲᒪᒋᔭᖃᕈᓐᓇᓗᓂ ᐊᑦᑐᑕᐅᓇᕐᑐᓂᒃ ᖃᓄᐃᓕᖓᓂᕆᔭᐅᔪᓂᓪᓗ, ᐊᒻᒪᓗ ᓇᓗᓀᕐᓯᕈᓐᓇᓗᓂ ᑐᑭᖏᓐᓂᒃ ᐊᔪᕐᓇᕈᓐᓇᑐᓂᒃ ᑐᓴᕋᑦᓴᓂᑦ. ᑖᓐᓇ ᐱᓇᓱᐊᕈᓐᓇᓯᐊᕆᐊᓕᒃ ᐃᑲᔪᕐᓯᓗᓂ ᐳᓖᓯᒃᑯᑦ ᐊᐅᓚᓂᕆᔭᖏᓐᓂᒃ ᖃᖓᓕᒫᑦᓯᐊᖅ ᐃᓇᖐᕈᓐᓇᓗᓂᓗ ᐊᓯᖏᓐᓂᒃ ᐃᓚᒋᔭᐅᔪᓂᒃ ᑐᓴᐅᒪᑎᑦᓯᓂᕐᒧᑦ ᐱᓇᓱᐊᕐᑐᓂᒃ

ᑲᒪᒋᕆᐊᓕᖏᑦ ᑖᑦᓱᒧᖓ ᐱᓇᓱᐊᒐᕐᒧᑦ ᐃᓚᖃᕐᑐᖅ:

•  ᐱᕙᓪᓕᐊᑎᑦᓯᓗᓂ ᐃᓄᓐᓄᑦ ᑐᓴᒐᑦᓴᓂᒃ ᐊᐅᓚᑦᓯᓗᓂ ᖃᓄᐃᓕᐅᕈᑕᐅᔪᓂᒃ ᒪᓕᑦᓯᐊᓗᓂ NPS-ᑯᑦ ᑐᓴᐅᒪᓕᕆᓂᕐᒧᑦ ᑐᕌᒐᖏᓐᓂᒃ;
•  ᐊᐅᓚᑦᓯᕙᓪᓗᓂ ᐱᕙᓪᓕᐊᑎᑕᐅᔪᓂᒃ ᐋᕐᕿᓱᐃᓗᓂ ᒪᓕᑦᑕᐅᔪᑦᓴᓂᒃ ᐊᒻᒪᓗ ᐃᓗᕐᕈᓯᕆᔭᐅᕆᐊᓕᓂᒃ NPS-ᑯᑦ ᐊᑦᔨᒌᖕᖏᑐᓄᑦ ᐃᓄᓐᓄᑦ ᑐᓴᒐᑦᓴᓕᑦᔪᑎᖏᓐᓄᑦ ᐊᒻᒪᓗ ᑲᒪᒋᔭᖃᕐᓗᓂ ᐊᑐᐊᕋᑦᓴᓕᐊᓂᒃ;
•  ᐱᕙᓪᓕᐊᑎᑦᓯᓗᓂ ᐊᑐᓕᕐᑎᓯᓗᓂᓗ ᐋᕐᖀᒋᐊᕐᓯᓂᕐᒧᑦ ᐅᓪᓗᓯᐅᑎᒥᒃ ᐃᓄᓐᓄᑦ ᑐᓴᒐᑦᓴᓕᕆᓂᕐᒧᑦ ᑐᖕᖓᕕᖏᓐᓄᑦ, ᐱᓇᓱᖃᓯᖃᕐᓗᓂ NPS-ᑯᑦ ᐱᓇᓱᑦᑎᖏᓐᓂᑦ;
•  NPS-ᑯᑦ ᐱᓇᓱᑦᑎᖏᓐᓂᑦ ᐱᓇᓱᖃᑎᖃᕐᐸᓗᓂ ᓇᓗᓀᕐᓯᓇᓱᓪᓗᓂ ᐱᕕᑦᓴᓂᒃ ᓄᐃᑎᑦᓯᔪᒪᓂᕐᒧᑦ ᑲᑐᑦᔨᖃᑎᒌᓗᓂ ᐱᔭᑦᓴᓂᒃ, ᑐᓴᐅᒪᓕᑎᑦᓯᓂᕐᒧᑦ ᐱᓇᓱᐊᒐᕐᓂᒃ, ᓱᖃᑦᓯᓂᖃᕐᓂᓂᒃ, ᐱᔭᒌᕐᑕᐅᔪᓂᓪᓗ;
•  ᓴᕐᕿᑎᑦᓯᕙᓪᓗᓂ ᐊᐅᓚᑦᓯᕙᓪᓗᓂᓪᓘᓃᑦ ᐊᑦᔨᖑᐊᓂᒃ, ᑕᕐᕆᔮᒐᑦᓴᓂᒃ, ᓇᓗᓀᔭᐅᑎᓂᒃ, ᐊᓯᖏᓐᓂᓗ ᖃᕆᑕᐅᔭᒃᑯᑦ ᐃᓗᓕᖏᓐᓂᒃ, ᐱᓇᓱᖃᑎᖃᕐᐸᓗᓂ NPSᔾᑯᑦ ᐱᓇᓱᖃᑎᒋᕙᑦᑕᖏᓐᓂᒃ ᐊᒻᒪᓗ, ᑌᒣᕆᐊᖃᕐᐸᑦ, ᓯᓚᑖᓂ ᐱᒍᑦᔨᕋᑦᓴᒋᔭᐅᕙᑦᑐᓂᒃ;
•  ᓴᓇᕙᓪᓗᓂ, ᕿᒥᕐᕈᕙᓪᓗᓂ, ᐊᒻᒪᓗ ᓴᕐᕿᑎᑦᓯᕙᓪᓗᓂ ᐃᓗᓕᖏᓐᓂᒃ ᐋᕐᕿᓱᕐᑕᐅᓯᒪᔪᓂᒃ ᐊᑦᔨᒌᖕᖏᑐᓄᑦ ᑐᖕᖓᕕᒋᔭᐅᔪᓄᑦ;
•  ᑭᐅᕙᓪᓗᓂ ᐅᖃᐅᓯᐅᓯᒪᔪᓄᑦ ᒪᓕᓪᓗᓂ ᒪᓕᒋᐊᓕᓐᓂᒃ ᐋᕐᕿᑐᑕᐅᓯᒪᔪᓂᒃ NPS-ᑯᓐᓂᑦ ᐅᖄᖃᑎᖃᕐᐸᓗᓂᓗ ᐱᓇᓱᑦᑎᓂᒃ ᑕᒃᑲᓂ ᑎᒥᐅᔪᒥ;
•  ᓇᐅᑦᓯᕙᓪᓗᓂ ᐃᓄᓕᒫᓄᑦ ᑐᓴᐅᒪᔪᓕᕆᑦᔪᑎᖏᓐᓂᒃ ᐊᖏᓕᕙᓪᓕᐊᑎᑦᓯᕙᓪᓗᓂᓗ ᐊᑦᑐᑕᐅᓇᕐᑐᓂᒃ ᖁᐊᕐᓵᓇᕐᑐᓂᓪᓘᓃᑦ ᖃᓄᐃᓕᖓᓂᕆᔭᐅᔪᓂᒃ ᑐᑭᒧᐊᕐᑎᓯᔨᒧᑦ;
•  ᐋᕐᕿᓱᐃᕙᓪᓗᓂ ᑐᓴᕐᑕᐅᔪᑦᓴᓂᒃ ᐊᑦᔨᒌᖕᖏᑐᓄᑦ ᓈᓚᑦᑐᓄᑦ ᓇᓗᖕᖏᓯᐊᕐᓗᓂᓗ ᑕᒣᑎᒍᑦ ᑐᓴᕐᕕᓴᐅᕙᑦᑐᑎᒍᑦ;
•  ᖃᐅᔨᓴᕐᐸᓗᒋᑦ ᐱᓇᓱᐊᕐᑕᑦ ᓇᓗᓀᒃᑯᑕᖏᑦ (ᑎᑭᐅᑎᓂᖅ, ᐃᓚᐅᑎᑦᓯᓂᖅ, ᐊᖏᓕᕙᓪᓕᐊᓂᖅ ᒪᓕᑦᑐᑦ, ᑕᒪᒃᑯᐊᓚᑳᑦ.) ᐱᖁᔨᕗᖔᓕᐅᕐᐸᓗᓂᓗ ᐱᑦᔪᑎᓕᓐᓂᒃ ᐱᕙᓪᓕᐊᑎᑕᐅᓂᖏᓐᓂᒃ ᐊᐅᓚᑕᐅᓂᖏᓐᓂᓘᓐᓃᑦ;
•  ᖃᐅᔨᓴᕐᐸᓗᒋᑦ ᖃᓄᐃᓕᕙᓪᓕᐊᓂᕆᔭᐅᔪᑦ ᐊᒻᒪᓗ ᓈᓚᓗᒋᑦ ᓂᕈᐊᕆᔭᖏᑦ ᓄᓇᕕᒻᒥᐅᑦ;
•  ᐃᑲᔪᕐᓯᐸᓪᓗᓂ ᑲᔪᓯᑎᑦᓯᓂᕐᒥᒃ ᐱᐅᔪᓂᒃ ᐃᓅᖃᑎᖃᕐᐸᓂᕐᒥᒃ ᓄᓇᓕᓐᓂ ᐱᒍᑦᔨᕋᕐᕕᐅᕙᑦᑐᓂᒃ;
•  ᐱᓇᓱᖃᑎᖃᕐᐸᓗᓂ ᐃᓄᓕᒫᓂᒃ ᐱᓇᓱᖃᑎᖃᕐᓂᒧᑦ ᐱᕙᓪᓕᐊᑎᑦᓯᓂᕐᒧᓗ ᐊᐅᓚᑦᓯᔨᒋᔭᐅᔪᓂᒃ ᐱᓇᓱᖃᑎᖃᕐᓂᕐᒧᑦ ᓇᓗᓇᖕᖏᑐᒥᒃ ᑐᓴᕐᑕᐅᔪᑦᓴᓂᒃ ᑐᓴᐅᒪᑎᑦᓯᕙᓪᓗᓂ ᖃᐅᑕᒫᖅ ᐊᑐᕐᑕᐅᕙᑦᑐᑎᒍᑦ ᑐᓴᐅᒪᑎᑦᓯᓂᕐᒧᓗ ᐊᑦᔨᒌᖕᖏᑦᑐᓂᒃ ᑐᓴᕐᕕᓴᓄᑦ;
•  ᐃᑲᔪᕐᐸᓗᓂ ᐳᓖᓯᒃᑯᑦ ᐊᐅᓚᓂᕆᔭᖏᓐᓂᒃ ᖃᖓᓕᒫᑦᓯᐊᖅ;
•  ᐃᓇᖐᕐᓯᒪᕈᓐᓇᓗᓂ ᑐᓴᐅᒪᔪᓕᕆᓂᕐᒧᑦ ᐃᓄᓕᒫᓄᓪᓗ ᐱᓇᓱᖃᑎᖃᕐᐸᓂᕐᒧᑦ ᐊᐅᓚᑦᓯᓕᒧᑦ (ᖃᕆᑕᐅᔭᒃᑯᑦ ᑐᓴᐅᒪᑎᑦᓯᓂᕐᒧᑦ) ᐃᓄᓕᒫᓄᓪᓘᓃᑦ ᐱᓇᓱᖃᑎᖃᕐᐸᓂᕐᒧᑦ ᐊᐅᓚᑦᓯᔨᒋᔭᐅᔪᒧᑦ ᓄᕐᖃᖓᓂᕐᒥᓂ.

ᐳᕐᑐᓂᖃᕆᐊᓕᒃ

•  ᐱᔭᕇᒍᑎ ᓯᕗᓪᓕᖅ ᐃᓕᓐᓂᐊᕕᐊᓗᒻᒥ ᑐᓴᐅᒪᑎᑦᓯᓕᕆᓂᕐᒧᑦ, ᖃᕆᑕᐅᔭᒃᑯᑦ ᐱᕙᓪᓕᐊᔪᓕᕆᓂᕐᒧᑦ, ᐊᑦᑐᐊᓂᓕᖃᕈᓂᓪᓘᓃᑦ.
•  ᐊᕐᕌᒍᓄᑦ ᑕᓪᓕᒪᓄᑦ (5) ᐱᓇᓱᐊᓯᒪᓂᑰᓗᓂ ᐃᓄᓕᒫᓂᑦ ᑐᓴᐅᒪᑎᑦᓯᓂᕐᒥᒃ, ᑐᓴᕋᑦᓴᓂᑦ ᐊᐅᓚᑦᓯᓂᕐᒥᑦ, ᑐᓴᐅᒪᖃᑎᒌᓐᓂᒥᓪᓘᓃᑦ, ᐃᓚᒋᔭᐅᓗᓂ ᐊᕐᕌᒍᓄᑦ ᒪᕐᕉᓄᑦ (2) ᑐᓴᕋᑦᓴᓂᑦ ᐊᐅᓚᑦᓯᓂᕐᒥᒃ ᖃᕆᑕᐅᔭᒃᑯᓘᓐᓃᑦ ᑐᓴᐅᖃᑎᒌᕐᓂᒥᑦ.
•  ᖃᓄᑐᐃᓐᓇᓯᐊᖅ ᐱᓇᓱᖃᑦᑕᓯᒪᓂᑰᓗᓂ ᐃᓚᖃᕐᓗᓂ ᐊᓪᓚᕈᓐᓇᓯᐊᕐᓂᒥᒃ, ᑕᑯᑦᓴᐅᔪᓂᒃ ᓴᕐᕿᑎᑦᓯᓂᕐᒥᒃ (ᐊᑦᔨᓕᐅᕆᓂᕐᒥᒃ, ᑕᕐᕆᔮᑦᓴᓕᐅᕐᓂᒥᒃ, ᖃᕆᑕᐅᔭᒃᑯᑦ ᑕᑯᒥᓇᕐᑐᓕᐅᕈᓐᓇᓂᕐᒥᒃ), ᖃᕆᑕᐅᔭᒃᑯᓗ ᓄᓇᓕᓐᓂ ᐊᐅᓚᑦᓯᕕᖃᕐᐸᓂᕐᒥᒃ-ᑕᑎᖃᖕᖏᓗᓂ ᐱᓇᓱᖃᑎᒌᕐᒥᓂᒃ ᓯᓚᑖᒍᓪᓘᓃᑦ-ᐱᐅᔪᒻᒪᕆᐅᕗᖅ.
•  ᐱᓇᓱᐊᖃᑦᑕᓯᒪᓂᑰᓗᓂ ᐃᓄᓕᒫᓄᑦ, ᐊᓪᓚᕕᓐᓄᑦ, ᑲᕙᒪᒃᑯᑦ ᑎᒥᐅᔪᖁᑎᖏᓐᓄᓘᓐᓃᑦ, ᐅᐃᒪᓇᕐᑐᓕᕆᓂᔨᒃᑯᓄᓪᓘᓃᑦ, ᐱᐅᔪᒻᒪᕆᐅᕗᖅ.
•  ᐱᓇᓱᐊᖃᑦᑕᓯᒪᓂᑰᓗᓂ ᐅᖓᓯᑦᑐᒥ ᓄᓇᓕᒻᒥ ᐃᓄᓐᓂᓘᓐᓃᑦ ᓄᓇᖃᕐᖄᓯᒪᔪᓂᓪᓘᓃᑦ ᓄᓇᓕᖏᓐᓂᒃ ᐱᓇᓱᑦᑐᓄᑦ ᐱᐅᔫᕗᖅ.
•  ᑐᑭᓯᒪᕈᓐᓇᓯᐊᕐᓗᓂ ᐊᐅᓚᑦᓯᕈᓐᓇᓗᓂᓗ ᓱᑲᑦᑐᒥᒃ ᐊᓯᑦᔨᐸᓪᓕᐊᔪᓂᒃ ᐊᑦᔨᒌᖕᖏᑦᑐᓂᒃ ᖃᓄᐃᓕᖓᓂᕆᔭᐅᔪᓂᒃ ᑲᑎᕐᓱᐃᕈᓐᓇᓗᓂᓗ ᐊᑦᑐᐊᓂᓕᓐᓂᒃ ᑐᓴᕐᑕᐅᔪᑦᓴᓂᒃ.
•  ᑐᑭᑖᕐᓯᒪᑦᓯᐊᓗᓂ ᑭᐅᒋᐊᖃᓕᒍᓂ ᐃᓱᒪᑦᓴᓯᐅᕈᓐᓇᓗᓂ ᖃᐅᔨᓴᕈᓐᓇᓗᓂᓗ ᖃᓄᐃᓕᖓᓂᕆᔭᐅᔪᓂᒃ ᐅᖃᐅᓯᐅᔭᕆᐊᓕᓐᓂᒃ ᑐᓴᐅᒪᔪᓕᕆᔨᒃᑯᓄᑦ.
•  ᐱᓇᓱᐊᒐᖃᕈᓐᓇᓯᐊᕐᓗᓂ ᐃᓄᑑᓗᓂᓗ ᐊᐅᓚᑦᓯᔪᓐᓇᓗᓂ ᑕᒣᓂᒃ ᓴᓇᔭᐅᕙᓪᓕᐊᔪᓂᒃ, ᐸᕐᓀᓂᒥᒃ ᐊᓪᓚᑕᐅᒪᓂᖓᓄᑦ ᐊᒻᒪᓗ ᖃᐅᔨᓴᕐᑕᐅᓂᖏᓐᓄᑦ ᖃᓄᐃᓕᖓᓕᕐᓂᖏᑦ.
•  ᓴᐱᖕᖏᓂᖅ ᐅᐃᒪᔮᖕᖏᓯᐊᕐᓂᓗ ᓵᖕᖓᓕᕋᒥ ᐱᐅᖕᖏᑐᓂᒃ ᐅᖃᐅᓯᓂᒃ ᐊᑦᑐᑕᐅᓴᓇᕐᑐᓂᓪᓘᓃᑦ ᖃᓄᐃᓕᖓᓂᕆᔭᐅᔪᓂᒃ ᖃᕆᑕᐅᔭᒃᑯᑦ.
•  ᐱᓇᓱᖃᑎᖃᕐᓗᓂ ᐊᐅᓚᑦᓯᔨᓂᒃ, ᐱᕙᓪᓕᐊᑎᑦᓯᕈᓐᓇᓗᓂ ᑲᔪᓯᑎᑦᓯᕈᓐᓇᓗᓂᓗ ᐊᑦᔨᒌᖕᖏᑐᓂᒃ ᓱᓕᔪᒥᓪᓗ ᐋᕐᕿᒋᐊᕐᓯᓂᕐᒧᑦ ᓂᐱᒥᒃ ᑭᒡᒐᑐᐃᔪᓂᒃ NPS-ᑯᓐᓂᒃ.
•  ᐃᓚᖓᓂ ᒪᓂᒪᔪᖃᕋᓚᐅᕐᐸᓗᓂ ᐱᓇᓱᑦᑎᐅᑉ ᐃᑲᕐᕋᖏᑦᑕ ᐅᖓᑖᓄᑦ ᐊᖏᖃᑎᖃᕈᒪᓪᓗᓂ ᑲᔪᓯᕆᐊᒥᒃ (ᕿᑲᕐᓀᑦ, ᓄᐃᖕᖏᓃᑦ) ᓇᓗᖕᖏᓯᐊᕈᒪᓂᕐᒧᑦ ᐅᓚᐱᓴᕐᑕᐅᔪᖃᖕᖏᖃᓗᐊᕐᒪᖔᑦ ᑎᒥᐅᔫᑉ ᖃᕆᑕᐅᔭᒃᑯᑦ ᓴᕐᕿᔮᕐᓂᕆᔭᖓᓂ.
•  ᐱᒍᓐᓇᒪᕆᓪᓗᓂ, ᐱᓇᓱᖃᑎᒌᒍᓐᓇᓯᐊᕐᓗᓂ ᐱᓇᓱᖃᑎᒥᓂᒃ ᐊᒻᒪᓗ ᓄᓇᓕᓐᓂ ᐱᓇᓱᖃᑎᒋᔭᖏᓐᓂᒃ.
•  ᐊᒥᓱᓂᑦ ᐱᓇᓱᐊᒐᖃᕈᓐᓇᓗᓂ ᓯᕗᓪᓕᐅᔨᕈᓐᓇᓗᓂ ᐋᕐᕿᓱᐃᕈᓐᓇᓗᓂᓗ, ᐅᐃᒪᔮᖕᖏᓗᓂᓗ ᐊᕐᓱᕈᓐᓇᕋᓗᐊᕐᑎᓗ.
•  ᖃᐅᔨᒪᓗᓂ (ᐊᓪᓚᕆᐊᒥᒃ ᐅᖄᕆᐊᒥᓪᓗ) ᒪᕐᕉᓂᒃ (2) ᒪᑯᓂᖓ ᐅᖃᐅᓯᕐᓂᒃ: ᐃᓄᒃᑎᑐᑦ, ᖃᓪᓗᓈᕐᑎᑐᑦ, ᐊᒻᒪᓗ ᐅᐃᒍᐃᑎᑐᑦ.
•  ᓄᓇᕕᓕᐊᕈᒪᓗᓂ ᐊᐅᓪᓚᕆᐊᖃᕈᓂ.

ᓇᓃᓂᖓ: ᐱᓇᓱᕝᕕᒥ ᐊᖏᕐᕋᒥᓪᓗ

ᑮᓇᐅᑦᔭᓵᑦ: $108,912 ᐊᒻᒪᓗ $149,735 ᐊᑯᓐᓂᖓᓂ

ᐃᑲᔫᑏᑦ: RRSP-ᖃᕐᓗᓂ

ᑲᑎᖕᖓᔪᓄᑦ ᐱᒍᓐᓇᐅᑏᑦ (ᐃᓚᐅᓗᑎᒃ ᑭᒍᑎᓕᕆᓂᖅ ᐊᒻᒪᓗ ᐋᓐᓂᐊᓂᕆᓕᓂᕐᒧᑦ ᐊᑭᓕᕐᑐᐃᒍᑏᑦ)

ᕿᑲᕐᓀᑦ: 30 ᐅᓪᓗᐃᑦ

20 ᐅᓪᓗᐃᑦ ᐃᓄᓕᒫᓄᑦ ᕿᑲᕐᓀᑦ, ᐃᓚᐅᓗᑎᒃ 10 ᐅᓪᓗᐃᑦ ᖁᕕᐊᓱᕝᕕᒥ

ᐱᓇᓱᐊᖃᑦᑕᓯᒪᔭᑎᑦ ᓄᐊᑦᓯᒍᑎᖓ ᑐᓂᓗᒍ ᓅᕕᒻᐱᕆ 24, 2026-ᖑᓚᐅᖕᖏᓂᖓᓂ ᐅᕘᖓ:

ᑲᑎᕕᒃ ᓄᓇᓕᓕᒫᑦ ᑲᕙᒪᖓ

hr@nunavikpolice.ca