ᑐᓴᐅᒪᖃᑎᒌᓐᓂᓕᕆᓂᕐᒥ ᐊᑕᐅᑦᓯᑰᕐᑎᓯᔨ - Makivvik

ᐱᓇᓱᒐᖅ ᐊᑐᐃᓐᓇᐅᓕᕐᒥᔪᖅ 

ᑭᓇᒃᑰᓂᕗᑦ

ᒪᑭᕝᕕᒃ, ᑎᒥᐅᔪᖅ ᐱᖁᔭᓕᕆᓂᕐᒥ ᐱᓇᓱᐊᓲᖅ ᑭᒡᒐᑐᕐᓱᓂ ᐃᓄᓐᓂᒃ ᓄᓇᕕᒻᒥ 1978ᒥᓂᑦ. ᒪᑭᕝᕕᑎᒍᑦ ᑎᒥᐅᔪᖁᑎᕗᑎᒍᓪᓗ, ᒪᑭᕝᕕᒃ ᐱᕕᑦᓴᓕᐅᖃᑦᑕᓯᒪᓕᕐᑐᖅ ᓄᓇᕕᒻᒧᑦ ᐃᓚᐅᔪᓂᑦ ᓄᓇᕕᒻᒦᑐᓂᓗ, ᐅᓪᓗᒥᓗ 500 ᐅᖓᑖᓂ ᐱᓇᓱᑦᑎᖃᓕᕐᑐᖅ ᓄᓇᕕᒻᒥᐅᓂᑦ ᐱᓇᓱᑦᑎᒋᔭᐅᔪᓂᑦ ᒪᑭᕝᕕᑯᓄᑦ ᐊᓪᓚᕕᑦᑎᓂ ᑎᒥᐅᔪᖁᑎᑦᑎᓂᓗ.

ᐃᓕᓐᓂᐊᕆᐊᓪᓛᑎᑕᐅᒍᓐᓇᖁᑦ ᐃᓚᐅᔪᐃᑦ ᐱᓇᓱᒐᕐᒥᓂᒃ ᓯᕗᒧᐊᒋᐊᓪᓚᒍᑎᑦᓴᓂᒃ.

ᐃᓄᐃᑦ ᐃᓚᐅᔪᐃᑦ ᐱᓇᓱᑦᑎᑖᕆᔭᐅᕐᖄᖃᑦᑕᓂᐊᕐᖁᑦ ᒪᑭᕝᕕᑯᓂ. 

ᐱᓇᓱᒐᖅ

ᐱᓇᓱᒐᖅ: ᑐᓴᐅᒪᖃᑎᒌᓐᓂᓕᕆᓂᕐᒥ ᐊᑕᐅᑦᓯᑰᕐᑎᓯᔨ

ᐊᖓᔪᕐᖄᖃᕐᓱᓂ: ᑐᓴᐅᒪᖃᑎᒌᓐᓂᓕᕆᓂᕐᒥ ᑐᑭᒧᐊᑦᑎᓯᔨᒥᒃ ᐊᓪᓚᑎᒻᒪᕆᐅᑉ ᐱᒍᑦᔨᕕᖓᓂ

ᓇᓃᓐᓂᖓ: ᑰᒃᔪᐊᖅ, ᓄᓇᕕᒃ

ᖃᓄᐃᓕᖓᓂᖓ ᐱᓇᓱᒐᐅᑉ: ᐊᑌᓐᓇᑐᖅ, ᐅᓪᓗᓕᒫᕐᓯᐅᑎᒃ

ᐃᓱᓕᕝᕕᖓ ᐅᓪᓗᒃ: ᑐᕓᔭᕉᑦ 30, 2026

ᑮᓇᐅᑦᔭᓵᑦ ᐱᕙᓪᓕᖁᑎᖏᓪᓗ

ᑮᓇᐅᑦᔭᓵᖏᑦ: ᐊᑯᓐᓂᖏᓐᓂ $85,000 ᐊᒻᒪᓗ $110,000 ᐊᕐᕌᒍᑕᒫᑦ

ᐱᕙᓪᓕᖁᑎᖏᑦ: ᐱᕙᓪᓕᖁᑏᑦ ᐊᑐᐃᓐᓇᐅᑎᑕᐅᔪᑦ ᒪᑭᕝᕕᑯᑦ ᐱᓇᓱᑦᑎᖏᓐᓄᑦ ᐊᓪᓚᑕᐅᒪᔪᐃᑦ ᒪᑭᕝᕕᑯᑦ ᐱᓇᓱᑦᑎᓕᕆᕕᒻᒥ ᐱᖁᔭᖓᓂᒃ ᐆᑦᑐᑎᒋᓗᒋᑦ:

▪ ᐱᔭᕆᐊᑭᓪᓕᑎᕐᓯᒪᔪᑦ ᐃᓄᑐᖃᐅᓂᕐᒧᑦ ᕿᑲᕐᓂᐅᑏᑦ ᐱᓇᓱᕝᕕᐅᑉ ᐃᑲᔪᕐᓯᒍᑎᖏᑦ 7%

▪ ᓂᖀᑦ ᖃᖓᑦᑕᔫᒃᑰᕈᑎᖏᑦ: ᐅᓄᕐᓂᐹᖃᕐᓱᑎᑦ $6,500

▪ ᐊᒥᓱᐃᓄᑦ ᐃᒻᒪᖃᐅᑎᑦ

▪ ᐅᕐᓱᐊᓗᒻᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $3,500

▪ ᕿᑲᕐᓀᑦ: ᐱᒋᐊᕐᓱᓂ 20ᓂᑦ ᐅᓪᓗᓂᑦ

▪ ᐊᐅᓪᓚᓂᕐᓄᑦ ᐱᕙᓪᓕᖁᑏᑦ: ᐅᓄᕐᓂᐹᖃᕐᓱᑎᑦ $25,000

▪ ᖃᓂᒪᓂᕐᒧᑦ: 15 ᐅᓪᓗᐃᑦ

▪ ᐃᓪᓗᒥᒃ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $12,000

▪ ᐅᖓᓯᑦᑐᒥᐅᖑᓂᕐᒧᑦ ᐃᑲᔪᕐᓯᒍᑏᑦ: ᐅᓄᕐᓂᐹᖃᕐᓱᑎᑦ $20,800ᓂᑦ

ᑲᒪᒋᔭᑦᓴᔭᖏᑦ

▪ ᐃᑲᔪᕐᓗᓂ ᐱᓇᓱᕝᕕᐅᑉ ᓯᓚᑖᓂ ᐱᓇᓱᕝᕕᒥᓪᓗ ᑐᓴᐅᒪᖃᑎᒌᓐᓂᒧᑦ ᐸᕐᓀᒍᑎᓂᒃ ᐱᕙᓪᓕᐊᑎᑦᓯᓂᕐᒥᒃ, ᑲᔪᓯᑎᑦᓯᓂᕐᒥᒃ ᓇᐅᑦᓯᑐᖃᑦᑕᓂᕐᒥᓗ; ᐃᑲᔪᕐᓗᓂ ᑲᒪᒋᔭᖃᕐᓂᒥᒃ ᖃᐅᔨᒋᐊᖃᑦᑕᓂᕐᒥᓗ ᒪᑭᕝᕕᑯᑦ ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᒍᑦ ᑕᑯᑦᓴᐅᑎᑦᓯᕕᖏᓐᓂᒃ ᐱᓇᓱᕝᕕᒦᑦᑐᓂᓪᓗ (ᒪᑭᕝᕕᒥ ᐱᒍᑦᔨᕕᖏᑦ) ᓯᓚᑖᓃᓗ ᐱᓇᓱᐊᖃᑎᒌᑦᑐᓂᒃ ᐊᑕᐅᑦᓯᑰᕐᑎᓯᖃᑦᑕᓗᓂ (ᓄᓇᓕᓕᒫᓅᓕᖓᔪᑦ ᑎᒥᐅᔪᑦ, ᐱᓇᓱᐊᖃᑎᒋᔦᑦ ᓇᑭᑐᐃᓐᓇᖅ ᐃᓄᐃᑦ ᓄᓇᖓᓂᑦ ᐱᓯᒪᔪᑦ) ᐃᑲᔪᕐᓯᒍᑎᐅᑎᓪᓗᒋᑦ ᒪᑭᕝᕕᑯᑦ ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᓂ ᑕᑯᑦᓴᐅᑎᑦᓯᕕᖏᓐᓂᒃ;

▪ ᓯᕗᓕᕐᓗᓂ ᐱᓇᓱᐊᕐᑕᒥᒃ ᐱᓇᓱᕝᕕᒥ ᑐᓴᐅᒪᖃᑎᒌᓐᓂᒧᑦ ᐃᓘᓐᓇᖏᓐᑕ ᐱᒍᑎᔨᕕᖏᑦᑕ ᐱᓇᓱᒍᑎᑦᓴᖓᓂᒃ ᐱᕙᓪᓕᐊᑎᑦᓯᓂᕐᒧᑦ;

▪ ᐱᕙᓪᓕᐊᑎᑦᓯᓗᓂ ᐊᒡᓚᓯᒪᔪᓂᒃ ᓱᓇᑐᐃᓐᓇᓂᒃ ᐃᓚᐅᑎᓪᓗᒋᑦ ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᓂ ᑕᑯᑦᓴᐅᔪᑦᓭᑦ, ᐊᐱᕐᓲᑎᑦᓭᑦ ᑭᐅᔭᐅᒍᑎᖏᓪᓗ, ᑐᓴᕋᑦᓴᓂᐊᕐᑎᓄᑦ ᐅᖃᕐᑕᐅᔪᑦ ᑭᖕᖒᒪᒋᔭᐅᓕᕐᐸᑕ;

▪ ᑕᑯᑦᓴᐅᑫᓗᓂ ᓯᕗᓕᕈᓐᓇᓂᕐᒥᓂᒃ ᑐᓴᐅᒪᖃᑎᒌᓐᓂᒥ ᐱᓇᓱᖃᑎᒌᑦᑐᓂᒃ ᐱᓇᓱᕝᕕᒥᓪᓗ ᐃᑲᔪᕐᑎᒌᒍᑎᒋᓗᒋᑦ ᐱᓇᓱᐊᕐᑕᐅᒋᐊᓖᑦ ᐱᓇᓱᑦᑕᐅᕕᒋᒋᐊᓕᒻᒥᓂᑦ ᐱᓇᓱᑦᑕᐅᓯᐊᖃᑦᑕᖁᓗᒋᑦ ᒪᓕᑦᓯᐊᑎᑕᐅᑎᓗᒋᓪᓗ ᑯᐊᐳᕇᓴᐅᑉ ᒪᓕᒐᖏᓐᓂᒃ;

▪ ᐋᕐᕿᓱᐃᖃᑦᑕᓗᓂ ᐊᒥᓲᓕᕐᑎᑕᐅᑎᑦᓯᖃᑦᑕᓗᓂᓗ ᐱᓇᓱᕝᕕᒥ ᐱᓇᓱᕝᕕᐅᓗ ᓯᓚᑖᓂ ᐊᐱᕐᓱᓂᒃᑯᑦ ᖃᐅᔨᓴᕈᑎᓂᒃ ᑭᖕᖒᒪᒋᔭᐅᓕᑐᐊᕐᐸᑕ;

▪ ᓴᐳᑦᔨᓗᓂ ᑐᑭᒧᐊᑦᑎᓯᔨᒥᒃ ᐱᒻᒪᕆᐅᓂᖏᓐᓂᑦ ᐱᓇᓱᐊᕆᐊᓕᓐᓂᑦ: ᓂᕈᐊᕐᓃᑦ, ᑲᑎᖕᖓᔩᑦ ᐊᒻᒪᓗ ᐊᕐᕌᒍᑕᒫᕐᓯᐅᑎᒥᒃ ᑲᑎᖕᖓᓂᒻᒪᕆᒧᑦ ᑐᓴᐅᒪᖃᑎᒌᒍᑎᓂᒃ, ᐱᓂᐊᕐᓂᓄᑦ ᐸᕐᓀᒍᑎᓂᑦ ᐊᑕᐅᑦᓯᑰᕐᑎᓯᒍᑎᓂᓪᓗ;

▪ ᓴᐳᑦᔨᓯᒪᖃᑦᑕᓗᓂ ᐊᑕᐅᑦᓯᑰᕐᑎᑕᐅᑦᓯᐊᖁᓗᒋᑦ ᑐᓴᐅᒪᔭᐅᑎᑕᐅᑦᓯᐊᖁᓗᒋᓗ ᑐᓴᐅᒪᑎᑦᓯᒍᑏᑦ/ᑐᓴᕋᑦᓭᑦ ᑕᒪᒋᓐᓄᑦ ᐱᓇᓱᕝᕕᒥ ᐱᓇᓱᕝᕕᐅᓗ ᓯᓚᑖᓂᑦ ᑐᓴᕆᐊᓕᕐᓄᑦ;

▪ ᐱᕙᓪᓕᐊᑎᑦᓯᓗᓂ ᐊᑐᓕᕐᑎᑕᐅᑎᑦᓯᓗᓂᓗ ᖃᕆᑕᐅᔦᑦ ᐱᑐᖃᑎᒌᕝᕕᖏᓐᓂ ᑐᓴᐅᒪᖃᑎᒌᓐᓂᒧᑦ ᖃᓄᐃᓘᕈᑎᐅᓂᐊᕐᑐᒥᒃ ᐱᓇᓱᕝᕕᐅᑉ ᑐᓴᐅᒪᖃᑎᒌᓐᓂᒧᑦ ᖃᓄᐃᓘᕈᑎᖏᓐᓂᒃ ᒪᓕᑦᑎᓯᐊᕐᓗᒋᑦ ᐅᓪᓗᑕᒫᕐᓗ ᓄᐃᑕᑎᑕᐅᔪᓂᒃ ᐱᕙᓪᓕᐊᑎᑦᓯᒍᑎᓂᒃ ᖃᓄᐃᓘᕈᑎᖃᕐᒥᑎᓪᓗᒋᑦ ᐊᑐᕐᑕᐅᒍᑎᖏᓐᓂᓗ ᐱᐅᓯᒋᐊᕆᒍᑎᓂᒃ;

▪ ᐊᐅᓚᑦᓯᔨᒋᔭᐅᓗᓂ ᐊᒻᒪᓗ ᑐᓴᐅᒪᖃᑎᒌᒍᑎᑦᓴᓂᓪᓗ ᐱᑕᖃᕐᑎᓯᕙᓪᓗᓂ ᐱᓇᓱᕝᕕᒥ ᑐᓴᐅᒪᖃᑎᒌᓐᓂᒧᑦ ᖃᓄᕐᑑᕈᑎᓂᒃ;

▪ ᐃᑲᔪᕐᑎᒌᖃᑎᖃᕐᓗᓂ ᐱᓇᓱᑦᑎᐅᖃᑎᒌᑦᑐᓂᒃ ᐊᒻᒪᓗ ᐱᔭᑦᓴᖃᑎᒌᖑᒐᑎ-ᐊᑦᔨᒌᖕᖏᑐᓂᒃ ᐱᓇᓱᖃᑎᒌᑦᑐᓂᒃ ᑭᖕᖒᒪᓇᓕᕐᐸᑦ ᑕᒪᓐᓇ ᐊᒻᒪᓗ ᐃᑲᔪᖃᑦᑕᓗᓂ ᑐᓴᐅᒪᖃᑎᒌᓐᓂᒧᐊᖓᔪᑦ ᐱᓀᓗᑌᑦ ᐋᕐᕿᑕᐅᒍᑎᑦᓴᖏᓐᓂᒃ ᓄᐃᑦᓯᖃᑎᐅᓗᓂ;

▪ ᐱᓇᓱᐊᕐᐸᓗᓂ ᐃᑲᔪᕆᐊᖃᓕᕈᓂ ᐃᓇᖐᓚᐅᕐᑐᓗᓂᓘᓐᓃᑦ ᑐᓴᐅᒪᖃᑎᒌᓐᓂᓕᕆᓂᕐᒥ ᑐᑭᒧᐊᑦᑎᓯᔨᒥᒃ ᐅᐃᒪᓇᕐᑐᑦ/ᐱᓀᓗᑌᑦ ᑲᒪᒋᔭᐅᓂᖏᓐᓂᒃ;

▪ ᐊᕐᕕᑕᕐᐸᓗᓂ ᓄᓇᕕᒻᒥ ᓄᓇᓕᓐᓄᑦ ᑐᓴᐅᒪᖃᑎᒌᓐᓂᓕᕆᓂᕐᒥᒃ ᐃᑲᔪᕐᓯᒪᒋᐊᕐᑐᓗᓂ (ᐊᑦᔨᓕᐅᕆᓂᖅ, ᓄᐃᑕᑎᑕᐅᔪᑦᓴᓂᒃ ᐋᕐᕿᓱᐃᓂᖅ) ᒪᑭᕝᕕᑯᑦ ᐱᓂᐊᕐᓂᖃᓕᑐᐊᕐᐸᑕ;

▪ ᐊᓯᖏᓐᓂᑦ ᐱᓇᓱᖃᑦᑕᓗᓂ ᐱᓇᓱᒐᕐᒥᓄᓕᖓᔪᓂᑦ ᐅᕝᕙᓗᓐᓃᑦ ᐱᓇᓱᖁᔭᐅᓕᕈᓂ ᐊᖓᔪᕐᖄᒥᓄᑦ.

ᐱᒍᓐᓇᕆᐊᓕᖏᑦ

▪ ᐳᕐᑐᓂᕐᓴᐅᑉ ᐊᓪᓕᖓᓂᒃ ᐱᔭᕇᒍᑎᑖᕐᓯᒪᓗᓂ ᑐᓴᐅᒪᖃᑎᒌᓐᓂᓕᕆᓂᕐᒥ, ᓇᐅᓕᒫᓂᒃ ᐱᓇᓱᐊᖃᑎᖃᕐᓂᓂᒃ, ᑐᓴᕋᑦᓴᓂᐊᕐᓂᒥᒃ, ᖃᓪᓗᓈᑎᑐᑦ ᐅᖃᐅᓯᕐᒥᒃ ᐅᕝᕙᓘᓐᓃᑦ ᓇᓪᓕᖁᐊᖏᓐᓂᒃ ᐱᓇᓱᐊᓚᐅᕐᓯᒪᓗᓂ

▪ 4-ᓂᒃ ᐊᕐᕌᒍᓂᒃ ᐃᑭᓐᓂᓴᐅᖕᖏᑐᓂᒃ ᐱᓇᓱᓚᐅᕐᓯᒪᓗᓂ ᑐᓴᐅᒪᖃᑎᒌᓐᓂᓕᕆᓂᕐᒥ ᐱᓗᐊᕐᑐᖅ ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᓃᑦᑐᓂᒃ ᑲᒪᒋᔭᖃᕐᓂᒥᒃ ᐊᒻᒪᓗ ᓄᐃᑕᔪᑦᓴᓕᐅᕐᓂᒥᒃ ᐱᓇᓱᐊᓚᐅᕐᓯᒪᒋᐊᓕᒃ;

▪ ᐱᓇᓱᐊᓚᐅᕐᓯᒪᓗᓂ ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᓂ ᑕᑯᑦᓴᐅᕕᖏᓐᓃᑐᓂᒃ ᑲᒪᒋᔭᖃᕐᓂᒥᒃ, ᓄᐃᑎᕆᔨᐅᑦᓱᓂ ᑌᑲᓂ ᑕᑯᑦᓴᐅᑎᑦᓯᕕᖏᓐᓂᑦ ᑕᑯᑦᓴᐅᔪᑦᓴᓂᒃ (Facebook, Instagram), ᐱᕙᓪᓕᐊᑎᑦᓯᓂᕐᒥᓗ ᖃᕆᑕᐅᔦᑦ ᐱᑐᑦᓯᒪᖃᑎᒌᕝᕕᖓᓂ ᑕᑯᑦᓴᐅᑎᑦᓯᕕᖏᓐᓄᐊᖓᔪᓂᒃ ᒪᓕᒐᖏᓐᓂᒃ

▪ ᖃᐅᔨᒪᑦᓯᐊᓗᓂ ᐱᓇᓱᕝᕕᒨᓕᖓᔪᓂᒃ ᑐᓴᐅᒪᖃᑎᒌᓐᓂᓕᕆᓂᕐᒥ ᑐᖕᖓᕕᐅᓲᓂᒃ ᐱᓇᓱᒍᓯᐅᓲᓂᓪᓗ;

▪ ᐱᓯᑎᐅᕕᖃᕆᐊᓕᒃ ᐅᖃᓕᒪᓂᒃᑯᑦ, ᐊᓪᓚᓯᒪᔪᒃᑯᑦ ᐃᓅᖃᑎᒌᓂᓪᓗ ᑐᓴᐅᒪᖃᑎᒌᓐᓂᓕᕆᓂᕐᒥᒃ ᐱᒍᓐᓇᓯᐊᕐᓗᓂᓗ ᐊᒡᓚᓯᒪᔪᓕᐅᕐᓂᒥᒃ ᐊᒡᓚᓯᒪᔪᓂᓪᓗ ᐋᕐᕿᒋᐊᕆᓂᕐᒥᒃ;

▪ ᒪᕐᕉᓂᒃ ᐅᖃᐅᓰᓐᓂᒃ ᐊᑐᕈᓐᓇᓗᓂ ᖃᓪᓗᓈᑎᑐᑦ ᐊᒻᒪᓗ ᐃᓄᒃᑎᑐᑦ, ᒍᐃᒍᐃᑎᑑᕈᓐᓇᕈᓂ ᐱᐅᔫᒐᔭᕐᑐᖅ;

▪ ᖃᐅᔨᒪᓗᒋᑦ ᐱᓇᓱᒍᑎᒋᒍᓐᓇᓗᒋᑦ ᖃᕆᑕᐅᔭᒃᑯᑦ Microsoft Suite, Adobe Creative Suite ᓇᓪᓕᖁᐊᖏᓐᓂᓘᓐᓃᑦ ᖃᕆᑕᐅᔭᒃᑯᑦ ᓴᓇᖕᖑᐊᓂᕐᒥᒃ ᐱᓇᓲᑎᓂᒃ;

▪ ᐱᓂᐊᕐᓂᖃᕐᑐᓂᑦ ᐊᑦᔨᓕᐅᕆᔨᐅᓂᕐᒥᒃ ᐱᓇᓱᓚᐅᕐᓯᒪᒍᓂ ᐱᓇᓱᑦᑎᑖᕆᔭᐅᒍᒪᓂᕐᓴᖅ

▪ ᐱᕕᑦᓴᑭᑦᑑᑎᓪᓗᒋᑦ ᐱᔭᕇᕐᓯᒪᒋᐊᓕᓐᓂᒃ ᐱᓇᓱᐊᕈᓐᓇᓗᓂ ᑲᔪᓯᑎᑦᓯᒍᓐᓇᓯᐊᕐᓗᓂᓗ ᐱᓇᓱᐊᕐᑕᐅᔪᓂᒃ ᐱᓀᓗᑕᖃᖕᖏᑎᓪᓗᒋᑦ ᐱᓇᓱᐊᕐᑐᓃᓪᓗᓂ ᓱᑲᑦᑐᓂᒃ-ᐱᔭᕇᖃᑦᑕᑐᓂᑦ ᐱᓇᓱᐊᕐᑕᐅᔪᒥᓪᓗ ᐱᔭᕇᕐᑕᐅᑎᑦᓯᒍᓐᓇᓯᐊᕐᓗᓂ

▪ ᐱᓂᕐᓗᑐᕕᓂᐅᓂᕐᒧᑦ ᐃᕐᖃᑐᐃᕕᑎᒍᕐᓯᒪᖕᖏᓗᓂ.

ᖃᐅᔨᒋᑦ ᐊᑦᔨᐅᖏᑦᑐᒥᒃ ᐱᓇᓱᒐᕐᒥᒃ ᐱᕕᑦᓴᓯᐊᒥᒃ ᐊᒻᒪᓗ ᐃᓚᐅᑎᒋᑦ ᐱᕙᓪᓕᓇᕐᑐᒧᑦ ᒪᑭᕝᕕᒃᑯᓄᑦ 

ᐱᓇᓱᒍᒪᒍᑎᓂᒃ ᐊᐅᓪᓚᑎᑦᓯᒋᑦ ᐅᕝᕙᓗᓐᓃᑦ ᑕᑯᓂᐊᕐᑎᒍᑦ ᐅᕙᓂ www.Makivvik.ca/jobs, ᐊᐅᓪᓚᑎᑦᓯᓗᑎᓗᓐᓃᑦ ᐃᓕᓐᓂᐊᓯᒪᔭᑎᓐᓂᑦ ᐱᓇᓱᒐᕆᓯᒪᔭᑎᓐᓂᑦ /ᐱᓇᓱᒐᕐᑖᕈᒪᒍᑎᓐᓂᓗᓐᓃᑦ ᐊᓪᓚᖁᑎᖏᓐᓂᑦ ᐅᕗᖓ: HR@makivvik.ca

ᐱᓇᓱᒐᖃᕐᕕᒃ ᑐᕌᒐᖃᕐᖁᑦ ᐱᓇᓱᒐᕐᑖᑎᑦᓯᒍᒪᑦᓱᓂ ᐃᓄᑐᐃᓐᓇᓂᒃ ᐃᓚᐅᔪᓂᑦ ᔦᒥᓯ ᐯ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒍᑎᖓᓄᑦ.

ᓇᑯᕐᒦᖁᒍᑦ ᐱᓇᓱᒐᕐᑖᕋᓱᑦᑐᓕᒫᓂᒃ ᑖᑦᓱᒥᖓ ᐱᓇᓱᒐᕐᒥᒃ.

ᐊᐱᕐᓱᑲᑦᑕᑕᐅᒐᔭᕐᑐᐃᑦ ᑭᓯᐊᓂ ᐊᓪᓚᕕᐅᓛᕐᖁᑦ.