ᑐᓴᐅᒪᐅᑎᓕᕆᓂᕐᒥᒃ ᑲᒪᔨ - KRG

ᐱᓇᓱᒐᖅ ᐱᔭᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG), ᑲᕙᒫᐱᒻᒪᕆᐅᑦᓱᓂ ᑎᒥᐅᔪᖅ ᐊᐅᓚᑦᓯᕕᓕᒃ ᓄᓇᒥᒃ 55° ᖁᓛᓂ ᑯᐯᒃ ᐃᓗᐊᓂ, ᕿᓂᓕᕆᕗᖅ ᐃᒻᒥᓂᒃ-ᑲᑦᓱᙰᑎᒍᓐᓇᑐᒥᒃ ᐊᒻᒪᓗ ᕿᑦᑌᖓᔪᒥᒃ ᐃᓄᒻᒥᒃ ᒪᑐᒥᖓ ᐱᓇᓱᑦᑎᐅᒐᔭᕐᑎᓗᒍ;

ᑐᓴᐅᒪᐅᑎᓕᕆᓂᕐᒥᒃ ᑲᒪᔨ

(ᐊᑕᖏᓐᓇᓕᒫᕐᑐᖅ ᐃᓗᐃᑦᑐᖅ ᐃᓂᖓ)

ᑐᓴᕐᑎᓯᔨᐅᓗᓂ ᓴᖑᐊᑦᓯᔨᒥᒃ ᑐᓴᐅᒪᐅᑎᓕᕆᓂᕐᒥᒃ ᐱᓇᓱᕝᕕᒥ, ᑐᓴᐅᒪᐅᑎᓕᕆᓂᕐᒥᒃ ᑲᒪᔨ ᐃᑉᐱᒍᓱᑦᑎᐅᕗᖅ ᐱᕙᓪᓕᐊᑎᑦᓯᓂᕐᒥᒃ ᐊᑐᓕᕐᑎᑦᓯᓂᕐᒥᓗ ᑐᓴᐅᒪᐅᑎᒍᑎᓂᒃ ᓯᕗᓂᓕᐅᕐᓯᒪᐅᑎᒥᒃ ᐊᒻᒪᓗ ᐸᕐᓇᓯᒪᐅᑎᓂᒃ, ᐊᒻᒪᓗ ᑲᒪᖃᑦᑕᕆᐊᖃᕐᖁᖅ ᑐᓴᕋᑦᓴᓂᐊᕐᑎᓂᒃ. ᐅᖃᑦᓯᐊᓂᕐᓴᕆᓗᒋᑦ ᑐᓴᐅᒪᐅᑎᓕᕆᓂᕐᒥᒃ ᑲᒪᔨ ᒪᑯᓂᖓ ᑲᒪᒋᐊᖃᕐᓂᐊᑐᖅ:

• ᓴᖑᐊᑦᓯᓂᖅ ᑐᓴᕋᑦᓴᓕᕆᔨᓂᒃ ᑲᒪᒍᑎᓂᒃ;

• ᐃᑲᔪᕐᓂᖅ ᓴᖑᐊᑦᓯᓂᒃᑯᑦ KRG-ᑯᑦ ᓯᕗᓂᓕᐊᖏᓐᓂᒃ ᑐᓴᕐᑎᓯᒍᑎᑦᓴᓂᒃ ᑕᒪᖏᓐᓂ ᑎᒥᐅᑉ ᐃᓗᐊᓂ ᓯᓚᑖᓂᓗ;

• ᐊᑐᐃᓐᓇᕈᑦᑎᕆᓂᖅ, ᐊᑐᓕᕐᑎᓯᓂᖅ ᐊᒻᒪᓗ ᐊᐅᓚᑦᓯᓂᖅ ᑐᓴᐅᒪᐅᑎᓕᕆᓂᕐᒧᑦ ᐸᕐᓇᓯᒪᐅᑎᓂᒃ ᐃᓕᖓᔪᓂᒃ ᐱᓂᐊᕈᑎᓄᑦ ᐊᒻᒪᓗ KRG-ᑯᑦ ᐱᑦᔪᔨᕕᖏᓐᓄᑦ;

• ᐱᕙᓪᓕᐊᑎᑦᓯᓂᖅ ᐊᒻᒪᓗ ᓴᖑᐊᑦᓯᓂᖅ ᐃᓄᓕᒫᓂᒃ ᑲᒪᒍᑎᑦᓭᑦ ᐸᕐᓇᑕᐅᒪᒍᑎᖏᓐᓂᒃ ᑲᕙᒪᒃᑯᑎᒍᑦ ᐊᒻᒪᓗ ᓄᓇᓕᓕᒫᓂ ᑎᒥᐅᔪᑎᒍᑦ;

• ᓴᖑᐊᑦᓯᓂᖅ KRG-ᑯᑦ ᐃᓄᓕᒫᓕᕆᐅᑎᖏᓐᓂᒃ;

• ᐃᓕᑦᑎᓂᖅ ᐊᒻᒪᓗ ᑲᔪᓯᓕᕐᑎᓯᓂᖅ KRG-ᑯᑦ ᓇᓗᓀᒃᑯᑕᖏᓐᓄᑦ ᐊᒻᒪᓗ ᑐᓴᕈᑎᓕᕆᓂᖓᓄᑦ ᓯᕗᓂᖃᕈᑎᓂᒃ;

• ᐊᓪᓚᓂᖅ ᑐᑭᓯᓐᓇᑎᑦᓯᒍᑎᓂᒃ, ᐅᖄᒍᑎᑦᓴᓂᒃ, ᐊᒻᒪᓗ ᑐᓴᕋᑦᓴᓂᐊᑎᓄᑦ ᐊᓪᓚᒍᑎᓂᒃ;

• ᐸᕐᓇᓂᖅ ᑲᔪᓯᑎᑦᓯᖃᑦᑕᓗᓂᓗ ᐃᓄᓕᒫᓕᕆᐅᑎᑎᒍᑦ ᐱᓇᓱᑦᑕᐅᔪᓂᒃ ᐱᓇᓱᖃᑎᖃᕐᓗᓂ ᐱᔪᑦᔨᕕᒻᒥ ᐱᓇᓱᑦᑎᓂᒃ;

• ᐃᑲᔪᕐᓂᖅ ᑐᑭᒧᐊᑦᑎᓯᔨᒥᒃ ᐊᒻᒪᓗ ᓴᖑᐊᑦᓯᔨᒥᒃ ᖃᓄᑐᐃᓐᓇᖅ ᐱᓇᓱᒐᕐᒧᑦ ᐊᑦᑐᐊᔪᓂᒃ ᑲᒪᒍᑎᑎᒍᑦ.

ᐱᓇᓱᒐᕐᑖᕋᓱᑦᑐᖅ ᓂᕈᐊᕐᑕᐅᔪᖅ ᒪᑯᓂᖓ ᐱᔪᓐᓇᓯᒍᑎᓂᒃ ᓂᐳᕐᑎᓯᓯᒪᒋᐊᓕᒃ;

• ᐃᓕᓐᓂᐊᕕᑦᔪᐊᒥ ᐃᓕᑦᓯᒪᐅᑎᖃᕐᓗᓂ ᑐᓴᐅᒪᒍᑎᓕᕆᓂᐅᑉ ᑐᑭᐊᒍᑦ ᐅᕝᕙᓘᓐᓃᑦ ᐊᑦᑐᐊᔪᒥᒃ ᐃᓕᓐᓂᐊᓯᒪᓗᓂ;

• ᐅᑭᐅᑦ ᑕᓪᓕᒪᑦ (5) ᒥᑦᓯᑎᓐᓅᖏᑦᑐᖅ ᐊᑦᔨᐸᓱᖓᓂᒃ ᐱᓇᓱᐊᓕᓂᐅᓗᓂ ᐃᓄᓕᒫᓂᒃ ᑲᒪᓂᕐᒧᑦ ᐃᓕᖓᑎᓪᓗᒍ;

• ᓯᕗᓕᕈᓐᓇᓯᐊᕐᓂᖅ ᐊᒻᒪᓗ ᑕᑯᑦᓴᕈᐃᓯᒪᓂᖅ ᖃᓄᕐᑑᓯᑎᐅᓂᕐᒥᒃ;

• ᑐᑭᓯᒍᐊᕐᓂᖅ ᐊᐅᓚᑦᓯᒍᓐᓇᓯᐊᕐᓗᓂᓗ ᖃᓄᐃᓕᖓᓂᒐᓚᓐᓂᒃ ᓄᐃᑲᓪᓚᑐᓂᒃ ᐊᒻᒪᓗ ᐊᓯᑦᔨᓴᐅᑎᒋᖃᑦᑕᑐᓂᒃ ᐊᒻᒪᓗ ᒥᑦᓯᓕᓐᓂᒃ ᖃᐅᔨᒪᔭᑦᓴᓂᒃ ᑕᐱᓪᓗᒋᑦ ᐊᑐᕈᓐᓇᓂᖅ;

• ᓇᓗᓇᕐᑐᓂᒃ ᑐᑭᓯᓂᐊᕐᓯᑎᐅᓂᖅ;

• ᓂᑲᓇᖕᖏᓂᖅ ᐃᓅᖃᑎᓕᕆᓂᒃᑯᑦ;

• ᐊᓪᓚᓕᕆᒋᐊᒥᒃ ᐊᒻᒪᓗ ᐊᑐᕆᐊᒥᒃ ᖃᐅᔨᒪᓂᖅ ᐃᑭᑎᓐᓂᐹᖓᓄᑦ ᒪᕐᕈᐃᓂᒃ (2) ᒪᑯᐊ ᐅᖃᐅᓰᑦ ᓇᓪᓕᖏᓐᓂᒃ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

ᐱᓇᓱᕝᕕᐅᑉ ᐃᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐹᑦ $52,481 - ᐅᓄᕐᓂᐹᑦ $89,256 ᐊᕐᕌᒍᑕᒫᑦ (ᐳᕐᑐᓂᖓ 8)

ᐊᓯᖏᑦ ᐱᕙᓪᓕᖁᑎᑦᓭᑦ*: ᐃᓅᓯᐅᑉ ᐊᑭᑐᓂᖓᑕ ᑲᓱᖕᖏᒍᑎᖏᑦ: $8,500 ᐊᕐᕌᒍᑕᒫᑦ (ᐃᑭᓐᓂᐹᖓᓄᑦ);

ᓂᕿᓯᐅᑎᑦᓭᑦ: $4,216 ᐊᕐᕌᒍᑕᒫᑦ (ᐃᑭᓐᓂᐹᖓᓄᑦ);

ᐊᕐᕌᒍᑕᒫᑦ ᕿᑲᕐᓂᒧᑦ ᐊᐅᓪᓚᕈᑎᖏᑦ: ᐅᓄᕐᓂᐹᖓᓄᑦ ᐱᖓᓱᕕᓪᓗᓂ ᐊᐅᓪᓚᕈᑏᑦ ᐊᕐᕌᒍᑕᒫᑦ, ᐊᑐᓂ ᐃᓄᒻᒧᑦ;

ᐃᓄᑐᖃᕐᓂᐅᑎᑦᓴᓂᒃ ᑲᑎᕐᓱᐃᒍᑏᑦ: 6.25% ᐱᓇᓱᕝᕕᐅᑉ ᐃᓕᔨᒍᑎᖏᑦ ᐊᒻᒪᓗ 4%

ᐱᓇᓱᑦᑎᐅᑉ ᐃᓕᔨᒍᑎᖏᑦ;

ᐱᓇᓱᐊᖃᑎᒌᑦ ᓴᑑᑏᑦᓴᖏᑦ;

ᐃᓱᒣᓐᓇᕿᓐᓀᑦ: 20 ᐅᓪᓗᐃᑦ/ᐊᕐᕌᒍᑕᒫᑦ;

ᐱᖁᔭᑎᒍᑦ ᕿᑲᕐᕖᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᐅᓪᓗᐃᑦ ᖁᕕᐊᓱᕝᕕᒥ.

ᑐᓂᓗᒋᑦ ᐱᓇᓱᒍᒪᐅᑎᑎᑦ ᖃᓪᓗᓈᑎᑑᕐᑎᓗᒋᑦ 5:00-ᖑᓚᐅᕐᑎᓇᒍ ᐊᐅᒡᒍᔅᑎ 21, 2025-ᒥ, ᐅᕗᖓ:

Human Resources

Kativik Regional Government

P.O. Box 9

Kuujjuaq, QC J0M 1C0

humanresources@krg.ca

Fax: 819-964-2975

KRG-ᑯᑦ ᐊᑦᔨᒌᒥᒃ ᐱᕕᖃᕐᑎᓯᑦᓱᑎᒃ ᐱᓇᓱᕝᕕᐅᕗᑦ. ᑕᒪᓐᓇ ᒪᓕᒐᕆᑦᓱᒍ ᐊᒻᒪᓗ ᒪᓕᒻᒥᓱᓂ ᔦᒻᔅ ᐯᒥ ᐊᒻᒪᓗ

ᑯᐯᒃ ᑕᕐᕋᖓᓂ ᐊᖏᖃᑎᒌᓐᓂᒥᒃ, ᐃᓂᓪᓚᖓᑎᑦᓯᒍᑏᑦ ᐊᑦᔨᒌᖕᖏᑑᒍᓐᓇᑐᑦ ᑫᓪᓗᐊᕋᓱᐊᒧᑦ ᐃᓄᐃᑦ

ᐱᓇᓱᒍᒪᔪᑦ ᐱᓇᓱᒐᕐᑖᓂᖓᓂᒃ.

ᐱᓇᓱᒍᒪᓯᒪᔪᑦ ᓂᕈᐊᕐᑕᐅᔪᑦ ᐊᐱᕐᓱᕆᐊᓪᓚᓚᖓᓗᒋᑦ ᑭᓯᐊᓂ ᐅᑎᕐᕕᑑᓚᖓᔪᑦ.