ᑐᓴᐅᒪᑎᑦᓯᔨ - KRG

ᐱᓇᓱᒐᑦᓴᖅ ᐊᑐᐃᓐᓇᕈᕐᑐᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᒥᓱᐃᓕᖓᔪᖅ-ᑲᕙᒫᐱᒃ ᑎᒥᐅᑦᓱᓂ ᓄᑭᐅᕕᖃᕐᑐᖅ ᓄᓇᖓᓂᒃ ᑯᐯᒃ ᐃᓂᖃᕐᑐᒥᒃ ᑕᕐᕋᖓᑕ 55 ᖁᓛᓂ. ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᒫᓐᓇ ᕿᓂᓕᕐᒥᔪᖅ ᐱᓇᓱᑦᑎᑖᕐᓂᒥᒃ ᐆᒻᒪᕿᑦᑐᒥᒃ ᐊᒻᒪᓗ ᑲᑦᓱᙰᑦᑐᓯᐊᓂᒃ ᑎᒃᑯᐊᑕᐅᑎᒐᑦᓴᓂᒃ ᐃᒣᓘᕐᑎᐅᒐᔭᕐᑐᒥᒃ:

ᑐᓴᐅᒪᑎᑦᓯᔨ

(ᐊᑌᓐᓇᑐᖅ ᐅᓪᓗᓕᒫᕐᓯᐅᑎᒃ ᐃᓂᒃ)

ᐊᖓᔪᖅᑳᖃᕐᓗᓂ ᑐᑭᒧᐊᑦᑎᓯᔨᖓᓂᒃ ᒥᕝᕖᑦ ᐊᐅᓚᓂᖏᓐᓄᑦ ᑲᔪᓯᑦᓯᐊᑎᑕᐅᓂᖓᓄᓪᓗ ᐊᒻᒪᓗ ᐃᑲᔪᕐᑎᖓ ᑐᑭᒧᐊᑦᑎᓯᔨᐅᑉ, ᑐᓴᐅᒪᑎᑦᓯᔨ (COM) ᐱᓇᓱᓲᖅ ᓄᓇᓕᐅᑉ ᒥᕝᕕᖓᑕ ᓈᓚᐅᑎᖃᕐᕕᖓᓂᒃ (CARS) ᐳᕕᕐᓂᑑᑉ ᒥᕝᕕᖓᓃᑦᑐᒥᒃ. ᑐᓴᐅᒪᑎᑦᓯᔨ ᑐᓂᓯᓲᖅ ᓄᓇᓕᒻᒥᒃ ᖃᖓᑦᑕᔫᓐᓂᐊᓂᕐᒥᒃ ᓴᐳᑦᔨᓱᑎᑦ ᓈᓚᐅᑎᒃᑯᑦ ᑐᓴᐅᒪᖃᑎᒌᓐᓂᑯᑦ ᐊᒻᒪᓗ ᐱᒍᑦᔨᔨᒋᔭᐅᓪᓚᕆᑦᓱᓂ ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᐃᖏᕐᕋᐅᑎᓕᕆᓂᕐᒥᒃ ᑭᒡᒐᑐᕐᑎᒃ ᓄᓇᓕᒻᒥ. ᐱᓇᓱᐊᕝᕕᓕᕆᔩᑦ ᒪᓕᑦᑕᐅᖁᔭᖏᓐᓂᒃ ᒪᓕᑦᑕᐅᑎᑦᓯᓯᐊᕐᓂᑯᑦ ᒪᓕᓪᓗᒋᑦ ᐊᒻᒪᓗ ᑐᓴᐅᒪᑎᑦᓯᒍᑎᒋᓗᒋᑦ ᖃᐅᑕᒫᑦ ᐊᑦᔨᒌᖕᖏᑐᓂᒃ ᐊᐅᓚᓂᕐᒧᑦ ᒪᓕᑦᑕᐅᒋᐊᓕᓐᓂᒃ ᐊᒻᒪᓗ ᖃᓄᐃᓘᕈᑕᐅᒋᐊᓕᓐᓂᒃ ᐃᖏᕐᕋᓂᖃᑦᓯᐊᖁᓗᒍ ᒥᕝᕕᒃ ᐊᒻᒪᓗ ᐊᑦᔨᒌᖕᖏᑐᑦ ᐋᖅᑭᓱᕐᓯᒪᓂᖏᑦ, ᑐᓴᐅᒪᑎᑦᓯᔨᐅᑉ ᐱᓇᓱᐊᒐᑦᓴᖏᑦ ᐅᑯᓂᖓ ᐃᓗᓕᖃᖅᑯᑦ:

• ᐅᖃᓕᒪᖃᑎᖃᖃᑦᑕᓗᓂ ᖃᖓᑦᑕᔫᕐᑎᓂᒃ ᐊᒻᒪᓗ ᓄᓇᒃᑰᔫᓂᒃ ᐊᖁᑎᓂᒃ, ᑐᓴᐅᒪᑎᓗᒋᑦ ᓄᓇᓕᐅᑉ ᓯᓚᖓᑕ ᖃᓄᐃᑦᑑᓂᖓᓂᒃ, ᖃᖓᑦᑕᔫᖃᓚᖓᓂᖏᓐᓂᒃ, ᒥᕝᕕᐅᑉ ᖃᓄᐃᓕᖓᓂᖓᓂᒃ, ᐅᐃᒪᓇᕐᑐᓕᕆᓂᕐᒥᒃ, ᐊᓯᖏᓐᓂᓗ ᑐᓴᐅᒪᖃᑎᒌᒍᑎᓂᒃ ᖁᔭᐅᓕᕈᓂ ᒋᐊᖃᓕᕈᓂᓪᓘᓃᑦ;

• ᐃᑲᔪᕐᓯᓗᒋᑦ ᒥᕝᕕᒥᒃ ᓴᓗᒻᒪᓭᔩᑦ ᓇᐅᑦᓯᑐᐃᓂᒃᑯᑦ ᑐᓴᐅᒪᑎᑦᓯᓂᒃᑯᓗ ᒥᕝᕕᐅᑉ ᖃᓄᐃᓕᖓᓂᖓᓂᒃ ᐊᖅᑯᑎᒋᓗᒋᑦ SNOWIZZ, NAV Canada ᖁᒻᒧᐊᑎᑕᐅᓯᒪᔪᒃᑯᑦ-ᑐᖕᖓᕕᓖᑦ ᖃᕆᑕᐅᔭᕐᒥ;

• ᐱᓇᓱᐊᖃᑦᑕᓗᓂ ᖃᐅᑕᒫᑦ, ᐱᓇᓱᐊᕈᓯᑕᒫᑦ ᑕᖅᑭᑕᒫᕐᓗ ᓇᐅᑦᓯᑐᐃᒍᑎᕕᓃᑦ ᑐᓴᕐᑎᓯᐅᑎᖏᓐᓂᒃ ᑲᒪᒋᔭᐅᒍᑎᕕᓂᖏᓐᓄᑦ ᐊᑦᔨᒌᖕᖏᑐᑦ ᒥᕝᕖᑦ ᐋᖅᑭᓱᕐᓯᒪᒍᑎᖏᑦ ᐊᒻᒪᓗ ᐱᖁᑎᖏᑦ ᐅᓪᓗᖁᑎᓕᐅᕐᑕᐅᓯᒪᔪᑦ ᐋᖅᑭᓱᕐᓯᒪᐅᓯᕐᒥᒍᑦ ᖃᓄᐃᓘᕈᓯᖏᒍᑦ;

• ᓄᐊᑦᓯᖃᑦᑕᓗᓂ ᖃᐅᑕᒫᑦ, ᐱᓇᓱᐊᕈᓯᑕᒫᑦ, ᑕᖅᑭᑕᒫᑦ ᑭᓯᑦᓯᒍᑎᓂᒃ ᖃᖓᑦᑕᔫᒃᑯᑐᓂᒃ ᐃᓄᓐᓂᒃ ᐅᓯᓂᐊᒉᑦ ᐅᖁᒣᓐᓂᖏᓐᓂᒃ ᐊᒻᒪᓗ ᖃᖓᑦᑕᔫᑦ ᓂᒪᓐᓂᖏᓐᓂᒃ;

• ᑲᒪᒋᔭᙯᓐᓇᖃᑦᑕᓗᓂ ᐃᑉᐱᒋᔭᙯᓐᓇᖃᑦᑕᓗᓂᓗ ᐃᒫᙰᕈᑎᓂᒃ ᒪᓕᑦᑕᐅᒋᐊᓕᓐᓂᒃ ᒪᓕᒐᕐᓂᒃ ᒥᕝᕖᑦ ᐱᓇᓱᐊᒐᑦᓴᖏᓐᓄᑦ: ᐊᑦᑕᓇᕐᑐᒦᑦᑎᓯᑦᑌᓕᓂᐅᑉ ᐊᐅᓚᑕᐅᓂᖓᑕ ᐋᖅᑭᓱᕐᓯᒪᒍᓯᖏᑦ, ᓂᕐᔪᑎᓂᒃ ᐊᐅᓚᑦᓯᓂᕆᓂᐅᑉ ᐱᓇᓱᐊᕐᑕᐅᒍᑎᖏᑦ, ᐅᐃᒪᓇᕐᑐᖃᓕᕐᐸᑦ ᐊᐅᓚᑦᔭᕆᐊᕈᓐᓇᓂᖅ, ᒥᕝᕖᑦ ᐊᑦᑕᓇᕐᑐᒦᑦᑎᑕᐅᑦᑌᓕᓂᖏᑦᑕ ᐱᓇᓱᐊᕈᑕᐅᓂᖏᑦ ᐊᒻᒪᓗ ᒥᕝᕖᑦ ᐊᐅᓚᑕᐅᒍᑎᖏᑦᑕ ᐃᒫᙰᕈᑎᖏᑦ

• ᐃᑲᔪᕐᓗᓂ ᐃᕐᐸᑎᕆᓂᕐᒥᒃ ᑐᓴᕋᑦᓴᓂᒃ ᐊᒻᒪᓗ ᕿᒥᕐᕈᓂᕐᒥᒃ ᒥᕝᕖᑦ ᐱᓇᓱᐊᒐᑦᓴᖏᓐᓂᒃ ᐆᑦᑑᑎᒋᓗᒋᑦ ᒥᕝᕖᑦ ᓴᓂᐊᓂ ᐃᖏᕐᕋᐅᑏᑦ ᐊᐅᓚᑕᐅᓂᖏᑦᑕ ᐱᓇᓱᐊᒐᑦᓴᖏᑦ (AVOP), ᓄᓇᕐᔪᐊᑉ ᐊᓯᐊᓂᑦ ᐱᓯᒪᔪᖅ (FOD),

• ᐃᑲᔪᕐᓯᓗᒋᑦ ᒥᕝᕖᑦ ᓴᓗᒻᒪᓭᔨᖏᑦ ᓴᓗᒻᒪᓴᕐᓯᒪᔭᐅᓕᕐᑐᑦ ᖃᓄᐃᓪᓗᐊᓂᕆᓕᕐᑕᖏᓐᓂᒃ ᐊᒻᒪᓗ ᐱᒋᐊᖃᕐᓂᓂᒃ ᑲᒪᓂᕐᒥᓗ ᐱᖁᑎᓂᒃ ᓱᓇᒐᓚᓐᓂᓗ ᒥᕝᕕᒥᒃ ᐊᑦᔨᒌᖕᖏᑐᓄᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᒍᑦᔨᕕᖏᓐᓄᑦ;

• ᐃᓘᓐᓈᒍᑦ ᐊᐅᓚᓂᖃᑦᓯᐊᑎᓗᒍ ᓴᓗᒪᑎᑦᓯᐊᓗᒍᓗ ᒥᕝᕕᒃ ᐊᒻᒪᓗ ᑐᓴᕐᑕᐅᑎᓗᒋᑦ ᓇᓗᓀᕐᑕᐅᒪᔪᑦ ᐋᖅᑭᒋᐊᕆᐊᓖᑦ ᐊᐅᓚᑦᓯᔨᓄᑦ ᐋᖅᑭᒋᐊᕐᑕᐅᓂᑦᓴᖏᓐᓄᑦ.

ᑎᒃᑯᐊᑕᐅᓯᒪᔪᖅ ᑎᒃᑯᐊᑕᐅᑎᒐᓱᐊᕐᑐᖅ ᐅᑯᓂᖓ ᐱᑕᖃᕆᐊᓕᒃ:

• ᐱᓯᒪᑦᓴᓚᐅᕈᓂ ᐳᕐᑐᓂᕐᓴᒥᒃ 3 ᐱᔭᕇᒍᑎᒥᒃ (ᐳᕐᑐᓂᖅ 9);

• ᓇᓗᓀᕐᓯᒍᓐᓇᓂᖃᑦᓯᐊᓗᓂ, ᐸᕐᓇᓂᖅ ᐱᓀᓗᑕᓂᒃ ᐋᖅᑭᓱᐃᒍᓐᓇᓂᖅ; ᐱᓇᓱᒍᓐᓇᓂᖅ ᐅᖁᒣᑦᓴᓇᕐᑐᑯᑦ (ᐅᐃᒪᓇᕐᑐᖅ ᓂᓪᓕᕈᑕᐅᖁᔪᖅ);

• ᐊᑐᕈᓐᓇᓯᐊᕐᑐᒥᒃ ᑯᐯᒃᒥ ᐅᕝᕙᓘᓐᓃᑦ ᓄᓇᒥ ᐊᖁᕈᓐᓇᐅᑎᖃᕐᓗᓂ ᐊᒻᒪᓗ ᑲᔪᓯᑦᓯᐊᑐᕕᓂᐅᓗᓂ ᒥᕝᕕᐅᑉ ᓴᓂᐊᓂ ᐃᖏᕐᕋᐅᑏᑦ ᐊᐅᓚᑦᓯᒍᓐᓇᓃᑦ ᐱᒍᓐᓇᑎᑖᕐᓂᐅᑉ ᐃᓕᓐᓂᐊᑎᑕᐅᒍᑎᖓᓂᒃ;

• ᓄᐃᑕᑎᑦᓯᒍᓐᓇᓗᓂ ᑕᑎᒋᒐᑦᓴᓂᐊᖑᓂᕐᒥᒃ, ᑲᔪᓯᑦᓯᐊᕈᓐᓇᓂᕐᒥᒃ ᐊᒻᒪᓗ ᐊᑦᑕᓇᕐᑐᒦᑦᑌᓕᒍᓐᓇᓯᐊᕐᓂᒥᒃ ᐱᒍᓐᓇᓂᖃᑦᓯᐊᓗᓂᓗ ᐱᓇᓱᒍᓐᓇᓂᕐᒥᒃ ᐃᓄᑑᓗᓂ;

• ᐊᓪᓚᓯᒪᔪᓂᒃ ᐊᒻᒪᓗ ᓂᑦᔮᒍᑎᓂᒃ ᐊᑐᕈᓐᓇᓗᒋᑦ ᐱᔪᓐᓇᕆᐊᓕᒃ ᐃᑭᓐᓂᐹᖓᓄᑦ ᒪᕐᕉᓄᑦ (2) ᒪᑯᐊ ᐅᖃᐅᓰᑦ ᓇᓪᓕᖏᓐᓄᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐱᓯᒪᓗᓂ ᐅᕝᕙᓘᓐᓃᑦ ᐱᓗᓂ ᐊᑐᕈᓐᓇᓯᐊᕐᑐᒥᒃ ᐱᑎᑕᐅᓂᒃᑯᑦ ᓈᓚᐅᑎᒥᒃ ᐊᐅᓚᓯᒍᓐᓇᓂᐅᑉ ᓓᓴᓐᓯᒥᒃ ᑐᓂᔭᐅᓲᒥᒃ ᐱᓇᓱᕝᕕᓕᕆᔨᓄᑦ ᑲᓇᑕᒥ;

• ᖃᐅᔨᒪᓂᖃᑦᓯᐊᓗᓂ ᖃᕆᑕᐅᔭᒃᑯᑦ ᐊᓪᓚᕈᑎᒥᒃ ᐊᑦᔨᒌᖕᖏᑐᕐᑕᓕᒻᒥᒃ ᐊᓪᓚᕈᑎᓂᒃ;

• ᐱᕕᑦᓴᖃᕈᓐᓇᓗᓂ ᐁᓯᒪᒍᓐᓇᓂᒃᑯᑦ ᐊᒻᒪᓗ ᑲᔪᓯᐅᑦᓯᓯᐊᕈᓐᓇᓗᓂ ᐱᒐᓱᐊᒻᒪᕆᓐᓇᑐᒥᒃ ᐱᓇᓱᑦᓱᓂ ᐱᒋᐅᕐᓴᔭᐅᓂᒃᑯᑦ 2-3 ᐱᓇᓱᐊᕈᓯᕐᓂᒃ ᑎᒃᑯᐊᑕᐅᓯᒪᔪᒥᒃ ᒥᕝᕕᒥᒃ ᐱᒋᐊᕐᑐᓗᓂ ᐱᓇᓱᑦᓱᓂ-ᐃᓕᑕᕆᔭᐅᒍᑎᕐᑖᓂᕐᒥᒃ ᐃᒻᒥᒎᕐᑐᑯᑦ ᐱᒋᐅᕐᓭᔨᓂᒃ-ᓇᐅᑦᓯᑐᐃᔨᓂᒃ.

ᐱᓇᓱᒍᒪᒐᔭᕐᓗᓂ ᐃᓇᖏᖃᑦᑕᐅᑎᓂᒃᑯᑦ ᐅᓪᓗᓂᒃ 4 weeks ᑐᖓᓕᕇᑦᑕᓗᒋᑦ, 10- ᑫᕙᓪᓚᒍᓯᖏᑦ ᖃᐅᑕᒫᑦ / 4 weeks ᐅᓪᓗᓂᒃ ᕿᑲᕐᓗᓂ ᐊᒻᒪᓗ ᐱᓇᓱᓐᓇᐅᑉ ᐅᖓᑖᓄᑦ ᐱᓇᓱᑲᓪᓛᖃᑦᑕᓗᓂ ᒪᓕᒐᓱᐊᕐᓗᒋᑦ ᒥᕝᕖᑦ ᖃᖓᑐᐃᓐᓇᑯᑦ ᐊᐅᓚᒋᐊᖃᕐᓂᖏᑦ (ᐅᐃᒪᓇᕐᑐᓕᕆᓃᑦ/ᐅᑭᐅᒥ ᐊᐅᓚᓃᑦ/ᐱᒍᑦᔨᐅᑎᒃᑰᑐᐃᑦ ᐊᒻᒪᓗ ᓴᓇᓃᑦ ᐱᓇᓱᐊᕐᑕᐅᓂᖏᑦ).

ᓇᓃᓐᓂᖓ: ᐳᕕᕐᓂᑐᖅ,

ᑮᓇᐅᑦᔭᓵᖏᑦ: ᐃᑭᓐᓂᐹᖏᑦ.: $43 348 ᐊᕐᕌᒍᑕᒫᑦ– ᐊᒥᓲᓂᕐᐹᖏᑦ. $71 800 ᐊᕐᕌᒍᑕᒫᑦ (E-6)

ᐊᓯᖏ ᐱᕚᓪᓕᖁᑎᑦᓴᖏᑦ: ᐃᓅᒐᓱᐊᕐᓂᐅᑉ ᐊᑭᖓᑕ ᐊᑦᔨᒌᖕᖏᓂᖏᑦ: ᐃᑭᓐᓂᐹᖏᑦ $10,033 ᐊᕐᕌᒍᑕᒫᑦ

ᓂᕿᑖᕈᑏᑦ: ᐃᑭᓐᓂᐹᖏᑦ$6 535 ᐊᕐᕌᒍᑕᒫᑦ

ᐊᕐᕌᒍᑕᒫᑦ ᐊᐅᑫᓐᓇᕈᑎᑦᓭᑦ: ᐃᑭᓐᓂᐹᖏᑦ 3

ᓇᓗᓀᓪᓕᑎᕐᓯᒪᔪᖅ ᐃᑦᑑᒍᑎᑖᕐᑕᕈᑎᑦᓭᑦ ᐸᕐᓇᓯᒪᐅᑎᖓ: 6.25% ᐱᓇᓱᑦᑎᓯᔨ, 4% ᐱᓇᓱᑦᑏᑦ ᑲᑐᑦᔨᖃᑎᒌᓐᓂᑯᑦ ᐃᒻᒪᖃᐅᑎᖓ

ᕿᑲᕐᓀᑦ: 20 ᐅᓪᓗᐃᑦ ᐊᕐᕌᒍᑕᒫᑦ

ᕿᑲᕐᓀᑦ: 20 ᐅᓪᓗᐃᑦ

ᐱᓇᓱᓐᓂᕆᓯᒪᔭᕐᐱᑦ ᐊᓪᓚᓯᒪᐅᑎᖏᑦ :

Kativik Regional Government

P.O. Box 9

Kuujjuaq QC J0M 1C0

Fax: 819-964-2975

Email: humanresources@krg.ca

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᒌᑦᑐᒥᒃ ᐱᕕᑦᓴᖃᕐᑎᓯᓲᖑᕗᖅ ᐱᓇᓱᑦᑎᓯᔨᐅᓂᒃᑯᑦ. ᑕᒪᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᓂᖏᑦ ᐊᑦᔨᒌᖕᖏᑑᑐᐃᓐᓇᕆᐊᓖᑦ ᖁᕝᕙᒋᐊᕐᑕᐅᓂᖏᓐᓄᑦ ᐱᓇᓱᑦᑎᑖᕆᔭᐅᒐᔭᕐᓂᖏᑦ ᐃᓄᐃᑦ ᐃᓕᒐᓱᐊᕐᑐᑦ.

ᐃᓕᒐᓱᐊᕐᑐᐃᑦ ᑎᒃᑯᐊᑕᐅᔪᐃᑦ ᑭᓯᐊᓂ ᐊᐱᕐᓱᑕᐅᒍᒪᓂᕐᒧᑦ ᖃᐅᔨᑎᑕᐅᓛᕐᑐᑦ.