ᐱᐅᓕᓂᐊᒐᓕᕆᕕᒻᒥ ᐋᕐᕿᒋᐊᓪᓛᕕᒻᒥ ᐊᑕᐅᑦᓯᑰᕐᑎᓯᔨ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᑐᓴᕐᑎᓯᖃᑦᑕᓗᓂ ᐱᖁᑎᓕᕆᕕᐅᑉ ᑐᑭᒧᐊᑦᑎᓯᔨᖓᑕ ᐃᑲᔪᕐᑎᖓᓂᒃ, ᐱᐅᓕᓂᐊᒐᓕᕆᕕᒻᒥ ᐊᕐᖀᒋᐊᓪᓚᕕᒻᒥ ᐊᑕᐅᑦᓯᑰᕐᑎᓯᔨ ᐱᓇᓱᐊᓲᖑᕗᖅ ᐊᑕᐅᑦᓯᑰᕐᑎᑕᐅᒋᐊᓕᓐᓂᒃ, ᐃᑉᐱᒋᔭᖃᕐᓗᓂ, ᖃᐅᔨᓴᕐᓗᓂ ᐊᒻᒪᓗ ᐱᕙᓪᓕᐊᑎᑦᓯᓗᓂ ᐱᓇᓱᐊᕐᑕᐅᔪᓂᒃ ᐊᒻᒪᓗ ᐱᓇᓱᑦᑕᐅᓂᖏᓐᓂᒃ ᑲᒪᒋᔭᖃᕆᐊᖃᕐᓂᒨᓕᖓᔪᓂᒃ ᐊᒻᒪᓗ ᐱᐅᓂᕐᐹᒧᑦ ᐊᑐᕐᑕᐅᓂᖏᓐᓂᒃ ᐱᐅᓕᓂᐊᒐᓕᕆᕕᒻᒥ ᐃᓕᓴᕐᓂᓕᕆᓂᕐᑎᒍᑦ ᓲᓱᑦᓴᓗᓂ ᐃᖏᕐᕋᐅᑎᑎᒍᑦ.ᐊᐅᓚᑦᓯᓂᕐᒥᑦ ᐊᐅᓚᑦᓯᓂᕐᑎᒍᑦ ᐊᒻᒪᓘᓐᓃᑦ ᐃᓄᓐᓂᑦ ᐊᒻᒪᓗ ᓱᓇᓚᑳᓂᑦ, ᓱᓇᓗᑳᖃᐅᑎᑦᑎᒍᒃ ᐊᐅᓚᑦᓯᕕᒻᒥ ᐊᒻᒪᓗ ᐃᖏᕐᕋᐅᑎᖏᓐᓂᑦ. ᑲᒪᒋᔭᑦᓴᔭᕆᓗᐊᖕᖑᐊᑕᖏᑦ ᐃᒣᑦᑑᕗᑦ:

·     ᑲᒪᒋᔭᖃᕆᐊᓕᒃ ᐸᕐᓀᓂᕐᒥᒃ ᐊᒻᒪᓗ ᐊᑕᐅᑦᓯᑰᕐᑎᓯᓂᕐᒥᒃ ᑲᔪᓯᑎᑕᐅᓂᖏᑦ, ᐱᕙᓪᓕᐊᑎᑕᐅᓂᖏᓐᓂᒃ ᐊᒻᒪᓗ ᐊᑐᕐᑕᐅᓂᖏᓐᓂᒃ ᒪᓕᒉᑦ ᐊᒻᒪᓗ ᐱᐅᓯᑦᓴᓕᐊᕆᔭᐅᒪᔪᓂᑦ ᐊᐅᓚᑦᓯᓂᕐᒧᑦ ᓱᓇᒐᔭᓐᓂᑦ 14-ᓂᑦ ᓄᓇᓕᓐᓄᑦ ᐃᒪᕐᑎᒍᑦᕿᓚᑦᑎᒍᓪᓘᓐᓃᑦ;

·     ᑲᒪᒋᔭᖃᕆᐊᓕᒃ ᐸᕐᓀᓂᕐᒥᒃ ᐊᒻᒪᓗ ᐊᑕᐅᑦᓯᑰᕐᑎᓯᓂᕐᒥᒃ ᑲᔪᓯᑎᑕᐅᓂᖏᑦ, ᐱᕙᓪᓕᐊᑎᑕᐅᓂᖏᓐᓂᒃ ᐊᒻᒪᓗ ᐊᑐᕐᑕᐅᓂᖏᓐᓂᒃ ᒪᓕᒉᑦ ᐊᒻᒪᓗ ᐱᐅᓯᑦᓴᓕᐊᕆᔭᐅᒪᔪᓂᑦ ᓱᒃᑯᐊᕿᑎᑦᓯᑌᓕᓂᕐᒧᑦ ᐊᒻᒪᓗ ᐱᐅᓕᓂᐊᒐᕐᑎᒍᑦ ᓱᒃᑯᑌᓕᑎᑦᓯᓂᕐᒥᑦ ᐃᓕᓴᕐᓂᓕᕆᓂᐅᑉ ᓄᓇᒃᑰᔫᖏᓐᓂᑦ;

·     ᐃᑉᐱᒋᔭᖃᕐᓗᓂ ᐃᓕᓴᕐᓂᓕᕆᓂᐅᑉ ᐊᐅᓚᒍᑎᓕᕆᕕᖓᑕ ᐱᓇᓱᑦᑎᖏᓐᓂᑦ ᑲᒪᒋᔭᓕᓐᓂᑦ ᐊᐅᓚᑦᓯᓂᕐᒥᑦ ᐃᓄᓐᓂᑦ ᓱᓇᒐᓚᓐᓂᓗ ᐊᒻᒪᓗ/ᐅᕝᕙᓘᓐᓃᑦ ᐊᖏᔫᓪᓗᐊᖏᑦᑐᓂᒃ ᓄᑕᐅᓯᓕᕐᑎᕆᓂᕐᒥ ᓴᓇᓂᔨᒃ ᐃᑉᐱᒋᔭᖃᕈᑎᓂᒃ ᑲᒪᓗᓂ;

·     ᐃᓚᐅᓗᓂ ᐋᕐᕿᓱᐃᓂᕐᓄᑦ ᑐᕌᒐᕆᔭᐅᔪᑦᓴᓄᑦ ᐊᒻᒪᓗ ᐋᕐᕿᓱᕐᓯᒪᐅᑎᑦᓴᓄᑦ ᐃᓕᓴᕐᓂᓕᕆᓂᐅᑉ ᐱᐅᓕᓂᐊᒐᓕᕆᓂᕐᒨᓕᖓᔪᓂᒃ ᐊᒻᒪᓗ ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐱᓇᓱᑦᑎᓂᒃ ᖃᐅᔨᓴᕐᓗᑎᒃ ᐊᕐᕌᒍᑕᒫᑦ ᐸᕐᓇᓯᒪᐅᑎᑦᓴᓂᒃ ᐱᓇᓱᑦᑕᐅᒋᐊᓕᓐᓄᑦ;

·     ᐊᑐᓕᕐᑎᓯᓗᓂ ᒪᓕᒐᕐᓂᒃ ᐊᓯᑦᔨᓂᕐᓅᓕᖓᔪᓂᒃ ᐊᒻᒪᓗ ᐊᑐᕐᑕᐅᓂᖏᓐᓄᑦ ᐃᓪᓗᖁᑏᑦ ᐊᒻᒪᓗ ᐱᐅᒃᑯᑏᑦ;

·     ᐱᓇᓱᐊᖃᑎᖃᕐᓗᓂ ᐊᓯᖏᓐᓂᒃ ᐱᓇᓱᑦᑎᓂᒃ ᐱᒍᒪᔭᐅᓕᕐᑎᓯᓂᕐᒧᑦ ᐊᒻᒪᓗ ᐊᑐᓕᕐᑎᑕᐅᓂᖏᓐᓄᑦ ᐱᓇᓱᒐᕐᒧᑦ ᖃᓄᐃᖕᖏᓯᐊᕐᓂᒧᑦ ᐊᒻᒪᓗ ᐊᑦᑕᓇᕐᑌᓕᑎᑦᓯᓂᕐᒧᑦ ᒪᓕᒐᖏᓐᓂᒃ;

·     ᐃᑲᔪᕐᓗᓂ ᐊᐅᓚᑦᓯᓂᓕᕆᔨᓂᒃ ᐱᓇᓱᕝᕕᓂ ᐊᒻᒪᓗ ᐊᐅᓚᑦᓯᓂᓕᕆᕕᓐᓂ ᐃᓕᓴᕐᓂᓕᕆᕕᒻᒥ;

·     ᐊᓯᓕᒫᖏᓐᓂᒃ ᐱᓇᓱᒐᕐᒨᓕᖓᔪᓂᒃ ᐱᓇᓱᐊᕐᓗᓂ ᐱᓇᓱᑦᑕᐅᖁᔭᐅᔪᓂᒃ ᑐᑭᒧᐊᑦᑎᓯᔨᖓᓄᑦ ᐱᐅᓕᓂᐊᒐᓕᕆᕕᐅᑉ.

ᐱᒍᓐᓇᐅᑎᒋᒋᐊᓕᖏᑦ:

·     ᐃᓕᓴᕆᕈᓯᔭᐅᓯᒪᓗᓂ ᑕᒪᑦᓱᒧᖓᓄᐊᖓᔪᒥᒃ ᓇᓗᓀᕐᑕᐅᓯᒪᔪᒥᒃ ᐊᕐᕌᒍᓂ ᐱᖓᓱᓂ ᐃᓕᓐᓂᐊᕕᕐᔪᐊᒥ ᐃᓕᓐᓂᐊᓂᕕᓂᖓᓂᒃ ᐳᕐᑐᓂᒥ ᑲᒪᔨᒻᒪᕆᐅᓯᒪᓗᓂᓘᓐᓃᑦ;

·     ᐊᕐᕌᒍᓂᒃ ᑕᓕᒪᓂᒃ (5) ᐱᓇᓱᐊᕐᓯᒪᓂᖃᕆᐊᓕᒃ ᑖᑦᓱᒧᖓᓕᖓᔪᒥᒃ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑲᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᖕᖏᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ.

ᐊᑐᕈᓐᓇᕆᐊᓕᖏᑦ:

·  ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐱᖓᓱᓂᑦ ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ);

·  ᓯᕗᓕᕐᑎᐅᒍᓐᓇᓯᐊᕆᐊᓕᒃ ᐊᒻᒪᓗ ᐋᕐᕿᓱᕐᓯᒪᑎᑦᓯᓯᐊᕈᓐᓇᓗᓂ;

·  ᐱᓇᓱᐊᓕᓂᐅᒋᐊᓕᒃ ᐱᐅᓕᓂᐊᒐᓕᕆᕕᒻᒥ ᐊᕐᖀᒋᐊᓪᓛᕕᒻᒥ  ᓄᓇᕕᒻᒥ;

·  ᐊᐅᓪᓚᑲᑦᑕᕈᓐᓇᕆᐊᓕᒃ ᓄᓇᕕᒻᒧᑦ.

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-08* ᒪᓕᑦᓱᒋᑦ ᐱᓇᓱᒐᖏᑦᑕ ᖃᓄᐃᓕᖓᓂᖏᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᔨᓄᑦ:  ᐱᒋᐊᕐᑐᑦ $104,152 ᑎᑭᑦᓱᓂ $138,867 ᐃᑉᐱᒋᑦᓱᒋᑦ ᐱᔪᓐᓇᐅᑎᖏᑦ ᐱᓇᓱᓚᐅᕐᓯᒪᓂᖏᓪᓗ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.