ᑐᑭᒧᐊᕐᑎᓯᔨ, ᑐᓴᐅᒪᖃᑎᒌᓐᓂᓕᕆᓂᖅ - KRG

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᐊᒥᓱᓂᒃ-ᑲᕙᒫᐱᓐᓂᒃ ᑎᒥᖁᑎᒋᔭᐅᕗᖅ ᓄᑭᐅᕕᖃᕐᓱᓂ ᓄᓇᒋᔭᖏᓐᓂᒃ ᑯᐯᒃᒥ ᖁᓛᖓᓃᑦᑐᓂᒃ 55, ᐊᓪᓚᕕᒻᒪᕆᖓ ᑰᑦᔪᐊᒦᑦᓱᓂ, ᒫᓐᓇᐅᑎᓪᓗᒍ ᕿᓂᕐᑐᑦ ᐱᓇᓱᑦᑎᓴᒥᒃ ᐆᒻᒪᕿᑦᑐᓯᐊᒥᒃ ᓄᐃᑕᑎᑦᓯᓯᐊᕈᓐᓇᑎᒥᒃ ᓯᕗᓕᕈᓐᓇᓂᕐᒥᓂᒃ ᐊᒻᒪᓗ ᐱᓇᓱᑦᓯᒪᓂᖃᕐᓗᓂ ᐱᒋᐊᕐᑎᓯᓯᒪᓂᕐᓂᒃ, ᑕᑎᒋᓇᑦᓯᐊᑐᒥᒃ ᐊᒻᒪᓗ ᓄᐃᑦᓯᓂᖃᕈᓐᓇᓯᐊᕐᑐᒥᒃ ᐃᒣᓘᕐᑎᐅᒐᔭᕐᑎᓗᒍ:

ᑐᑭᒧᐊᕐᑎᓯᔨ, ᑐᓴᐅᒪᖃᑎᒌᓐᓂᓕᕆᓂᖅ

(ᐊᑕᑯᑖᑐᐃᓐᓇᕆᐊᓕᒃ - ᐅᓪᓗᓕᒫᕐᓯᐅᑎᒃ)

ᑐᓴᐅᒪᑎᑦᓯᖃᑦᑕᓗᓂ ᑐᓴᐅᒪᖃᑎᒌᓐᓂᓕᕆᓂᐅᑉ ᐱᒍᑦᔨᕕᖓᑕ ᐊᖓᔪᕐᖄᖓᓂᒃ, ᑐᑭᒧᐊᕐᑎᓯᔨ, ᑐᓴᐅᒪᖃᑎᒌᓐᓂᓕᕆᓂᖅ ᑐᑭᒧᐊᕐᑎᓯᓲᑦ ᑐᓴᐅᒪᖃᑎᒌᓐᓃᑦ ᐱᓇᓱᐊᕐᑕᕆᔭᖏᓐᓂᒃ ᑲᑎᕕᒃ ᓄᓇᓕᓕᒫᑦ ᑲᕙᒪᒃᑯᖏᓐᓂᒃ (KRG), ᐃᓚᒋᔭᐅᑎᓪᓗᒋᑦ ᐊᑐᐃᓐᓇᕈᕐᑎᑕᐅᒋᐊᖃᕐᓂᖏᑦ ᑐᓴᕋᑦᓴᖏᑦ ᐃᓄᓕᒫᓄᐊᖓᔪᑦ, ᑐᓴᕋᑦᓴᓂᐊᕐᑎᓄᐊᖓᔪᑦ, ᖃᕆᑕᐅᔭᒃᑯᑦ ᐅᐸᑦᑕᐅᒐᕐᓄᐊᖓᔪᑦ ᐊᒻᒪᓗ ᑎᒥᐅᔪᑎᒍᑦ ᖃᕆᑕᐅᔭᕐᑎᒍᑦ ᑐᓴᐅᒪᖃᑎᒌᒍᑎᖏᒍᑦ ᐊᒻᒪᓗ ᐊᓯᖏᓐᓂᒃ ᐊᑑᑎᔭᐅᔭᕆᐊᓕᓐᓂᒃ ᑐᓴᐅᒪᖃᑎᒌᑦᑎᓯᓂᕐᒧᑦ ᐱᓇᓱᐊᕐᑕᐅᒍᑎᑦᓴᖏᑦ ᓴᓇᕐᕈᑎᖏᓪᓗ. ᓇᓗᓀᓗᐊᕐᓱᒋᑦ ᑐᑭᒧᐊᑦᑎᓯᔨᖓ, ᑐᓴᐅᒪᖃᑎᒌᑦᑎᓯᓂᕐᒥᒃ:

• ᐋᕐᕿᓱᐃᓂᖃᓲᖅ KRG-ᑯᑦ ᐊᕐᕌᒍᑕᒫᑦ ᑐᓴᐅᒪᖃᑎᒌᑦᑎᓯᓂᕐᒧᑦ ᐸᕐᓇᐅᑎᖏᓐᓂᒃ, ᑐᕌᒐᖏᓐᓂᒃ ᐊᒻᒪᓗ ᓯᕗᓪᓕᐸᐅᑦᔭᐅᔭᕆᐊᓕᓕᕐᓂᕐᒥᒃ, ᐊᒻᒪᓗ ᑐᑭᒧᐊᑦᑎᓯᓲᖑᑦᓱᓂ ᐸᕐᓇᑕᐅᓂᖏᓐᓂᒃ ᑐᓴᐅᒪᖃᑎᒌᑦᑎᓯᓂᐅᑉ ᐱᒍᑦᔨᕕᖓᑕ ᑮᓇᐅᔦᑦ ᑐᕌᒐᖏᓐᓂᒃ;

• ᐊᑐᓕᕐᑎᑕᐅᑎᑦᓯᓯᐊᕐᓱᓂ ᐊᒻᒪᓗ ᐅᑎᕐᕕᖃᖃᑦᑕᓱᓂ ᐊᐅᓚᑦᔭᒋᐊᕈᑏᑦ ᐸᕐᓇᓯᒪᐅᑎᖏᓐᓂᒃ ᐱᔭᐅᓚᖀᒐᓱᐊᕐᓂᑯᑦ ᐱᒍᑦᔨᕕᐅᑉ ᐊᕐᕌᒍᑕᒫᑦ ᑐᕌᒐᕆᕙᑦᑕᖏᓐᓂᒃ;

• ᐊᖓᔪᕐᖃᐅᕕᖃᓲᖅ ᐊᒻᒪᓗ ᑐᑭᒧᐊᕐᑎᓯᑦᓱᓂ ᐱᓇᓱᐊᕈᑕᐅᔪᓂᒃ ᐊᒻᒪᓗ ᐱᓇᓱᑦᑎᕆᔭᖏᓐᓂᒃ ᐱᒍᑦᔨᕕᐅᔫᑉ ᒪᓕᑦᓱᒋᑦ ᐱᓇᓱᑦᑏᑦ ᐊᖏᖃᑎᒌᒍᑎᖏᑦ;

• ᐋᕐᕿᓱᐃᓂᖃᓲᖅ ᐊᒻᒪᓗ ᑐᓴᐅᒪᖃᑎᙯᓐᓇᓱᓂ ᑐᓴᕋᑦᓴᓂᐊᕐᑎᓂᒃ, ᖃᕆᑕᐅᔭᒃᑯᑦ ᐊᓪᓚᓯᒪᔪᓕᕆᔨᓂᒃ, ᐊᒻᒪᓗ ᐃᓱᒪᒋᔭᐅᔪᓕᕆᓂᕐᒥᒃ ᓯᕗᓕᕐᑎᐅᔪᓂᒃ;

• ᑐᑭᒧᐊᑦᑎᓯᓲᖅ ᑐᓴᒐᑦᓭᑦ ᓄᐃᑎᕐᑕᐅᓂᖏᓐᓂᒃ, ᓂᐅᕕᑦᓴᖃᕐᓂᕋᐅᑎᓂᒃ, ᐊᓪᓚᓯᒪᔪᐊᐱᓐᓂᒃ ᐊᒻᒪᓗ ᐊᓯᖏᓐᓂᒃ KRG-ᑯᑦ ᓄᐃᑎᓲᖏᓐᓂᒃ ᑐᓴᕋᑦᓴᓂᐊᕐᓂᓄᐊᖓᔪᓂᒃ ᐃᓄᓕᒫᓄᐊᖓᔪᓂᓪᓗ;

• ᐊᖓᔪᕐᖃᐅᕕᖃᓲᖅ ᑐᑦᓯᕋᐅᑎᓕᐊᖑᓯᒪᔪᓂᒃ ᑐᓴᕐᑎᓯᐅᑎᑦᓴᓄᐊᖓᔪᓂᒃ ᐊᒻᒪᓗ ᐊᐱᕆᐅᔭᕐᑕᐅᒍᑎᑦᓴᓄᐊᖓᔪᓂᒃ;

• ᐊᖓᔪᕐᖃᐅᕕᖃᓲᖅ ᐊᑐᐃᓐᓇᕈᕐᑎᑕᐅᓂᕐᒧᐊᖓᔪᓂᒃ ᐊᒻᒪᓗ ᑎᒥᖁᑎᒧᐊᖓᔪᓂᒃ ᐃᓗᐊᒍᑦ ᐊᒻᒪᓗ ᐃᓄᓕᒫᓄᑦ ᐱᓂᐊᕐᓂᐅᔪᓂᒃ ᐃᓂᓪᓚᑎᕐᑕᐅᓲᓄᑦ KRG-ᑯᓄᑦ ᐊᒻᒪᓗ ᐃᑲᔪᖃᑎᒌᓐᓂᖃᓲᖑᑦᓱᓂ ᐊᓯᖏᓐᓂᒃ ᑎᒥᐅᔪᓂᒃ ᒋᐊᖃᓕᑐᐊᕋᒥ;

• ᑐᑭᒧᐊᑦᑎᓯᓲᖅ ᑐᓴᕋᑦᓴᓂᐊᕐᑏᑦ ᑐᓴᐅᒪᖃᑎᒌᓐᓂᓕᕆᓂᖏᓐᓂᒃ ᐱᓂᐊᕈᑕᐅᔪᓂᒃ ᐃᓚᐅᑎᓪᓗᒋᑦ KRG-ᑯᑦ ᑲᑎᒪᓂᖃᕐᑎᓯᒍᑎᖏᑦ, ᐊᒻᒪᓗ ᐱᒻᒪᕆᐅᑎᓚᑳᑦ ᐳᓛᕆᐊᕐᓯᒪᓂᖏᓐᓂᒃ ᐊᓯᖏᓐᓂᓗ;

• ᐊᖓᔪᕐᖃᐅᕕᖃᓲᖅ ᐅᖃᐅᓯᐅᑉ ᐁᑉᐸᖓᓅᔦᕕᒻᒥ, ᐊᒻᒪᓗ ᐊᑐᐃᓐᓇᕈᐃᓲᖑᑦᓱᓂ ᐅᖃᐅᓯᐅᑉ ᐁᑉᐸᖓᓅᔭᕐᑕᐅᓯᒪᔪᑦ ᐊᓪᓚᓯᒪᔪᖏᓐᓂᒃ KRG-ᑯᑦ ᑲᑎᒪᔨᖏᑦᑕ ᑲᑎᒪᓂᖏᓐᓄᑦ ᐊᒻᒪᓗ ᑎᒥᐅᔫᑉ ᐃᓗᐊᒍᑦ ᐱᒍᑦᔨᕕᖏᑦᑕ ᑲᒪᒋᔭᖏᓐᓄᑦ;

• ᑐᑭᒧᐊᑦᑎᓯᓲᖅ ᐋᕐᕿᓱᕐᑕᐅᓂᖏᓐᓂᒃ KRG-ᑯᑦ ᖃᕆᑕᐅᔭᒃᑯᑦ ᐅᐸᑦᑕᐅᑲᑦᑕᕕᖓᓂᒃ ᐊᒻᒪᓗ ᐱᓇᓱᑦᑏᑦ ᖃᕆᑕᐅᔭᒃᑯᑦ ᑐᓴᐅᒪᖃᑎᒌᒍᑎᖏᓐᓂᒃ ᐊᐅᓚᑦᓱᒋᑦ ᐋᕐᕿᓱᖃᑦᑕᓱᒋᓪᓗ ᐃᓗᓕᑦᓴᕆᔭᖏᑦ;

• ᐱᓇᓱᐊᖃᑦᑕᓲᖑᒻᒥᓱᓂ ᐊᓯᖏᓐᓂᒃ ᐱᓇᓱᐊᕐᑕᐅᔭᕆᐊᓕᓐᓂᒃ ᒋᐊᖃᓕᑐᐊᕈᓂ.

REQUIREMENTS

• ᐃᓕᓐᓂᐊᕕᕐᔪᐊᒥᒃ ᐱᔭᕇᒍᓐᓇᐅᑎᖃᕐᓗᓂ ᑐᓴᐅᒪᖃᑎᒌᓐᓂᓕᕆᓂᕐᒥᒃ ᐅᕝᕙᓗᓘᓐᓃᑦ ᐊᑦᔨᐸᓱᖓᓂᒃ;

• ᐃᑭᓐᓂᐸᐅᑎᓪᓗᒋᑦ ᑕᓪᓕᒣᑦ (5) ᐊᕐᕌᒍᐃᑦ ᐱᓇᓱᑦᓯᒪᓂᖏᑦ ᐃᓄᓕᒫᓄᐊᖓᔪᓕᕆᓂᕐᒥᒃ, ᐃᓚᐅᑎᓪᓗᒋᑦ ᐊᐅᓚᑦᓯᓂᖅ ᐊᖓᔪᕐᖃᐅᕕᖃᕐᓯᒪᓂᕐᓗ ᐱᓇᓱᑦᑎᓂᒃ;

• ᓲᖑᔪᑦᓯᐊᒥᒃ ᓯᕗᓕᕈᓐᓇᓂᖃᕐᓗᓂ ᐊᒻᒪᓗ ᓄᐃᑕᑎᑦᓯᓯᒪᓗᓂ ᐱᑦᓴᑖᕐᕕᖃᕈᓐᓇᓯᐊᕐᓂᒥᒃ;

• ᓲᖑᔪᑦᓯᐊᒥᒃ ᑐᑭᓯᒍᓐᓇᕕᖃᑦᓯᐊᓗᓂ ᐊᒻᒪᓗ ᐊᐅᓚᑦᓯᒍᓐᓇᓗᓂ ᖃᓄᐃᓕᖓᐅᓯᕆᔭᐅᔪᓂᒃ ᐱᕙᓪᓕᐊᓲᖑᔪᓂᒃ ᐊᒻᒪᓗ ᐊᓯᑦᔨᒋᐊᑲᓪᓚᓲᖑᔪᓂᒃ;

• ᐊᑕᐅᑦᓯᑰᒍᓐᓇᓕᕐᑎᓯᒍᓐᓇᓂᖃᑦᓯᐊᓗᓂ ᑐᓴᕐᑎᓯᐅᑎᑦᓴᓂᒃ;

• ᐱᐅᔪᒻᒪᕆᓐᓂᒃ ᕿᒥᕐᕈᒍᓐᓇᓂᖃᑦᓯᐊᓗᓂ;

• ᐱᐅᔪᒻᒪᕆᓐᓂᒃ ᓇᒻᒥᓂᖅ ᐃᓅᖃᑎᒌᓐᓂᑯᑦ ᐱᒍᓐᓇᓂᖃᑦᓯᐊᒪᕆᓪᓗᓂᓗ;

• ᐊᓪᓚᕈᓐᓇᓗᓂ ᐊᒻᒪᓗ ᐅᖃᓕᒪᒍᓐᓇᕕᖃᕐᓗᓂ ᒪᕐᕉᓴᓚᐅᕐᕋᓃᒃ (2) ᐅᑯᐊ ᐅᖃᐅᓯᐅᔪᑦ: ᐃᓄᒃᑎᑐᑦ, ᖃᓪᓗᓈᑎᑐᑦ ᐅᐃᒍᐃᑎᑐᓪᓘᓃᑦ.

ᐱᓇᓱᒐᐅᑉ ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓗᒋᑦ. $85,598 ᐊᕐᕌᒍᑕᒫᑦ – ᐊᒥᓲᓂᕐᐸᐅᑎᓗᒋᑦ. $117,698 ᐊᕐᕌᒍᑕᒫᑦ ᐱᓇᓱᖃᑦᑕᓗᓂ 35-ᓂᒃ ᑫᕙᓪᓚᒍᓯᕐᓂᒃ/ᐱᓇᓱᐊᕈᓯᑕᒫᑦ

ᐱᕚᓪᓕᖁᑎᑦᓴᖏᑦ: ᐃᑦᑑᒍᑎᑖᕐᑕᕈᑎᑦᓴᖏᑦ: RRSP

ᐊᒥᓱᐃᑎᒍᑦ ᐃᒻᒪᖃᐅᑏᑦ

ᕿᑲᑫᓐᓇᓂᖅ: 20 ᐅᓪᓗᐃᑦ ᐊᕐᕌᒍᑕᒫᑦ ᐃᓚᐅᑎᓪᓗᒋᑦ 10 ᐅᓪᓗᐃᑦ ᐱᓇᓱᓐᓇᐅᑉ ᐅᖓᑖᓄᑦ ᐱᓇᓱᓐᓂᕕᓃᑦ

ᐱᓇᓱᓐᓂᒧᑦ ᕿᑲᕐᓀᑦ: 20 ᐅᓪᓗᐃᑦ ᐃᓚᐅᑎᓪᓗᒋᑦ 10 ᕿᑎᖕᖒᓂᖓᓂᒃ

ᐱᓇᓱᒍᒪᐅᑎᑎᑦ ᐊᐅᓪᓚᑎᓗᒋᑦ ᖑᓚᐅᕐᑎᓇᒍ ᐅᕗᖓ:

Kativik Regional Government

Human Resources

P.O. Box 9

Kuujjuaq, QC J0M 1C0

humanresources@krg.ca

Fax: 819-964-2975

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓈᒻᒪᖁᐊᕇᑦᑎᓯᔨᐅᕗᖅ ᐱᓇᓱᒐᑦᓴᖃᕐᑎᓯᔨᐅᑦᓱᓂ. ᑕᒪᓐᓇ ᒪᓕᑦᓱᒍ ᐊᒻᒪᓗ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᓂ ᐊᖏᖃᑎᒌᒍᑏᑦ, ᐱᔪᓐᓇᓃᑦ ᐋᕐᕿᒋᐊᕐᑕᐅᑐᐃᓐᓇᕆᐊᓖᑦ ᐃᓄᐃᑦ ᐱᓇᓱᒐᕐᑖᑎᑕᐅᖔᕋᓱᐊᕐᑎᓗᒋᑦ.

ᐃᓕᒐᓱᐊᕐᑐᑦ ᑎᒃᑯᐊᑕᐅᓯᒪᔪᐃᑦ ᑭᓯᐊᓂ ᐊᐱᕆᐅᔭᕐᑕᐅᓂᕐᒧᑦ ᖃᐅᔨᒋᐊᕐᕕᐅᓛᕐᑐᑦ.