ᐊᑕᐅᑦᓯᑰᕐᑎᓯᔨ - KI

ᐱᓇᓱᒐᖅ:	ᐊᑕᐅᑦᓯᑰᕐᑎᓯᔨ
ᐊᓪᓚᕕᖓ :	ᐱᓇᓱᑦᑎᓅᓕᖓᔪᓕᕆᕕᒃ ᐊᒻᒪᓗ ᑮᓇᐅᑦᔭᓵᓕᕆᕕᒃ
ᑮᓇᐅᑦᔭᓵᑦ:	ᐱᒋᐊᕐᓱᓂ $104,152 ᑎᑭᑦᓱᓂ $138,867, ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ
ᐱᓇᓱᒐᐅᑉ ᑭᑎᑦᔪᑎᖓ :	COORDHR2608-01
ᓇᓃᓐᓂᓴᖓ:	ᒪᓐᑐᔨᐊ
ᖃᓄᐃᑦᑑᓂᖓ:	ᐅᓪᓗᓕᒫᕐᑐᒥᒃ ᐱᓇᓱᒐᖅ ᐊᑌᓐᓇᑐᖅ
ᐱᓇᓱᓐᓇᖅ :	ᓯᑦᑎᒻᐱᕆ 2026-ᒥᑦ ᑏᓯᒻᐱᕆ 2027-ᒧᑦ

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

 

ᑖᓐᓇ ᐱᓇᓱᒐᖅ ᐱᔭᑦᓴᖃᕋᔭᕐᑐᖅ ᑲᔪᓯᒃᑫᖃᑦᑕᓗᓂ ᐊᒥᓱᓂᒃ ᐱᓇᓱᐊᕐᑕᐅᔪᓂᒃ ᑲᒪᒋᔭᐅᔪᓂᓪᓗ ᐱᓇᓱᑦᑎᑖᕐᓂᒨᓕᖓᔪᓂᒃ, ᐱᓇᓱᑦᑐᓕᕆᓂᕐᓅᓕᖓᔪᓂᒃ ᐊᒻᒪᓗ ᐃᓂᓪᓚᑎᕆᖃᑦᑕᓗᓂ, ᐃᓅᖃᑎᒌᓐᓂᒨᓕᖓᔪᓂᒃ ᐱᓇᓱᕝᕕᒥ ᐊᒻᒪᓗ ᐱᓇᓱᐊᕐᓗᓂ ᐱᕙᓪᓕᐊᑎᑦᓯᒐᓱᐊᕐᓂᒧᑦ ᑎᒥᐅᔪᒥᒃ.

 

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐱᓇᓱᑦᑐᓕᕆᕕᒻᒥ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ (ᐱᔪᓐᓇᐅᑎᑖᕐᑎᓯᓂᖅ), ᐱᓇᓱᑦᑎ ᐃᒣᓘᕆᐊᓕᒃ, ᐱᓗᐊᕐᑐᒥᒃ:

·       ᑲᒪᒋᔭᕆᐊᓕᒻᒥᓂᒃ ᐱᓇᓱᓪᓗᓂ ᐱᓇᓱᑦᑎᑖᕆᔭᐅᔪᓂᑦ (ᐸᕐᓀᓂᒃᑯᑦ, ᓂᕈᐊᕐᓂᑯᑦ, ᐊᐅᓚᑦᓯᓂᒃᑯᑦ ᐱᓇᓱᑦᑎᑖᕋᓱᐊᕐᓂᒥᒃ, ᐱᓇᓱᑦᑎᑖᕆᔭᐅᔪᓂᒃ ᑲᒪᒋᔭᖃᕐᓗᓂ, ᐆᑦᑐᕋᕐᑕᐅᓂᕐᒨᓕᖓᔪᓂᓪᓗ)

·       ᐃᑉᐱᒍᓱᑦᓯᐊᓗᓂ ᐱᓇᓱᑦᑏᑦ ᐱᓇᓱᒐᖓᑕ ᐃᓂᖓ ᐋᕐᕿᓱᕐᑕᐅᓯᐊᕋᓗᐊᕐᒪᖔᖅ ᐊᒻᒪᓗ ᐊᐅᓚᑦᓯᓗᓂ ᐱᓇᓱᑦᑏᑦ ᐊᑭᓕᕐᑕᐅᒋᐊᓪᓚᕈᑎᖏᓐᓂᒃ ᐱᕙᓪᓕᖁᑎᖏᓐᓂᓗ;

·       ᐅᖃᐅᑎᖃᑦᑕᓗᓂ ᑲᒪᔨᓄᑦ ᐊᓪᓕᖏᓐᓃᓂᕐᓴᐅᔪᓄᑦ ᐸᕐᓇᑕᐅᒋᐊᓕᓂᒃ ᑎᒥᐅᔫᑉ ᑭᖕᖒᒪᒋᔭᖏᓐᓂᒃ ᐱᓇᓱᑦᑎᑖᕐᓂᒨᓕᖓᔪᓂᒃ ᐱᓇᓱᑦᑎᑖᕋᓱᐊᓕᕋᒥᒃ;

·       ᕿᓂᕐᓗᓂ ᖃᐅᔨᓴᕈᑎᑦᓯᐊᓂᒃ ᐊᑑᑎᓗᒋᓪᓗ ᐱᓇᓱᑦᑎᑖᕋᓱᐊᓕᕋᒥᒃ;

·       ᐊᐅᓚᑦᓯᓗᓂ ᑐᓴᕋᑦᓴᓂᒃ ᐱᓇᓱᑦᑎᑖᕋᓱᐊᓕᕋᒥᒃ;

·       ᐃᑲᔪᖃᑕᐅᓗᓂ ᖃᓄᐃᑦᑐᑐᐃᓐᓇᓂᒃ ᐱᓇᓱᐊᕐᑕᐅᒋᐊᓕᓐᓂᒃ ᐱᕙᓪᓕᑎᑦᓯᒐᓱᐊᕐᓂᒧᑦ ᑎᒥᐅᔪᒥᒃ;

·       ᐃᓚᐅᖃᑕᐅᓗᓂ ᐱᕙᓪᓕᑎᑦᓯᒐᓱᐊᕐᓂᒥᒃ ᒪᓕᒐᖃᕐᑎᓯᒍᑎᓂᒃ ᐊᒻᒪᓗ ᐊᑑᑎᑎᑦᓯᓂᕐᒥᒃ ᐊᑑᑎᔭᐅᒋᐊᓕᓐᓂᒃ ᐊᐅᓚᑦᓯᓯᐊᕐᓂᒧᑦ ᐱᓇᓱᑦᑎᑖᕋᓱᐊᓕᕋᒥᒃ;

·       ᐃᓚᐅᖃᑕᐅᓗᓂ ᐱᓇᓱᒐᕐᒨᓕᖓᔪᓂᒃ ᓯᕗᓂᕐᒨᓕᖓᔪᓂᓪᓗ ᑕᑯᔭᒐᖃᕐᑎᓯᔪᓂ ᓄᓇᕕᒻᒥ ᑲᓇᑕᒥᓪᓗ.

·       ᐊᔪᖀᒋᐊᖃᑦᑕᓗᓂ ᑲᒪᔨᓄᑦ ᐊᑑᑎᓂᕐᒧᑦ ᐊᒻᒪᓗ ᑐᑭᓯᑎᑦᓯᓂᕐᒧᑦ ᑎᒥᐅᔫᑉ ᐊᖏᖃᑎᒌᒍᑎᖏᓐᓂᒃ ᑲᑐᑦᔨᖃᑎᒌᑦᑐᐃᓗ ᓴᐳᑦᔨᒐᓱᐊᓲᓂᒃ ᐱᓇᓱᑦᑏᑦ ᐱᔪᓐᓇᐅᑎᖏᓐᓂᒃ, ᐱᖁᔭᕐᓂᒃ ᐱᓇᓱᒐᕐᓅᓕᖓᔪᓂᒃ, ᒪᓕᒐᖃᕐᑎᓯᒍᑎᓂᒃ, ᐱᖁᔭᕐᓂᒃ ᐊᒻᒪᓗ ᑲᑎᒪᔩᑦ ᒪᓕᒐᖃᕐᑎᓯᒍᑎᖏᓐᓂᒃ.

·       ᐃᑲᔪᖃᑕᐅᖃᑦᑕᓗᓂ ᐱᒋᐅᕐᓭᔨᒥᒃ ᓇᓗᓀᕐᓯᒐᓱᐊᕐᓂᑯᑦ ᐱᒋᐅᕐᓴᑕᐅᒋᐊᓕᓐᓂᒃ.

·       ᐃᓚᐅᕕᖃᕐᓗᓂ ᖃᐅᔨᒐᓱᐊᕐᓂᒥᒃ ᐃᓕᑕᕐᓯᓯᒪᒐᓱᐊᕐᓂᒥᓪᓗ ᖃᓄᕆᐊᓪᓚᖅ ᐱᓇᓱᑦᑏᑦ ᐱᕙᓪᓕᒋᐊᓪᓛᕈᓐᓇᕋᔭᕐᒪᖔᑕ ᐊᒻᒪᓗ ᐱᒋᐅᓴᐅᑎᓂᒃ ᑭᖕᖒᒪᒋᔭᐅᔪᓂᒃ.

·       ᐃᓚᐅᕕᖃᕐᓗᓂ ᐱᔪᓐᓇᐅᑎᓖᑦ ᐱᐅᓯᒋᐊᕈᑎᓄᑦ ᐃᓕᓐᓂᐊᓂᕐᒥᓗ ᑭᖕᖒᔭᒋᔭᖏᓐᓂᒃ ᑐᑭᓯᓴᕐᑕᐅᓂᖏᓐᓂᑦ ᓇᓗᓀᔭᕐᑕᐅᓂᖏᓐᓂᓗ.

·       ᐃᓚᐅᕕᖃᕐᓗᓂ ᐃᓕᓴᕐᓂᓕᕆᔨᒃᑯᑦ ᑲᑎᒪᔨᖏᓪᓗ ᐱᓇᓱᑦᑏᑕᕋᓱᐊᓕᕋᒥᒃ ᐊᒻᒪᓗ ᐱᓇᓱᑦᑎᖏᓐᓂᒃ ᐊᑯᓂᒧᑦ ᐱᓇᓱᑦᑎᒋᒐᓱᐊᕐᓗᒋᑦ;

·       ᐱᓇᓱᑦᑏᑦ ᑲᒪᒋᔭᖏᑦ ᑲᒪᒋᖃᑦᑕᓗᒋᑦ, ᐃᑲᔪᕐᓗᒋᓪᓗ ᐊᐅᓚᖃᑦᑕᓗᒋᓪᓗ.

·       ᐊᓯᖏᓂᒃ ᖃᓄᐃᑦᑐᑐᐃᓐᓀᑦ ᐱᓇᓱᐊᖁᔭᐅᔪᑦ ᐱᓇᓱᑦᑐᓕᕆᕕᐅᑉ ᐊᖓᔪᖄᖓᑕ ᐃᑲᔪᕐᑎᖓᓂᒃ (ᐱᔪᓐᓇᐅᑎᑖᕐᑎᓯᓂᖅ).

 

ᐱᒍᓐᓇᐅᑎᒋᒋᐊᓕᖏᑦ:

·       ᐊᓪᓕᒥᒃ ᐱᔪᓐᓇᐅᑎᑖᕐᓯᒪᓗᓂ ᐊᑐᕐᓂᖃᕈᓐᓇᑐᒥᒃ ᐃᓕᓐᓂᐊᒐᕐᓂᑦ ᐃᓕᑕᕆᔭᐅᒍᑎᑖᕆᔭᐅᓲᒥᒃ ᐱᖓᓱᓂᒃ-ᐊᕐᕌᒍᓂᒃ ᐃᑭᓐᓂᓴᐅᖕᖏᑐᓂᒃ ᐃᓕᓐᓂᐊᕕᕐᔪᐊᒥ ᐅᕝᕙᓘᓐᓃᑦ ᐱᓇᓱᒐᖃᕐᓯᒪᓗᓂ ᐳᕐᑐᓂᕐᓴᒥ ᐃᓕᓴᕐᓂᓕᕆᕕᒃᑯᓂ ᐊᓪᓕᒥᒃ ᐱᔪᓐᓇᐅᑎᑖᕐᓯᒪᒍᑎᒋᒋᐊᖃᕐᓱᓂᐅᑦ ᐱᒍᓐᓇᐅᑎᑎᒋᐊᓕᖏᑦᑕ ᐳᒃᑭᓂᕐᐹᕆᑦᓱᓂᐅᑦ;

·       ᑕᓪᓕᒪᓂᒃ (5) ᐊᕐᕌᒍᓂᒃ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ.

 

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

 

ᐊᑐᕈᓐᓇᕆᐊᓕᖏᑦ:

·       ᐅᖄᒍᓐᓇᓯᐊᕐᓗᓂ ᒪᕐᕉᓂᒃ (2) ᐅᖃᐅᓰᓐᓂᒃ ᐱᖓᓱᐃᓂ (3) ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ);

·       ᐃᓕᓴᕐᓂᓕᕆᓂᕐᒥ ᐱᓇᓱᓚᐅᕐᓯᒪᓗᓂ.

·       ᐃᒻᒥᓂᕐᓱᒍᓐᓇᓯᐊᕐᓗᓂ ᐱᓇᓱᒍᓐᓇᓗᓂ.

·       ᐃᓂᓪᓚᙰᓯᒪᒍᓐᓇᓯᐊᕐᓗᓂ ᑲᒪᒋᔭᕐᒥᓂᓪᓗ ᐱᒃᑲᕆᑦᑑᓗᓂ.

·       ᐱᓇᓱᑦᑏᑦ ᑲᑐᑦᔨᖃᑎᒌᓐᓂᖏᓐᓂᑦ ᐱᑕᓕᓐᓂᒃ ᐱᓇᓱᐊᓚᐅᕐᓯᒪᓗᓂ.

·       ᐃᓄᐃᑦ ᐃᓗᕐᕈᓯᖓᓂᒃ ᖃᐅᔨᒪᓗᓂ.

·       ᓄᓇᕕᒻᒥ ᐊᕐᕕᑕᖃᑦᑕᕆᓐᓇᓗᓂ.

 

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-08* ᒪᓕᑦᓱᒋᑦ ᐱᓇᓱᒐᖓᑕ ᖃᓄᐃᓕᖓᓂᖓ ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᔩᑦ:  ᐱᒋᐊᕐᑐᑦ $104,152-ᓂᑦ $138,867-ᓄᑦ ᑎᑭᐅᑎᒍᓐᓇᓱᑎᒃ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

 

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ: ·       30 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ ·       ᖁᓕᓐᓄᑦ (10) ᐊᑭᓕᕐᑕᐅᓱᓂ ᖃᓄᐃᒍᓐᓀᕋᓱᐊᕐᓂᒧᑦ ᐅᓪᓗᐃᑦ  ·       ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ ·       ᐱᓇᓱᑦᑎᓂ ᐃᓚᒌᓂᓪᓗ ᐃᑲᔪᕐᓯᐅᑏᑦ, ᐃᓚᐅᑎᓪᓗᒋᑦ ᖃᕆᑕᐅᔭᑎᒍᑦ ᐅᖄᓚᐅᑎᒃᑯᓘᓐᓃᑦ ᐋᓐᓂᐊᓯᐅᕐᑕᐅᒍᑏᑦ ᐃᑲᔪᕐᓯᐅᑎᖏᑦ ·       ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ ·       ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ: ·     ᐊᐅᔭᒥ ᐱᓇᓱᐊᕐᕕᓴᖅ ·     ᐃᑲᔪᕐᓯᐅᑏᑦ ᐅᑭᐅᕐᑕᑐᒥᐅᓂ ᐃᒣᓪᓗᐊᖑᕗᑦ $12,178 ᒥᑦ $25,326 ᒧᑦ ·     ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ ·     ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ ·     ᐱᒍᒥᓇᕐᑎᓯᐅᑏᑦ ᐱᓇᓱᑦᑎᙯᓐᓇᓂᕐᒧᓗ ᐃᓚᒋᐊᕈᑏᑦ ᐃᒣᓪᓗᐊᖑᕗᑦ $3,000 ᒥᑦ 9,000 ᒧᑦ ·     ᐱᖓᓱᕕᓪᓗᓂ ᐅᑎᕈᑎᓕᓐᓂᒃ ᖃᖓᑦᑕᐅᑏᑦ ᓄᓇᕕᒻᒥ ᐱᑦᓱᑎᒃ ·     ᐃᓗᖃᕐᑎᑕᐅᓂᖅ ᐃᑲᔪᕐᓯᐅᑎᓕᓐᓂᒃ

 

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᐊᐅᒡᒍᓯ 19, 2026 ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ: 1)       ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ   2)       ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ COORDHR2608-01 ᐅᖄᔭᐅᔪᒥ ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.