ᐊᑕᐅᑦᓯᑰᕐᑎᓯᔨ - KI

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ.

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐃᑲᔪᕐᑎᖓᓂᒃ ᑲᒪᔨᒻᒪᕆᐅᑉ ᐊᒻᒪᓗ ᐃᑲᔪᖃᑎᒌᓪᓗᑎᑦ ᐊᓯᖏᓪᓗ ᐊᐅᓚᑦᓯᔩᑦ ᐱᑦᔪᔨᕕᖓᓂᒃ, ᒫᓐᓇᐅᑎᓪᓗᒍ ᐃᓂᓕᒃ ᑲᒪᒋᔭᖃᕐᑐᖅ ᖃᐅᔨᓴᖃᑦᑕᓂᕐᒥᒃ ᐊᒻᒪᓗ ᑐᑭᒧᐊᑦᑎᓯᓂᕐᒥᒃ ᐊᐅᓚᑦᓯᓂᓕᕆᓂᕐᒧᑦ ᐱᓇᓱᐊᕐᑕᐅᔪᓂᒃ ᐃᓚᒋᔭᐅᑎᓪᓗᒍ ᐃᓕᓐᓂᐊᓂᕐᒥᒃ ᐃᓂᓪᓚᑎᕆᓂᖅ, ᐱᓇᓱᑦᑎᑖᖃᑦᑕᓂᒃᑯᑦ ᐊᒻᒪᓗ ᐱᑦᓴᑕᖃᕐᕕᓂᒃ ᐊᐅᓚᑦᓯᓂᒃᑯᑦ. ᑲᒪᒋᔭᖃᕐᓱᓂ ᓇᐅᑦᓯᑐᕐᓂᒥᒃ ᐊᒻᒪᓗ ᐊᑕᐅᑦᓯᑰᕐᑎᓯᓂᕐᒥᒃ ᐊᐅᓚᑦᓯᓂᓕᕆᓂᕐᒥᒃ ᐱᓇᓱᐊᕐᑕᐅᔪᓂᒃ ᐃᓚᐅᑎᓪᓗᒋᑦ ᐃᓕᓐᓂᐊᕕᐅᑉ ᐃᓂᓪᓚᖓᐅᓯᖓ, ᐱᓇᓱᑦᑎᑖᕐᓂᖅ ᐊᒻᒪᓗ ᐱᓇᓱᑦᑎᓄᑦ ᐊᑐᕐᑐᓂᒃ ᐊᐅᓚᑦᓯᓂᖅ.

ᐃᓘᓐᓈᒍᑦ, ᑖᓐᓇ ᐃᓂᒃ ᐃᓚᒋᔭᓕᒃ ᐅᑯᓂᖓ ᑲᒪᒋᔭᑦᓴᓂᑦ:

·       ᑐᑭᒧᐊᕐᑎᓯᓂᖅ ᑐᓂᐅᕐᙯᓂᕐᒥᒃ ᑰᑦᔪᐊᒥ ᐃᓪᓗᓕᓴᖃᕐᑎᓯᓂᒃᑯᑦ ᐃᓚᒋᓗᒋᑦ ᑲᒪᔨᒻᒪᕇᑦ

·       ᓄᑕᐅᓯᓕᒋᐊᖃᑦᑕᓗᒋᑦ ᐅᑎᕐᕕᒋᖃᑦᑕᓗᒋᓗ ᐊᖓᔪᕐᖄᒧᑦ ᐅᖃᓕᒪᖃᑦᑕᐅᑎᒍᑎᕕᓃᑦ.

·       ᐊᐅᓚᓗᒋᑦ ᐱᓇᓱᕝᕕᖏᑦ ᑰᑦᔪᐊᑉ ᐊᓪᓚᕕᖓᓂᒃ.

·       ᐸᕐᓇᓀᓂᖃᑦᑕᓗᓂ ᑲᑎᒪᓂᑦᓴᐅᔪᓂᒃ ᐊᒻᒪᓗ ᑲᑎᒪᐅᑎᓂᒃ ᑲᒪᖃᑦᑕᓗᓂ.

·       ᐃᑲᔪᖃᑦᑕᓗᒋᑦ ᐊᑐᐃᓐᓇᕈᕐᑎᑕᐅᓂᖏᑦ ᐱᐅᓯᕐᓱᓂᒃᑯᑦ ᐅᓪᓗᖃᕐᑎᑕᐅᓲᖑᓂᖏᑦ ᑐᓴᕐᑎᓯᐅᑏᑦ.

·       ᐃᑲᔪᕐᑎᒋᓗᒍ ᑐᑭᒧᐊᑦᑎᓯᔨᖓ ᑲᒪᔨᒻᒪᕆᐅᔪᓂᒃ ᑲᒪᑎᓪᓗᒍ ᐱᒋᐅᕐᓭᓂᕐᒨᓕᖓᔪᐃᑦ ᑭᖕᖒᒪᓇᕐᓂᖏᓐᓂᒃ.

·       ᐊᕐᕕᑕᖃᑦᑕᓗᓂ ᓄᓇᓕᓐᓄᑦ ᐃᑲᔪᕆᐊᕐᑐᓗᒋᑦ ᐃᒻᒥᒍᑦ ᓴᐳᑎᔭᐅᒍᑎᐅᒋᐊᓖ.

·       ᐃᓚᐅᖃᑦᑕᓗᓂ ᐊᑐᓕᕐᑎᓯᓂᕐᒥᒃ ᒪᓕᒐᕐᓂᒃ ᐊᒻᒪᓗ ᖃᓄᐃᓘᕐᑕᐅᒍᓯᕐᓂᒃ ᐃᓕᖓᔪᓂᒃ ᑎᓕᔭᐅᒪᒍᑎᒋᔭᕐᒥᓄᑦ.

·       ᑐᓴᐅᒪᖃᑎᒋᓗᒋᑦ ᐳᕐᑐᓂᕐᓭᑦ ᐊᒻᒪᓗ ᐊᖓᔪᕐᖄᑦ ᐊᐅᓚᑦᓯᓂᓕᕆᓂᐅᑉ ᐃᑲᔪᕐᑎᖏᑦ ᑲᒪᒋᔭᖃᕐᓂᒧᑦ ᑐᑦᓯᕋᐅᑎᓕᐊᖑᓯᒪᔪᓂᒃ ᐊᐱᕐᕆᐅᑎᐅᓯᒪᔪᕐᓂᓗ ᐊᖓᔪᕐᖄᕆᔭᐅᔪᓄᑦ.

·       ᐃᓚᐅᓗᓂ ᐱᓇᓱᑦᑎᓴᕐᓯᐅᓂᕐᒧᑦ ᐱᑦᔪᔨᕕᒻᒥᒃ.

·       ᑐᑭᒧᐊᑦᑎᓗᒋᑦ, ᐃᓕᓴᖃᑦᑕᓗᒋᑦ, ᐊᒻᒪᓗ ᑲᒪᒋᓗᒋᑦ ᐱᓇᓱᑦᑏᑦ ᐊᖓᔪᕐᖃᐅᕕᒋᔭᖏᑦ.

·       ᐊᓯᖏᓂᓪᓗ ᐱᓇᓱᐊᖁᔭᐅᓗᓂ ᐱᓇᓱᒐᑦᓴᓂᒃ ᐱᓇᓱᑦᑕᐅᖁᔭᐅᔪᓂᒃ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

·       ᐊᓪᓕᒥᒃ ᐱᔪᓐᓇᐅᑎᑖᕐᓯᒪᓗᓂ ᐊᑐᕐᓂᖃᕈᓐᓇᑐᒥᒃ ᐃᓕᓐᓂᐊᒐᕐᓂᑦ ᐃᓕᑕᕆᔭᐅᒍᑎᑖᕆᔭᐅᓲᒥᒃ ᐱᖓᓱᓂᒃ-ᐊᕐᕌᒍᓂᒃ ᐃᑭᓐᓂᓴᐅᖕᖏᑐᓂᒃ ᐃᓕᓐᓂᐊᕕᕐᔪᐊᒥ ᐅᕝᕙᓘᓐᓃᑦ ᐱᓇᓱᒐᖃᕐᓗᓂ ᐳᕐᑐᓂᕐᓴᒥ ᑲᒪᔨᐅᓂᕐᒥᓘᓐᓃᑦ ᐱᓇᓱᒐᕐᒥᒃ;

·       ᑕᓪᓕᒪᓂᒃ (5) ᐊᕐᕌᒍᓂᒃ ᐊᑐᕐᓂᖃᕈᓐᓇᑐᓂᒃ ᐱᓇᓱᓚᐅᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·       ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐅᖃᐅᓰᓐᓂᒃ ᐱᖓᓱᓂᑦ ᐅᖃᐅᓯᕆᔭᐅᔪᓂᑦ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᖃᓪᓗᓈᑎᑐᑦ ᐊᒻᒪᓗ ᒍᐃᒍᐃᑎᑐᑦ).

·       ᐃᑭᓐᓂᐸᐅᑎᓪᓗᒋᑦ ᐱᖓᓱᐃᑦ (3) ᐊᕐᕌᒍᐃᑦ ᓄᓇᖃᕐᖄᓯᒪᔪᑦ ᐃᓕᓐᓂᐊᓂᓕᕆᓂᕐᒥᒃ ᐋᕐᕿᓱᕐᓯᒪᐅᑎᖓᓂᒃ ᐃᓚᒋᔭᐅᓯᒪᓂᖓ; ᐃᓕᓴᕐᓂᓕᕆᓂᑦᑎᓂᐅᑦᓴᓚᐅᕐᐸᑦ.

·       ᑐᑭᓯᒪᒍᓂ ᓵᑉᑕ 17-ᒥᑦ ᔦᒥᓯ ᐯ ᐊᒻᒪᓗ ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓᓃᑦᑐᒥᒃ ᐱᐅᒋᔭᐅᒐᔭᕐᑐᖅ.

·       ᓲᖑᔪᑦᓯᐊᖑᓗᓂ ᓯᕿᕐᖑᔭᒥᒃ ᒪᓕᑦᓯᐊᒍᓐᓇᓂᕐᒥᒃ ᐊᒻᒪᓗ ᐃᓂᓪᓚᖓᓂᕐᒥᒃ ᐱᒍᓐᓇᓂᖃᑦᓯᐊᓗᓂ.

·       ᐃᓅᖃᑕᐅᑦᓯᐊᕈᓐᓇᓂᕐᒥᓗ ᐱᒍᓐᓇᓂᖃᑦᓯᐊᒪᕆᓪᓗᓂ.

·       ᐊᖁᕈᓐᓇᐅᑎᖃᒍᓂ ᐃᑲᔪᕐᓯᓗᖓᖕᖑᐊᒥᔪᖅ

ᐱᓇᓱᒐᖓᑕ ᑌᔭᐅᓂᖓ / ᑮᓇᐅᑦᔭᓵᖏᑦ / ᐃᓱᕐᕉᑎᑦᓴᖏᓪᓗ:

ᐳᕐᑐᓂᖓ 00-08* ᒪᓕᑦᓱᒋᑦ ᐱᓇᓱᒐᖏᑦᑕ ᖃᓄᐃᓕᖓᓂᖏᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ ᑲᒪᔨᓄᑦ:  ᐱᒋᐊᕐᑐᑦ $104,152-ᓂᑦ ᑎᑭᐅᑎᒍᓐᓇᑐᑦ $138,867 ᐃᑉᐱᒋᑦᓱᒋᑦ ᐱᔪᓐᓇᐅᑎᖏᑦ ᐱᓇᓱᓚᐅᕐᓯᒪᓂᖏᓪᓗ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᖃᐅᔨᑎᑦᓯᓛᕐᑐᒍᑦ ᐱᓇᓱᒐᕐᑖᕋᓱᐊᕐᑐᓂᒃ ᐱᒍᓐᓇᐅᔪᕆᔭᑦᑎᓂᒃ.