ᐊᑕᐅᑦᓯᑰᕐᑎᓯᔨ – ᐃᓅᖃᑎᒌᓐᓂᒧᑦ-ᐃᕐᖃᑐᐃᕕᓕᕆᓃᑦ - KRG

ᐱᓇᓱᒐᑦᓴᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑲᕙᒫᐱᓐᓂᒃ ᐳᕐᑐᓂᕐᓴᐅᓱᓂ ᑎᒥᐅᔪᖅ ᐱᔪᓐᓇᐅᑎᖃᕐᕕᖃᕐᓱᓂ ᓄᓇᒥᒃ ᑯᐯᒃᒥ 55 ᐃᑳᖓᔫᑉ ᑕᕐᕋᖓᓃᑦᑐᒥᒃ. ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᖁᔭᓕᕆᓂᕐᒥᒃ, ᐃᓅᖃᑎᒌᓐᓂᒧᑦ-ᐃᕐᖃᑐᐃᕕᓕᕆᓂᕐᒥᒃ ᐊᒻᒪᓗ ᑲᕙᒫᐱᓕᕆᓂᕐᒥᒃ ᐊᐅᓚᓯᕕᖓᑕ ᐱᓇᓱᕝᕕᖓ ᒫᓐᓇᐅᑎᓪᓗᒍ ᕿᓂᕐᑐᖅ ᐱᓇᓱᑦᑎᓴᒥᒃ ᐱᓇᓱᒐᔭᕐᑐᒥᒃ ᐃᒣᓘᕐᑎᐅᒐᔭᕐᑎᓗᒍ:

ᐊᑕᐅᑦᓯᑰᕐᑎᓯᔨ – ᐃᓅᖃᑎᒌᓐᓂᒧᑦ-ᐃᕐᖃᑐᐃᕕᓕᕆᓃᑦ

(ᐊᑌᓐᓇᑐᖅ ᐅᓪᓗᓕᒫᕐᑎ ᐱᓇᓱᒐᖅ)

ᐊᖓᔪᕐᖄᖃᕐᓗᓂ ᑐᑭᒧᐊᑦᑎᓯᔨᖓᓂᒃ ᐱᒍᑦᔨᕕᐅᑉ, ᐊᑕᐅᑦᓯᑰᕐᑎᓯᔨᖓ–ᐃᓅᖃᑎᒌᓐᓂᒧᑦ-ᐃᕐᖃᑐᐃᕕᓕᕆᓃᑦ, ᑲᒪᒋᔭᑦᓴᔭᓕᒃ ᐸᕐᓀᓂᕐᒥᒃ, ᐋᕐᕿᓱᐃᓂᕐᒥᒃ, ᑲᒪᒋᔭᖃᕐᓂᒥᒃ, ᐊᑕᐅᑦᓯᑰᕐᑎᓯᓂᕐᒥᒃ, ᐊᒻᒪᓗ ᐊᓪᓚᖃᑦᑕᓂᕐᒥᒃ ᐱᓇᓱᐊᕐᓂᖏᓐᓂᒃ ᓴᐳᒻᒥᔩᑦ (ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᕕᒃ [CAVAC] ᓄᓇᕕᒻᒥ) ᐊᒻᒪᓗ ᐃᓄᐃᑦ ᓄᓇᓕᒻᒥᐅᖑᒋᐊᓪᓚᕋᓱᐊᕐᑎᑕᐅᓂᖓᓂᒃ ᐱᓇᓱᐊᕐᑏᑦ.

ᐱᔭᑦᓴᖏᑦ

• ᓴᐳᑦᔨᔨᐅᓗᓂ, ᑕᓯᐅᕐᓯᔨᐅᓗᓂ, ᐊᒻᒪᓗ ᑲᒪᔨᐅᓗᓂ ᐱᑕᖃᕐᑎᑕᐅᓂᖓᓂᒃ ᐱᒍᑦᔨᓂᓕᕆᓃᑦ ᐊᒻᒪᓗ ᐱᓇᓱᐊᕐᓂᖏᓐᓂᒃ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑏᑦ;

• ᑲᒪᔨᐅᓗᓂ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑎᓂᒃ ᐱᓇᓱᒋᐊᕐᑐᖃᑦᑕᓂᖏᓐᓂᒃ, ᐊᖏᖃᑦᑕᓗᓂ ᑫᕙᓪᓚᒍᓯᓕᐊᓂᒃ ᑕᑕᕐᓴᒐᕐᒥᒃ, ᓇᐅᑦᓯᑐᐃᔨᐅᓗᓂ ᐱᒍᑦᔨᓂᕐᓂᒃ, ᐱᓇᓱᐊᕐᓂᓂᒃ, ᐊᓯᖏᓐᓂᓗ;

• ᑲᑎᓯᖃᑦᑕᓗᓂ ᐊᑕᐅᓯᐅᓈᕐᑎᑎᓪᓗᒋᑦ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑎᓂᒃ ᓴᐳᑦᔨᓗᒋᑦ ᐱᓇᓱᒐᖏᓐᓂ;

• ᓴᐳᑦᔨᔨᐅᓗᓂ ᐊᒻᒪᓗ ᐊᔭᐅᕆᔨᐅᓗᓂ ᐱᓇᓱᖃᑎᒌᑦᑐᓂᒃ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑎᓂᒃ ᐱᒍᓐᓇᑐᓪᓚᕆᖕᖑᕋᓱᐊᕐᑎᓗᒋᑦ ᐱᒍᓐᓇᐅᑎᖃᕐᓗᑎᒃ, ᐱᓗᐊᕐᑐᒥᒃ ᓯᕗᓕᕐᓂᑯᑦ ᐱᓇᓱᐊᕈᓰᒃ ᒪᕐᕈᑕᒫᑦ ᑲᑎᒪᓂᐊᕈᓯᕐᓂᒃ;

• ᑕᓯᐅᕐᓯᔨᐅᓗᓂ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑎᓂᒃ ᐱᑦᔪᑎᒋᓗᒋᑦ ᐊᑦᔨᒌᖕᖏᑐᑦ ᐊᑭᓕᕐᑕᐅᒍᑎᓂᒃ ᐱᓇᓱᐊᕐᓃᑦ, ᐱᓗᐊᕐᑐᒥᒃ ᐊᑭᓕᕐᑕᐅᓂᖏᑦ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᑦ (IVAC);

• ᐃᑲᔪᕐᑎᐅᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᐋᕐᕿᓱᐃᑎᓪᓗᒍ ᐃᓕᓐᓂᐊᓂᕐᓂᒃ, ᐱᓗᐊᕐᑐᒥᒃ ᐃᒣᒋᐊᖁᔨᓂᒃᑯᑦ ᑕᒪᑦᓱᒧᖓᓕᖓᔪᓄᑦ ᐃᓕᓐᓂᐊᓂᕐᓂᒃ ᑐᖕᖓᕕᓕᓐᓂᒃ ᓇᓗᓀᕐᑕᐅᓯᒪᔪᓂᒃ ᑭᖕᖒᒪᒋᔭᐅᔪᓂᒃ;

• ᐃᑲᔪᕐᑎᐅᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᓴᓇᒻᒪᓕᐅᕐᑕᐅᓂᖏᓐᓂ ᓴᓇᕐᕈᑏᑦ, ᐱᐅᓯᑦᓴᓕᐊᕆᔭᐅᒪᔪᑦ, ᑕᓯᐅᕐᓯᒍᑏᑦ, ᐊᒻᒪᓗ ᖃᐅᔨᒋᐊᕐᕖᑦ ᐊᓪᓚᖁᑏᑦ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑎᓄᑦ;

• ᐃᓚᐅᖃᑕᐅᖃᑦᑕᓗᓂ ᐋᕐᕿᓱᐃᓂᕐᒥ ᐊᐅᓚᑦᓯᒍᓯᑦᓯᐊᓂᒃ ᐊᑯᓐᓂᖁᑦᓯᐅᑎᓂᕐᒥᒃ ᐱᒍᑦᔨᓂᕐᓄᑦ;

• ᑫᓪᓗᑐᕐᓗᒋᑦ ᐊᑕᐅᑦᓯᑰᕐᑎᑕᐅᓂᖏᑦ ᐱᓇᓱᐊᕐᓃᑦ ᐱᓇᓱᖃᑎᒌᑦᑐᓂ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑎᓂ;

• ᐊᑕᐅᑦᓯᑰᑎᓯᔨᐅᓗᓂ ᐊᕐᕕᑕᕐᓂᖏᑦᑕ ᐋᕐᕿᓱᕐᑕᐅᓂᖏᓐᓂᒃ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑏᑦ ᐊᕐᕕᑕᕐᑐᑦ ᐃᕐᖃᑐᐃᔩᑦ ᐊᕐᕕᑕᓕᕐᐸᑕ ᐃᕐᖃᑐᐃᒋᐊᕐᑐᓗᑎᒃ;

• ᐳᓛᕆᐊᖃᑦᑕᓗᓂ ᑕᓪᓕᒪᓄᑦ ᐊᑦᔨᒌᖕᖏᑐᓄᑦ ᐱᒍᑦᔨᕕᐅᔪᓄᑦ ᓄᓇᓕᓐᓂ ᐱᖓᓱᕕᑦᓴᓚᐅᕈᓂ ᐊᕐᕌᒍᑕᒫᑦ;

• ᐃᓚᐅᖃᑦᑕᓗᓂ ᑐᓴᐅᒪᑎᑦᓯᒐᓱᐊᕐᓂᒧᑦ ᐱᓇᓱᐊᕐᓂᓂ ᐱᓇᓱᖃᑎᒋᓗᒋᑦ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓂᒃ ᐃᑲᔪᕐᑏᑦ;

• ᐃᓇᖐᒪᖃᑦᑕᓗᓂ ᑐᑭᒧᐊᑦᑎᓯᔨᐅᑉ ᐃᑲᔪᕐᑎᖓᓂᒃ ᑌᑲᓃᖕᖏᐸᑦ;

• ᐱᓇᓱᐊᖃᑦᑕᓗᓂ ᓱᓇᑐᐃᓐᓇᓂᒃ ᐊᓯᖏᓐᓂᒃ ᐱᔭᑦᓴᓂᒃ ᑎᓕᔭᐅᒍᓂ.

ᑭᖕᖒᒪᒋᔭᖏᑦ

• ᐃᓕᓐᓂᐊᕕᕐᔪᐊᒥ ᐱᔭᕇᕈᑎ ᐃᓕᓐᓂᐊᓂᕐᒧᑦ ᐃᓄᓕᕆᓂᕐᒥᒃ, ᐱᕋᔭᕐᓂᒥᒃ ᐊᒻᒪᓗ ᐱᕋᔭᕐᑏᑦ ᐱᐅᓯᖏᓐᓂᒃ, ᐃᓱᒪᓕᕆᓂᕐᒥᒃ, ᐃᓄᐃᑦ ᐃᑦᓯᒎᕐᓂᑯᑦ ᐱᐅᓯᖏᓐᓂᒃ, ᐃᓱᒪᓕᕆᓂᕐᒥᒃ ᑐᑭᓯᒪᑎᑦᓯᒐᓱᐊᕐᓂᒥᒃ, ᐅᕝᕙᓘᓐᓃᑦ ᑕᒪᒃᑯᓄᖓᓕᖓᔪᓂᒃ ᐃᓕᓐᓂᐊᒐᕐᓂᒃ ᐳᕐᑐᓂᕐᓴᒋᐊᓪᓚᒥ, ᐊᒻᒪᓗ ᐃᓚᐅᔫᓂᖓ ᒪᓕᑦᓯᐊᓗᓂ ᒪᓕᑦᑕᐅᒋᐊᓕᓐᓂᒃ ᐃᓚᐅᔫᕕᖏᓐᓂ ᐱᒍᓐᓇᐅᑎᓖᑦ ᑲᑐᑦᔨᖃᑎᒌᓐᓂᖓᓂ;

• ᐃᑭᓐᓂᐸᐅᑎᓪᓗᒋᑦ ᐱᖓᓱᓂᒃ ᐱᒍᓐᓇᐅᑎᓕᐅᓗᓂ ᐱᓇᓱᑦᓯᒪᓗᓂ ᐊᑯᓐᓂᖁᑦᓯᐅᑎᓂᕐᒨᓕᖓᔪᓂᒃ ᐱᕋᔭᕐᓂᑯᑦ ᐱᓂᕐᓗᑕᐅᒪᔪᓕᕆᓂᕐᒥ ᐊᒻᒪᓗ/ᐅᕝᕙᓘᓐᓃᑦ ᑎᒍᔭᐅᒪᕕᓕᕆᓂᕐᒥ ᐊᒻᒪᓗ /ᐅᕝᕙᓘᓐᓃᑦ ᐃᕐᖃᑐᐃᕕᓕᕆᓂᕐᒥ ᐊᒻᒪᓗ/ᐅᕝᕙᓘᓐᓃᑦ ᐱᓇᓱᐊᕐᓂᓂ ᐃᑲᔪᕐᓂᒥᒃ ᐱᓂᕐᓗᑕᐅᒪᔪᓂᒃ ᐊᒻᒪᓗ ᑕᑯᓐᓇᑐᕕᓂᕐᓂᒃ ᐱᕋᔭᕐᓂᐅᔪᓂᒃ;

• ᐱᒍᓐᓇᐅᑎᖃᕐᓗᓂ ᐱᓇᓱᑦᓯᒪᓗᓂ ᖁᐊᕐᓵᓇᕐᑐᑰᕐᑐᕕᓂᕐᓂᒃ ᐊᑯᓐᓂᖁᑦᓯᐅᑎᔨᐅᓂᕐᒥᒃ;

• ᐱᓇᓱᑦᓯᒪᓗᓂ ᐃᓗᓯᓕᕆᓂᕐᒥ ᓴᐳᑦᔨᔨᐅᓂᕐᒥᒃ ᐊᒻᒪᓗ/ᐅᕝᕙᓘᓐᓃᑦ ᐊᐅᓚᑦᓯᔨᐅᓯᒪᓗᓂ ᐃᑲᔪᕐᓯᒐᔭᕐᑐᖅ;

• ᐅᓇᒻᒥᓱᑦᓯᐊᓗᓂ ᐃᓄᒻᒪᕇᑦ ᐃᓕᓐᓂᐊᑎᑕᐅᓂᖓᓂᒃ ᐊᒻᒪᓗ ᑲᔪᓯᑎᑦᓯᓂᕐᒥᒃ ᐃᓕᓐᓂᐊᓂᕐᓂᒃ, ᑲᑎᒪᓂᐊᕈᓯᕐᓂᒃ, ᐊᓯᖏᓐᓂᓗ;

• ᑐᑭᓯᓇᑦᓯᐊᑐᒥᒃ, ᓴᓇᑐᔪᒥᒃ ᑕᓯᐅᕐᓯᒍᓐᓇᓗᓂ;

• ᐱᓀᓗᑕᓂᒃ ᐋᕐᖀᒍᓐᓇᓯᐊᓪᓚᕆᓪᓗᓂ, ᑐᑭᑖᑦᓯᐊᕈᓐᓇᓗᓂ, ᑐᓴᐅᒪᖃᑎᒌᑦᓯᐊᕈᓐᓇᓗᓂ, ᐊᒻᒪᓗ ᐊᐅᓚᑦᔮᕆᒍᓐᓇᓯᐊᕐᓗᓂ;

• ᐱᓇᓱᑦᓯᒪᓗᓂ ᐊᑐᐃᓐᓇᕈᕐᑏᓂᕐᒥᒃ ᐊᑦᔨᒌᖕᖏᑐᓂᒃ ᑐᓴᕐᑎᓯᒍᑎᓂᒃ (ᐱᓇᓱᐊᕐᓃᑦ, ᐊᕐᕌᒍᑕᒫᕐᓯᐅᑏᑦ, ᐊᓯᖏᓪᓗ);

• ᐅᖄᒍᓐᓇᓗᓂ ᐊᒻᒪᓗ ᐊᓪᓚᒍᓐᓇᓗᓂ ᒪᕐᕉᓂᒃ ᐅᑯᓇᖕᖓᑦ ᐅᖃᐅᓯᕐᓂᑦ ᐊᑐᕐᓗᓂ: ᐃᓄᑦᑎᑐᑦ, ᖃᓪᓗᓈᑎᑐᑦ, ᐊᒻᒪᓗ ᐅᐃᒍᐃᑎᑐᑦ;

• ᐱᓇᓱᒍᓐᓇᓗᓂ ᐅᐃᒪᓵᕐᑕᐅᓗᓂ ᐊᒻᒪᓗ ᓲᓱᑦᓴᓯᐊᕐᓗᓂ ᐃᓱᓕᕝᕕᓂᒃ;

• ᐊᕐᕕᑕᕈᒪᓂᖃᕐᓗᓂ ᐊᑯᓓᑦᑐᒥᒃ ᓄᓇᕕᒻᒥ ᐊᒻᒪᓗ ᓯᓚᑖᓂ;

• ᓇᓗᓀᕐᑕᐅᒪᓗᓂ ᐃᓗᕐᖁᓯᕐᒥᒃ ᐃᑉᐱᒍᓱᑦᓯᐊᓂᖓᓂᒃ ᐊᒻᒪᓗ ᐅᒃᑯᐃᖔᑦᓯᐊᓂᕐᒥᒃ ᐃᓄᑐᐃᓐᓀᑦ ᐃᓗᕐᖁᓯᖓᓄᑦ;

• ᐱᓇᓱᑦᓯᒪᓗᓂ ᐃᓗᕐᖁᓯᖃᑎᒌᖕᖏᑐᑦ ᐱᓇᓱᕝᕕᖓᓂ, ᐱᓗᐊᕐᑐᒥᒃ ᓄᓇᖃᕐᖄᓯᒪᔪᑦ ᓄᓇᓕᖏᓐᓂ, ᐃᑲᔪᕐᓯᓚᖓᔪᖅ;

• ᐱᓇᓱᒍᑎᖃᕈᓐᓇᓯᐊᕐᓗᓂ Microsoft Office-ᒥᒃ ᐊᒻᒪᓗ ᐊᓯᖏᓐᓂᒃ ᑕᒪᑦᓱᒧᖓᓕᖓᔪᓂᒃ ᖃᕆᑕᐅᔭᕈᑎᓂᒃ.

ᓇᓃᓐᓂᖓ: ᑰᑦᔪᐊᖅ

ᑮᓇᐅᑦᔭᓵᖏᑦ: ᐃᑭᓐᓂᐸᐅᑎᓪᓗᒋᑦ $90,808 ᐊᒻᒪᓗ ᐅᓄᕐᓂᐸᐅᑎᓪᓗᒋᑦ $124,862 ᐊᕐᕌᒍᑕᒫᑦ (ᖁᑦᓯᓂᖓ 86)

ᐱᕙᓪᓕᖁᑎᖏᑦ: ᐊᑭᑐᔪᕐᒥᐅᖑᓂᕐᒧᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐸᐅᑎᓗᒋᑦ: $8,500 ᐊᕐᕌᒍᑕᒫᑦ;

ᓂᕿᓄᑦ ᐃᑲᔪᕐᓯᔭᐅᒍᑏᑦ: ᐃᑭᓐᓂᐸᐅᑎᓗᒋᑦ $4,216 ᐊᕐᕌᒍᑕᒫᑦ;

ᐊᕐᕌᒍᑕᒫᑦ ᖃᖓᑦᑕᐅᑎᖃᕐᑎᑕᐅᓂᖅ: ᐊᒥᓲᓂᕐᐸᐅᑎᓪᓗᒋᑦ 3 ᐊᑐᓂᑦ ᐃᓄᒃ ᐊᕐᕌᒍᑕᒫᑦ;

ᐅᑭᐅᖏᑦ ᓈᒻᒪᓯᑉᐸᑕ ᐱᓇᓱᒍᓐᓀᓂᕐᒧᑦ ᐸᕐᓇᓯᒪᐅᑎ;

ᐱᓇᓱᖃᑎᒌᑦᑐᑦ ᐃᒻᒪᖃᐅᑎᖏᑦ;

ᑕᙯᕐᓯᓀᑦ: 30 ᐅᓪᓗᐃᑦ ᐊᕐᕌᒍᑕᒫᑦ;

ᓇᐅᓕᒫᓅᓕᖓᔪᑦ ᕿᑲᕐᓀᑦ: 20 ᐅᓪᓗᐃᑦ, ᐃᓚᐅᑎᓪᓗᒋᑦ 10 ᖁᕕᐊᓱᕝᕕᒥ.

ᐱᓇᓱᐊᕈᒪᐅᑎᑎᑦ ᑐᔫᑎᒋᓗᒋᑦ 5:00-ᖕᖑᓚᕐᑎᓇᒍ ᐅᓐᓄᓴᒃᑯᑦ, ᐊᐅᒡᒍᓯ 19, 2025-ᒥ ᐅᕗᖓ:

Human resources:

Kativik Regional Government

P.O. Box 9

Kuujjuaq QC J0M 1C0

ᖃᕆᑕᐅᔭᒃᑯᑦ ᐊᓪᓚᑖᕐᕕᖓ: humanresources@krg.ca

ᓱᑲᑦᑐᑰᕈᑎᖓ: 819-964-2975

ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᓇᓪᓕᖁᐊᕇᑦᑐᒥᒃ ᐱᕕᖃᕐᑎᓯᓲᖑᕗᖅ ᐱᓇᓱᑦᑎᓂᒃ. ᒪᓕᑦᓱᒍ ᑕᒪᓐᓇ ᐊᒻᒪᓗ ᔦᒥᓯ ᐯ ᐊᒻᒪᓗ

ᑯᐯᒃ ᑕᕐᕋᖓᑕ ᐊᖏᖃᑎᒌᒍᑎᖓ, ᖃᓄᐃᓕᖓᐅᓯᖏᑦ ᐊᑦᔨᐅᖏᑦᑑᑐᐃᓐᓇᕆᐊᓖᑦ ᖁᕝᕙᑎᑕᐅᒋᐊᕐᓂᖏᓐᓄᑦ

ᐱᓇᓱᒐᕐᑖᑎᑕᐅᒐᓱᐊᕐᓂᖏᑦ ᐃᓄᐃᑦ.

ᑌᒃᑯᐊ ᑎᒃᑯᐊᑕᐅᔪᑦ ᐊᐱᕆᔭᐅᓂᕐᒧᑦ ᑭᓯᐊᓂ ᖃᐅᔨᑎᑕᐅᓛᕐᑐᑦ.