ᐅᕕᒃᑲᓂᒃ ᐱᓇᓱᒐᕐᒧᐊᓕᖓᔪᓄᑦ ᑭᒡᒐᑐᕈᑎᓕᒃ ᐱᓇᓱᑦᑎ - KRG

ᐱᓇᓱᒐᑦᓴᖅ ᐊᑐᐃᓐᓇᖅ

ᑲᑎᕕᒃ ᓄᓇᓕᓕᒫᑦ ᑲᕙᒪᖓ (KRG) ᑲᕙᒫᐱᓕᕆᓂᕐᒥᒃ ᐱᓇᓱᒐᖃᕐᒪᑦ ᑎᒥᐅᔪᓂᒃ ᓄᓇᒥ ᑲᒪᒋᔭᖃᕐᓱᓂ ᑯᐯᑉ ᑕᕐᕋᖓᓂ 55 ᖁᓛᓂ ᑎᑎᖅᓯᒪᔪᒥ , ᕿᓂᓕᕆᕗᖅ ᕿᑦᑌᖓᔪᒥᒃ ᐃᒻᒥᓂᕐᓱᕈᓐᓇᓯᐊᕐᑐᒥᒃ ᐃᓚᒋᓕᐅᑎᒍᒪᔪᒥᓂᒃ ᑫᐋᔩᑉ ᐱᓇᓱᑦᑎᖏᓐᓄᑦ ᐃᒣᑦᑑᓗᓂ:

ᐅᕕᒃᑲᓂᒃ ᐱᓇᓱᒐᕐᒧᐊᓕᖓᔪᓄᑦ ᑭᒡᒐᑐᕈᑎᓕᒃ ᐱᓇᓱᑦᑎ

(ᐃᓕᒣᓐᓇᓚᖓᔪᖅ, ᖃᐅᑕᒫᕐᓯᐅᑎᒃ)

ᐅᕕᒃᑲᓂᒃ ᐱᓇᓱᒐᑦᓴᓯᐅᕐᓂᓄᑦ ᓄᓇᕕᒻᒥ ᑭᒡᒐᑐᕈᑏᑦ (YES ᓄᓇᕕᒃ) ᐱᕙᓪᓖᒋᐊᕐᑎᐅᒪᑕ ᐃᓅᖃᑎᒌᓂ ᐱᓇᓱᑦᑎᒪᕆᐅᓂᕐᓂᓗ ᐃᓕᐅᕐᖃᔭᐅᑎᑦᓯᒋᐊᕐᓂᒥᒃ ᐅᕕᒃᑲᓂᒃ ᐅᑭᐅᓕᓐᓂᒃ 15 ᐊᒻᒪᓗ 30 ᐊᑯᓐᓂᖓᓂ. ᑲᔪᓯᑎᑦᓯᔨ ᐱᓇᓱᐊᕈᑎᖃᕆᐊᓕᒃ ᐃᓘᓐᓀᓂᒃ YES ᐱᓇᓱᒐᖏᓐᓂᒃ. ᐊᖓᔪᕐᖄᖃᕐᓗᓂ ᐱᓇᑕᓱᒉᑦ ᑲᒪᔨᒻᒪᕆᖓᓂᒃ, ᑲᔪᓯᑎᑦᔨ ᐃᒣᑦᑑᒐᔭᕐᑐᖅ:

• ᓄᓇᓕᓕᒫᓂ YES-ᒥᒃ ᐱᕙᓪᓕᐊᑎᑦᓯᒋᐊᕐᑎᐅᓗᓂ;

• ᑭᒡᒐᑐᕆᐊᕐᑐᓯᒪᕙᓪᓗᓂ YES ᓄᓇᕕᒻᒥ ᐊᑦᔨᒌᖕᖏᑐᓂ ᑲᑎᒪᓂᕐᓂ ᑲᑎᒪᓂᒻᒪᕆᓐᓂᓗ ᒋᐊᖃᓕᕈᓂ;

• ᐊᑑᑎᔪᑦᓴᓂᒃ ᐸᕐᓀᓂᔨᐅᓗᓂ, ᑕᐅᕐᓰᖃᑦᑕᐅᑎᓂᕐᓂᓗ, ᐊᒻᒪᓗ ᑲᑎᒪᓂᕐᓂᒃ ᒋᐊᖃᓕᕈᓂ;

• ᑐᓴᐅᒪᖃᑎᖃᕐᑎᓯᒋᐊᕐᑎᐅᓗᓂ ᐊᑦᔨᒌᖕᖏᑐᓂᒃ ᓄᓇᕕᒻᒥ ᑎᒥᓂᒃ ᐊᒻᒪᓗ ᐱᓇᓱᐊᖃᑎᒌᓐᓂᓂᒃ ᓄᐃᑎᕆᒋᐊᕐᑎᐅᓗᓂ;

• ᐱᓇᓱᐊᖃᑎᒋᓗᒍ ᑫᐋᔩ ᑲᔪᓯᖏᓐᓇᓚᖓᔪᓂᒃ ᐱᓇᓱᒐᑦᓴᖃᕐᑎᓯᓂᕐᓄᑦ ᐱᓇᓱᕝᕕᖓ ᐊᒻᒪᓗ ᐊᓯᖏᓐᓂᒃ ᑎᒥᓂᒃ ᓄᐃᑎᕆᕙᓪᓗᓂ ᐃᖏᕐᕋᓯᑎᓗᒋᓪᓗ ᐊᑦᔨᒌᖕᖏᑐᑦ ᐅᕕᒃᑲᓂᒃ ᐱᓇᓱᒐᑦᓴᑖᕐᑎᓯᒋᐊᕐᓂᓄᑦ ᐱᓇᓱᐊᕐᑕᐅᓚᖓᔪᑦ;

• ᓄᐃᑎᕆᔨᐅᓗᓄᓂ ᓄᑖᓂᒃ ᑲᒪᒍᓯᐅᓚᖓᔪᓂᒃ ᐅᕕᒃᑲᓂᒃ ᑭᒡᒐᑐᕈᑎᓂᒃ, ᐊᒻᒪᓗ ᖃᐅᔨᒪᑎᑦᓯᒋᐊᕐᐸᓗᓂ ᐃᓕᓴᕐᓂᒥᒃ ᓄᕐᙯᓇᕆᐊᖃᖕᖏᓂᐅᑉ ᐱᒻᒪᕆᐅᓂᖓᓂᒃ;

• ᐊᑐᐃᓐᓇᕈᕐᑎᐸᓪᓗᓂ, ᖃᐅᔨᓴᕐᐸᓗᓂ, ᐊᒻᒪᓗ ᐃᖏᕐᕋᓯᑎᑦᓯᕙᓪᓗᓂ ᐊᕐᕌᒍᑕᒫᕐᓯᐅᑎᓂᒃ ᐊᐅᓚᑦᔦᒋᐊᕐᓂᓄᑦ ᐸᕐᓀᒍᑎᓂᒃ ᐋᕐᕿᓱᕐᓯᒪᑦᓯᐊᑎᑦᓯᓂᕐᓂᒃ ᐱᑦᔪᑎᓕᓐᓂᒃ;

• ᐊᑐᐃᓐᓇᕈᕐᑎᐸᓪᓗᓂ ᐃᓕᓐᓂᐊᑎᑕᐅᓂᑦᓴᖏᓂᒃ YES ᐱᓇᓱᑦᑏᑦ;

• ᐃᑉᐱᒍᓱᑦᑎᐅᕙᓪᓗᓂ ᓄᓇᓕᓐᓂ YES ᐱᓇᓱᑦᑎᖏᓐᓂᒃ (ᐱᓇᓱᐊᕋᑦᓴᖏᓐᓂᒃ ᐊᒻᒪᓗ ᐱᓚᕿᓯᒪᔭᖏᓐᓂᒃ);

• ᐊᑐᐃᓐᓇᕈᕐᑎᕆᕙᓪᓗᓂ ᑐᓴᕐᑎᓯᐅᑎᓂᒃ ᐃᓚᐅᑎᓪᓗᒋᑦ ᐊᕐᕌᒍᑕᒫᕐᓯᐅᑏᑦ ᑐᓴᕐᑎᓯᐅᑏᑦ, ᐊᒻᒪᓗ ᓇᔪᕐᑎᙯᓐᓇᓗᓂ ᑭᒡᒐᑐᕐᑕᐅᔪᑦ ᑭᑎᑕᐅᓯᒪᐅᑎᖏᓐᓂᒃ;

• ᐊᐅᓚᑦᓯᔨᐅᓗᓂ YES ᐱᓇᓱᒐᐅᑉ ᐸᑦᔭᖏᓐᓂᒃ;

• ᐃᑉᐱᒍᓱᑦᓯᐊᖏᓐᓇᓗᓂ ᒪᓕᑦᑕᐅᓯᐊᕐᒪᖔᑕ ᐃᓕᒪᔪᑦ ᐱᓇᓱᒐᑦᓴᖃᕐᑎᓯᒋᐊᕐᓂᓄᑦ ᒪᓕᒐᕐᓄᑦ ᐊᒻᒪᓗ ᐋᕐᖀᒋᐊᕐᓯᒪᐅᑎᖏᓐᓂᒃ;

• ᐊᓯᖏᓐᓂᓗ ᑲᔪᓯᑎᑦᓯᖃᑦᑕᓗᓂ ᐱᓇᓱᑦᑕᐅᖁᔭᐅᔪᓂᒃ ᐊᖓᔪᕐᖄᒥᓄᑦ.

ᐃᓕᔪᖅ ᐃᒣᒋᐊᖃᓚᖓᔪᖅ:

• ᐱᓇᓱᐊᕆᐅᕐᓴᓗᓂ ᐊᓂᒍᐃᒍᑎᑖᕐᓯᒪᓗᓂ ᐃᓕᓴᕐᓂᒥᓂᒃ ᐊᐅᓚᑦᓯᔨᐅᓂᕐᓄᑦ, ᐃᓄᓕᕆᓂᕐᓄᑦ ᐅᕝᕙᓘᓐᓃᑦ ᐱᓇᓱᕝᕕᓕᕆᓂᕐᓄᑦ ᐅᕝᕙᓘᓐᓃᑦ ᐃᓅᖃᑎᒌᓐᓂᓕᕆᓂᕐᓄᑦ; ᐅᕝᕙᓘᓐᓃᑦ ᐱᓇᓱᐊᕆᐅᕐᓴᓗᓂ ᐊᓂᒍᐃᒍᑎᑖᕐᓯᒪᓗᓂ ᐃᓅᓕᕆᓄᕐᓄᐊᖓᔪᓂᒃ ᐅᕝᕙᓘᓐᓃᑦ ᐱᑦᔪᑎᓪᓚᕆᓕᓐᓂᒃ ᑕᒪᒃᑯᓂᖓ ᐃᓕᓴᕐᓯᒪᓗᓂ. ᐃᓱᒪᒋᔭᐅᒍᓇᓚᖓᒻᒥᔪᖅ ᑌᒣᑦᑐᓂᒃ ᐱᓇᓱᐊᓪᓚᕆᑦᓯᒪᒍᓂ;

• ᖃᐅᔨᒪᓗᓂ ᐅᕕᒃᑫᑦ ᐱᓇᓱᒐᑦᓴᖃᕐᑎᑕᐅᓂᖏᓐᓄᑦ ᑭᒡᒐᑐᕐᓂᓂᒃ ᓄᓇᕕᒻᒥ ᐊᒻᒪᓗ ᑲᒪᒋᔭᐅᒋᐊᓕᓐᓂᒃ;

• ᐊᓪᓚᒍᓐᓇᓗ ᐊᒻᒪᓗ ᐅᖄᒍᓐᓇᓗᓂ ᐱᓇᓱᐊᕈᑎᖃᕈᓐᓇᓗᓂ ᒪᕐᕈᐃᖏᓐᓂᒃ (2) ᐅᑯᐊ ᐅᖃᐅᓰᑦ: ᐃᓄᑦᑎᑐᑦ, ᖃᓪᓗᓈᕐᑎᑐᑦ ᐊᒻᒪᓗ ᐅᐃᒍᐃᑎᑐᑦ;

• ᐃᓕᓐᓇᖓᑎᑦᓯᓯᑎᐅᓗᓂ ᐊᒻᒪᓗ ᐃᒻᒥᓂᕐᓱᕈᓐᓇᓯᐊᕐᓗᓂ;

• ᖃᐅᔨᒪᑦᓯᐊᓗᓂ ᖃᕆᑕᐅᔭᒃᑯᑦ ᐱᓇᓱᐊᕈᑎᓂᒃ Microsoft Office.

• ᖃᕆᑕᐅᔭᓂᒃ ᐱᓇᓱᐊᕈᑎᖃᕈᓐᓇᓯᐊᕐᓗᓂ;

• ᐊᑐᐃᓐᓇᐅᒋᐊᓕᒃ ᐊᕐᕕᑕᑐᐃᓐᓇᕆᐊᖃᕐᓂᒧᑦ ᓄᓇᕕᒻᒥ ᐊᒻᒪᓗ ᐃᓪᓗᐊᕈᓯᕐᒥᐅᖃᑎᖃᕈᓐᓇᓯᐊᕐᓗᓂ ᑐᔪᕐᒥᐅᕕᓐᓂ.

ᐱᓇᓱᒐᐅᑉ ᓇᓃᓐᓂᖓ: ᑰᔾᔪᐊᒥ

ᑮᓇᐅᑦᔭᓵᖏᑦ: ᐃᑭᓐᓂᐹᖏᑦ: $82,245 - ᐅᓄᕐᓂÙᑦ $96,301 ᐊᕐᕌᖑᓕᒫᒥ

ᐊᓯᖏᑦ ᐱᕙᓪᓕᖁᑏᑦ: ᐃᓅᒐᓱᐊᕐᓂᕐᒧᑦ ᐃᑲᔪᕐᓯᐅᒋᐊᕈᑏᑦ: ᐃᑭᓐᓂᐹᖃᕐᓗᓂ $10,033/ᐊᕐᕌᒍᕐᒥ

ᓂᕿᑖᕐᓂᒃᑯᑦ ᐃᑲᔪᕐᓯᒋᐊᕈᑏᑦ: ᐃᑭᓐᓂᐹᖃᕐᓗᓂ $4,688

ᖃᖓᑦᑕᐅᑏᑦ: ᐊᑕᐅᓯᖅ ᐃᓄᒃ ᖃᖓᑦᑕᐅᑎᑖᕈᓐᓇᑐᖅ ᐱᖓᓱᓂᑦ ᐊᕐᕌᒍᑕᒫᑦ

RRSP: 6% ᐱᓇᓱᕝᕕᒥᑦ ᑐᓂᕐᕈᓯᐊᑦ

ᑲᑐᑦᔨᓱᑎᒃ ᐃᒻᒪᖃᐅᑌᔭᕐᓃᑦ

ᕿᑲᕆᐊᓪᓚᕖᑦ: 20 ᐅᓪᓗᐃᑦ ᐃᓚᖃᕐᑎᓗᒋᑦ 10-ᓂᒃ ᐅᓪᓗᓂᒃ ᖁᕕᐊᓱᕝᕕᒥ.

ᑕᙯᕐᓯᒍᓐᓇᕖᑦ: 30 ᐅᓪᓗᐃᑦ/ᐊᕐᕌᒍᒥ

ᐱᓇᓱᒍᒪᐅᑎᑎᑦ ᐊᓪᓚᓯᒪᔪᑦ ᐊᐅᓪᓚᑎᓪᓗᒋᑦ ᐅᕗᖓ:

Human Resources Department

Kativik Regional Government

P.O.Box 9

Kuujjuaq (Quebec) J0M 1C0

FAX: (819) 964-2975

E-mail: humanresources@krg.ca

ᑖᓐᓇ KRG ᐊᑦᔨᒌᑦᓯᐊᒥᒃ ᐱᓇᓱᑦᑎᓯᒐᓱᐊᕐᑎ. ᑕᒪᓐᓇ ᒪᓕᑦᓱᒍ ᐊᒻᒪᓗ ᐊᒥᓯᐯᒥ ᐊᒻᒪᓗ ᑯᐯᑉ ᑕᕐᕋᖓᓄᑦ ᐊᖏᖃᑎᒌᓐᓂᖅ

ᖃᓄᐃᓕᖓᐅ†ᑦ ᐊᑦᔨᕷᕆᖕᖏ©ᑐᐃᓐᓇᕆᐊøᑦ Üᓪᓚᑐᐃᒐᓱᐊᒧᑦ ᐃᓄᑐᐃᓐᓇᓂᒃ ᐱᓇᓱᑦᑎÌᕋᓱᐊᕐᓂᖅ.

ᐅᓇᑕᒃÏᑕᐅᔪᐃᑦ ᑭᓯᐊᓂ ᐊᐱᕐᓱᑕᐅᒍᒪᓂᕐᒧᑦ ᖃᐅᔨᑎᑕᐅᒐᔭᕐᑐᑦ ᐊᓪᓚᓯᒪᔪᕐᑎᒍᑦ.