ᐃᓕᓐᓂᐊᓂᕐᒨᓕᖓᔪᓂᒃ ᐃᑲᔪᕐᑎ CONSAT2303-01 - ᑲᑎᕕᒃ ᐃᓕᓴᕐᓂᓕᕆᓂᖅ

ᐱᓇᓱᒐᖅ: ᐃᓕᓐᓂᐊᓂᕐᒨᓕᖓᔪᓂᒃ ᐃᑲᔪᕐᑎ

ᐊᓪᓚᕕᖓ: ᐃᓘᓐᓈᒍᑦ ᐊᐅᓚᑦᓯᓂᓕᕆᓂᖅ

ᑮᓇᐅᑦᔭᓵᑦ: ᐱᒋᐊᕐᓱᓂ $48,689 ᑎᑭᑦᓱᓂ $83,462 ᐱᓇᓱᐊᕐᓯᒪᓂᖓ ᖃᐅᔨᒪᓂᖓᓗ ᒪᓕᑦᓱᒍ

ᐱᓇᓱᒐᐅᑉ ᑭᑎᑦᔪᑎᖓ: CONSAT2303-01

ᓇᓃᓐᓂᓴᖓ: ᒪᓐᑐᔨᐊᒥ

ᖃᓄᐃᑦᑑᓂᖓ: ᐃᓇᖏᕐᓯᓯᒪᔪᖅ

ᐱᒋᐊᕐᕕᓴᖓᑕ ᐅᓪᓗᖓ: ᐁᕆᓕ 2023-ᒥᑦ ᔫᓂ 2023-ᒧᑦ ᓄᑕᐅᓯᓕᕐᑕᐅᑐᐃᓐᓇᕆᐊᖃᕐᓱᓂ

ᑲᑎᕕᒃ ᐃᓕᓴᕐᓂᓕᕆᓂᖅ ᐃᓕᓴᕐᓂᓕᕆᓂᐅᕗᖅ ᐃᓕᓐᓂᐊᓂᓕᕆᓂᕐᒥᒃ ᐱᑕᖃᕐᑎᓯᑦᓱᓂ ᓄᓇᓕᓐᓂ 14-ᓂᒃ ᓄᓇᕕᒻᒥ

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᒥᒃ ᓇᓗᓀᕐᑕᐅᒍᑎᓄᑦ, ᐱᓇᓱᒐᖓ ᐃᓕᓐᓂᐊᓂᕐᒨᓕᖓᔪᓂᒃ ᐃᑲᔪᕐᑎ ᕿᒥᕐᕈᔨᐅᒐᔭᕐᑐᖅ, ᐃᒣᓕᒋᐊᕆᔨᐅᓗᓂ, ᓯᕗᓕᕐᓗᓂ ᐊᒻᒪᓗ

ᐃᑲᔪᕐᓗᓂ ᐃᓕᓐᓂᐊᑎᓂᒃ ᐅᕕᒐᕐᑐᓂᒃ ᐊᒻᒪᓗ ᐃᓄᒻᒪᕇᑦ ᐃᓕᓐᓂᐊᕕᖏᓐᓂ ᐱᕙᓪᓕᐊᑎᑦᓯᓗᑎᒃ ᐱᓇᓱᒐᕐᒧᑦ ᐸᕐᓀᓂᖏᓐᓂᒃ ᐊᒻᒪᓗ ᓇᓪᓕᑳᕆᓗᓂ ᐃᓕᓐᓂᐊᓂᕐᒧᑦ

ᐊᕐᖁᓯᐅᕐᓂᒥᒃ ᐃᓅᓯᖓᑕ ᐱᐅᓯᖓᑕ ᐊᑦᔨᖓᓅᓕᖓᔪᒥᒃ ᐊᒻᒪᓗ ᑐᕌᒐᓱᐊᕐᑕᖏᑦᑕ. ᑖᓐᓇ ᐱᓇᓱᒐᖅ ᐅᑯᓂᖓ ᐃᓚᐅᑎᑦᓯᔪᖅ ᑲᒪᒋᔭᕆᒋᐊᓕᖏᓐᓂᒃ:

• ᐃᓚᐅᓗᓂ ᐱᕙᓪᓕᐊᑎᑦᓯᓂᕐᒧᑦ ᐊᒻᒪᓗ ᐊᑐᓕᕐᑎᓯᓂᕐᒧᑦ ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᑐᑭᒧᐊᑦᑎᓯᓂᕐᒧᑦ ᐱᒍᑦᔨᓂᕐᒥᒃ ᐃᓕᓐᓂᐊᓂᕐᒧᑦ ᐊᒻᒪᓗ ᐊᐅᓚᑦᓯᓂᓕᕆᓂᕐᒧᑦ ᐱᒍᓐᓇᓯᒋᐊᓕᖏᓐᓂᒃ ᑕᒪᖏᓐᓄᑦ ᐃᓕᓐᓂᐊᓂᕐᒧᑦ ᑐᕐᖃᑕᕐᕕᖓᓄᑦ ᑯᐯᒻᒥ ᐊᒻᒪᓗ ᐃᓕᓴᕐᓂᓕᕐᓂᒥ;

• ᕿᒥᕐᕈᓗᓂ ᐃᓕᓐᓂᐊᑏᑦ ᒪᓕᓪᓗᒋᑦ ᐱᒍᒪᔭᖏᑦ, ᐳᕐᑐᓂᖓᓄᑦ ᐃᓕᑦᓯᓯᒪᓂᖓᑕ, ᐱᒍᓐᓇᑕᖏᓐᓄᑦ, ᐃᓅᓯᖓᓄᑦ, ᐱᓇᓱᐊᕐᓯᒪᓂᖓᓄᑦ ᐊᒻᒪᓗ ᐃᒻᒥᓄᑦ ᑭᖕᖒᒪᒋᔭᖏᓐᓄᑦ, ᐊᑐᕐᓗᑎᒃ ᐊᑦᔨᒌᖏᑐᓂᒃ ᐊᒻᒪᓗ ᓈᒻᒪᓈᕐᑐᓂᒃ ᐱᓇᓱᐊᕈᑎᓂᒃ;

• ᐃᑲᔪᕐᓗᓂ ᐃᓕᓐᓂᐊᑎᓂᒃ ᐃᒻᒥᓂᒃ ᖃᐅᔨᓴᕐᓂᖃᕐᑎᓗᒋᑦ ᐊᒻᒪᓗ ᐋᕐᕿᓱᐃᓗᑎᒃ ᐃᓘᓐᓈᒍᑦ ᑕᑯᓐᓇᓂᖏᓐᓂᒃ ᐃᒻᒥᓂᒃ, ᖃᐅᔨᓴᕐᓗᑎᒃ ᐊᒻᒪᓗ ᑐᑭᓯᓴᕐᑎᓗᒋᑦ ᖃᓄᐃᓕᖓᓂᕆᔭᖏᓐᓂᒃ ᐊᒻᒪᓗ ᑐᑭᑖᕐᓗᑎᒃ ᐃᒻᒥᓄᑦ ᐊᒻᒪᓗ ᐱᓇᓱᒐᕐᒧᑦ ᑐᕌᒐᖏᓐᓂᒃ, ᑐᑭᓯᓗᑎᒃ ᑐᑭᓯᑎᑕᐅᒍᑎᕕᓂᖏᓐᓂᒃ, ᑐᑭᓯᒪᓂᕐᒥᒃ, ᐃᓱᒪᒋᓗᒋᑦ ᐊᒻᒪᓗ ᖄᖏᒍᓐᓇᓂᖓᓂᒃ ᐃᓅᓯᕐᒥᓂ ᐊᒻᒪᓗ ᐃᓅᖃᑎᒌᓐᓂᒧᑦ ᐱᓀᓗᑕᖏᓐᓂᒃ;

• ᐱᑕᖃᕐᑎᓯᓗᓂ ᐃᑲᔪᕐᓂᒥᒃ ᐃᓕᓐᓂᐊᑎᓄᑦ ᕿᓂᕐᓂᖏᓐᓄᑦ ᐊᑐᕋᑦᓴᖏᓐᓂᒃ ᑐᕌᒐᓕᓐᓂᒃ ᐱᒍᓐᓇᓯᑎᑦᓯᓂᕐᒥᒃ ᖄᖏᒍᓐᓇᓂᖏᓐᓂᒃ ᐱᓀᓗᑕᓂᒃ ᐃᓕᓐᓂᐊᓂᖓᓅᓕᖓᔪᓂᒃ ᐊᒻᒪᓗ ᐃᓅᓯᕐᒧᑦ ᐊᒻᒪᓗ ᐱᓇᓱᒐᕐᒧᑦ ᐃᓚᐅᓕᕐᑎᓯᓂᕐᒧᑦ;

• ᐃᑲᔪᕐᓯᓗᑎᒃ ᖃᐅᔨᔭᐅᑎᑦᓯᓂᕐᒥᒃ ᐊᒻᒪᓗ ᓇᓗᓀᕐᓯᓂᕐᒥᒃ ᐃᓕᓐᓂᐊᑎᓂᒃ ᐅᖁᒣᓪᓕᐅᕈᑎᓕᓐᓂᒃ, ᐊᑐᕐᓗᑎᒃ ᐱᓇᓱᐊᕈᑎᓂᒃ ᑕᑯᓐᓇᓂᓕᓐᓂᒃ ᐱᓂᕐᓗᑌᓕᑎᑦᓯᓂᕐᒥᒃ ᐊᒻᒪᓗ ᐱᓇᓱᐊᕐᓂᒥᒃ; ᐱᓇᓱᐊᖃᑎᖃᕋᔭᕐᑐᖅ ᐊᑦᔨᒌᖕ`ᖏᑐᓂᒃ ᐱᓇᓱᒐᓕᓐᓂᒃ ᐱᓇᓱᖃᑎᒌᖏᓐᓂᒃ ᐊᑐᐃᓐᓇᕈᕐᑎᓗᑎᒃ ᐊᒻᒪᓗ ᕿᒥᕐᕈᓗᑎᒃ ᐃᓕᓐᓂᐊᑎᐅᑉ ᐃᒻᒥᒎᕐᑐᓂᒃ ᐃᓕᓐᓂᐊᓂᓕᕆᓂᕐᒧᑦ ᐸᕐᓇᓯᒪᐅᑎᓂᒃ ᐃᓚᐅᑎᑦᓯᓗᑎᒃ, ᐸᕐᓀᓂᕐᒥᒃ, ᐱᓇᓱᐊᕈᑎᒋᓚᖓᔭᒥᓂᒃ, ᕆᐊᖃᑐᐊᕈᓂ ᐊᒻᒪᓗ ᐱᑕᖃᕐᑎᓯᓗᓂ ᐱᕙᓪᓕᐊᓂᖓᓄᑦ ᑐᓴᕐᑎᓯᒍᑎᒥᒃ, ᓀᑦᑐᒥᒃ ᑐᓴᕐᑎᓯᓂᕐᒥᒃ ᐊᒻᒪᓗ ᐃᒣᓗᖁᔨᒍᑎᓂᒃ ᐊᐅᓚᑦᓯᓂᓕᕆᓂᕐᒥᒃ ᐱᓇᓱᑦᑎᓄᑦ;

• ᐃᓚᐅᓗᓂ ᖃᓄᐃᓕᔭᐅᒍᑎᖏᓐᓂᒃ ᐱᓇᓱᐊᕈᑎᑦᓭᑦ ᑐᕌᒐᖏᓐᓂᒃ ᐊᒻᒪᓗ ᐊᑐᕐᑕᐅᔪᑦᓴᓂᒃ ᐱᓇᓱᐊᖃᑎᒌᓐᓂᑎᒍᑦ ᐊᓯᖏᓐᓂᒃ ᐱᓇᓱᖃᑎᒌᓂᒃ ᐊᒻᒪᓗ ᐱᓇᓱᕝᕕᐅᔪᓂᒃ ᐊᑦᔨᒌᓕᕐᑎᓯᓗᑎᒃ ᐊᒻᒪᓗ ᐊᑕᐅᑦᓯᑰᓕᕐᑎᓯᓗᑎᒃ ᐱᓇᓱᐊᕈᑎᓂᒃ ᐊᒻᒪᓗ ᕿᒥᕐᕈᓗᑎᒃ ᑲᔪᓯᑦᓯᐊᓂᖏᓐᓂᒃ ᑐᕌᒐᕆᔭᐅᔪᑦ;

• ᐃᒣᓕᒋᐊᕆᓗᓂ ᐃᓕᓐᓂᐊᕕᓐᓂᒃ ᐱᓇᓱᑦᑎᓂᒃ ᐊᒻᒪᓗ ᐊᖓᔪᕐᖄᕆᔭᐅᔪᓂᒃ, ᐱᑕᖃᕐᑎᓗᒋᑦ ᐊᓪᓚᓯᒪᔪᓂᒃ, ᐊᒻᒪᓗ ᐃᒣᓕᒋᐊᕆᓗᓂ ᐱᓇᓱᐊᕐᑕᐅᒋᐊᓕᓐᓂᒃ ᐱᒍᓐᓇᓯᑎᑦᓯᓚᖓᔪᓂᒃ ᓇᓗᓀᕐᓯᓂᕐᒧᑦ ᐃᑲᔪᕐᓯᔪᓂᒃ ᐃᓕᓐᓂᐊᑎᐅᑉ ᐃᒻᒥᒍᑦ, ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᐱᒍᓐᓇᓯᕙᓪᓕᐊᓂᖓᓄᑦ;

• ᐸᕐᓀᓗᓂ, ᐋᕐᕿᓱᐃᓗᓂ ᐊᒻᒪᓗ ᐱᑕᖃᕐᑎᓯᓗᓂ ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᑐᓴᕐᑎᓯᓂᕐᒧᑦ ᐱᓇᓱᐊᕈᑎᓂᒃ ᐃᓕᓐᓂᐊᑕᖏᓐᓄᑦ ᐱᑕᖃᕆᐊᓕᓐᓂᒃ, ᐱᓇᓱᒐᕐᒧᑦ ᐊᒻᒪᓗ ᐱᓇᓱᒉᑦ ᖃᓄᐃᑦᑑᓕᕐᓂᖏᓐᓄᑦ, ᐊᒻᒪᓗ ᐃᑉᐱᒋᔭᖃᕐᓗᓂ ᓂᐅᕕᕐᓂᒧᑦ ᐊᒻᒪᓗ ᓄᑕᐅᓯᓕᑎᕆᓂᕐᒧᑦ ᐊᑦᔨᐅᖏᑦᑐᒧᑦ ᖃᐅᔨᒋᐊᕐᕕᓴᐅᒍᓐᓇᑐᓂᒃ (ᕿᒥᕐᕈᐊᓂᒃ, ᖃᕆᑕᐅᔭᑎᒍᑦ ᐱᓇᓱᐊᕈᑎᓂᒃ, ᖃᕆᑕᐅᔭᓕᕆᒍᑎᓂᒃ ᐊᒻᒪᓗ ᐊᓯᖏᓐᓂᒃ) ᐊᒻᒪᓗ ᐱᑕᖃᕐᑎᓯᓗᓂ ᐃᑲᔪᕐᓯᓂᕐᒥᒃ ᐃᓕᓐᓂᐊᑎᓄᑦ ᐊᒻᒪᓗ ᐱᓇᓱᑦᑎᓄᑦ ᐊᑐᕐᑐᓄᑦ ᑖᒃᑯᓂᖓ;

• ᐋᕐᕿᓱᐃᓗᓂ ᐊᒻᒪᓗ ᐊᑕᑎᑦᓯᓗᓂ ᐃᓅᖃᑎᒌᓐᓂᒥᒃ ᐊᒻᒪᓗ ᐱᓇᓱᐊᖃᑎᒌᓐᓂᒥᒃ ᑭᒡᒐᑐᕐᑎᖏᓐᓂᒃ ᐱᓇᓱᒐᕐᓕᕆᓂᕐᒥᒃ, ᐊᖓᔪᕐᖄᖏᓐᓂᒃ ᐊᒻᒪᓗ ᓄᓇᓕᒻᒥᐅᓂᒃ ᐃᓚᐅᑐᐃᓐᓇᕆᐊᓕᓐᓂᒃ ᐱᑕᖃᕐᑎᓯᓗᑎᒃ ᐊᒻᒪᓗ ᐃᑲᔪᕐᓗᑎᒃ ᐃᓕᓐᓂᐊᓂᕐᒧᑦ ᐊᒻᒪᓗ ᐱᓇᓱᒐᕐᒧᑦ ᓯᕗᓕᕐᓂᒥᒃ ᐃᓕᓐᓂᐊᑎᓂᒃ;

• ᐊᑐᐃᓐᓇᕈᕐᑎᓗᓂ ᐊᒻᒪᓗ ᓄᑕᐅᓯᓕᑎᕆᓗᓂ ᐊᓪᓚᓯᒪᔪᓂᒃ ᒪᓕᓪᓗᒋᑦ ᐱᐅᓯᕆᔭᐅᒋᐊᓖᑦ ᐊᑐᕐᑕᐅᒋᐊᓕᓐᓄᑦ ᐱᓇᓱᒐᕐᒧᑦ ᐊᒻᒪᓗ ᒪᓕᒐᖏᓐᓄᑦ ᐊᓪᓚᑕᐅᓯᒪᓂᖏᓐᓄᑦ ᐃᓕᓴᕐᓂᓕᕆᓂᕐᒧᑦ ᐊᒻᒪᓗ ᑐᕐᖃᑕᕐᕕᖓᓄᑦ ᐃᓕᓐᓂᐊᓂᓕᕆᓂᕐᒧᑦ ᑯᐯᒻᒥ;

• ᐊᑐᐃᓐᓇᕈᕐᑎᓗᓂ ᐱᕙᓪᓕᐊᓂᕐᒧᑦ ᐊᓪᓚᓯᒪᐅᑏᑦ ᐅᕝᕙᓘᓐᓃᑦ ᕿᒥᕐᕈᔭᐅᓂᖓᓄᑦ, ᐃᓱᓕᓂᖓᓄᑦ ᐱᕙᓪᓕᐊᓂᖓᑕ ᐊᒻᒪᓗ ᖃᐅᔨᒋᐊᕐᑕᐅᓂᖓᓄᑦ ᑐᓴᕐᑎᓯᒍᑏᑦ ᐱᓇᓱᐊᕈᑎᓄᑦ ᐊᑐᕐᑕᐅᔪᕕᓂᕐᓄᑦ;

• ᐊᓯᓕᒫᖏᓪᓗ ᐱᓇᓱᒐᖓᓅᓕᖓᔪᑦ ᐊᐱᕆᔭᐅᒍᓂ ᐊᖓᔪᕐᖄᒥᓄᑦ.

ᐱᒍᓐᓇᐅᑎᒋᒋᐊᓕᖏᑦ:

ᐳᕐᑐᓂᕐᓴᐅᑉ ᐊᓪᓕᖓᓂᒃ ᐃᓕᓐᓂᐊᓂᕐᒨᓕᖓᔪᓂᒃ ᐱᔪᓐᓇᐅᑎᒃ ᐃᓱᐊᕐᓭᓂᕐᒥᒃ, ᐃᓕᓐᓂᐊᓂᕐᒥᒃ, ᐅᕝᕙᓘᓐᓃᑦ ᐊᑐᕐᓂᖃᕈᓐᓇᑐᒥᒃ ᐱᓇᓱᐊᕐᑕᐅᔪᒥᒃ ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᔭᒥᓂᒃ ᐱᓇᓱᒐᕐᑖᕋᓱᑦᑐᒥᒃ ᑕᑯᓯᒪᑐᐊᕈᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ, ᐊᒻᒪᓗ ᑖᓐᓇ ᐊᖏᕐᓯᒪᑦᓱᓂᐅᑉᐸᑦ, ᐱᓇᓱᑦᑎᑖᕆᔭᐅᓂᖓᑕ ᖃᓄᐃᓕᖓᓂᖓᓄᑦ ᐃᓚᒋᔭᐅᓂᐊᕐᑎᓗᒍ, ᐱᒋᐅᕐᓴᑎᑦᓯᒍᑎᓂᒃ ᐃᓚᐅᕕᖃᕋᔭᕐᓂᒥᒃ ᓇᓗᓀᕐᑕᐅᔪᓂᒃ ᐃᓕᓴᕐᓂᓕᕆᓂᕐᒧᑦ. ᐃᓱᐊᕐᖁᑎᐅᒍᓐᓇᑐᑦ; ᖃᐅᔨᒪᔭᖃᕐᓗᓂ ᐃᓄᒃᑎᑑᕐᓂᒥᒃ ᐅᕝᕙᓘᓐᓃᑦ ᐅᐃᒍᐃᑎᑑᕐᓂᒥᒃ ᐱᓇᓱᐊᕐᓯᒪᓗᓂ ᐅᑭᐅᕐᑕᑐᒥ ᓄᓇᖃᕐᖄᓯᒪᔪᓪᓗ ᐃᓕᓐᓂᐊᓂᓕᕆᓂᖓᓂ

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2153-ᒥᒃ

ᐱᓇᓱᕝᕕᖃᕋᔭᕐᑐᖅ: $48,689-ᒥᑦ $83,462-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑮᓇᐅᑦᔭᓵᖏᓐᓄᑦ ᐃᓚᐅᑎᓪᓗᒍ ᐅᑯᓂᖓ ᐱᕙᓪᓕᖁᑎᑖᕈᓐᓇᒥᔪᖅ:

• 20 ᐅᓪᓗᐃᑦ ᕿᑲᕐᓀᑦ ᐊᑭᓕᕐᑕᐅᓱᑎᒃ

• ᐱᓇᓱᐊᕈᓰᒃ ᒪᕐᕉᒃ ᐊᑭᓕᕐᑕᐅᓗᓂ ᕿᑲᕐᓈᒃ

• ᓄᓇᒃᑰᔫᕐ ᖃᑭᕈᓐᓇᑐᖅ ᐊᑮᑦᑐᒥ

• ᐱᓇᓱᑦᑎᐅᑉ ᐃᓚᖏᑦᑕᓗ ᐃᑲᔪᕐᓯᒪᔭᐅᒍᑎᖓ

• ᐱᓇᓱᒐᕐᓂᒃ ᓄᐃᑦᓯᕙᓪᓕᐊᒍᓐᓇᓯᓃᑦ

• ᐱᓇᓱᕝᕕᒥ ᐱᐅᓰᒋᐊᕐᓂᒥᑦ ᐱᓇᓱᐊᕐᕕᓴᖅ

ᒪᑯᓂᖓᓗ ᐱᕙᓪᓕᖁᑎᑖᕈᓐᓇᓱᓂ:

• ᐊᐅᔭᒥ ᐱᓇᓱᐊᕐᕕᓴᖅ

• ᑕᕐᕋᒥᐅᒍᓂᕐᒧᑦ ᐊᑭᓕᕐᑕᐅᒋᐊᓪᓚᕈᑏᑦ

• ᓂᖀᑦ ᑎᑭᓴᕐᑕᐅᓂᖏᓐᓄᑦ ᐊᑭᓕᕐᑕᐅᒍᑏᑦ

• ᓅᓐᓂᒧᑦ ᐊᑭᓕᕐᑕᐅᓂᕐᒧᑦ ᐱᔫᒥᐅᑏᑦ

• ᐱᓇᓱᑎᑦᖃᑯᑖᕐᓂᖅ ᐱᓇᓱᑦᑎᐅᒍᒪᑎᑦᓯᒐᓱᐊᕐᓂᒧᓪᓗ

ᐊᑭᓕᕐᑕᐅᒋᐊᓪᓚᕈᑏᑦ

• ᐱᒐᓱᕕᓪᓗᓂ ᑎᑭᓪᓗᒍ ᐅᑎᕐᕈᑎᖃᕐᓱᓂ ᖃᖓᑦᑕᐅᑏᑦ ᓄᓇᕕᒻᒥᓗ

ᐱᑦᓱᑎᒃ

ᐱᓇᓱᒐᕐᑖᕋᓱᐊᕐᓂᐅᑉ ᐃᓱᓕᕕᖓ: 4:00 pm, ᒫᑦᔨ 28, 2023

ᐱᓇᓱᒐᕐᑖᒐᓱᐊᕈᒪᑐᐊᕈᕕᑦ, ᓇᓪᓕᑳᕐᓗᑎᑦ ᐅᑯᐊ ᓇᓪᓕᖏᓐᓂᑦ ᐃᓕᒐᓱᐊᕈᑕᐅᒍᓐᓇᑐᓂᒃ:

1. ᐅᕗᖕᖓᓗᑎᑦ ᖃᕆᑕᐅᔭᕐᑎᒍᑦ ᓴᕐᕿᑎᑦᓯᕕᑦᑎᓄᒃ (https://career.kativik.qc.ca/) ᓇᕐᓂᓗᒍ/ᓃᓂᕐᓗᒍ “Apply”, ᐅᕝᕙᓘᓐᓂᑦ

2) ᐱᓇᓱᓐᓂᕕᕐᓂᐱᑦ ᐊᓪᓚᓯᒪᔪᖏᑦ ᐊᐅᓪᓚᑎᓗᒋᑦ ᐅᕗᖓ applications@kativik.qc.ca ᓇᓗᓀᕐᓗᒍᓗ CONSAT2303-01 ᐅᖄᔭᐅᔪᒥ

ᖃᕆᑕᐅᔭᕐᑎᒍᑦ ᐊᓪᓚᕕᖃᕐᕕᒧᑦ (e-mail).

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ