ᐃᓕᓐᓂᐊᕈᑎᑦᓴᓕᐅᕐᑎ ᐃᓄᑦᑎᑐᑦ (ᐃᓕᓐᓂᐊᕈᑎᑦᓴᓕᐅᕐᓂᒥᒃ ᖃᐅᔨᒪᔨ) - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ,

ᐃᓂᖓ ᐱᓇᓱᐊᕆᐊᓕᖏᓪᓗ:

ᐊᖓᔪᕐᖄᖃᕐᓗᓂ ᐊᑕᐅᑦᓯᑰᕐᑎᓯᔨᒥᒃ ᓄᓇᕕᒃ ᓯᕗᓂᑦᓴᕘᒻᒥ, ᐃᓕᓐᓂᐊᕈᑎᑦᓴᓕᐅᕐᑎ ᐱᓇᓱᐊᖃᑦᑕᕋᔭᕐᑐᖅ:

·       ᐃᓚᐅᖃᑕᐅᓗᓂ ᑲᔪᓯᑎᑦᓯᒐᓱᐊᕐᓂᑯᑦ ᓄᐃᑕᒌᕐᑐᓂᒃ ᐃᓕᓐᓂᐊᕈᑎᑦᓴᓂᑦ ᐊᒻᒪᓗ ᑕᒻᒪᓯᒪᔪᓐᓂᐊᓗᒋᑦ ᐊᒻᒪᓗ/ᐅᕝᕙᓘᓐᓃᑦ ᓄᑕᐅᓯᓕᕐᑐᓗᒋᑦ ᐃᓄᑦᑎᑑᕐᑐᑦ ᐃᓕᓐᓂᐊᕈᑎᑦᓭᑦ ᓄᓇᕕᒃ ᓯᕗᓂᑦᓴᕘᒻᒥ;

·       ᐃᓕᓐᓂᐊᑕᐅᔪᑦᓴᓂᒃ ᐱᓇᓱᐊᕐᓗᓂ ᓱᖏᐅᑎᓴᑦᓯᐊᑎᓗᒋᑦ ᐊᒻᒪᓗ ᐱᕙᓪᓕᐊᑎᑦᓯᖃᑎᐅᓗᓂ ᐃᓄᒃᑎᑐᑦ ᐃᓕᓐᓂᐊᕋᑦᓴᐅᔪᓂ ᓄᓇᕕᒃ ᓯᕗᓂᑦᓴᕘᒻᒥ;

·       ᕿᒥᕐᕈᓗᒋᑦ ᐊᒻᒪᓗ ᑲᑎᕐᓱᓗᒋᑦ ᓄᐃᑕᒌᕐᑐᑦ ᐊᑐᕋᑦᓭᑦ (ᐊᑐᐊᒐᓕᐊᕕᓃᑦ, ᐅᓕᕐᓀᓯᒍᑏᑦ, ᑕᕐᕋᓕᔮᓕᐊᕕᓃᑦ, ᐊᓯᖏᓪᓗ) ᐊᒻᒪᓗ ᐊᑐᐃᓐᓇᕈᕐᑎᓗᒋᑦ ᐃᓕᓐᓂᐊᑎᓄᑦ ᐊᑐᕐᑕᐅᖃᑦᑕᖁᓪᓗᒋᑦ ᓄᓇᕕᒃ ᓯᕗᓂᑦᓴᕘᒻᒥ;

·       ᐊᓯᖏᓐᓂᑦ ᐱᔭᑦᓴᐅᖁᔭᐅᔪᓂᒃ ᐊᖓᔪᕐᖄᒥᓄᑦ ᐱᓇᓱᐊᖃᑦᑕᒥᓗᓂ.

ᐱᒍᓐᓇᐅᑎᒋᒋᐊᓕᖏᑦ:

ᐃᓕᓐᓂᐊᕕᕐᔪᐊᒥ ᐱᔭᕇᕈᓯᕐᑕᐅᓯᒪᓗᓂ ᐊᑐᕐᓂᖃᕈᓐᓇᑐᓂᒃ ᐆᒃᑐᕋᐅᑎᒋᓗᒍ ᐃᓕᓐᓂᐊᓂᓕᕆᓂᕐᒥᒃ ᐅᕝᕙᓘᓐᓃᑦ ᑲᑎᕕᒃ ᐃᓕᓐᓂᐊᓂᓕᕆᓂᕐᒥᒃ ᐃᓕᓐᓂᐊᑎᑦᓯᔩᑦ ᐃᓕᓐᓂᐊᑎᑕᐅᓂᖏᓐᓂ ᐱᔭᕇᕈᑎᑖᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᐊᑐᙱᑑᒍᓐᓇᑐᖅ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᓗᓂ

ᐊᑐᕈᓐᓇᕆᐊᓕᖏᑦ:

·       ᐃᓄᒃᑎᑐᑦ ᐅᖄᒍᓐᓇᓯᐊᕐᓗᓂ;

·       ᐃᓄᒃᑎᑐᑦ ᐊᒡᓚᓯᐊᒻᒪᕆᒍᓐᓇᓗᓂ;

·       ᐱᓇᓱᓚᐅᕐᓯᒪᑐᐊᕈᓂ ᐃᓕᓐᓂᐊᕈᑎᑦᓴᓂᒃ ᐋᕐᕿᓱᐃᓂᕐᒥᒃ ᐃᓕᓐᓂᐊᕈᑎᑦᓴᓕᐅᕐᓂᒥᓪᓗ ᐳᕐᑐᓂᕐᓭᑦ ᐃᓕᓐᓂᐊᒐᖏᓐᓂᒃ;

ᐱᐅᔪᖁᑎᒋᔭᖅ:

·       ᐃᓕᓐᓂᐊᓚᐅᕐᓯᒪᑐᐊᕈᓂ ᐃᓕᓐᓂᐊᕈᑎᑦᓴᓕᐅᕐᓂᒥᒃ;

·       ᓄᓇᕕᒻᒥ ᐃᓕᓐᓂᐊᑎᑦᓯᔨᐅᓚᐅᕐᓯᒪᓗᓂ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᒋᑦ ᐱᓇᓱᒍᑦᔨᓂᕐᒧᑦ ᐊᖏᕐᓯᒪᐅᑎᖏᑦ ᐱᒍᓐᓇᐅᑎᓖᑦ ᐱᓇᓱᑦᑏᓗ ᑲᑐᑦᔨᖃᑎᒌᓐᓂᖏᑦ ᑯᐯᑉ ᑕᕐᕋᖓᓂ. ᑖᓐᓇ ᐱᓇᓱᒐᖅ 2104-ᒥᒃ ᐱᓇᓱᕝᕕᖃᕋᔭᕐᑐᖅ: $56,670-ᒥᑦ $105,432-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.