ᖃᕆᑕᐅᔭᓕᕆᓂᕐᒥ ᑐᑭᓯᓇᕐᑎᓯᔨ (ᐳᑯᑦᑕᐅᒪᔪᓂᒃ ᑐᑭᓯᒐᓱᐊᕐᑎ) - KI

ᑲᑎᕕᒃ ᐃᓕᓐᓂᐊᓂᓕᕆᓂᖅ ᐃᓕᓐᓂᐊᓂᖃᕐᑎᓯᔨᐅᕗᖅ ᐃᓄᓐᓂᒃ ᓄᓇᕕᒻᒥᐅᓂᒃ. ᐱᓇᓱᕝᕕᐅᑎᑕᖏᑦ ᓄᓇᓕᓐᓂ 14-ᓃᑦᓱᑎᒃ ᑕᓯᐅᔭᕐᔪᐊᑉ ᐅᖓᕙᐅᓪᓗ ᓯᑦᔭᒋᓐᓂ. ᐊᓪᓚᕕᒻᒪᕆᖓ,

ᐃᓂᖓ ᐱᓇᓱᐊᕆᐊᓕᖏᓪᓗ:

ᖃᕆᑕᐅᔭᒥ ᐳᑯᑦᑕᐅᔪᓂᒃ ᑐᑭᓯᒪᑦᓯᐊᕈᓐᓇᓂᖅ ᐊᑐᕐᑕᐅᓗᑐᕐᓗᓂ ᑭᓯᐊᓂᐅᒻᒪᑦ ᑲᑎᕕᒃ ᐃᓕᓴᕐᓂᓕᕆᓂᐅᑉ ᑐᕌᒐᖓᓂ ᐃᓕᓐᓂᐊᕈᑎᑦᓴᓂᒃ ᐱᐅᔪᓂᒃ ᐱᒍᑦᔨᒍᑎᖏᓐᓂᑦ ᐃᓄᓐᓄᑦ ᓄᓇᕕᒻᒥ.  ᐊᖓᔪᕐᖄᖃᕐᓗᓂ ᐳᑯᑦᑕᐅᒪᔪᓕᕆᒍᑎᓂᒃ ᐊᑕᐅᑦᓯᑰᕐᑎᓯᔨᒥᒃ, ᖃᕆᑕᐅᔭᓕᕆᓂᕐᒥ ᑐᑭᓯᓇᕐᑎᓯᔨᖓ ᐃᑲᔪᕐᓯᖃᑦᑕᓚᖓᔪᖅ ᐳᑯᑦᑕᐅᒪᔪᓕᕆᓂᐅᑉ ᐃᓘᓐᓀᑎᒍᑦ ᐱᓇᓱᐊᕐᑕᐅᒍᑎᖏᑦᑕ:  ᐳᑯᑦᑕᐅᔪᑦ ᐊᐅᓚᑦᓯᓂᕐᒨᓕᖓᔪᑦ ᖃᕆᑕᐅᔭᓕᕆᐅᑏᑦ, ETL ᐱᓇᓱᑦᑕᐅᓂᖏᑦ, ᑐᓴᕐᑎᓯᒍᑎᓕᐅᕐᓂᖅ, ᑐᑭᓯᓇᕐᑎᓯᒍᑎᓯᐅᕐᓂᖅ, ᐊᒻᒪᓗ ᑐᑭᓯᓇᓕᕐᑎᓯᓂᖅ.  ᖃᕆᑕᐅᔭᓕᕆᓂᕐᒥ ᑐᑭᓯᓇᕐᑎᓯᔨ ᐃᑲᔪᕐᑎᒋᔭᐅᓗᓂ ᐱᒍᑦᔨᓚᖓᔪᖅ ᐱᓇᓱᐊᕐᕕᒥ ᖃᕆᑕᐅᔭᓂᒃ ᐊᑐᕐᑎᓄᑦ ᐱᒍᓐᓇᓂᖃᕐᑎᓗᒋᓗ ᖃᕆᑕᐅᔭᑰᓱᑎᒃ ᐳᑯᑦᑕᐅᓯᒪᔪᓂᒃ ᑐᑭᓯᒪᑦᓯᐊᕈᓐᓇᓂᑎᒍᑦ.  ᑖᓐᓇ ᖃᓄᐃᓘᕐᑎᐅᕕᒃ ᐱᒍᓐᓇᑕᖃᕆᐊᖃᕐᒪᑦ ᐱᓪᓗᑯᒋᐊᓕᓐᓂᒃ, ᑐᑭᓯᒐᓱᐊᕐᓂᓂᒃ ᐊᒻᒪᓗ ᑐᓴᐅᒪᖃᑎᒌᒍᑎᓂᒃ ᐱᒃᑲᕆᒍᑎᓂᒃ.  ᑲᒪᒋᔭᕆᐊᓕᖏᑦ ᐅᑭᓂᖓ ᐃᓚᖃᕐᓱᑎᒃ ᑖᒃᑯᑑᖕᖏᑲᓗᐊᕐᓱᑎᒃ:

·     ᑐᑭᓯᒪᓗᓂ ᐊᒻᒪᓗ ᐊᒡᓚᓯᒪᔪᓕᐅᕐᓗᓂ ᐱᓇᓱᐊᕐᕕᒥ ᖃᕆᑕᐅᔭᒃᑯᑦ ᐱᓇᓱᒍᓯᐅᔪᓂᒃ ᖃᕆᑕᐅᔭᒥ ᐳᑯᑦᓯᒪᔪᑦ ᐋᕐᕿᓱᕐᓯᒪᒍᓯᖏᓐᓂᓗ.

·     ᖃᐅᔨᒋᐊᕐᕕᒋᔭᐅᓗᓂ ᖃᕆᑕᐅᔭᒃᑯᑦ ᐱᓇᓱᒍᑎᓂᑦ ᐊᑐᕐᑕᐅᒌᕐᑐᓅᓕᖓᔪᓄᑦ (ᐆᒃᑐᕋᐅᑎᒋᓗᒍ, ᐃᓕᓐᓂᐊᑏᑦ ᖃᐅᔨᒪᔭᐅᒍᑎᖏᓐᓄᑦ ᖃᕆᑕᐅᔭᓕᕆᒍᑏᑦ;

·     ᑖᒃᑯᐊ ᖃᕆᑕᐅᔦᑦ ᐱᓇᓱᒍᑎᖏᑦ ᐳᑯᑦᓯᒪᔪᓕᐅᕈᑎᖏᑦᑕ ᐱᐅᓯᒋᐊᕐᑕᐅᒍᑎᑦᓴᖏᓐᓂᒃ ᒪᓂᔨᒍᑎᓕᐅᖃᑦᑕᓗᓂ;

·     ᑲᒪᔨᓂᒃ ᐱᓇᓱᖃᑎᖃᕐᓗᓂ ᐱᕙᓪᓕᐊᑎᑦᓯᒍᑎᓂᒃ KPI-ᓂᒃ ᐅᓪᓗᑕᒫᕐᓯᐅᑎᓄᑦ ᐊᐅᓚᒍᑎᓄᑦ ᑲᑎᕕᒃ ᐃᓕᓴᕐᓂᓕᕆᓂᕐᒥᓗ ᖃᓄᐃᓘᕈᑎᑦᓴᖃᕐᓂᒧᑦ ᐸᕐᓀᒍᑎᒥ;

·     ᓄᐃᑦᓯᓗᓂ ᑲᒪᒋᔭᙯᓐᓇᐸᓪᓗᓂᓗ ᖃᕆᑕᐅᔭᒃᑯᑦ Power BIᒥ ᐊᒻᒪᓗ SSRSᒥ ᑐᓴᕐᑎᓯᒍᑎᓂ;

·     ᑐᓴᐅᒪᑎᑦᓯᒍᑎᖃᕐᓗᓂ ᑐᑭᓯᒐᓱᐊᕈᑎᓂᒃ ᐊᒻᒪᓗ ᓄᐃᕙᓪᓕᐊᔪᓂᒃ ᖃᕆᑕᐅᔭᒃᑰᑐᓂᒃ ᑐᑭᓯᒍᑎᑎᒍᑦ, ᑕᑯᑦᓴᐅᑎᓚᕿᔭᖏᓐᓂᒃ, ᖃᓄᑎᒋᓗ ᐊᑐᕐᑕᐅᒪᖔᑕ ᑐᓴᕐᑎᓯᒍᑎᓂ;

·     ᖃᕆᑕᐅᔭᓂᒃ ᐊᑐᕐᑐᓄᑦ ᐊᐱᕐᓲᑎᐅᔪᓂᒃ ᑭᐅᖃᑦᑕᓗᓂ ᑐᑭᓯᒐᓱᐊᕈᑦᔨᖃᑦᑕᓗᓂᓗ ᐱᓇᓱᕝᕕᓂᑦ ᐳᕐᑐᓂᓕᕇᓂᑦ ᓇᓪᓕᑐᐃᓐᓇᖏᓐᓂᑦ ᐊᐱᕐᓲᑎᖃᓕᑐᐊᕐᐸᑕ (SQL, Python).

ᐱᒍᓐᓇᐅᑎᒋᒋᐊᓕᖏᑦ:

·     ᐳᕐᑐᓂᕐᓴᐅᑉ ᐊᓪᓕᖓᓂᒃ ᐱᔪᓐᓇᐅᑎᑖᕐᓯᒪᓗᓂ ᐃᓕᓐᓂᐊᕕᕐᔪᐊᒥ ᐊᑐᕐᓂᖃᕈᓐᓇᑐᒥᒃ ᐱᓇᓱᐊᕐᑕᒥᒃ.

·     ᐊᑕᐅᓯᕐᒥᑦ ᐱᖓᓱᓄᑦ ᐊᕐᕌᒍᓐᓂᒃ ᐊᑐᕐᓂᖃᕈᓐᓇᑐᒥᒃ ᐱᓇᓱᓚᐅᕐᓯᒪᓗᓂ.

ᐃᓕᓐᓂᐊᓂᓕᕆᓂᖅ ᖁᓛᓂ ᐅᖃᕐᑕᐅᔪᓂᒃ ᐊᑐᖕᖏᑑᑎᑦᓯᒍᓐᓇᑐᖅ ᐱᒍᓐᓇᐅᑎᒋᔭᐅᒋᐊᓕᓐᓂᒃ ᓈᒻᒪᑐᕆᑦᓯᒍᓂ ᐊᖏᖃᑎᒌᓐᓂᒧᑦ ᐃᓚᐅᒍᑎᖃᕐᑐᒥᒃ ᐱᓇᓱᒐᕐᑖᕋᓱᐊᕐᑐᒥᒃ. ᐃᓕᓐᓂᐊᓂᓕᕆᓂᐅᓪᓗ ᐱᒋᐅᕐᓴᑎᑦᓯᒍᑎᖏᓐᓂᒃ ᐃᓚᐅᕕᖃᕋᔭᕐᓂᒥᒃ ᐊᖏᕐᓯᒪᔪᒥᒃ.

ᐊᑐᕈᓐᓇᕆᐊᓕᖏᑦ:

·     ᖃᐅᔨᒪᓪᓚᕆᒋᐊᓕᒃ SQL ᐊᒻᒪᓗ Power BI ᖃᕆᑕᐅᔭᓕᕆᒍᑎᖏᓐᓂᒃ ᐱᒍᓐᓇᓯᐊᕐᓗᓂ, Python ᖃᕆᑕᐅᔭᓕᕆᒍᑎᖏᓐᓂᒃ ᐱᒍᓐᓇᒐᓚᓪᓗᓂ.  ᖃᐅᔨᒪᓗᓂ .NET (C#H ᐊᒻᒪᓗ/ᐅᕝᕙᓘᓐᓃᑦ Salesforce-ᒥᒃ ᐱᐅᔫᒐᔭᕐᑐᖅ;

·     ᐱᒍᓐᓇᓂᖓ ᑕᑯᑦᓴᐅᓗᓂ ᑐᑭᓯᓇᕐᑎᓯᓂᕐᒥᒃ ᐱᔭᕆᐊᑐᔪᖑᐊᓂᒃ ᖃᕆᑕᐅᔭᒥ ᐳᑯᑕᐅᓯᒪᔪᓂᒃ ᖃᐅᔨᒐᓱᐊᕈᑎᐅᓂᒃᑯᑦ ᑐᑭᖃᓕᑦᓯᔭᐅᒍᓐᓇᑐᓕᐊᕆᓗᒋᑦ.

·     ᐱᓇᓱᖃᑎᖃᕈᓐᓇᓗᓂ ᑐᓴᐅᒪᖃᑎᖃᑦᓯᐊᕈᓐᓇᓗᓂᓗ ᐊᑦᔨᒌᖕᖏᑐᓂᒃ ᓇᖕᒥᓂᖃᖃᑎᐅᔪᓂᒃ, ᐃᓚᒋᔭᐅᑎᓪᓗᒋᑦ ᐳᕐᑐᓂᕐᓭᑦ ᑲᑎᖕᖓᔩᑦ, ᐃᓕᓐᓂᐊᕖᑦ ᐊᐅᓚᑦᓯᔨᖏᑦ, ᐊᒻᒪᓗ ᐃᓕᓐᓂᐊᑎᑦᓯᔨᖏᑦ;

·     ᐱᓇᓱᓚᐅᕐᓯᒪᓗᓂ ᖃᐅᔨᒪᔭᖃᕐᓗᓂᓘᓐᓃᑦ ᐃᓕᓐᓂᐊᓂᓕᕆᓂᕐᒥ, ᐱᓗᐊᕐᑐᖅ ᓄᓇᖃᕐᖄᓯᒪᔪᑦ ᐃᓕᓐᓂᐊᓂᓕᕆᓂᖏᓐᓂᑦ, ᐱᐅᔫᒐᔭᕐᑐᖅ;

·     ᐃᑉᐱᒍᓱᑦᓯᐊᕈᓐᓇᓗᓂ, ᐃᓱᒪᖓ-ᓱᓇᑐᐃᓐᓇᓄᑦ ᐅᒃᑯᐃᖔᕈᓐᓇᓗᓂ, ᑌᒪᖕᖓᑦ ᐃᓄᑐᐃᓐᓀᑦ ᐱᓇᓱᑦᑏᑦ ᐃᓚᐅᑎᑕᐅᓂᖏᓐᓂᒃ ᓯᕗᓪᓕᐅᑎᑦᓯᖏᓐᓇᐸᓪᓗᓂ;

·     ᐅᖄᒍᓐᓇᓯᐊᕐᓗᓂ ᒪᕐᕉᓂᒃ ᐊᑕᐅᕐᑕᐅᔪᓂᑦ ᐅᖃᐅᓯᕐᓂᑦ ᑲᑎᕕᒃ ᐃᓕᓴᕐᓂᓕᕆᓂᕐᒥ (ᐃᓄᒃᑎᑐᑦ, ᒍᐃᒍᐃᑎᑐᑦ, ᐅᕝᕙᓘᓐᓃᑦ ᖃᓪᓗᓈᑎᑐᑦ);

·     ᐊᕐᕕᑕᕈᓐᓇᕆᐊᓕᒃ ᓄᓇᕕᓕᒫᒥ, ᐊᐅᓪᓚᒋᐊᖃᓕᑐᐊᕈᓂ;

·     ᓄᓇᕕᒻᒥ ᐱᓇᓱᓚᐅᕐᓯᒪᒍᓂ ᐱᐅᔫᒐᔭᕐᑐᖅ.

ᑮᓇᐅᑦᔭᓵᖏᑦ / ᐱᓇᓱᒐᖓᑕ ᑌᔭᐅᓂᖓ / ᐃᓱᕐᕉᑎᑦᓴᖏᓪᓗ:

ᒪᓕᑦᓱᑎᒃ SPPENOM-ᑯᑦ ᐱᔪᓐᓇᐅᑎᓖᑦ ᑲᑐᑦᔨᖃᑎᒌᓐᓂᖓᑕ ᐊᖏᖃᑎᒌᓐᓂᖓᓂᒃ; ᑖᓐᓇ ᐱᓇᓱᒐᖅ ᐱᓇᓱᒉᑦ ᓇᓗᓀᕐᑕᐅᓯᒪᕕᖓᓂ 2120-ᒦᑦᑐᖅ:  ᐱᒋᐊᕐᑐᑦ $48,689-ᒥᑦ $83,462-ᒧᑦ ᑎᑭᐅᑎᒍᓐᓇᑐᑦ ᐊᕐᕌᒍᑕᒫᑦ ᐱᒍᓐᓇᐅᑎᖏᑦ ᐱᓇᓱᐊᕐᓯᒪᓂᖏᓪᓗ ᒪᓕᑦᓱᒋᑦ. ᐱᕙᓪᓕᖁᑎᑖᕈᑎᓕᒫᑦ ᐱᖃᕐᑎᑕᐅᔪᑦ ᑐᖕᖓᕕᒋᑦᓱᒋᑦ ᐱᔭᑦᓴᖏᑦᑕ ᐳᓴᓐᑎᖏᑦ.

ᑌᒃᑯᐊ ᐱᓇᓱᒐᕐᑖᕋᓱᑦᑐᑦ ᐃᓂᒧᑦ ᑖᑦᓱᒧᖓ ᐅᓇᒻᒥᒋᔦᑦ ᑭᓯᐊᓂ ᐅᖃᓕᒪᕕᐅᓛᕐᑐᑦ.